▫️اینسان اؤزو ایله صمیمی دئییل. اونا گؤره ده اؤزونو باشا دوشمه‌مه‌سیندن شیکایت‌لنمه‌مه‌لیدیر...
📚 بو شهرده کیمسه یوخدور
#رؤوشن_عبدالله‌اوغلو
#شعر_اوجاغی
@SheirOcagi
📚 بو شهرده کیمسه یوخدور
#رؤوشن_عبدالله‌اوغلو
#شعر_اوجاغی
@SheirOcagi
▫️ ایللر سونرا اؤیرندیم کی، قیشقیریب-باغیرماغا احتیاج یوخدور. سسینی ائشیتمک ایسته‌ینه بیر فیسیلتی‌ن یئتر...
#فرید_فرجاد
#شعر_اوجاغی
@SheirOcagi
#فرید_فرجاد
#شعر_اوجاغی
@SheirOcagi
▫️اوشاقلیقدا من اؤزومو بیر آری پته‌یی کیمی خیال ائدیردیم: چئشیدلی ساده و عادی آداملار بال آریلاری کیمی حیات حاقّینداکی اؤز بیلیک و فیکیرلرینین بالینی بورایا گتیریر، هر کس سخاوتله منیم روحومو بیر شئی‌له زنگین‌لشدیریردی. چوخ زامان بو بال چیرکلی و آجی اولوردو، لاکین هر جور بیلیک هر حالدا یئنه ده بال‌دیر...
📚 اوشاقلیق
#ماکسیم_گورکی
#شعر_اوجاغی
@SheirOcagi
📚 اوشاقلیق
#ماکسیم_گورکی
#شعر_اوجاغی
@SheirOcagi
▫️ بیز ائله بؤیوموشوک، ائله تربیت اولموشوق کی، حتّی سئوگی بئیینه عایید ائدیلیر.
سئوگی اساساً اوره‌یه مخصوصدور، آما بیزیم توپلوم اورکدن یان کئچیر، چونکی اورک منطیقلی دئییل، اورک راسیونال دئییل.
بئینه ائله تربیت وئریلیب کی، منطیقلی اولمایانی سهو حساب ائدیر، ایرراسیونال اولان هر شئیی یانلیش بیلیر. بئینه گؤره منطیقلی اولان دوزگوندور.
بیزیم تربیت پروقرامیمیزدا اوره‌یه یئر یوخدور، هر شئی بئیین اوچوندور. اورک همیشه آز قالا وارلیغیمیزدان اوزاقلاشدیریلیب، سوسدورولوب. اوره‌یه، بؤیومک اوچون ایمکان وئریلمیر، اونا اؤز پوتانسییئلینی فعّال‌لاشدیرماق اوچون شراییط یارادیلمیر...
📚 قیزیل کولچه‌لر
#اوشو
#شعر_اوجاغی
@SheirOcagi
سئوگی اساساً اوره‌یه مخصوصدور، آما بیزیم توپلوم اورکدن یان کئچیر، چونکی اورک منطیقلی دئییل، اورک راسیونال دئییل.
بئینه ائله تربیت وئریلیب کی، منطیقلی اولمایانی سهو حساب ائدیر، ایرراسیونال اولان هر شئیی یانلیش بیلیر. بئینه گؤره منطیقلی اولان دوزگوندور.
بیزیم تربیت پروقرامیمیزدا اوره‌یه یئر یوخدور، هر شئی بئیین اوچوندور. اورک همیشه آز قالا وارلیغیمیزدان اوزاقلاشدیریلیب، سوسدورولوب. اوره‌یه، بؤیومک اوچون ایمکان وئریلمیر، اونا اؤز پوتانسییئلینی فعّال‌لاشدیرماق اوچون شراییط یارادیلمیر...
📚 قیزیل کولچه‌لر
#اوشو
#شعر_اوجاغی
@SheirOcagi
اوشاق شعری
▫️توملار*
بیر استکان توم
اکدیم تورپاغا.
سونرا باشلادیم
من داریخماغا.
کئچدی آیلاریم
کئچدی ایللریم،
نه واخت چیخاجاق،
توملاریم منیم؟
ائشدیم تورپاغی
گؤردوم توملارین
یاریسی یوخدو.
یاریسینین دا
الی چیخیبدی.
گؤردوم یاریسی
آیاق آچیبلار.
او بیرلری ده،
یقین قاچیبلار...
#قشم_نجف‌زاده
* توخوم (Tum)
#شعر_اوجاغی
@SheirOcagi
▫️توملار*
بیر استکان توم
اکدیم تورپاغا.
سونرا باشلادیم
من داریخماغا.
