📝ያልፋል

#የመጨረሻው ክፍል

#ክፍል፡-2⃣4⃣

#ፀሀፊ፡- ሂራ

አቡኪ ሽማግሌ ልኮ ኒካህ ካሰርን ሁለት ሳምንት ሆነን፣ የአቡኪ እናት ስለሁሉም ነገር አፉታን ጠይቃኛለች፣ ትምህርቴንም እንደምቀጥል ተነጋግረናል፣ እነ እማማ ደግሞ የተሻለ ቤት ባዶ ግቢ ተከራይቶላቸው እዛ ውስጥ ይኖራሉ፣ እኔም እየኖርኩበት ነው ግን ከሳምንት ቡሀላ እቀይራለው ከኸውሊ ጋር ቬሎ በስንት መከራ መርጠን ቀብድ ሰጥተን መጣን፣ ሲትሩዬም ሚዜዬ ሁና ልታጅበኝ ነው አልሀምዱሊላህ የሚዜም ልብስ መረጣ መከራ ነው፣ ከወንዶች ጋር ማች መግጠም አለበት በሚል መከራችንን በላን፣ ደግሞ ሂና የሚባልም ታሪክ አለ፣ የሰርግ ሽርጉድ በጣም ነው የሚያደክመው፣ ብቻ አልሀምዱሊላህ ከዛ አጣብቂኝ ህይወት አውጥቶ ለዚህ ያደረሰኝ ጌታ ምን ይሳነዋል፣ ሳሚ ጋርም አውርተን ነበር እኔ በማላውቀው መንገድ ሌባ ተብዬ ለካ ሌባዋ የበፊት ፍቅረኛው ናት መቼም ይህን ወሬ የሰማችሁት ይመስለኛል፣ ያም ሆኖ ይህ ሁሌም እኔ አጣራልሀለው የምትለው አልዋጥ ብሎት ለማጣራት ወደ ፖሊስ ጣቢያ ሲሄድ የገጠመው ነገር ሌላ ነበር ፖሊሶቹን በብር አፍ አዘግታቸው እንጂ ስራው የራሷ ነበር
ይህን ለማወቅ ረዥም ግዜ ቢወስድበትም ግን አውነቱን ለማወቅ ችሏል፣
<<አንቺ ኢሉ አትመርጪም እየጠበቅንሽ እኮ ነው>> ኸውሊ ኡዱ ላድርግ ብያት ወጥቼ ነው ከናንተ ጋር የማወራው ዛሬ ቅዳሜ የሂና ቀኔ ነው ሰዎች እየጠበቁኝ ነው፣ ቻው ደግሞ ለሰርጌ ሁላችሁንም ጠርቻቹሀለው መቅረት የተከለከለ ነው ቻው በቃ መቼም ማውራት ከጀመርኩ አላቆምም ኧረ በቃ ቻው፡፡
*
<<ምን ያክል ደስታ እንደሚሰማኝ አታውቅም፣ በደስታህ ተደስቻለው ትዳራችሁን የአብረሀም እና የሳራ ያድርግላችሁ>>
<< አሚን ሳሚ እና ለምን አታድርም>>
<< አላድርም ባይሆን ነገ በጠዋት ካሜራ ማኖችን ይዤ እመጣለው>>
<<እሺ ሳሚዬ ሹክረን በጣም>>
<< ወንድም ወንድሙን አያመሰግንም ግዴታዬን ነው የተወጣሁት>>
<<እሺ እና ልሸኝህ>>
<< እንዴ ሙሽራው አርፈህ ተቀመጥ እንጂ ሙሽራ እኮ አርፎ ሲቀመጥ ነው የሚያምርበት>>
ሳሚ በጣም ጥሩ ሰው ነው፣ እኔ በጣም ብዙ ጓደኞች አሉኝ የሳሚን የሚደርስ ግን አላየሁም አላህ ሂዳያ ሰጥቶት ይህ ጓደኝነታችን ጀነት ቢዘልቅ ደስታዬ ነው፣ እናንተም ዱዓ አድርጉለት
ነገ እሁድ የልቤን ንግስት ወደ ቤቴ አመጣታለሁ፣
