🇺🇿🇺🇿🇺🇿

Xalqaro mehnat tashkiloti maʼlumotlariga qaraganda, bugungi kunda dunyo aholisining yarmi hech qanday ijtimoiy himoyaga ega emas.

Yangi tahrirdagi Konstitutsiyamizda davlat qurilishining yangi strategik maqsadi sifatida ijtimoiy davlat qurish belgilandi, ijtimoiy adolat tamoyillarining mutlaqo yangi mexanizmini nazarda tutuvchi konstitutsiyaviy asoslar mustahkamlandi.

Albatta, ijtimoiy adolatni taʼminlashda xalqaro hamkorlar bilan saʼy-harakatlarni birlashtirish zarur.

XMT tomonidan Butunjahon ijtimoiy adolat kuniga bagʻishlab videokonferensaloqa shaklida tashkil etilgan “Yevropa va Markaziy Osiyoda har bir avlod uchun ijtimoiy adolatni taʼminlash” mazusidagi xalqaro vebinarda ayni shu masalalarga eʼtibor qaratdik.

Ijtimoiy adolatni taʼminlash sohasidagi ishlar hamda yoshlarni taʼlim olishi, munosib mehnatga ega boʻlishi borasida yaratilayogan imkoniyatlar, davlatlar oldida turgan muhim vazifalar yuzasidan fikr almashdik.

Ushbu masalalar bugun jahonning barcha mamlakatlari uchun birdek dolzarb sanaladi.

#senat #XMT #ijtimoiyhimoya

@tanzilanarbaeva

🇺🇿🇺🇿🇺🇿
Bugun ilk bor tashkil etilgan “Bandlik va ijtimoiy himoyani uygʼunlashtirish orqali Oʼzbekistonda ijtimoiy adolat tamoyillarini mustahkamlash” mavzusidagi xalqaro konferentsiyada ishtirok etdik.

Ushbu xalqaro anjuman Oʼzbekistonda oʼtkazilishining biz uchun ahamiyati katta. Chunki mamlakatimiz tarixda birinchi marta Xalqaro mehnat tashkiloti Maʼmuriy kengashi tarkibiga qabul qilindi.

Yurtimizda ish oʼrinlari yaratish va aholini ijtimoiy himoya qilishga qaratilgan Global akselerator va Global koalitsiya doirasida milliy “yoʼl xaritasi” ishlab chiqildi.

Bu esa, mamlakatimizda investitsiyalar uchun qoʼshimcha shart-sharoitlar yaratish va aholimiz daromadi oʼrtachadan yuqori boʼlgan davlatlar qatoridan joy olishiga xizmat qiladi.

Mazkur konferentsiya ijtimoiy adolatni mustahkamlash, aholi bandligi, ijtimoiy himoyasini taʼminlash, tengsizlik va kambagʼallikni qisqartirish sohasidagi siyosatimizni takomillashtirish yoʼlidagi navbatdagi qadam boʼladi deb oʼylayman.

#senat #hamkorlik #XMT

@tanzilanarbaeva

🇺🇿🇺🇿🇺🇿
Xalqaro mehnat tashkiloti bosh direktori Jilber Ungbo bilan uchrashuv oʼtkazdik.

Bosh direktor mamlakatimizda majburiy mehnat va bolalar mehnatiga toʼliq barham berilganini, sohaga oid xalqaro standartlarni joriy etishga qaratilgan muhim islohotlarni alohida e’tirof etdi.

Suhbatimiz davomida Xalqaro mehnat tashkilotining mehnat va ijtimoiy sohalardagi ratifikatsiya qilingan Konventsiyalarining amalga oshirilishi holati, ushbu yoʼnalishlarda davlatimiz tomonidan kelgusida tegishli xalqaro hujjatlarga qoʼshilish masalalarini muhokama qildik.

Shuningdek, yaratilayotgan ish oʼrinlarining mehnat standartlariga mos boʼlishi, ayniqsa xotin-qizlar va yoshlar bandligiga koʼmaklashish, nogironligi boʼlgan hamyurtlarimizning ijtimoiy himoyasini ta’minlash yoʼnalishlarida hamkorlikda amalga oshiradigan ishlarda ustuvorliklarni belgilab oldik.

#Senat #XMT #hamkorlik

@tanzilanarbaeva