🌸📚از اشعار دی بلال: فولکلور بختیاری

گردآورنده: ✍ #خرم_سعیدی، از #شهریار


جا گَموم مؽن  سینه گُل چی زَئم پِلنگه
خینِ سُور وِه سَر برف زِ دیر قَشنگه

سَر دَسات نَرم ۉ اَلۉس، زُلفا لِشگِ گَندوم
مؽنِ همه‌ی خۊخۊئون خوس تَک پِسندوم

قَسَم خَوم جونِ گُلوم جاس نَگِرم یار
هیچ نَیڌوم وِه جۊرِ خوس یارِ بَفادار

دَس گُل زِؽرِ سَرّوم لۉم سَرِ لَۉئِس
لالایی سیس اِخۊنوم تا بُوَرِه خَۉئس

نِفتس خَیفِ مؽنِ چۊپی دَسمالِه دا دِر
بَرقِ ریس چی برق سِه‌فاز لاشومِه کی سِر

تریاکِه تَرک کِردِمه خوراکوم سِگاره
عشق مو ایمونِ مو تَی تی خُماره

دَسوم نا سَرِ قُرون سَر میزِ دادگا
بَل بِرُم مؽنِ مَزار زِس نیبـروم پا

سَر دَساس اَلۉس اَلۉس زِ دیر زَنه نۊر
زؽرِ پاس دینِش کُنین تیه حسیڌ کۊر

# اشعار_بلال. فولکلور بختیاری
خرم سعیدی، شهریار، اصالتا بختیاری هفت لنگ ایذه‌ای 

#الۉس: سفید
#گم gam: گاز زدن
#زئم za'm: زخم
#چۊپی: رقص
#تیه: چشم
#نفت: دماغ
#سور: قرمز
#خیف xeyf: زیبا
#لاش: بدن، جنازه
#مؽن: در، داخل
#دا_در: چرخاند( دِر= لِر: چرخاندن)
#خۊخۊئون:( در اینجا )خوبرویان، زیبارویان
#دینش: اسفند( در لر کوچک: دی‌دی)
#نا: گذاشت

https://t.me/thelurishacademy

فرهنگستان زبان لری
کانال و نشریه‌ای علمی_فرهنگی با نگرش غیرقومگرایانه و آکادمیک به زبان، ادبیات و فرهنگ مردم لر (و غیرلُر) در چارچوب قوانین کشور، تمامیت ارضی و وحدت ملی، بدون هرگونه وابستگی سیاسی یا مالی و به دور از تقابل یا تفرقه بین اقوام عزیز ایران