نه دیر سنده بو کین ، نه دیر بو نیفرت ؟
آی اینصافسیز ! نه دیر سنده بو شیددت ؟
هارا گئتدی دوستلوق ، هاردا صیداقت ؟
آه ! ائی یازیق اینسان ! هارا گئدیرسن ؟
زنجیره چکیلیب سئوگینین آدی
داماقلاردان گئدیب یاشامین دادی
نه دن محو ائیله دین آخی هر زادی ؟
آه ! ائی یازیق اینسان ! هارا گئدیرسن ؟
هر کسی گؤرورم ، حوزونلو ، یاسلی
چوخلارین گؤرورم اوره یی پاسلی
هم کرم اؤلوبدو ، همده کی اصلی
آه ! ائی یازیق اینسان ! هارا گئدیرسن ؟
باشدان گؤتورولوب اینسانلیق تاجی
دوغرو ، یالان اولوب ، شیرینلیک آجی
یاددان چیخاریلیب قارداش ، هم باجی
آه ! ائی یازیق اینسان ! هارا گئدیرسن ؟
#جمیله_محمدنژاد
@SheirOcagi
آی اینصافسیز ! نه دیر سنده بو شیددت ؟
هارا گئتدی دوستلوق ، هاردا صیداقت ؟
آه ! ائی یازیق اینسان ! هارا گئدیرسن ؟
زنجیره چکیلیب سئوگینین آدی
داماقلاردان گئدیب یاشامین دادی
نه دن محو ائیله دین آخی هر زادی ؟
آه ! ائی یازیق اینسان ! هارا گئدیرسن ؟
هر کسی گؤرورم ، حوزونلو ، یاسلی
چوخلارین گؤرورم اوره یی پاسلی
هم کرم اؤلوبدو ، همده کی اصلی
آه ! ائی یازیق اینسان ! هارا گئدیرسن ؟
باشدان گؤتورولوب اینسانلیق تاجی
دوغرو ، یالان اولوب ، شیرینلیک آجی
یاددان چیخاریلیب قارداش ، هم باجی
آه ! ائی یازیق اینسان ! هارا گئدیرسن ؟
#جمیله_محمدنژاد
@SheirOcagi
▫️ایندی بو قدر پنجره‌نین او تاییندا،
اوجاق‌لار یانیر
یاتاقلار ایستی
سوفره‌لر لبه‌لب
اللر دولو
اورک‌لر خوش
و دونیا، دونیادیر اؤزونه گؤره.
بس، دونیانین پایی پایلاشیلاندا،
من هارادایدیم؟
کی بو ایسلاق کارتون
و بو شاختالی قیشدان باشقا
بیر شئی چاتمادی منه؟
کارتون ایسلاق، خیاوان ایسلاق
تاختالار، کیبریت، ته‌نکه
گؤزلر و «نه ائدیم»لر... ایسلاق
سیزین خولیالارینیز نئجه؟
ایندی چوخلاری دایانیب پنجره‌نین دالیندا
ایستی چای پیالالاری اللرینده،
یاغان قارین سئیرینه
و سؤزون، کئچمیش زامان فعلینه قاریشیب باشلاری؛
هئی عدالتین داشا باسیلماغیندان
و اینسانین آزادلیق احتیمالیندان دانیشیرلار.
من اوشویورم، اینصافسیز!
من آجام، اینصافسیز!
من سیغیناجاقسیزام، اینصافسیز!
بس دونیانین پایی پایلاشیلاندا،
من هارادایدیم
کی بو قدر ائودن، دینج بیر بوجاق،
منیم قرارسیز پاییما دوشمه‌دی؟
بس بو بؤجک‌لر هارادا یاتیرلار
کی صاباح صوبح،
یئنه گونشی گؤره‌جکلر؟
هئی... یازیق اؤلدورن قیش! اینصافسیز!
باخ!
کؤرپونون او تاییندا،
صاداغا قوتولارینین آچارچی‌سی،
ثروتینین آغیر کامیونویلا کئچیر.
من اؤلورم...
اوتئل لوببی‌سینین چیراقلاری یانیر هله
ایستیکان، بوز، آلکول و ماهنی سسی گلیر.
دووارلارین او تاییندا،
یاشام رؤیاسینین ایچ-ها-ایچ سسی وار؛
دووارلارین بو تاییندا،
منیم دونموش ویداعیم؛
هم ده،
هئچ واخت عدالت رنگینی گؤرمه‌ین چتین دونیادان.
منه دئ...!
بؤجک‌لر هارادا یاتیرلار
کی یئنه صاباح صوبح
گونشی گؤره‌جکلر؟
اینسان حاقلاری، کولَک، رئفراندوم،
پئترول، سویغون، اؤلوم،
دموکراسی، یوخو، اورتا دوغو،
یالنیزلیق، قورخو، تروریسم...
یازیقلار اولسون سیزه، ناچاق کلمه‌لر!
بوقدر ندَنسیز،
بوش دانیشیقلار آغیزیندا نه دئییرسینیز؟
من اوشویورم
من آجام
من سیغیناجاقسیزام.
منیم فاصیله‌م،
سیزین یاخشیلارینیزین ایستی‌خانالارینا قدر،
فقط شوشه‌دن بیر دووار دیر.
کئشکه،
بیر پارا کرپیج الیمین آلتیندا اولسایدی!
نفسلریمین ایستی‌لییی یاردیمجی اولمور؛
چیلله آیی گلیب
جانسیز بارماقلاریمین اوجلارینی چئینه‌ییب.
سویوق، اود توتوب؛
یاواش-یاواش قیزیشیرام.
اؤلوم پتو گتیریب منه،
داها قبیرده تیتره‌مه‌یه‌جه‌یم...
#سیدعلی_صالحی
چئویردی:
#جمیله_محمدنژاد
#شعر_اوجاغی
@SheirOcagi
اوجاق‌لار یانیر
یاتاقلار ایستی
سوفره‌لر لبه‌لب
اللر دولو
اورک‌لر خوش
و دونیا، دونیادیر اؤزونه گؤره.
بس، دونیانین پایی پایلاشیلاندا،
من هارادایدیم؟
کی بو ایسلاق کارتون
و بو شاختالی قیشدان باشقا
بیر شئی چاتمادی منه؟
کارتون ایسلاق، خیاوان ایسلاق
تاختالار، کیبریت، ته‌نکه
گؤزلر و «نه ائدیم»لر... ایسلاق
سیزین خولیالارینیز نئجه؟
ایندی چوخلاری دایانیب پنجره‌نین دالیندا
ایستی چای پیالالاری اللرینده،
یاغان قارین سئیرینه
و سؤزون، کئچمیش زامان فعلینه قاریشیب باشلاری؛
هئی عدالتین داشا باسیلماغیندان
و اینسانین آزادلیق احتیمالیندان دانیشیرلار.
