قوخوموش نفسلرین اولگوجو
اینجارسیز قوللارین گوجو
هانسی اوستون گله جک؟

#نیگار_خیاوی
#شعر_اوجاغی

┏━━━━━📝━━━━━┓
🆔 @text_turk 👈
┗━━━━━📝━━━━━┛

من اؤلۆرکن
دوغدوغومـدا گلدییی کیمی
من اؤلۆرکن ده بیر داها گله​‌جـک، پاییز
ألینـدن توتوب سنی منه گتیرَجک
من ألیمی اوزادیب پاییمی گؤزۆنـدن دره­ جه ­یم
گؤزیاشلارینـدا آددیملایاجاغام
سن خییوو خزل‌لرینـدن منه پای گتیرَ​‌جکـسن
من کدریمی آیاغینین آلتینا باسدیریب
سئوینجیمی قونشولوغوندا أکه ­جه­ یم
بیرگۆن
آغ بولودلارین یولو اورمو گؤلۆنـدن دۆشنـده
سن سئوینجیمی سولایاجاقسان
من یئنه پاییزا حسرت قالاجاغام
من یئنه اطرافینـدا یاغیش یاغاجاغام او گۆن

#نیگار_خیاوی
@SheirOcagi

دوغوم گونون قوتلو اولسون شاعیر.

#نیگار_خیاوی
#شاعیر_تانیتیمی
#شعر_اوجاغی
@SheirOcagi

مندن سونرا...



گیزلی یاشیللیغیمی
بولودلارین آباد اوره‌یینده باسدیراجایام
سوسوز تورپاغین، سئوگیه چاتلامیش،
یانغین دریسی،
منی ایچه‌جک
سونرا کولک اسه‌جک
فصیللر گلیب اللریمده،
یووالانیب، کئچه‌جک
گونش،
سانسیز- حسابسیز گونلری
گوله‌جک

سونرا
منیم قانادلاریم
یارپاق-یارپاق
یاشیللانیب
بیته‌جک.

#نیگار_خیاوی
@SheirOcagi

▪️سن گئت
اورتالیغی توپلاماق
منه قالیر

منه قالیر سندن قوپان ایزلری
بوغچالارا قالدیرماق

بوشالتما کول قابینی
گئت
یوبانما
من توپلارام

سؤیله دیییمیز سؤزلری
آشیردیغیمیز قدحلری
ماسا اوسته ایکی دیرسک ایزلری
و داها بیر چوخ شئیلری

آمان یوخدور زاماندا
یوبانما
گئت سن
اؤزومو ده توپلارام من

#نیگار_خیاوی
@SheirOcagi

▫️آذر آیی‌نین 10-جی گونو، چاغداش ادبیاتیمیزین آدلیم شاعیری #نیگار_خیاوی‌-نین دوغوم گونودور.

اثرلری:

1) منيم شعريم.
2) كؤلگه‌ده‌كي سس.
3) شهر جيريغيندا نيگار.
4) بَيَل عزاليلاري- رومان (دوكتور غلامحسين ساعدي اثری‌نين چئویرمه‌سیدیر)
5) توپ- رومان (دوكتور غلامحسين ساعدي اثرلری‌نين چئویرمه‌سیدیر.)
6)الیمده اللی بارماق.

▪️بو موناسیبتی، حؤرمتلی شاعیریمیزه و اؤلکه‌میزین ادبیات عایله‌سینه تبریک دئییریک.
سونسوز حؤرمتله:
#شعر_اوجاغی
@SheirOcagi

▪️بو قادین


هاااای ی ی
منی سئون کیشیلر
دردیمدن اؤلن کیشیلر
قیرخ مین ایلدیر بو جنازه اوتاغیمین اورتاسیندا قورویور…
قیرخ مین ایلدیر آسلاق قالمیش،
قورخور قوخویور

یئندیرین اونو آشاغی
آشاغی یئندیرین
تاخین ویترینلره
تاخین ماتیک بویالی پاساژلارا
دامارینیزدا جسارتینیز وارسا

آیهاااای
منی سئون کیشیلر
دردیمدن اؤلن کیشیلر
قیرخ مین ایلدیر بو قادین
عطیر- آدکولون یئرینه
بنزین سَپیر اوستونه
و کیبریت چکیر اؤزونه

گؤتورون
گؤتورون بو یارالینی
کوْپییالاییب اوزونو یئکلدین!
سونرا بیر هئیکل دیکلدین ساعات قاباغیندا!

سؤزونوزده صداقتینیز،
دامارینیزدا جسارتینیز وارسا اگر…

#نیگار_خیاوی
@SheirOcagi

▪️گلن اولسا،
گؤرن اولسا،
چیخ آرادان

بیلن اولسا،
دیلله‌نن اولسا،
یوخ اول آرادان

چووغون ایچره،
چیلپاق اوینایان بیر اورک جنازه‌سینی
یئردن گؤتورمه‌یه نه وار کی...؟!

