此為補回2月25日審訊內容~

#觀塘裁判法院第八庭
#屈麗雯裁判官
#1228九龍灣 #審訊[2/8]
#非法集結 #襲警

D1: 15歲手足
D2: 楊(20)
D3: 麥(16)
D4: 丘(16)
D5: 15 歲手足
D6: 15 歲手足
D7: 14 歲手足
D8: 李(16)
D9: 劉(22)
D10: 林(19) 🛑還押中

控罪：
(1)非法集結 (D1-D10)
(2)襲擊在正當執行職務的警務人員(D1,D2,D3) 🛑D2已認罪
(3)襲擊警務人員 (D4)
(4)襲擊警務人員(D5) 🛑已認罪

---------------------------------
🌟按此返回閱讀控方覆問PW1

---------------------------------
📌控方傳召PW2警員23376
PW2於2016年加入警隊，於案發日期隸屬機動部隊F連(訓練大隊)第1小隊。當天於1600與隊員收到任務，需要以便裝身份到德福廣場第一期進行巡邏。於1817到達現場，並收到當值長官的指示，得悉有和你shop 的網民活動，並需要集中留意示威抗爭的人士。

‼️PW2 當時佩戴黑色面巾+Blackbloc假扮示威者，跟隨警長截查D9D10, 大力拉住佢哋推埋牆呼喝，再用胡椒噴劑指向記者鏡頭。‼️

🟢控方 #張卓勤高級檢控官 主問PW2

控: 當日你見唔見到有遊行？
PW: 1930嘅時候，見到有人喺德福廣場近九龍灣地鐵站C出口遊行
控: 睇草圖 P193 有GF, FF(1樓。見唔見到有mark 到 ?你喺地鐵站定係德福廣場入面？
PW:我地喺德福廣場入面近地鐵站C出口。有大概10至20個人做緊嘢。
控: 做緊啲乜嘢？
PW:舉標語，嗌政治口號。期間有叫途人唔好幫襯藍店或者港鐵商鋪。
控: 你話有10-20 人，佢地係移動嘅遊行？遊行？
PW:係
控: 當佢哋遊行期間有冇其他人喺商場入面？
PW:有啲人攞住攝影器材跟住佢哋。
控: 你點知佢哋係拍攝嘅人士而唔係遊行嘅人士？
PW:佢哋手持相機同埋穿着黃背心跟住啲遊行人士。
控: Starbucks 喺G/F,旁邊詢問處。有證供話元氣喺G101-102 .
PW:係
控: 你話見到佢地閂咗門。
PW:係
控: 你係移動定係定點監察？
PW:離遠觀察，跟住佢哋行。
控: 你係跟住隊尾定係隊頭？定係其他位置？
PW: 跟住隊尾
控: 跟住隊尾嘅時候，同佢哋最近嘅距離係？
PW: 7-8 米
控: 最遠？
PW: 20-30米
控: 德福廣場得一個定係多過一個遊行？
PW:1 個
控: 呢個遊行有冇離開 G/F上去 F/F?
PW:我記得係喺地下
控: 有冇喺遊行期間執行警權？
PW: 有，7點幾喺地鐵站C出口隔離嘅Pandora
控: 嗰遊行有冇行？定繼續？
PW:冇，佢地同黃背心一齊指罵警察
控: 呢啲人喺你觀察係諗住離開定繼續停留喺現場？
PW:冇話過離開，佢哋全部企喺度同埋包圍指罵1位警方同事。
控: 咁你做咗啲咩？
PW:見到10-20 人士罵緊便裝同事，所以向佢地作出截停搜查。見到有兩個人喺我哋行近佢哋嘅時候即刻轉身，認為佢哋有可疑，所以就截停咗佢哋，叫佢哋行埋一邊。
控: 佢地有冇行埋一邊？
PW: 有聽指示。但現場好亂，有記者同埋其他人士。所以我將呢兩個人同記者分隔。再去叫其他便衣幫手。當有便衣出現然後有遊行人士向佢施襲，然後場面受控，我地就繼續去截查嗰2名市民。
控: 你話我地去繼續截查兩名市民。我地係咩意思？
PW:我同警員23262 向嗰兩位被截查人士進行搜查。
控: 佢哋係男定女
PW:2個男仔
控: 係兩個人搜查一個定係每人搜查一個？
PW: 每人一個
控: 你負責搜查嘅嗰個市民嘅衣著係？
PW:灰色衛衣
控: 另外嗰位呢？
PW:太耐，我唔太記得，好似係黑色衛衣。
控: 你截查灰色衛衣嗰位嘅時候有冇抄低佢嘅身分證？
PW:有
控: 佢叫咩名？
PW:林志鑫
控: 你點知佢嘅個人資料？
PW:我同佢講話我係警察，叫佢出示身分證，佢就合作咁出示咗。
控: 有冇比對過身分證嘅樣貌？
PW:截查之後有比對，係一樣嘅
控: 有冇記錄？
PW:有記喺本簿同同事check
控: 你記錄嘅就係D10 灰衣男子？
PW:係
控: 你話見到10-20 人士，有沙展帶隊去進行截查？
PW:係
控: 嗰個警長有冇講過截查嘅原因？或者截查之後要做啲乜嘢？
PW:截查嘅原因係覺得佢地涉嫌非法集結。冇講過做咩因為平時有訓練。
控: 當沙展同埋你哋去進行截查嘅時候，你有冇表明警察身份？
