እውነተኛ ፍቅር!

የታመመ ባሏን በጀርባዋ የተሸከመችው ድንቅ ሴት፦ የ32 ዓመቷ ሂባ የ3 ልጆች እናት ናት ከ6 ዓመታት፤ በፊት ባሏ በተደራረበበት በሽታ እግሮቹ መንቃሳቀስ ይሳናቸዋል። በየቀኑ ሆስፒታል መሄድና ህክምናውን መከታተል ነበረበት።

ታዲያ ይህች ድንቅ ሴት 'ፍታኝ' አላለችም ወይም 'ጥላው' አልሄደችም። 'አብሽር! እኔ አለውልህ' ብላ በሴት አቅሟ ባሏን ጀርባዋ ላይ አዝላ በየቀኑ ወደ ሆስፒታል ታመላልሳለች።

"በኔ እንዳታፍር! 'ልፍታሽ' ብያት፤ ነበር። እሷ ግን አልተቀበለችኝም። ሚስቴ ለኔ ልዩ ሴት ናት። እናቴ በሆዷ 9 ወር ሚስቴ ደሞ ለ6 ዓመት በጀርባዋ ተሽክማኛለች።" ይላል።

እሷም በበኩሏ "እስክሞት ድረስ እሸከመዋለሁ።" ትላለች ።

ይህን መሰል ወረት የለሽ፤  ንፁህ   ፍቅር ያድለን።

✍ታዚ

ችግሩ እናንተ ጋር ባይሆንስ !?

ሰዎች በእናንተ ላይ የሚያንጸባርቁት ባህሪይ የእናንተን ሁኔታ ከማንጸባረቁ ይልቅ የሚያሳየው የእነሱኑ ሁኔታ ነው፡፡ ይህንን እውነታ በሚገባ መገንዘብ በሄድንበት ሁሉ ሰዎች የሚሰጡንን መስተግዶና የሚሳዩንን ባህሪይ እየተከታተልን ከመደናበር ይጠብቀናል፡፡

በሄዳችሁበት ቦታ ሁሉ ሰዎች የሚያሳዩአችሁን አጉል ባህሪይ እያያችሁ ሁኔታው የእናንተን ማንነት መተርጎሚያ ከማድረግ ልቦናችሁን ጠብቁ፡፡

ጥቂት የመንደርደሪያ ሀሳቦች . . .

ሰዎች ከጠሏችሁ የግድ የምታስጠሉ ሰዎች ስለሆናችሁ ነው ማለት አይደለም፡፡ ሰዎቹ በጥላቻ የተሞሉ አይነት ሰዎች ስለሆኑም ሊሆን ይችላል፡፡

ሰዎች ከናቋችሁ የግድ መናቅ የሚገባችሁ አይነት ሰዎች ስለሆናችሁ ነው ማለት አይደለም፣ ሰዎቹ ሰውን የመናቅ ችግር ስላለባቸው ሊሆን ይችላል፡፡

ሰዎች ካገለሏችሁ የግድ እንድትገለሉ የሚያደርጋችሁ ማንነት ስላላችሁ ነው ማለት አይደለም፣ ሰዎቹ ሰውን በተለያየ ምክንያት ማግለል የለመደ ባህሪይ ስላለባቸው ሊሆን ይችላል፡፡

በአጭሩ ሰዎች ለእናንተ የሚያሳዩትን ባህሪ በመመልከት ብቻ ከዚያ አንጻር ለማንነታችሁ ትርጉምና ፍቺ ከመስጠት ተቆጠቡ፡፡ በዚያ ምትክ ማሕበራዊ ግንኙነታችሁን ሊያዛባ የሚችል አጉል ባህሪይ ካለባች እሱ ላይ ካለማቋረጥ በመስራት የሰዎችን የግል አመለካከትና አጉል በህሪይ ለራሳቸው ተውላቸው፡፡

✍ታዚ

የአሰቃቂ ሁኔታ ትስስር (“Trauma Bonding”)

ከሰዎች ጋር ያላችሁ ግንኙት የስነ-ልቦና፣ የስሜት እና አንዳንዴም አካላዊ ጉዳት እያከተለባችሁ ምንም ማድረግ እንዳልቻላችሁ ከተሰማችሁ ከዚህ በታች ያለውን ሊንክ በመጫን የአሰቃቂ ሁኔታ ትስስር (“Trauma Bonding”) ምልክቶችን በሚገባ መገንዘብና ለመፍትሄው ተከታይ የቲክቶክ መልችክቶቼን መከታተል አትዘንጉ፡፡

