#WFP : በአፋር እና አማራ ክልሎች ለሚገኙ ተፈናቃዮች፤ የመጀመርያ ዙር የምግብ እርዳታ ማዳረሱን የዓለም ምግብ ፕሮግራም አሳውቋል።

ድርጅቱ በግጭት ምክንያት እርዳታዎችን ማዳረስ ያልተቻለባቸው ቦታዎች ቢኖሩም 2,200 ሜትሪክ ቶን የሚገመት የምግብ እርዳታ ወደ ዋግኸምራ እና ሰሜን ወሎ ዞኖች ሊያድርስ መቻሉን ገልጿል።

በመጀመሪያው ዙር የእርዳታ ስርጭት 210 ሺ ሰዎች ለመርዳት እንደተቻለ ድርጅቱ አሳውቋል።

የዓለም ምግብ ፕሮግራም ፥ በአፋር ክልል 80 ሺ ሰዎች እርዳታ ማግኘታቸውን ገልፆ ካለው የችግሩ መጠን አንጻር በቀጣይ ዙር የሚረዱ ዜጎች ቁጥር ወደ 500 ሺ ሊያሻቅብ እንደሚችል ጠቁሟል።

እአአ ከነሃሴ 15 ወዲህ በአማራና አፋር ክልሎች ለሚገኙ 300 ሺ ተፈናቃዮች የሰብዓዊ እርዳታ መዳረሱንም ገልጿል።

ለትግራይ ክልል የሚደረገው እርዳታ በተመለከተ “በተለያዩ እንቅፋቶች፤ የሰብዓዊ እርዳታ ሰጪ ድርጅቶች እንደፈለጉ መንቀሳቀስ ባለመቻላቸው ምክንያት ወደ ኋላ ቀርቷል” ብሏል።

ከግንቦት 27 ወዲህ ከሰሜን ምዕራብ እና ደቡብ ትግራይ ተፈናቅለው በትግራይ ክልል ለሚገኙ ከ2 ነጥብ 4 ሚሊዮን በላይ ተፈናቃዮች እርዳታ ማዳረሱን ገልጿል፡፡

“እድሜያቸው ከ5 ዓመት በታች የሆኑ 200 ሺ ህጻናት እና እድሜያቸው ከ39 እስከ 71 የሆኑ ነፍሰጡር እና አጥቢ እናቶች” የተመጣጠነ የምግብ እርዳታን ካገኙ የትግራይ ተፈናቃዮች መካከል የሚጠቀሱ ናቸው።

የድርጅቱ የምስራቅ አፍሪካ ዳይሬክተር ሚካኤል ዱንፎርድ ፥ “ሪፖርቶች እንደሚያመክቱት ከሆነ ፤ባለው ሁኔታ በርካታ ቤተሰቦች ከቤታቸው እየሸሹ በመሆናቸው በሶስቱም ክልሎች ያለው የምግብ እጥረት ሁኔታ እየጨመረ ነው” ሲሉ ተናግረዋል፡፡

Credit : www.wfp.org / አል ዓይን

@tikvahethiopia

#WFP #USAID

USAID በኢትዮጵያ ውስጥ የሚያደርገውን እንቅስቃሴ አቁሞ ከአገሪቱ ሊወጣ ነው የተባለ ሐሰት ነው ሲል አስታወቀ።

ድርጅቱ ይህን ያሳወቀው ለቢቢሲ በሰጠው ቃል ነው።

USAID እየተካሄደ ባለው ጦርነት በሰሜኑ የአገሪቱ ክፍል ለሚገኙ ሰዎች የአስቸኳይ ጊዜ የሰብዓዊ አቅርቦቶችን ማቅረብ መቀጠሉን አስታውቋል።

የተቋሙ ቃል አቀባይ ሬቤካ ክሊፍ ፥ " የአሜሪካ ዜግነት ያላቸው ሠራተኞቻችን ከአገሪቱ ቢወጡም፤ በሰብዓዊ እርዳታ አቅርቦት ላይ ከሚሰሩ አጋር ድርጅቶች ጋር በቅርበት እየሰራን እንገኛለን " ብለዋል።

በሌላ በኩል ፦የዓለም ምግብ ፕሮግራም (WFP) በህወሓት ኃይሎች ቁጥጥር ስር በሚገኘው ኮምቦልቻ ውስጥ ያሉት የሰብዓዊ እርዳታ ማከማቻ መጋዘኖቹ መዘረፋቸውን ዛሬ ገልጿል።

የድርጅቱ ቃል አቀባይ ቶምሰን ፊሪ ፥ ባለፈው ሳምንት የዓለም ምግብ ድርጅት በአማራ ክልል ኮምቦልቻ የሰብዓዊ እርዳቃ እንዲያቀርብ ፍቃድ አግኝቷል ብለዋል።

ድርጅቱ ባደረገው ቅድመ ግምገማ መሠረት በርካታ ንብረቶቹ መውደማቸውን እና መጋዘኖች ውስጥ የነበረ እህልም መዘረፉን አሳይቷል ሲሉ ገልፀዋል።

