#አስደሳች_ዜና 🙏🙏🙏
#ወጣት_አብረሃም_ለህክምና_ቱርክ_ሄዷል።
The Christian News - የክርስቲያን ዜና

አንድ ሰሞን እጅግ ልብን የሚነካ እና ብዙዎች ያስለቀሰ የወጣቱን የአብረሃምን ታሪክ ሰምተን ብዙዎቻችን አዝነን በቻልነው አቅም ሁሉ ድጋፍ ስናደርግ ቆይተናል።

በታሪኩ መላዉ ኢትዬጲያውያን ከመነካታቸዉ የተነሳ ለወጣቱ ህክምና የተጠየቀዉን ሚሊዬን ብሮች በጥቂት ቀናት ተሰብስቦለት ተጠናቀቀ።

በአሁኑ ሰዓት የነበረው ፕሮሰስ ሁሉ ተጠናቆ በአሁኑ ሰዓት በቱርክ ለህክምና የሚያስፈልጋቸውን ምርመራ ኩላሊቱን ከሚደግፈው ልጅ ጋር እያከናወነ ይገኛሉ።

ይህንን ያረጋገጠችልን Betachn ቤታችን አዘጋጅ #Senait_Mulugeta ስትሆን
በሀልዎት አማኑኤል ህብረት ቤተክርስትያን እሁድ በነበረው መርሃ ግብር በነብይ ዘነበ ግርማ በዛ ስለሚኖረው የህክምና ሂደት ጌታ እየሱስ እንዲቀድምለት አጥብቀው በመጸለይ በዚህም መልካም ስራ የተባበሩትን በውጭም በአገር ውሳጥ ያሉትን ሁሉ ባርከው አመስግነዋል። ስትል በማህበራዊ ትስስር ገጿ አስፍራለች።

#አሁንም ወጣቱ በእናንተ ቅዱሳን ጸሎት እና የገንዘብ ድጋፍ እዚህ ደርሷል ህክምናው የተሳካ እንዲሆን እና ለምስጋና እንድንገናኝ አሁንም በጸሎታችሁ እንድታግዙት ጥሪ እናቀርባለን።

#እግዚአብሔርን_አመስግኑ
#አብረን_ለማመስገንም_እንዘጋጅ
#ወጣት_አብረሃም_በሰላም_ወደ_ሀገሩ_ተመልሷል።

ከጥቂት ወራት በፊት ሁለቱም ኩላሊቱ ተግባራቸውን መለገስ የተሳናቸውን እንዲሁም በዚሁ ምክንያት በተያያዥ በሽታ ማለትም በሳምንት ሁለት ግዜ ብቻ ዲያሊስስ በማድረጉ . . . በርካታ ችግሮች በአንድ ላይ የተጋፈጠ ወጣትን ታሪክ ሰምተን ብዙዎቻችን አዘነን እንደነበር ይታወሳል።

ወጣት አብርሃም ጌታቸው ወደ እስክሪን ከቀረበ በኋላ የእናንተም ቅጽበታዊ ምላሽ በፍጥነት ከተጠየቀው ገንዘብ በላይ እንዲያገኝ አግዞት ወደ ቱርክ ለቀዶ ህክምና ከሁለት ወንድሞቹ ጋር እንደሄደ የሚታወስ ነው!

በዛም ያለው ቆይታቸው ብዙ ፈተና ቢበዛውም ከቤተክርስትያን ጀምሮ በእናንተንም ጥብቅ ጸሎት ያሉትን ችግሮች ሁሉ አቅም ያሳጣ የእግዚአብሄር ደግነትና ምህርት ፈጥኖለት በተሳካ ሁኔታ ቀዶ ጥገናውን አድርጎ አሁን እሱም እንዲሁም ኩላሊቱን የሰጠው ወንድሙ ጌድዮን ጌታቸውም በጥሩ ጤንነት በሰላም ወደ ሀገራቸው በዛሬው እለት ገብተዋል።

የክርስቲያን ዜና ከ ቤታችን ቴሌቪዥን ጋር በጋራ በመሆን በዛሬው እለት በኢትዮጵያ አየር ማረፊያ ተገኝተን ከወዳጅ ቤተሰቦቹ ጋር መልካም አቀባበልን አድርገንለታል።

እሱም ለቅዱሳን አጭር መልዕክት በቪዲዮ ያስተላለፈ ሲሆን እሱን በዝርዝር በቪዲዮ ዜና ይዘንላችሁ የምንመለስ ይሆናል።

በቅርብ ቀን ደግሞ በቤታችን ቲቪ ሙሉ ቃለ መጠይቁን በተለይም በቱርክ የነበረውን ቆይታ በተመለከተ ዝርዝር ተወዳጅ ቆይታ ይዘን የምንመለስ ይሆናል።

ከቀኑ 6:00 ምንድ ነው?

የ2015ዓ.ም የዘንድሮ #መልካም #ወጣት መሪ ቃል ከቀኑ 6:00 ሰዓት የሚል መጠሪያ ተሰቶታል።

ለመሆኑ ከቀኑ 6 ሰዓት ምንድነው? ለምንስ ይህ መሪ ቃል ተመረጠ?

ከቀኑ 6:00 ሰዓት የመሸጋገሪያ ሰዓት ነው። የለውጥ ፤ ጠዋት ለከሰዓት ሰዓቱን የሚለቅበት የሽግግር ፤ የዕርቅ ሰዓት ነው። በዩሐንስ ወንጌል መጽሐፍ በሳምራውያን እና በአይሁዳውያን መካከል የነበረው የጥል ግድግዳ ሊፈርስ ሳምራዊቷ ሴት እና ኢየሱስ የተገናኙበት ሰዓት ነው።

ስለዚህ ከቀኑ 6:00 ሰዓት የልውጥ የሽግግር ፤ የእርቅ ፤ የፍቅር ሰዓት ነው። መልካም ወጣት የሚያተኩረው ሁለንተናዊ ለውጥ ላይ ነው። መንፈሳዊ ፤ ስነልቦናዊ አካላዊ ለውጥ ማምጣት ነው።

የመልካም ወጣት አገልግሎት የተዘጋጀው ለሱሰኞች ብቻ አይደለም ነገር ግን በውስጣቸው ራዕይ ላላቸው የተዘጋጀ አገልግሎት ጭምር ነው።

የዘንድሮ መልካም ወጣት ለብዙ በአሉታዊ ነገር የሚታወቁ ወጣቶች ከአሁን በኋላ በመልካም ነገር የሚታወቁት በአዲስ መንገድ ይሆናል።

የመልካም ወጣት ምዝገባ ዛሬ ተጀምሯል።