من اوشویورم، اینصافسیز!
من آجام، اینصافسیز!
من سیغیناجاقسیزام، اینصافسیز!
بس دونیانین پایی پایلاشیلاندا،
من هارادایدیم
کی بو قدر ائودن، دینج بیر بوجاق،
منیم قرارسیز پاییما دوشمه‌دی؟
بس بو بؤجک‌لر هارادا یاتیرلار
کی صاباح صوبح،
یئنه گونشی گؤره‌جکلر؟
هئی... یازیق اؤلدورن قیش! اینصافسیز!
باخ!
کؤرپونون او تاییندا،
صاداغا قوتولارینین آچارچی‌سی،
ثروتینین آغیر کامیونویلا کئچیر.
من اؤلورم...
اوتئل لوببی‌سینین چیراقلاری یانیر هله
ایستیکان، بوز، آلکول و ماهنی سسی گلیر.
دووارلارین او تاییندا،
یاشام رؤیاسینین ایچ-ها-ایچ سسی وار؛
دووارلارین بو تاییندا،
منیم دونموش ویداعیم؛
هم ده،
هئچ واخت عدالت رنگینی گؤرمه‌ین چتین دونیادان.
منه دئ...!
بؤجک‌لر هارادا یاتیرلار
کی یئنه صاباح صوبح
گونشی گؤره‌جکلر؟
اینسان حاقلاری، کولَک، رئفراندوم،
پئترول، سویغون، اؤلوم،
دموکراسی، یوخو، اورتا دوغو،
یالنیزلیق، قورخو، تروریسم...
یازیقلار اولسون سیزه، ناچاق کلمه‌لر!
بوقدر ندَنسیز،
بوش دانیشیقلار آغیزیندا نه دئییرسینیز؟
من اوشویورم
من آجام
من سیغیناجاقسیزام.
منیم فاصیله‌م،
سیزین یاخشیلارینیزین ایستی‌خانالارینا قدر،
فقط شوشه‌دن بیر دووار دیر.
کئشکه،
بیر پارا کرپیج الیمین آلتیندا اولسایدی!
نفسلریمین ایستی‌لییی یاردیمجی اولمور؛
چیلله آیی گلیب
جانسیز بارماقلاریمین اوجلارینی چئینه‌ییب.
سویوق، اود توتوب؛
یاواش-یاواش قیزیشیرام.
اؤلوم پتو گتیریب منه،
داها قبیرده تیتره‌مه‌یه‌جه‌یم...
#سیدعلی_صالحی
چئویردی:
#جمیله_محمدنژاد
#شعر_اوجاغی
@SheirOcagi
▫️ایپک مندیل (اؤیکو)
یازان:
#سعید_فائیق
کؤچوروب اویغونلاشدیران:
#جمیله_محمدنژاد
ایپک فابریکاسینین گئنیش ساحه‌سی، آیلا ایشیلدادی. قاپینین اؤنوندن بیر نئچه شخص عجله ایله کئچدیلر. من ایستک‌سیز، هارایا گئده‌جه‌یی مجهول آددیم‌لارلا یئرییرکن، قاپیچی آرخامدان سسلندی:
- هارا؟
- «بئله بیر گزیم» دئدیم
- جانبازا* گئتمیرسن؟
جاواب وئرمه‌دیییمی گؤرونجه، آرتیردی:
- هر کس گئدیر. «بورسا»یا داها بئله‌سی گلمه‌میش.
- «هئچ نیّتیم یوخ» دئدیم
یالواردی-یاخاردی، منی فابریکانی گؤزله‌مه‌یه راضی ائتدی. بیرآز اوتوردوم، بیر سیقار چکدیم، بیر تورکو سؤیله‌دیم. سونرا جانیم سیخیلدی. «نه ائتسم؟» دئدیم. قالخدیم قاپیچی اوتاغینداکی چیویلی باستونو* آلدیم، فابریکانی دولاشماغا چیخدیم.
قیزلارین چالیشدیغی قوزاخانانی* کئچر-کئچمز بیر پاتیرتی ائشیتدیم. جیبیمده‌کی الکتریک فنارینی یاندیردیم. اطرافا دیقّتله باخدیم. فنارین اوزانان گور ایشیغیندا قاچماغا چابالایان ایکی چیپلاق آیاق گؤروکدو. آرخاسیندان سئییرتدیم* قاچانی توتدوم.
قاپیچی اوتاغینا اوغرویلا برابر گیردیک. قاپیچینین ساری ایشیقلی فنارینی یاندیردیم.
آی بو نه کیچیک اوغرودو بئله! اللریمین ایچینده قیرارجاسینا سیخدیغیم الی اوفاجیق، گؤزلری پیریل-پیریل،
ندن سونرا گولمک اوچون، هم ده قاتیلا-قاتیلا گولمک اوچون، اللرینی بوراخدیم.
بو سفر، کیچیک بیر چاخی* ایله اوزریمه هجوم ائتدی. و چاپقین، منی کیچیک بارماغیمدان یارالادی. سیم-سیخی یاخالادیم کئراتانی*. جیبلرینی آرادیم، بیرپارچا قاچاق توتون و یئنه عینی صیفتلی بیر ایکی سیقار کاغیذی و تمیزجه بیر مندیل تاپدیم. قانایان بارماغیما اونون قاچاق توتونوندن باسدیم، مندیلی ییرتدیم و الیمی اونا باغلاتدیم. قالان توتونله ده ایکی قالین سیگار ساردیق، احبابجا دانیشدیق. اون بئش یاشیندایدی. هانی بئله شئی عادتی دئییلدی آما گنجلیک ایشته.
بیریسی اوندان ایپک مندیل ایسته‌میشدی، هانی جانیم آنلارسان یا، عاشیقلیسی،
سئودالیسی، قونشو قیزی ایشته!
پول دا یوخ کی گئدیب چارشیدان* آلسین. دوشونموش، داشینمیش عاغلینا بو چاره گلمیش. من:
- یاخشی، دئدیم: اعمالات‌خانا* بو طرفده، سن عکس طرفده نه آراییردین؟
گولدو. اعمالات‌خانانین هاردا اولدوغونو او نه بیله‌جکدی؟
بیرر ده منیم کندلی سیقاریمدان یاندیردیق، اییجه احباب اولموشدوق
خالص «بورسالی»یدی، دوغما-بؤیومه. ایستانبولا دئییل «مودانیا»یا بئله، قوجا عؤمرونده - بونو سؤیلرکن اوزونو گؤرسه‌یدینیز - بیر دفعه‌جیک ائنمیشدی.
