የዕለቱ ሐሳብ

ጌታን የሚያየው ልብ ነው፤ ንጹሕ ካልሆነ ደግሞ አጥርቶ አያይም፤ ልባቸውን ሁልጊዜ የሚያጠሩ—የሚቀድሱም—የታደሉ ናቸው፤ "ልባቸው ንጹሕ የሆነ ብፁዓን ናቸው፤ እግዚአብሔርን ያዩታልና" (ማቴ 5፥8)። ፍጹም አምላክና ሰው የሆነው ጌታ ይህንን ገለጠው። እርሱ በምድር ላይ ሳለ የሚያይም፣ የሚታይም ነበር፤ እንደ ሰው አባቱን አይቷል፤ እንደ አምላክም 'በንጹሐን' ታይቷል። በጊዜና በሁኔታዎች መካከል መለኮት ብዥ ካለብን፣ የመጀመሪያው ጥያቄ መሆን ያለበት ይህ ነው፦ 'ልባችን እንዴት ነው?' ልብን የሚያነጻው ደግሞ ራሱ ጌታ ነው፤ መንጻቱን የሚፈልጉ ጌታቸውን ይጠይቃሉ። ዳዊት በምኞት ተደናቅፎ ኅጢአት ላይ ከወደቀና በናታን በኩል ከተወቀሰ በኋላ፣ “ንጹሕ ልብ ፍጠርልኝ” (51፥10) ብሏል። ልብ ካልነጻ ደግሞ አካልም መቆሸሹ አይቀረም፣ ልብ "የሕይወት ምንጭ ነውና።" እግዚአብሔርን በልባቸውና ከልባቸው የሚያዩም በዕረፍትና በአድናቆት የተሞሉ ይሆናሉ።
🙏🙏🙏

✍ታዚ

ድንቅ ታሪክ|| ይነበብ

የስኬትህን ጠላት!

ከዕለታት በአንደኛው ቀን ሰራተኞች ቢሮ ሲገቡ ከመግቢያው በሩ ላይ የተፃፈ ማሳሰቢያ ቢጤ ይመለከታሉ። "በካምፓኒው ውስጥ እድገታችሁን ሲያደናቅፍ የነበረው ግለሰብ በትናንትናው ዕለት ስላረፈ በስርዓተ-ቀብሩ ላይ እንድትቀላቀሉን እንጋብዛችኋለን" ይላል። የመስራያ ቤት የስራ ባልደረባቸው ስላለፈ ብዙሃኑ ሰራተኞች አዘኑ።

ዳሩ ግን ቢከፉም ሁሉም ተደነቁ። "ምንም እንኳን ቢሞትም እድገቴን ሲያደናቅፍ የነበረው ሰውዬ ግን ማን ነበር?"ሲሉ አሰቡ። ለማየትም ጓግተው አንድ በአንድ ከሬሳ ሳጥኑ እየቀረቡ ቢመለከቱ ድንገት የሚናገሩት ቃል ጠፋቸው። አልጠበቁም። ሌላ ሰው ጥልቅ ስሜታቸውን የነካ ይመስል ከሬሳ ሳጥኑ አጠገብ ቆመው ፈዘው ዝም አሉ።
የሬሳ ሳጥን ከውስጡ መስታወት ቢሆን እንጂ አንዳችም አልነበረውም። ሁሉም ወደ ውስጥ ቢመለከቱ ያዩት የራሳችውን ምስል ብቻ ነው። ከመስታዎቱ አጠገብ አንድ ጥቆማ ሰፍሯል። "ስኬትህን የመገደብ ብቃት ያለው አንድ ግለሰብ አለ፤ እሱም እራስህ ነህ"።

✍ታዚ

Trauma reenactment(የጥቃት አዙሪት)
****
'ሌላሰው' ከተሰኘው የዶክተር ምህረት ደበበ መጽሃፍ አንድ ታሪክ ላይ ተመስርተን አጭር ዳሰሳ እናድርግ::

በመጽሃፋ ምዕራፍ 25 ላይ ምስጢረ ከዶክተር ሌላሰው ጋር ስላልተሳኩ የፍቅር ግንኙነቶቿ እና ለምን አስቸጋሪ ወንዶች አፈቀርንሽ በሚል ሰበብ እስኪታክታት እንደሚከታተሏትና ሰላሟን እንደሚነሷት ግራ እንደገባት ታዋየዋለች::

በንግግሯ መሃል በአፍላነቷ በቅርብ የቤተሰብ አባሏ የደረሰባትን የመደፈር አደጋ ታነሳ እና.. አሁንም ድረስ የደፋሪዋን ጥላ እየተከተለች የምትኖር ያህል እንደሚሰማት ትገልጻለች::

ዶክተር ሌላሰው ይሄንን ታሪኳን በ Sigmund Freud Repetitive compulsion/Trauma reenactment (የአደጋ አዙሪት/ድግግሞሽ) ጽንሰ ሃሳብ ያብራራላት ይመስላል::

የደረሰባት አደጋም ለራሷ፣ ለሌሎች በአካባቢዋ ስላሉ ነገሮችና ስለ መጻኢው  ያላትን አረዳድ እንዴት ሊለውጠው እንደቻለ ይገልጽላታል::

በዚህ ሂደት ውስጥም መብቷን የሚጥሱ ነገሮች ቢያጋጥሟት እንኳን 'እኔ እንዲህ ስለሆንኩ ነው..' የሚል የበታችነት ስሜትና ራስን የመውቀስ ዝንባሌ ስለሚያይልባት ለመብቷ ጥብቅና ለመቆም እንደተቸገረች..ይህም ለተጨማሪ አደጋዎችና የመብት ጥሰቶች ሊያጋልጣት እንደሚችል ያስረዳታል::

ገጽ 260...'አንዳንድ ሰዎች ሰብአዊ ክብራቸውን የሚገፏቸውና እንደፈለጉ የሚጫወቱባቸውን ሰዎች እንኳ እንደ አውነተኛ አፍቃሪ የማየትና  በስቃይ ውስጥ የመኖር ዝንባሌ ሊያሳዩ ይችላሉ....' ይላታል::

ይህም ለወንዶች ያላት ዝንባሌ እንዲዛባ እና የፍቅር ግንኙነቶቿም ያልተሳኩ እንዲሆኑ እንዳደረገባት ያስረዳታል::

ይህ የጥቃት አዙሪት/ድግግሞሽ በልጅነታቸው ባልበሰለ አዕምሯቸው ጾታዊ/አካላዊ/ስነልቦናዊ ጥቃትን ባስተናገዱ ሰዎች ላይ ይስተዋላል::

ከጽሁፋ እንደተረዳሁት፣ ምስጢረ Complex PTSD የሚመስል ችግር ውስጥ እያለፈች ይመስላል::

ስለ Complex PTSD እና የህክምና ሂደቱ በቀጣይ ይዤላችሁ እቀርባለሁ::

አሻም!

