▫️«سنی سئویرم» دئمه‌دی، آمّا بئله بیتیردی مکتوبونو: «قانادیندان اؤپورم قلبیمین قوشو!»

📚 میلئنایا مکتوبلار
#فرانتس_کافکا
#شعر_اوجاغی
@SheirOcagi

▫️بئله گئتسه...

بو زامانین اته‌یینده، ناماز قیلماغا دَیمز،
ال بولاشیق، اتک کیرلی، ناماز باطیل اولاجاق.
عدالتی اؤلدوروبسه خیانتین ضربه‌سی،
گله‌جه‌یین محکمه‌سی سانما عادیل اولاجاق!

دیدیلیریک پارچا- پارچا، گوناهلارین الینده،
خیرپالاندی بوغازیمیز طاماحلارین الینده.
آللاه اؤزو عاجیزدیرسه آللاهلارین الینده-
عقیده‌لر علیل، شیکست، ایناملار شیل اولاجاق.

شوخلوغونو اونودارسان، یوک ایَنده قدّینی
الی سنه یئتن دئییل، چاغیرسان دا جدّینی.
شیطان ائله قاریشدیریب خئیرین-شرّین سدّینی،
بئله گئتسه، مؤمن‌لر ده دؤنوب قاتیل اولاجاق...

#زلیمخان_یعقوب
@SheirOcagi

▫️قادین گؤزل‌دیر
اوندان دا گوزل، آیاق‌ ایزلری‌دیر
کاغیذ صحیفه‌لرینده...

#نزار_قبانی
#شعر_اوجاغی
@SheirOcagi

▫️ساده‌جه نفس آلماق، حقیقتاً ده یئتیرمی «یاشاییرام» دئمه‌یه؟

📚 سونراسی یوخ
#جانر_یامان
#شعر_اوجاغی
@SheirOcagi

#دانیشان_شکیل‌لر
#شعر_اوجاغی
@SheirOcagi

▫️اونون اوچون دونیانین بوتون قیزلاری ایکی قیسمه بؤلونور:
بیرینجی قیسیم، او قیزدان باشقا، دونیانین بوتون قیزلاریندان عیبارت‌دیر، بو قیزلار بوتون اینسانجیل قوصورلارا مالیک اولان چوخ عادی قیزلاردیر؛
دیگر قیسمی، بوتون بشریّتین اوزرینده دایانان و هئچ قوصورا مالیک اولمایان تک او قیزدیر...

📚 آنا کارنینا
#لئو_تولستوی
#شعر_اوجاغی
@SheirOcagi

▫️سئویملی سسین،
اؤپوش‌دور.
قاناددیر،
تارین گؤده‌سینه...

#محمود_درویش
#شعر_اوجاغی
@SheirOcagi

▫️‌بیر آز اینسانلیغی حئیواندان اؤیرن!

مئشه قوجاغیندا، چای قیراغیندا،
بیر اصلان، جئیرانین قاباغین کسدی.
قارنین پارچالادی، گؤردو بویلودور،
اوتاندی، دیشلری دوداغین کسدی.

جئیران یارالاندی، ییخیلدی یئره،
چیخیردی قارنیندان چؤله بالاسی.
اصلان الین توتدو اونون قارنینا،
آخی ایسته‌میردی اؤله بالاسی.

نئچه یول بو ایشین داوامی اولدو
جئیران جاندان دوشدو، جان جان، بالا دا.
بیر یئره چاتمادی بو ایشین سونو،
جئیران دا جان وئردی، جئیران‌بالا دا.

اصلان دؤزدو دؤزدو، دؤزه بیلمه‌دی،
باغری چارتلاماقدان، ییخیلدی اؤلدو.
اوچ حیوان، اوچ گؤزل، اوچ کیتاب غزل،
هر اوچو بیر یئرده سیخیلدی اؤلدو.

مئشه‌دن گلیرم شهره ساری،
گؤر بو ابنسانلاردان، نه‌لر گؤرورم!
بدن‌سیز باش‌لاری قناره‌لرده،
دیلسیز بالالاری ملر گؤرورم.

آی بو «فریاد»لارا، گؤز یومان اینسان!
بیر آز اینسانلیغی حئیواندان اؤیرن!
مئشه قوجاغیندا، چای قیراغیندا،
جئیران یاشاماغی، اصلاندان اؤیرن...!