ስሙኝማ አንድ ሚስጥር ልንገራችሁ ኢሉን አሁን ሳይሆን ገና ድሮ ከማገገሚያ ሳትወጣ ነበር በልቤ የፈለኳት ግን መናገር ማውጣት አልቻልኩም ምክንያቱም የምረዳት የራሴን ጥቅም ለማስበለጥ ይመስልብኛል ብዬ ነው፣ሆነም ቀረ ግን አሁንም አልቀረችብኝም ሁል ግዜ የምጨቀጭቀው ኢላሂ ግዜው ሲደርስ መልስ ሰቶኛል፡፡አልሀምዱሊላህ
<<አንበሳው ውጪ ላይ ብቻህን ምን ትሰራለህ>> አባዬ ነበር
<<አይ ምንም ሳሚን ሸኝቼው እየተመለስኩ ነው>>
<<በል ግባ ደግሞ ብርድ መቶህ ነገ በሰርግህ ቀን እንዳትታመም ጓደኞችህም ውስጥ እየጠበቀህ ነው>>
<<እሺ አባ መጣሁ ግባ>>
መቼም ሴቶችን ኢሉ ጠርታለች ወንዶች ደግሞ እንዳትቀሩ ሁላችሁም ተጠርታቹኋል፣ምን ምን "የቤትህ አድራሻ"ነው ብላችሁ ስትንሾካሾኩ የሰማሁት፣ #ጥበብ_ኢስላም ወይም @tibebislam_nw ብላችሁ ሰርች አድርጉና ግቡ አድራሻዬን ታገኛላችሁ ለማንኛውም ነገ መቅረት የተከለከለ ነው ቻው ሰዎች እየጠበቁኝ ነው፣ መቼም ከናንተ ጋር ውዬ ወረኛ ሁኛለው ቻው "መልካም ጋብቻ" ነው ያላችሁኝ ኸረ በእስልምናው ባረከላህ በሉኝ
*
ኢሉና አቡኪ ባረከላህ ለኩማ ወባሪክ አለይኩማ ወጀመዓ በይነኩማ ፊል ኸይር ብለናል ያማረ የተዋበ ኢማን የሞላው መተሳሰብ እርስ በእርስ መደጋገፍ አንተ ትብስ አንቺ ትብሽ ተባብላችሁ የምትኖርበት ትዳር ያርግላችሁ፡፡
*
ህይወት ብዙ አይነት መንገድ ነው ያላት ፣ ሁሉም ሰው በመረጠው የህይወት መንገድ ለመጓዝ ይጥራል ግን ሁሉም ሰው እራሱ ባሰበውና በመረጠው ሳይሆን አላህ በፃፈለት መንገድ ይሄዳል ህይወት ብዙ መሰናክሎች አሏት ያንን መሰናክል ያለፈ አማረለት የወደቀ ግን በዛው የህይወት መሰናክል ህይወትን ይጨርሳል፣ ኢሉም ሆነች አቡኪ የህይወት መሰናክሎቻቸውን ለማለፍ ቢቸገሩም የማያልፍ ቢመስላቸውም ግን በራህማኑ እዝነት መከራዎችን አልፈው የደስታን ህይወት ለመኖር 1 ብለው ጀመሩ፡፡
አላህ ለሁላችንም የተስተካከለ ያማረ ህይወት ይስጠን
አሚን ያረበል አለሚን!!


~~~~~~~ተፈፀመ~~~~~!!!

#አስተያየታችሁን comment ላይ አስቀምጡልን በሌላ ታሪክ እስክንገናኝ ሰላም ቆዩልኝ🙏

🎙ግሩፑን ለማግኘት
@Mtshaf_bicha
@Mtshaf_bicha
❤️ለወዳጅዎ #ሼር ያድርጉ
👉አሰተያየት ካላችሁ 📩 @Eyos18 አድርሱን
📗📒📕📗📒📕
Join&share
@EyosC1
📚ማንበብ ባህላችን ይሁን📚