ARUSHA: Akifungua Maadhimisho ya Siku ya Uhuru wa Vyombo vya Habari 2025, Mkurugenzi Mtendaji wa JamiiAfrica, Maxence Melo amesema kwenye Dunia ya sasa, Vyombo vya Habari havihusishi tena Magazeti, Redio na Televisheni pekee

Amesema “Kuna ongezeko la Watengeneza Maudhui wa Kidigitali ikijumuisha Wanablogu, Wapigapicha huru, Vloggers, Podcasters na wengine wengi ambao kwa ubunifu wao, wamepanua mipaka ya Uhuru wa Kujieleza.”

Maxence ameongeza “Tunatambua mchango wao mkubwa katika kuweka Jamii zetu hai kwa taarifa, fikra na mazungumzo muhimu. Tunasisitiza kuwa Uhuru wa Habari lazima uwe shirikishi, ukilinda na kuenzi Haki za makundi yote yanayochangia katika mnyororo wa Mawasiliano ya kisasa.”

Soma https://jamii.app/WPFD2025DayOne

#WorldPressFreedomDay #WPFD2025 #PressFreedom #MediaAndAI #AIForMedia

ARUSHA: Mkurugenzi Mtendaji wa JamiiAfrica, Maxence Melo amesema “Kuelekea Uchaguzi Mkuu, tunatoa wito kwa Mamlaka, Taasisi, Vyama vya Siasa na Jamii kwa ujumla kuheshimu na kulinda Uhuru wa Vyombo vya Habari, kuhakikisha hakuna vitisho, mashinikizo wala vizingiti vinavyowekwa kwa wanaohakikisha Wananchi wanapata taarifa sahihi, za kina na kwa wakati.”

Ameongeza “Leo tunapenda kukumbushana kuwa Uhuru wa Vyombo vya Habari sio Hisani, bali ni Haki ya Msingi inayodaiwa na kulindwa kila Siku na ni jukumu letu sote – Wanahabari, Watengeneza Maudhui, Wanateknolojia, Watunga Sera na Raia.”

Soma https://jamii.app/WPFD2025DayOne

#WorldPressFreedomDay #WPFD2025 #PressFreedom #MediaAndAI #AIForMedia

ARUSHA: Mkurugenzi Mtendaji wa JamiiAfrica, Maxence Melo amesema “Ripoti ya UNESCO ya Mwaka 2023 kuhusu Uhuru wa Vyombo vya Habari inaeleza kuwa Uwezo wa kupima ubora wa taarifa ni ujuzi muhimu kwa kila Mtu katika karne ya ishirini na moja"

Amesema kuwa katika nyakati hizi, kuimarisha Akili Mnemba si tu hitaji la Mtu binafsi, bali ni jukumu la pamoja kwa tasnia ya Habari na Jamii nzima. Pia, Uhuru wa Vyombo vya Habari unapata maana kamili pale unapochanganyika na Uwajibikaji, Uchambuzi wa kina na uelewa sahihi wa taarifa zinazochakatwa

Maxence ameongeza “Hii inaonesha si Vyombo vya Habari pekee vinavyopaswa kuwa na viwango vya juu vya weledi, bali Jamii inapaswa kujifunza jinsi ya kuwa Wasomaji, Watazamaji na Wasikilizaji makini.”

Soma https://jamii.app/WPFD2025DayOne

#WorldPressFreedomDay #WPFD2025 #PressFreedom #MediaAndAI #AIForMedia

ARUSHA: Mkurugenzi Mtendaji wa JamiiAfrica, Maxence Melo amesema Kaulimbiu ya Mwaka 2025 katika Maadhimisho ya Siku ya Uhuru wa Vyombo vya Habari 2025 ni “Uhabarishaji katika Dunia Mpya: Mchango wa Akili Mnemba kwenye Uhuru wa Vyombo vya Habari.”