PW:我截停佢 ,我話我係警員， 有向D10展示委任證。
控: 我問緊當你想去截查, 沙展帶你地嘅階段。你有冇用任何形式去表露係警員？
PW:有向D10表露
控: 你覺得佢地奇怪，所以帶佢地去一個地方截查？
PW: 係
控: 你話你係警員，係帶佢哋去截查前講，定係之後講？
PW:有
控: 你係去牆邊之後講？
PW:行緊去牆邊嘅時候發生，警長展示委任證係喺牆邊。
控: 我問未到牆邊嘅時候。當你見到嗰啲人，你阿Sir帶你行過去Pandora出面嘅時候。
PW:係
控: 你哋喺邊
PW:根據草圖，我地喺店舖G64-72 中段接近C出口
控: 邊度
PW: 右下方
控: 所以啲人係喺店舖G61-41嘅左下角？
PW: 喺
控: 由你喺店鋪G64-72 嘅角落頭見到有人同埋同事俾人鬧，警長帶你地去進行截查？
PW:係，首先行過去增援。之後先話上前截查。
控: 你哋話要進行截查嘅時候，同嗰啲人士嘅距離係幾遠？
PW: 4-5米
控: 你地行前4-5米，有冇人表露過自己係警員嘅身份?
PW: 唔記得
控: 見到兩個男子覺得轉身奇怪？
PW: 係
控: 你第一眼見到佢地嘅距離係？
PW: 3-4 米
控: 見到呢件事你係向咩方向？
PW: 行緊去C出口
控: 兩個人轉身係由邊度去邊度？
PW: 由面對店舖G61-41 到背對住C出口。
望住我地行緊佢哋，佢地由背向C 出口變望向C 出口。
控: 佢哋面向C出口係靜止定行？
PW: 行緊過去C出口
控: 呢2個另轉面行向C出口。佢哋係同樣嘅速度定係點？
PW: 並排的
控: 同佢地有接觸，行去牆邊。你去接觸嗰兩位人士係你要行快啲定要追上去？
PW: 急步，大步就追到佢地。
控: 呢兩個人有冇離開過你視線？
PW: 冇
控: 嗰兩個人就係D10 同埋黑衣男子？
PW:係
控: 係接觸邊個先？
PW: D10先。我話我係警察，叫佢拍埋牆。
控: 所以警員23262 就係專注喺另一位男士？呢樣嘢係你一開頭就知定幾時？
PW: 當場面受控之後，我就向D10進行截查。有其他警員話可以幫手，我就話你去截查另一個，跟住佢就去咗幫手截查另一位。
控: 將D10 帶去牆截查，你有參與，23262有冇參與？
PW:冇留意
控: 就23262 有冇參與帶D10 去牆？
PW:冇留意
控: 帶去牆邊，開始亂係咩意思？呢啲亂係親眼見定聽人講？
PW:親眼見
控: 親眼見發生嘅時候已經接觸咗D10 ?
PW: 係
控: 行緊去牆定已經到咗？
PW:差唔多到
控: 你話你見到亂，你係行緊定係企喺度？
PW:行緊
控: 你帶D10去牆嘅時候係望邊度？
PW:望D10 同埋後面
控: 你話見到亂，見到咩？
PW:當帶佢哋去牆嘅時候，有揸住相機嘅人士同埋10至20個人包圍我地。亦有人襲擊我隊嘅警署警長。
控: 係劉警長 50970 ?
PW:係
控: 講完亂嘅嘢？
PW: 係
控: 你有冇好仔細留意定係就咁見到？
PW:見到，但係警長叫我望返住D10 怕佢逃脫，之後集中喺D10,後面咩事睇唔到。
控: 喺亂之前，你嘅視線係D10. 亂緊嘅時候，曾經離開D10. 沙展叫你望返D10 ,之後望返過去。
PW:係
控: 幾耐
PW:1-2 秒離開視線
控: 行向D10嘅時間，個混亂情況受控，沙展顯示委任證。咁嗰搜查係混亂停咗先開始定係途中？
PW: 停咗先
控: 你負責D10,截查做咗啲咩？
PW:檢查身上面有冇可疑物品，包括衫袋褲袋，所有可以擺到嘢嘅地方都有搜查。
控: 有冇任何發現？
PW: 冇，所以就查問佢。
控: 問咩？
PW: 你喺度做咩
控: 問邊個？
PW:問D10
控: D10有冇回應？
PW:當時冇講
控: 之後呢？
PW:我同我沙展講截查嘅結果，將D10情況話俾佢知，講搜查完畢。
控: 你同警方報告嘅時間喺邊？
PW: 警長喺身旁
控: 23262 喺你處理 D10 嘅時問有冇幫
你手去截查另一位黑衣男子？
PW: 有
控: 見唔見到佢有冇咁做？
PW:有
控: 呢個截查期間，D10仲喺牆？
PW:喺牆邊
控: 一開始嘅位置定帶遠咗？
PW:向左邊少少。
控: 行近左C出口先截查？
PW: 係
控: 呢個係D10 被截查嘅位置，咁另外個位喺邊度？
PW: 喺隔離
控: 23262 係向黑衣男子進行截查？
PW:係
控: 截查期間周圍環境平靜定係有其他聲音？
PW:有人講嘢
控: 係有人講嘢定係廣播？
PW:有人講嘢，唔記得，過咗太耐
控: 係好似法庭咁靜定有人講嘢？
PW: 有便衣警員喝止緊一啲嘢。
控: 所以截查期間有人大聲說話？
PW:係

