UGANDA: Akizungumza katika Kongamano la Afrika la Ulinzi wa Taarifa Binafsi, Meya wa Entebbe, Fabrice Rulinda anasema “Watu wamekuwa na uhuru wa kutoa taarifa za wengine bila ridhaa zao, mfano unaweza kupigiwa simu kuwa mtu fulani alikopa na kama hatalipa tutakufuata wewe.”

Ameongeza kuwa hiyo ni kero na inaonesha jinsi kulivyo na upungufu wa Ulinzi wa Taarifa Binafsi, ambapo pia amesema hali hiyo imekuwa ikisababisha Watu wengi kupokea matangazo mbalimbali, ambayo hawakuwahi kuridhia kuyapokea au kutoa namba zao kwa wanaotuma matangazo hayo

Amesema katika Kongamano la Afrika kuhusiana na Ulinzi wa Taarifa Binafsi jijini Kampala linaloendeshwa na ADRH (Africa Digital Rights Hub) ikishirikiana na JamiiForums pamoja na Wadau wengine, likihusisha Mafunzo, Mijadala na kubadilishana uzoefu katika Ulinzi wa taarifa Binafsi na Faragha za Watu

Fuatilia https://jamii.app/DPAS2024

#JamiiForums #PrivacyAfrica #DataProtection #DPAS2024 #DigitalWorld

KOREA KUSINI: Wabunge 190 kati ya 300 wamepiga Kura ya kuzuia utekelezwaji wa Amri ya Rais Yoon Suk Yeol ya kutangaza Utawala wa Kijeshi, baada ya kuwatuhumu Wabunge wa upinzani kupingana na Serikali yake, pamoja na kushirikiana na Korea Kaskazini

Muda mfupi baada ya Amri hiyo kutolewa, Vikosi vya Kijeshi viliripotiwa kuzingira Bunge kwaajili ya kutekeleza Amri ya Rais lakini Wabunge wamefanikiwa kupiga Kura na kuifuta, ambapo Spika wa Bunge, Woo Won Shik amesema Amri ya Kiijeshi ilikuwa "Batili" na kwamba Wabunge watalinda demokrasia na watu

Kwa mujibu wa baadhi ya Sheria za Utawala wa Kijeshi ni pamoja Vyombo vya habari na machapisho yote kuwa chini ya udhibiti wa Kijeshi, Migomo na mikusanyiko inayochochea machafuko ya kijamii inapigwa marufuku, huku Watumishi wa Afya wakiwemo Madaktari waliopo kwenye Mgomo kwa zaidi ya miezi 11 wakitakiwa kurejea kazini ndani ya saa 48

Soma https://jamii.app/SouthKoreaMartialLaw

#JamiiForums #Governance #Democracy

#JamiiForums #16DaysOfActivism24 #WomenRights #EndGBV #ProtectWomen #JFWomen #NoExcuse #PingaUkatiliMtandaoni

NAMIBIA: Chama Tawala cha South West Africa People’s Organisation (SWAPO) kimefanikiwa kubaki Madarakani baada ya Mgombea wake Netumbo Nandi-Ndaitwah (72), kushinda nafasi ya Urais kwa 57.31% na kuwa Rais wa kwanza Mwanamke wa Nchi hiyo

Atakuwa Rais wa 5 wa Namibia na Mwanamke mwingine anayeingia katika orodha ya Marais Wanawake Barani Afrika, inayowajumuisha Ellen Johnson Sirleaf wa Liberia (2006 - 2018), Joyce Banda wa Malawi (2012 - 2014), Samia Suluhu Hassan wa Tanzania kuanzia 2021 hadi sasa, nk

Alikuwa Makamu wa Rais wa Chama cha SWAPO chini ya Rais Hage Geingob, aliyefariki Februari 2024 na Makamu wa Rais anayemaliza muda wake, Nangolo Mbumba, aliyeendelea na jukumu la mpito baada ya kifo cha Geingob

Soma https://jamii.app/SWAPOAgain

#JamiiForums #Democracy #Governance #CivilRights

USAFIRISHAJI: Treni ya Abiria ya Kisasa (SGR) iliyokuwa ikitokea Dar kuelekea Dodoma imeripotiwa kukwama katika Stesheni ya Kilosa Mkoani Morogoro kwa kilichoelezwa kuwa ni hitilafu ya Umeme na hivyo kusababisha safari hiyo kushindwa kuendelea

JamiiForums imewasiliana na Mkuu wa Kitengo cha Uhusiano TRC, Fredy Mwanjala kuhusu taarifa hiyo, amesema “Siwezi kuzungumzia hilo kwa sasa hadi nitakapopata taarifa ya mafundi.”

Ikumbukwe, Julai 30, 2024, TRC iliomba radhi kutokana na hitilafu ya Kukatika kwa Umeme iliyosababisha Treni ya #SGR kutoka Dar - Dodoma kusimama kwa zaidi ya Saa 2 kati ya Stesheni ya Kilosa na Kidete, taarifa ya awali ilionesha ilisababishwa na Ngedere au Bundi wanapogusa Nyaya za Umeme zilizotandazwa juu ya Reli

Soma https://jamii.app/SGRKilosa

#JamiiForums #Governance #JFHuduma #ServiceDelivery