ዶ/ር እስጢፋኖስ እንዳላማው-የአዕምሮ ህክምና ስፔሻሊስት

✍ታዚ

ራስን ማታለል (Bad Faith)

በሕይወትህ ለምን ያህል ጊዜ ለውድቀትህ ሌሎች ሰዎችን ወይም ሁነቶችን ወቅሰህ ታውቃለህ? እንዲህ ባይሆን ኖሮ እንዲህ እሆን ነበር' ብለህስ ታውቃለህ? አለቃህ፣ መምህራኖችህ፣ ወላጆችህ የሆነ ነገር እንድታደርግ አስገድደውህ ያውቃሉ?

የሃያኛው ክ/ዘመን ፈላስፋ የሆነው ዣን ፖል ሳርት እነዚህን ሃሳቦች በአንድ ሰብስቦ “bad faith' ብሎ ይጠራቸዋል። ይህም ራስን ማታለልን ያመላክታል። ብዙውን ጊዜ በሕይወት ላይ አማራጭ እንደሌለን ለራሳችን እናሳምነዋለን፡፡ ይህን ያደርግነው እንዲህ ስለሆነ ነው የሚል ምክንያትም ከድርጊቶቻችን ጀርባ እናስቀምጣለን። አሁን ላለንበት ደረጃ ያበቁንን አስገዳጅ ምክንያቶች እና ሰበቦች እንደረድራለን፡፡ ራስን ማታለል በዙሪያችን እስር ቤት የመገንባት ያህል ነው።

ማህበረሰቡ ባስቀመጠልን አስገዳጅ ህጎች አልያም ልማዶች ራሳችንን ወስነን በነጻነት ከመምረጥ እንገደባለን፡፡ ለምሳሌ ሜሴጅ እንደላከልሽ ወዲያውኑ አትመልሽለት” አይነት ተራ ሕጎች ጀምሮ እስከ በዳኛ የተደነገጉ ሕጎች ድረስ - የመምረጥ ነጻነታችን ይገደባል።

እናም ራስን ማታለል (bad faith) የሚጀምረው ለውድቀታችን እነዚህን ህጎች ተጠያቂ ስናደርግና በእነርሱ ውስጥ ስንሸሸግ ነው::

እናም ከማህበረሰቡ ተውስን የምንወስዳቸው ብዙ ጭንብሎች አሉን፡፡ በብዙ የሕይወት ክፍሎቻችን ላይ እንዲህ መሆን አለብህ ስለተባልን ልክ እንደ ተዋናይ ሆነን እንተውናለን፡፡
ነገር ግን ይለናል ሳርት፤ ህግ፣ ደንብ፣ ባህል እና ወዘተ... ከመምረጥ አያግዱንም፡፡ ምርጫዎችን የመምረጥ እና የመወሰን ፈቃዱም በእኛ እጅ ላይ ነው ያለው፡፡

በእያንዳንዷ ቅጽበት፣ በእያንዳንዱ ቀን ምርጫዎች አሉን። በእያንዳንዱ ሰከንድም የወደድነውን የመምረጥ ነጻነት አለን። ይህንን ነፃነት ምንም አይነት ነገር ከእኛ ሊቀማን አይችልም፡፡ ነጻ ለመሆንም የተገባን ነን።

በዚሁ ልክም ለእያንዳንዱ ምርጫዎቻችን ውጤት የምንጠየቀው እኛ ብቻ ነን። ቀድሞውኑ በሚገባ አመዛዝነን ካልወሰንን እና መንገዳችን ወደ መጥፎ መዳረሻ ካደረሰን፣ ከእኛ ውጪ ልንከሰው የሚገባ አካል አይኖርም፡፡ ጥፋታችንንም ከማመን ውጪ ማንም ላይ ማላከክ የለብንም፡፡

ነጻ ነህ ... ነጻነትህን ተጠቅመህ መንገድህን ምረጥ...

ምንጭ-ፍልስፍና ከዘርዓ ያዕቆብ እስከ ሶቅራጠስ

✍ታዚ

➖➖➖➖➖❤️➖➖➖➖➖

ጥሩ እድል ሊሆንም ላይሆንም ይችላል”   ጣፋጭ ታሪክ


       በአንድ መንደር ውስጥ የሚኖር አንድ ገበሬ ነበር። ከእለታት አንድ ቀን የዚህ ገበሬ ፈረስ ይጠፋል። የመንደሩ ሰው ሁሉ ተሰብስቦ ወደ ገበሬው ቤት በመሄድ ሃዘናቸውን ይገልጹለታል።እንዲህ ሲሉ ” ፈረስህ በመጥፋቱ አዝነናል፤ እንደው ምን አይነት መጥፎ እድል ነው?” ሲሉት። ገበሬው መልሶ “መጥፎ እድል ሊሆንም ላይሆንም ይችላል” ብሎ መለሰላቸው።በበነጋታው የጠፋው ፈረስ ሌሎች ሰባት ፈረሶችን አስከትሎ መጣ። ይህንን የተመለከቱ የሰፈሩ ሰዎች ወሬውን ይሰሙና ወደ ገበሬው ቤት በመሄድ እንዲህ ይሉታል።” የሚገርም እኮ ነው፤ አንድ ፈረስ ነበረህ አሁን ስምንት ፈረሶች ሆኑልህ። እንደው ምን አይነት ጥሩ እድል ነው?” ገበሬውም ” ጥሩ እድል ሊሆንም ላይሆንም ይችላል” ሲል መለሰላቸው።ሲነጋ የገበሬው ልጅ ከስምንቱ ፈረሶች አንዱን ሰርቆ ሊጋልብ ሲሞክር ፈረሱ አሽቀንጥሮ ይጥለውና ልጁ እግሩን ይሰበራል።ወሬውም በሰፈሩ ሁሉ ተሰማ። እንደ ልማዳቸው የሰፈሩ ሰዎች ተሰባስበው ” ውይ የልጅህ መሰበር እንዴት ያሳዝናል ባክህ? እንደው ምን አይነት መጥፎ እድል ነው?” አሉት። ገበሬውም መልሶ ” መጥፎ እድል ሊሆንም ላይሆንም ይችላል” ሲል እንደልማዱ በእርጋታ መለሰላቸው። በቀጣዩ ቀን የመንደሩ የጦር ተቆጣጣሪ፤ ወጣቶችን ለጦር ሜዳ ሊመለምል ወደ መንደሩ ይዘልቃል። የሁሉንም ቤት ወጣት ወንዶች ለጦርነት ሲመለምል ከፈረስ ላይ የወደቀውን የገበሬውን ልጅ ግን እግሩ ስለተሰበረ ሳይወስዱት ቀሩ።ይሄኔ የመንደሩ ሰዎች ተሰባስበው ወደ ገበሬው በመሄድ እንዲህ አሉት “አየህ ልጅህ እግሩን በመሰበሩ ወደጦር ሜዳ ሳይወሰድ ቀረ፤ እንደው ምን አይነት ጥሩ እድል ነው?” ገበሬው ግን አሁንም እንዲህ አላቸው ” ጥሩ እድል ሊሆንም ላይሆንም ይችላል”