«امیر سولطان»دا ، آی ایشیغیندا، قیزاق* قایدیغیمیز زامانلار منیم ده عینی بو توندا، بو قوامدا آرخاداشلاریم اولموشدو. امینم کی بونون دا اونلار کیمی اوزاقدان سسینی دویدوغوم «گؤکدره»نین حوضلاریندا دریسی قاراردی. بیلیرم کی فصیل-فصیل میوه‌لرین قابوغونون رنگینی آلیر. باخدیم، یاشیل اوست قابوغو دوشموش بیر جئویز اسمرلییی‌له اسمر ایدی. یئنه ده بیر تازه جئویز بیاض‌لیغی‌یلا بیاض و گئورک* دیشلری واریدی. من بیله‌رم، یازین باشلانغیجیندان تا جئویز فصلینه قدر «بورسا» اوشاقلارینین یالنیز اللری اریک و شافتالی، یالنیز چیزگیلی مینتانلارینین* قوپموش دوکمه‌لریندن گؤروکن کؤکسلری فیندیق یارپاغی قوخویار.
او سیرادا قاپیچینین ساعاتی اون‌ایکینی چالدی. هاردایسا جانباز بیته‌جکدی.
- «قاچیم» دئدی.
اونو ایپکلی مندیل وئرمه‌دن گؤندردیییمی متأثّر دوشونورکن، دیشاریدا بیر گورولتو ایله سیلکه‌لندیم. قاپیچی دئیینه-دئیینه اوتاقدان ایچری گیریردی. آرخاسیندا دا اوغرو...
بو سفر من قولاقلارینی چکدیم. قاپیچی چیپلاق دابانلارینی اینجه بیر سویود دالی‌یلا ائپئی بیر آزارلادی.
«برکت» پاترون اورادا یوخ ایدی. یوخسا والله اونو پولیسه وئرردی. «بو یاشدا بیر اوشاق اوغرو، افندیم حبسده یاتسین دا عاغیللانسین» دئیه‌رک.
چوخ قورخوتدوق؛ آغلامادی. گؤزلری آغلاماغا حاضیر اوشاقلارین گؤزلرینه دؤندو آما دوداقلاریندا اوفاجیق بیر تیتره‌مه گؤروکمه‌دی و قاشلاری ثابیت، قرارلی حاللارینی هئچ پوزمادیلار. یالنیز بیرآز روزگارلی‌یدیلار.
بوراخیلینجا آزاد ائدیلمیش بیر قیرلانقیج کیمی فیرلادی، آی ایشیغینی و میصیر تارلاسینی، کسکین بیر قاناد کیمی سیییراراق قاچدی گئتدی
***
من او زامانلار ماللارین ایستیف* ائدیلدییی اعمالات‌خانانین اوستونده کی بؤلمه‌ده یاتاردیم. اوتاغیم نه گؤزل ایدی! هله مهتابلی گئجه‌لرده نه شیرین اولوردو.
تام پنجره‌مه یاخین بیر توت آغاجی واریدی. آی ایشیغی توت یارپاقلاریندان سوزولوب اوتاغا پاره-پاره تؤکولوردو. آشاغی-یوخاری، یاز، قیش پنجره‌نی آچیق بوراخیردیم. نه سرین، نه غریب کولَک‌لر اسردی! واپورلاردا* دا چالیشدیغیم اوچون کولَک‌لری قوخولاریندان، «لودوس، پویراز، قارا یئل، گون باتیمی» دئیه آییرد ائدیب تانیردیم. نه کولَک‌لر پتومون اوزریندن عجیب بیرر رؤیا کیمی گلیب کئچدیلر!
یوخوم چوخ یونگولدو. صاباحا یاخین‌ایدی؛
@SheirOcagi
👇
یازان:
#سعید_فائیق
کؤچوروب اویغونلاشدیران:
#جمیله_محمدنژاد
ایپک فابریکاسینین گئنیش ساحه‌سی، آیلا ایشیلدادی. قاپینین اؤنوندن بیر نئچه شخص عجله ایله کئچدیلر. من ایستک‌سیز، هارایا گئده‌جه‌یی مجهول آددیم‌لارلا یئرییرکن، قاپیچی آرخامدان سسلندی:
- هارا؟
- «بئله بیر گزیم» دئدیم
- جانبازا* گئتمیرسن؟
جاواب وئرمه‌دیییمی گؤرونجه، آرتیردی:
- هر کس گئدیر. «بورسا»یا داها بئله‌سی گلمه‌میش.
- «هئچ نیّتیم یوخ» دئدیم
یالواردی-یاخاردی، منی فابریکانی گؤزله‌مه‌یه راضی ائتدی. بیرآز اوتوردوم، بیر سیقار چکدیم، بیر تورکو سؤیله‌دیم. سونرا جانیم سیخیلدی. «نه ائتسم؟» دئدیم. قالخدیم قاپیچی اوتاغینداکی چیویلی باستونو* آلدیم، فابریکانی دولاشماغا چیخدیم.
قیزلارین چالیشدیغی قوزاخانانی* کئچر-کئچمز بیر پاتیرتی ائشیتدیم. جیبیمده‌کی الکتریک فنارینی یاندیردیم. اطرافا دیقّتله باخدیم. فنارین اوزانان گور ایشیغیندا قاچماغا چابالایان ایکی چیپلاق آیاق گؤروکدو. آرخاسیندان سئییرتدیم* قاچانی توتدوم.
قاپیچی اوتاغینا اوغرویلا برابر گیردیک. قاپیچینین ساری ایشیقلی فنارینی یاندیردیم.
آی بو نه کیچیک اوغرودو بئله! اللریمین ایچینده قیرارجاسینا سیخدیغیم الی اوفاجیق، گؤزلری پیریل-پیریل،
ندن سونرا گولمک اوچون، هم ده قاتیلا-قاتیلا گولمک اوچون، اللرینی بوراخدیم.
بو سفر، کیچیک بیر چاخی* ایله اوزریمه هجوم ائتدی. و چاپقین، منی کیچیک بارماغیمدان یارالادی. سیم-سیخی یاخالادیم کئراتانی*. جیبلرینی آرادیم، بیرپارچا قاچاق توتون و یئنه عینی صیفتلی بیر ایکی سیقار کاغیذی و تمیزجه بیر مندیل تاپدیم. قانایان بارماغیما اونون قاچاق توتونوندن باسدیم، مندیلی ییرتدیم و الیمی اونا باغلاتدیم. قالان توتونله ده ایکی قالین سیگار ساردیق، احبابجا دانیشدیق. اون بئش یاشیندایدی. هانی بئله شئی عادتی دئییلدی آما گنجلیک ایشته.
بیریسی اوندان ایپک مندیل ایسته‌میشدی، هانی جانیم آنلارسان یا، عاشیقلیسی،
سئودالیسی، قونشو قیزی ایشته!
