▫️یاریش
هر کس، هر کسی سئویر.
هامیسی دا باشقا نوع‌ده سئویر.
هر کس، هر کسی سئومه‌سین، گرک دئییل.
آدام آزالدی، سئوگی ده الدن گئدیر.
"منه سن حاقلیسان دئییرلر،
یوخ، یوخ، من چوخ حاقلییام."¹ بیلن بیلیر.
بو یاریشین ائشییینده قالانلار،
آدامی سئوگی، سئوگینی ده آدام ائدیر.
¹ فریدریش نیچه
#اؤزدمیر_آصاف
چئویرن:
#علی_چاغلا
@SheirOcahi
هر کس، هر کسی سئویر.
هامیسی دا باشقا نوع‌ده سئویر.
هر کس، هر کسی سئومه‌سین، گرک دئییل.
آدام آزالدی، سئوگی ده الدن گئدیر.
"منه سن حاقلیسان دئییرلر،
یوخ، یوخ، من چوخ حاقلییام."¹ بیلن بیلیر.
بو یاریشین ائشییینده قالانلار،
آدامی سئوگی، سئوگینی ده آدام ائدیر.
¹ فریدریش نیچه
#اؤزدمیر_آصاف
چئویرن:
#علی_چاغلا
@SheirOcahi
▫️سئوگی قوش کیمیدیر.
سئوگی قوش کیمیدیر، منیم عزیزیم!
بوش توتسان، الیندن چیخیب قاچاجاق.
برک توتسان الینده بوغولاجاقدیر،
نئیله‌سن، سئوگیدیر، بیر گون اوچاجاق.
اوچاجاق دئییرم، هارا اوچاجاق؟
اوچسا دا الینی اؤزله‌یه‌جکدیر.
سن اگر وفاسیز چیخماسان، گولوم!
سنین یوللارینی گؤزله‌یه‌جکدیر.
اؤزگه‌لر الینده ساغلام قالماقدان،
سنین اللرینده اؤلمک گؤزلدیر.
اؤزگه‌لر باغیندا قان آغلاماقدان،
سنین قفسینده گولمک گؤزلدیر.
سئوگیلر قوش اولوب اوچماق ایسته‌سه،
گؤی اوزو توتولار، کؤلگه‌لر دوشر.
قاریشار سئوگیلر بیری-بیرینه،
گؤیدن یئره مین-مین بلگه‌لر دوشر.
دی آختار، تاپاسان سئوگی قوشونو،
مینلر قوش ایچینده ایتیب-باتارسان.
باخارسان، گؤیدن بیر اؤلو قوش دوشور،
ال آچیب اووجوندا اونو توتارسان.
گؤررسن، سئوگیندیر، قانادی سینمیش،
اوره‌یین چیرپینار، اللرین اسر.
ساخلایا بیلمه‌سن اونو الینده،
آخیردا قوش کیمی اولار جان‌به‌سر...
سئوگی قوش کیمیدیر، منیم عزیزیم!
بوش توتسان الیندن چیخیب قاچاجاق.
برک توتسان الینده بوغولاجاقدیر،
نئیله‌سن، سئوگیدیر، بیر گون اوچاجاق...
#علی_چاغلا
@SheirOcagi
سئوگی قوش کیمیدیر، منیم عزیزیم!
بوش توتسان، الیندن چیخیب قاچاجاق.
برک توتسان الینده بوغولاجاقدیر،
نئیله‌سن، سئوگیدیر، بیر گون اوچاجاق.
اوچاجاق دئییرم، هارا اوچاجاق؟
اوچسا دا الینی اؤزله‌یه‌جکدیر.
سن اگر وفاسیز چیخماسان، گولوم!
سنین یوللارینی گؤزله‌یه‌جکدیر.
اؤزگه‌لر الینده ساغلام قالماقدان،
سنین اللرینده اؤلمک گؤزلدیر.
اؤزگه‌لر باغیندا قان آغلاماقدان،
سنین قفسینده گولمک گؤزلدیر.
سئوگیلر قوش اولوب اوچماق ایسته‌سه،
گؤی اوزو توتولار، کؤلگه‌لر دوشر.
قاریشار سئوگیلر بیری-بیرینه،
گؤیدن یئره مین-مین بلگه‌لر دوشر.
دی آختار، تاپاسان سئوگی قوشونو،
مینلر قوش ایچینده ایتیب-باتارسان.
باخارسان، گؤیدن بیر اؤلو قوش دوشور،
ال آچیب اووجوندا اونو توتارسان.
گؤررسن، سئوگیندیر، قانادی سینمیش،
اوره‌یین چیرپینار، اللرین اسر.
ساخلایا بیلمه‌سن اونو الینده،
آخیردا قوش کیمی اولار جان‌به‌سر...
سئوگی قوش کیمیدیر، منیم عزیزیم!
بوش توتسان الیندن چیخیب قاچاجاق.
برک توتسان الینده بوغولاجاقدیر،
نئیله‌سن، سئوگیدیر، بیر گون اوچاجاق...
#علی_چاغلا
@SheirOcagi
▫️یادیندادی؟
یادیندادی،
سنین بیر بالاجا استولون واردی،
اوستونده کیتابلار،
کیتابین اوسته واراقلار،
واراقلارین اوسته شعیر،
شعیرین ایچینده وطن.
یادیندادی،
سنین بیر بالاجا استولون واردی،
اوستونده چیچک کیمی
عصبی، تیترک اللرین.
الینین یانیندا
بیر استکان سویوموش چایین.
چایی سویودان فیکیرلر
گؤزونون اوجوندان
ساللانمیشدی
استکانا...
تورش لیمون کیمی
مصراعلانان آلنین کیمی.
یادیندادی،
سنین بیر آزجا معاشین واردی،
معاشیندا قیزینا دون،
ائوه ات،
داوا-درمان
یول پولون
بیر آز شکر،
بیر آز قند
واردی، یادیندادی؟
یادیندادی،
سنین بیر بالاجا آددیمین واردی
ایچینده لیاقت،
جسارت،
ایکینجینی آتاندا
دیوارا دَیدی آلنین
دئدیلر بسدی
بورا قدر...
یادیندادی،
استولونون اوسته آچارلار واردی
آچارلارین آغزیندا قاپیلار،
قاپیلارین آغزیندا
سنی اونوتماغا گلن
آداملار.
#قشم_نجف‌زاده
کؤچورن: #علی_چاغلا
@SheirOcagi
یادیندادی،
سنین بیر بالاجا استولون واردی،
اوستونده کیتابلار،
کیتابین اوسته واراقلار،
واراقلارین اوسته شعیر،
شعیرین ایچینده وطن.
یادیندادی،
سنین بیر بالاجا استولون واردی،
اوستونده چیچک کیمی
عصبی، تیترک اللرین.
الینین یانیندا
بیر استکان سویوموش چایین.
چایی سویودان فیکیرلر
گؤزونون اوجوندان
ساللانمیشدی
استکانا...
تورش لیمون کیمی
مصراعلانان آلنین کیمی.
یادیندادی،
سنین بیر آزجا معاشین واردی،
معاشیندا قیزینا دون،
ائوه ات،
داوا-درمان
یول پولون
بیر آز شکر،
بیر آز قند
واردی، یادیندادی؟
یادیندادی،
سنین بیر بالاجا آددیمین واردی
ایچینده لیاقت،
جسارت،
ایکینجینی آتاندا
دیوارا دَیدی آلنین
دئدیلر بسدی
بورا قدر...
یادیندادی،
استولونون اوسته آچارلار واردی
آچارلارین آغزیندا قاپیلار،
قاپیلارین آغزیندا
سنی اونوتماغا گلن
آداملار.
#قشم_نجف‌زاده
کؤچورن: #علی_چاغلا
@SheirOcagi
▫️عکسی نقطه
٣۶٠ درجه فیرلانیر ساعات،
سن بونا ١٢ ساعات دئییرسن!
نئچه ٣۶٠ درجه‌لر کئچدی؟
گؤر نئچه؟
گؤرمورسن، یوخسان، من ده یوخام!
سن گئدندن،
آی ایییرمی دفعه
دولانیب دونیانین باشینا،
بلکه ده آیین باشینا دولانیب دونیا...
ایییرمی مین دفعه مزارین باشینا دولاندیغیم کیمی...
ایییرمی مین دفعه آیدان ایشیق آلارکن
مزارینین قارا داشی.
بلکه ده آی، مزارینین داشینداکی
گولر اوزلو شکیلیندن ایشیق آلارکن.
هر نه ٣۶٠ درجه فیرلانیر،
فیرلانیر ایچیم، گؤزلریمی یومورام.
آچیرام گؤزلریمی، -
سسین فیرلانیر...
#علی_چاغلا
@SheirOcagi
٣۶٠ درجه فیرلانیر ساعات،
سن بونا ١٢ ساعات دئییرسن!
نئچه ٣۶٠ درجه‌لر کئچدی؟
گؤر نئچه؟
گؤرمورسن، یوخسان، من ده یوخام!
سن گئدندن،
آی ایییرمی دفعه
دولانیب دونیانین باشینا،
بلکه ده آیین باشینا دولانیب دونیا...
ایییرمی مین دفعه مزارین باشینا دولاندیغیم کیمی...
