Другую казарму XIX ст. на Шчорса знеслі

Не дапамаглі ні звароты,ні абурэнні.

Так знікае гарадзенская спадчына😢 Усім, хто дае дазвол на знос і будаўніцтва "па матывах", варта памятаць: нішчыцца Гародня, якая складалася цягам стагоддзяў, якая належыць гараджанам і вабіць турыстаў. Іншай спадчыны ў вас не будзе.

📸 NewGrodno.by

Будаўніцтва дома Гарсавета ў Мінску ў 1951 годзе. Бачна, што тарцом будынак прымыкае да фасада дарэвалюцыйнай камяніцы. Гэта дом Маліна, у якім 25 сакавіка 1918 года была абвешчана Беларуская Народная Рэспубліка. Ён стаяў па Захар'еўскай вуліцы, якую пасля вайны выпраставалі. У дома Маліна знеслі крыло, якое выходзіла на старую вуліцу і замінала будаўніцтву па новай трасіроўцы. Але крыло па Валадарскага засталося. Калі зайсці ў двор, то можна пабачыць, што паміж старым і новым будынкамі пакінуты зазор, праз які можна разгледзець цалкам захаваны дэкор фасада, які калісьці выходзіў на Захар'еўскую.

Фота
#мінск

У касцёле Найсвяцейшай Тройцы ў Радашковічах правялі рамонт, аднавілі лаўкі і адкрылі арган. Арган у дрэнным быў перавезены сюды з касцёла ў Браславе. Яго рэстаўрацыяй апошнія гады займаўся майстар Маскоўскай філармоніі Дзмітрый Лотаў.

Фота
#касцёлы #інтэр'еры #Радашковічы