کئچدی آیلاریم
کئچدی ایللریم،
نه واخت چیخاجاق،
توملاریم منیم؟
ائشدیم تورپاغی
گؤردوم توملارین
یاریسی یوخدو.
یاریسینین دا
الی چیخیبدی.
گؤردوم یاریسی
آیاق آچیبلار.
او بیرلری ده،
یقین قاچیبلار...
#قشم_نجف‌زاده
* توخوم (Tum)
#شعر_اوجاغی
@SheirOcagi
▫️... سؤزون اخلاقلا ایلگیسی یوخدور.
اخلاقا چوخ باغلی اولان، آنجاق یاخشی داورانیشلاری اولمایان آداملارلا قارشیلاشمیشام من.
و هر گون داها دا چوخ آنلاییرام: «دوغرولوغون قانونا احتیاجی یوخدور...»
📚 سیزیف افسانه‌سی
#آلبر_کامو
#شعر_اوجاغی
@SheirOcagi
اخلاقا چوخ باغلی اولان، آنجاق یاخشی داورانیشلاری اولمایان آداملارلا قارشیلاشمیشام من.
و هر گون داها دا چوخ آنلاییرام: «دوغرولوغون قانونا احتیاجی یوخدور...»
📚 سیزیف افسانه‌سی
#آلبر_کامو
#شعر_اوجاغی
@SheirOcagi
▫️- آرامیزداکی ان بؤیوک فرق نه‌دیر، بیلیرمی‌سن؟
سن اینسانلارا باخدیغیندا اؤزل گئییم‌لر، بایراقلار و دین گؤرورسن...
+ باخشی دئ گؤرک سن نه گؤرورسن؟
- اینسان، ساده‌جه اینسان. سئون، آغری چکن، آجان، اوشوین، قورخان بیر اینسان...
📚 سئرئناد
#زولفو_لیوانئلی
#شعر_اوجاغی
@SheirOcagi
سن اینسانلارا باخدیغیندا اؤزل گئییم‌لر، بایراقلار و دین گؤرورسن...
+ باخشی دئ گؤرک سن نه گؤرورسن؟
- اینسان، ساده‌جه اینسان. سئون، آغری چکن، آجان، اوشوین، قورخان بیر اینسان...
📚 سئرئناد
#زولفو_لیوانئلی
#شعر_اوجاغی
@SheirOcagi
▫️یئنه گلیر اوزو قارا آیریلیق،
سنی مندن آیری سالار، عزیزیم!
اینصافی یوخ، موروَتی یوخ، قانی یوخ،
اوره‌ییمده اوجاق قالار، عزیزیم!
نه قدر کی بو دونیادا من وارام،
گئجه-گوندوز یوللارینا باخارام.
سنسیز، گولوم، اولارام‌می هئچ آرام؟!
سئوینج منه حارام اولار، عزیزیم!
#علی‌بالا_حاجی‌زاده
#شعر_اوجاغی
@SheirOcagi
سنی مندن آیری سالار، عزیزیم!
اینصافی یوخ، موروَتی یوخ، قانی یوخ،
اوره‌ییمده اوجاق قالار، عزیزیم!
نه قدر کی بو دونیادا من وارام،
گئجه-گوندوز یوللارینا باخارام.
سنسیز، گولوم، اولارام‌می هئچ آرام؟!
سئوینج منه حارام اولار، عزیزیم!
#علی‌بالا_حاجی‌زاده
#شعر_اوجاغی
@SheirOcagi
▫️قاییت گل!
یامان چتین ایمیش سنسیز یاشاماق،
کؤنلوم گئجه-گوندوز آغلار. قاییت گل!
سئوَنی بیر گونده یوز یول اؤلدورَر-
یارسیز اؤتوب کئچن چاغلار. قاییت گل!
دئمه کئچن کئچیب، اولان اولوبدو!
واخت اولوب بوشالان بیر ده دولوبدو.
سن گئدندن سارالیبدی، سولوبدو،
گول آچمیر باغچالار، باغلار. قاییت گل!
حسرتین عؤمرومون سارایین سؤکور،
قلبیم هارای چکیر، گؤزوم قان تؤکور.
«شوجاعت» وطنده غریبلیک چکیر،
غوربته دؤنوبدو داغلار. قاییت گل!
#شوجاعت_کلبجرلی
#شعر_اوجاغی
@SheirOcagi
یامان چتین ایمیش سنسیز یاشاماق،
کؤنلوم گئجه-گوندوز آغلار. قاییت گل!
سئوَنی بیر گونده یوز یول اؤلدورَر-
یارسیز اؤتوب کئچن چاغلار. قاییت گل!
دئمه کئچن کئچیب، اولان اولوبدو!
واخت اولوب بوشالان بیر ده دولوبدو.