ایییرمی مین دفعه آیدان ایشیق آلارکن
مزارینین قارا داشی.
بلکه ده آی، مزارینین داشینداکی
گولر اوزلو شکیلیندن ایشیق آلارکن.
هر نه ٣۶٠ درجه فیرلانیر،
فیرلانیر ایچیم، گؤزلریمی یومورام.
آچیرام گؤزلریمی، -
سسین فیرلانیر...
#علی_چاغلا
@SheirOcagi
▫️لامپادا یانان قارانلیق
بوزون اوستونه باسا-باسا
دابانی رئزین آیاق‌قابیمی،
ائوه گیریرم...
سیلکه‌له‌ییرم باشیما یاغان خاطیره‌لری،
قاردئروبدان آسیرام منی
و نئچه من‌لرین کناریندان...
اوتاغین لامپالارینی یاندیریرام،
یاندیریرام قارانلیقلاری...
لامپالاری یاندیراردیم
گئجه‌لر گؤزلویونو تاپا بیلمه‌ینده آنام،
"ایشیقلیغا چیخاسان" دئیردی...
آنام ایللرجه گؤزلویونو
ایشیقلیقدا تاپمیشدی
من ایسه ایشیقلیغی گله‌جه‌یین
قارانلیق وادی‌لرینده آختاریرام هله ده...
باخین!
دونیانی گؤزلویو ایله ایشیقلاندیرانین اوغلو،
اوتاغینی بیر لامپا ایله ایشیقلاندیرا بیلمیر...
#علی_چاغلا
@SheirOcagi
بوزون اوستونه باسا-باسا
دابانی رئزین آیاق‌قابیمی،
ائوه گیریرم...
سیلکه‌له‌ییرم باشیما یاغان خاطیره‌لری،
قاردئروبدان آسیرام منی
و نئچه من‌لرین کناریندان...
اوتاغین لامپالارینی یاندیریرام،
یاندیریرام قارانلیقلاری...
لامپالاری یاندیراردیم
گئجه‌لر گؤزلویونو تاپا بیلمه‌ینده آنام،
"ایشیقلیغا چیخاسان" دئیردی...
آنام ایللرجه گؤزلویونو
ایشیقلیقدا تاپمیشدی
من ایسه ایشیقلیغی گله‌جه‌یین
قارانلیق وادی‌لرینده آختاریرام هله ده...
باخین!
دونیانی گؤزلویو ایله ایشیقلاندیرانین اوغلو،
اوتاغینی بیر لامپا ایله ایشیقلاندیرا بیلمیر...
#علی_چاغلا
@SheirOcagi
▫️قاپیلار
بیلیر گئدن قیشدی، گلن باهاردی،
آچیلیر بوداقدا یارپاق قاپیلار.
قارا بیر اوزونده، آغ بیر اوزونده،
ایشیغا، ظولمته اورتاق قاپیلار.
بیر ده گؤرورسن کی، چیرپیلیر اوزه،
بیر ایشیق سوزولوب سانجیلیر گؤزه،
اییلیب کئچمه‌یی اؤیره‌دیر بیزه،
بویو بویوموزدان آلچاق قاپیلار.
اورک کلمه-کلمه سوزولوب گئدر،
دونیا آغیزلاردا سؤز اولوب گئدر،
سؤز آیاق آلتیندا توز اولوب گئدر،
اولماسا دیللره دوداق قاپیلار.
کاغیذ قاپیلاری دؤیور بو قلم،
دؤیور کی، بیر مطلب اوستونه گلم،
آچیلسا نه فایدا، اؤرتولسه نه غم،
سورتوک آستاناسی تاپداق قاپیلار.
هاردان آچیلیرسا، اورا باغلانیر،
دؤنور چرچیوه‌لر تورا، باغلانیر،
بوتون قاپیلاردان سونرا باغلانیر،
داش قیفیل آلتیندا تورپاق قاپیلار.
#ائلشن_عظیم
کؤچوردو: #علی_چاغلا
@SheirOcagi
بیلیر گئدن قیشدی، گلن باهاردی،
آچیلیر بوداقدا یارپاق قاپیلار.
قارا بیر اوزونده، آغ بیر اوزونده،
ایشیغا، ظولمته اورتاق قاپیلار.
بیر ده گؤرورسن کی، چیرپیلیر اوزه،
بیر ایشیق سوزولوب سانجیلیر گؤزه،
اییلیب کئچمه‌یی اؤیره‌دیر بیزه،
بویو بویوموزدان آلچاق قاپیلار.
اورک کلمه-کلمه سوزولوب گئدر،
دونیا آغیزلاردا سؤز اولوب گئدر،
سؤز آیاق آلتیندا توز اولوب گئدر،
اولماسا دیللره دوداق قاپیلار.
کاغیذ قاپیلاری دؤیور بو قلم،
دؤیور کی، بیر مطلب اوستونه گلم،
آچیلسا نه فایدا، اؤرتولسه نه غم،
سورتوک آستاناسی تاپداق قاپیلار.
هاردان آچیلیرسا، اورا باغلانیر،
دؤنور چرچیوه‌لر تورا، باغلانیر،
بوتون قاپیلاردان سونرا باغلانیر،
داش قیفیل آلتیندا تورپاق قاپیلار.
#ائلشن_عظیم
کؤچوردو: #علی_چاغلا
@SheirOcagi
▫️بیر گونوم
بیر گونوم ده یالانلا باشلادی...
سحر-سحر یئدیییم سوسیسکادان،
ایچدیییم چایدان یالان بوغلانیردی.
تئلئویزییا ائکرانیندان شورتو بیر موغننی
محبت درسی کئچیردی آداملارا.
سارساق بیر بسته‌کارین، «نانای» بیر شاعیرین
سؤزلرینه یازدیغی ماهنی دئشیردی قولاغیمی
طالع آپاریجی‌نین اوتولو گولوشلری اییرندیریردی منی
او
کی وار.
سیاسی شرح‌چینین وئردییی خبردن
غیرتسیزلیک قوخوسو گلیردی.
یالان بیر دونیا یئریدییی اوستومه سحر-سحر.
آروادیمین دایاز سوال-جاوابیندان بئزیب
ائوی ترک ائله‌ییب
شهره چیخدیم.
یالانچی رئکلاملار،
کؤهنه شالوارا،
کؤهنه یاماق کیمیدیر...
قزئت‌لرده مانشئت‌لر غیبت قوخویوردو.
کاسئت ساتان ماغازالارین معناسیز
سس-کویوندن قاچیب تینی بورولورام.
اوستومه یئریییر وئجسیز، کوت، موتی، سیرتیق،
غیرتسیز آداملار کوتله‌سی...
ماغازا ویترینلرینده ساختا ارزاقلار
گؤزومه دورتولور
جورابین دا خاریج‌در گتیردییی
بو اؤلکه‌ده دوغولدوغوما خجالت چکیرم.
ساختا مینئرال سولاری ق.ح.ت-لرین¹
«ایکی ممدلیک» کونیاکلاری سیاسی پارتییالارین
بایراقلارین یاپیشدیرماق ایسته‌ییرم.
شهرین مرکزینده‌کی خارابالیقلار
خارابالیغیمیزین سیموولونا دؤنوب
آسیلیب گؤزلریم اؤنوندن.
مئرسئدئسین قارا شوشه‌لی آرخاسیندان
«خوشبختلیک»
آداملار کئچیر.
گئجه بارلاریندان شرقه اؤلوم حؤکمو اوخویان
موسیقی صدالاری گلیر.
ائوه دؤنورم. آ.ن.س-ین² یالانچی های-کویو
ائوی باشینا گؤتوروب. یالانلا باشلایان گونونه
یالانلا نقطه قویور
اورخان فیکرت اوغلو.
¹غیری حکومت تشکیلاتلاری
² آزربایجان ایلک اؤزل و ایلک خبر تئلئویزییا کانالی.
#یافث_تورک‌سس
کؤچورن: #علی_چاغلا
@SheirOcagi
بیر گونوم ده یالانلا باشلادی...
سحر-سحر یئدیییم سوسیسکادان،
ایچدیییم چایدان یالان بوغلانیردی.
تئلئویزییا ائکرانیندان شورتو بیر موغننی
محبت درسی کئچیردی آداملارا.
سارساق بیر بسته‌کارین، «نانای» بیر شاعیرین
سؤزلرینه یازدیغی ماهنی دئشیردی قولاغیمی
طالع آپاریجی‌نین اوتولو گولوشلری اییرندیریردی منی
او
کی وار.
سیاسی شرح‌چینین وئردییی خبردن
غیرتسیزلیک قوخوسو گلیردی.
یالان بیر دونیا یئریدییی اوستومه سحر-سحر.
آروادیمین دایاز سوال-جاوابیندان بئزیب
ائوی ترک ائله‌ییب
شهره چیخدیم.
یالانچی رئکلاملار،
کؤهنه شالوارا،
کؤهنه یاماق کیمیدیر...
قزئت‌لرده مانشئت‌لر غیبت قوخویوردو.
کاسئت ساتان ماغازالارین معناسیز
سس-کویوندن قاچیب تینی بورولورام.
اوستومه یئریییر وئجسیز، کوت، موتی، سیرتیق،
غیرتسیز آداملار کوتله‌سی...