🟢控方主問尚未完成

17:03 退庭🌟

案件押後至2021年2月26日 09:30於觀塘裁判法院第八庭續審，期間各被告以原有條件保釋✅

此為補回2月26日審訊內容~

#觀塘裁判法院第八庭
#屈麗雯裁判官
#1228九龍灣 #審訊[3/8]
#非法集結 #襲警

D1: 15歲手足
D2: 楊(20)
D3: 麥(16)
D4: 丘(16)
D5: 15 歲手足
D6: 15 歲手足
D7: 14 歲手足
D8: 李(16)
D9: 劉(22)
D10: 林(19) 🛑還押中

控罪：
(1)非法集結 (D1-D10)
(2)襲擊在正當執行職務的警務人員(D1,D2,D3) 🛑D2已認罪
(3)襲擊警務人員 (D4)
(4)襲擊警務人員(D5) 🛑已認罪

🟡D4 辯方大律師盤問PW2

📍盤問內容簡要：
PW2 主問時聲稱自己一直尾隨遊行隊伍，盤問後被發現於19:46:49根本沒有尾隨。再者，警員於主問時聲稱現場被人包圍及指罵，感害怕才拿出胡椒噴劑。盤問後，其實警員未行過去人群之前已經拿出胡椒噴劑。

📍詳細盤問內容：
辯： 主問有關你發現遊行1935嘅時候，係喺C 出口發現？
P: 係，係尾隨
辯：唔止你一個仲有其他警員？
P: 係
辯： 你話見過D10 喺遊行隊伍嘅人入面行？
P: 係
辯： 你就繼續跟着佢哋，直到去到Pandora出面店舖G64-72?
P: 我要睇圖。
辯： ok 睇返證物P193嘅草圖。睇G/F, G64-72 喺C 出口附近，你見唔見到?
P: 係
辯： 你話大概呢個位置遊行隊伍停咗冇行？你都係？
P: 唔明
辯： 你跟住佢哋直到Pandora出面？
P: 係
辯： 你截查D10之後將佢放行？
P: 係
辯： 你話冇拘捕D10嘅想法
P: 係
辯：雖然D10喺遊行人士入面，亦都有佩戴口罩。但你認為冇足夠嘅證據去作出拘捕，所以公平起見，就將佢放行？
P: 唔係我作供嘅全部。
辯： D10係保持緘默， 冇被通緝？
P: 你唔記得可以去睇清楚
辯：你係話，雖然D10係遊行人士，同埋佩戴口罩。
P: 係
辯：你查問D10 然後佢保持緘默
P: 係
辯： 你冇足夠證據拘捕
P: 係
辯： 貿貿然拘捕對D10唔公平
P: 係
辯： 你講話有處理社會事件嘅經驗？
P: 係
辯： 所以你放行D10 係作為警員嘅專業嘅判斷？
P: 係，當時嘅決定
辯：你提及過好多次公平，你唔會無緣無故去拘捕？
P: 當然
辯： 有違反法例先拘捕？
P: 係，毋庸置疑
辯：你冇發現佢有做違反行為？
P: 係唔肯定係咪佢做
辯：你一直跟隨遊行亦都聽到有人叫口號？
P: 唔肯定係咪佢
辯： 你肯定佢喺遊行人士入面？
P: 係
辯： 你見佢喺Pandora 外喝罵警員都冇足夠證據拘捕？
P: 佢蒙咗面，我唔肯定係咪佢
辯： 你跟住遊行人士去到Pandora出面之後被包圍同埋指罵？
P: 係
辯：係對你作出指罵？
P: 有人
辯： 唔肯定邊個罵？
P: 唔肯定
辯： 見到你有支胡椒噴劑攞咗出嚟
P: 係
辯： 問你點解，你就話因為見到10幾個遊行人士情緒激動， 指罵警員，你話佢地襲擊你。
P: 沒錯
辯：所以你喺現場見到有人情緒激動，同埋見到有人指罵，所以將胡椒噴劑拎出嚟？
P: 係
辯：你一直放喺心口或者垂手戒備直到開始進行截查
P: 係

🌟直播員按：有興趣可以睇返NOW 直播 28/12/2019,喺直播入面可以見到喺2:01:16(當時嘅19:56:56),呢位警員PW2係冇俾人包圍嘅情況下已經拎咗胡椒噴劑出嚟。唔知講大話有冇妨礙司法公正呢？🌟
https://www.youtube.com/watch?v=YZx98kRLFT4

📹播放德福廣場於2019年12月28日的閉路電視錄像片段（證物P180) Mon3.8 G87對出 (此為360°鏡頭)

影片播放195440-195449
鏡頭向Calzedonia 嘅右方

辯： 警員你喺呢一個鏡頭見唔見到自己？
P: 見到
辯：警員指向畫面中間嘅一名男子，佢係短頭髮，用黑色物品蒙面，穿着黑色衫黑色褲，鞋同褲嘅位置被前方遮住，黑色背包。佢話係佢自己。
P: 係
辯： 你見唔見到嗰位沙展？
P: 見到
辯：警員指出一名男子，螢幕近右方，穿着白色衫上面有少少藍色，短頭髮。喺店舖Calzedonia 外嘅通道。

影片播放195449-195451
辯：警員見唔見到 23262 ?
P: (指螢幕）近左方，戴帽，黑口罩，黑色外衣，入面係白色，黑褲。
辯：呢個片段係大約 1954
P: 係
辯： 當時遊行隊伍已經到達咗Pandora?
P: 係
辯： 你認得係你自己嘅男子，喺背包攞咗嘢出嚟，係咩嚟？
P: 係胡椒噴劑
辯： 果陣差唔多行到 Calzedonia 出面？
P: 係
辯： 前面嘅人，就係罵你同埋你同事？
P: 係
辯： 你同佢地隔咗2-3 間店舖嘅距離 ?
P: 係
辯： 啲人係背向你哋？
P: 係
辯： 主控同你描述，你用黑色物品遮蓋自己，穿著黑衫黑褲。
P: 係
辯： 你嘅裝扮似遊行人士？
P: 係
辯：你有蒙面，因為唔想俾人知你身分。
P: 唔明
辯：你以便衣身份執行職務，但係你係遊行人士嘅裝扮。
P: 係
辯： 你唔想表露警員身份
P: 係
辯：你係向嗰啲叫喊緊嘅人前進？
P: 係
辯： 你攞胡椒噴劑出嚟會令你身份敗露
P: 我執行職務嘅時候已經表露咗
辯：你攞胡椒噴劑出嚟已經表露左警員身份？
P: 係。如果你知道係咩嚟你就會知我嘅身份
辯： 你同意？
P: 基本上同意
辯：你果陣其他同事都冇表露警員身份？
P: 唔太記得
辯：我講緊行去人群之前
P: 唔記得
辯： 你都未必可以經常觀察身邊情況？
P: 我睇到，但係冇印象
辯： 你係向人群方向走去？
P: 係

影片停於 195458
辯： 你認唔認得出自己？
P: 估嘅話會估到，但係冇明顯特徵認到

影片停於 195504
辯：(用滑鼠指住)係咪你自己？你認唔認到前面係你沙展？
P: 係
辯：你企喺後面？
P: 係

影片停於 195510
辯： 依家人群仲喺嗰度，而你係背向佢地？
P: 背向，但側頭望住。
辯： 我問你係咪背向？
P: 係

影片停於 195515
辯： 警員你見到，一路背向之後先再望？
P: 係
辯： 對應琴日片段，當時就係將胡椒噴劑放喺身後？
P: 係

影片停於 195500
辯： 你當時已經準備戒備動作？
P: 我攞胡椒噴劑出嚟
辯： 你喺Calzedonia已經攞咗胡椒噴劑？
P: 係
辯： 你已經準備開始戒備？
P: 係
辯： 你後面冇人群
P: 畫面顯示冇，應該冇
辯：你背向人群，係向冇人嘅方向戒備
P: 我望住
辯：你放胡椒噴劑喺身後，人群係睇到。
P: 唔明
辯：現場嘅人同埋穿着反光衣嘅人可以見到
P: 我唔肯定
辯：胡椒噴劑係放喺心口顯眼地方？
P: 同意
辯： 我向你指出，現場嘅人係顯而易見你支胡椒噴劑。
P: 唔肯定佢地睇唔睇到
辯：你面向住人群，唔怕有人從後攞你嘅胡椒噴劑？
P: 我前面有隊員
辯：你對使用胡椒噴劑有訓練？
P: 有
辯：你當時並非一路尾隨，見到有人包圍同埋指罵先攞胡椒噴霧出嚟
P: 唔同意
辯：睇返195445 喺Calzedonia 嘅片段