سن گئدندن سارالیبدی، سولوبدو،
گول آچمیر باغچالار، باغلار. قاییت گل!
حسرتین عؤمرومون سارایین سؤکور،
قلبیم هارای چکیر، گؤزوم قان تؤکور.
«شوجاعت» وطنده غریبلیک چکیر،
غوربته دؤنوبدو داغلار. قاییت گل!
#شوجاعت_کلبجرلی
#شعر_اوجاغی
@SheirOcagi
▫️آخ، کاش بیرجه بونو دا بیله‌یدین کی، توتدوغون ایشلرین، دئدیگین سؤزلرین هامیسیندا -لاپ منه عذاب وئرسه ده- چالیشیب یاخشی بیر شئی تاپماق ایسته‌ییرم!
📚 قصر
#فرانتس_کافکا
#شعر_اوجاغی
@SheirOcagi
📚 قصر
#فرانتس_کافکا
#شعر_اوجاغی
@SheirOcagi
▫️ائوده اولمادین
دونن سیزه گلدیم، ائوده اولمادین،
اؤلوم سون کؤچونو گۏرا گؤندریب.
گؤردوم وار-گلده‌دی¹ بیر گونه قادین،
گؤردوم دوغما یئرده غریبم، غریب.
گؤردوم چیینی دوشوب آنا-باجینین،
تورپاق هیم ائله‌دی² سنی گزه‌نه.
ساققیز پؤهره‌سینین، توت آغاجینین،
آغلادی هر بیری اؤز عوَضینه.
قازماقدان فس³ قویدو آشلی قاب-قاجاق،
او صیله⁴ سوفره ده کؤنول آچمادی.
کؤزو کؤپه‌جه‌ین او گورراه⁵ اوجاق،
گؤزو غم ایچه‌نه هئچ یاپیشمادی.
قویو دا قورویوب او سن گئده‌لی،
کولک بالتا چالیب دیره‌یی کسه.
او سامان تایاسی، او بلیم⁶ تلی،
پاییز تولکوسونه بنزه‌دی نه‌سه.
یارپاقدا خینجیلان بۏز خیشیلتینی،
بولاقدا اینجه‌لن آغ پیچیلتینی،
قبرینه سانجیلان گؤی سیزیلتینی،
آغی‌یا چئویریب یوخلوغون سنین.
خیخیبدی⁷، چؤکوبدو او چارداق دوه،
دهلیزده یووا یوخ، یووادا جیک-جیک.
فیرچا بارماغیندان کۆل درمیش ائوه،
سینیق ماهنی سپیر قارا سنسیزلیک.
کیشی، سندن سونرا سؤز سؤزو بوغور،
بهمزه⁸ نئیله‌مز بالی آجیدان؟!
بو باشسیز کۏمادا اؤیود کین دوغور،
توستو اَیری چیخیر دوم‌دوز باجادان.
ایللر سیناق یئری، ایشلر چلپه‌شیک،
منلیک هئچ سولوخمور سوچو یویاندا.
چال-چپر چیغنادان⁹ چۇغؤلچو پیشیک،
چوخ یوماق هئللَتمیش سن اولمایاندا.
چینارین جیر سسی دیبینی اۏیور،
تندیره کۆل تؤکور ایچی یانان یاس.
قیزیل گۆرزه¹⁰ کیمی قار-قابیق قویور،
چیرپیلان گیله‌نار، چیرپیلان گیلاس.
یئددی هاچا سینیر بیر یئل اسنده،
روحونا قانادتک کؤمک ائت، کؤمک!
ائله سن قایانین سال¹¹کؤلگه‌سینده،
یاتیب هووخورورموش¹² هر یاللی کؤپک.
اؤلوم یول آییران، بیزلر داغ-آران،
بیرلیک چۇخاسی‌یدین- یۏخا دؤنموسن.
ایشیغا داد وئریب کؤنول دۏیدوران،
سنمیسن، سنمیسن، ائله سنمیسن.
#آغا_لاچینلی
¹- گزینمک، گئت-گل
²- قاش-گؤزله اشاره ائتمک
³- قیرمیزی رنگلی، قوتازلی باش گئییمی
⁴- هدیه
⁵- قیزغین
⁶- کولش، هشَم
⁷- دوه‌نین دیزی اوسته اوتورماغی
⁸- توت و اوزوم شیره‌سی، دوشاب
⁹- تاپدالاماق
¹⁰- بیر نؤوع زهرلی ایلان
¹¹- ایٖری
¹²- بارماقلارینی آغزینا توتاراق، نفسی ایله اونلاری قیزدیرماق
#شعر_اوجاغی
@SheirOcagi
دونن سیزه گلدیم، ائوده اولمادین،
اؤلوم سون کؤچونو گۏرا گؤندریب.