@tikvahethiopia

#WFP

በትላንትናው ዕለት በተባበሩት መንግስታት ድርጅት (የዓለም ምግብ ፕሮግራም) ቃል አቀባይ ቶመሰን ፉሪ በሰሜን ኢትዮጵያ ስላለው ሁኔታ አስመልክተው መግለጫ ሰጥተዋል።

ቃል አቀባዩ በመግለጫቸው ተከታዮቹን ነጥቦች አንስተዋል ፦

• ከጦርነት ጋር በተያያዘ አስቸኳይ የሰብዓዊ እርዳታ የሚያስፈልጋቸው ሰዎች ቁጥር ወደ 9.4 ሚሊዮን ደርሷል።

• የትግራይ፣ የአማራ እና የአፋር ክልሎች ወስጥ የሚገኙ 9.4 ሚሊዮን ሰዎች አስከፊ ሕይወት እየገፉ ነው።

• 7.8 ሚሊዮን የሚሆኑ ሰዎች በጦርነቱ ምክንያት ሰብአዊ እርዳታ ማድረስ አዳጋች የሆኑባቸው አካባቢዎች የሚገኙ ሰዎች ናቸው።

• የሰብዓዊ እርዳታ ፈላጊዎች ቁጥር በአጭር ጊዜ ከፍተኛ ለውጥ የታየበት #በአማራ_ክልል ነው። በአሁኑ ጊዜ በአማራ ክልል ብቻ 3.7 ሚሊዮን ሰዎች የሰብዓዊ እርዳታ ያስፈልጋቸዋል።

• ከትግራይ፣ ከአማራ እና ከአፋር ክልሎች የተሰበሰቡ መረጃዎች እንዳመለከቱት በሦስቱ ክልሎች ከሚገኙ ሕጻናት መካከል ከ16 እስከ 18 በመቶ የሚሆኑት የተመጣጠነ ምግብ እጥረት አጋጥሟቸዋል። ነፍሰጡር ከሆኑ እና ከሚያጠቡት እናቶች መካከል 50 በመቶ ያህሉ በተመሳሳይ የተመጣጠነ ምግብ እጥረት አጋጥሟቸዋል።

• UN የምግብ አቅርቦት የጫኑ ተሸከርካሪዎች ከኮምቦልቻ ወደ ደቡባዊ ትግራይ እየላከ ነው። በቀጣይ ቀናት 2200 ሜትሪክ ቶን ሕይወት አደን ምግብ መቐለ ይደርሳል።

• WFP በትግራይ 2.5 ሚሊዮን ሕዝብ ጋር መድረስ ሲኖርበት እስካሁን መድረስ የቻለው 180 ሺህ የሚሆኑትን ብቻ ነው።

ምንጭ፦ https://www.wfp.org/news/millions-more-need-food-assistance-direct-result-conflict-northern-ethiopia-says-wfp

@tikvahethiopia

" እርዳታ የጫኑ ከ150 በላይ ተሽከርካሪዎች መቐለ ደርሰዋል " - ስቴፋን ዱጃሪች

እርዳታ የጫኑ ከ150 በላይ የጭነት ተሽከርካሪዎች መቐለ መድረሳቸውን የተባበሩት መንግስታት ድርጅት አስታውቋል።

የተመድ ቃል አቀባይ ስቴፋን ዱጃሪች ትናንት በሰጡት መግለጫቸው ፥ የዓለም ምግብ ፕሮግራም (WFP) ከ5 ነጥብ 2 ሚሊዮን በላይ የሚሆነው የትግራይ ህዝብ የሚፈልገውን መጠነ ሰፊ እርዳታ በየእለቱ እየላከ መሆኑን አስታውቀዋል፡፡

በአካባቢው ባለ ግጭት ወደ አንድ ወር ለተጠጋ ጊዜ ወደ ትግራይ የሚያስገባው መንገድ ተዘግቶ የቆየ መሆኑን ያስታወሱት ቃል አቀባዩ ወደ በአማራ ክልልም በደሴ እና በኮምቦልቻ ለሚገኙ 100 ሺህ ተፈናቆዮች ባላፈው ሳምንት የምግብ እርዳታ መከፋፈሉን ተናግረዋል፡፡

በእነዚህ ከተሞችም እርዳታ ሲሰጥ በ1 ወር በተቃረበ ጊዜ ውስጥ የመጀመሪያው ነው ብለዋል፡፡

በሚቀጥሉት ሳምንታት የWFP እና አጋሮቹ ወደ 450 ሺ ለሚደርሱ ሰዎች የምግብ እርዳታ የሚያቀርቡ መሆኑንም አስታውቀዋል፡፡

በአካባቢው ላይ ባለ አለመረጋጋት የተነሳ በኢትዮጵያ ሰአብአዊ ምላሽ ለመስጠት አሁንም ችግር እንደሆነ መቀለጡን ዋና ጸሀፊው አመልክተዋል፡፡