#نیگار_خیاوی
@SheirOcagi

▪️نه فرقی وار، ان چوخ سئودییم آغاج هانکیسی؟

آدیمیزا ایکی آغاج اکیرسن یان – یانا
گونده اونلاری سوواریر، باشلارینا فیرلانیرسان

دئییرم اولمایا آغاجلا، باشیمی اکیرسن

اوره ییمه بئله گلیر

اولمایا او سئوگی دئدیییمیز اکینچی
بیزی اکیب بوردا
اؤزو چوخدان اکیلیب آرادان چیخیب

اوره ییمه بئله – بئله چوخ شئی لر گلیر...

#نیگار_خیاوی
@SheirOcagi

▪️چینار_چینار بوداقلی دیلیم
نه ایتدن اوشه‌نر، نه قورتدان.
نه آیاغینا اؤزگه دیللر بلَشنده دولاشار؛
نه اؤزگه‌لرین دیلینه بولاشار.

بیر، هئیوا گول آچاندا،
بیر ده گیلانارا نیشان دوشنده
دولاشار بو منیم دیلیم...

#نیگار_خیاوی
@SheirOcagi

▪️آداملار آراسيندا داريخيرام
بيلميرم احساسلار نه بيچیمده دی

ماسکالار دونياسيندا كاريخيرام
بلكه ده چاشقینلیق اؤز ايچیمده دی

#نیگار_خیاوی
@SheirOcagi

🔸گؤزلویونو ایتیریب دونیا
اؤز ایشینده دئییل
بورنویلا سوخولور
بوینوزویلا سوخولور بؤیرومه
من عاراق کیمی، سو کیمی
چکیرم باشیما یورغانیمی
گولوش آلیرام بازاردان دوداغیما
تئلویزیونا زیلله‌نن گؤزسوز اوشاغیما
بول تاماتل
ماکارونی دمله‌ییرم
توفک دویومله‌‌ییرم قونداغینا آنالار کیمی

بو میکروبفونلار… بو میکروبفونلار
هانسی ایلین نئچه‌نجی چووغونوندان
هانسی سنگرین
نئچه‌‌نجی سونگوسوندن
توشلانیب آغزیما؟
نییه بیله ‌‌بیلمه‌‌ییر؟
یوخ اولمایاجاق
اولماییر
دیلیمین آچیلماسی یوخولاریمدان
نییه بیله‌ بیلمه‌‌ییر؟
گؤبه‌ییم آتیلیر خزره گئدن گمییه
جنازه‌م باتیر شاه‌گؤلونون حیران‌لیغینا
باخ مئییته!
پنجره‌ده ناماز قیلیر.
مئییت نامازی قیلیر، وورهااای…
میگرنلی آخشاما آغلایان  قادین.

سیقارلارین کؤزو
بیر-بیریندن
قبیر آدرئسی سوروشور

هله آتاما باخ!
وانتله بئل- کولونگ داشییر تلسه- تلسه
من بیلمیرم کیمدن کوسه- کوسه: “بولدئزر کیرالامیشیق آتا!”
دئیه، اوچقونورام

آنام
تک جانینا باغلی- باغاتلی پنجره ‌دی
اوره‌یین آچیلار گزیب دولانسان
اوره‌‌یین توتولار ‌دیندیریب دانیشدیرسان:
“نه افسرلر، نه افسرلر… اؤلوم ننه‌لریندی، ننه‌ن قوربان سنه ننه‌لرین…!”

بو سؤیودون، او کؤهره‌‌نین کؤلگه‌سینده
قوجامان قاراسو آخیر هله ده گؤزلرینده
بوداقداکی جنازه‌‌نین دیزیندن یوخاری
باخمیر
باخانمیر آنام

گونش شوشه شاخیر باشیمیزا
قاپی پلیس چالینیر،
آرخا قاپی تئز توو آچیلیب اوچوقلاییر
پلیس تپیک آچیلیر قاپییا تاتاراخ تاراااااق
شوشه‌لر غرور کیمی قیریلیر  شاشاراق شارااااق
ترلی اوزه چپیک چالینیر شاپالااااااق

ال‌لریمده قارنیم
اوشاق دوشور بویوما ایلده آذرین اییرمی بیرینده
قوناقلارین سولو آغزینا
تبریزین قورابیه‌سی ارییه‌نده
بوتون محکمه‌لره محکوم یئنه بیز چیخیریق
دئییرم:
“نه فرق ائدر اؤلوم یا بیریسی‌نین باشینا بالتا ائنسین
یا دا او بیریسینی اوستاجا
دره‌‌یه آشیران ماشین اولسون
بیز کی،
باش ساغلیغی وئرمه‌‌یه آدامینی تاپانمیریق”

منی قورخودان یاواشجالیقلا:
”دینمه! تئلفونلار دیلقمی چالیر
بورالار قورخولو، سن گئت!” دئییرسن

اوی… اوی…
قارنیم ال‌لریمده
اورییمده‌ کی قادینین سانجیسیندایام
هله ده سنده  
یئنه سنده قرارلییام...

