▫️چوخالیر
باش آچماديم بو دونيانين ايشيندن،
خئيیری آزاليب، شرّی چوخالير.
قيمتلی‌لر دوشورلر قيمتيندن،
گؤن قيمته مينير، دری چوخالير.
ائله بيل غم ياغيب قايايا، داغا،
كؤنوللر حسرت‌دير ووصال تاپماغا.
عالیملر، عاقیللر گلمير قاباغا،
-باشدان‌خاراب- آرتيب، دلی چوخالير.
چوخلاری بو شعری چتين كی، قانا
قانان دا قورخورام چئويره، دانا.
چوخ يازيغيم گلير آزربايجانا،
قانینی سوموران زلی چوخالير...
#یتیم_ائیواز
@SheirOcagi
باش آچماديم بو دونيانين ايشيندن،
خئيیری آزاليب، شرّی چوخالير.
قيمتلی‌لر دوشورلر قيمتيندن،
گؤن قيمته مينير، دری چوخالير.
ائله بيل غم ياغيب قايايا، داغا،
كؤنوللر حسرت‌دير ووصال تاپماغا.
عالیملر، عاقیللر گلمير قاباغا،
-باشدان‌خاراب- آرتيب، دلی چوخالير.
چوخلاری بو شعری چتين كی، قانا
قانان دا قورخورام چئويره، دانا.
چوخ يازيغيم گلير آزربايجانا،
قانینی سوموران زلی چوخالير...
#یتیم_ائیواز
@SheirOcagi
▫️دونیا
کیمینه توفانلی، بورانلی قیش‌دیر،
آمّا کیمینچون‌سه یاز گئدیر دونیا.
کیمینین یانینا باشی پاپاقلی،
کیمینین یانینا داز گئدیر دونیا.
قولاق آس سؤزومه منیم، آی بالا!
بو سؤزلر چوخلارین گتیریب یولا.
کاسیبین اوستونده دؤنور قارتالا،
وارلی قاباغیندا قاز گئدیر دونیا.
«ائیواز!» گل ترپتمه غم یاراسینی!
چون تاپا بیلمزسن بیر چاراسینی.
اونسوز دا اوینامیر خالق هاواسینی،
لامبادا* اویناییر، جاز گئدیر دونیا...
#یتیم_ائیواز
* گونئی آمئریکادا بیر دانس چئشیدی.
#شعر_اوجاغی
@SheirOcagi
کیمینه توفانلی، بورانلی قیش‌دیر،
آمّا کیمینچون‌سه یاز گئدیر دونیا.
کیمینین یانینا باشی پاپاقلی،
کیمینین یانینا داز گئدیر دونیا.
قولاق آس سؤزومه منیم، آی بالا!
بو سؤزلر چوخلارین گتیریب یولا.
کاسیبین اوستونده دؤنور قارتالا،
وارلی قاباغیندا قاز گئدیر دونیا.
«ائیواز!» گل ترپتمه غم یاراسینی!
چون تاپا بیلمزسن بیر چاراسینی.
اونسوز دا اوینامیر خالق هاواسینی،
لامبادا* اویناییر، جاز گئدیر دونیا...
#یتیم_ائیواز
* گونئی آمئریکادا بیر دانس چئشیدی.
#شعر_اوجاغی
@SheirOcagi
▫️گئجه-گوندوز یالواریرام الیم گؤیده:
هامییا چؤرک‌له دوز وئرسین آللاه!
حارامدان بیزلری اوزاق ائیله‌سین،
نه وئریرسه، حالال، دوز وئرسین آللاه!
هئچ کیمه حیاتدا پیس گون گؤرمه‌سین،
«نئیله‌ییم؟» سؤزونو هئچ کیم بیلمه‌سین!
هئچ کیمه غئیرتسیز اوغول وئرمه‌سین،
وئریرسه غئیرتلی قیز وئرسین آللاه!
بیر اینسان گزیرم دردیمی یازا،
بیرین ده گزیرم گؤتوره پوزا.
دئییرم: قارداشیم! «یتیم ائیواز»ا،
بئشجه کلمه شیرین سؤز وئرسین آللاه!