WFP በ1,700 ተሽካርካሪዎችን ሊጫን የሚችል ከ67 ሺ ሜትሪክ ቶን በላይ የሚሆን እህል በሰሜን ኢትዮጵያ ያከማቸ መሆኑን ስቴፋን ዱጃሪች አስታውቀዋል፡፡

ይህ ወደ 3 ነጥብ 7 ሚሊዮን የሚሆን ህዝብን ለሁለት ወራት መመገብ የሚችል መሆኑን ገልጸው፣ ይሁን እንጂ ከፍተኛ የገንዘብና የነዳጅ እጥረት መኖሩን ማሳወቃቸውን ቪኦኤ ዘግቧል።

#WFP #UN

@tikvahethiopia

#WFP

የዓለም የምግብ ፕሮግራም ከመደበኛ እርዳታ ውጪ ለ62,900 አባዋራዎች የምግብ እርዳታ አቀርባለሁ ብሏል።

ከቀናት በፊት የሶማሊ ክልል ፕሬዜዳንት አቶ ሙስጠፋ ሙሁመድ ከዓለም ምግብ ፕሮግራም ኃላፊዎች ጋር ውይይት አድርገው ነበር።

ውይይቱ በሶማሊ ክልል ውስጥ በአንድ አንድ ቦታዎች የተከሰተዉን ድርቅ ለመቋቋም ያለመ ነው።

በዉይይቱ ላይ አቶ ሙስጠፋ ፥ በተለይ ዳዋ ዞን ከፍተኛ የድርቅ አደጋ የተከሰተባቸዉ ቦታዎች አንዱ መሆኑን በመግለፅ በአሁኑ ወቅት የዓለም ምግብ ፕሮግራሙ ከሚሰጠው መደበኛ እርዳታ ዉጪ አስቸኳይ እርዳታ ለማቅረብ ዝግጁ መሆናቸዉ የሚመሰገን ስራ ነዉ ብለዋል።

በኢትዮጵያ የዓለም የምግብ ፕሮግራም ኃላፊ ዶ/ር ስቲቨን ዌር ኦማሞ ከክልሉ መንግሥት ጋር በድርቁ ሁኔታ ዙሪያ ለመስራት ዝግጁ መሆናቸውን ገልፀው የሶማሊ ክልል መንግስት ድርቁን ለመቋቋም ላደረገው ቁርጠኝነትና 200 ሚሊዮን ብር በመመደብ የሰራዉን ስራ ምስጋና በማቅረብ ድርሻቸዉን ለመወጣት ቁርጠኛ መሆናቸውን አሳውቀዋል።

ኃላፊው በዳዋ ዞን ውስጥ ለሚገኙ የድርቁ ተጎጂዎች ለሆኑ 62,900 አባዋራዎች በአስቸኳይ የምግብ እርዳታ እንደሚያደርሱ ተናግረዋል።

#SomaliRegionCommunication

@tikvahethiopia

#WFP

በትላንትናው ዕለት የተመድ ቃል አቀባይ ስቴፋን ዱጃሪች በትላንትናው ዕለት መግለጫ ሰጥተዋል።

በመግለጫቸው ላይ የዓለም ምግብ ፕሮግራም በደሴ እና በኮምቦልቻ ከተሞች የነበሩት መጋዘኖቹ በህወሓት ኃይሎች በመዘረፋቸው የምግብ እርዳታ ማቋረጡን አስታውቋል።

ቃል አቀባዩ ፥ የእርዳታ ምግብ ተከማችተውባቸው የነበሩት መጋዘኖቹ በህወሓት ኃይል በተዘረፉበት ወቅት በስፍራው በነበሩ ሠራተኞቹ መሳሪያ ተደግኖባቸው እንደነበረ አመልክተዋል።

በመጋዘኖቹ ላይ በህወሓት በተፈጸመው ዝርፊያ በምግብ እጥረት ለተጎዱ ህጻናት የሚቀርቡ አልሚ ምግቦችን ጨምሮ ከፍተኛ መጠን ያለው የምግብ አቅርቦት ክምችት ከሁለቱ ከተሞች ተወስደውበታል።

በስፍራዎቹ የነበሩ ሠራተኞቹም በጦር መሳሪያ ጭምር ጫናና ማስፈራሪያ ስለተደረሰባቸው ይህንን ዝርፊያ ለመከላከል ሳይችሉ መቅረታቸው ተገልጿል።

ይህ ዝርፊያ በአሁኑ ወቅት ከ9 ሚሊዮን በላይ ሕዝብ በምግብ እርዳታ ላይ ጥገኛ በሆነበት በሰሜን ኢትዮጵያ ውስጥ ያለውን የምግብ ዋስትና ችግርና የተመጣጠነ ምግብ እጦትን የበለጠ እንደሚያባብሰው ድርጅቱ ተናግሯል።