ماغازا ویترینلرینده ساختا ارزاقلار
گؤزومه دورتولور
جورابین دا خاریج‌در گتیردییی
بو اؤلکه‌ده دوغولدوغوما خجالت چکیرم.
ساختا مینئرال سولاری ق.ح.ت-لرین¹
«ایکی ممدلیک» کونیاکلاری سیاسی پارتییالارین
بایراقلارین یاپیشدیرماق ایسته‌ییرم.
شهرین مرکزینده‌کی خارابالیقلار
خارابالیغیمیزین سیموولونا دؤنوب
آسیلیب گؤزلریم اؤنوندن.
مئرسئدئسین قارا شوشه‌لی آرخاسیندان
«خوشبختلیک»
آداملار کئچیر.
گئجه بارلاریندان شرقه اؤلوم حؤکمو اوخویان
موسیقی صدالاری گلیر.
ائوه دؤنورم. آ.ن.س-ین² یالانچی های-کویو
ائوی باشینا گؤتوروب. یالانلا باشلایان گونونه
یالانلا نقطه قویور
اورخان فیکرت اوغلو.
¹غیری حکومت تشکیلاتلاری
² آزربایجان ایلک اؤزل و ایلک خبر تئلئویزییا کانالی.
#یافث_تورک‌سس
کؤچورن: #علی_چاغلا
@SheirOcagi
▫️سن هر گولومسه‌ینده
سن هر گولومسه‌ینده،
بوتون آغاجلار چیچک آچیر.
یاخینلیقداکی او قوجا، او چوپور، او زاواللی کۆکنار بئله...
داغیلیر حیاتیمین توْرانلیغی،
گؤزومه ایشیق گلیر،
ایچیم ایسینیر، اوغلوم!
اوشاقلیغیمداکی او بالاجا،
او قارا دینمز قیز بئله گولومسه‌ییر،
خوشبخت اولور بیر آنلیق.
اوزونده تبسسوم دوناندا،
قفیلدن کولک قوپور،
لچه‌یی تؤکولور چیچکلرین.
یاخینلیقداکی او قوجا، او چوپور، او زاواللی کۆکنار
بیر آز دا میسکین‌لَشیر.
بیر آز دا تۆندلَشیر،
حیاتیمین توْرانلیغی.
گؤزلریمه قارانلیق چؤکور،
ایچیم قارالیر، اوغلوم!
اوشاقلیغیمداکی او بالاجا،
او قارا دینمز قیز،
بیر آز دا تؤکور قاش-قاباغینی.
بوتون حسرتلرین
جانی جهنّم، اوغلوم!
بوتون اوزاقلیقلارین.
بو دونیادا اولماسام بئله،
سن هر گولومسه‌ینده،
گؤیلرده قاناد آچاجاق روحوم.
📚 ایکسی تاپماق
#سحر_احمد
کؤچورن: #علی_چاغلا
@SheirOcagi
سن هر گولومسه‌ینده،
بوتون آغاجلار چیچک آچیر.
یاخینلیقداکی او قوجا، او چوپور، او زاواللی کۆکنار بئله...
داغیلیر حیاتیمین توْرانلیغی،
گؤزومه ایشیق گلیر،
ایچیم ایسینیر، اوغلوم!
اوشاقلیغیمداکی او بالاجا،
او قارا دینمز قیز بئله گولومسه‌ییر،
خوشبخت اولور بیر آنلیق.
اوزونده تبسسوم دوناندا،
قفیلدن کولک قوپور،
لچه‌یی تؤکولور چیچکلرین.
یاخینلیقداکی او قوجا، او چوپور، او زاواللی کۆکنار
بیر آز دا میسکین‌لَشیر.
بیر آز دا تۆندلَشیر،
حیاتیمین توْرانلیغی.
گؤزلریمه قارانلیق چؤکور،
ایچیم قارالیر، اوغلوم!
اوشاقلیغیمداکی او بالاجا،
او قارا دینمز قیز،
بیر آز دا تؤکور قاش-قاباغینی.
بوتون حسرتلرین
جانی جهنّم، اوغلوم!
بوتون اوزاقلیقلارین.
بو دونیادا اولماسام بئله،
سن هر گولومسه‌ینده،
گؤیلرده قاناد آچاجاق روحوم.
📚 ایکسی تاپماق
#سحر_احمد
کؤچورن: #علی_چاغلا
@SheirOcagi
▫️هیروشیما
گئجه
گیزلیجه، گیزلیجه
اوغورلانیب سوخولور
اینسان حیاتیما یوخوم.
یوخودا گؤرورم کی، دونیادا یوخام.
هله بو یئر کوره‌سی ده ماویلیکلرین
درین سکوتو ایچینده بالاجا بیر قاییقمیش
اود آلیب ائله یانیر کی، یانیر ائله بیل
بیر چنگه قالمیش.
یانیر:
یئر،
گؤی،
سو،
هاوا.
- سوس،
داوا
باشلاییب -
دئییر
بیر سس:
«پارتلاییش!
دئییرلر
ایییرمینجی عصرین
صبری پارتلامیش.»
یانیر کیرپیکلرده یاش،
یانیر آرزو، موراد، تلاش،
عؤمرون یولودور یانان قارشیمیزدا.
زهر یاغیر کیرپیییمیزه، قاشیمیزا.
اسیر چهرایی رنگلی عجایب بیر کولک
یوخودان گؤزلریمی آچیرام هؤلناک.
بیر طرفده گونش - خئییرخواه بیر ایشیق
یادیما دوشور،
آخشام یوخودان قاباق هیروشیمادان دانیشمیشدیق.
#فیکرت_قوجا
کؤچورن: #علی_چاغلا
@SheirOcagi
گئجه
گیزلیجه، گیزلیجه
اوغورلانیب سوخولور
اینسان حیاتیما یوخوم.
یوخودا گؤرورم کی، دونیادا یوخام.
هله بو یئر کوره‌سی ده ماویلیکلرین
درین سکوتو ایچینده بالاجا بیر قاییقمیش
اود آلیب ائله یانیر کی، یانیر ائله بیل
بیر چنگه قالمیش.
یانیر:
یئر،
گؤی،
سو،
هاوا.
- سوس،
داوا
باشلاییب -
دئییر
بیر سس:
«پارتلاییش!
دئییرلر
ایییرمینجی عصرین
صبری پارتلامیش.»
یانیر کیرپیکلرده یاش،
یانیر آرزو، موراد، تلاش،
عؤمرون یولودور یانان قارشیمیزدا.
زهر یاغیر کیرپیییمیزه، قاشیمیزا.
اسیر چهرایی رنگلی عجایب بیر کولک
یوخودان گؤزلریمی آچیرام هؤلناک.
بیر طرفده گونش - خئییرخواه بیر ایشیق
یادیما دوشور،
آخشام یوخودان قاباق هیروشیمادان دانیشمیشدیق.
#فیکرت_قوجا
کؤچورن: #علی_چاغلا
@SheirOcagi
▫️سئوگی قوش کیمیدیر.
سئوگی قوش کیمیدیر، منیم عزیزیم!
بوش توتسان، الیندن چیخیب قاچاجاق،
برک توتسان، الینده بوغولاجاقدیر،
نئیله‌سن، سئوگیدیر، بیر گون اوچاجاق.
«اوچاجاق» دئییرم، هارا اوچاجاق؟!
اوچسا دا الینی اؤزله‌یه‌جکدیر.
سن اگر وفاسیز چیخماسان، گولوم!
سنین یوللارینی گؤزله‌یه‌جکدیر.
اؤزگه‌لر الینده ساغلام قالماقدان،
سنین اللرینده اؤلمک گؤزلدیر.
اؤزگه‌لر باغیندا قان آغلاماقدان،
سنین قفسینده گولمک گؤزلدیر.
سئوگیلر قوش اولوب اوچماق ایسته‌سه،
گؤی اوزو توتولار، کؤلگه‌لر دوشر.
قاریشار سئوگیلر بیری-بیرینه،
گؤیدن یئره مین-مین بلگه‌لر دوشر.
آختار کی، تاپاسان سئوگی قوشونو!
مینلر قوش ایچینده ایتیب باتارسان.
گؤرَرسن گؤیدن بیر اؤلو قوش دوشور،
ال آچیب اووجوندا اونو توتارسان.
گؤررسن سئوگیندیر، قانادی سینمیش،
اوره‌یین چیرپینار، اللرین اسَر.
ساخلایا بیلمه‌دین اونو الینده،
آخیردا قوش کیمی اولدو جان به‌سر.
سئوگی قوش کیمیدیر، منیم عزیزیم!
بوش توتسان، الیندن چیخیب قاچاجاق،
برک توتسان، الینده بوغولاجاقدیر،
نئیله‌سن، سئوگیدیر، بیر گون اوچاجاق…
#علی_چاغلا
@SheirOcagi
سئوگی قوش کیمیدیر، منیم عزیزیم!
بوش توتسان، الیندن چیخیب قاچاجاق،
برک توتسان، الینده بوغولاجاقدیر،
نئیله‌سن، سئوگیدیر، بیر گون اوچاجاق.
«اوچاجاق» دئییرم، هارا اوچاجاق؟!
اوچسا دا الینی اؤزله‌یه‌جکدیر.
سن اگر وفاسیز چیخماسان، گولوم!
سنین یوللارینی گؤزله‌یه‌جکدیر.