影片停止195451
辯： 你已經攞咗胡椒噴劑出嚟
P: 係
辯：你未行過去指罵人士嘅人群
P: 係
辯： 唔係你所講嘅俾人包圍同指罵，因而感到害怕先攞出胡椒噴劑
P: 我係話有同事被包圍，先攞胡椒噴劑出嚟增援
辯：我盤問過你攞胡椒噴劑出嚟嘅次序
P: 有
辯： 你係話你俾人包圍同指罵先攞胡椒噴劑出嚟，同唔同意？
P: 唔明
辯： 你攞胡椒噴劑出嚟係為咗表露警員身份
P: 唔同意
辯： 你表露身份同埋拎胡椒噴劑出嚟，係為咗震懾人群
P: 我攞胡椒噴霧出嚟係戒備，唔係震攝
辯：你攞出嚟係為咗令在場嘅人知道你係警員，同埋表露身份
P: 唔同意
辯：你攞出嚟唔係因為你害怕有人襲擊自己
P: 唔同意

辯：你供詞話一直有跟隨遊行人士進行觀察
P: 係，離遠觀察
辯：一路跟住？
P: 係
辯：觀察最近係4-5 米距離，最遠係2-30米
P: 係
辯：一路尾隨遊行隊伍？
P: 係

📹播放德福廣場於2019年12月28日的閉路電視錄像片段（證物P180) Mon3.4 CA2-展場

影片停於 194610
辯：呢度係Laneige 同 Benefit 外面嘅交界，G/F 店舖G33-41 及 G12-15出面。警員你見唔見到？
P: 見到

影片停於 194625
辯： 你見唔見到你自己？
P: 見到
辯：你右手邊係 23262 ?
P: 係
辯：遊行隊伍喺邊度？
P: 畫面我嘅正前方

影片停於 194649
辯：你見唔見到嗰啲遊行人士？
P: 見到
辯： 喺邊度。
P: 唔清楚
辯： 喺滿記甜品，姐係店舖G102
P: 係
辯：遊行人士行緊嘅方向係轉角，向滿記後面前進，姐係向畫面前方？
P: 係向店舖G03 前進
辯：確認你呢個時間係喺店舖G33-41 同G12-15 嘅位置，向G102 滿記方向行？
P: 係
辯：呢一刻，所以你冇尾隨遊行人士？
P: 係

📹播放德福廣場於2019年12月28日的閉路電視錄像片段（證物P180-3) Mon3.4

影片播放1949-195050
辯： 見唔見到遊行人士
P: 見到
辯：佢地行嘅方向係向G03 ?
P: 係
辯：所以你唔係一直尾隨遊行人士
P: 係
辯：有啲時間你唔係觀察住佢地
P: 唔係。我冇一直尾隨，但係有一直跟隨，會轉位。
辯： 你話跟隊尾，一直話係尾隨
P: 係
辯： 你並不是一直觀察人群
P: 唔係

-------------------
🌟按此繼續閱讀D5-D10辯方大律師盤問PW2

此為補回2月26日審訊內容~

#觀塘裁判法院第八庭
#屈麗雯裁判官
#1228九龍灣 #審訊[3/8]
#非法集結 #襲警

D1: 15歲手足
D2: 楊(20)
D3: 麥(16)
D4: 丘(16)
D5: 15 歲手足
D6: 15 歲手足
D7: 14 歲手足
D8: 李(16)
D9: 劉(22)
D10: 林(19) 🛑還押中

控罪：
(1)非法集結 (D1-D10)
(2)襲擊在正當執行職務的警務人員(D1,D2,D3) 🛑D2已認罪
(3)襲擊警務人員 (D4)
(4)襲擊警務人員(D5) 🛑已認罪

🌟按此返回D4辯方大律師盤問PW2🌟
-----------------------------
🟡D5代表 #黃纓淇大律師 盤問PW2

辯：你主問話，你上前向外圍做警戒動作，防止人群向前
P: 有冇畫面睇？
辯： 你記唔記得講過伸手，向外圍做警戒動作 ?
P: 有
辯：呢個動作係受訓嘅時候學嘅基本技巧？
P: 係
辯：你未去到Pandora 已經攞咗胡椒噴劑放喺背後？
P: 係
辯：以作戒備？
P: 係
辯： 被包圍先舉起佢？
P:係
辯：呢啲係受訓嘅時候學？
P: 係
辯： 用途係保護市民？
P: 係
辯： 你有學過點樣控制？
P:有
辯：你需要接受槍械訓練？
P: 要
辯： 你有冇試過掹槍？
P: 冇
辯： 你有處理公眾活動嘅經驗？
P: 有
辯：執勤嘅時候要挺身而出？
P: 係
辯： 你話你害怕自己或者警長俾人襲擊，所以舉起胡椒噴劑？
P: 係
辯： 畫面嘅現場話要舉？
P:係
辯： 你有冷靜嘅判斷，所以淨係舉起並冇使用
P: 係
辯： 冇離開現場繼續幫助其他警員
P:係
辯：你當時展示不畏懼嘅本質
P: 係
辯：你有心理準備要處理呢啲事
P： 係

---------------------------------
🟡D6 辯方 #邱治瑋大律師 盤問PW2

辯：案發時部處咗幾多警力？
P: 我認識所知有30 幾名
辯：你唔認識嘅都有？
P: 唔知道
辯：有軍裝喺德福廣場附近執勤，例如防暴
P: 我唔知道，佢地上嚟先知。
辯： 事後觀察有幾多警員。
P: 軍裝10 幾個，便裝3-40個
辯： 喺Pandora 出面嘅？
P: 係
辯： 收到訓示嘅，你覺得係便裝警員3-40個？
p 係
辯： 你認識嘅？
P: 係
辯： 你有冇受訓如何分辯便衣同埋示威者？
P: 我地便衣有識別
辯：一般市民唔知？
P: 唔知
辯： 你喺1817到達德福廣場?
P: 係
辯：便衣同事都係同時到？
P: 我嗰隊嘅沙展，23262一齊到
辯：戴口罩蒙面，便衣警員呢個裝束係上面叫定自己決定？
P: 自己
辯：有冇咩特別嘅原因而佩戴口面罩？
P: 當時好多警員被起底，費事資料再被外洩
辯：你已經被起底？ 咁當時戴面罩點可以再避免？
P: 有相可以令起我底嘅人再傷害我同埋家人 ,再醜化我
辯：明白。你有講過你有尾隨遊行人士，你見證遊行去到Pandora 前，有冇警員表露身份？
P: 唔知
辯：你觀察嘅情況下有冇？
P: 冇
辯：觀察下，有冇警員作出驅散？
P: 冇