በሌላ በኩል በአማራ ክልል ለሰብአዊ አገልግሎት የሚውሉ ሶስት የWFP መኪኖች በዚህ ሳምንት በወታደሮች ታዝዘው ለራሳቸው ዓላማ መዋላቸውን ዱጃሪች ተናግረው ድርጊቱን አውግዘዋል ሁሉም አካላት የሰብአዊ እርዳታ ሰጪዎችን እንዲያከብሩና እንዲጠብቁ ጠይቀዋል።

ለአንድ ወር ያህል በህወሓት ኃይሎች ቁጥጥር ስር የቆዩት የደሴና የኮምቦልቻ ከተሞች በጠቅላይ ሚኒስትር ዶ/ር ዐቢይ አሕመድ በተመራው የኢትዮጵያ ጥምር የፀጥታ ኃይሎች በዚህ ሳምንት ነፃ መውጣታቸው ይታወቃል።

@tikvahethiopia

#Tigray #Afar #WFP

ወደ ትግራይ ጉዞ እንደጀመሩ የተገለፀላቸው የሰብዓዊ እርዳታ የጫኑ ተሽከርካሪዎች ወደ ክልሉ መግባት መጀመራቸውን የዓለም የምግብ ፕሮግራም (WFP) አስታውቋል፡፡

ተሽከርካሪዎቹ ኢሬብቲ ደርሰው ወደ ትግራይ ማቋረጥ መጀመራቸውን የገለጸው ድርጅቱ ከጥቂት ሰዓታት በኋላ መቐለ ይገባሉ ብሏል፡፡

ከ500 ሜትሪክ ቶን በላይ የተመጣጠነ ምግብ በርሃብ አፋፍ ላይ ለሚገኙ የእርዳታው ፈላጊዎች ይከፋፈላል ተብሏል።

በተጨማሪ ፤ ከ1000 ሜትሪክ ቶን በላይ የተመጣጠነ ምግብ የጫኑ ሌሎች የእርዳታ ተሽከርካሪዎች ዛሬ ከሰዓት ሰሜናዊ አፋር መድረሳቸውንም የዓለም ምግብ ፕሮግራም አስታውቋል፡፡

የሰብዓዊ እርዳታው ፦
👉 ዳሎል፣
👉 በራህሌ
👉 ኮነባ አካባቢዎች ለሚገኙ የህብረተሰብ ክፍሎች እንደሚደርስ ገልጿል።

የዓለም ምግብ ፕሮግራም ተሽከርካሪዎቹ ደህንነታቸው ተጠብቆ በሰላም እንዲያልፉ የአፋር ክልላዊ መንግስት እና ህዝብ ትልቅ ድጋፍ እንዳደረገ ገልጿል።

መረጃው የዓለም ምግብ ፕሮግራም የትዊተር ገፅ ነው።

ፎቶ ፦ ወደ ትግራይ የሰብዓዊ ድጋፍ ጭነው እየተጓዙ የነበሩት ተሽከርካሪዎች (ከአፋር ክልል ቲክቫህ አባላት)

@tikvahethiopia

#WFP #UN #Ethiopia #TigrayRegion

ዛሬ የዓለም ምግብ ፕሮግራም ፤ አልሚ ምግብን ጨምሮ ህይወት አድን ፍጆታዎችን የጫኑ 47 ተሸከርካሪዎች ወደ ትግራይ ጉዞ መጀመራቸውን አሳውቋል።

ከ47ቱ ተሽከርካሪዎቹ በተጨማሪ ለመሰረታዊ አገልግሎቶች የሚውል ነዳጅ የጫኑ 3 ተሽከርካሪዎች ወደ ክልሉ በመጓዝ ላይ ይገኛሉ።

ከሁሉም ባለስልጣናት በተደረገው ድጋፍ እስካሁን ጉዞው የተሳካ እና መልካም የሚባል እንደሆነ ጠቁሟል።

ለሰብዓዊነት ተብሎ ግጭት የማቆም ውሳኔ ከተላለፈ በኃላ እስካሁን ድረስ ወደ 26 ተሸከርካሪዎች ብቻ ናቸው ወደ ክልሉ የገቡት።

የዓለም ምግብ ፕሮግራም በክልሉ በችግር ላይ የሚገኙ በሚሊዮን የሚቆጠሩ ዜጎችን የሰብዓዊ ፍላጎት ለማሟላት በየዕለቱ 100 ተሽከርካሪዎች ወደ ክልል መግባታ እንዳለባቸው ከዚህ ቀደም መግለፁ ይታወሳል።

በሌላ መረጃ ፥ የተባበሩት መንግስታት ድርጅት የፀጥታው ም/ቤት በ “any other business” ስር ዛሬ በኢትዮጵያ ስላለው ሁኔታ በዝግ ይመክራል።