پول دا یوخ کی گئدیب چارشیدان* آلسین. دوشونموش، داشینمیش عاغلینا بو چاره گلمیش. من:
- یاخشی، دئدیم: اعمالات‌خانا* بو طرفده، سن عکس طرفده نه آراییردین؟
گولدو. اعمالات‌خانانین هاردا اولدوغونو او نه بیله‌جکدی؟
بیرر ده منیم کندلی سیقاریمدان یاندیردیق، اییجه احباب اولموشدوق
خالص «بورسالی»یدی، دوغما-بؤیومه. ایستانبولا دئییل «مودانیا»یا بئله، قوجا عؤمرونده - بونو سؤیلرکن اوزونو گؤرسه‌یدینیز - بیر دفعه‌جیک ائنمیشدی.
«امیر سولطان»دا ، آی ایشیغیندا، قیزاق* قایدیغیمیز زامانلار منیم ده عینی بو توندا، بو قوامدا آرخاداشلاریم اولموشدو. امینم کی بونون دا اونلار کیمی اوزاقدان سسینی دویدوغوم «گؤکدره»نین حوضلاریندا دریسی قاراردی. بیلیرم کی فصیل-فصیل میوه‌لرین قابوغونون رنگینی آلیر. باخدیم، یاشیل اوست قابوغو دوشموش بیر جئویز اسمرلییی‌له اسمر ایدی. یئنه ده بیر تازه جئویز بیاض‌لیغی‌یلا بیاض و گئورک* دیشلری واریدی. من بیله‌رم، یازین باشلانغیجیندان تا جئویز فصلینه قدر «بورسا» اوشاقلارینین یالنیز اللری اریک و شافتالی، یالنیز چیزگیلی مینتانلارینین* قوپموش دوکمه‌لریندن گؤروکن کؤکسلری فیندیق یارپاغی قوخویار.
او سیرادا قاپیچینین ساعاتی اون‌ایکینی چالدی. هاردایسا جانباز بیته‌جکدی.
- «قاچیم» دئدی.
اونو ایپکلی مندیل وئرمه‌دن گؤندردیییمی متأثّر دوشونورکن، دیشاریدا بیر گورولتو ایله سیلکه‌لندیم. قاپیچی دئیینه-دئیینه اوتاقدان ایچری گیریردی. آرخاسیندا دا اوغرو...
بو سفر من قولاقلارینی چکدیم. قاپیچی چیپلاق دابانلارینی اینجه بیر سویود دالی‌یلا ائپئی بیر آزارلادی.
«برکت» پاترون اورادا یوخ ایدی. یوخسا والله اونو پولیسه وئرردی. «بو یاشدا بیر اوشاق اوغرو، افندیم حبسده یاتسین دا عاغیللانسین» دئیه‌رک.
چوخ قورخوتدوق؛ آغلامادی. گؤزلری آغلاماغا حاضیر اوشاقلارین گؤزلرینه دؤندو آما دوداقلاریندا اوفاجیق بیر تیتره‌مه گؤروکمه‌دی و قاشلاری ثابیت، قرارلی حاللارینی هئچ پوزمادیلار. یالنیز بیرآز روزگارلی‌یدیلار.
بوراخیلینجا آزاد ائدیلمیش بیر قیرلانقیج کیمی فیرلادی، آی ایشیغینی و میصیر تارلاسینی، کسکین بیر قاناد کیمی سیییراراق قاچدی گئتدی
***
من او زامانلار ماللارین ایستیف* ائدیلدییی اعمالات‌خانانین اوستونده کی بؤلمه‌ده یاتاردیم. اوتاغیم نه گؤزل ایدی! هله مهتابلی گئجه‌لرده نه شیرین اولوردو.
تام پنجره‌مه یاخین بیر توت آغاجی واریدی. آی ایشیغی توت یارپاقلاریندان سوزولوب اوتاغا پاره-پاره تؤکولوردو. آشاغی-یوخاری، یاز، قیش پنجره‌نی آچیق بوراخیردیم. نه سرین، نه غریب کولَک‌لر اسردی! واپورلاردا* دا چالیشدیغیم اوچون کولَک‌لری قوخولاریندان، «لودوس، پویراز، قارا یئل، گون باتیمی» دئیه آییرد ائدیب تانیردیم. نه کولَک‌لر پتومون اوزریندن عجیب بیرر رؤیا کیمی گلیب کئچدیلر!
یوخوم چوخ یونگولدو. صاباحا یاخین‌ایدی؛
@SheirOcagi
👇
💥 اینسان و کورونا
▫️بایرام آیینین سون گونلری دیر، اینسانلار تپیلیب ائولره. کوچه-بازاردا، هردن اوزونده ماسکا، گؤزلرینده قورخو بیر پیادا، هردن ده چیراقلارینین رنگی قاچمیش سورعتله کئچن بیر ماشیندان باشقا بیر شئی گؤرونمور. هر یئر بوم-بوش‌دور. داها نه تاراققا گومبورتولریله قیزلاری قورخودان دجل اوغلانجیق‌لاردان خبر وار، نه ساتیجیلارین جینس‌لرینی ساتماق اوچون سون چابالاریندان، نه...
سانکی شهره اؤلوم توزو سپیلمیش. سانکی ناغیللارداکی دئو، شهری طیلسیمه سالمیش.
بایرام یئلی اسیر، آنجاق بو اسینتی، شؤوق و هیجان یئرینه، قورخو و دهشت ساچیر.
بو دهشتی یارادانین، گؤزله گؤرونمه‌ین بیر یارادیق اولدوغونو اینانا بیلمیر آدام.
ائی اینسان! کهکشانلارا غلبه چالدین، آللاهین آیاق یئرینه آیاق باسدین، تکنولوژی یاراتدین، هم‌جینس‌لرینی قیردین، قان تؤکدون، کلک قوردون، ساواش‌لار یولا سالدین، سئل اولدون کوکره‌دین، نیریلدادین، باجاریقلارینی اوزه چکمه‌یه چالیشدین.
مَیَر سن نه قدر عاجیزمیشسن، بیر ویروسلا باش ائده بیلمه‌یه‌جک قدر عاجیزمیشسن.
ایندی اؤزونه گل ائی اینسان اوغلو! ال چک قان تؤکمکدن، آبیر زده‌له‌مکدن، ال چک مین اوزلولوکدن، ال چک یالاندان، نیفرتدن، یارالاماقدان، یووا ییخماقدان، ال چک...
سن هئچ نه دئییلسن،
هئچ نه دئییلسن...