---------------------------------
🟡D8 辯方大律師盤問PW2

辯： 警員記事冊係攞嚟記低重要嘢
P: 係
辯：睇返你嘅p.43-44, S/S 代表 stop and search ?
P: 係
辯：2007 記錄低嘅？
P: 係
辯：2110 記錄低話你幾點離開，之後返東九龍基地
P: 係
辯：你冇記錄截查D9D10, 有肢體衝突都係冇寫低
P: 同意
辯： 你冇寫因為你集中力係喺被截查人士身上，未必更留意。有其他同事做記錄
P: 唔同意
辯： 點解？
P: 我冇涉及，所以唔寫
辯： 如果有見證寫唔寫？
P: 我冇涉及其中。
辯： 同埋你嘅注意力集中D9,D10 , 唔夠全面所以唔寫？
P: 唔同意
辯： 你話你高舉胡椒噴劑
P: 係
辯： 你擔心有好多人
P: 係
辯： 睇截圖 P194523,見唔見到右上角就係Pandora 櫥窗？
P: 見到
辯： D9,D10喺櫥窗位置，挨住牆？
P: 係
辯：你當時喺佢地旁邊？
P: 喺佢地右手邊
辯： 有人遮住你，你睇唔清？
P: 係
辯：好多人穿著背心高舉攝錄機？
P: 係
辯： 你高舉胡椒噴劑，但冇射？
P: 係
辯： 你曾經舉過，時間唔係好耐
P: 向前方舉1-2 秒，舉咗1次
辯： 當時你其後冇再舉及射，因為發現擁埋嚟嘅人係影D9,10 ,而唔係襲擊
P: 唔同意，放低胡椒噴劑原因係人群退後 ,冇合理原因去舉
辯： 佢地聽你話，唔會溝成傷害所以放低
P: 係
辯： 係咪講緊截圖呢啲人？
P: 係

📹播放德福廣場於2019年12月28日的閉路電視錄像片段（證物P180)Mon3.4

影片停於 1945
辯： 冇遊行隊伍經過位置？
P: 係
辯：同唔同意，你冇喺片段出現？
P: 畫面中間應該係我

---------------------------------
🟡D9D10 李大律師盤問PW2

辯：行動前所有成員都有briefing ?
P: 係
辯：有線報當晚可能有非法集結？
P: 係
辯：briefing話如果見到足夠證據，要執行拘捕行動？
P: 係
辯：可能會親眼看見犯案？
P: 係
辯：可疑人士被截查之後有招認？
P: 係
辯：截查後坦誠話有參與遊行？
P: 係
辯：截查人士身有搵到物品同遊行有關？
P: 視乎有冇用
辯： 如果有用就係？
P: 係
辯： 如果有上述情況，你地有責任拘捕？
P: 係
辯：喺你地警方立場角度，警方定義為非法集結?
P: 係
辯：任何人參與其中，就係參與咗非法集結？
P: 係
辯：之前你都講過截停2個人。當日同23262 截停佢地之後，之後睇身份證？
P: 係
辯： 帶佢地去遠啲嘅角落？
P: 係
辯：之後搜身
P: 係
辯： 確保冇可能對佢地造成傷害
P: 係
辯：安全起見，搜完身先查問？
P: 係
辯：你同23262 帶兩個人去遠啲之前，已經叫咗23262 搜查黑衫男子？
P: 係
辯：喺你叫23262 截查嗰刻，你同23262 達成共識你負責D10 , 23262 負責黑衫男子？
P: 係
辯： 已經有默契 , 你負責D10, 23262負責黑衫？
P: 係
辯：呢個分工目的為咗有效做事
P: 係
辯：上下唔會干涉另一個人士嘅事，唔會查問
P: 理論上係
辯：若23262 真係需要處理D10 或者你有需要處理返黑衫男子，都會交代返處理結果？
P: 係
辯：而你當日從23262 口中得嘅資訊係，23262 話 ok 呀，冇特別嘢
P: 係
辯：據你理解嘅意思 ?
P: 查問過，喺警方立場，冇招認
辯：冇可疑？
P: 係
辯： 冇可以拘捕嘅情況
P: 係
辯：喺影片見到，你截查 d10 時， 23262 都係截查緊黑衫
P: 係
辯：當時你見到？
P: 係
辯：閉路電視顯示截查後至佢地獲放行，你都係企喺23262 旁？
P: 係
辯： 其實23262 冇同D10 進行對話
P: 係
辯：以你所知，當晚23262 向黑衫或者D10 進行查問都係喺搜身之後？ 有冇作出查問？
P: 有
辯：喺搜身之後先問？冇同d10 對話，佢淨係對黑衫男子查問？
P: 係
辯：有冇印象佢地嘅對答？
P: 唔記得
辯：你地行動後， 喺第二日0700 有事後嘅debriefing
P: 應該有
辯：大家交代返案發事嘅記錄？
P: 唔係
辯：有冇講邊個拘捕邊個？
P: 冇
辯：有冇同23262 對返邊個處理邊個？
P: 冇
辯：你話同d10 查問過，問佢做乜，佢冇答
P: 係
辯：問嘢前有冇警誡？
P: 冇
辯：23262 查問前有冇警誡？
P: 唔肯定
辯：點解冇警誡？
P: 佢保持緘默， 我覺得佢唔會再答我問題。
辯：問緊你問第一句，做咩呀。之前冇警誡？
P: 問多次個問題
辯：在於現場環境，唔覺得佢會講有招認，所以唔警誡？
P: 唔知佢會唔會答
辯：根據規矩，幾時警誡？係你合理懷疑喺查問前要？
P: 我理解唔一定要
辯：冇基礎話D10 有犯案，所以放佢走？
P: 係，我唔清楚佢係咪犯案嘅人
辯：你話你有見過d10 係遊行當中。啲人又蒙面，睇唔到。所以你冇辦法肯定d10 喺遊行人士？
P: 唔同意
辯： 點解？
P: 肯定佢喺遊行入面，唔肯定佢係咪作出擾亂社會秩序，所以冇拘捕。
辯：人群好多人。你喺觀察中唔會淨係集中一個人。
P: 係
辯：佢哋嘅衣着相似？
P: 係
辯：見唔到容貌？
P: 係
辯： 冇特徵分辨？
P: 係
辯： 唔肯定 d10 係咪喺隊伍入面？
P: 唔同意