#نیگار_خیاوی
@SheirOcagi

▫️سن گئت...!
اورتالیغی توپلاماق
منه قالیر

منه قالیر سندن قوپان ایزلری،
بوغچالارا قالدیرماق

بوشالتما کول قابینی!
گئت!
یوبانما!
من توپلارام

سؤیله دیییمیز سؤزلری،
آشیردیغیمیز قدحلری،
ماسا اوسته ایکی دیرسک ایزلری،
و داها بیر چوخ شئیلری

آمان یوخدور زاماندا
یوبانما!
گئت سن!
اؤزومو ده توپلارام من...

#نیگار_خیاوی
@SheirOcagi

▫️نه فرقی وار، ان چوخ سئودییم آغاج هانکیسی؟
آدیمیزا ایکی آغاج اکیرسن یان- یانا
گونده اونلاری سوواریر، باشلارینا فیرلانیرسان.

دئییرم اولمایا آغاجلا، باشیمی اکیرسن؟
اوره‌ییمه بئله گلیر

اولمایا او سئوگی دئدیییمیز اکینچی
بیزی اکیب بوردا،
اؤزو چوخدان اکیلیب آرادان چیخیب؟
اوره‌ییمه بئله-بئله چوخ شئی‌لر گلیر...

#نیگار_خیاوی
@SheirOcagi

▫️بو قادین

هاااای ی ی...
منی سئون کیشی‌لر!
دردیمدن اؤلن کیشی‌لر!
قیرخ مین ایل‌دیر بو جنازه، اوتاغیمین اورتاسیندا قورویور…
قیرخ مین ایل‌دیر آسلاق قالمیش،
قورخور، قوخویور

یئندیرین اونو آشاغی
آشاغی یئندیرین
تاخین ویترین‌لره
تاخین ماتیک بویالی پاساژلارا
دامارینیزدا جسارتینیز وارسا

آهاااای...
منی سئون کیشی‌لر!
دردیمدن اؤلن کیشی‌لر!
قیرخ مین ایل‌دیر بو قادین
عطیر- آدکولون یئرینه
بنزین سَپیر اوستونه
و کیبریت چکیر اؤزونه

گؤتورون...!
گؤتورون بو یارالینی!
کوپیالاییب اوزونو یئکَلدین!
سونرا بیر هئیکل دیکَلدین ساعات قاباغیندا!

سؤزونوزده صداقتینیز،
دامارینیزدا جسارتینیز وارسا…

#نیگار_خیاوی
@SheirOcagi

▫️جاماعاتی بوش-بئکار ساخلاماق اولماز، جاماعاتین باشی نه‌یه‌سه قال اولمالیدیر، اونلارین باشلارینی نئجه اولورسا بیر جور سارسیدیجی، گرگین اَیلنجه ایله قاتماق لازیمدیر. جاماعاتی اوشاق کیمی گؤردویوندن دولایی بایرام، یاس، ساواش، هم ده دوغرو-دوزگون ساواش یوخ - جینایت، قوتلاما، آجلیق، سوسوزلوق، فیتنه، وبا، طاعون کیمی اویونجاقلارلا مشغول ائتمه‌یی مصلحت گؤروردو. هر زامان جاماعاتی انتظاردا ساخلاماق گرک،‌ اونلارا لازیم اولان آنجاق یئکه-یئکه دانیشماقدیر، اؤزو ده باشلارینا چیمخیراراق دانیشماق، هم ده اونلارا دانیشان کیشی‌لر و قادینلار اَن گوجلو، اَن توتوملو، اَن گؤزل گوُر سسه مالیک اولمالیدیر. بو جاماعات فخر ائتمه‌یی، گؤزل سسلی کیشی‌لر و قادینلارین سؤزلرینی بئیینلرینه یئریتمه‌یی باجارمالیدیر، ایستر تاریخین بیر بوجاغیندا، ایسترسه دونیانین دؤرد بیر یانیندا هم اؤزلرینه، هم ماحمیدا فخر ائتمه‌یی باجارمالیدیرلار.

📚 آیاز آغانین قارا گونلری
#رضا_براهنی
چئویرن:
#نیگار_خیاوی
@SheirOcagi