Масквазнавец Рустам Рахматулін выказвае здагадку, што дом Далгарукавых на Пакроўцы пабудаваны на белакаменным падклеце XVI стагоддзя, які з'яўляўся часткай Літоўскага пасольскага двара — тагачаснага пасольства Вялікага Княства Літоўскага ў Рускай дзяржаве.

#Расія #Масква #замежжа

https://youtu.be/cv20EoQ3elE?t=570

У 1966 годзе ў расійскім Ульянаўску пачалі будаўніцтва парку Дружбы народаў. Па задуме кожная саюзная рэспубліка добраўпарадкавала свой участак зямлі. Праекты планіроўкі і азелянення ўчастку БССР выканаў архітэктар Генадзь Булдаў.

Ніжні ўчастак Беларусі быў аформлены вельмі сціпла — у выглядзе альтанкі-агароджы з вялікіх драўляных брусаў.

«Участак выкананы ў форме тэрыторыі рэспублікі і разбіты на 6 яе абласцей. На тэрыторыі кожнай віёлы рознага колеру – чырвонага, белага, сіняга, жоўтага…». «Шэсць слупкоў з электрычным падсвятленнем – 6 абласцей, назвы абласных гарадоў, іх эмблемы».

На пляцоўцы Беларускай ССР у верхнім партэры, была пастаўлена скульптура «Зубр». Першапачаткова скульптура была больш дэкаратыўнай, з каванай медзі, пазней яе змяніла больш капітальная алюмініевая, якая стала на доўгія гады візітнай карткай парку. На магутнага звера з задавальненнем залазілі і фатаграфаваліся жыхары і госці горада.

Пасля развалу СССР парк прыйшоў у запусценне. У 2002 годзе «Зубр» быў разламаны і выкрадзены з парку, верагодна, каб здаць на металалом, брусы з альтанак разабраныя. Расійская рэчаіснасць 🤷‍♂️

Некалькі гадоў таму пры ўдзеле Арменіі і Азербайджана аднавілі ўчасткі гэтых рэспублік. У 2015 годзе паведамлялася, што Беларусь таксама збіраецца аднавіць свайго Зубра.
#Расія

Калі думаеце, што ў Беларусі дрэнна з аховай культурнай спадчыны, то паглядзіце як з 2008 года змянілася колькасць аб'ектаў культурнай спадчыны (ОКН) у Расіі па рэгіёнах. У большасці суб'ектаў федэрацыі скарачэнне, у многіх пазбаўлена ахоўнага статусу да 70% аб'ектаў

#замежжа #ахова #Расія

Цэнтральная плошча Масквы па-беларуску назвываецца Краснай плошчай. Справа не столькі ў прынцыпах транслітарацыі з рускай мовы на беларускую, колькі ў этымалогіі назвы. «Красная» тут у сэнсе «прыгожая», а не ў сэнсе асноўнага колеру. У нашых галовах замацавалася сувязь: чырвоны Крэмль + чырвоны Маўзалей + чырвоны камунізм = Чырвоная плошча. Вось толькі апошнія дзве гісторыі гэта XX стагоддзе, а Крэмль з другой паловы XVII стагоддзя і да камуністаў перыядычна бялілі. З той жа другой паловы XVII стагоддзя рынкавая плошча Масквы пачала насіць назву Краснай.

Гэта не арыгінальнае даследаванне, менавіта пад назвай «Красная» дадзеная плошча фігуруе ва ўсіх беларускамоўных энцыклапедычных выданнях з часоў СССР.

Магчыма, Крэмль з ідэалагічных меркаванняў яшчэ будзе калісьці пабелены, каб разбурыць недарэчныя памылковыя сувязі ў галовах людзей.

Дарэчы тая ж гісторыя з Чырвонай вуліцай у Мінску, якая з моманту з'яўлення была Краснай, але за савецкім часам за ёю замацаваўся ідэалагічна правільны «даслоўны пераклад». А вось у Ветцы, падказваюць, плошча засталася Краснай.

#Расія #тапаніміка #замежжа #Мінск

У Пецярбургу ўпершыню перасунулі гістарычны дом. А што так можна было?

Корпус Імператарскага выхаваўчага дома на Чорнай рэчцы па рэйках перасунулі на 52 метры. Рашэнне прынялі ў сувязі з пабудовай новага жылога корпуса.

Рашэнне не ідэальнае, але лепш чым знішчыць. І не такое дарагое, як здаецца.

Крыніца
#замежжа #Расія