辯：返返去講你截停D10 黑衫男子，你話你冇基礎去懷疑構成控罪嘅行為。點解要觸碰D10?
P: 我要截查
辯：你唔應該推佢埋牆
P: 我冇推，我係帶
辯：你有冇諗過警方離開可能係最有效降溫？
P: 唔同意
辯：群眾情緒高漲，因為見警員攞胡椒噴劑,會唔會係你嘅理解？
P: 唔認同
辯：警方開始驅散或者截查行動，令情況變亂
P: 本身亂，依家更加亂
辯：之前亂係指罵？
P: 係，同埋情緒激動
辯：未有實質動作？
P: 沒錯
辯：點解你放行，因為唔認為有可以構成拘捕嘅原因
P: 唔確定有冇作出擾亂社會嘅人，所以冇拘捕
辯：你喺本案 2020年3月9日落口供
P: 係

---------------------------------
🌟按此繼續閱讀控方覆問PW2

此為補回2月26日審訊內容~

#觀塘裁判法院第八庭
#屈麗雯裁判官
#1228九龍灣 #審訊[3/8]
#非法集結 #襲警

D1: 15歲手足
D2: 楊(20)
D3: 麥(16)
D4: 丘(16)
D5: 15 歲手足
D6: 15 歲手足
D7: 14 歲手足
D8: 李(16)
D9: 劉(22)
D10: 林(19) 🛑還押中

控罪：
(1)非法集結 (D1-D10)
(2)襲擊在正當執行職務的警務人員(D1,D2,D3) 🛑D2已認罪
(3)襲擊警務人員 (D4)
(4)襲擊警務人員(D5) 🛑已認罪

----------------------------------
🌟按此返回D5-D10辯方大律師盤問PW2🌟
----------------------------------
🟢控方 #張卓勤高級檢控官 覆問PW2

控:D9,10嘅李大律師盤問你關於黑衣男子查問情況
P: 係
控:澄清返。問你有冇查問，你就話淨係向黑衣男子查問。
P: 係
控: 對答內容唔記得？
P: 唔記得
控:你記得23262 有向黑衣發問？
P: 有
控:黑衣男有冇講嘢？
P: 唔記得
控:呢個環節辯方問嘅時間同你講，話係開始咗搜身嘅時候
P: 係
控:主問嘅時候，閉路電視見到你對D10搜身前有啲移動，係戒備？
P: 係
控:點解唔記得對答？
P: 唔係我查問黑衣男子，同埋過咗1年3個月。
控:有冇就23262 對黑衣男子查問作記錄？
P: 沒有
控:原因？
P: 唔係我作出查問
控:你講尾隨，但係有遊行隊伍喺你前方行過？
P: 係
控: 你有講過隊頭隊尾
P: 記得
控:遊行過程有冇觀察？
P: 有
控:你講尾隨，你想講咩意思？
P: 德福廣場地形問題，有shortcut .我行去佢地前面再觀察，會跟隨佢地作觀察
控:你講嘅shortcut 係咩意思/咩位置？睇草圖P193
P: 例如喺G/F 店舖G20-24, 中間有通道過對面走廊G55-57.
控:地圖顯示，所以呢整格通道可以通過？
P: 好耐唔記得
法官：證人麻煩簡單口述呢啲shortcut
P: 淺木色，有廁所嘅標誌，入面有廁所，兩邊互通
控:就係你啱啱講嘅通道？
P: 係
控: 你用過幾多條？
P: 1,2 條
控:左右係密封？
P: 係
控:你喺通道嘅時候，睇唔到遊行人士
P: 係
控:你離開視線幾耐？
P: 4-5 秒
控:呢個係最長嘅時間？
P: 大約 4-5 秒


🌟 D3代表 #郭憬憲大律師： 控方用leading 不斷引導證人回答

控:有辯方問你右手攞胡椒噴劑喺Pandora 牆邊嘅時候，最近你嘅人係手持相機。
P: 係
控: 你叫人退開
P: 係
控: 叫呢個手持相機嘅人定係其他人？
P: 現場包圍嘅人
控:淨係揸住相機嘅？
P: 唔係。所有包圍人士

關於尾隨，我再問一問你
控:片段見到你喺G/F 店舖G33-41同G12-15嘅中間通道附近，望住滿記
P: 係
控:當時遊行人士喺視線範圍定消失？
P: 等等。

13:19 午休，14:30 繼續🌟

----------------------------------
🌟少少補充：當晚警員包括但不限於以下小隊
防暴警員：KE東九龍區第2小隊
特別戰術小隊(速龍)：機動部隊(R)
便衣警員：機動部隊F 連(訓練大隊)第1小隊

#觀塘裁判法院第八庭
#屈麗雯裁判官 #審訊 [7/8]
#1228九龍灣 #結案陳詞
#非法集結 #襲警

D1: 15歲手足
D2: 楊(20)
D3: 麥(16)
D4: 丘(16)
D5: 15 歲手足
D6: 15 歲手足
D7: 14 歲手足
D8: 李(16)
D9: 劉(22)
D10: 林(19)🛑還押中

控罪：
(1)非法集結 [D1-D10]
(2)襲擊在正當執行職務的警務人員 [D1,D2,D3] 🛑D2已認罪
(3)襲擊警務人員 [D4]
(4)襲擊警務人員 [D5] 🛑已認罪

--------------------------
因為 #張卓勤高級檢控官 遲交結案陳詞，屈官表示未必可以趕及在4月23日作出裁決，稍後或需處理D10的保釋申請。


📌結案陳詞帶出的法律爭議
辯方律師在結案陳詞中提及的人權及言論自由等議題，控方指本案不存在辯方提出的憲法爭議。邀請法庭參考梁國華案 [1] 判案書第24段，當時林副庭長明確指出非法集結罪所針對的的是有關行為的性質，而並非該行為背後的目的(即行使言論自由)之合法性，確立非法集結罪條文合憲。 控方認為辯方主張一些挑撥性、侮辱性、威嚇性的行為，會因被告行使言論自由權利而變得合法並不合理。

如辯方有說法要額外加插情節，使一些挑撥性、侮辱性、威嚇性……的行為，因被告行使權利、言論自由而變得合法，控方認為這並不合理。法律也不會因此特别容許示威者以漠視法律及社會秩序的方式行事。

法庭在考慮裁決時，只須集中考慮①訂明行為有否出現 ② 被告的行為是否「相當可能」令人產生訂明害怕、令社會安寧會被破壞，毋須考慮這些訂明行為及訂明害怕有否實質產生。