#جمیله_محمدنژاد
@SheirOcagi
▫️بایرام آیینین سون گونلری دیر، اینسانلار تپیلیب ائولره. کوچه-بازاردا، هردن اوزونده ماسکا، گؤزلرینده قورخو بیر پیادا، هردن ده چیراقلارینین رنگی قاچمیش سورعتله کئچن بیر ماشیندان باشقا بیر شئی گؤرونمور. هر یئر بوم-بوش‌دور. داها نه تاراققا گومبورتولریله قیزلاری قورخودان دجل اوغلانجیق‌لاردان خبر وار، نه ساتیجیلارین جینس‌لرینی ساتماق اوچون سون چابالاریندان، نه...
سانکی شهره اؤلوم توزو سپیلمیش. سانکی ناغیللارداکی دئو، شهری طیلسیمه سالمیش.
بایرام یئلی اسیر، آنجاق بو اسینتی، شؤوق و هیجان یئرینه، قورخو و دهشت ساچیر.
بو دهشتی یارادانین، گؤزله گؤرونمه‌ین بیر یارادیق اولدوغونو اینانا بیلمیر آدام.
ائی اینسان! کهکشانلارا غلبه چالدین، آللاهین آیاق یئرینه آیاق باسدین، تکنولوژی یاراتدین، هم‌جینس‌لرینی قیردین، قان تؤکدون، کلک قوردون، ساواش‌لار یولا سالدین، سئل اولدون کوکره‌دین، نیریلدادین، باجاریقلارینی اوزه چکمه‌یه چالیشدین.
مَیَر سن نه قدر عاجیزمیشسن، بیر ویروسلا باش ائده بیلمه‌یه‌جک قدر عاجیزمیشسن.
ایندی اؤزونه گل ائی اینسان اوغلو! ال چک قان تؤکمکدن، آبیر زده‌له‌مکدن، ال چک مین اوزلولوکدن، ال چک یالاندان، نیفرتدن، یارالاماقدان، یووا ییخماقدان، ال چک...
سن هئچ نه دئییلسن،
هئچ نه دئییلسن...
#جمیله_محمدنژاد
@SheirOcagi
▫️باریشیق
اقیانوس‌دور او،
درین‌لیک و اوجقارسیزلیق
اوچوش، بورولغان و دالغا...
اؤزو بیلمه‌دن
داغ دیر بو،
سارسیلمازلیق جیلوه‌سی
ائنیش-یوخوش و عوصیانچیلیق...
اؤزو بیلمه‌دن
منی آنجاق
اینسان یارادیبسان،
جیلوه‌سیز بیر ذرّه،
حئیوانلار قیل-قیغینین دیلنچیسی،
سنی آلچاقلیقلا تسبیح ائتسین-
اؤفکه‌لرینین قورخوسوندان تیتره‌سین-
اؤزویله اؤزگه‌لشیب سنه ال آتسین
و سن بوتون اولاسان دئیه.
منی اینسان یاراتدین،
گؤوده‌سینین هر قاچینیلماز گوناهیندان اوزگون،
جهنّم عرصه‌لرینین دیدرگینی
و پیس‌قوخولو قویولوقلاین دئوریلمیشی
یا دا سنین کؤله‌لییینه بویون اَیمَکدن ممنون
کاغیذدان چیچکلری اولان، نشه‌سیز بیر باغین دیدرگینی
منی اؤلوملو یاراتدین،
بئله‌لیکله، هئچواخت ایلقارینی سونا چاتدیران بیر دوستون اولمایاجاق.
سنین ان اوستون یاراتدیغین اولماغیما گؤره، اؤزونه گؤونمه!
منله،
آللاهلیغین،
موقدّر بیر جیلوه‌سی یوخدور.
یانلیش رول اوخوما!
هان...!
سن اوقیانوس دئییلسن،
ایچ قارانلیقلارینین آخیشقان جیلوه‌سی‌سن.
داغ دئییلسن،
تام سرتلیک قورولوغوسان.
سن اینسانسان،
حیکمت کوپونون لول کئفلیسی،
هله اوندان بیر دامجیدان آرتیق ایچمه‌میش،
قارا بیلمه‌جه‌لردن باش قالدیران.
وارلیق،
اؤز آنلامینی سنله سیناییر.
جهنّم-جنّت و یئر-گؤیدن سوووشورسان؛
حوضورونون داییره‌سی،
دونیانی قوجاقلاییر.
سنین آدینام من؛
یاوا آنلاتما منی...!
#احمد_شاملو
چئویرن:
#جمیله_محمدنژاد
@SheirOcagi
اقیانوس‌دور او،
درین‌لیک و اوجقارسیزلیق
اوچوش، بورولغان و دالغا...
اؤزو بیلمه‌دن
داغ دیر بو،
سارسیلمازلیق جیلوه‌سی
ائنیش-یوخوش و عوصیانچیلیق...
اؤزو بیلمه‌دن
منی آنجاق
اینسان یارادیبسان،
جیلوه‌سیز بیر ذرّه،
حئیوانلار قیل-قیغینین دیلنچیسی،
سنی آلچاقلیقلا تسبیح ائتسین-
اؤفکه‌لرینین قورخوسوندان تیتره‌سین-
اؤزویله اؤزگه‌لشیب سنه ال آتسین
و سن بوتون اولاسان دئیه.
منی اینسان یاراتدین،
گؤوده‌سینین هر قاچینیلماز گوناهیندان اوزگون،
جهنّم عرصه‌لرینین دیدرگینی
و پیس‌قوخولو قویولوقلاین دئوریلمیشی
یا دا سنین کؤله‌لییینه بویون اَیمَکدن ممنون
کاغیذدان چیچکلری اولان، نشه‌سیز بیر باغین دیدرگینی
منی اؤلوملو یاراتدین،
بئله‌لیکله، هئچواخت ایلقارینی سونا چاتدیران بیر دوستون اولمایاجاق.
سنین ان اوستون یاراتدیغین اولماغیما گؤره، اؤزونه گؤونمه!
منله،
آللاهلیغین،
موقدّر بیر جیلوه‌سی یوخدور.
یانلیش رول اوخوما!
هان...!
سن اوقیانوس دئییلسن،
ایچ قارانلیقلارینین آخیشقان جیلوه‌سی‌سن.
داغ دئییلسن،
تام سرتلیک قورولوغوسان.
سن اینسانسان،
حیکمت کوپونون لول کئفلیسی،
هله اوندان بیر دامجیدان آرتیق ایچمه‌میش،
قارا بیلمه‌جه‌لردن باش قالدیران.
وارلیق،
اؤز آنلامینی سنله سیناییر.
جهنّم-جنّت و یئر-گؤیدن سوووشورسان؛
حوضورونون داییره‌سی،
دونیانی قوجاقلاییر.
سنین آدینام من؛
یاوا آنلاتما منی...!
#احمد_شاملو
چئویرن:
#جمیله_محمدنژاد
@SheirOcagi
▫️ماوی گؤزلو دئو
او، ماوی گؤزلو بیر دئو ایدی.
کیچیجیک بیر قادین سئودی.