በስብሰባው ላይ የሰብአዊ ጉዳዮች ም/ ዋና ጸሃፊ ማርቲን ግሪፍትስ ማብራሪያ ይሰጣሉ ተብሎ ይጠበቃል።

የዛሬውን ስብሰባውን የጠየቁት የA3 የምክር ቤቱ አባላት (ጋቦን፣ ጋና እና ኬንያ) ናቸው። #በA3 ብቻ በኢትዮጵያ ሁኔታ ላይ ስብሰባ ሲጠየቅ ይህ የመጀመሪያው መሆኑን ተመድን ዋቢ አድርጎ አል ዓይን አስነብቧል።

@tikvahethiopia

#WFP #USA #Ethiopia #TigrayRegion

የዓለም ምግብ ፕሮግራም (WFP) ወደ ትግራይ ክልል #ተጨማሪ ኮንቮይዎችን ለመላክ ዝግጁ መሆኑና ፍቃድም እንዳለው ገልጿል።

ቀጣዩ የሰብዓዊ እርደታ ኮንቮይ በተቻለ ፍጥነት በሰላም እንዲሄድ በአፋር ክልል ባለሥልጣናት ጋር በቅርበት እየሰራ መሆኑን ድርጅቱ ገልጿል።

በሌላ በኩል ፥ አሜሪካ ትላንት በውጭ ጉዳይ መስሪያ ቤቷ በኩል ባወጣችው መግለጫ ፤ ከ1,700 ሜትሪክ ቶን በላይ ነፍስ አድን ሰብአዊ እርዳታ ትግራይ መግባቱ መልካም ዜና ነው ብላለች።

የእርዳታው እንዲደስ ትብብር ያደረጉትን የኢትዮጵያ መንግሥት፣ የትግራይ ክልል አስተዳዳሪዎች እና የአፋር ክልል አስተዳዳሪዎችን እንደምታደንቅም ገልፃለች።

በተጨማሪም ፤ አሜሪካ የትግራይ ኃይሎች ከአፋር ክልል ኤሬብቲ መውጣታቸውን እንደምትደግፍ ገልፃ ከሌሎችም የአፋር አካባቢዎች የትግራይ ኃይሎች ቢወጡ ጠቀሜታው የጎላ ነው ብላለች።

አሜሪካ በትላንት መግለጫዋ የኢትዮጵያ መንግስት እና የትግራይ ባለስልጣናት አሁን በታየው ለውጥ ቀጥለው ግጭቱን በድርድር፣ በዘላቂነት መፍታት የሚችሉበት መንገድ ማግኘት አለባቸው ብላለች።

ይህ እንዲሆንም በትግራይ ክልል መሠረታዊ አገልግሎቶች መመለስ እንዳለባቸው እና አካታች ፖለቲካዊ አካሄድ መተግበር እንዳለበት ገልጻለች።

የአሜሪካ መግለጫ : https://www.state.gov/delivery-of-humanitarian-assistance-in-tigray/

@tikvahethiopia

ለምንድነው በዩክሬን እየተካሄደ የሚገኘው ጦርነት የዓለምን የምግብ ዋጋ እንዲህ እንዲጨምር ያደረገው ?

🌾 ዩክሬን እና ሩስያ በአለም የስንዴ ኤክስፖርት 1/3 የሚሸፍኑ ሀገራት ናቸው።

🪖 በሁለቱ ሀገራት መካከል ጦርነቱ ሲቀሰቀስ የስንዴ ኤክስፖርት ሊቋረጥ ችሏል።

📈 በ2 ሳምንታት ውስጥ ብቻ የስንዴ ዋጋ በ28 በመቶ ከፍ ብሏል ፤ ይህም ሪከርድ የሆነ የዋጋ ጭማሪ የተመዘገበበት ነው።

🌍 በጦርነቱ ምክንያት የታየው የዋጋ ጭማሪ በተለይ ከውጭ ሀገር በሚገባ ምርት ላይ ጥገኛ የሆኑ ሀገራትን ክፉኛ ጎድቷቸዋል።

#WFP

@tikvahethiopia

#WFP #Ethiopia

የግጭት ማቆም ውሳኔ ይፋ ከተደረገበት ከመጋቢት ወር ጀምሮ ወደ ትግራይ ክልል ከሚገባው እርዳታ #ከፍተኛ መጠን ያለው ቁሳቁስ በዚህ ሳምንት ወደ ክልሉ መግባቱን የዓለም ምግብ ፕሮግራም አስታውቋል።

በዚህ ሣምንት ወደ ትግራይ የገባው 15 ሺህ ቶን ምግብ እና ሌሎች የነፍስ አድን አቅርቦቶች ሲሆን አሁንም ተጨማሪ እርዳታ ወደ ክልሉ እያመራ መሆኑን WFP ገልጿል።