እናም .....................................................

ብዙን ጊዜ በኑሮዋችን ውስጥ አንድ ነገር ሲከሰት በችኮላ “መጥፎ” ወይም “ጥሩ” እድል በማለት እንፈርጃለን። መልካም ያልነው ነገር መጥፎ ነገር ይዞ ሲመጣ፤ መጥፎ ያልነው ነገር ደግሞ መልካም ነገር ይዞ ብቅ ሲል፤ ዳኝነታችን መሰረት የሌለው እንደሆነ እንረዳለን። ወደ ኋላ መለስ ብለን የመጣንበትን ብንቃኝ፤ በእርግጠኝነት በአንድ ወቅት መጥፎ እድል ናቸው ብለን የፈረጅናቸው በኋላ ላይ ግን መልካም ነገር ይዘውልን የመጡ የህይወት አጋጣሚዎችን እናገኛለን። እኛ ግን ቀድመን “መጥፎ” እና “ጥሩ” እድል እያልን ነገሮችን ስንከፋፍል፤ አይምሮዋችን አስቀድሞ ነገሮችን ስለሚዳኝ ጭንቀት በጊዜው ከሚሆነው ነገር ጋር እንዳንስማማ ያደርገናል። የገበሬው አመለካከት ግን እጅግ የሚደንቅ ነው። የሚገጥሙት ነገሮች ምን ይዘው እንደሚመጡ ስለማያውቅ “መልካም” እና “መጥፎ” እድል እያለ እራሱን ላልተጠበቀ ሃዘን አያዘጋጅም።የፈረሱ መጥፋት መጥፎ እድል ነው ብሎ ለማለት አልደፈረም። ምክንያቱም የሆነው ነገር ምን ይዞ እንደሚመጣ ስላላወቀ። ፈረሱ ሌሎች ፈረሶችን ይዞ ሲመጣም “መልካም እድል” ብሎ ሊደመድም አልወደደም፤ እንደሰወኛ ብናስብ እነዛ ፈረሶች ባይኖሩ ልጁ አይሰበርም ነበር። የልጁን መሰበርም እንደ መጥፎ እድል ሊወስደው አልፈለገም፤ እንደሰወኛ ግን ልጁ እግሩ ባይሰበር ኖሮ፤ እንደሌሎቹ የሰፈር ወጣቶች ከአባቱ ተነጥሎ ወደ ጦር ሜዳ በተወሰደ ነበር።
እንዲህ አይነት አመለካከት ከአልታሰበ የስሜት መናወጥ ያድናል፤ እርግጥ ነው ቀላል አይደለም። ነገር ግን በህይወት መንገድ ላይ ስንጓዝ የሚገጥሙን ሁኔታዎች ጊዜ ብቻ የሚፈታው ሚስጥር በውስጣቸው አለ። ነገሮች ሁሉ ወደ በጎ እየተቀየሩልን እግዚአብሔርን ባማረርንበት አፋችን እንድናመሰግነው ያደረገን አጋጣሚ በሁላችንም ህይወት ውስጥ አለ። በአንጻሩ በስንት ልመና ያገኘነውን ነገር ምነው ባትሰጠኝ ኖሮ ብለን ያማረርንበትም ጊዜ ይኖራል። በዚህ አለም ላይ
ያለምክንያት የሚሆን ምንም ነገር የለም። ምናልባት አሁን እያለፍነበት ያለው ፈተና እና የኑሮ ጦርነት እድላችንንን እንድንማረር እያረገን ይሆናል፤ ነገ የሚመጣውን ግን አናውቅም። የእኛ ድርሻ መሆን ያለበት ሁሉንም እንደአመጣጡ መቀበልና ነገር ሁሉ ለበጎ ነው ብለን
ለእግዚአብሔር መተው ነው።መጽሐፍ ቅዱስም እንዲህ ይላል “ሁሉም ነገር ለበጎ ነው”ዛሬ ሁሉም ነገር ቢጨልምብህ ለበጎ ነው ብሎ ማለፍ ተረት ብቻ አይደለም፡፡ ጨለማ በጎ ነገሮችን ይዞ ለመምጣቱ ህይወት እራሷ ታስተምረናለችና  ።
🔺🔺🔺🔺🔺😀😀😀😀😀

       
       ┉┉✽‌»‌✨❣✨»‌✽‌┉┉
 
🦋🙏ከወደዱት ሼር🙏🦋

      ‌‌‌‌‌‌‌  ይ 🀄️ላ🀄️ሉን! ➢

✍ታዚ

ከገንዘብ ውጭ የምር ደስተኛ የሚያደርጋችሁ ነገር ምንድን ነው???