1. ሰዎቹ እንደ ልማዳቸው ይጎዱናል

2. እኛም በሁኔታው እንጎዳና ከእነሱ ስለመለየት ወይም ጠንካራ ሆኖ ስለመመከት ማሰብ እንጀምራለን

3. ሰዎቹ ብዙም ሳይቆዩ ምንም ነገር እንዳልተፈጠረ ሆነው በጥሩ ሁኔታ ይቀርቡናል

4. እኛም ሰዎቹ የተለወወጡ ወይም የተጸጸቱ መስሎን መለስ እንላለን

5. ሰዎቹ ለተወሰነ ጊዜ በአስገራሚ ሁኔታ ጥሩ ሆነው በማሳለፍ ያዘናጉናል

6. እኛም ከተወሰነ የእፎይታ ጊዜ በኋላ ራሳችንን ተጋላጭ አድርገን በማቅረብ ነገሩን ተወት እናደርገዋለን

7. ሰዎቹ በቁጥር አንድ ላይ የተጠቀሰውን የጉዳት ሁኔታ በመድገም ዑደቱን ይቀጥላሉ፡፡

✍ታዚ

ከአሰቃቂ ሁኔታ ትስስር (“Trauma Bonding”)

ካለማቋረጥ ከሚጎዳን ሰው ጋር ተጣብቀን የምንቆየው ለምንድን ነው? መዘዙስ ምንድ ነው?
ምክንያቱ

• ከተለየሁ አንድ ነገር ይደርስብኛል ብሎ የሚል ፍርሃት

• ከተለየሁ አንድ ነገር አጣለሁ የሚል ስጋት

• እንደ ትዳር ያለ በቀላሉ ሊላቀቁት የማይችሉት የኪዳን ትስስር

• ጥቃት አድራጊዎቹን መውደድ፣ ማፍቀር ወይም ከእነሱ ተለይቶ መኖር እንደማይችሉ ማሰብ

መዘዙ

• ውብ የሆነን ጊዜ ማባከን

• የጤና ቀውስ

• የወደፊት ጸጸት

• ሊረዱን ከሚችሉ ሰዎች እየተለያዩ መሄድ

ከዚህ በታች የቀረበላችሁን የቲክቶክ ሊንክ በመጫንና በመመልከት ራሳችሁን አንቁ!

ከዶ/ር ኢዮብ ማሞ የ Counseling, Coaching and Mentorship አገልግሎቶች ከፈለጋችሁ ለመረጃው @DrEyobmamo

አልያም ለእኔ በቴሌግራም inbox ማድረግ ትችላላችሁ፡፡

✍ታዚ

እባካችሁ!

• የምታወሩት መልካም ነገር ከሌላችሁ፣ እባካችሁ ቢያንስ ክፉ ነገር ከማውራት ዝም በሉ!

• የመለገስ ፍላጎቱ ከሌላችሁ፣ እባካችሁ ቢያንስ የሰውን አትውሰዱ!

• የምትገነቡት ነገር ከሌላችሁ፣ እባካችሁ ቢያንስ ሰዎች የገነቡትን አታፍርሱ!

• የምትጀምሩት አዲስ ነገር ከሌላችሁ፣ እባካችሁ ቢያንስ ሰዎች የጀመሩትን ነገር አታደናቅፉ!

• የምታደንቁት ሰው ከሌላችሁ፣ እባካችሁ ቢያንስ ሰዎችን አታንቋሹ!

• ከሰዎች ጋር ለአንድ ዓላማ የመተባበር ፍላጎቱ ከሌላችሁ፣ እባካችሁ ቢያንስ የሰዎችን አንድነት አታውኩ!

ፈጣሪ የሰላም ሰው ያድርገን!