ኤድሪያብ ቫን ደር ክናፕ (በዓለም ምግብ ፕሮግራም የኢትዮጵያ ቢሮ ኃላፊ) ፥ " ፍጥነቱ አሁን እየጨመረ ስለሆነ በዚህ ወር መጨረሻ በሁለት ሳምንታት ጊዜ ውስጥ 30 ሺህ ሜትሪክ ቶን ምግብ እና የምግብ ሸቀጦች ወደ ትግራይ ይደርሳል ብለን ተስፋ እናደርጋለን ። እቅዳችን በሰኔ ወር መጨረሻ 100 ሺህ ቶን ምግብ ለማድረስ ነው " ብለዋል።

በሌላ በኩል ፤ የረድኤት ድርጅቶች አፋርን ጨምሮ በአጎራባችን ክልሎች ቀውሶች እየተባባሱ በመሆናቸው እጅ እያጠራቸው ፤ የእርዳታ ክምችታቸውም እየተመናመነ መሆኑን ጠቁመዋል።

የዩክሬን ጦርነት እና ሌሎችም በዓለም ዙሪያ የታዩት ቀውሶች የለጋሾችን የረድዔት አቅም እየቀነሰው መሆኑ የታገለፀ ሲሆን WFP በሚቀጥለው 6 ወራት ውስጥ በኢትዮጵያ ለሚያስፈልገው የእርዳታ አቅርቦት የ522 ሚሊዮን ዶላር እጥረት እንደሚያጋጥመው ገልጿል።

ከዚህ ውስጥ 220 ሚሊዮን ዶላር ትግራይን ጨምሮ በሰሜን የኢትዮጵያ ክፍል ለሚሰራው የረድኤት ስራ የሚውል ነው።

ኤድሪያብ ቫን ደር ክናፕ ፤ " ያለን ክምችት በጣም በፍጥነት እያለቀ ነው። ስለዚህ ስጋታችን ይህን አውንታዊ ድባብ ፈጥረን እነኚህን መተላለፊያዎች ከፍተን መልሰን ማቆም ሊኖርብን ነው እናም ሁሉ ነገር ከሚያዚያ በፊት ወደነበረው ስፍራ ሊመለስ ነው " ብለዋል።

ያንብቡ : telegra.ph/VOA-05-21

@tikvahethiopia

#Tigray

ለ #ሰብዓዊነት ሲባል የግጭት ማቆም ውሳኔ ከተላለፈ በኃላ #ከፍተኛ ነው የተባለው የሰብዓዊ እርድታ ወደ ትግራይ ተጓጉዟል።

አርብ ዕለት ከአፋር ሰመራ ከተማ 215 የምግብ እርዳታ የጫኑ ከባድ ተሽከርካሪዎች ወደ ትግራይ አቅንተዋል።

የግብረ ሰናይ ተቋማት በትግራይ ክልል 5.2 ሚሊዮን ሰዎችን ለመመገብ በየሳምንቱ በ500 ከባድ ተሽከርካሪዎች የተጫነ የሰብዓዊ እርዳታ ወደ ክልሉ ሊደርስ እንደሚገባ እየገለፁ ይገኛሉ።

በሌላ በኩል ፤ የዓለም ምግብ ፕሮግራም ወደ ትግራይ ክልል ገብተው በነዳጅ እጦት ምክንያት ቆመው የነበሩ ተሽከርካሪዎቹ ከትግራይ እየወጡ እንደሆነ በዚህ ሳምንት አመልክቷል።

ተሽከርካሪዎቹ ባለፈው ዓመት 2021 ወደ ክልሉ ገብተው የነበሩ ከድረጅቱ የተገኘው መረጃ ያመልክታል።

የተሽከርካሪዎቹ ከትግራይ ክልል መመለስ በሃገር አቀፍ ደረጃ ያለውን ሰብዓዊ አቅርቦት ለማሻሻል እንደሚያግዝም ድርስክቱ ገልጿል።

#ኤፒ #WFP

@tikvahethiopia

#WFP #ETHIOPIA

የዓለም ምግብ ፕሮግራም (WFP) ወደ ትግራይ እና በግጭት ወደ ተጎዱ አካባቢዎች ኮንቮይዎችን መላክ መቀጠሉን እንደገፋበት አመልክቷል።

በሚያዝያ/ግንቦት በ1,045 የጭነት ተሽከርካሪዎች አማካኝነት 50,000 (ሃምሳ ሺህ) ቶን ምግብ ማቅረብ መቻሉንና 350 ሺህ ሰዎችን በህይወት አድን ምግብ መድረስ መቻሉን ድርጅቱ አሳውቋል።

ድጋፍ ለሚያስፈልጋቸው የማህበረሰብ ክፍሎች ቀጣይነት ያለው የአቅርቦት ፍሰት እንዲኖር እና ድጋፍ እንዲደርሳቸው ለማድረግ ከባለሥልጣናት ጋር እየሰራ መሆኑንም ገልጿል።

@tikvahethiopia

#WFP

የዓለም ምግብ ፕሮግራም (WFP) በአፋር ክልል እስከ 1.2 ሚሊዮን የሚደርሱ ሰዎች ለረሃብ የመጋለጥ አደጋ እንዳንዣበበባቸው አመልክቷል።

