▫️ساقیا، سونموش منه نظّاره‌دن اول گؤز، شراب،
یوخسا سالماز کیمسه‌نی بو گونلره، یالنیز شراب.
ایستیرم یانماق، ولی بیر آتشین محفلده، کیم-
بزم مجمر، من سپند، اود ساقی اولسون، گؤز شراب.
گؤر نه کیفیّت وئرر صهبا الیندن، کیم سنین-
قامتین مینا، لبین‌دیر جام، لعلِ سؤز شراب.
شادمانم گر سن ایله قان وئرر دوران منه،
بیر غمیم دفع ائیله‌مز گر سن‌سیز ایچسم یوز شراب.
منع ائدیر ناصح منی مئیدن، دئین یوخدورمو کیم،
مدّعا ساقی‌دیر، ای بی‌درد! سؤزدور، سؤز شراب.
دُردکش‌دیر «قوسیِ» مخمور، سن صاف ایسته‌سن-
ساقیا، زنهار چشمیم پرده‌سیندن سوز شراب!...
#قوسی_تبریزی
@SheirOcagi
یوخسا سالماز کیمسه‌نی بو گونلره، یالنیز شراب.
ایستیرم یانماق، ولی بیر آتشین محفلده، کیم-
بزم مجمر، من سپند، اود ساقی اولسون، گؤز شراب.
گؤر نه کیفیّت وئرر صهبا الیندن، کیم سنین-
قامتین مینا، لبین‌دیر جام، لعلِ سؤز شراب.
شادمانم گر سن ایله قان وئرر دوران منه،
بیر غمیم دفع ائیله‌مز گر سن‌سیز ایچسم یوز شراب.
منع ائدیر ناصح منی مئیدن، دئین یوخدورمو کیم،
مدّعا ساقی‌دیر، ای بی‌درد! سؤزدور، سؤز شراب.
دُردکش‌دیر «قوسیِ» مخمور، سن صاف ایسته‌سن-
ساقیا، زنهار چشمیم پرده‌سیندن سوز شراب!...
#قوسی_تبریزی
@SheirOcagi
▫️نه سرکش شعله‌دیر بو، وه! بو نه قدّ و نه قامت‌دیر!
قیامتلر قیامیندن قیام ائتمیش قیامت‌دیر.
نه کاکیل‌دیر کی، عنبرسیز اولوب بادِ صبا اوندان،
جهان هم اول صبا فیضی‌یله رشکِ باغِ جنّت‌دیر.
فلکده اؤیله پوزموش مهر و ماهین رونقین حُسنون،
کی، اولدوزلار بو اوزدن هر بیری بیر چشمِ حیرت‌دیر.
گؤز و قاشین اگر اسلام و کفرو ائتمه‌میش یکسان،
بو نه میخانه‌دیر، بس اول نه محرابِ امامت‌دیر؟!
نه رنگ‌آمیزدیر، یارب، بهارِ خطِّ سبزین! کیم،
گلستان‌لار اونون دورونده رنگ‌آمیز خجلت‌دیر.
کلامِ معجزه‌ن جام و لبِ شیرین کلامیندن،
دولودور شور ایله دنیا و لبریزِ حلاوت‌دیر.
بیلیبدیر تا جمالین معنیسین، ای سبزه‌ی گلگون!
نه صورت کی، مصوِّر نقش ائدر، مشقِ خجالت‌دیر.
چمندن پرتوِ رخسار ایله، یارب، سن اؤتدون؟! کیم،
گل و شبنم، به عینه، چشمِ حیرت، اشکِ حسرت‌دیر.
گلیر ساغ و سولوندا حوری‌وش‌لر اول ملَک، «قوسی!»
نه اؤلموشسن، دور ای بی‌درد، گؤر کیم، نه قیامت‌دیر!...
#قوسی_تبریزی
#شعر_اوجاغی
@SheirOcagi
قیامتلر قیامیندن قیام ائتمیش قیامت‌دیر.
نه کاکیل‌دیر کی، عنبرسیز اولوب بادِ صبا اوندان،
جهان هم اول صبا فیضی‌یله رشکِ باغِ جنّت‌دیر.
فلکده اؤیله پوزموش مهر و ماهین رونقین حُسنون،
کی، اولدوزلار بو اوزدن هر بیری بیر چشمِ حیرت‌دیر.
گؤز و قاشین اگر اسلام و کفرو ائتمه‌میش یکسان،
بو نه میخانه‌دیر، بس اول نه محرابِ امامت‌دیر؟!
نه رنگ‌آمیزدیر، یارب، بهارِ خطِّ سبزین! کیم،
گلستان‌لار اونون دورونده رنگ‌آمیز خجلت‌دیر.
کلامِ معجزه‌ن جام و لبِ شیرین کلامیندن،
دولودور شور ایله دنیا و لبریزِ حلاوت‌دیر.
بیلیبدیر تا جمالین معنیسین، ای سبزه‌ی گلگون!
نه صورت کی، مصوِّر نقش ائدر، مشقِ خجالت‌دیر.
چمندن پرتوِ رخسار ایله، یارب، سن اؤتدون؟! کیم،
گل و شبنم، به عینه، چشمِ حیرت، اشکِ حسرت‌دیر.
گلیر ساغ و سولوندا حوری‌وش‌لر اول ملَک، «قوسی!»