اؤزگه‌لر الینده ساغلام قالماقدان،
سنین اللرینده اؤلمک گؤزلدیر.
اؤزگه‌لر باغیندا قان آغلاماقدان،
سنین قفسینده گولمک گؤزلدیر.
سئوگیلر قوش اولوب اوچماق ایسته‌سه،
گؤی اوزو توتولار، کؤلگه‌لر دوشر.
قاریشار سئوگیلر بیری-بیرینه،
گؤیدن یئره مین-مین بلگه‌لر دوشر.
آختار کی، تاپاسان سئوگی قوشونو!
مینلر قوش ایچینده ایتیب باتارسان.
گؤرَرسن گؤیدن بیر اؤلو قوش دوشور،
ال آچیب اووجوندا اونو توتارسان.
گؤررسن سئوگیندیر، قانادی سینمیش،
اوره‌یین چیرپینار، اللرین اسَر.
ساخلایا بیلمه‌دین اونو الینده،
آخیردا قوش کیمی اولدو جان به‌سر.
سئوگی قوش کیمیدیر، منیم عزیزیم!
بوش توتسان، الیندن چیخیب قاچاجاق،
برک توتسان، الینده بوغولاجاقدیر،
نئیله‌سن، سئوگیدیر، بیر گون اوچاجاق…
#علی_چاغلا
@SheirOcagi
▫️ایچیمده‌کی «مشفق»
دلبر، ائو- ائشییی سوپوروب، سیلیب:
«بیر ایل ده عؤمرونون اوستونه گلدی،
یئنی یاش سنینچون مبارک اولسون!» -
دئییب فرحلندی، اورکدن گولدو.
گئجه گؤز ووروردو گؤیده اولدوزلار،
شاعیرلر ظولمتدن الهام آلیردی.
دئییردیم اؤلرم، آمّا دؤنمرم،
کؤکسومده استقلال مارشین چالیردی.
استالینه تعریف یازان شاعیرلر،
باکی‌نین بویونو یئره سوخوردو.
روسییا اونلارین سینه‌لرینه،
یالتاقلیق اوردئنین هر گون تاخیردی.
«اوخوما تار، اوخوما تار،
سنی سئومیر پرولئتار.»¹
دیلیم ده، ائلیم ده، ملیّتیم ده،
تارین چاناغیندان چیخان سس ایدی.
یالتاق شاعیرلرین سؤزو شاهلارین،
منه سئویلمه‌ین تاریم بس ایدی.
«اوخو تار، اوخو تار،
سنی کیم اونودار؟»²
«اوخو سئودیجه‌ییم، اؤز هوسینله!
الهام قانادلانیر سنین سسینله.
نغمه‌نده اویناسین سئللرین سسی،
دان یئریندن اَسَن یئللرین سسی.
گوللری قوخلایان بیر روزگار کیمی،
قوملاری اوخشایان دالغالار کیمی.
تیتره‌ین، چاغلایان نغمه‌ن اولایدیم،
اوره‌یینده قوپان سس من اولایدیم.
اوخو! قوّت گلسین شعره، صنعته،
کؤنلومون قوشونو گتیر حئیرته!
نه قدر بنزه‌ییر، واردیم فرقینه،
عؤمرومون آهنگی سنین شرقینه.
اورک کؤورکله‌شیر سن اوخویاندا،
سن ده دینله‌سه‌یدین من اوخویاندا!
اوخو سئودیجه‌ییم، اؤز هوسینله!
الهام قانادلانیر سنین سسینله!»³
گئجه‌یدی سئوگیلر تاوان آلتیندا،
ائولردن شهره آشیب-داشیردی.
اوزاقدان آتلارین آیاق سسلری،
کوچه‌ده سکوتا یاخینلاشیردی.
آتلار کیشنه‌دیلر دایانان کیمی،
دوشدو فایتونوندان روس عسگرلری.
سیلاحلی آداملار ائوه دولدولار،
ائوده آختاردیلار بوتون هر یئری.
دئدیم: «دلبر، قورخما، قاییداجاغام،
دؤنمه‌سم، بیل کی، من عؤمرومو سوردوم.»
قولومو آرخادان باغلایان زامان،
دلبرین گؤزونون یاشینی گؤردوم.
اولدون روس الینده وطن تاپداغی،
ایشکنجه زامانی اَزیلن جانیم.
منیم بدنیمدن سوزولن هر قان،
سنه قوربان اولسون آذربایجانیم.
مین باغچا غربتده وئرسه‌لر منه،
وطنین بیر سولموش گولونه دَیمز.
وطنین اوغولو، وطن شاعیری،
بوینونو ظالیمین اؤنونده اَیمز.
دئییرلر تعریف یاز، روس شاهلارینا،
حسیین جاویدی اؤلدورمه‌سینلر.
دئییرم روسلارا ائله ایش گؤرون،
سیزی خالقینیزا گولدورمه‌سینلر.
جاویدین اؤلومو بیر انقلابدیر،
گؤزومون یاشییلا نعشین یویارام.
ساغ الیم جاویددن پیسلیک یازارسا،
سول الیمله اونو بالتالایارام.
جاویدی اؤلدوروب اؤلدورمه‌سه‌لر،
خالقین یادداشیندان سیلینمه‌یه‌جک.
خائین شاعیرلرین مدحیّه‌لری،
روسا یازدیقلاری بیلینمه‌یه‌جک...
یاز وطن آدیندان، آنا دیلیندن،
قوی تارین زیل سسی گؤیه اوجالسین.
آنا لایلاسییلا بؤیوین ایگید،
شرفلی قوجالسین، اؤزگور قوجالسین...
¹ سلیمان روستمین شعریدیر.
² میکاییل موشفیقین «تار» آدلی شعریدیر.
³ میکاییل موشفیقین «اوخو» آدلی شعریدیر.
#علی_چاغلا
@SheirOcagi
دلبر، ائو- ائشییی سوپوروب، سیلیب:
«بیر ایل ده عؤمرونون اوستونه گلدی،
یئنی یاش سنینچون مبارک اولسون!» -
دئییب فرحلندی، اورکدن گولدو.
گئجه گؤز ووروردو گؤیده اولدوزلار،
شاعیرلر ظولمتدن الهام آلیردی.
دئییردیم اؤلرم، آمّا دؤنمرم،
کؤکسومده استقلال مارشین چالیردی.
استالینه تعریف یازان شاعیرلر،
باکی‌نین بویونو یئره سوخوردو.
روسییا اونلارین سینه‌لرینه،
یالتاقلیق اوردئنین هر گون تاخیردی.
«اوخوما تار، اوخوما تار،
سنی سئومیر پرولئتار.»¹
دیلیم ده، ائلیم ده، ملیّتیم ده،
تارین چاناغیندان چیخان سس ایدی.
یالتاق شاعیرلرین سؤزو شاهلارین،
منه سئویلمه‌ین تاریم بس ایدی.
«اوخو تار، اوخو تار،
سنی کیم اونودار؟»²
«اوخو سئودیجه‌ییم، اؤز هوسینله!
الهام قانادلانیر سنین سسینله.
نغمه‌نده اویناسین سئللرین سسی،
دان یئریندن اَسَن یئللرین سسی.
گوللری قوخلایان بیر روزگار کیمی،
قوملاری اوخشایان دالغالار کیمی.
تیتره‌ین، چاغلایان نغمه‌ن اولایدیم،
اوره‌یینده قوپان سس من اولایدیم.
اوخو! قوّت گلسین شعره، صنعته،
کؤنلومون قوشونو گتیر حئیرته!
نه قدر بنزه‌ییر، واردیم فرقینه،
عؤمرومون آهنگی سنین شرقینه.
اورک کؤورکله‌شیر سن اوخویاندا،
سن ده دینله‌سه‌یدین من اوخویاندا!
اوخو سئودیجه‌ییم، اؤز هوسینله!
الهام قانادلانیر سنین سسینله!»³
گئجه‌یدی سئوگیلر تاوان آلتیندا،
ائولردن شهره آشیب-داشیردی.
اوزاقدان آتلارین آیاق سسلری،
کوچه‌ده سکوتا یاخینلاشیردی.
آتلار کیشنه‌دیلر دایانان کیمی،
دوشدو فایتونوندان روس عسگرلری.
سیلاحلی آداملار ائوه دولدولار،
ائوده آختاردیلار بوتون هر یئری.
دئدیم: «دلبر، قورخما، قاییداجاغام،
دؤنمه‌سم، بیل کی، من عؤمرومو سوردوم.»
قولومو آرخادان باغلایان زامان،
دلبرین گؤزونون یاشینی گؤردوم.
اولدون روس الینده وطن تاپداغی،
ایشکنجه زامانی اَزیلن جانیم.
منیم بدنیمدن سوزولن هر قان،
سنه قوربان اولسون آذربایجانیم.
مین باغچا غربتده وئرسه‌لر منه،
وطنین بیر سولموش گولونه دَیمز.
وطنین اوغولو، وطن شاعیری،
بوینونو ظالیمین اؤنونده اَیمز.
دئییرلر تعریف یاز، روس شاهلارینا،
حسیین جاویدی اؤلدورمه‌سینلر.
دئییرم روسلارا ائله ایش گؤرون،
سیزی خالقینیزا گولدورمه‌سینلر.