ድርጅቱ ፤ በክልሉ ላሉ 630,000 ሰዎች ወሳኝ የምግብ አቅርቦት ስርጭት እያካሄደ መሆኑን ገልጿል።

የዓለም ምግብ ፕሮግራም " አምስተኛውን ዙር የምግብ እርዳታ ለሁሉም ማድረስ ጨርሰናል እና ቀጣዩን ዙር በቅርብ ጊዜ ለመጀመር በዝግጅት ላይ ነን " ሲል አሳውቋል።

@tikvahethiopia

#WFP #UN

" ነዳጁ በቅርቡ በWFP የተገዛ እና ከመሰረቁ ጥቂት ቀናት በፊት መቐለ የደረሰ ነበር " - WFP

የዓለም ምግብ ፕሮግራም (WFP) ከመቐለ ተሰረቀ ባለው ነዳጅ ጉዳይ ላይ በዋና ዳይሬክተሩ ዴቪድ ቢዝሊ በኩል ማብራሪያ ሰጥቷል።

ዋና ዳይሬክተሩ ትላንት ጥዋት የተዘረፈው ነዳጅ ከግማሽ ሚሊዮን ሊትር  በላይ (12 ታንከር) መሆኑንና የታጠቁ ቡድኖች ወደ WFP ግቢ ገብተው መውሰዳቸውን ገልፀዋል።

ነዳጁ በቅርቡ በWFP የተገዛ እና ከመሰቀሩ ጥቂት ቀናት በፊት የደረሰ መሆኑን አስረድተዋል።

WFP ያለ ነዳጁ ምግብ፣ ማዳበሪያ፣ መድሃኒት እና ሌሎች አስቸኳይ ድጋፎችን በመላው ትግራይ ሊያደርስ እንደማይችል ገልጸዋል።

በተጨማሪም ጄነሬተሮችን እና ተሽከርካሪዎች ለማንቀሳቀስ እንደሚቸገር የገለፀው WFP 5.2 ሚሊዮን የሚደርሰውን ረሃብ የተጋረጠበትን ህዝብ ለመድረስ እንቅፋት እንደሚሆንበት አስረድቷል።

የነዳጁ መሰረቅ በግጭት ሳቢያ እየተፈተነ ያለውን በትግራይ ያለውን ማህበረሰብ ወደ ረሃብ አፋፍ ይገፋል ብለዋል።

የትግራይ ባለስልጣናት በአስቸኳይ የነዳጅ ክምችቱን እንዲመልሱ አሳስበዋል።

ህወሓት በበኩሉ " ከወራት በፊት ለዓለም ምግብ ፕሮግራም ያበደርኩትን ነዳጅ መልሼ ወስድኩ እንጂ ዘረፋ አልፈጸምኩም " ሲል መልሷል።

ዋና ዳይሬክተሩ መሰል አስተያየት ከመስጠታቸው በፊት ዝርዝር ሁኔታውን ማጣራት ነበረባቸው ብሏል።

ከ600 ሺ ሊትር በላይ ነዳጅ ለWFP አበድርያለሁ ያለው ህወሓት " በነበረን ስምምነት መሠረት ያበደርነውን ነዳጅ ተመላሽ እንዲሆን ነው የጠየቅነው " ሲል ገልጿል።

የወሰድነው ነዳጅ እንደ ሆስፒታል ፣ ክሊኒክ እና ሌሎች የጤና ማዕከላትን ለማንቀሳቀስ ጥቅም ላይ ይውላልም ሲሉ የዓለም ምግብ ፕሮግራም ዳይሬክተርን ክስ አጣጥሏል።

@tikvahethiopia

#WFP

የዓለም ምግብ ፕሮግራም ወደ ትግራይ ክልል በረራ ማድረጉን ዛሬ ገልጿል።

ይህ ጉዞ ከ6 ሳምንታት በኋላ የመጀመሪያው ነው።

ድርጅቱ 34 ሰራተኞቹን ከክልሉ ማስወጣቱን ገልጿል።

ተጨማሪ በረራዎች በመጪዎቹ ቀናት በማድረግ ሰራተኞቹን ከመቐለ ለማስወጣት ቀጠሮ መያዙንም የዓለም ምግብ ፕሮግራም አሳውቋል።

@tikvahethiopia

#WFP

ከሰላም ስምምነቱ በኃላ...