گؤردوم وار-گلده‌دی¹ بیر گونه قادین،
گؤردوم دوغما یئرده غریبم، غریب.
گؤردوم چیینی دوشوب آنا-باجینین،
تورپاق هیم ائله‌دی² سنی گزه‌نه.
ساققیز پؤهره‌سینین، توت آغاجینین،
آغلادی هر بیری اؤز عوَضینه.
قازماقدان فس³ قویدو آشلی قاب-قاجاق،
او صیله⁴ سوفره ده کؤنول آچمادی.
کؤزو کؤپه‌جه‌ین او گورراه⁵ اوجاق،
گؤزو غم ایچه‌نه هئچ یاپیشمادی.
قویو دا قورویوب او سن گئده‌لی،
کولک بالتا چالیب دیره‌یی کسه.
او سامان تایاسی، او بلیم⁶ تلی،
پاییز تولکوسونه بنزه‌دی نه‌سه.
یارپاقدا خینجیلان بۏز خیشیلتینی،
بولاقدا اینجه‌لن آغ پیچیلتینی،
قبرینه سانجیلان گؤی سیزیلتینی،
آغی‌یا چئویریب یوخلوغون سنین.
خیخیبدی⁷، چؤکوبدو او چارداق دوه،
دهلیزده یووا یوخ، یووادا جیک-جیک.
فیرچا بارماغیندان کۆل درمیش ائوه،
سینیق ماهنی سپیر قارا سنسیزلیک.
کیشی، سندن سونرا سؤز سؤزو بوغور،
بهمزه⁸ نئیله‌مز بالی آجیدان؟!
بو باشسیز کۏمادا اؤیود کین دوغور،
توستو اَیری چیخیر دوم‌دوز باجادان.
ایللر سیناق یئری، ایشلر چلپه‌شیک،
منلیک هئچ سولوخمور سوچو یویاندا.
چال-چپر چیغنادان⁹ چۇغؤلچو پیشیک،
چوخ یوماق هئللَتمیش سن اولمایاندا.
چینارین جیر سسی دیبینی اۏیور،
تندیره کۆل تؤکور ایچی یانان یاس.
قیزیل گۆرزه¹⁰ کیمی قار-قابیق قویور،
چیرپیلان گیله‌نار، چیرپیلان گیلاس.
یئددی هاچا سینیر بیر یئل اسنده،
روحونا قانادتک کؤمک ائت، کؤمک!
ائله سن قایانین سال¹¹کؤلگه‌سینده،
یاتیب هووخورورموش¹² هر یاللی کؤپک.
اؤلوم یول آییران، بیزلر داغ-آران،
بیرلیک چۇخاسی‌یدین- یۏخا دؤنموسن.
ایشیغا داد وئریب کؤنول دۏیدوران،
سنمیسن، سنمیسن، ائله سنمیسن.
#آغا_لاچینلی
¹- گزینمک، گئت-گل
²- قاش-گؤزله اشاره ائتمک
³- قیرمیزی رنگلی، قوتازلی باش گئییمی
⁴- هدیه
⁵- قیزغین
⁶- کولش، هشَم
⁷- دوه‌نین دیزی اوسته اوتورماغی
⁸- توت و اوزوم شیره‌سی، دوشاب
⁹- تاپدالاماق
¹⁰- بیر نؤوع زهرلی ایلان
¹¹- ایٖری
¹²- بارماقلارینی آغزینا توتاراق، نفسی ایله اونلاری قیزدیرماق
#شعر_اوجاغی
@SheirOcagi
▫️بیلمه‌دین.
من عشقیمی سؤیله‌مه‌دیم، اوتاندیم،
تک قالاندا اوتانماقدان اوساندیم.
قلبی دئییر، سنین اوچون یاراندیم،
سنه اولان محبّتی بیلمه‌دین.
هردن ائله سانیرام کی، دۇیۇرسان،
باخیشینلا کدریمی یویورسان.
آی بیگانه‌م، سن دریمی سویورسان،
سنه اولان صداقتی بیلمه‌دین.
آنیرسان‌می سنی سئون بیر کسی؟
دۇیۇرسان‌می عشق عطیرلی بیر سسی؟
آی عؤمرومون، آی قلبیمین بیرجه‌سی!
من دوشدویوم قیامتی بیلمه‌دین.
یۇخۇلاردا گؤروشورم سنینله،
خیاللاردا اؤپوشورم سنینله،
اوره‌ییمده دؤیوشورم سنینله،
منده اولان دَیانتی بیلمه‌دین.