✍ታዚ

​❤️❤️❤️❤️ለወንዶች❤️❤️❤️❤️

ወንድሜ ሆይ ወንድነት ወይም አራድነት ማለት ቆንጆ የተባለች ሴትን ሁሉ እያሳደዱ የውሸት ተረት እየነገሩ በማሳመን ለጊዜያዊ ስሜት ተጠቅሞ እንደ ርካሽ እቃ መጣል አይደለም። ሲጀምር ሴት ልጅ እራሷን አሳልፋ የምትሰጥህ አምናህ ነው መታመን ደግሞ ትልቅ ሀላፊነት ነው መወጣት የማትችለውን ሀላፊነት ደግሞ አትውሰድ። ላንተ ቀላል ሊመስልህ ይችላል ለእሷ ግን በጣም ከባድ ነው የአእምሮ፣ የስነልቦና ቀውስ፣ ተስፋ መቁረጥ ያልሆነ ማንነት ውስጥ መግባት፣ የበታችነት ስሜት ለብዙ ብዙ ነገር ይዳርጋታል አንተስ ከዛ ምን ተጠቀምክ?? አንተ ያደረከውን ሌላው እህትህ ላይ ቢያደርገውስ?? እህት ባይኖርህ ነገ ሴት ልጅህ ላይ እንደማይደርስ በምን እርግጠኛ ነህ?? ሁሉም የዘራውን ማጨዱ አይቀርም ይልቅ ጊዜህን አታጥፋ ካሉት ከዋክብቶች መሃል አስተውለህ ጨረቃህን ምረጥ። በእጅህ ያለችውን አርክሰህ ከምትተዋት አንግሰህ ተንከባከባት። አባት ስትሆን ደግሞ ለወንድ ልጅህ አርአያ ለሴት ልጅህ ደሞ የምንግዜም ንጉስ ወደፊት ለሚያጋጥሟት ወንዶች መለኪያ ትሆናታለህ።

ወዳጄ አራዳ እናቱን የሚረዳ፣ ሌሎችን የሚረዳ ነው። ወንድነትህን በመልካምነትህ ግለጠው ያኔ ሙሉ ወንድ ትሆናለህ።
​​​​​​​​​​┄┄┉┉✽‌»‌🌺💓💞💞 🌺‌✽‌┉┉┄┄

✍ታዚ

አስደሳች ዜና-ዎላይታ ሶዶ -Wolayita Sodo

ነብዩ ስነ አዕምሮ E-clinic የቤት ለቤት ህክምና የማማከር አገልግሎት

🛖የምንሰጣቸው አገልግሎቶች

🏘 የቤት ለቤት የስነ አእምሮ ህክምና ክትትልና ማማከር አገልግሎት

👉 የጭንቀት ሕክምና
👉 የድብርት ሕክምና
👉 የእንቅልፍ ችግር ሕክምና
👉የግንኙነት ጉዳይ እና
👉ሌሎችም በተለያየ ስነ አእምሮ ህመም የባለሞያ ድጋፍ ማግኘት ትችላላችሁ

ከሃገር ውጪ ላሉ እና በአቅራቢያችን ለሌሉ ደምበኞቻችን ከስልክ በተጨማሪ በ What’s app እና በ Imo ከባለሙያ ጋር በቪዲዮ ወይም በድምጽ ቆይታ ማድረግ የሚችሉ መሆኑን እናበስራለን።

🤝ሚስጥሮ ሚስጥራችን ነው!

ነብዩ ጃግሶ(ስነ አእምሮ ባለሙያ)

ለተጨማሪ መረጃ ወይም ቀጠሮ ለማስያዝ የሚከተሉትን አማራጮች ይጠቀሙ

ስልክ ☎️ +251922077637
ቴሌግራም @Mentalhealth_NJ
በWhat’s app https://call.whatsapp.com/voice/UMkd4Z6CSrN7EXf9d80UO5

አድራሻ - ዎላይታ ሶዶ

ይቀላቀሉን 👇👇
https://t.me/psychiatry1

በ inbox የተላከ

ቆይ ወንዶች ለምትደግፉት እግር ኳስ ክለብ ምንም አቋሙ ቢወርድ ፀንታችሁ እየኖራችሁ እንዴት በ አንዲት ሴት መፅናት ያቅታችኋል??
ወንድ ልጅ በቃኝ!

ብላናለች እስኪ ቤተሰብ አስተያየት፣ ምክር comment ስር ስጧት✌

ጥገኝነት

ጥገኝት ማለት በራሳችን ለመቆም ካለመቻላችን ወይም ካለመፈለጋችን የተነሳ በሰዎች ላይ ተደግፈን ስንኖር ማለት ነው፡፡ ለጊዜውና አንድን አስቸጋሪ ሁኔታ እሰከምናልፍ ድረስ በሰው ላይ ጥገኛ መሆን ችግር የሌለውናሁሉም ሰው የሚልፍበት የሕይወት እውነታ ነው፡፡ ነገር ግን ጥገኛ የምንሆንባቸውን ሁኔታዎች መለየት፣ ለምን በሰዎች ላይ ጥገኛ ለመሆን እንደተገደድን መገንዘብና እስከመቼ በዚህ ሁኔታ እንደምንኖር አስበንበት ከሁኔታው የመላቀቅ እቅድ ማውጣት አስፈላጊ ነው፡፡

የሰው ጥገኛ ሆኖ በራሱ ላይ ያለውን ግምት ትክክለኛና ሚዛናዊ አድርጎ ለማቆየት የሚችል ሰው ማግኘት ያስቸግራል፡፡ ጥገኝነት በራሳችን ላይ ያለንን ግምት ስለሚያወርደው ማለት ነው፡፡ ጥገኝነት መራራ ያደርገናል፣ እኛን ለሚጎዱ ሰዎች አጋልጦ ይሰጠናል፣ የራሳች የሆነ ነገር እንድንገነባ አይፈቅድልንም፡፡

ከላይ እንደጠቀስነው አንዳንድ ጊዜ ምንም እንኳን ካለንበት አስቸጋሪ ሁኔታ የተነሳ ለተወሰነ ጊዜ የሰው ጥገኛ ብንሆንም ከዚያ የመውጣት ፍላጎቱ፣ እቅዱና ጥረቱ ሲኖረው ውስጣችንን ጠንካራ ያደርገዋል፡፡

ሁል ጊዜ ልንሰራባቸው የሚገቡን የጥገኝነት አይነቶች፡-

1. የገንዘብ ጥገኝነት፡- ራስን ችሎ ለመኖር ካለመፈለግ ወይም ካለመቻል ራስን ወደመቻል ለመሻጋገር እንስራ፡፡

2. የስሜት ጥገኝነት፡- በሰዎች ላይ የስሜት ጥገኛ ከመሆናችን የተነሳ እንደ እነሱ ወቅታዊ ሁኔታ የሚዘባረቀውን ስሜታችን በማስተካከል የራሳችን ስሜት የምንቆጣጠረው ራሳችን ወደመሆን እንደግ፡፡

3. የእውቀት ጥገኝነት፡- ሁልጊዜ ሰዎችን በመጠየቅና ከእነሱ በምናገኘው መልስ ላይ ብቻ በመደገፍ ከመኖር በራሳችን እውቀትን ወደመቅሰምና በእውቀት ወደመሻሻል ደረጃ ለመድረስ እንስራ፡፡

✍ታዚ

ያስቸገረኝ ጥቃቅኑ አሸዋ ነበር!