جاویدین اؤلومو بیر انقلابدیر،
گؤزومون یاشییلا نعشین یویارام.
ساغ الیم جاویددن پیسلیک یازارسا،
سول الیمله اونو بالتالایارام.
جاویدی اؤلدوروب اؤلدورمه‌سه‌لر،
خالقین یادداشیندان سیلینمه‌یه‌جک.
خائین شاعیرلرین مدحیّه‌لری،
روسا یازدیقلاری بیلینمه‌یه‌جک...
یاز وطن آدیندان، آنا دیلیندن،
قوی تارین زیل سسی گؤیه اوجالسین.
آنا لایلاسییلا بؤیوین ایگید،
شرفلی قوجالسین، اؤزگور قوجالسین...
¹ سلیمان روستمین شعریدیر.
² میکاییل موشفیقین «تار» آدلی شعریدیر.
³ میکاییل موشفیقین «اوخو» آدلی شعریدیر.
#علی_چاغلا
@SheirOcagi
▫️منیم اوتوز یاشیم اولارکن جاوان، نادان ایدیم. آنجاق یئتمیش یاشیندا مین جور خسته‌لیکلرله دوققوز یاشیندا قیزی آلانلاری سؤیله! اوشاق، تویون نه اولدوغونو هارادان آنلایاجاق؟ اؤز-اؤزونه پایئتلی (پولَک) چارقات گئیمه‌یینی، یئنی پالتارلار گئیمه‌یینی، آتاسینین ائوینده قاپاز یئدییی، ائشیتدییی سؤیوشلری داها اَری ائوینده ائشیتمه‌ییب اَرینین نوازیشینی اؤیره‌نیب، اَری اونو باشینا تاج ائتدییینی دوشونور. آمما اَرینین ائوینده اونا بیشیریلن یاس حالواسینی بیلمیر.
📚 اوچ داملا قان
#صادق_هدایت
چئویرن: #علی_چاغلا
@SheirOcagi
📚 اوچ داملا قان
#صادق_هدایت
چئویرن: #علی_چاغلا
@SheirOcagi
▫️عکسی نقطه
۳۶۰- درجه فیرلانیر ساعات،
سن ۱۲ ساعات دئییرسن بونا!
نئچه ۳۶۰ درجه‌لر کئچدی؟
گؤر نئچه؟
گؤرمورسن، یوخسان!
آی ایییرمی دفعه
دولانیب دونیانین باشینا،
سن گئدندن!
بلکه ده آیین باشینا دولانیب دونیا...
ایییرمیمین دفعه مزارین باشینا دولاندیغیم کیمی.
اییرمیمین دفعه آیدان ایشیق آلارکن
قارا داشی، مزارینین.
بلکه ده آی،
ایشیق آلارکن مزارینین داشینداکی
گولر اوزلو فوتوشکیلیندن.
هر نه ۳۶۰ درجه فیرلانیر،
فیرلانیر ایچیم، یومورام گؤزلریمی.
گؤزلریمی آچیرام، -
سسین فیرلانیر...
#علی_چاغلا
@SheirOcagi
۳۶۰- درجه فیرلانیر ساعات،
سن ۱۲ ساعات دئییرسن بونا!
نئچه ۳۶۰ درجه‌لر کئچدی؟
گؤر نئچه؟
گؤرمورسن، یوخسان!
آی ایییرمی دفعه
دولانیب دونیانین باشینا،
سن گئدندن!
بلکه ده آیین باشینا دولانیب دونیا...
ایییرمیمین دفعه مزارین باشینا دولاندیغیم کیمی.
اییرمیمین دفعه آیدان ایشیق آلارکن
قارا داشی، مزارینین.
بلکه ده آی،
ایشیق آلارکن مزارینین داشینداکی
گولر اوزلو فوتوشکیلیندن.
هر نه ۳۶۰ درجه فیرلانیر،
فیرلانیر ایچیم، یومورام گؤزلریمی.
گؤزلریمی آچیرام، -
سسین فیرلانیر...
#علی_چاغلا
@SheirOcagi
▫️ نیلوفر
اوووووف... نیلوفر
چیچکلرین ماوی‌سی!..
یادداشیمین دفتریندن دوشوب ایتن سن اولدون‌مو؟
یوخسا آدین؟ قادین!..
هئئئئییی!.. ماوی قادین
نه‌دن ائله یاد/داشین کنارینا دوشدون اوزو قوُیلو؟
اوینا! آینا!
آینا! اوینا!
قوللارینی آچ
قاچا بیلمه‌سن ده قاچ
بو آینا داشداندیر
آیاقلاریندان موغایات اول
یاناقلارینا داش باتماسین.
داش دئدیم یادیما دوشدو
بو داشی بیزه کیم آتدی نیلوفر؟
اؤنونده‌کی تیکان حسد آپاریر گولوشلرینه. بیلیرم
و آرخانداکی گول دئییل نیلوفر - گولـله‌دیر...
«آنان اؤلسون نیلوفر،
سارالیبسان نه بَتَر؟!
سندن سونرا بو حیات؛
یئتر، نیلوفر، یئتر...»
#علی_چاغلا
#شعر_اوجاغی
@SheirOcagi
اوووووف... نیلوفر
چیچکلرین ماوی‌سی!..
یادداشیمین دفتریندن دوشوب ایتن سن اولدون‌مو؟
یوخسا آدین؟ قادین!..
هئئئئییی!.. ماوی قادین
نه‌دن ائله یاد/داشین کنارینا دوشدون اوزو قوُیلو؟
اوینا! آینا!
آینا! اوینا!
قوللارینی آچ
قاچا بیلمه‌سن ده قاچ
بو آینا داشداندیر
آیاقلاریندان موغایات اول
یاناقلارینا داش باتماسین.
داش دئدیم یادیما دوشدو
بو داشی بیزه کیم آتدی نیلوفر؟
اؤنونده‌کی تیکان حسد آپاریر گولوشلرینه. بیلیرم
و آرخانداکی گول دئییل نیلوفر - گولـله‌دیر...
«آنان اؤلسون نیلوفر،
سارالیبسان نه بَتَر؟!
سندن سونرا بو حیات؛
یئتر، نیلوفر، یئتر...»
#علی_چاغلا
#شعر_اوجاغی
@SheirOcagi
▫️سینیق آینا
قارانلیغا قاپیلدیم اومودسوز خیاللاریملا
اوره‌ییم سیخیلدی حبس‌خانانین دیوارلاری کیمی،
دئپرئمدن تؤره‌نن سسیم تیتره‌دی
و دونیا گئتدیکجه اوزانان یوللارا دؤندو!
گؤیون سونسوزلوغوندا ایزله‌دیییم اولدوزلار
باشیمین اوستوندن اوزاقلاشدیلار سایریشاراق.
یئنی‌دن بیرلشمه‌لری اوچون دارتینان سینیق آینانین پارچالاری کیمی
اولدوزلارین بیر داها بیرلشمه‌یه‌جه‌یینی آنلادیم.
گؤی اوزونو آی، یئر اوستونو شهرده‌کی ایشیق دیرکلری ایشیقلاندیرسا دا
قارانلیغی آختاریرام!
کوچه‌لرین بوجاغیندا آغزی کؤپوکله‌نن قارداشین یانیندا،
باجینین حیطده شریتدن ساللادیغی سوتیَنینه باخان
قونشولارین پاریلتیلی گؤزلرینده آختاریرام قارانلیغی!
آنانین محکمه‌ده دوداغینین اوستونده
گؤلله‌نن بورون سویونا قاریشمیش گؤز یاشلاریندا
و آتانین... آتانین قابار اللرینده‌کی گؤم-گؤی پوللاردا آختاریرام...
یئر کوره‌سینی «مثبت فیکیرله‌شک» آدلی کیتابلار قورتارسا دا
بو سینیق آینانین جینسینده‌کی عاییله‌نی بیرلشدیره بیلمه‌یه‌جک.
ایتسم ده قاریشیق نیظامین ایچینده
اسارتین زنجرینی قیرماغا چالیشماغیمی
سرحد کناریندا اوچان قوشلارین قانادلاریندان اؤیرندیم!
یئنه ده اومودومون آلوولاری کؤزریر ایچیمده
آدیمی چیغیرا-چیغیرا سسله‌ین او قیزین سسینی خاطیرلاییرام
پسیخولوژییا حکیمی آلزایمئر توتاجاغیمی دئسه ده
او قیزین صفتینی خاطیرلاماغا چالیشیرام.
هه... دوشدو یادیما دوواغی داغیلمیش کؤپه‌یین قیزی!
قارانلیغی دولدورون ایچیمه، بو قیزی تانیمیرام بلکه ده!
آغارمامیشدی ساچلاری، منی چیغیرا-چیغیرا سسله‌ین قیزین
هئچ زامان دا اینانا بیلمزدیم آغاراجاغینا.
اوزونه چوپور، آلنینا شعر قازمامیشدی تجربه‌لر
یاشیل یایلیغینی یئلله‌دَردی او اولسایدی.
سیلین بو صحنه‌نی، بئینیمدن سیلین!..
اومود آدلی بیر ایشیغین بؤیوکلویو
کیچیک، آمما گوجلو قارانلیغا مغلوبدور!..
