▫️قیسا بیر گئجه‌له‌مه‌دیر دونیا،
گوناه و جهنّم آراسیندا.
گونش،
بیر سؤیوش کیمی دوغور
و گوندوز،
اؤده‌نیلمز بیر اوتانج‌دیر.
آه...
گؤز یاشیمدا بوغولمادان،
بیر شئی سؤیله...!

#احمد_شاملو
#شعر_اوجاغی
@SheirOcagi

▫️غریبه بیر دؤوراندیر، نازلی‌!
گئجه‌چاغی قاپینی چالان،
ایشیغی اؤلدورمه‌یه گلیبدیر...

#احمد_شاملو
#شعر_اوجاغی
@SheirOcagi

▫️سنه نه فایداسی وار،
فله‌یه فخر ساتماق،
لعنت اولموش یولون هر بیر توزو سنه قارغیش ائدن یئرده؟

باغدان-آغاجدان سنه نه چاتاجاق؟
سن کی یاسمنلرله
اوراقدان دانیشیبسان.

آددیم آتدیغین یئرده،
بیتگی،
گؤیرمکدن واز کئچیر؛
نییه کی سن،
تورپاق و سویون تقواسینی،
هئچ واخت
اینانمامیشدین.

فغان...کی بیزیم باشیمیزا گلن،
سنین، فاحیشه‌لر قالاسینین ظفریندن
قاییدان
عسکرلرینین، اینانجسیز ماهنیسی‌یدی.

قال گؤرک جهنّمین قارغیشی سندن نه یاراداجاق!
کی قارا گئیمیش آنالار،
گونش و کوله‌یین ان گؤزل بالالارینین عزالیسی،
هله سجّاده‌لردن
باش قالدیرماییبلار...

#احمد_شاملو
#شعر_اوجاغی
@SheirOcagi

▫️آنجاق, بیر گئجه‌یاریسی گئده‌جه‌یم،
منه عایید اولمایان دونیادان،
بوشونا منی اونا باغلادیقلاری تورپاقدان...

#احمد_شاملو
#شعر_اوجاغی
@SheirOcagi

▫️اوچماغا قانادیم یوخدور، آنجاق-
بیر اوره‌ییم وار، بیر ده دورنالارین حسرتی.
و کؤچری قوشلار،
آی ایشیغینین گؤلونده
کورَک چکنده،
نه گؤزل‌دیر بوراخیب گئتمک!
باشقا بیر یوخو،
باشقا بیر باتاقلیقدا!

نه گؤزل‌دیر باشقا بیر دورغون سو،
باشقا بیر ساحیلده،
باشقا بیر دنیزده!

نه گؤزل‌دیر قانادلانماق،
نه گؤزل‌دیر اؤزگورلوک!
اؤزگور یاشاماق اولمورسا،
نه گؤزل‌دیر اؤزگورلوکله اؤلمک!

آه... بو قوش،
بو دار قفسده،
اوخومور...

#احمد_شاملو
#شعر_اوجاغی
@SheirOcagi

▫️بیردن بیره،
عشق
گونش کیمی،
یاشماغینی آتدی.
دام-دووار،
تجلّی سسینه بوروندو.
ایلدیریم سایاق بیر پاریلتی
اسکیلدی
و اینسان
آیاغا قالخدی...

#احمد_شاملو
#شعر_اوجاغی
@SheirOcagi

▫️هانسی جنازه‌‌یه زاریییر بو ساز؟
هانسی گیزلی اؤلویه آغلاییر-
بو زامانسیز ساز؟

هانسی کؤهولده،
هانسی تاریخه سیزلاییر بو تئل، بو کیریش، بو آنلاماز جیرناق؟

بوراخ آیاغا قالخسین گولوشسوز میلّت!
بوراخ آیاغا قالخسین!

باغچادا زاریماق چوخ آجی‌دیر،
بیر دورو بولاغا زاریماق.
چیچک توزلانماسینا زاریماق چوخ آجی‌دیر.
اسینتی‌نین اوجا یئلکنینه زاریماق،
یاشیل‌بویلو قلمه‌یه زاریماق چوخ آجی‌دیر.

بالیق و کوله‌یین لاجیوَرد گؤلمه‌چه‌سی‌یله نه ائدر بو فساد اؤیوجوسو؟
مزارلیق موطروبو شهرده نه ائدر-
گوناهسیزلیق باجالارین آلتیندا؟

بوراخ آیاغا قالخسین گولوشسوز میلّت!
بوراخ آیاغا قالخسین...!

#احمد_شاملو
چئویری
#ج_محمدنژاد
@SheirOcagi

▫️باریشیق

اقیانوس‌دور او،
درین‌لیک و اوجقارسیزلیق
اوچوش، بورولغان و دالغا...
اؤزو بیلمه‌دن

داغ دیر بو،
سارسیلمازلیق جیلوه‌سی
ائنیش-یوخوش و عوصیانچیلیق...
اؤزو بیلمه‌دن

منی آنجاق
اینسان یارادیبسان،
جیلوه‌سیز بیر ذرّه،
حئیوانلار قیل-قیغینین دیلنچیسی،
سنی آلچاقلیقلا تسبیح ائتسین-
اؤفکه‌لرینین قورخوسوندان تیتره‌سین-
اؤزویله اؤزگه‌لشیب سنه ال آتسین
و سن بوتون اولاسان دئیه.