قادینین خیالی، کیچیجیک بیر ائو ایدی،
باغچاسیندا کامئلیالار
یاسمین‌لر
آچان بیر ائو.
بیر دئو کیمی سئویردی دئو.
و اللری، اؤیله بؤیوک ایشلر اوچون حاضیرلانمیشدی کی دئوین،
تیکه‌مزدی بیناسینی،
چالامازدی قاپیسینی.
باغچاسیندا کامئلیالار،
یاسمین‌لر
آچان ائوین.
او ماوی گؤزلو بیر دئو ایدی.
کیچیجیک بیر قادین سئودی.
اوفاجیق ایدی قادین.
راحاتلیغا آجیقدی قادین.
یورولدو دئوین بؤیوک یولوندا.
و «الوداع» دئییب ماوی گؤزلو دئوه،
گیردی وارلی بیر جیرتدانین قولوندا،
باغچاسیندا کامئلیالار
یاسمین‌لر
آچان ائوه.
ایندی آنلاییر کی ماوی گؤزلو دئو،
دئو کیمی سئوگی‌لره مزار بئله اولماز:
باغچاسیندا کامئلیالار
یاسمین‌لر
آچان ائو...
#ناظیم_حیکمت
کؤچورن
#جمیله_محمدنژاد
@SheirOcagi
او، ماوی گؤزلو بیر دئو ایدی.
کیچیجیک بیر قادین سئودی.
قادینین خیالی، کیچیجیک بیر ائو ایدی،
باغچاسیندا کامئلیالار
یاسمین‌لر
آچان بیر ائو.
بیر دئو کیمی سئویردی دئو.
و اللری، اؤیله بؤیوک ایشلر اوچون حاضیرلانمیشدی کی دئوین،
تیکه‌مزدی بیناسینی،
چالامازدی قاپیسینی.
باغچاسیندا کامئلیالار،
یاسمین‌لر
آچان ائوین.
او ماوی گؤزلو بیر دئو ایدی.
کیچیجیک بیر قادین سئودی.
اوفاجیق ایدی قادین.
راحاتلیغا آجیقدی قادین.
یورولدو دئوین بؤیوک یولوندا.
و «الوداع» دئییب ماوی گؤزلو دئوه،
گیردی وارلی بیر جیرتدانین قولوندا،
باغچاسیندا کامئلیالار
یاسمین‌لر
آچان ائوه.
ایندی آنلاییر کی ماوی گؤزلو دئو،
دئو کیمی سئوگی‌لره مزار بئله اولماز:
باغچاسیندا کامئلیالار
یاسمین‌لر
آچان ائو...
#ناظیم_حیکمت
کؤچورن
#جمیله_محمدنژاد
@SheirOcagi
Forwarded from اتچ بات
▫️گونشی ایچنلرین تورکوسو
بو بیر تورکو،
تورپاق چاناق‌لاردا
گونشی ایچنلرین تورکوسو.
بو بیر هؤرگو-
آلوو بیر ساچ هؤرگوسو.
قیورانیر؛
قانلی، قیرمیزی بیر مشعل کیمی یانیر
اسمر آلین‌لاریندا،
میس رنگلی آیاقلاری یالین قهرمانلارین.
من ده گؤردوم او قهرمان‌لاری،
من ده ساردیم او هؤرگونو،
من ده اونلارلا
گونشه گئدن کؤرپودن کئچدیم.
من ده ایچدیم تورپاق چاناق‌لاردا گونشی.
من ده سؤیله‌دیم او تورکونو.
اوره‌ییمیز تورپاقدان آلدی ایتی‌لییینی.
آلتین یاللی آسلانلارین آغزینی ییرتاراق
گرنشدیک.
سیچرادیق،
ایلدیریملی یئل‌لره میندیک.
قایالاردان قایالارلا قوپان قارتال‌لار،
چیرپیر ایشیقدا یالدیزلانان قانادلارینی.
آلوو بیلک‌لی سوواری‌لر قامچیلاییر شاها قالخان آتلارینی.
آخین وار
گونشه آخین.
گونشی اله کئچیره‌جه‌ییک
گونشین اله کئچیریلمه‌سی یاخین.
دوشمه‌سین بیزیمله یولا:
ائوینده آغلایانلارین گؤز یاشلارینی
بوینوندا آغیر بیر زنجیر کیمی داشییانلار!
دوشمه‌سین دالیمیزا،
اؤز اوره‌یینین قابیغیندا یاشایانلار!
هه:
بو گونشدن دوشن آتشده
میلیونلارلا قیرمیزی اورک یانیر.
سن ده چیخارت،
کؤکسونون قفسیندن اوره‌یینی،
بو گونشدن دوشن آتشه توللا!
اوره‌یینی اورک‌لریمیزین یانینا آت!
آخین وار،
گونشه آخین.
گونشی اله کئچیره‌جه‌ییک
گونشین اله کئچیریلمه‌سی یاخین.
بیز تورپاقدان، آتشدن، سودان، دمیردن دوغولدوق.
گونشی امیزدیریر اوشاقلاریمیزا قادینیمیز.
تورپاق قوخویور میس رنگلی ساققالاریمیز.
نشه‌میز سیجاق،
قان قدر سیجاق؛
دلی‌قانلی‌لارین رویالاریندا یانان
«او آن» قدر سیجاق.
پیلله‌کانلاریمیزین چنگلینی اولدوزلارا آساراق،
اؤلولریمیزین باشلارینا باساراق،
یوکسلیریک
گونشه دوغرو.
اؤلنلر،
دؤیوشه‌رک اؤلدولر؛
گونشه گؤمولدولر.
واختیمیز یوخ اونلارین ماتمینی توتماغا.
آخین وار.
گونشه آخین.
گونشی اله کئچیره‌جه‌ییک
گونشین اله کئچیریلمه‌سی یاخین.
اوزوملری، قان داملالی قیرمیزی باغلار توتور*؛
قالین، کرپیج باجالار،
قیوراناراق
اؤتور.
هایقیردی ان اؤنده گئدن، امر ائدن.
بو سس،
بو سسین قووّتی،
بو قووّت،
یارالی آج قوردلارین گؤزلرینه پرده ووران،
اونلاری اولدوقلاری یئرده دوردوران قووّت.
امر ائت کی اؤلک!
امر ائت!
گونشی ایچیریک سسینده،
جوشوروق،
جوشور...
یانغینلی اوفوقلرین دومانلی پرده‌سینده،
میزراقلاری گؤیو ییرتان آتلی‌لار، قاچیر.
آخین وار
گونشه آخین.
گونشی اله کئچیره‌جه‌ییک
گونشین اله کئچیریلمه‌سی یاخین.
تورپاق، میس رنگینده
گؤی، میس رنگینده
هایقیر گونشی ایچنلرین تورکوسونو!