ተወልዶ ካደገበት ሃገሩ በተፈጠሩ ማሕበራዊ ቀውሶች ምክንያት ወደሌላ ሃገር በስደት ለመሄድ የቆረጠ አንድ ሰው ረጅም፣ አድካሚና አስፈሪ የሆነን በረሃ ለቀናት በእግሩ በመሄድ ካቋረጠ በኋላ እጅግ ደክሞና ዝሎ ነበር፡፡ በመጨረሻም በደረሰበት አንዲት ከተማ ውስጥ በተሰጠው እርዳታ ትንሽ አገገመ፡፡

የዚህን ሰው ጉዞ የሰማና ለሕብረተሰቡ ለማቅረብ የፈለገ አንድ ጋዜጠኛ አገኘውና አንድን ጥያቄ ጠየቀው፡፡ “ተጉዘህ የመጣኸው በረሃ ብዙ ሰው የማይደፍረው በረሃ ነው፡፡ ለመሆኑ በመንገድህ ላይ በጣም የጎዳህና ያስቸገረህ ውኃ ጥም ነበር? ምግብ ማጣት ነበር? አውሬ ነበር? ሽፍቶች ነበሩ? ወይስ . . . ?

የዚህ ስደተኛ መልስ ለጋዜጤኛው ያልተጠበቀ ነበር፡፡ በዚህ አደገኛ በረሃ አቋርጬ ስመጣ በጣም ያስቸገሩኝ የጠቀስካቸው ትልልቅ ነገሮች አልነበሩም፡፡ ጉዞየን በጣም አድካሚና አስቸጋሪ ያደረገብኝ በእርምጃዬ ወቅት ጫማዬ ውስጥ እየገባ የሚቆረቁረኝና አላራምድ ያለኝ ጥቃቅኑ አሸዋ ነበር፡፡

የሕይወት ጉዞም እንዲሁ ነው! አብዛኛውን ጊዜ የሚያስቸግረን፣ የሚቆረቁረን፣ አላራምድ የሚለንና ከዓላማችን የሚጎትተን ችግር ትልልቁ አይደለም፡፡ በየቀኑ የሚያጋጥሙን ጥቃቅን “አሸዋዎች” ናቸው፡፡ ትንንሽ አመለካከት ያላቸው ሰዎች ባህሪይ፣ ትንንሽና አናሳ ወሬን የሚያወሩ ሰዎች ሁኔታ፣ ትንንሽና ስሜትን የሚነካኩ የየቀን ገጠመኞች . . . ጉዟችንን አዳጋችና አድካሚ ያደርጉታል፡፡

“በትንንሽ” ሰዎችና ሁኔታዎች ሳትበገሩ ትልቁ የሕይወት ስእልና ዓላማችሁ ላይ በማተኮር ወደፊት መገስገስን ያወቃችሁበት ጊዜ ዋናውን የሕይወት ድል የተጎናጸፋችሁበት ጊዜ ነው፡፡

በርቱ!

dr eyob mamo
✍ታዚ

ከ Break up በኋላ የተሰበረ ልባችሁን ለመጠገንም ይሁን ፍቅርን ስለተራባችሁ ብቻ የፍቅር ግንኙነት ውስጥ አትግቡ። በዚህ ራሳችሁንም ሆነ የፍቅር አጋራችሁን ከአላስፈላጊ የልብ ስብራት ታድናላችሁና።

ከመግባታችሁ በፊት ቆም ብላችሁ አስቡበት።

✍በሃይሉ(ታዚ)

ለመላው የክርስትና እምነት ተከታዮች በሙሉ እንኳን ለብርሃነ ትንሳኤው አደረሳችሁ!!!

በዓሉ.........
የሠላም ፣ የፍቅር እና ደስታ የሞላበት በዓል እንዲሆንልዎ ከልብ እንመኛለን!!!!

..............መልካም በዓል ይሁንላችሁ!!!!
ለወዳጅ ዘመድዎ በመላክ መልካም ምኞትዎን ይግለፁ.....!!
➳➳➳ ሼር ያድርጉ!! ➢➢➢   

✍ታዚ

መፍራትን አትፍራው!

እንደ ፍርሃት፣ ድንጋጤና ስጋት አይነት ስሜቶች ሰው ከአደጋ እንዲጠነቀቅ ከፈጣሪው የተሰጡ ስጦታዎች ናቸው፡፡ እነዚህ ስሜቶች በአግባቡ ልንጠቀምባቸውና ከአደጋ ልንጠበቅባቸው ሲገባን ለአንዳንድ ሰዎች የኑሮ ዘይቤ ሆነዋል፡፡ የመውደቅ ፍርሃት፣ የመክሰር ፍርሃት፣ ያለመወደድ ፍርሃት፣ ብቻ የመቅረት ፍርሃት፣ … ጣጣችን ብዙ ነው፡፡

በፍርሃት ስንወረስ፣ ሕይወታችንን በራእይ መምራት እናቆምና ለፍርሃት ምላሽ በመስጠት መምራት እንጀምራለን፡፡ ከአንዱ ራእይ ወደሌላኛው በማለፍ ሕይወትን “ልናጠቃት” ሲገባን የመጣው ሁሉ የኑሮ ገጠመኝ የሚያጠቃን ቋሚ ኢላማዎች እንሆናለን፡፡ ቆመን ለመጣው ወይም የመጣ ለመሰለን ጥቃት ምላሽ በመስጠት ጊዜአችንን እናባክናለን፡፡ ይህ ሲሆን የቆመ ኢላማ ሆንን ማለት ነው፡፡ በተቃራኒው ከአንዱ ግብ ወደሌላኛው በአላማ የምንንቀሳቀስ ሰዎች ስንሆን አይኖቻችን ከችግሩ ላይ ይነሱና መፍትሄው ላይ ማረፍ ይጀምራሉ፡፡

የፍርሃትህ ጥልቀት አእምሮህ የፈቀደለት ያህል ነው” - Unknown Source

ፍርሃት በሕይወትህ ብቅ ጥልቅ ማለቱ አያስፈራህ፡፡ በዚያ ፍርሃት ምክንያት ግን መንቀሳቀስ እስኪያቅትህ ድረስ እንዳትታሰር ፍራ፡፡ ማንኛውም ሁኔታ አንተን የማስፈራራት ሙከራ የማድረግ ሙሉ መብት አለው፡፡ አንተ ካልፈቀድክለት ግን ሊያስፈራራህ አይችልም፡፡