✍ታዚ

🌓"ለምንድነው_መኖር_የደከመህ??
ለምን መኖር ደከመህ? ለምን ህይወት ድግግሞሽ ሆነብህ? ለምን ራስህን ለማጥፋት ወሰንክ? በስደት ስላለህ? በህመም ስለሆንክ? ያሰብከው ስላልተሳካ? ያመንከው ስለከዳህ? እሞታለሁ ብለህ ለምን ታስባለህ? አበቦች ሲፈኩ እንደሚደርቁ ያውቃሉ፡፡ ግን እደርቃለሁ ብለው ሳይፈኩ አይቀሩም፡፡ ሰውም ሟች ነው ግን ሟች ነኝ ብሎ መተው የለበትም፡፡ ሁሉም ሰው በየመስኩ ያብብ፡፡ ወዳጄ እፅፍልሀለው አንተ አላስፈልግም ትላለህ እንጂ ያላንተ የማይሆኑ ብዙ ነገር አለ፡
☞ያላንተ የማይሞቅ ቤት አለ፡፡
☞ያላንተ የማይሳካ ህልም አለ፡፡
☞ያላንተ የማያምር ጨዋታ አለ፡፡
☞ያላንተ የማይደምቅ ቤት አለ፡፡
☞ያላንተ የማይነበብ ፅሁፍ አለ ይኸው ስላለህ ይህንን አነበብክ ታስፈልገናለህ፡፡

ይህቺ አለም ትልቅ ዳመራ ናት አንተ በዳመራው ስር ያለህ አንድ ችቦ ነህ አንተ ስትጠፋ የዳመራው ብርሀን ይቀንሳል፡፡ የቻልከውን ያህል ብራ አንተ ከነገሮች በላይ ነህ፡፡ በነገሮች አትረበሽ፡፡ እደግመዋለሁ ህይወት ልክ እንደ ክራር ጨዋታ ነው፡፡ አጨዋወቱን ያወቀ ጥሩ ሙዚቃ ይሰማል ያላወቀ ደግሞ ዝብርቅርቅ ጩኸቷን ለመስማት ይገደዳል፡፡ አሁንም እልሀለው ህይወት በደመነፍስ አትሄድም ስልቷን እወቀው፡
በፍፁም ተስፋ አትቁረጥ ግን አቅምህን የምትችለው ነገር ላይ አውለው፡፡ ሳትኖር ለመሞት አትቸኩል ይሄ ማለት ሳትፅፍ ለማጥፋት ሞክር ማለት ነው፡፡"

አዎ አሁንም ታስፈልጊናለሽና በርቺልን እህቴ

✍ታዚ

#ማማዬ

ሁሉንም ነገር ትክክል ለማድረግ አትጨነቂ። ሱፐር እናት ሱፐር ሚስት ሱፐር የቢሮሰራተኛ ሱፐር ሱፐር ሱፐር ለመሆን አትሞክሪ ምክንያቱም ሰውነትሽና አይምሮሽ ሲደክም ሁሉንም ነገር ፐርፌክት ማድረግ እንደማትችይ ይገባሻል

እናም ቤቱን ለትንሽ ጊዜ ተይው እስቲ። ወጣ በይ ዎክ አድርጊ፣ ከጓደኞችሽ ጋር ሻይቡና በይ፣ ወደሀይማኖት ቦታ ሂጂ፣ እስፖርትሽን ስሪ፣ ፀጉር ቤት ሂጂ፣ ባጭሩ ለራስሽ ጊዜ ስጪ የሚያስደስትሽን ነገር አድርጊ

ልጆችም ያድጋሉ አንዳንዴም ባልሽም ጥሎሽ ሊሄድ ይችላል ስራቦታሽም በሌላ ሰራተኛ ሊተካሽ ይችላል ቤቱም ተመልሶ ሊቆሽሽ ይችላል

ነገር ግን አንቺ ዳግም ለመኖር ሁለተኛ እድል የለሽም አራት ነጥብ❗️ሩጫና ጭንቀትሽን ቀንሺና ለራስሽ ጊዜ ስጪ ራስሽን አክብሪ ራስሽን ውደጂ

✍ታዚ

የአእምሮ ህክምና እርዳታ እንዴት ማግኘት እንችላለን?