🧷非法集結罪所指的訂明行為，泛指任何擾亂秩序的行為或帶有威嚇性、侮辱性或挑撥性的行為。訂明害怕是指「任何人合理地害怕如此集結的人會破壞社會安寧，或害怕他們會藉以上的行為激使其他人破壞社會安寧」


--------------------------
🟡辯方回應：
代表D1的 #黃海榕大律師 回應指自己在書面陳詞提出的人權考慮，並非如控方所講要提高定罪門檻或令違法的事變成合法，辯方陳詞純粹向法庭指出在考慮被告是否違法時，人權是重要的考慮因素。對示威行使人群控制的權力時，須要在一方面容許示威進行及另一方面確保人命及財產安全取得平衡。辯方強調上述的平衡的考慮因素包括「容許示威進行」，這些考慮並非額外的門檻。

在本案中的遊行人士行使叫口號、唱歌、叫囂等表達自由及和平示威的權力，不應在事實裁定中被法庭視為擾亂秩序、威嚇性、侮辱性、挑撥性的行為，更不應被視為導致他人合理地害怕的原因。

另外，無證據指出有無辜第三者因遊行人士的行為而感到害怕，包括商場保安 朱家培 作供時亦無提及他有甚麼「訂明害怕」 。退一步説，一場和平示威並不會因為有獨立、間歇性的暴力事件出現而變成非法集結，而D1的立場是案發現場根本無非法集結。

代表D3的 #郭憬憲大律師 引述楊美雲案 [2] 作回應，該案判案書第44段指「行使示威權的人士亦不得在有關情況下導致超出合理範圍的阻礙，但這個範圍絕不能被狹義地界定，以致憲法權利被貶低或令市民行使憲法權利的能力遭受不當的減損。」

因此，法庭首先要考慮遊行集會衍生的阻礙是否合理？有否超越「合理可包容範圍」？法庭應就阻礙的合理性作出所需的評估，不應考慮各被告是否「合理地行使自由」。因為只有在行使自由時產生的阻礙超越「合理可包容範圍」才算違法。

--------------------------
[1] HCMA54/2012 香港特别行政區訴梁國華 及另五人
[2] FACC19/2004 楊美雲案

#觀塘裁判法院第八庭
#屈麗雯裁判官 #審訊 [7/8]
#1228九龍灣 #結案陳詞
#非法集結 #襲警

D1、D3、D4結案陳詞主要是法律觀點的補充，不在此贅述，詳情見上文：https://t.me/youarenotalonehk_live/14918


--------------------------
D2結案陳詞 🔵控方 🟡辯方 #陳凱智大律師

🔵 在D2就襲警罪認罪時承認的案情中，D2承認了PW4證供所講「上前協助時被人襲擊，當PW1制服該人時，D2與另一人從後不斷毆打PW1的頭部...背部」從此可見，D2很有可能知道他襲擊的人(PW4)是警員。

🟡 D2雖然不爭議有襲警(已認罪)，在事實上亦有警員制服另一位人士。不過在案情上沒有指稱D2在襲擊時已得悉牠是警員，更重要的是D2並沒有承認襲警是為了「搶犯」。辯方重申襲警是單獨事件與非法集結無關，D2沒有參與遊行(由地下上一樓再落返地下)，他並不在人群內。本案非法集結控罪所指的訂明行為僅限於遊行人士叫口號、唱歌、叫囂，並不包括D2的襲警。

--------------------------
D5結案陳詞 🔵控方 🟡辯方

🔵 控方認為片段中集結人士嗌企疏d，目的是騰出空間讓集結人士一但有事可以離開。當日德福廣場因擔心出現混亂情況，保安增加額外人手。片段亦見途人行到通道兩旁、商店拉閘，可見集結人士令他人害怕。

🟡 #黃纓琪大律師 認為控方的主張模稜兩可，有其他可能性。例如集結人士嗌企疏d亦可以是集結人士讓路俾途人行。保安當天額外人手是商場與警方商討後的安排，可以是他們接納包容活動發生，增加人手令活動有秩序的進行。商店是在警察到場時關門，不能歸咎於集結人士。

涉案集結並無產生。不須考慮D5到場前及離場後的事。即使D5跟隨遊行人士行走，法庭亦不能憑無聲的閉路電視片段，斷定D5或其他被告有跟隨遊行人士嗌口號，如法庭裁定D5無嗌口號，會否正正反映D5並非完全認同集結者的所有行為呢？黃大律師認為D5及其他被告參與集結之目的，是意圖以搞笑及輕鬆的形式表達意見，學校朋友都會講押韻笑話。

--------------------------
D6結案陳詞 🔵控方 🟡辯方

🔵 辯方在結案陳詞中提出眼鏡不一定必然來自D6，因此法庭不應依賴該眼鏡作為辨認D6的特徵。但雙方律師簽署的承認事實中，卻同意「警員13234向D6宣佈拘捕.....拍攝了D6被拘捕時警方撿取的一個黑色袋、眼鏡....」可見辯方同意眼鏡並非在事後撿取，而且在現場當D6被捕時撿取。正如警員證供所指「被制服期間不斷掙扎，所以眼鏡架就折斷喇」若辯方認為證物不屬於D6，首先相關陳述不會在承認事實中出現，而且辯方律師亦無向有關警員指出與處理證物的辯方案情。

🟡 #邱治瑋大律師 指出承認事實並無承認警方撿取的物品屬於D6，辯方立場只是承認物品在現場撿取而已。不論是承認事實中就D6被捕時衣着的描述，抑或審訊時警員(PW5)的證供，都無講D6被捕時戴住眼鏡。盤問警員時牠的説法是「制服被告時見到眼鏡係地下」、「唔知眼鏡係邊度跌出嚟」。從此可見該名警員不能確定眼鏡是否屬於D6。

引述蔡相祺案 [1] 判案書第87及88段「原審法官在裁斷過程，無須單單按雙方的盤問或陳詞內容行事........當證人，包括被告人的證供有弱點及不一致時，原審法官有權因而否定該名證人的證供，而無需預先給證人機會就其證供的弱點及不一致的地方作出解釋。」

簡單來説，辯方不一定要向證人指出案情，法庭作為事實裁斷者亦有權否定該名證人的證供。

--------------------------
D7結案陳詞 🔵控方 🟡辯方 #張皓程大律師

🔵 辯方質疑閉路電視片段不連貫、有時間差、在一樓出現的人不是D7，辯方認為控方只能顯示有兩名黑衣人從轉角位走出，但是否由電梯而上仍然存疑。但警員在主問時有提及牠追捕D6&D7，因D7較高所以不會認錯，在庭上亦成功認出D7。如果辯方質疑警員對被告身份辨識的觀察，理應在盤問時向證人指出讓證人回應，但辯方無咁做，因此法庭不應接納不在盤問下帶出的案情。