(የዓለም ምግብ ፕሮግራም (WFP) የዛሬ ሪፖርት)

- የዓለም ምግብ ፕሮግራም #አራቱም የተከፈቱትን የመንገድ ኮሪደሮች በመጠቀም ስራ ከጀመረበት እኤአ ከህዳር 15 ጀምሮ በ96 የጭነት መኪናዎች 170 ሺህ ሰዎችን ሊመግብ የሚችል ከ2,400 ሜትሪክ ቶን በላይ ምግብ እንዲሁም 100,000 ሊትር ነዳጅ ወደ ትግራይ አጓጉዟል።

- በWFP የሚመራው የሎጂስቲክስ ክላስተር 250 ሜትሪክ ቶን የሰብአዊ ድጋፍ ካርጎ ከጎንደር፣ ኮምቦልቻ እና ሰመራ ለስምንት ተባባሪ አጋሮች የህክምና ቁሳቁሶችን ጨምሮ በአየር እንዲጓጓዝ አመቻችቷል።

- ካለፈው እኤአ ነሃሴ ወር መጫረሻ በኃላ የWFP የUNHAS የመንገደኞች በረራ ዛሬ ወደ #መቐለ አድርጓል። በረራውን ደረገው ከፌዴራል ፍቃድ ካገኘ በኃላ ሲሆን ወደ መቐለ መደበኛ የUNHAS በረራ መቀጠል አለበት ብሏል።

- WFP ፤ በትግራይ ሰሜናዊ ምዕራብ እና ደቡብ ዞኖች ለሚገኙ ወረዳዎች በአማራ በኩል አዲስ የሰብአዊ ድጋፍ አገልግሎት ቢያገኙም ወደ አንዳንድ የትግራይ #ምስራቃዊ እና #ማዕከላዊ ዞኖች አሁንም መግባት ውስን መሆኑንና እስከ 170 ሺህ የሚደርሱ እናቶችና ህፃናት የምግብ እርዳታ እንደሚያስፈልጋቸው WFP አሳውቋል።

- ወደ ትግራይ የሚያስገቡ መንገዶች ከተከፈቱ ወዲህ WFP በሰሜን ምእራብ ዞን ማይ ፀብሪ እና በደቡብ ዞን አላማጣ ላሉ ከ100,000 በላይ ለሚሆኑ ሰዎች እህል ማቅረቡን ገልጿል። በህዳር ወር መጀመሪያ ላይም በመቐለ 540,000 ሰዎችን ደርሷል። ከህዳር ወር መጀመሪያ ጀምሮ የዓለም ምግብ ፕሮግራም ፤ በትግራይ ክልል የምግብ ድጋፍ ከሚያስፈልጋቸው 2.1 ሚሊዮን ሰዎች ውስጥ መድረስ የቻለው 29 በመቶውን መሆኑን ገልጿል።

ተጨማሪ ያንብቡ : https://telegra.ph/WFP-11-25

@tikvahethiopia

#WFP

የዓለም ምግብ ፕሮግራም ለኢትዮጵያ ሲያቀርበው የነበረው እርዳታ በተወሰነ መልኩ ማቅረብ መጀመሩ ተገለፀ።

በተመድ የዓለም ምግብ ፕሮግራም ወደ ኢትዮጵያ ሲያቀርበው የነበረው የሰብአዊ እርዳታ ከአምስት ወራት ብኋላ እጅግ አነስተኛ በሚባል መልኩ እርዳታ መላክ መጀመሩን " አሶሸትድ ፕሬስ " ገልጿል።

ድርጅቱ ለአሶሸትድ ፕሬስ እንደገለፀው ፤ በትግራይ 4 አካባቢዎች በመቶ ሺህ እርደታ ፈላጊ ዜጎች ላይ አዲሱ የተቋሙ አሰራር ትግበራ ሙከራ በሐምለ መጨረሻ መጀመሩን አሳወቋል።

የተለያዩ ተቋማት ፣ ሃይማኖት መሪዎች እና የተለያዩ አካላት የዓለም ምግብ ፕሮግራም ለተቸገሩ ወገኖች ሲያቀርብ የነበረው  እርዳታ ማቋረጡን ተገቢ አለመሆኑ እና ከሞራል አንፃር ኢሞራላዊ ነው ብለው ሲተቹት እንደነበር ያወሳው ዘገባው በ21ኛው ክፍለ ዘመን የሰው ልጅ በምግብ እጦት ምክንያት በትግራይ የሞት አደጋ ማጋጠሙን አስታውሷል።

የአሜሪካ ህዝብ ተራድኦ ድርጅት / USAID ኃላፊ የሆኑት ሳማንታ ፓወር በበኩላቸው ፤ " ተፈጠሩ የተባሉ ችግሮችን በማጣራት እንዲሁም እርዳታው ለሚያስፈልጋቸው ዜጎች በትክክል መድረሱን ማረጋገጥ ተገቢ ነው " ያሉ ሲሆን የሰብአዊ እርዳታው በአጭር ግዜ ለማስጀመር ጥረት ይደረጋል ማለታቸው ተዘግቧል።

ከአምስት ወራት በፊት የዓለም ምግብ ፕሮግራም (WFP) ለኢትዮጵያ ሲያቀርበው የነበረው የሰብአዊ  ድጋፍ ስርቆትና ላልተገባ ተግባር ውሏል በመባሉ እንዲቆም መደረጉን የሚታወስ ነው።

መረጃው የድምፂ ወያነ ነው።

@tikvahethiopia