Ameeleza kuwa Kaulimbiu hiyo inakumbusha katika nyakati hizi za taarifa nyingi na Teknolojia za Kisasa, kunahitajika uwezo wa ziada kuchuja, kuchambua na kuelewa taarifa kwa umakini wa hali ya juu ili kulinda Uhuru wa Habari na kuhakikisha Uwajibikaji wa wanaohabarisha na wanaohabarishwa

Maxence amesema “Katika Mazingira haya mapya, Akili Mnemba (AI) imekuwa nyenzo isiyokwepeka katika Tasnia ya Habari na Uchakataji Taarifa. Wanahabari na jamii kwa ujumla wanahimizwa kuwa na uwezo wa kuchambua chanzo cha taarifa na kutambua upendeleo au propaganda zinazoweza kuathiri maudhui.”

Soma https://jamii.app/WPFD2025DayOne

#WorldPressFreedomDay #WPFD2025 #PressFreedom #MediaAndAI #AIForMedia

ARUSHA: Akizungumza katika Maadhimisho ya Siku ya Uhuru wa Vyombo vya Habari 2025, Balozi wa Sweden-Tanzania, Charlotta Ozaki Macias amesema Dunia inabadilishwa na Akili Mnemba (AI) ambayo ina faida nyingi lakini pia ina changamoto zake ikiwemo upotoshaji wa taarifa na kupungua kwa nafasi ya kiraia

Balozi Charlotta amesema AI zinasisimua na zinatisha pia, zinaweza kuwasaidia Wanahabari kwa kurahisisha kazi na kuchakata kiasi kikubwa cha taarifa n.k hiyo inasaidia kutengeneza habari za ubora wa juu na zenye ushahidi wa kutosha

Anaongeza “AI inaweza pia kutumiwa kufanya upotoshaji wa taarifa, Picha, Video na Maandishi bandia, inazidi kuwa vigumu kujua ukweli ni upi. Hili si tatizo la Kiteknolojia tu, ni tatizo la Uaminifu."

Soma https://jamii.app/WPFD2025DayOne

#WorldPressFreedomDay #WPFD2025 #PressFreedom #MediaAndAI #AIForMedia #AIForMedia #AIandMedia #HakikiTaarifa #FactsChecking

ARUSHA: Balozi wa Sweden-Tanzania, Charlotta Ozaki Macias anasema “Nchini Sweden, tumejaribu kuelekeza Maendeleo ya Akili Mnemba (AI) kwa njia ya kimaadili. Mkakati wetu wa kitaifa kuhusu AI unalenga mambo matatu kwa kuwa AI inapaswa kufanya kazi kwa ajili ya Watu, si dhidi yao.”

Ameyataja mambo hayo kuwa ni Kulinda faragha na kuhakikisha usalama wa taarifa za Watu, Kufanya AI iwe wazi, ili Watu waelewe jinsi maamuzi yanavyofanyika na Kupambana na upendeleo ili kuhakikisha AI haisaidii kuendeleza Ubaguzi.

Soma https://jamii.app/WPFD2025DayOne

#WorldPressFreedomDay #WPFD2025 #PressFreedom #MediaAndAI #AIForMedia #AIandMedia #HakikiTaarifa #FactsChecking

ARUSHA: Balozi wa Sweden-Tanzania, Charlotta Ozaki Macias anasema “Nimeona ujasiri wa ajabu miongoni mwa Waandishi wa Habari hapa Tanzania na Afrika kwa ujumla, licha ya Rasilimali chache, udhibiti wa Habari na wakati mwingine hata vitisho kwa Maisha yao lakini wanaendelea mbele.”

Ameeleza hivi karibuni alitembelea Umoja wa Klabu za Waandishi wa Habari Tanzania (UTPC) akaona changamoto wanazokabiliana nazo, akitoa Mfano Mkoani Manyara, Wanahabari Vijana walivamiwa walipokuwa wakiripoti kuhusu Ukatili wa Kijinsia

Ameongeza “Njombe, Waandishi walieleza Hadithi ya Watoto wenye Ulemavu wanaofichwa na walifanya hivyo kwa kuhatarisha usalama wao binafsi. Hadithi hizi zilinigusa sana na zilinikumbusha kwanini kazi hii ina umuhimu mkubwa.”