نه اؤلموشسن، دور ای بی‌درد، گؤر کیم، نه قیامت‌دیر!...
#قوسی_تبریزی
#شعر_اوجاغی
@SheirOcagi
▫️عاشقه نه نعمتِ الوان، نه جنّت‌دیر غرض،
ایکی عالمده اونا شغلِ محبّت‌دیر غرض.
بلبلِ زار ایله فرقیم وار منیم یئردن گؤیه،
کیم، اونا گُلبن، منه اول سروِ قامت‌دیر غرض.
دم‌به‌دم تیغیندن اؤلمکدن منه مقصود، کیم،
سایه‌ی بالِ هُمادان خلقه دولت‌دیر غرض.
ای دئین کیم «تلخ اولور گفتاری شیرین‌لب‌لرین»،
نشئه‌دیر مقصود صهبادان، نه لذّت‌دیر غرض.
ایچیریر جامِ زر ایچره زهرِ قاتل تشنه‌یه،
اول کی احساندان اونا تحویلِ منّت‌دیر غرض.
مطلبیم لذّت دئییل اهلِ هوس تک، کیم منه،
وصلدن بیر اؤزگه درد و داغ و محنت‌دیر غرض.
میوه اوچون باغبان هر نخلی ائیلر تربیت،
خلقتیندن نوعِ انسانین محبّت‌دیر غرض.
غنچه‌ی گل سن تک ای بلبل، بیتیرمز یارامی!
کیم، منه منظور معنی‌دیر، نه صورت‌دیر غرض.
سویا مئیلین تشنه‌نین موجِ سراب افزون ائدر،
«قوسی»یه عشقِ مجازیدن حقیقت‌دیر غرض.
#قوسی_تبریزی
#شعر_اوجاغی
@SheirOcagi
ایکی عالمده اونا شغلِ محبّت‌دیر غرض.
بلبلِ زار ایله فرقیم وار منیم یئردن گؤیه،
کیم، اونا گُلبن، منه اول سروِ قامت‌دیر غرض.
دم‌به‌دم تیغیندن اؤلمکدن منه مقصود، کیم،
سایه‌ی بالِ هُمادان خلقه دولت‌دیر غرض.
ای دئین کیم «تلخ اولور گفتاری شیرین‌لب‌لرین»،
نشئه‌دیر مقصود صهبادان، نه لذّت‌دیر غرض.
ایچیریر جامِ زر ایچره زهرِ قاتل تشنه‌یه،
اول کی احساندان اونا تحویلِ منّت‌دیر غرض.
مطلبیم لذّت دئییل اهلِ هوس تک، کیم منه،
وصلدن بیر اؤزگه درد و داغ و محنت‌دیر غرض.
میوه اوچون باغبان هر نخلی ائیلر تربیت،
خلقتیندن نوعِ انسانین محبّت‌دیر غرض.
غنچه‌ی گل سن تک ای بلبل، بیتیرمز یارامی!
کیم، منه منظور معنی‌دیر، نه صورت‌دیر غرض.
سویا مئیلین تشنه‌نین موجِ سراب افزون ائدر،
«قوسی»یه عشقِ مجازیدن حقیقت‌دیر غرض.
#قوسی_تبریزی
#شعر_اوجاغی
@SheirOcagi
▫️امّیدوار قیلمیش ایکن برگ و بر منی،
جوشِ بهار ائیله‌دی زیر و زبر منی.
یوز یئرده یاردی باغریمی الماسِ امتحان،
اول گون کی ائتدی خازنِ حکمت گُهر منی.
ناله‌م یئتیردی گؤیلره جسمیم غبارینی،
آه و فغان کی ائتدی اثر بی‌اثر منی.
ساقی! آیاغا* قانیمی گر تؤکمک ایسته‌سن،
باری شرابِ ناب ایله ائت بیخبر منی!
بیر عمر اونا کبابِ سرانجام وئرمیشم،
سرخوش گؤزون هنوز سانیر بی‌جگر منی.
عاشقده عقل و هوش گرک‌دیر نثار اوچون،
چوخ داخی ائتمه بیخبر، ای بیخبر منی!
دؤورِ زمان و گردشِ افلاک نئیله‌سین؟
«قوسی!» سالیبدیر اؤز نظریم دربه‌در منی.
#قوسی_تبریزی
* قدح- پیاله
#شعر_اوجاغی
@SheirOcagi
جوشِ بهار ائیله‌دی زیر و زبر منی.
یوز یئرده یاردی باغریمی الماسِ امتحان،
اول گون کی ائتدی خازنِ حکمت گُهر منی.
ناله‌م یئتیردی گؤیلره جسمیم غبارینی،
آه و فغان کی ائتدی اثر بی‌اثر منی.
ساقی! آیاغا* قانیمی گر تؤکمک ایسته‌سن،
باری شرابِ ناب ایله ائت بیخبر منی!
بیر عمر اونا کبابِ سرانجام وئرمیشم،
سرخوش گؤزون هنوز سانیر بی‌جگر منی.
عاشقده عقل و هوش گرک‌دیر نثار اوچون،
چوخ داخی ائتمه بیخبر، ای بیخبر منی!
دؤورِ زمان و گردشِ افلاک نئیله‌سین؟
«قوسی!» سالیبدیر اؤز نظریم دربه‌در منی.
#قوسی_تبریزی
* قدح- پیاله
#شعر_اوجاغی
@SheirOcagi