就辯方引述余德穎案 [2]，指D7或許是想見證難得的歷史時刻而在現場逗留。首先控方完全不接受這説法，律政司已就余德穎案提出案件呈述上訴，亦不見得本案有甚麼難得的歷史時刻存在，而且D7沒有作供，法庭不能假設D7案發時有見證的歷史時刻的想法。另外，在CASJ1/2020 判詞第80段指明，一旦發生升級事件令本身是和平遊行演變為非法集結，作為負責任的參與者應儘快離開現場，而不是在現場逗留。

🟡三個閉路電視嘅時間差距係點冇人知，亦冇證據指出三個閉路電視之間有冇時間差距。由於舉證責任在控方，但控方亦都冇傳召任何專家證人，或者相關嘅論述。按照控方說法，截圖195同截圖196均來至同一閉路電視系統，195用19:58:11，196用19:57:16，即是196發生的事可能先於195發生，而控方亦冇任何證據支持時間差去證明196在195之前發生。

結案陳詞嘅第104段，第28同29頁，指出PW1、PW5同PW6都係睇P193嘅地圖，辯方都係不爭議嘅。結案陳詞第29頁與證供唔同，但係控方就冇話見到啲乜嘢證供，例如究竟扶手電梯係咪起附近呢？控方冇起呢方面提供任何證供。

--------------------------
D8結案陳詞 🔵控方 🟡辯方 #蘇俊文大律師

🔵 就辯方的結案陳詞，控方沒有特別的觀察。

🟡 身份辨認問題：在控方的陳詞中由83頁至98頁陳述以截圖辨認疑人，認為其中一位遊行人士乃D8，但相片的質素不良，並無呈現衣服的特徵，因此難以證明D8在遊行隊伍之中。

即使D8起遊行隊伍之中，但就如其他辯方律師所講，他的行為是否非法？現場有人叫口號、唱歌，即並非非法集結的情況。若然控方認為情況是非法集結開始，但係起呢個情況之下，一啲和平示威者或者旁觀者都係會離開呢個地方，而D8都係離開咗。

再者，有不反對通知書嘅遊行都係叫口號、唱歌。在商場內進行上述行為會否構成社會安寧同溝成阻礙呢？從保安嘅證供中可見，好多人係睇下同跟住隊伍行，因為行完可能會食嘢同消費。而且25分鐘都唔係一個短嘅時間，警員都只係起附近睇下，若然呢個示威係一個非法集結嘅話，理應會舉旗警告、阻止。結合上述原因，被告人並非參與非法集結。

--------------------------
D9&D10結案陳詞 🔵控方 🟡辯方

🔵 辯方指市民不會因見到蒙面裝束的人就擔心社會安寧被破壞，因為這是政見上的標誌。但辯方忽略了集結造成他人害怕是由於集結人士的違法行為，而非他們的裝束，政見在此沒有關鍵性。

🟡 #李煒鍵大律師 強調並非要求法庭認可示威者的裝束，但法庭要考慮當時社會嘅狀況，蒙面裝束是香港社會公眾活動常見嘅裝束，是政見上的標誌。每天的新聞報導亦會見到類似的公眾活動，作為尊重表達意見自由的人，並不會單單因見到蒙面裝束的人就擔心社會安寧被破壞，這所謂害怕(如有的話)只會是源於對示威者的偏見，亦不尊重就表達意見自由的憲法權利，不會是的合理害怕。

條例的詮釋應該以尊重憲法權利的角度出發。控方話有啲地方會俾人遊行，但香港有咩地方專係俾人遊行？係唔係公共通道先至可以？例如係中聯辦出面嘅公共通道？

最後在辨認身份方面，控方邀請法庭參考截圖觀察細緻特徵，例如係眼睛分得比較開，判定圖中人是被告。但相片的清晰度是否足以讓法庭辨別這些特徵，在商場咁多相同衣著人士之中認出被告？懇請法庭仔細考慮。


--------------------------
[1] CACC459/2011 香港特別行政區 對 蔡相祺
[2] DCCC12/2020 香港特別行政區 訴 余德穎及另七人

#觀塘裁判法院第八庭
#屈麗雯裁判官 #審訊 [7/8]
#1228九龍灣

D1: 15歲手足
D2: 楊(20)
D3: 麥(16)
D4: 丘(16)
D5: 15 歲手足
D6: 15 歲手足
D7: 14 歲手足
D8: 李(16)
D9: 劉(22)
D10: 林(19)🛑還押中

控罪：
(1)非法集結 [D1-D10]
(2)襲擊在正當執行職務的警務人員 [D1,D2,D3] 🛑D2已認罪
(3)襲擊警務人員 [D4]
(4)襲擊警務人員 [D5] 🛑已認罪

--------------------------
✅D10保釋申請獲批，條件如下：
1) 保釋金$10,000 + 人事擔保$20,000 (今天15:00前交出)
2) 在報稱地址居住
3) 更改地址須24小時前通知警署
4) 每週警署報到一次
5) 不得離開香港
6) 須在15:00前交出所有旅遊證件
7) 宵禁 23:00 - 06:00
8) 除轉乘交通工具外需遵守禁足令(德福廣場)

✅豁免D1、D2 、D4今天報到
✅批准D8更改報到警署

🟢案件押後到2021年5月22日 09:30在觀塘裁判法院第八庭進行裁決，各被告准以原有保釋條件外出。

（按：因被告需在保釋前交出旅遊證件，檢控官張卓勤不停追擊D10能否在今天辦妥）

#觀塘裁判法院第六庭
#屈麗雯裁判官 #提堂
#1228九龍灣

D2: 楊(20)

控罪：
(1)非法集結 [D1-D10]
(2)襲擊在正當執行職務的警務人員 [D1,D2,D3] 🛑D2已認罪
(3)襲擊警務人員 [D4]
(4)襲擊警務人員 [D5] 🛑已認罪

--------------------------
辯方申請撤銷擔保，控方無反對
‼️法庭宣判今天起還押懲教看守‼️

#觀塘裁判法院第八庭
#屈麗雯裁判官
#1228九龍灣 #裁決

內庭將會有23個座位，
大堂延伸部分將會有27個座位。

由於本案被告眾多，懇請旁聽人士先讓親友們進入內庭🙏🏻🙏🏻

0855 約50人排隊等候中
0915 已派飛
0934 準備開庭，內庭已滿
0939 廣播
0944 開庭