کیپریکلرین قیوریم-قیوریم قیوریلیب،
قاشین-گؤزون گؤزللیکدن یوغرولوب،
سنین بختین منیم اوچون دوغولوب،
او گله‌جک سعادتی بیلمه‌دین.
من «سئویرم» سؤیله‌مه‌دیم، دئمه‌دیم،
سنی گؤرجک دانیشمادیم، دینمه‌دیم،
سنسیز کئچن گونومه گون دئمه‌دیم،
سنه اولان اطاعتی بیلمه‌دین.
باخیشینلا منی وورور ایلدیریم،
بیر ال‌چاتماز ذیروه‌سن سن، سؽلدؽرؽم.
ایسته‌ییرم وار سسیمی قالدیریم،
سنه اولان محبّتی بیلمه‌دین.
#ووقار_احمد
#شعر_اوجاغی
@SheirOcagi
من عشقیمی سؤیله‌مه‌دیم، اوتاندیم،
تک قالاندا اوتانماقدان اوساندیم.
قلبی دئییر، سنین اوچون یاراندیم،
سنه اولان محبّتی بیلمه‌دین.
هردن ائله سانیرام کی، دۇیۇرسان،
باخیشینلا کدریمی یویورسان.
آی بیگانه‌م، سن دریمی سویورسان،
سنه اولان صداقتی بیلمه‌دین.
آنیرسان‌می سنی سئون بیر کسی؟
دۇیۇرسان‌می عشق عطیرلی بیر سسی؟
آی عؤمرومون، آی قلبیمین بیرجه‌سی!
من دوشدویوم قیامتی بیلمه‌دین.
یۇخۇلاردا گؤروشورم سنینله،
خیاللاردا اؤپوشورم سنینله،
اوره‌ییمده دؤیوشورم سنینله،
منده اولان دَیانتی بیلمه‌دین.
کیپریکلرین قیوریم-قیوریم قیوریلیب،
قاشین-گؤزون گؤزللیکدن یوغرولوب،
سنین بختین منیم اوچون دوغولوب،
او گله‌جک سعادتی بیلمه‌دین.
من «سئویرم» سؤیله‌مه‌دیم، دئمه‌دیم،
سنی گؤرجک دانیشمادیم، دینمه‌دیم،
سنسیز کئچن گونومه گون دئمه‌دیم،
سنه اولان اطاعتی بیلمه‌دین.
باخیشینلا منی وورور ایلدیریم،
بیر ال‌چاتماز ذیروه‌سن سن، سؽلدؽرؽم.
ایسته‌ییرم وار سسیمی قالدیریم،
سنه اولان محبّتی بیلمه‌دین.
#ووقار_احمد
#شعر_اوجاغی
@SheirOcagi
▫️- سونرا، اؤز دوشونجه‌می اونا دئمک ایسته‌دیم، آنجاق اؤزومو ساخلادیم.
بیر ده، آخی نییه دئییم؟! او، ایناندیغینا اینانیب؛ منیم سؤزومله فیکرینی دَییشمه‌یه‌جک، بیر آز دا آجیقلاناجاق...
📚 آلچالدیلمیش و تحقیر ائدیلمیش اینسانلار
#فئودور_داستایئوسکی
#شعر_اوجاغی
@SheirOcagi
بیر ده، آخی نییه دئییم؟! او، ایناندیغینا اینانیب؛ منیم سؤزومله فیکرینی دَییشمه‌یه‌جک، بیر آز دا آجیقلاناجاق...
📚 آلچالدیلمیش و تحقیر ائدیلمیش اینسانلار
#فئودور_داستایئوسکی
#شعر_اوجاغی
@SheirOcagi
|شعر اوجاغی|
▫️موغاندا، هونرسئور خالقین گئنیش اشتراکی‌یله، «آخماق تولکو» نوماییشینین آچیلیش مراسیمی کئچیریلدی. یازار: محمد پاشاپور یؤنتمن‌لر: محمد پاشاپور، واحید فیروزی آراشدیریجی: همت شهبازی ا.ی: بو نوماییش، تیر آیی‌نین ۴-جو گونوندن ۷-جی گونونه دک ایجرا اولاجاق. #شعر_اوجاغی…
▫️«آخماق تولکو» نوماییشینین زامانی ایکی گون داها اوزادیلدی.