#اسد_نیکفال (فریاد)
@SheirOcagi

▫️هئچ کیمین پاخیللیغینی چکمک ایسته‌میرسن‌سه،
دورما، دورما!
هر گون عاغلین‌لا عاغلینی،
گئتدییین یولونلا یولونو اؤت!
اؤتمه‌سن، دویاجاقسان هر آن:
تک بو دونیادان یوخ،
هر ایکی دونیادان دا دالداسان...

📚 بی آتلی شعرلر
#واقیف_بایاتلی_اودر
#شعر_اوجاغی
@SheirOcagi

▫️من کلمه‌لری سئومیرم. اینسان بیرینی سئودی‌می، ائده بیله‌جه‌یی ان یاخشی شئی، اونو گؤسترمک‌دیر...

📚 آپارتمان
#امیل_زولا
#شعر_اوجاغی
@SheirOcagi

▫️- حیاتدا اوچ یانلیشیم اولدو، اولریج!
+ نه کیمی، افندیم؟
- تانیدیم، ایناندیم، گووَندیم.
آنجاق بیر دوغروم اولدو.
+ او نه‌دیر، افندیمیز؟
- سئودیم، اولریج!
آنجاق سن ده بیلیرسن کی، اوچ یالنیش بیر دوغرونو آپاریر...

📚 توتونامایانلار
#اوغوز_آتای
#شعر_اوجاغی
@SheirOcagi

▫️نه ایلگیسی وار بیلمیرم، آمّا امینم کی وار. هر شئیین همیشه هر شئی‌له ایلگیسی وار...

📚 صیفیر سایی
#اومبرتو_ائکو
#شعر_اوجاغی
@SheirOcagi

▫️- «اوخوموش، یازمیش آدام نصیحت وئرمز.» دئدی
+ «بس نه ائدر؟» دئدیم.
- «آدامی آنلار» دئدی...

📚 «عالم‌داغ»دا وار بیر ایلان
#سعید_فاییق
#شعر_اوجاغی
@SheirOcagi

▫️سیزه بیچاغی دوققوز سانتی‌متر ساپلایانین، آلتی سانتی‌متر گئری‌یه چکمه‌سی لوطف دئییلدیر...

📚 سارسینتی
#آردا_ارل
#شعر_اوجاغی
@SheirOcagi1

▫️هردن دلی‌خانایا دوشدویونو ظنّ ائدیرسن. اصلینده باخاندا ائله بئله‌دیر. بو سفئه‌لرین هر بیری، یانیندا اوتوران دیگر آخماقلاردان داها چوخ بیلدییینی دوشونور...

📚 هالیوود
#چارلز_بوکوفسکی
#شعر_اوجاغی
@SheirOcagi

▫️نه چوخ یالان دئییلیردی یئر اوزونده؛ سؤزله، یازی‌یلا، رسیم‌له یا دا سوساراق...!

📚 انایورد هوتئلی
#یوسوف_آتیلقان
#شعر_اوجاغی
@SheirOcagi

▫️تانری سنین ایچینده‌دیر، قاوراملاردا و کیتابلاردا دئییل.
گئرچک، یاشانار؛ اؤیره‌دیلمز...

📚 مونجوق اویونو
#هرمان_هسه
#شعر_اوجاغی
@SheirOcagi

▫️چوخالیر

باش آچماديم بو دونيانين ايشيندن،
خئيیری آزاليب، شرّی چوخالير.
قيمتلی‌لر دوشورلر قيمتيندن،
گؤن قيمته مينير، دری چوخالير.

ائله بيل غم ياغيب قايايا، داغا،
كؤنوللر حسرت‌دير ووصال تاپماغا.
عالیم‏لر، عاقیل‏لر گلمير قاباغا،
-باشدان‌خاراب- آرتيب، دلی چوخالير.

چوخلاری بو شعری چتين كی، قانا
قانان دا قورخورام چئويره، دانا.
چوخ يازيغيم گلير آزربايجانا،
قانینی سوموران زلی چوخالير...

#یتیم_ائیواز
@SheirOcagi

▫️ اؤزونه عایید کیچیک بیر ائو و کاراکتئرلی بیر حیات یولداشی، دونیانین بوتون قیزیل و اینجی‌لریندن دیَرلی‌دیر...

#گوته
#شعر_اوجاغی
@SheirOcagi

#دانیشان_شکیل‌لر
#شعر_اوجاغی
@SheirOcagi