በአዲስ አበባ በሚገኙ ጤና ጣቢያዎች  የአዕምሮ ህክምና ባለሙያዎች አሉ:: እነዚህ ባለሙያዎች፣ ታካሚዎችን ከመረመሩ በኋላ እንደየአስፈላጊነቱ የተሻለ ህክምና ካስፈለገ ወደ ሆስፒታሎች ሊልኳቸው ይችላሉ::

የአዕምሮ ህክምና ከአማኑኤል ሆስፒታል በተጨማሪ በኤካ ኮተቤ፣ በጥቁር አንበሳ፣ ቅ/ጳውሎስ፣ ዘውዲቱ፣ በራስ ደስታ እና በአለርት ይገኛሉ።  እንዲሁም በክልሎች በሚገኙ የተለያዩ ሆስፒታሎች ይሰጣል። የአእምሮ ህክምና በግል ተቋማትም ይሰጣል።

""ጤናማ አዕምሮ ለጤናማ ህይወት!!!" 

ከEthio Psychiatry (ኢትዮ ሳይካትሪ)

✍ታዚ

# መናገር ወይስ ማሰብ የቱ ይቅደም?
በድሮ ጊዜ አንድ ሰው ጥፋት ያጠፋና ዳኛ ፊት ይቀርባል፤ ታድያ
ዳኛው ሦስት ዓይነት የቅጣት ምርጫ አቀረቡለት...፡፡
1. አንድ ኪሎ ሽንኩርት እየላጠ መብላት፣
2. አንድ መቶ ጅራፍ መገረፍ፣
3. አምስት መቶ ብር መክፈል፡፡
ሰውዬው ለማሰብ የሚሆን ልቡና የሌለው ነበርና የመጀመርያ
ምርጫ ሆኖ ስላየው ብቻ ሽንኩርቱን እበላለሁ» አላቸው...፡፡
ከቀረበለት አንድ ኪሎ ሽንኩርት ገና አንድ ሁለት መብላት ሲጀምር
ጊዜ ዓይኑ ማልቀስ ለሐጩም መዝረብረብ ጀመረ አልቻለም።
ከመቀመጫው ተስፈንጥሮ ተነሣና «መቶ ጅራፍ መገረፍ ይሻለኛል»
አላቸው፡፡
ወዲያው ኃይለኛ ገራፊዎች ተጠሩና እየተፈራረቁ ይለበልቡት
ጀመር፡፡ ግማሽ እንደደረሰ አልቻለም ፤ እጁን ወደ ላይ አነሣ፡፡
«እህሳ» አሉት ዳኛው፡፡
«አልቻልኩም» አላቸው፡፡
«ታድያ ምን ይሻላል» አሉት እየሳቁ፡፡
«በቃ አምስት መቶ ብሩን እከፍላለሁ» አለ ከተኛበት እየተነሣ፡፡
«ያንተ ትልቁ ጥፋት መጀመርያ ወንጀል መሥራትህ ብቻ አይደለም፡፡
ማሰብ አለመቻልህ እንጂ፡፡ ምናለ አስበህ ከሦስቱ አንዱን
ብትመርጥ ኖሮ፡፡ እኔ ከሦስቱ አንዱን እንድትቀጣ ነበር የወሰንኩት፡፡
አንተ
ግን መናገር እንጂ ማሰብ ባለመቻልህ ሦስቱንም ተቀጣህ፡፡» አሉት
ይባላል።

# ከመናገር ይልቅ ማሰብ ይቅደም!!!
ዲ/ን ዳንኤል ክብረት
እውነት ነው የብዙዎቻችን ችግር ሳናስብ መናገር
መልካም ቀን❤


✍ታዚ

7ቱ የሴቶች ውሸት / ለፈገግታ

1 "አንተኮ በጣም መልካም ሰዉ ነህ፡፡ አሪፍ ጓደኛህ እሆናለሁ"

ትርጉም፡- ከጓደኝነት ዉጪ እኔን ፍቅረኛህ ለማድረግ እንዳትሞክረዉ!

2 "ፔሬድ ላይ ነኝ ራሴን አሞኛል"

ትርጉም፡- ፔሬድ ላይ አይደለሁም... ራሴንም አላመመኝም፡፡ ግን ወሲብ መፈፀም ስለማልፈልግ እባክህን ተወኝ!

3 "አንተኮ ከኔ የተሻለ ሰው ይገባሃል!... እኔ ላንተ ምርቃት ነገር ነኝ!"

ትርጉም፡-በል አርፈህ ተቀመጥ፡፡ ደባሪ ነህ ! ባይገርምህ አትመጥነኝም!