ای منه آزادلیغی اؤیره‌دن سرحد کنارینداکی قوشلار
سیزین کیمی قانادلاندیراجاغام
باجیلارین دوماندا یولونو آزان ایستکلرینی،
قارداشلارین اوره‌یینده‌کی استثمار دیلکلرینی
و یایلیقلارینی یئلله‌دن قوجالمیش قیزلارین دویغولارینی...
#علی_چاغلا
#شعر_اوجاغی
@SheirOcagi
قارانلیغا قاپیلدیم اومودسوز خیاللاریملا
اوره‌ییم سیخیلدی حبس‌خانانین دیوارلاری کیمی،
دئپرئمدن تؤره‌نن سسیم تیتره‌دی
و دونیا گئتدیکجه اوزانان یوللارا دؤندو!
گؤیون سونسوزلوغوندا ایزله‌دیییم اولدوزلار
باشیمین اوستوندن اوزاقلاشدیلار سایریشاراق.
یئنی‌دن بیرلشمه‌لری اوچون دارتینان سینیق آینانین پارچالاری کیمی
اولدوزلارین بیر داها بیرلشمه‌یه‌جه‌یینی آنلادیم.
گؤی اوزونو آی، یئر اوستونو شهرده‌کی ایشیق دیرکلری ایشیقلاندیرسا دا
قارانلیغی آختاریرام!
کوچه‌لرین بوجاغیندا آغزی کؤپوکله‌نن قارداشین یانیندا،
باجینین حیطده شریتدن ساللادیغی سوتیَنینه باخان
قونشولارین پاریلتیلی گؤزلرینده آختاریرام قارانلیغی!
آنانین محکمه‌ده دوداغینین اوستونده
گؤلله‌نن بورون سویونا قاریشمیش گؤز یاشلاریندا
و آتانین... آتانین قابار اللرینده‌کی گؤم-گؤی پوللاردا آختاریرام...
یئر کوره‌سینی «مثبت فیکیرله‌شک» آدلی کیتابلار قورتارسا دا
بو سینیق آینانین جینسینده‌کی عاییله‌نی بیرلشدیره بیلمه‌یه‌جک.
ایتسم ده قاریشیق نیظامین ایچینده
اسارتین زنجرینی قیرماغا چالیشماغیمی
سرحد کناریندا اوچان قوشلارین قانادلاریندان اؤیرندیم!
یئنه ده اومودومون آلوولاری کؤزریر ایچیمده
آدیمی چیغیرا-چیغیرا سسله‌ین او قیزین سسینی خاطیرلاییرام
پسیخولوژییا حکیمی آلزایمئر توتاجاغیمی دئسه ده
او قیزین صفتینی خاطیرلاماغا چالیشیرام.
هه... دوشدو یادیما دوواغی داغیلمیش کؤپه‌یین قیزی!
قارانلیغی دولدورون ایچیمه، بو قیزی تانیمیرام بلکه ده!
آغارمامیشدی ساچلاری، منی چیغیرا-چیغیرا سسله‌ین قیزین
هئچ زامان دا اینانا بیلمزدیم آغاراجاغینا.
اوزونه چوپور، آلنینا شعر قازمامیشدی تجربه‌لر
یاشیل یایلیغینی یئلله‌دَردی او اولسایدی.
سیلین بو صحنه‌نی، بئینیمدن سیلین!..
اومود آدلی بیر ایشیغین بؤیوکلویو
کیچیک، آمما گوجلو قارانلیغا مغلوبدور!..
ای منه آزادلیغی اؤیره‌دن سرحد کنارینداکی قوشلار
سیزین کیمی قانادلاندیراجاغام
باجیلارین دوماندا یولونو آزان ایستکلرینی،
قارداشلارین اوره‌یینده‌کی استثمار دیلکلرینی
و یایلیقلارینی یئلله‌دن قوجالمیش قیزلارین دویغولارینی...
#علی_چاغلا
#شعر_اوجاغی
@SheirOcagi
Telegram
attach 📎
▫️اویانماق
بیر شهر گؤرورم یوخولاریمدا
قارانلیق کوچه‌لرینده شوشه‌سی آچیق بوراخیلمیش بوش ماشینلار
دیوارلاریندا قان اسپریسی ایله یازیلمیش غضبلر
پولیسلرین ایشلری یوخدور غضبچی‌لرله
اسپری ساتانلاری آختاریرلار
و میللتین قانینی سوْروب میللته باهاسینا ساتان اسپری‌چی‌لر
اللرینده تاپانچا، چییینلرینده پارلایاراق اولدوزلار
کوچه‌لرده ایت کیمی فیرلانیب آختاریرلار جاناوارلاری...
بیر شهر گؤرورم یوخولاریمدا
مجنون دَییشیب جنسی‍ّتینی
آه لئیلا، لئیلا، لایلایلا، لایلا...
فرهادی وازئکتومییا ائله‌تدیریب خسرو
شیرین کولونگ گؤتوروب قازیر بیستونو
لئیلی نجدین دوزلرینده مجنونلاشمیر، لئزبیین‌له‌شیر.
کوراوغلو دؤرد نالا چاپسا دا آتینی چنلی‌بئلده
نیگارین گؤزلریندن شهوت یاغیر مئترو ایستانسییاسیندا
ساغ الی‌له آچیر گؤزونو ایللردیر تاریخده‌کی حیله‌کار کور حسن
سول الینده اسپری، دیوارا طرف قاچیر...
آغا محمدی کور ائله‌ییر اوتوز مین ساری‌کیرمانا بنزر کیرمانلیلار
محمودو¹ آختالاییر ساغ یانیندا دایانمیش آیاز²
بابکین قوللارینی دئییل، ساچینی وورورلار گولوستان ساراییندا
کئچل حمزه شوشه‌سی آچیق بوش ماشینلاری اوغورلاییر کوچه‌ده
باشینا توک اکدیرمک اوچون.
صاباح احمدین³ باشینا پاپاق کئچیرده‌جک‌لر، تاج عوضینه.
بیر شهر گؤرورم یوخولاریمدا
زنجیر کیمی بیر-بیرینه باغلانمیش ساوادلیلار
باخمادان کئچیرلر دردین اؤنوندن.
صادق⁴ گازی آچیب انتحار ائله‌ییر شهری
رامیزین⁵ چییینینده چانتاسی،
اؤزونه بیر یئنی وطن دوزلتمه‌یه گئدیر.
غلامرضانی⁶ خسته‌خانادان قاچیردیر آروز اوغلو باسات
لوایی⁷ شیکاقودان بویلانیر خوجانین رنگ‌به‌رنگ داغلارینا.
آینالار زامانین⁸ قیریشمیش آلنینی هدفه آلیر
دومانین⁹ عینه‌یینی اوغورلاییر کافه‌ده‌کی دوستلاری
گؤردوکلرینی گؤره بیلمه‌سین.
یوخ، عذرلو سایین عزیز شَهَرداشلار
یازا بیلمه‌سین گؤردوکلرینی.
چهرایی رنگلی آداملارین طرفینده دایانیر چالغین¹⁰
هر ایل آپرئلده، شهریمین پاریس آدلی خیابانیندا
گولله‌له‌ییرلر نارگیسین¹¹ ایچینده‌کی مارلین مونرونو...
واریثین¹² گؤندردییی مکتوبون ائرمنی‌لر الینده یاندیریلدیغینین خبرینی آلیرام پوست اداره‌سیندن.
بلدیه باشقانی «شهرین گؤزللییی» وئریلیشیندن سونرا
گئجه‌لر ماشیندان دوشوب دیوارلارا ایشه‌ییر
غضبلر آخیر سودویه قاریشمیش قانلی دیوارلاردا
و صاباحدان تاریخی ترسینه اوخویاجاق مکتب اوشاقلاری
خیاباندان کئچرکن...
- عزیز ایزله‌ییجیلر، حؤرمتلی بلدیه باشقانینین حالی چوخ پیس ایدی، نؤوبتی یوخولارینیزا قدر، ساغ قالین!
#علی_چاغلا
¹ محمود غزنوی
² ملیک آیاز
³ احمد شاه قاجار
⁴ صادق هدایت
⁵ رامیز روشن
⁶ غلامرضا امانی
⁷ محمدرضا لوایی
⁸ زامان پاشازاده
⁹ دومان اردم
¹⁰ محمد چالغین
¹¹ نرگیز اسماعیل‌اووا
¹² واریث یولچویئو
@SheirOcagi
بیر شهر گؤرورم یوخولاریمدا
قارانلیق کوچه‌لرینده شوشه‌سی آچیق بوراخیلمیش بوش ماشینلار
دیوارلاریندا قان اسپریسی ایله یازیلمیش غضبلر
پولیسلرین ایشلری یوخدور غضبچی‌لرله
اسپری ساتانلاری آختاریرلار
و میللتین قانینی سوْروب میللته باهاسینا ساتان اسپری‌چی‌لر
اللرینده تاپانچا، چییینلرینده پارلایاراق اولدوزلار
کوچه‌لرده ایت کیمی فیرلانیب آختاریرلار جاناوارلاری...
بیر شهر گؤرورم یوخولاریمدا
مجنون دَییشیب جنسی‍ّتینی
آه لئیلا، لئیلا، لایلایلا، لایلا...