هایقیر!
هایقیراق...!
* tütmək = توستوله‌مک
#ناظیم_حیکمت
کؤچوروب اویغونلاشدیران:
#جمیله_محمدنژاد
@SheirOcagi
بو بیر تورکو،
تورپاق چاناق‌لاردا
گونشی ایچنلرین تورکوسو.
بو بیر هؤرگو-
آلوو بیر ساچ هؤرگوسو.
قیورانیر؛
قانلی، قیرمیزی بیر مشعل کیمی یانیر
اسمر آلین‌لاریندا،
میس رنگلی آیاقلاری یالین قهرمانلارین.
من ده گؤردوم او قهرمان‌لاری،
من ده ساردیم او هؤرگونو،
من ده اونلارلا
گونشه گئدن کؤرپودن کئچدیم.
من ده ایچدیم تورپاق چاناق‌لاردا گونشی.
من ده سؤیله‌دیم او تورکونو.
اوره‌ییمیز تورپاقدان آلدی ایتی‌لییینی.
آلتین یاللی آسلانلارین آغزینی ییرتاراق
گرنشدیک.
سیچرادیق،
ایلدیریملی یئل‌لره میندیک.
قایالاردان قایالارلا قوپان قارتال‌لار،
چیرپیر ایشیقدا یالدیزلانان قانادلارینی.
آلوو بیلک‌لی سوواری‌لر قامچیلاییر شاها قالخان آتلارینی.
آخین وار
گونشه آخین.
گونشی اله کئچیره‌جه‌ییک
گونشین اله کئچیریلمه‌سی یاخین.
دوشمه‌سین بیزیمله یولا:
ائوینده آغلایانلارین گؤز یاشلارینی
بوینوندا آغیر بیر زنجیر کیمی داشییانلار!
دوشمه‌سین دالیمیزا،
اؤز اوره‌یینین قابیغیندا یاشایانلار!
هه:
بو گونشدن دوشن آتشده
میلیونلارلا قیرمیزی اورک یانیر.
سن ده چیخارت،
کؤکسونون قفسیندن اوره‌یینی،
بو گونشدن دوشن آتشه توللا!
اوره‌یینی اورک‌لریمیزین یانینا آت!
آخین وار،
گونشه آخین.
گونشی اله کئچیره‌جه‌ییک
گونشین اله کئچیریلمه‌سی یاخین.
بیز تورپاقدان، آتشدن، سودان، دمیردن دوغولدوق.
گونشی امیزدیریر اوشاقلاریمیزا قادینیمیز.
تورپاق قوخویور میس رنگلی ساققالاریمیز.
نشه‌میز سیجاق،
قان قدر سیجاق؛
دلی‌قانلی‌لارین رویالاریندا یانان
«او آن» قدر سیجاق.
پیلله‌کانلاریمیزین چنگلینی اولدوزلارا آساراق،
اؤلولریمیزین باشلارینا باساراق،
یوکسلیریک
گونشه دوغرو.
اؤلنلر،
دؤیوشه‌رک اؤلدولر؛
گونشه گؤمولدولر.
واختیمیز یوخ اونلارین ماتمینی توتماغا.
آخین وار.
گونشه آخین.
گونشی اله کئچیره‌جه‌ییک
گونشین اله کئچیریلمه‌سی یاخین.
اوزوملری، قان داملالی قیرمیزی باغلار توتور*؛
قالین، کرپیج باجالار،
قیوراناراق
اؤتور.
هایقیردی ان اؤنده گئدن، امر ائدن.
بو سس،
بو سسین قووّتی،
بو قووّت،
یارالی آج قوردلارین گؤزلرینه پرده ووران،
اونلاری اولدوقلاری یئرده دوردوران قووّت.
امر ائت کی اؤلک!
امر ائت!
گونشی ایچیریک سسینده،
جوشوروق،
جوشور...
یانغینلی اوفوقلرین دومانلی پرده‌سینده،
میزراقلاری گؤیو ییرتان آتلی‌لار، قاچیر.
آخین وار
گونشه آخین.
گونشی اله کئچیره‌جه‌ییک
گونشین اله کئچیریلمه‌سی یاخین.
تورپاق، میس رنگینده
گؤی، میس رنگینده
هایقیر گونشی ایچنلرین تورکوسونو!
هایقیر!
هایقیراق...!
* tütmək = توستوله‌مک
#ناظیم_حیکمت
کؤچوروب اویغونلاشدیران:
#جمیله_محمدنژاد
@SheirOcagi
Telegram
attach 📎
▫️او زامان کی گؤوَنیم عدالتین گوجسوز ایپیندن آسیلی‌یدی،
و بوتون شهرده
چیراقلاریمین اوره‌یینی پارچالاییردیلار،
او زامان کی سئوگیمین اوشاقسی گؤزلرینی
یاسالارین قارامتیل دستمالی‌یلا باغلاییردیلار،
و دیله‌ییمین قایغیلی شقیقه‌لریندن
قان فوّاره‌لری فیشقیریردی،
او زامان کی حیاتیم
داها
دووار ساعاتینین تیققیلتیسیندان باشقا
بیر شئی دئییلدی،
آنلادیم کی:
گرک، گرک، گرک،
دلی‌جه‌سینه سئوم.
بیر پنجره یئتر منه،
اویانیش، باخیش و سس‌سیزلیک لحظه‌سینه بیر پنجره...
ایندی گیردکان فیدانی،
دوواری، تر یارپاقلارینا آنلاداجاق قدر، بوی آتیبدیر.
قورتاریجینین آدینی
گوزگودن سوروش!
آیاغینین آلتیندا تیتره‌ین یئر،
سندن داها یالنیز دئییل‌می؟
پئیغمبرلر، وئرانلیق گؤرَوینی
اؤزلریله بیزیم عصریمیزه گتیردیلر.
بو دال‌بادال پارتلامالار،
بو زهرلی بولودلار،
قوتسال گوزگولرین جینگیلتیسی‌دیرمی؟
ائی یولداش!
ائی قارداش!
ائی قانداش!
آیا یئتیشدییین زامان،
چیچک‌لرین سوی‌قیریم تاریخینی یاز...!
#فروغ_فرخزاد
چئویردی
#جمیله_محمدنژاد
@SheirOcagi
و بوتون شهرده
چیراقلاریمین اوره‌یینی پارچالاییردیلار،
او زامان کی سئوگیمین اوشاقسی گؤزلرینی
یاسالارین قارامتیل دستمالی‌یلا باغلاییردیلار،
و دیله‌ییمین قایغیلی شقیقه‌لریندن
قان فوّاره‌لری فیشقیریردی،
او زامان کی حیاتیم
داها
دووار ساعاتینین تیققیلتیسیندان باشقا
بیر شئی دئییلدی،
آنلادیم کی:
گرک، گرک، گرک،
دلی‌جه‌سینه سئوم.