11-12 قورا بیشیرن آی
پارساباد- سینما انقلاب
ساعات 19
#شعر_اوجاغی
@SheirOcagi
11-12 قورا بیشیرن آی
پارساباد- سینما انقلاب
ساعات 19
#شعر_اوجاغی
@SheirOcagi
|شعر اوجاغی|
▫️آذر پوئماسی ...بیرینجی قادین: «منیم قیزیم داها گنج...ایشده قالدیق اتمک‌سیز¹، نه ائدرسن، تیکانلی بیر یاشاییش! بو کیرلی جنّته گلدیک، قارالدی گؤزلریمیز، قیزی ساپدیردی² بیر ییغین آلقیش.» ایکینجی قادین: «منیم ده غوغادا محو اولدو قارداشیم‌لا اریم، ایکی قیز قالدی،…
▫️آذر پوئماسی
رسّامین قیزی
چیچکلی بیر باغچادا، قوس-قوجا بیر یاپینین¹،
گئنیش سالونلاریندا مینلرجه ارکک-قادین،
قاپدیرمیشدی صنعته بوتون خیالی، حیسّی،
هنوز گؤرولمه‌میشدی بؤیله رسیم سرگیسی.
اینجه-دیلبر تابلولار، پارلاق-زنگین لؤوحه‌لر،
ماراقلا سئیره دالمیش نظرلری جذب ائلر.
سالونلاری کئچدیکجه پارلار یئنی منظره،
هر لؤوحه عرض ائدردی کئچمیشدن بیر خاطیره.
باش سالوندا گؤزلری اوخشاردی بیر «مادوننا»
«رافائل»ین ال ایشی... حئیراندی هر کس اونا.
هفته‌لرجه، آیلارجا بو اورجینال اثرین،
قارشیسیندا دالمیشلار رسّاملار درین-درین.
بیر آز سولا ساپینجا² سؤندو بوتون لؤوحه‌لر،
جانلی بیر لؤوحه ساچدی کؤنوللره نشه‌لر.
«ائلزا»، «بوهئمیا»لی بیر آدلی رسّامین قیزی،
ماوی تۆله بورونموش او بیر ایلهام اولدوزو.
تصویره یئلته‌نیردی³ اونو اوچ فیرچا بیردن،
قیز خبرسیز کیمی‌یدی حوسنونده‌کی تأثیردن.
اونون سوزگون و مغرور آهو باخیشلاریندا،
گولومسردی مؤحتشم، حزین بیر رنگی-سئودا...
#حسین_جاوید
¹- بینا، تیکینتی (Yapı)
²- دوز یولدان چیخیب ساغا و یا سولا دؤنه‌رک باشقا بیر یولا گیرمک (Sapmaq)
³- چالیشماق، جان آتماق (Yeltənmək)
#شعر_اوجاغی
@SheirOcagi
داوامی وار.
رسّامین قیزی
چیچکلی بیر باغچادا، قوس-قوجا بیر یاپینین¹،
گئنیش سالونلاریندا مینلرجه ارکک-قادین،
قاپدیرمیشدی صنعته بوتون خیالی، حیسّی،
هنوز گؤرولمه‌میشدی بؤیله رسیم سرگیسی.
اینجه-دیلبر تابلولار، پارلاق-زنگین لؤوحه‌لر،
ماراقلا سئیره دالمیش نظرلری جذب ائلر.
سالونلاری کئچدیکجه پارلار یئنی منظره،
هر لؤوحه عرض ائدردی کئچمیشدن بیر خاطیره.
باش سالوندا گؤزلری اوخشاردی بیر «مادوننا»
«رافائل»ین ال ایشی... حئیراندی هر کس اونا.
هفته‌لرجه، آیلارجا بو اورجینال اثرین،
قارشیسیندا دالمیشلار رسّاملار درین-درین.
بیر آز سولا ساپینجا² سؤندو بوتون لؤوحه‌لر،
جانلی بیر لؤوحه ساچدی کؤنوللره نشه‌لر.
«ائلزا»، «بوهئمیا»لی بیر آدلی رسّامین قیزی،
ماوی تۆله بورونموش او بیر ایلهام اولدوزو.
تصویره یئلته‌نیردی³ اونو اوچ فیرچا بیردن،
قیز خبرسیز کیمی‌یدی حوسنونده‌کی تأثیردن.
اونون سوزگون و مغرور آهو باخیشلاریندا،
گولومسردی مؤحتشم، حزین بیر رنگی-سئودا...
#حسین_جاوید
¹- بینا، تیکینتی (Yapı)
²- دوز یولدان چیخیب ساغا و یا سولا دؤنه‌رک باشقا بیر یولا گیرمک (Sapmaq)
³- چالیشماق، جان آتماق (Yeltənmək)
#شعر_اوجاغی
@SheirOcagi
داوامی وار.
▫️آپاریم سنی!
اولسون بیز طرفه آیاق باسدیغین،
کؤنلومون سسینه قولاق آسدیغین!
قۏلوم کمر اولسون، سینه‌م یاستیغین،
باغریمین باشیندا آپاریم سنی!