فرهادی وازئکتومییا ائله‌تدیریب خسرو
شیرین کولونگ گؤتوروب قازیر بیستونو
لئیلی نجدین دوزلرینده مجنونلاشمیر، لئزبیین‌له‌شیر.
کوراوغلو دؤرد نالا چاپسا دا آتینی چنلی‌بئلده
نیگارین گؤزلریندن شهوت یاغیر مئترو ایستانسییاسیندا
ساغ الی‌له آچیر گؤزونو ایللردیر تاریخده‌کی حیله‌کار کور حسن
سول الینده اسپری، دیوارا طرف قاچیر...
آغا محمدی کور ائله‌ییر اوتوز مین ساری‌کیرمانا بنزر کیرمانلیلار
محمودو¹ آختالاییر ساغ یانیندا دایانمیش آیاز²
بابکین قوللارینی دئییل، ساچینی وورورلار گولوستان ساراییندا
کئچل حمزه شوشه‌سی آچیق بوش ماشینلاری اوغورلاییر کوچه‌ده
باشینا توک اکدیرمک اوچون.
صاباح احمدین³ باشینا پاپاق کئچیرده‌جک‌لر، تاج عوضینه.
بیر شهر گؤرورم یوخولاریمدا
زنجیر کیمی بیر-بیرینه باغلانمیش ساوادلیلار
باخمادان کئچیرلر دردین اؤنوندن.
صادق⁴ گازی آچیب انتحار ائله‌ییر شهری
رامیزین⁵ چییینینده چانتاسی،
اؤزونه بیر یئنی وطن دوزلتمه‌یه گئدیر.
غلامرضانی⁶ خسته‌خانادان قاچیردیر آروز اوغلو باسات
لوایی⁷ شیکاقودان بویلانیر خوجانین رنگ‌به‌رنگ داغلارینا.
آینالار زامانین⁸ قیریشمیش آلنینی هدفه آلیر
دومانین⁹ عینه‌یینی اوغورلاییر کافه‌ده‌کی دوستلاری
گؤردوکلرینی گؤره بیلمه‌سین.
یوخ، عذرلو سایین عزیز شَهَرداشلار
یازا بیلمه‌سین گؤردوکلرینی.
چهرایی رنگلی آداملارین طرفینده دایانیر چالغین¹⁰
هر ایل آپرئلده، شهریمین پاریس آدلی خیابانیندا
گولله‌له‌ییرلر نارگیسین¹¹ ایچینده‌کی مارلین مونرونو...
واریثین¹² گؤندردییی مکتوبون ائرمنی‌لر الینده یاندیریلدیغینین خبرینی آلیرام پوست اداره‌سیندن.
بلدیه باشقانی «شهرین گؤزللییی» وئریلیشیندن سونرا
گئجه‌لر ماشیندان دوشوب دیوارلارا ایشه‌ییر
غضبلر آخیر سودویه قاریشمیش قانلی دیوارلاردا
و صاباحدان تاریخی ترسینه اوخویاجاق مکتب اوشاقلاری
خیاباندان کئچرکن...
- عزیز ایزله‌ییجیلر، حؤرمتلی بلدیه باشقانینین حالی چوخ پیس ایدی، نؤوبتی یوخولارینیزا قدر، ساغ قالین!
#علی_چاغلا
¹ محمود غزنوی
² ملیک آیاز
³ احمد شاه قاجار
⁴ صادق هدایت
⁵ رامیز روشن
⁶ غلامرضا امانی
⁷ محمدرضا لوایی
⁸ زامان پاشازاده
⁹ دومان اردم
¹⁰ محمد چالغین
¹¹ نرگیز اسماعیل‌اووا
¹² واریث یولچویئو
@SheirOcagi
▫️سسسیز اوچوروم
سسسیز اوچورومون اوجوندایام،
گئرییه باخدیغیمدا قانادی یولونموش قوشلاری گؤرورم
دمیرلری پاسلانمیش قفسلرین آچیق قاپیلارینی
چئوریلیرم، باخماق ایسته‌میرم.
یاشیللیغا اینانمادیغیم اوچون، بوزاریر اؤنومده‌کی منظره!
آغرییا سوروکله‌ییر منی قارانلیق دوشونجه‌لر
و اؤلومون سسسیزلییی لال-دینمز دایانیب یانیمدا.
گؤرورم، بیلیرم
بیلیرم، گؤره-گؤره چوخ شئیلری یئنه ده گؤرمورم.
بدنیم پارچا-پارچا، روحومو دلیب کئچن گوللـه‌لر سویومور
و سسسیز اوچورومون اوجوندا
بو سون نفسیم اولسون دئیه چالیشسام دا
ساییسی یادیمدان چیخیبدیر نفسلریمین.
هئچ بیر شئی قالمادی،
هئچ بیر شئی اوستومدن قاطار کیمی کئچمیر آرتیق
قوش اولوب اوچماق دویغولاریمی قارا دیوارلار پوزدولار اوتاغیمدا
دویغولانا بیلمیرم هئچ بیر شئیه...
من بیر شئیه اینانا بیلمیرم، بیر شئیه.
بلکه ده آسیلی قالدیغیم «بیر» سؤزونون اوستونده‌یم
سؤزومون اوستونده‌یم، آسیلی قالمیشام.
آسیلی بیر،
بیر آسیلی بیلیر
بیر سؤزومون اوستونده
«بیر» سؤزونون اوستونده...
دونیانین حبس‌خانا اولدوغونو بیلیرم
بیلیرم، آسیلدیغیمدان سونرا حبس‌خانانین قاپیسینین
ابدی آچیق بوراخیلاجاغینی دا بیلیرم.
بیلیرم دونیا موحاریبه مئیدانی اولسا دا بئله
آیاقلاریمی سئوگی مینالارینین اوستونده بوراخدیغیمدان سونرا
صلح بیان‌نامه‌سی امضالایاجاقلار حؤکمرانلار - دیکتاتورلار، بیلیرم.
سن ائوده اوتوروب قزئته اوخویارکن،
خبریمی ائشیده‌جکسن... موغایات اول... چایین سویوماسین...
هر شئیین سونو قاپ-قارا قارانلیقدا یوخ اولور
یوخ اولور اوّلدن اولمایان «بیر» سؤزو، یوخ اولور.
یوخ اولور،
اولور،
یوخ اولور،
آسیلمیر،
آسیلیر...
بیر سؤزونون اوستونده آسیلی قالیرام
بیر سؤزونون...
سؤزونون بیر-بیر
بیر سؤزونون آسیلیرام اوستونده
اوستونده‌یم بیر سؤزونون
سؤزومون اوستونده دایانیب آسیلیرام.
اومودلاریم بالیق اولماق آرزوسوندایکن
سیزین حَیَطینیزین ماوی حوووضوندا غرق اولدولار.
ایندی پاسلی قفسلرین آچیق بوراخیلمیش قاپیلاری،
مینالارین خنثی اولماقلاری
و سنین سطیر-سطیر قزئته اوخوماغین،
دامداکی پیشیکلرین بالیقلارا شورگؤزلوک ائتمه‌یینی گؤرمه‌مه‌یین
گؤیلرین ابدی‌لییینه دالیب آغلاماغین
فوتوقرافچی‌لارین ایشینه یارایار ساده‌جه، بیلیرم.
گله‌جه‌یین اولمادیغی سون نقطه‌ده
گئرییه باخا بیلمه‌دیییم سسسیز اوچورومون اوجوندا
بو سون نفسیم اولسون دئیه چالیشسام دا
سون سیقارئتیمی آلیشدیریرام...
یانیرام...
بونو سن گؤرمه‌یه‌جکسن...
#علی_چاغلا
@SheirOcagi
سسسیز اوچورومون اوجوندایام،
گئرییه باخدیغیمدا قانادی یولونموش قوشلاری گؤرورم
دمیرلری پاسلانمیش قفسلرین آچیق قاپیلارینی
چئوریلیرم، باخماق ایسته‌میرم.
یاشیللیغا اینانمادیغیم اوچون، بوزاریر اؤنومده‌کی منظره!
آغرییا سوروکله‌ییر منی قارانلیق دوشونجه‌لر
و اؤلومون سسسیزلییی لال-دینمز دایانیب یانیمدا.
گؤرورم، بیلیرم
بیلیرم، گؤره-گؤره چوخ شئیلری یئنه ده گؤرمورم.
بدنیم پارچا-پارچا، روحومو دلیب کئچن گوللـه‌لر سویومور
و سسسیز اوچورومون اوجوندا
بو سون نفسیم اولسون دئیه چالیشسام دا
ساییسی یادیمدان چیخیبدیر نفسلریمین.
هئچ بیر شئی قالمادی،
هئچ بیر شئی اوستومدن قاطار کیمی کئچمیر آرتیق
قوش اولوب اوچماق دویغولاریمی قارا دیوارلار پوزدولار اوتاغیمدا
دویغولانا بیلمیرم هئچ بیر شئیه...
من بیر شئیه اینانا بیلمیرم، بیر شئیه.
بلکه ده آسیلی قالدیغیم «بیر» سؤزونون اوستونده‌یم
سؤزومون اوستونده‌یم، آسیلی قالمیشام.
آسیلی بیر،
بیر آسیلی بیلیر
بیر سؤزومون اوستونده
«بیر» سؤزونون اوستونده...