#یتیم_ائیواز
#شعر_اوجاغی
@SheirOcagi
هامییا چؤرک‌له دوز وئرسین آللاه!
حارامدان بیزلری اوزاق ائیله‌سین،
نه وئریرسه، حالال، دوز وئرسین آللاه!
هئچ کیمه حیاتدا پیس گون گؤرمه‌سین،
«نئیله‌ییم؟» سؤزونو هئچ کیم بیلمه‌سین!
هئچ کیمه غئیرتسیز اوغول وئرمه‌سین،
وئریرسه غئیرتلی قیز وئرسین آللاه!
بیر اینسان گزیرم دردیمی یازا،
بیرین ده گزیرم گؤتوره پوزا.
دئییرم: قارداشیم! «یتیم ائیواز»ا،
بئشجه کلمه شیرین سؤز وئرسین آللاه!
#یتیم_ائیواز
#شعر_اوجاغی
@SheirOcagi
Forwarded from اتچ بات
▫️بو دونیانین، گؤر، نه بویدا دردی وار!
چالیش لاییقلی اول بیر تمیز آدا،
تمیز اول همیشه، دوشرسن یادا!
اونسوز یاشادیغیم قوجا دونیادا،
هر بیر ائلین نامردی وار، مردی وار،
بو دونیانین، گؤر، نه بویدا دردی وار!
قوجا دونیا قورخولو بیر تاماشا،
چوخوموزو سالیب قورخو، تلاشا.
ظالیملره «چهار» قوشا، «شش» قوشا،
یئتیملره «دوبول» وئرن «نرد»ی وار،
بو دونیانین، گؤر، نه بویدا دردی وار!
عؤمور گئدیر، گونلریمی سای، اوغول!
دؤرد طرفیم دریا، دنیز، چای، اوغول!
بیر کیشیدن بورج ائله‌دین، آی اوغول!
اونوتما کی قایتاردی وار، وئردی وار،
بو دونیانین، گؤر، نه بویدا دردی وار!
کیم اویناییر اونونلا بو اویونو،
اودو قوران هامیمیزین تویونو.
یال-یاماجا دولدوروبدو قویونو،
قیرماغا دا چاققالی وار، قوردو وار،
بو دونیانین، گؤر، نه بویدا دردی وار!
آغیر یولدو کئچه‌جه‌ییم باخ بو یول،
فرقی یوخدو چوبان اول، یا ناظیر اول.
ائیواز قارداش، اؤلوم گلیر، حاضیر اول!
یارانمیسان، بیر گئجه ده اؤلدو وار،
بو دونیانین، گؤر، نه بویدا دردی وار!...
#یتیم_ائیواز
#شعر_اوجاغی
@SheirOcagi
چالیش لاییقلی اول بیر تمیز آدا،
تمیز اول همیشه، دوشرسن یادا!
اونسوز یاشادیغیم قوجا دونیادا،
هر بیر ائلین نامردی وار، مردی وار،
بو دونیانین، گؤر، نه بویدا دردی وار!
قوجا دونیا قورخولو بیر تاماشا،
چوخوموزو سالیب قورخو، تلاشا.
ظالیملره «چهار» قوشا، «شش» قوشا،
یئتیملره «دوبول» وئرن «نرد»ی وار،
بو دونیانین، گؤر، نه بویدا دردی وار!
عؤمور گئدیر، گونلریمی سای، اوغول!
دؤرد طرفیم دریا، دنیز، چای، اوغول!
بیر کیشیدن بورج ائله‌دین، آی اوغول!
اونوتما کی قایتاردی وار، وئردی وار،
بو دونیانین، گؤر، نه بویدا دردی وار!
کیم اویناییر اونونلا بو اویونو،
اودو قوران هامیمیزین تویونو.
یال-یاماجا دولدوروبدو قویونو،
قیرماغا دا چاققالی وار، قوردو وار،
بو دونیانین، گؤر، نه بویدا دردی وار!
آغیر یولدو کئچه‌جه‌ییم باخ بو یول،
فرقی یوخدو چوبان اول، یا ناظیر اول.