تزه اکین کیمی یئر دلیب چیخیم،
سیمرغ قوشو کیمی تئز گلیب چیخیم،
سئوگی یاریشیندا من غالیب چیخیم،
رقیب ساواشیندا آپاریم سنی!
هم ناز ائتمه‌یه‌سن، هم ائیله‌یه‌سن،
یالواریم، حالیما فهم ائیله‌یه‌سن،
گؤردون آغلاییرام، رحم ائیله‌یه‌سن،
گؤزومون یاشیندا آپاریم سنی!
تپه‌دن دیرناغا، باشدان آیاغا،
اوخشاییب دا سنی، اولوم صاداغا،
بورویوب دویغوما، آلیب قوجاغا،
«اؤزبک قوماشی»ندا آپاریم سنی!
ایتر یاواش-یاواش آغزیمین دادی،
بیر عشقین گؤزونده قالدی مورادی.
طالع راست سالمادی، قیسمت اولمادی-
جاوانلیق یاشیندا آپاریم سنی!
#موسی_یعقوب
#شعر_اوجاغی
@SheirOcagi
اولسون بیز طرفه آیاق باسدیغین،
کؤنلومون سسینه قولاق آسدیغین!
قۏلوم کمر اولسون، سینه‌م یاستیغین،
باغریمین باشیندا آپاریم سنی!
تزه اکین کیمی یئر دلیب چیخیم،
سیمرغ قوشو کیمی تئز گلیب چیخیم،
سئوگی یاریشیندا من غالیب چیخیم،
رقیب ساواشیندا آپاریم سنی!
هم ناز ائتمه‌یه‌سن، هم ائیله‌یه‌سن،
یالواریم، حالیما فهم ائیله‌یه‌سن،
گؤردون آغلاییرام، رحم ائیله‌یه‌سن،
گؤزومون یاشیندا آپاریم سنی!
تپه‌دن دیرناغا، باشدان آیاغا،
اوخشاییب دا سنی، اولوم صاداغا،
بورویوب دویغوما، آلیب قوجاغا،
«اؤزبک قوماشی»ندا آپاریم سنی!
ایتر یاواش-یاواش آغزیمین دادی،
بیر عشقین گؤزونده قالدی مورادی.
طالع راست سالمادی، قیسمت اولمادی-
جاوانلیق یاشیندا آپاریم سنی!
#موسی_یعقوب
#شعر_اوجاغی
@SheirOcagi
▫️منه دئییرلر، هر شئی بیردن-بیره اولمور. حیاتدا هر بیر دیلَک یاواش-یاواش، اؤز واختیندا یئرینه یئتیریلیر.
لاکین بونو دئین کیم‌دیر؟ بونون عدالتلی بیر فیکیر اولدوغونو قانیتلایان بیر ندن وارمی؟
هامی، هر شئیین طبیعی قایدا ایله ایره‌لی‌له‌مه‌سینه، اولایلارین قانونی‌لیگینه اساسلانیر.
لاکین من جانلی، دوشونجه‌لی بیر اینسانام، بلکه ده من چوخورون اوستوندن آتیلا بیله‌رم، یا اونون اوستوندن کؤرپو سالا بیله‌رم، بونونلا بئله دوروب اونون دولاجاغینی و لیل باساجاغینی گؤزله‌ییرم‌سه، بو، بیر طبیعی ایره‌لی‌له‌مه و قانونی‌لیک‌دیرمی؟
یئنه تکرار ائدیرم: بیز آخی نه اوچون گؤزله‌یَک؟ یاشاماغا داها گوج یوخ ایکن، یئنه گؤزله‌مک‌می؟! حالبوکی اینسانا یاشاماق لازیمدیر، اینسان یاشاماق ایسته‌ییر.
📚 فیرنگ اوزومو
#آنتون_چئخوو
#شعر_اوجاغی
@SheirOcagi
لاکین بونو دئین کیم‌دیر؟ بونون عدالتلی بیر فیکیر اولدوغونو قانیتلایان بیر ندن وارمی؟
هامی، هر شئیین طبیعی قایدا ایله ایره‌لی‌له‌مه‌سینه، اولایلارین قانونی‌لیگینه اساسلانیر.
لاکین من جانلی، دوشونجه‌لی بیر اینسانام، بلکه ده من چوخورون اوستوندن آتیلا بیله‌رم، یا اونون اوستوندن کؤرپو سالا بیله‌رم، بونونلا بئله دوروب اونون دولاجاغینی و لیل باساجاغینی گؤزله‌ییرم‌سه، بو، بیر طبیعی ایره‌لی‌له‌مه و قانونی‌لیک‌دیرمی؟
یئنه تکرار ائدیرم: بیز آخی نه اوچون گؤزله‌یَک؟ یاشاماغا داها گوج یوخ ایکن، یئنه گؤزله‌مک‌می؟! حالبوکی اینسانا یاشاماق لازیمدیر، اینسان یاشاماق ایسته‌ییر.