ትፈራለህ፣ ፈሪ ግን አይደለህም፡፡ “በፍጹም አልፈራም” ብለህ ካሰብክና ከተናገርክ ከፍርሃት የተደበቅህ ሰው እንደሆንክ አመልካች ነው፡፡ በሌላ አባባል፣ የፍርሃት ስሜት እንዳይመጣ መከልከል አትችልም፣ ይህንን ስሜት ለማስተናገድ የተፈጠረ ማንነት ስላለህ፡፡ ሆኖም፣ የፍርሃትን ጥልቀትና በአንተ ላይ ሊያመጣ የሚችለውን ጉዳት የመወሰን ሙሉ መብትም ሆነ ብቃት አለህ፡፡

Dr eyob mamo
✍ታዚ

𝐈𝐧𝐧𝐞𝐫 𝐂𝐡𝐢𝐥𝐝 𝐖𝐨𝐮𝐧𝐝𝐬

Did you know? Studies show that 90% of adults have experienced some form of inner child wounds in their lifetime.

These wounds, stemming from childhood experiences, can significantly impact our emotional well-being and relationships as adults.

𝗔𝗯𝗮𝗻𝗱𝗼𝗻𝗺𝗲𝗻𝘁 𝗪𝗼𝘂𝗻𝗱𝘀:
➙ Fear of rejection.
➙ Seeking constant reassurance.
➙ Difficulty trusting others.

𝗡𝗲𝗴𝗹𝗲𝗰𝘁 𝗪𝗼𝘂𝗻𝗱𝘀:
➙ Lack of self-care.
➙ Feeling invisible or forgotten.
➙ Difficulty setting boundaries.

𝗦𝗵𝗮𝗺𝗲 𝗪𝗼𝘂𝗻𝗱𝘀:
➙ Self-criticism.
➙ Fear of judgment.
➙ Avoiding vulnerability.

𝗕𝗲𝘁𝗿𝗮𝘆𝗮𝗹 𝗪𝗼𝘂𝗻𝗱𝘀:
➙ Trust issues.
➙ Fear of intimacy.
➙ Difficulty forming close relationships.

𝗥𝗲𝗷𝗲𝗰𝘁𝗶𝗼𝗻 𝗪𝗼𝘂𝗻𝗱𝘀:
➙ Fear of abandonment.
➙ Seeking validation from others.
➙ Difficulty expressing emotions.

🌱 𝗦𝗼𝗺𝗲 𝗧𝗶𝗽𝘀 𝗳𝗼𝗿 𝗛𝗲𝗮𝗹𝗶𝗻𝗴:
➙ Practice self-compassion.
➙ Seek therapy or counseling.
➙ Engage in inner child work.

🚀 Be gentle with yourself along the journey.
Remember, healing takes time and patience.

#InnerChild #EmotionalHealing
#SelfGrowth #MentalHealthAwareness

P.S. Your past doesn't define your future.
Embrace the healing journey, one step at a time!

✍Tazi

ሕልሜን ላጫውታችሁ

አንድን ሕልም አለምኩ፡፡ አንድን በአለም አቀፍ ደረጃ እጅግ ተፈላጊነት ያለውን ጥበበኛ አዛውንት ያገኘሁት ይመስለኛል፡፡ ይህ ጥበበኛ ሰው ምንም አይነት ጥያቄ ከብዶት አያውም፣ ለማንኛውም አይነት አስቸጋሪ ሁኔታ መፍትሄ በመስጠት የታወቀ ነው፡፡ ለዚህም ነው ሰዎች ቢያንስ ከአንድ አመት በፊት ቀጠሮ በማስያዝ ከአለም ዙሪያ ወደእርሱ የሚመጡት፡፡ ጠቢቡ አስተርጓሚ አያስፈልገውም፡፡ የአለምን ሁሉ ቋንቋ ጥንቅቅ አድርጎ ያውቃል፡፡ ፈገግተኛ፣ የደስ ደስ ያለውና ከአጠገቡ መለየትን የማያስመኝ መረጋጋት ያለው ሰው ነው፡፡ እንዴት እንደሆነ ባላውቀውም ካለምንም ቀጠሮ ለብቻዬ ጠቢቡን የማግኘት እድል ያገኘሁ ይመስለኛል - በሕልሜ፡፡

ሁኔታው ድንገተኛ ስለሆነብኝ ይመስለኛል፣ ምንም እንኳን ጊዜ ቢሰጠኝ ብዙ የምጠይቃቸው ጥያቄዎች ቢኖሩኝም የምለውን አጣሁ፡፡ ሰዎች ከአለም ዙሪያ በብዙ ትግል የሚያገኙትን ይህንን ጠቢብ የማግኘት እድል አግኝቼ ምንም ነገር ሳላገኝ ሄጄ በኋላ እንዳይጸጽተኝ የመጣልኝን ሁሉ ለመጠየቅ ወሰንኩ፡፡ እንዲህ ስል ጠየኩት፣ “ሰዎች ወደአንተ ይዘው ለሚመጡት ጥያቄ በሙሉ ለመፍትሄ የሚሆንን ምክር የመለገስ ጥበብ እንዳለህ ዝናህን ሰምቻለሁ፡፡ እስቲ እስካሁን ድረስ ለመምከር ወይም መፍትሄ ለመስጠት ከባድ ሆኖ ያገኘኸውን ቀንደኛ ሁኔታ ንገረኝ” አልኩት፡፡

አንዴ እኔን፣ አንድ ጊዜ ደግሞ መሬት መሬት ከቃኘ በኋላ፣ እንደገና ወደ እኔ ከዚያም ልክ አንድ አዲስ ሃሳብ ሰማዩ ላይ የሚያነብ እስኪመስልበት ድረስ ወደላይ ከተመለከተ በኋላ እንዲህ አለኝ፡-