Soma https://jamii.app/WPFD2025DayOne

#WorldPressFreedomDay #WPFD2025 #PressFreedom #MediaAndAI #AIForMedia

ARUSHA: Mwakilishi wa UNESCO Nchini Tanzania, Michel Toto katika uzinduzi wa Maadhimisho ya Siku ya Uhuru wa Vyombo vya Habari Duniani, ametoa wito kwa wadau wa Tasnia ya Habari kuwekeza zaidi katika kulinda Ukweli, Uhuru wa Maoni na mustakabali wa Uandishi wa Habari Duniani, akisema Uandishi wa Habari ni nguzo ya Demokrasia, Uwajibikaji na Amani

Amesisitiza kusema ukweli sio kosa, huku akieleza kwa Mwaka 2025 pekee, UNESCO imetoa zaidi ya matamko 90 kulaani mauaji ya Waandishi wa Habari Duniani kote, ambapo Waandishi wengi wamepoteza maisha kwa kuleta ukweli mbele ya Jamii

Aidha, ametoa tahadhari kuhusu changamoto mpya zinazochangiwa na kuibuka kwa Teknolojia ya Akili Mnemba (AI), akieleza kuwa pamoja na fursa, AI inaleta hatari kubwa kwa Haki na Uhuru wa Vyombo vya Habari

Soma https://jamii.app/WPFD2025DayOne

#WorldPressFreedomDay #WPFD2025 #PressFreedom #MediaAndAI #AIForMedia

ARUSHA: Balozi wa Sweden-Tanzania, Charlotta Ozaki Macias amesema “Kwanini Uhuru wa Kujieleza ni muhimu sana? Na kwanini Nchi kama yangu zinasimama imara kuutetea? Kwasababu tunaamini Watu wanapokuwa huru kusema, kushiriki na kutofautiana, Jamii huwa imara zaidi. Hakuna Mtu au Chama cha Siasa kilicho na majibu yote, ndiyo maana tunahitaji nafasi ya mawazo tofauti kushirikishwa, kupingwa na kuboreshwa.”

Ameongeza “Katika Demokrasia ya Vyama vingi, Uhuru wa Kujieleza unahakikisha Watu wanapata taarifa. Unawasaidia Wapigakura kufanya maamuzi sahihi. Unawafanya Viongozi wawajibike na unaipa nguvu Jamii ya Kiraia kushinikiza Mabadiliko."

Soma https://jamii.app/WPFD2025DayOne

#WorldPressFreedomDay #WPFD2025 #PressFreedom #MediaAndAI #AIForMedia

ARUSHA: Akizungumza katika Maadhimisho ya Siku ya Uhuru wa Vyombo vya Habari 2025, Balozi wa Sweden-Tanzania, Charlotta Ozaki Macias amesema “Tunapoingia kwenye enzi hii ya Kidijitali, Waandishi wa Habari lazima wakabiliane na mashambulizi Mtandaoni, ufuatiliaji wa Kidijitali na taarifa za uongo. Pia, wanapaswa kutafuta njia za kutumia Teknolojia ili kuelimisha na kuhamasisha.”

Soma https://jamii.app/WPFD2025DayOne

#WorldPressFreedomDay #WPFD2025 #PressFreedom #MediaAndAI #AIForMedia #AIandMedia #HakikiTaarifa #FactsChecking

Mtaalamu wa Mawasiliano na Vyombo vya Habari wa EAC, Lilian Kiarie akizungumza kwa niaba ya Katibu Mkuu wa Jumuiya ya Afrika Mashariki (EAC) katika Maadhimisho ya Siku ya Uhuru wa Vyombo vya Habari Duniani 2025 amesema Teknolojia imeimarisha Uandishi wa kiraia huku Watu wa kawaida wakipewa uwezo wa kuripoti matukio kwa wakati halisi, jambo ambalo limepanua Demokrasia ya upatikanaji wa habari