ائیواز قارداش، اؤلوم گلیر، حاضیر اول!
یارانمیسان، بیر گئجه ده اؤلدو وار،
بو دونیانین، گؤر، نه بویدا دردی وار!...
#یتیم_ائیواز
#شعر_اوجاغی
@SheirOcagi
Telegram
attach 📎
▫️آخیری یوخدو دونیانین.
دئییرلر قیامت اولاجاق، قارداش!
دئمه‌لی آخیری یوخدو دونیانین.
آغلاماقدان گؤزده قالماییبدی یاش،
کدری، درد-غمی چوخدو دونیانین،
دئمه‌لی آخیری یوخدو دونیانین.
بس اوندا بو دونیا نه‌یه گووَنیر؟!
ایچینده میلّت‌لر گزیر، دولانیر.
دوخسان دؤرد فاییزی ییغیر، دیله‌نیر،
بئش-آلتی فاییزی توخدو دونیانین،
دئمه‌لی آخیری یوخدو دونیانین.
ائله ازل گوندن بؤیوک جهانا،
نئچه اوغول وئریب او قدر آنا.
دونیانین سولطانی او سلیمانا،
قالمادی نه تاجی-تختی دونیانین،
دئمه‌لی آخیری یوخدو دونیانین.
قانونو-قایداسی چوخدان پوزولوب،
مردینه همیشه قویو قازیلیب.
ازلدن سن دئمه قارا یازیلیب-
آی قارداش! طالعی-بختی دونیانین،
دئمه‌لی آخیری یوخدو دونیانین.
نئچه سینمایانلار سیندی، اَییلدی،
مظلوملار، یتیم‌لر گونده دؤیولدو.
ایگیرمی ایل قاباق بئله دئییلدی،
نه‌دنسه زیبیلی چیخدی دونیانین،
دئمه‌لی آخیری یوخدو دونیانین.
گؤز ده وئرمه‌دیلر باخماغا، قارداش!
اؤزومو یاندیریب-یاخماغا، قارداش!
فلک باجارمادی ییخماغا قارداش! -
نامردی، نادانی ییخدی دونیانین،
دئمه‌لی آخیری یوخدو دونیانین.
«ائیواز!» سن گؤرمه‌یه نئچه یاز قالیب،
نئچه کامان سوسوب، نئچه ساز قالیب.
دئییرلر آخرته لاپ بیر آز قالیب.
دئیه‌سن چاتیبدی واختی دونیانین،
دئمه‌لی آخیری یوخدو دونیانین...
#یتیم_ائیواز
#شعر_اوجاغی
@SheirOcagi
دئییرلر قیامت اولاجاق، قارداش!
دئمه‌لی آخیری یوخدو دونیانین.
آغلاماقدان گؤزده قالماییبدی یاش،
کدری، درد-غمی چوخدو دونیانین،
دئمه‌لی آخیری یوخدو دونیانین.
بس اوندا بو دونیا نه‌یه گووَنیر؟!
ایچینده میلّت‌لر گزیر، دولانیر.
دوخسان دؤرد فاییزی ییغیر، دیله‌نیر،
بئش-آلتی فاییزی توخدو دونیانین،
دئمه‌لی آخیری یوخدو دونیانین.
ائله ازل گوندن بؤیوک جهانا،
نئچه اوغول وئریب او قدر آنا.
دونیانین سولطانی او سلیمانا،
قالمادی نه تاجی-تختی دونیانین،
دئمه‌لی آخیری یوخدو دونیانین.
قانونو-قایداسی چوخدان پوزولوب،
مردینه همیشه قویو قازیلیب.
ازلدن سن دئمه قارا یازیلیب-
آی قارداش! طالعی-بختی دونیانین،
دئمه‌لی آخیری یوخدو دونیانین.
نئچه سینمایانلار سیندی، اَییلدی،
مظلوملار، یتیم‌لر گونده دؤیولدو.
ایگیرمی ایل قاباق بئله دئییلدی،
نه‌دنسه زیبیلی چیخدی دونیانین،
دئمه‌لی آخیری یوخدو دونیانین.
