🇺🇿🇺🇿🇺🇿

Bugun Oʻzbekistonning BMT va uning ixtisoslashgan idoralari bilan hamkorligi mutlaqo yangi darajaga chiqdi. Tashkilot bilan xalqaro va mintaqaviy kun tartibidagi masalalar boʻyicha saʼy-harakatlarimiz bir nuqtada birlashmoqda.

BMT Bosh kotibining maxsus vakili, Markaziy Osiyoda Preventiv diplomatiya boʻyicha mintaqaviy markazi rahbari Kaxa Imnadze bilan oʻtkazgan uchrashuvimizda ham oldimizda turgan rejalarni muhokama qilib oldik.

Mintaqada tinchlik va barqarorlikni taʼminlash, BMTning Barqaror rivojlanish maqsadlarini hayotga tadbiq qilish, gender tenglikni taʼminlash va yoshlar masalalari yuzasidan fikr almashdik.

Ushbu masalalar har tomonlama ustuvorlik kasb etishini eʼtiborga olib, bu borada ham mamlakatimizda ham mintaqamiz davlatlari bilan birga qoʻshma loyihalarni amalga oshirishga kelishib oldik.

#senat #BMT

@tanzilanarbaeva

🇺🇿🇺🇿🇺🇿

Gender tengligiga erishish va xotin-qizlar imkoniyatlarini kengaytirish global taraqqiyotning muhim sharti hisoblanadi.

Bu borada turli institutlar salohiyatini kuchaytirish, genderga oid moliyalashtirishni inobatga olgan holda kambagʻallikni qisqartirish barcha mamlakatlar kun tartibidagi dolzarb masaladir.

Shu kunlarda BMTning Nyu-York shahridagi bosh qarorgohida BMT Ayollar holati boʻyicha komissiyasining (CSW) 68-sessiyasida dunyo davlatlarining sohaga masʼul parlament va hukumat idoralari, vazirlik va tashkilotlari, nodavlat tuzilmalari va fuqarolik jamiyati institutlari vakillari ishtirokida ayni shu masalalar muhokama qilinmoqda.

Anjumanda Oʻzbekiston delegatsiyasi Markaziy Osiyo mintaqasi va Ozarbayjon nomidan umumiy yondashuvlarni ifoda etadigan keng qamrovli murojaat hamda ilgʻor tajriba va aniq tavsiyalar toʻplamini taqdim etdi.

Albatta, bu imkoniyat BMT Ayollar tashkiloti tomonidan keyingi yillarda Oʻzbekistonning gender tenglikka erishish, xotin-qizlarning huquqlari va imkoniyatlarini kengaytirish borasidagi ijobiy natijalarini eʼtiborga olgan holda berildi.

#senat #BMT #gender

@tanzilanarbaeva

🇺🇿🇺🇿🇺🇿

BMTning Nyu-Yorkdagi bosh qarorgohida Birlashgan Millatlar Tashkiloti Bosh kotibi Antoniu Guterrish bilan uchrashdik.

Oʻzbekistonning BMT bilan mamlakatimizdagi ijtimoiy-iqtisodiy islohotlarni amalga oshirish doirasidagi hamkorligi, Markaziy Osiyo mamlakatlari oʻrtasidagi mintaqaviy hamkorlikni mustahkamlash va davlatlar oʻrtasida soʻnggi yillarda shakllangan ijobiy sheriklik tajribasi yuzasidan fikr almashdik.

Barqaror rivojlanish maqsadlarini amalga oshirish bilan bogʻliq, jumladan, gender tengligini taʼminlash masalalarida BMT institut va tuzilmalari bilan amaliy hamkorligini yanada rivojlantirish masalalari ham eʼtiborimiz markazida boʻldi.

Oʻzbekiston tashabbuslarini xalqaro maydonda ilgari surish, mamlakatda amalga oshirilayotgan islohotlar hamda mintaqaviy hamkorlikni kengaytirishga doir aniq takliflarni qoʻllab-quvvatlashda BMT bilan amaliy va konstruktiv hamkorligimiz albatta, sermahsul davom etadi.

#senat #BMT #hamkorlik

@tanzilanarbaeva

🇺🇿🇺🇿🇺🇿

Jahonda iqtisodiy, ijtimoiy va siyosiy beqarorliklar kuzatilayotgan, xalqaro vaziyat tobora oʻzgarib borayotgan bugungi sharoitda xalqaro tuzilmalar, ayniqsa, BMT bilan hamkorlik har qachongidan ham muhim.

Jeneva shahriga amaliy tashrifimiz doirasida BMT Bosh kotibi oʻrinbosari, BMTning Jenevadagi boʻlimi bosh direktori Tatyana Valovaya bilan uchrashuvimiz davomida hamkorlikni yanada kengaytirish istiqbollarini muhokama qildik.

Global taraqqiyotning muhim kafolati hisoblangan Barqaror rivojlanish maqsadlariga erishish sohasidagi vazifa va maqsadlarni roʻyobga chiqarish borasida qoʻshma dastur va loyihalarni koʻpaytirish boʻyicha fikr almashdik.

Mamlakatimizda oʻtkaziladigan yirik nufuzli xalqaro tadbirlarning tashkiliy masalalalari ham eʼtiborimiz markazida boʻldi.

Kun tartibidagi reja va maqsadlarimiz, qolaversa, mintaqaviy loyihalarni amalga oshirish boʻyicha saʼy-harakatlarni birlashtirishga kelishib oldik.

#senat #hamkorlik #bmt

@tanzilanarbaeva

🇺🇿🇺🇿🇺🇿
Mamlakatimizda rasmiy tashrif bilan boʼlib turgan BMT bosh kotibi Аntoniu Guterrish janoblari bilan uchrashuv oʼtkazdik.

Suhbatimiz avvalida, BMT bilan Oʼzbekistonning global hamkorligi va Barqaror rivojlanish maqsadlariga erishish boʼyicha chora-tadbirlarni amalga oshirishdagi faol ishtirokiga toʼxtalib oʼtildi.

Bosh kotib janoblari Oʼzbekistonning Markaziy Osiyo davlatlarini birlashtirish yoʼlidagi tashabbusi va saʼy-harakatlarini alohida eʼtirof etdi.

Shuningdek, mamlakatimizda olib borilayotgan siyosiy, iqtisodiy, tashqi siyosatdagi ochiqlik, xususan, ijtimoiy himoya hamda gender tengligi masalalaridagi islohotlarni yuqori baholadi.

Suhbatimiz davomida, ekologiya, iqlim oʼzgarishi, munosib mehnat tamoyillari, raqamli texnologiyalar va sunʼiy intellekt imkoniyatlaridan foydalanish masalalari yuzasidan fikr almashdik.

BMT tomonidan ilgari surilayotgan taraqqiyot dasturlarini joriy etishda parlamentlarning faolligini oshirish borasidagi muhim vazifalar ham koʼrib chiqildi.

#senat #BMT #hamkorlik

@tanzilanarbaeva