دونیانین حبس‌خانا اولدوغونو بیلیرم
بیلیرم، آسیلدیغیمدان سونرا حبس‌خانانین قاپیسینین
ابدی آچیق بوراخیلاجاغینی دا بیلیرم.
بیلیرم دونیا موحاریبه مئیدانی اولسا دا بئله
آیاقلاریمی سئوگی مینالارینین اوستونده بوراخدیغیمدان سونرا
صلح بیان‌نامه‌سی امضالایاجاقلار حؤکمرانلار - دیکتاتورلار، بیلیرم.
سن ائوده اوتوروب قزئته اوخویارکن،
خبریمی ائشیده‌جکسن... موغایات اول... چایین سویوماسین...
هر شئیین سونو قاپ-قارا قارانلیقدا یوخ اولور
یوخ اولور اوّلدن اولمایان «بیر» سؤزو، یوخ اولور.
یوخ اولور،
اولور،
یوخ اولور،
آسیلمیر،
آسیلیر...
بیر سؤزونون اوستونده آسیلی قالیرام
بیر سؤزونون...
سؤزونون بیر-بیر
بیر سؤزونون آسیلیرام اوستونده
اوستونده‌یم بیر سؤزونون
سؤزومون اوستونده دایانیب آسیلیرام.
اومودلاریم بالیق اولماق آرزوسوندایکن
سیزین حَیَطینیزین ماوی حوووضوندا غرق اولدولار.
ایندی پاسلی قفسلرین آچیق بوراخیلمیش قاپیلاری،
مینالارین خنثی اولماقلاری
و سنین سطیر-سطیر قزئته اوخوماغین،
دامداکی پیشیکلرین بالیقلارا شورگؤزلوک ائتمه‌یینی گؤرمه‌مه‌یین
گؤیلرین ابدی‌لییینه دالیب آغلاماغین
فوتوقرافچی‌لارین ایشینه یارایار ساده‌جه، بیلیرم.
گله‌جه‌یین اولمادیغی سون نقطه‌ده
گئرییه باخا بیلمه‌دیییم سسسیز اوچورومون اوجوندا
بو سون نفسیم اولسون دئیه چالیشسام دا
سون سیقارئتیمی آلیشدیریرام...
یانیرام...
بونو سن گؤرمه‌یه‌جکسن...
#علی_چاغلا
@SheirOcagi
▫️نهایت، واختسیز حیاتینی دییشن گنج شاعیریمیزین #دیشلریم_تلگراف_وورور شعیر توپلوسو ایشیق اوزو گؤردو.
شاعیر: #اسماعیل_پیل‌پایه
تایپ و رئداکت: #علی_چاغلا
چاپ نوبتی: بیرینجی
تیراژ: ۱۰۰۰ جیلد
جیلد طراحلیغی: #آتابای_تیکان‌تپه‌لی
حاضیرلایان: #محمد_پاشاپور
ناشر: #آیدین_ساو تبریز
چاپ و صحافی: #چاپ_شهر_پارس‌آباد(حسن‌خانی)
قیمت: ۱۰۰٫۰۰۰ تومان
(ساتیش مرکزلری تئزلیکجه پایلاشیلاجاق)
#شعر_اوجاغی بو گؤزل اولایی ادبیاتیمیزا تبریک دئییر.
@SheirOcagi
شاعیر: #اسماعیل_پیل‌پایه
تایپ و رئداکت: #علی_چاغلا
چاپ نوبتی: بیرینجی
تیراژ: ۱۰۰۰ جیلد
جیلد طراحلیغی: #آتابای_تیکان‌تپه‌لی
حاضیرلایان: #محمد_پاشاپور
ناشر: #آیدین_ساو تبریز
چاپ و صحافی: #چاپ_شهر_پارس‌آباد(حسن‌خانی)
قیمت: ۱۰۰٫۰۰۰ تومان
(ساتیش مرکزلری تئزلیکجه پایلاشیلاجاق)
#شعر_اوجاغی بو گؤزل اولایی ادبیاتیمیزا تبریک دئییر.
@SheirOcagi
▫️اسکی‌شهر خاطیره‌لری (۱)
ایندی من، گؤیده چتیری آچیلمایان پاراشوتچویم.
گؤیدن گؤی گؤزلرینه دوشورم ایندی من
گؤزلرینه تاپشیر منی، بوغماسینلار
اوزمک باجارمیرام.
سنین گؤزلرین دنیز،
منیم دردلریم دنیز.
سنین گؤزلرین پینار،
منیم اوره‌ییم یانار.
ایندی من سنین دنیز گؤزلرینده بیر کاپیتانام
نهنگ‌لر محاصره ائدیبلر اطرافیمی.
دلینیر، دئشیلیر دردلریمین ایچینده اولان گؤزلرین کیمی،
سو ایله دولور گمیم
منه بیر ال آت بو گمینی لیمانا چاتدیراق
ای تانری‌نین دلّالی، ای منیم نوح عمیم!..
من سنینله ایکی بارداق لیلا شرابی ایچمک ایسته‌ییردیم کوبا باردا
بارلار کوچه‌سینه بومبا قویوب پارتلاتدی داعش‌لر.
پورسوق چاییندا فوتو چکدیرمک ایسته‌ییردیم سنینله
سئل گلیب آپاردی صمد آدلی دویغولاریمی.
– ائهئی، موسی بَی!..
چلییینی امانت وئررسن‌می؟
– چلیییم سینا داغیندا تانری‌نین گودازینا گئتدی علی بی، باغیشلا!..
سازووادا(۱) اولدوزلارین اوچوشونو سئیر ائتمک ایسته‌ییردیم سنینله
گؤیلره دیوار چکدیلر سیاست آداملاری
اولدوزلارین ساچی گؤرونور، نامحرم‌دیرلر دئیه.
ایندی اسکی‌شهرین تراموایلاری ایچیمدن کئچیر،
ایچیندن کئچیرم تراموایلارین ایندی من.
منیم ایچیمدن کئچیرسن تراموایدا سن
سنه آلدیغیم کیتابی اوخویارکن.
من بوغولمادیم، دنیز گؤزلوم،
منی تئرور ائده بیلمه‌دیلر کمونیست باخیشلیم،
دیوارلاری اوستومه اؤرته بیلمه‌دیلر افندیم،
من یئنه ده اؤلمه‌دیم،
یئنه ده وارام،
سنین دنیز گؤزلرینه شعر یازیرام تبریزدن.
سنین گؤزلرین دنیز،
منیم دردلریم دنیز.
سنین گؤزلرین پینار،
منیم اوره‌ییم یانار.
(۱) اسکی‌شهرده دیسنئی‌لند موزه‌سیدیر.
#علی_چاغلا
@SheirOcagi
ایندی من، گؤیده چتیری آچیلمایان پاراشوتچویم.
گؤیدن گؤی گؤزلرینه دوشورم ایندی من
گؤزلرینه تاپشیر منی، بوغماسینلار
اوزمک باجارمیرام.
سنین گؤزلرین دنیز،
منیم دردلریم دنیز.
سنین گؤزلرین پینار،
منیم اوره‌ییم یانار.
ایندی من سنین دنیز گؤزلرینده بیر کاپیتانام
نهنگ‌لر محاصره ائدیبلر اطرافیمی.
دلینیر، دئشیلیر دردلریمین ایچینده اولان گؤزلرین کیمی،
سو ایله دولور گمیم
منه بیر ال آت بو گمینی لیمانا چاتدیراق
ای تانری‌نین دلّالی، ای منیم نوح عمیم!..
من سنینله ایکی بارداق لیلا شرابی ایچمک ایسته‌ییردیم کوبا باردا
بارلار کوچه‌سینه بومبا قویوب پارتلاتدی داعش‌لر.
پورسوق چاییندا فوتو چکدیرمک ایسته‌ییردیم سنینله
سئل گلیب آپاردی صمد آدلی دویغولاریمی.
– ائهئی، موسی بَی!..
چلییینی امانت وئررسن‌می؟
– چلیییم سینا داغیندا تانری‌نین گودازینا گئتدی علی بی، باغیشلا!..
سازووادا(۱) اولدوزلارین اوچوشونو سئیر ائتمک ایسته‌ییردیم سنینله
گؤیلره دیوار چکدیلر سیاست آداملاری
اولدوزلارین ساچی گؤرونور، نامحرم‌دیرلر دئیه.
ایندی اسکی‌شهرین تراموایلاری ایچیمدن کئچیر،
ایچیندن کئچیرم تراموایلارین ایندی من.
منیم ایچیمدن کئچیرسن تراموایدا سن
سنه آلدیغیم کیتابی اوخویارکن.
من بوغولمادیم، دنیز گؤزلوم،
منی تئرور ائده بیلمه‌دیلر کمونیست باخیشلیم،
دیوارلاری اوستومه اؤرته بیلمه‌دیلر افندیم،
من یئنه ده اؤلمه‌دیم،
یئنه ده وارام،
سنین دنیز گؤزلرینه شعر یازیرام تبریزدن.
سنین گؤزلرین دنیز،
منیم دردلریم دنیز.
سنین گؤزلرین پینار،
منیم اوره‌ییم یانار.
(۱) اسکی‌شهرده دیسنئی‌لند موزه‌سیدیر.
#علی_چاغلا
@SheirOcagi