4 "ከ 5 ደቂቃ በኋላ እወጣለሁ፡፡"

ትርጉም፡- በል 30 ደቂቃ ጨምርበት፡፡ ደፋር!

  5 "እሺ በቃ ይቅር ብዬሃለሁ የኔ ዉድ!"

ትርጉም፡-የእጅህን ካልሰጠዉህ እኔ ሰዉ አይደለሁም! ያደረከዉን የምረሳ አሻንጉሊትህ አይደለሁም!

6 "ደህና ነኝ"

ትርጉም፡- ኤጭ ምን ይጨቀጭቀኛል...ገና መከራህን ትበላታለህ!

  7 "ክብደቴን ለመቀነስ እራት አልበላም"

ትርጉም፡- ለእናንተ ተውኩት.. ...

እስኪ የተረሳ ካለ ጨምሩበት

✍ታዚ

“ዛሬ ይቅርታን ለመምረጥ ወስኛለሁ”

ታሪኩ ከተከሰተ ትንሽ ሰንበት ብሏል፡፡ ይህ ታሪክ የሆነው በስፔን ሃገር ነው፡፡ አባትና ልጅ ችላ ቢሉት ቀለል ሊል የሚችልን አንድን የግጭት ሁኔታ በማካበዳቸው ምክንያት ተጣልተዋል፡፡ በጉዳዩ ተጎድቻለሁ ባይ አባት በልጁ ላይ ስለጨከነበትና ይቅር አልለው በማለቱ ምክንያት ልጅ ቤቱን ጥሎ በመሄድ ይጠፋል፡፡ በጊዜው ከነበረበት ንዴት የተነሳ አባት ምንም አልመሰለውም፡፡ ከትንሽ ጊዜ በኋላ ግን ጉዳዩ እያሳሰበው ስለመጣ የልጁን ደህንነት ለማወቅ መፈለግ ጀመረ፡፡ በተለያዩ መንገዶች ሲያጣራ ከቆየ በኋላ ከብዙ ወራት ሙከራ በኋላ በዚያው ከተማ ውስጥ እንደሚኖር አወቀ፤ በትክክል የት እንዳለ ግን ማወቅ አልቻለም፡፡ ልጁ በሕይወት መኖሩንና እጅግም ያልራቀ መሆኑን ሲያውቅ የተከሰተውን ችግር ሁሉ በመርሳት ይቅርታን ሊሰጠው ፈለገ፡፡ ይህንንም ለማድረግ ልጁን ማግኘት ስላልቻለ አንድን የመጨረሻ ሙከራ ለማድረግ ቆረጠ፡፡

በማድሪድ (ስፔን) ከተማ በሚታተመው ብዙ በመነበብ የታወቀ ጋዜጣ ላይ እንዲህ የሚልን መልእክት አወጣ፣ “ልጄ ፓኮ፣ ያለፈውን ስህተተህን ሁሉ ይቅር ስላልኩህ እባክህን ቅዳሜ ከቀኑ በስድስት ሰዓት በዚህ ጋዜጣ ማተሚያ ዋና ቢሮ በር ላይ ላግኝህ፡፡ የሚወድህ አባትህ፡፡” በተባለው ቀን ይህ አባት ልጁን ለማግኘት በተቀጣጠሩበት ቦታ ሲሄድ አንድን አስገራሚ ነገር ተመለከተ፡፡ ስማቸው ፓኮ የሆነና ከአባታቸው ይቅርታን የሚፈልጉ 800 ወጣቶች መልእክቱ የተላከው ከእነሱ አባት ስለመሰላቸው በዚያ ቢሮ በር ላይ ተሰብስበዋል፡፡ በተከሰተው ነገር እጅግ የተገረመው አባት ከዚያ ሁሉ ወጣት መካከል ልጁን ፈልጎ አግኘቶ ከሳመው በኋላ፣ “ዛሬ ይቅርታን ለመምረጥ ወስኛለሁ” አለውና ይዞት ወደቤቱ ወሰደው፡፡

