#ایشیق درگیسی یئنی ژورنالیستیکامیزدا هم گرافیکا باخیمیندان هم اورادا گئدن مطلب فرقلی لیک لری باخیمیندان سئچیلن بیر درگی دیر. بو درگینی بو گون الده ائتدیم و چوخ سئویندیم.
نظریمه گلن بعضی فرقلی لیک لره اشاره ائدیرم. طبیعی کی بو اشاره لر ظاهیری گؤرونوشونه گؤره دیر. اومید ائدیرم اورادا گئدن یازیلار دا کیفیتلی اولاجاق.
درگی لریمیزده داها چوخ ادبیات موضوعلاری اولدوغوندان #ایشیق_درگیسینده بیر سیرا موضوعلارا توخونولوبدور کی بیزه یئنی لییی وار. دوغرودور بو کیمی سورپرایزلارین ژورنالیستیکامیزدا کئچمیشی واردیر. #اکینچی قزئتینده مالدارلیق، اکینچی لیک موضوعلاری گئدن ده هئچ بلکه گلیشمیش غرب اؤلکه لری نین قزئت لرینده بو کیمی موضوعلاری تاپماق اولمازدی. ماراقلی بیر شئی دئییم. اکینچی ده اکین جیهازلارینی تانیتدیرما بؤلومو گئدیبدیر اورادا کوتان، کوتانین مختلیف نؤقطه لری و ایشلک دایره لری حاقدا اوخوجولارا بیلگی لر وئریلیر. بو مسئله منیم کیمی ادبیاتچییا او قدر ده ماراقلی اولا بیلمزدی. آنجاق بو بؤلوملر او قدر شیرین بیر دیل و درین بیر باخیشلا ایضاح اولونموشدور کی اینانین بو بؤلوملری سونسوز ذوق و اشتاهلا اوخوماقدان ال چکه بیلمیردیم.

بونو اونا گؤره دئدیم کی بو گون ایشیق درگیسی ده بو ماراغی منده اویاتدی.
ایکینجی مسئله ذوق اوخشایان #فوتوشکیل لردیر. فوتوشکیل لر هر بیر اوخوجونو درگینی اوخوماغا مئیل لی ائدیر. منی قیجیقلاندیران #روشن_نوروزی نین اوستاد #یحیی_شیدا دان چکدییی شکیل ایدی. روشن جنابلاری نین بوندان قاباق اوستاد #رئیس_نیا دان کیتابخانادا گولدویو حالتده ذووقلو بیر شکیل چکدیینی گؤرموشدوم.
بو عکس منده بؤیوک حیس اویاتدی. من نانکور اولانلاردان دئییلم. آخی منیم ایلک یازیلاریمی #اوستاد_شیدا چاپ ائدیب. گنج چاغلاریمدا الیمدن توتوب. فخرله دئیه بیلرم کی من اوستاد شیدانین اداره ائتدییی #مهد_آزادی نین تورکجه صخیفه سی نین یئتیرمه سی یم.

بو گون بو عکسی گؤردوکده دئییرم: روشن جان! اوخوجولارین باغرینی چارتلاتما. او یازیدا دئییبسن #آذربایجان_آدلیم لاریندان شکیل چکمیسن. اونلار دا گومان ائدیرم بونلارا تای گؤزل فوتولاردیر. اونلاری بیر کیتاب کیمی ایشله ییب یای سانا. باخ اوندا سنین الی آچیق اولدوغونا ایناناجاغام!!!!

#همت_شهبازی

https://telegram.me/dusharge

#اوستاد_یحیی_شیدانین عزیز خاطیره‌سینه

(۲۷مهر #اوستاد_شیدانین دونیاسینی دییشیدییی گوندور)


۷۰.جی اون ایللیین ادبیاتینی اؤزو ده #مدرن_ادبیاتینی یارادانلارین اوزرینده رحمتلیک #یحیی_شیدانین #مهد_آزادی قزئتینده تورکجه صحیفه‌سی و همین قزئتین "#آدینه" صحیفه‌سینی چیخاران #قاسم_تورکان جنابلاری‌نین بو گنج‌لرین اثرلرینی یایماقدا چوخ دانیلماز رول‌لاری وار ایدی.

یوخاریدا کی ایلک فوتو منیم ۱۳۷۰ده #فروغ_آزادی قزئتینه #اوستاد_شیدانین قوللوغونا یوللادیغیم شعردیر. یئنیجه یازماغا باشلامیشدیم. #اوستاد_شیدا هئچ کیمین مکتوبونو جاوابسیز قویموردو. همین شعری ۱۳۶۹ دا دا قوللوغونا یوللامیشدیم. حاییف کی اونون جاوابینی تاپا بیلمه‌دیم. اما منه یازمیشدی:

#جناب_شهبازی_یوللادیغین_شعرین_وزنی_والای_وئریر.

ادبی یاشاییشیمدا بو من اوچون ان شیرین خاطیره‌دیر.

سونرا شعرین اوزرینده ایشله‌دیم. یوللایاندان سونرا یوخاریدا کی جاوابی یازدی قزئتده. منیم اوره‌ییمی سیندیرماسین دئیه ایکی بیت ده شعریمدن چاپ ائتمیشدی.

همان ایلده ۷۰‌جی ایلده #تبریز_دانشگاهینا قبول اولدوقدا داها آرتیق اوستادین گؤستریش‌لریندن استفاده ائتدیم.

گؤره‌سن ان آزیندان بیزیم نسیل سنه نانکور چیخمایاجاق کی عزیز #اوستاد.

ایچیمده #بیر_آنلیق_سوکوتلا عزیز خاطیره‌نی آنیرام اوستاد.

https://telegram.me/dusharge