Ametoa wito kwa Waandishi wa Habari kuendelea kushikilia misingi ya ukweli, uadilifu na uwazi, pamoja na Serikali na wadau kulinda Uhuru wa Kujieleza na kukuza ubunifu, ili kuhakikisha Uandishi wa habari unabaki kuwa nguzo ya Demokrasia hata katika enzi za Akili Mnemba

Soma https://jamii.app/WPFD2025DayOne

#WorldPressFreedomDay #WPFD2025 #PressFreedom #MediaAndAI #AIForMedia #AIandMedia #HakikiTaarifa #FactsChecking

Mkurugenzi Mtendaji wa Tanzania Media Foundation, Dastan Kamanzi akizungumza katika Siku ya Kwanza ya Maadhimisho ya Uhuru wa Vyombo vya Habari Duniani ameyataja mambo matatu muhimu wanayohitaji Waandishi wa Habari ili kuboresha kazi zao

Amesema “Waandishi wanahitaji mambo matatu muhimu ili kuboresha kazi zao, kwanza ni Shauku inayohusisha kubadilika na kukua. Pili, ni Utayari unaohusisha Uwekezaji wa maarifa na Uwekezaji wa muda, tatu wanahitaji kudhamiria na kujikita kwenye Majukumu yao”

Soma https://jamii.app/WPFD2025DayOne

#WorldPressFreedomDay #WPFD2025 #PressFreedom #MediaAndAI #AIForMedia #AIandMedia #HakikiTaarifa #FactsChecking

ARUSHA: Akishiriki Majadiliano katika Siku ya kwanza ya Maadhimisho ya Siku ya Uhuru wa Vyombo vya Habari Duniani, Mercy Ndegwa, Mwakilishi wa Kampuni ya Meta amesema Kampuni hiyo imekuwa ikishirikiana kwa karibu na wadau pamoja na Serikali kuboresha Mazingira ya Kidigitali ikiwemo watumiaji wa majukwaa hayo kuingiza kipato

Amesema "Tumeona platforms zetu za WhatsApp na Instagram zimekuwa zikifanya vizuri na kupiganiwa na Watu wengi, tunaona namna gani ya kuweka njia ya kuingiza Fedha (Monetization), tunafanya hivyo kwa kushirikiana na Wadau mbalimbali kwa ukaribu wakiwemo JamiiAfrica"

Ndegwa ameongeza "Tumepitisha mambo kadhaa ikiwemo masuala ya Kodi, ambayo kabla ya kuchukua Maamuzi tunashirikiana na Serikali ya Tanzania katika kutimiza hilo, ili lifanyike kwa njia sahihi, pamoja na hivyo tunazidi kufikiria vitu kwa ajili ya kuboresha ‘tools’ zetu"

Soma https://jamii.app/WPFD2025DayOne

#WorldPressFreedomDay #WPFD2025 #PressFreedom #MediaAndAI #AIForMedia

Akizungumzia suala la Waandaa Maudhui kunufaika kupitia Majukwaa ya Kidigitali, Maxence Melo, Mkurugenzi Mtendaji wa JamiiAfrica amesema "Tumezungumza na wenzetu #Meta, tunashirikiana nao na baadhi ya vikao kati yetu na wao tutafanya kwa njia ya Digitali ili Wadau wengine washiriki na waweze kutoa maoni yafanyiwe kazi. Mikutano hiyo itashirikisha Wadau mbalimbali wakiwemo wa Serikalini na Sekta Binafsi"

Awali Mwakilishi wa Meta, Mercy Ndegwa alisema wameona Majukwaa yao ya Whatsapp na Instagram yamekuwa yakifanya vizuri, hivyo kwa kushirikiana na Wadau wanatafuta namna ya kuweka njia ya kuwawezesha Watumiaji wa majukwaa hayo kujipatia Fedha (Monetization)

Soma https://jamii.app/WPFD2025DayOne

#WorldPressFreedomDay #WPFD2025 #PressFreedom #MediaAndAI #AIForMedia