ማሕበራዊ ኑሮ እስካለ ድረስ አለመግባባት የተሰኘው የሕይወት ሂደት የማይቀር ነው፡፡ ይህንን ምስጢር የዘነጉ ሰዎች ትኩረታቸውን ሁሉ በዚያ አለመግባባት ላይ ሲያደርጉ ይገኛሉ፡፡ ትኩታቸውን የሚጥሉበት ነገር የወደፊታቸው ላይ ታላቅ ተጽእኖ እንዳለው የገባቸው ሰዎች ያለፈውን በመተው ወደፊት በመዝለቃቸው ላይ ሲያተኩሩ፣ ሌሎች ግን በአለመግባባትና በጸብ “መንፈስ” ውስጥ የመቆየት ዝንባሌ አላቸው፡፡ ትኩረታቸውን በይቅርታና ከተከሰተው ችግር ባሻገር በመሄድ ላይ ማድረግን ትተው ነገርን በመጎተትና በማካበድ ላይ የሚያደርጉ ሰዎች ወደ ተሻለ ሕይወት ለመዝለቅ የሚያበቃ አመለካከት እንደጎደላቸው አመልካች ነው፡፡

ሁለት በአየር ላይ የሚበሩ ፍጥረታትን አስብ፤ ዝንብንና ንብን፡፡ ዝንብ ቆሻሻው፣ መጥፎ ሽታ ያለውና የሞተው ነገር ሲስባት፣ ንብ ደግሞ ንጹህ፣ መልካም ጠረን ያለውና ሕይወት ያለው ነገር ይስባታል፡፡ ዝንብ ቆሻሻን፣ በሽታንና ሞትን ስታዛምት፣ ንብ ስትሰራ ውላ ጣፋጭ ነገርን በማምረት የብዙዎችን ሕይወት ታጣፍጣለች፡፡

አሁንም ሁለት በአየር ላይ የሚበሩ ፍጥረታትን አስብ፤ ንስርንና ጥንብ አንሳን፡፡ ንስር ሕይወት ያለውን ነገር ተናጥቆ ሲመገብ፣ ጥንብ አንሳ የከረመን፣ የሞተንና የበሰበሰን ነገር ሲያነሳ ይኖራል፡፡ ምርጫው የእኔ ነው፡፡ ያለፈውንና የሞተውን ነገር መከታተልና ያንን “እየተመገቡ” መኖር፣ ወይስ ያንን ትቶ የወደፊቱን፣ ትኩሱንና በይቅርታ የታደሰውን?

መዘንጋት የሌለብህ እውነታዎች …

• ተበደልኩ በማለት ወደኋላ በመመለስ ወደምታስታውሰው የጊዜ ርቀት የመመለስና ኋላ ቀር የመሆን እድልህ የሰፋ ነው፡፡ ለምሳሌ፣ የዛሬ 10 ዓመት የሆነብህን አሁንም የምትቆጥር ከሆነ በአመለካከትህም ሆነ በኑሮ እድገትህ 10 ዓመታት  ወደኋላ ተጎትተህ በመመለስ እንዳዘገምክ አትዘንጋ፡፡

• ይቅር ያላልከው ሰው በአንተ ላይ የበላይነት አለው፡፡ አንተ የሆነብህን ስታብሰለስል ምናልባት እርሱ የግሉን፣ የቤተሰቡንና የሕብረተሰቡን ሕይወት እንዴት እንደሚሳድግ እቅድ እያወጣ ወደፊት እየገሰገሰ ነው፡፡  

• አንተ ይቅር ያላልከው ሰው ምን እንዳደረገብህ ለልጆችህና ለልጅ ልጆችህ ስታስተላልፍ፣ ምናልባት እርሱ አዳዲስ እውቀቶችንና ስልጣኔዎችን በማስተላለፍ አልፎህ ሄዶ ይሆናል፡፡

እኔ ዛሬ ይቅርታን ለመምረጥ ወስኛለሁ፣ አንተስ? አንቺስ?

dr eyob mamo
✍ታዚ

የራስ ማጥፋት ሙከራ Attention ፍለጋ አይደለም። ይልቁን ሰዎቹ በምን አይነት ተስፋ መቁረጥና ከባድ የስሜት ስቃይ ውስጥ እንዳሉና የሚረዳቸው፣ የሚያግዛቸው ሰው ማጣታቸውን የሚያሳይ እንጂ። በምን አይነት የአእምሮ ቁስልና ህመም ውስጥ እንዳሉ የሚያመላክት ነው።

ኑ እንደጋገፍ
ዋጋ ያላችሁ ሰዎች ናችሁና ተስፋ አትቁረጡ።
እወዳችኋለው😘😘😘

✍በኃይሉ (ታዚ)

ሁሉም በራሱ ግዜ ሩጫ ውስጥ ነው

ራሳችሁን ከማንም ጋር አታፎካክሩ። ከማንም ወደ ኋላ አልቀራችሁ፣ ከማንም አልቀደማችሁም።

Always Be Yourself, You're Unique. Stay Calm and Move on.