“ፈጣሪ አድሎኝ ለብዙ ሰዎች መፍትሄ የሚሆኑ ምክሮች የመለገስ ብቃት አለኝ፡፡ በዚህም ደስተኛ ነኝ፡፡ ምክር ፍለጋ ወደእኔ የሚመጡት በአብዛኛው በወጣትነትና በመካከለኛው የእድሜ ክልል ውስጥ የሚገኙ ሰዎች ናቸው፡፡ እስካሁን ድረስ በሺህ የሚቆጠሩ ሰዎችን አማክሬአለሁ፡፡ እስካሁን የሰጠኸኝ ምክር አልሰራልኝም በማለት የተመለሰ ሰው አላጋጠመኝም፡፡ ይህ የሆነበት ምክንያት ሁለት ነው፡፡ አንደኛው በወጣትና በጎልማሳ እድሜአቸው ላይ የሚገኙት ሰዎች ምክሩን ተግባራዊ አድርገው መፍትሄ በማግኘታቸው ምክንያት ወደ እኔ አይመለሱም፡፡ ከዚህ ለየት የሚለው ሁኔታ ግን እንደ እኔ እድሜያቸው እጅግ የገፋ አዛውንቶች ይዘው የሚመጡት ጥያቄ ነው፡፡ የእነዚህ ሰዎች ጥያቄ በአብዛኛው የጸጸት ጥያቄ ነው፡፡”

ጠቢቡ ንግግሩን ቀጠለ፡- “ያሳለፏቸውን አመታቶቻቸው መቼ መጥተው መቼ እንደሄዱ ማሰብ እስከሚያስቸግራቸው ድረስ ግር የሚላቸው አዛውንት ጥቂት አይደሉም፡፡ አሁን መለስ ብለው ሲያስቡት ሕይወታቸውን ወደማይፈልጉበት አቅጣጫ እንዲሄድ ያደረገውንና አሁን የሚጸጸቱበትን ውጤት ያስከተለባቸውን የመነሻ ችግር በሚገባ ያውቁታል፡፡ በወቅቱ እርምጃ ወስደው ሊያርሟቸው የሚገቡ ቀላል የሚመስሉ ሁኔታዎች ዛሬ ምንም ቢጸጸቱ እንኳን ሊቀለብሱት የማችሉትን ሰበብ አጠራቅሞ አገኙት፡፡”

ጠቢቡ ፍላጎቴን አይቶ የኋላ ኋላ እንዳልጸጸት ምን ማድረግ እንዳለብኝ ምክርን ለገሰኝ፡፡ የሰጠኝ ምክሮች ከብዙ አዛውንት የጸጸት ሁኔታ በመነሳት በብዙ ሰዎች የሚንጸባረቁትን የጸጸት መንስኤዎች በመጭመቅ እንደሆነ ገምቻለሁ፡፡ ወዲያውኑ ከእንቅልፌ ባነንኩኝና ሳልረሳቸው ጠቢቡ በምክሩ የጠቆመኝን የሚከተሉትን መመሪያዎች መዘገብኳቸው፡፡

1.  “ሁል ጊዜ አንተው ያመንክበትን ሕይወት መኖርህን እርግጠኛ ሁን፡፡”

2.  “ልክህን እወቅ፣ ለስራህና ለሕይወትህ መርህና ገደብ ይኑርህ፡፡”

3.  “ማንነትህን፣ ኑሮህንም ሆነ የሰራሃቸውን ስህተቶች አሻሽላቸው እንጂ አትፈርባቸው፡፡”

4.  “ከወዳጆችህ ጋር ነጻ የሆነን ግንኙነት መስርት፣ ግልጽነትና የቀረበ ወዳጅነት ቢጎዳህም ከጉዳቱ ጥቅሙ ይበልጣልና በፍጹም አትሽሽ፡፡”

5.  በመጨረሻ፣ ሁል ጊዜ ደስተኛ መሆንን ምረጥ፡፡ የሕይወት ቀንደኛ ዓላማዎች ከሚባሉት ውጤቶች መካከል ደስተኛነት አንዱ ነውና፡፡

(“የሕይወት ጸጸቶች” ከተሰኘው የዶ/ር ኢዮብ ማሞ መጽሐፍ የተወሰደ)

✍ታዚ

💠💠ከምንም በላይ ፈታኝና ከባድ የሚሆነው ከህሊና መለየት ነው!"💠💠

#ወዳጄ ሆይ፥

☞ብቸኝነት ሲሰማህ፦
፡
✔ማሰብ ከቻልክ የአሳብህ ጓደኛ ነህ።ማሰብ ካልቻልክ ግን ብቻህን ነህ።
መነጠል የስጋ ሳይሆን የአሳብ ስሜት ነው። ብቸኝነትህን አሳብህ ሲጋራህ የአሳብ ጓደኛ አለህ።
ብቸኝነትም ጓደኝነትም የአብሮነትና የመነጠል ስሜት ናቸው።

☞ከሰው ጋር ስትሆን ለብቻህ እንደሆንክ ከተሰማህ ያው በግርግር መሀል ብቸኛ ነህ ማለት ነው።😉
በስጋህ ደሞ ብቻህን ሆነህ ከአሳብህ ጋር አብረህ ከሆንክ አንተማ ጓደኛ አለህ።😊
ከቻልክ የወዳጅ አስፈላጊነትን ቀንስ።ሰው ብታጣም ያጣኸው ስጋ ነው።
አብሮህ የሆነ አላቂ ነው። በማንኛውም ሰዕት ልታጣው ትችላለህና
ዛሬ የሚቀርብህ ነገ የሚርቅ ሊሆን ይችላልና።

ወሳኙ ጉዳይ ህሊናህን አለማጣትህ ነው።የሌላ ስጋ ሲለይህ አሳብህ ግን ካንተ ጋር ነው ስለዚህም መለየት የስጋ ነው።
ብቻህን እንዳልሆንክ ከተሰማህ የአንተ ጓደኛ ስሜትህ ነው።