📚 فیرنگ اوزومو
#آنتون_چئخوو
#شعر_اوجاغی
@SheirOcagi
▫️اینان کی نامردم سنی اونوتسام،
سنی عؤمروم بویو آنار اوره‌ییم.
سنسیز بیر آن بئله یاشایا بیلمز،
سؤنر بیر شام کیمی، دونار اوره‌ییم.
فلک چوخ اویونلار آچیب باشیما،
هئچ کیم رحم ائتمه‌ییب آخان یاشیما.
طالع‌می چیخاردی سنی قارشیما؟
سنی بیر خیلاص‌کار سانار اوره‌ییم.
#علی‌بالا_حاجی‌زاده
#شعر_اوجاغی
@SheirOcagi
سنی عؤمروم بویو آنار اوره‌ییم.
سنسیز بیر آن بئله یاشایا بیلمز،
سؤنر بیر شام کیمی، دونار اوره‌ییم.
فلک چوخ اویونلار آچیب باشیما،
هئچ کیم رحم ائتمه‌ییب آخان یاشیما.
طالع‌می چیخاردی سنی قارشیما؟
سنی بیر خیلاص‌کار سانار اوره‌ییم.
#علی‌بالا_حاجی‌زاده
#شعر_اوجاغی
@SheirOcagi
▫️آزربایجان
سن دئییرسن:
آران سنی داریخدیریر دار قویوجان.
من دئییرم:
صحرادا دا اوجالیقدی آزربایجان.
سوروشورسان:
هانسی آدلا جیناسلی‌دی دیلَک هئجه‌ن؟
من دئییرم:
آزربایجان، آزربایجان، آزربایجان.
سن دئییرسن:
تک‌لنَنده گؤیه باخیر کؤنول باجان.
من دئییرم:
آند یئریم‌دی، آمانیم‌دی آزربایجان.
سوروشورسان:
هانسی آزلیق چوخلوق‌لاردان چوخدو سایجان؟
من دئییرم:
آزربایجان، آزربایجان، آزربایجان.
سن دئییرسن:
قوردلاری وار...هئچ قورتولمور یوردو قۇجان،
من دئییرم:
آغریسی‌یلا درد ساغالدار آزربایجان.
سوروشورسان:
هانسی یولدا جاندان کئچیب تؤکردین قان؟
من دئییرم:
قوی گووَنسین، قوی چاغیرسین آزربایجان!
سن دئییرسن:
چوخ اؤیونمه، اۏددا اۆزۆر اۇلۇ قۏجان
من دئییرم: اؤز کولوندن دیری چیخار آزربایجان.
سن دئییرسن:
اوز گؤرمه‌دین گؤستردیگین حاقّی-سایجان.
من دئییرم:
سئوَنینه بیر هئیکل‌دی آزربایجان.
#آغا_لاچینلی
#شعر_اوجاغی
@SheirOcagi
سن دئییرسن:
آران سنی داریخدیریر دار قویوجان.
من دئییرم:
صحرادا دا اوجالیقدی آزربایجان.
سوروشورسان:
هانسی آدلا جیناسلی‌دی دیلَک هئجه‌ن؟
من دئییرم:
آزربایجان، آزربایجان، آزربایجان.
سن دئییرسن:
تک‌لنَنده گؤیه باخیر کؤنول باجان.
من دئییرم:
آند یئریم‌دی، آمانیم‌دی آزربایجان.
سوروشورسان:
هانسی آزلیق چوخلوق‌لاردان چوخدو سایجان؟
من دئییرم:
آزربایجان، آزربایجان، آزربایجان.
سن دئییرسن:
قوردلاری وار...هئچ قورتولمور یوردو قۇجان،
من دئییرم:
آغریسی‌یلا درد ساغالدار آزربایجان.
سوروشورسان:
هانسی یولدا جاندان کئچیب تؤکردین قان؟
من دئییرم:
قوی گووَنسین، قوی چاغیرسین آزربایجان!
سن دئییرسن:
چوخ اؤیونمه، اۏددا اۆزۆر اۇلۇ قۏجان
من دئییرم: اؤز کولوندن دیری چیخار آزربایجان.
سن دئییرسن:
اوز گؤرمه‌دین گؤستردیگین حاقّی-سایجان.
من دئییرم:
سئوَنینه بیر هئیکل‌دی آزربایجان.
#آغا_لاچینلی
#شعر_اوجاغی
@SheirOcagi