منی اینسان یاراتدین،
گؤوده‌سینین هر قاچینیلماز گوناهیندان اوزگون،
جهنّم عرصه‌لرینین دیدرگینی
و‌ پیس‌قوخولو قویولوقلاین دئوریلمیشی
یا دا سنین کؤله‌لییینه بویون اَیمَکدن ممنون
کاغیذدان چیچکلری اولان، نشه‌سیز بیر باغین دیدرگینی

منی اؤلوملو یاراتدین،
بئله‌لیکله، هئچواخت ایلقارینی سونا چاتدیران بیر دوستون اولمایاجاق.
سنین ان اوستون یاراتدیغین اولماغیما گؤره، اؤزونه گؤونمه!
منله،
آللاهلیغین،
موقدّر بیر جیلوه‌سی یوخدور.

یانلیش رول اوخوما!
هان...!
سن اوقیانوس دئییلسن،
ایچ قارانلیقلارینین آخیشقان جیلوه‌سی‌سن.

داغ دئییلسن،
تام سرتلیک قورولوغوسان.

سن اینسانسان،
حیکمت کوپونون لول کئفلیسی،
هله اوندان بیر دامجیدان آرتیق ایچمه‌میش،
قارا بیلمه‌جه‌لردن باش قالدیران.

وارلیق،
اؤز آنلامینی سنله سیناییر.
جهنّم-جنّت و یئر-گؤیدن سوووشورسان؛
حوضورونون داییره‌سی،
دونیانی قوجاقلاییر.
سنین آدینام من؛
یاوا آنلاتما منی...!

#احمد_شاملو
چئویرن:
#جمیله_محمدنژاد
@SheirOcagi

▫️آیدا...!
منی سنه طرف چکن شئی، عشق دئییل؛ سنین شأنیندیر؛
و منی، سنی سئچمه‌یه هوسلندیرن، تنیمین احتیاجی دئییل، روح و دوشونجه‌‌میزین بیرلییی‌دیر...

📚 دامارلاریمدا قان کیمی
#احمد_شاملو
#شعر_اوجاغی
@SheirOcagi

▫️آخی کیم بیلیر سنی نه قدر سئودیییمی؟ آخی کیم بیلیر بوتون آرزولاریم، -سنین خیالینی تامسینیب، تصوّورونله سئویشه بیلمک اوچون- بیر ساعات اؤزومله تک قالماقدی؟...

#احمد_شاملو
#شعر_اوجاغی
@SheirOcagi

▫️سنه دئسم: «سنه توخونورام، خیالدا اولمادیغینی، گئرچک اولدوغونو آنلاییم دئیه»، سؤزومو، دیل-آغیز ائتمه‌یه یوراجاقسان؛ آنجاق گئرچک بودور... سن حیاتیمین تک غالبیّتی‌سن...

#احمد_شاملو
#شعر_اوجاغی
@SheirOcagi

▫️سنین اوچون،
گؤزلرین اوچون،
منیم اوچون،
دردلریم اوچون،
بیزیم اوچون،
بو قدر یالنیزلیق اوچون،
کئشکه بیر ایش گؤره‌یدی تانری...

#احمد_شاملو
#شعر_اوجاغی
@SheirOcagi

▫️منیم گؤزل آیدام!
سنله اولماغین آنلامی منیم اوچون، شاهلیغا یئتیشمک‌دیر...
نه قدر غورورلویام سنین یانیندا!....

#احمد_شاملو
#شعر_اوجاغی
@SheirOcagi

▫️و گؤزلرین منه دئدی:
صاباح باشقا بیر گوندور.

#احمد_شاملو
#شعر_اوجاغی
@SheirOcagi

▫️سنی تاپماق، حیاتیمین ان بؤیوک اودقوسویدو. بونو بیر تک سنه اعتراف ائتمیرم؛ اوجا سسله، باغیراراق هر یئرده دئمیشم.

#احمد_شاملو
#شعر_اوجاغی
@SheirOcagi

▫️دوغرودور، حسّاس اورک‌لرین یییه‌لری اؤلمور،
ایتیر بیردن-بیره.

#احمد_شاملو
#شعر_اوجاغی
@SheirOcagi

▫️هئچ بیر یئرده، هئچ بیر زاماندا،
حیاتین هارایی جاوابسیز قالماییبدیر.
سنین گؤزل اوره‌یین، منیم هاراییمین جاوابی‌دیر.

#احمد_شاملو
#شعر_اوجاغی
@SheirOcagi

▫️حیات منی بوراخیب گئتمیشدی،
حیات گتیردین.

#احمد_شاملو
#شعر_اوجاغی
@SheirOcagi

▫️قوی کیمسه بیلمه‌سین
نئجه من اوخشانماق یئرینه،
اؤپولمک یئرینه،
سانجیلمیشام!
قوی کیمسه بیلمه‌سین،
هئچ کیمسه!

#احمد_شاملو
#شعر_اوجاغی
@SheirOcagi

▫️سنین بالاجا بیر گولومسه‌مه‌ن، بوتون بدبختلیک‌لردن قورتاریر منی.

#احمد_شاملو
#شعر_اوجاغی
@SheirOcagi