🙏ፈጣሪ ማስተዋሉን ያብዛልን!🙏
🔰🔰🔰🔰🔰🔰🔰🔰🔰🔰🔰🔰🔰🔰
Share እና like ሳይረጉ ማለፍ ያስቀጣል፡

✍ታዚ

🍂🍂🍂🍂🍂🍂🍂🍂🍂🍂
        🍂🍂የህይወትህ መርሆች 🍂🍂
.
🌞. ሕይወት ሁልጊዜም ፍትሐዊ አይደለችም፡፡ ጥሩ ያልሆኑ
ሁኔታዎች ይከሰታሉ፡፡ በዚህ ውስጥ መቆየትህ ደግሞ አንተን
የበለጠ ሊጎዳህ ይችላል፡፡ ስህተት ከሠራህ፣ ውድቀት
ካጋጠመህ ሁልጊዜም ለአንተ እንደገና እድል እንዳለና
መጨረሻህም እንዳይደለ እወቅ፡፡
.
🐥. እያንዳንዱ ሰው ችግሮች ይኖሩበታል፡፡ ግን ያ ሰው ችግሮቹን
ለመወጣት ፈጣን እርምጃ ከመውሰድ ይልቅ ያለማቋረጥ
በሕይወቱ ውስጥ በተፈጠሩት ስህተቶች ላይ ቢያተኩር
ችግሮቹን
ከማወሳሰብ ውጪ መፍትሄ አይኖርም። አንተ ግን ችግሩ ላይ
ሳይሆን መፍትሔ ላይ አተኩር።
.
🦋. እያንዳንዱ ሰው ስህተት መሥራቱ ዓለም አቀፋዊ ሐቅ ነው፤
ማንም ፍፁም አይደለምና፡፡ ስለዚህ ስህተትህን ሊያስተካክል
እና ከውድቀትህ ሊያነሣህ የሚችል የሆነ ነገር ካለ ግፋበት፡፡
እናም አስፈላጊ የሆነውን አድርግ፡፡ ሊተገበር የማይቻል ነገር
ቢሆን ግን እርሳው፡፡ በአዲስ ሁኔታም ጀምር፡፡ ከሆነ ብቻ ብለህ
አታስብ፡፡ ይህ የተስፋ መቁረጥ ስሜት እርግጠኛው መንገድ
ነውና፡፡ አሁን ልታደርግ ስለሚገባህ ነገር በርትተህ አስብ፡፡
.
👨‍💻. ራስህን መቀበልና የተቀበልከውንም ማንነት ማፍቀርን
ተማር፡፡ ሕይወት በመንገድህ በምታመጣቸው በእያንዳንዱ
ልምድ ውስጥ ራስህን የተሻለ ለማድረግ መጣርህን አታቋርጥ፡፡
.
🧚‍♂. እጅግ የበራ የወደፊት ዘመን የተመሠረተው የትላንቱን
በመርሳት ላይ ነው፡፡ ያለፉ ውድቀቶችህንና የልብ ስብራቶችህን
እስካላስወገድካቸው ድረስ በሕይወት ውስጥ ወደፊት መራመድ
አይቻልህም፡፡ ስለዚህ በተደናቀፍክበት እንደገና ቶሎ ለመነሳት
አንዲት ቅጽበት እንኳን በጸጸት ሳታባክን ወደፊት ተጓዝ፡፡
.
👉. ለመጣው ሁሉ ጠንካራ፣ ለቀጣዩ ደግሞ ዝግጁ ሁን፡፡
ምክንያቱም እያንዳንዳቸው ከዚህ በኋላ ለሚመጣው እንደ መሪ
የተላኩ ናቸው፡፡ ያለ ዕለት ከዕለት ግጥሚያዎቻችንና
ፈተናዎቻችን ሕይወት ባዶና አንድ ዓይነት ትሆናለች፡፡ ችግሮች
አብዛኛውን ጊዜ ልንማራቸው ግድ የሚሉን እውቀቶች ናቸው፡፡
ስለዚህ ሁሉንም የሕይወት ተሞክሮዎች ደስተኝነት ከሰፈነበት
አቀባበልና ከእምነት ጋር ተግባባቸው፡፡
.
♦️ በሚያጋጥምህ በእያንዳንዱ ችግር ውስጥ የተደበቁትን
ስጦታዎች በማስተዋል ሆነህ መርምር፡፡ ሰው መሆንእንደ
እንግዳ ቤት ነው፡፡ እያንዳንዱ ማለዳ አዲስ አዳራሽ ነው፡፡
ደስታ፣ ሐዘን እና ጊዜያዊ ግንዛቤዎች እንዳልተጠበቀ ጎብኚ
ሆነው ይመጣሉ፡፡ ሁሉንም በጸጋ ተቀበላቸውና ተደሰትባቸው፡፡
.
🔶ከተሳሳትክ አርም፣ ከወደቅክ ተነሣ እንጂ ፈጽሞ
አታጉረምርም፡፡ ከተስፋ መቁረጥ ክፉ ጠላት ጠንቀቅ፡፡ ከሐቁ
አትሽሽ፣ ጥፋተኛ ስትሆነ ጥፋተኝነትህን ተቀበል፡፡ ነገሮች
ሲበላሹም ስህተት መቀነስ ላይ አተኩር፣ ከጥፋትህ ተምረህ
ወደ ቀጣዩ ተግባር ተሻገር፣ ምክንያቱም የሕይወት ግብ ወደ
ፊት መገስገስ እንጂ ክስና ሰበብ አልያም ጸጸት ላይ መቆዘም
አይደለም፡፡ ያለፉ ስህተቶችህንና ውድቀቶችህን እዚያው
ተዋቸው፡፡
.
🤩 አንድ ሕፃን ለመራመድ ሲፍጨረጨር ብናስተውል ማብቂያ
የሌላቸውን ውድቀቶች እናያለን፡፡ ስኬቶቹ ግን በጣም ጥቂት
ናቸው፡፡ ነገር ግን በተደጋጋሚ ውድቀቶቹ እንዳሉ ሆነው
የማይቻል የሚመስለውን ነገር ማድረግ የቻለው ሕጻን በኃይለኛ
ደስታ ውስጥ ይዋጣል፡፡ በጊዜው አቋሙን ስለ መጠበቁ እንጂ
ስለ ወደቀባቸው ጊዜያት ያን ያህል ሳይጨነቅ ከደስታ ወደ ደስታ
ይሸጋገራል፡፡ አንተም አታማር፣ ጊዜም አታጥፋ፡፡ ተስፋ
በማድረግና ጠንክረህ በመሥራት ሕይወትህን በደስታ ሞልተሃት
ኑር፡፡ እርግጥ ነው አስቸጋሪ ይሆንብናል፡፡ ነገር ግን ሁልጊዜም
ቢሆን ሕይወትህን ስኬታማ የምታደርግበት፣ ራስህን በውብ
ልጅነት የምትቀርጽበትና በውስጣዊ ሕይወትህ ያለህን ብልጽግና
የምትጨምርበት መንገድ አለ፡፡ ስለዚህ ሙሉ ዓለም ቢታሰብ
ለአንተ የተሻለ ቦታና ሁኔታ ሊኖር እንደማይችል ማሰብህን
አቁም፡፡
.
✨ ስኬት የምታመራው ፈጽሞ ተስፋ ወደ ማይቆርጡ ሰዎች
ነው፡፡ ምንም እንኳን ያልተሳኩ ነገሮችን፣ የውደቀት መጠናችንና
የስህተታችን ብዛት ቢያይልም ተስፋ አትቁረጥ፡፡

 
✍✍✍ታዚ