#እንኳን #ደስ #አሎት 🙏🙏

#በኢትዮጵያ #ቤተክርስቲያን ወንጌልን በቃልና በኑሮ ምሳሌ በመሆን ያገለገሉት #የኢትዮጵያ ወንጌላውያን አብያተ ክርስቲያናት ሕብረት ፕሬዝደንት መጋቢ ጻድቁ አብዶ እዉቅና ተሰጣቸው።

መሠረተ ክርስቶስ ቤተክርስቲያን 92ኛው ጠቅላላ የመሪዎች ጉባኤ በቢሾፍቱ ከተማ በቤተክርስቲያኗ ኮሌጅ ቅጥር ግቢ እየተካሄደ ይገኛል።

በዚህም ጉባኤ በኢትዮጵያ ቤተክርስቲያን ወንጌልን በቃልና በኑሮ ምሳሌ በመሆን ያገለገሉ ቀደምት አባቶች #የኢትዮጵያ ወንጌላውያን አብያተ ክርስቲያናት ሕብረት ፕሬዝደንት መጋቢ ጻድቁ አብዶን ጨምሮ የመሠረተ ክርስቶስና የሌሎች ቤተዕምነት አገልጋዮች ዕውቅና ሽልማት ተበርክቶላቸዋል።

በጉባኤው ላይ የኢትዮጵያ የወንጌል አማኞች ካዎንስል ጠቅላይ ጸሐፊ ቄስ ደረጄ ጀምበሩን ጨምሮ የተለያዩ የቤተዕምነት መሪዎች ተገኝተዋል።

በጉባኤ ላይ በተለይ መልኩ አስከ ዛሬ እውነተኛውን የእግዚአብሔርን ቃል እውነት በመስበካቸው በመልካም ምሣሌነታቸው ከተመሰከረላቸው መካከል ለአሁኑ 10 ከሌሎች ቤተዕምነቶች 11 ደግሞ ከመሠረተ ክርስቶስ ቤተክርስቲያን በአጠቃላይ 21 አገልጋዮች በጉባኤ ፊት እውቅና ተበርክቶላቸዋል።

ይህ የእውቅና መርሃግብር ወደፊት በስፋት እንደሚቀጥል የቤተክርስቲያኒቱ ፕሬዚዳንት መጋቢ ደሣለኝ አበበ ገልፀዋል።

#እንኳን #ደስ #አሎት
#አንገፋው_ዘማሪ_መጋቢ_ሸዋዬ_ዳምጤ በሮም #የኢትዮጵያ_ወንጌላዊት_ቤተክርስቲያን_ዋና_መጋቢ ሆነው #ተሾሙ

የኢትዮጵያ ወንጌል አማኞች አብያተክርስቲያናት ካውንስል ጠቅላይ ጸሃፊ ቄስ ደረጀ ጀምበሩ የክብር እንግዳ ሆነው ተገኝተዋል።

ኦክቶበር 1/ 2023 ከ4 ሰዓት እስከ 8 ሰዓት ድረስ በነበረው የአንገፋው የዘማሪ መጋቢ ሸዋዬ ዳምጤ የዋና መጋቢ ሹመት መርሃ ግብር ላይ የተለያዩ ጥሪ የተደረገላቸው እንግዶች ሲገኙ የኢትዮጵያ ወንጌል አማኞች አብያተክርስቲያናት ካውንስል ጠቅላይ ጸሃፊ የሆኑት ቄስ ደረጀ ጀምበሩ የክብር እንግዳ ሆነው በመገኘት የእግዚአብሔር ቃል መልዕክት አቅርበዋል።

በመቀጠልም ለሚቀጥሉት ዘመናት በሮም የኢትዮጵያ ወንጌላዊት ቤተክርስቲያን ዋና መጋቢ ሆነው ለሚያገለግሉት ለዘማሪ መጋቢ ሸዋዬ ዳምጤ በቤተክርስቲያኗ መሪዎች የሹመት ስርዓትና ጸሎት ተደርገሏቸውል።

ዘማሪ መጋቢ ሸዋዬ ዳምጤ በቀሪው ዘመናቸው በተሰጣቸው ሀላፊነት በታማኝነትና በትጋት የእግዚአብሔርን ፍቃድ ለማገልገል የጌታ ጸጋ እንደሚረዳቸው ገልጸዋል።

ዘማሪ መጋቢ ሸዋዬ ዳምጤ በኢትዮጵያ ወንጌላውያን የዝማሬ ታሪክ ውስጥ ስማቸው በጉልህ ከሚጠቀሱት ቀዳሚ እና ለእግዚአብሔር ህዝብ የሚባርኩ ዝማሬዎችን እንዳቀረቡ ይታወቃል።