✍በኃይሉ (ታዚ)

ከተፈጠረው መጥፎ ነገር ጀርባ ያለውን መልካም ነገር ስንቶቻቻን እናያለን?

አንድ በጣም ደሃ የሆነ ሰው ከስራው ከሚያገኘው ገንዘብ ትርፍ ብሎ የሚያስበውን በመቆጠብ ቤት መስራት ፈለገ እና እያንዳንዷን ሳንቲም ሳይሰለች ለሀያ አመታት ቆጠበና ጥሩ ቤት ሰራ ፣ ቤቱም በጣም ግሩም ስለነበር ቤተሰቡም እሱም ተደሰቱ ወደ አዱሱ ቤታቸውም ለመግባት ዝግጁ ሆኑ ፣ ለመግባት የሚያስችላቸውን ቀንም ወስነው ተስማሙ በዛ ቀን ስላልተመቻቸው ለምን ሁለት ቀን አናራዝመውም በማለት ተስማሙና ያንን ቀን በጉገት እየጠበቁ በነበረበት ቀን የመሬት መንቀጥቀጥ ተከሰተና ቤታቸው ሙሉ በሙሉ ወደመ።

ድሃው ሰውዬም ዜናውን በሰማ ጊዜ ቀጥታ ወደ ገበያ ሄደና ብዙ ቼኮሌቶችን ገዝቶ ቤቱን ወደሰራበት ቦታ ሄደ

እዚያም ብዙ ሰዎች ተሰብስበው ሃዘናቸውን እየገለፁ ከዛም አልፎ ይህንን ሁሉ አመት ጠብቆ ሰርቶ እንዲህ አይነት ነገር በማጋጠሙ አንዳንዶቹ እያዘኑ ሌሎቹ በማሾፍ መልክ ሃሳባቸውን እየገለፁ ባሉበት ጊዜ ድሃው ሰውዬ ለተሰበሰቡት ሰዎች ሁሉ ቸኮሌቶችን ሰጣቸው ፣

እዛ የነበሩት ሰዎችም እጅግ በመገረም  "አልገባህም እንዴ ህይወትህን ሙሉ በሚባል ደረጃ ቆጥበህ የሰራኸው ቤትህ እኮ ነው የወደመው?" አንተ በተቃራኒው ቼኮሌት ትሰጣለህ??" ይሉታል

ደሃው ሰውዬም ሳቅ አለና  "እናንተ የክስተቱን አሉታዊ ጎኑን ነው ያያችሁት እኔ ግን ቤቱ ዛሬ በመፍረሱ እጅግ ደስተኛ ነኝ ቤተሰቤን ካስገባሁ በኋላ ፈርሶ ቢሆን ሁሉንም ቤተሰቤቼን ነበር የማጣው ይህ ጉዳት ከቤቱ ጋር በምን ይወዳደራል?" አላቸው።

እኛስ? ከጉዳቶቻችን ባሻገር ያሉትን አዎንታዊ ጉዳዮች እንመለከታለን??

ሁሉም ነገር ለበጎ ነውን??

✍ታዚ

👩‍👧‍👦እናትነት ፀጋ ነው፤
👨‍👩‍👧‍👦እናትነት ክብር ነው፤
👩‍👧‍👦እናትነት መመረጥ ነው።

ለእናትነት ክብር የበቃችሁ ውድ ቤተሰቦቻችን እንኳን ለእናቶች ቀን በሰላም አደረሳችሁ።
ካደረጉልን ነገር አንፃር እጅጉን ያነሰና ኢምንት ቢሆንም ከሌላው ቀን በተለየ ዛሬ ለሁሉም እናቶች ያለንን ክብር፣ ፍቅርና መልካም ምኞት በተለየ ሁኔታ እንግለፅላቸው።

👩‍👧‍👦🌺🌹 መልካም የእናቶች ቀን!

✍በኃይሉ (ታዚ)