بیر پنجره یئتر منه،
اویانیش، باخیش و سس‌سیزلیک لحظه‌سینه بیر پنجره...
ایندی گیردکان فیدانی،
دوواری، تر یارپاقلارینا آنلاداجاق قدر، بوی آتیبدیر.
قورتاریجینین آدینی
گوزگودن سوروش!
آیاغینین آلتیندا تیتره‌ین یئر،
سندن داها یالنیز دئییل‌می؟
پئیغمبرلر، وئرانلیق گؤرَوینی
اؤزلریله بیزیم عصریمیزه گتیردیلر.
بو دال‌بادال پارتلامالار،
بو زهرلی بولودلار،
قوتسال گوزگولرین جینگیلتیسی‌دیرمی؟
ائی یولداش!
ائی قارداش!
ائی قانداش!
آیا یئتیشدییین زامان،
چیچک‌لرین سوی‌قیریم تاریخینی یاز...!
#فروغ_فرخزاد
چئویردی
#جمیله_محمدنژاد
@SheirOcagi
▫️عن انسان
وضعوا علی فمه السلاسلِ
ربطوا یدیه بصخرة الموتی
و قالوا : أنت قاتل!
أخذوا طعامه و الملابس و البیارق
و رموه فی زنزانة الموتی
و قالوا : أنت سارق!
طردوه من کل المرافیء
أخذوا حبیبته الصغیرة
ثم قالوا : أنت لاجیء
یا داميَ العینین و الکفین!
إن الیل زائل
لا غرفةُ التوقیف باقیةٌ
و لا زَرَدُ السلاسل
نیرون مات و لم تمت روما...
بعینیها تقاتل
و حبوبُ سنبلةٍ تموت
ستملأُ الوادي سنابل ...
▫️اینساندان
آغزینا زنجیرلر ووردولار
اللرینی ایشگنجه داشینا باغلادیلار
و «سن قاتیلسن.» دئدیلر.
یئمه‌یینی، گئیسی‌لرینی و بایراقلارینی چالدیلار
اونو اؤلوم حوجره‌سینه آتدیلار
و «سن اوغروسان» دئدیلر.
اونو بوتون لیمانلاردان قوودولار
کیچیک گؤزلینی الیندن آلدیلار
سونرا، «سن سیغیناقچی‌سان» دئدیلر.
ائی گؤزلری و اللری قانلی!
گئجه موحقّق گئتمه‌لی‌دیر.
نه توتوقلانما اوتاغی قالاجاق
نه زنجیر حالقالاری.
نئرون اولدو، آنجاق روم اؤلمه‌ییب
گؤزلری‌یله ساواشیر.
و قوروموش سونبول دنه‌لری
دره‌لری سونبول‌لرله دولدوراجاق...
#محمود_درویش
چئویردی:
#جمیله_محمدنژاد
@SheirOcagi
وضعوا علی فمه السلاسلِ
ربطوا یدیه بصخرة الموتی
و قالوا : أنت قاتل!
أخذوا طعامه و الملابس و البیارق
و رموه فی زنزانة الموتی
و قالوا : أنت سارق!
طردوه من کل المرافیء
أخذوا حبیبته الصغیرة
ثم قالوا : أنت لاجیء
یا داميَ العینین و الکفین!
إن الیل زائل
لا غرفةُ التوقیف باقیةٌ
و لا زَرَدُ السلاسل
نیرون مات و لم تمت روما...
بعینیها تقاتل
و حبوبُ سنبلةٍ تموت
ستملأُ الوادي سنابل ...
▫️اینساندان
آغزینا زنجیرلر ووردولار
اللرینی ایشگنجه داشینا باغلادیلار
و «سن قاتیلسن.» دئدیلر.
یئمه‌یینی، گئیسی‌لرینی و بایراقلارینی چالدیلار
اونو اؤلوم حوجره‌سینه آتدیلار
و «سن اوغروسان» دئدیلر.
اونو بوتون لیمانلاردان قوودولار
کیچیک گؤزلینی الیندن آلدیلار
سونرا، «سن سیغیناقچی‌سان» دئدیلر.
ائی گؤزلری و اللری قانلی!
گئجه موحقّق گئتمه‌لی‌دیر.
نه توتوقلانما اوتاغی قالاجاق
نه زنجیر حالقالاری.
نئرون اولدو، آنجاق روم اؤلمه‌ییب
گؤزلری‌یله ساواشیر.
و قوروموش سونبول دنه‌لری
دره‌لری سونبول‌لرله دولدوراجاق...
#محمود_درویش
چئویردی:
#جمیله_محمدنژاد
@SheirOcagi
▫️سن گلمه‌دین کی.
قاییتدی یوردونا کؤچن دورنالار،
یاز عطری یاییلدی، سن گلمه‌دین کی.
دالینجا سو آتدیم گله‌سن باری،
گونلریم ساییلدی، سن گلمه‌دین کی.
دئمیشدین: «قاپینی چالارام بیر گون،
قادانی-بالانی آلارام بیر گون.
وطن تورپاغینی یالارام بیر گون.»
گؤزوم یولدا قالدی، سن گلمه‌دین کی.
سنسیز یئتیم قالدی آرزومون گؤزو،
یامان درین اولدو یارامین ایزی.
دومانلار بورودو قوجا تبریزی،
سئوگی ساچین یولدو، سن گلمه‌دین کی.
قارالتدی بو فلک آل اته‌ییمی،
داغیتدی روزیگار بال پته‌ییمی.
اووودا بیلمه‌دیم گؤز ببه‌ییمی،
یاشین اؤزگه سیلدی، سن گلمه‌دین کی...
#جمیله_محمدنژاد
@SheirOcagi
قاییتدی یوردونا کؤچن دورنالار،
یاز عطری یاییلدی، سن گلمه‌دین کی.
دالینجا سو آتدیم گله‌سن باری،
گونلریم ساییلدی، سن گلمه‌دین کی.
دئمیشدین: «قاپینی چالارام بیر گون،
قادانی-بالانی آلارام بیر گون.
وطن تورپاغینی یالارام بیر گون.»
گؤزوم یولدا قالدی، سن گلمه‌دین کی.
سنسیز یئتیم قالدی آرزومون گؤزو،
یامان درین اولدو یارامین ایزی.
دومانلار بورودو قوجا تبریزی،
سئوگی ساچین یولدو، سن گلمه‌دین کی.
قارالتدی بو فلک آل اته‌ییمی،
داغیتدی روزیگار بال پته‌ییمی.
اووودا بیلمه‌دیم گؤز ببه‌ییمی،
یاشین اؤزگه سیلدی، سن گلمه‌دین کی...
#جمیله_محمدنژاد
@SheirOcagi