گؤز ده وئرمه‌دیلر باخماغا، قارداش!
اؤزومو یاندیریب-یاخماغا، قارداش!
فلک باجارمادی ییخماغا قارداش! -
نامردی، نادانی ییخدی دونیانین،
دئمه‌لی آخیری یوخدو دونیانین.
«ائیواز!» سن گؤرمه‌یه نئچه یاز قالیب،
نئچه کامان سوسوب، نئچه ساز قالیب.
دئییرلر آخرته لاپ بیر آز قالیب.
دئیه‌سن چاتیبدی واختی دونیانین،
دئمه‌لی آخیری یوخدو دونیانین...
#یتیم_ائیواز
#شعر_اوجاغی
@SheirOcagi
▫️گؤر نه گونه قالیب یازیق طبیعت!
بولبول ماسکا تاخیب قارغالیق ائدیر.
قارغاسینین گونو پیس کئچمیر آنجاق،
قارتاللار اوستونده دارغالیق ائدیر.
یاراما توخونما، یارام شیش ائیلر!
سولوب گئدیب واختسیز، جنّت گوشه‌لر.
آسلانسیز، پلنگ‌سیز قالیب مئشه‌لر،
چوخوندا چاققاللار آغالیق ائدیر.
شاعیر، نه دورموسان؟ گل بیر قاباغا!
سؤزون یوخدو، وئریم باشدا یازماغا.
سودا گون گؤرمه‌ین عاجیز قورباغا،
چیخیب شوم ایچینده یورغالیق ائدیر.
قارتال عاجیز قالیر گؤیه اوچاندا،
ترلان قایناق سالیر قاناد آچاندا.
پیشیگین اؤنونده بالا سیچان دا،
گزیر، فورس ائله‌ییر، لووغالیق ائدیر.
منیم سؤزلریمده یوخدور ظارافات،
کورامال کئفده‌دی، گورزه ناراحات.
تزه بیر خبر وار، سرین سالامات:
تولکو جوجه‌لره آنالیق ائدیر.
«ائیواز!» قوی سولماسین آرزو-دیلک‌لر،
حقیقت یازسینلار یازان اورک‌لر!
جاناوارین قاباغیندا پلنگ‌لر،
قویروغون بولاییب تولالیق ائدیر...
#یتیم_ائیواز
#شعر_اوجاغی
@SheirOcagi
بولبول ماسکا تاخیب قارغالیق ائدیر.
قارغاسینین گونو پیس کئچمیر آنجاق،
قارتاللار اوستونده دارغالیق ائدیر.
یاراما توخونما، یارام شیش ائیلر!
سولوب گئدیب واختسیز، جنّت گوشه‌لر.
آسلانسیز، پلنگ‌سیز قالیب مئشه‌لر،
چوخوندا چاققاللار آغالیق ائدیر.
شاعیر، نه دورموسان؟ گل بیر قاباغا!
سؤزون یوخدو، وئریم باشدا یازماغا.
سودا گون گؤرمه‌ین عاجیز قورباغا،
چیخیب شوم ایچینده یورغالیق ائدیر.
قارتال عاجیز قالیر گؤیه اوچاندا،
ترلان قایناق سالیر قاناد آچاندا.
پیشیگین اؤنونده بالا سیچان دا،
گزیر، فورس ائله‌ییر، لووغالیق ائدیر.
منیم سؤزلریمده یوخدور ظارافات،
کورامال کئفده‌دی، گورزه ناراحات.
تزه بیر خبر وار، سرین سالامات:
تولکو جوجه‌لره آنالیق ائدیر.
«ائیواز!» قوی سولماسین آرزو-دیلک‌لر،
حقیقت یازسینلار یازان اورک‌لر!
جاناوارین قاباغیندا پلنگ‌لر،
قویروغون بولاییب تولالیق ائدیر...
#یتیم_ائیواز
#شعر_اوجاغی
@SheirOcagi
▫️سن بیر زمانه‌یه، سن بیر گونه باخ!
دیلسیزلر قاش-گؤزله صؤحبت ائیله‌ییر.
بیر یاندا اژدها آچیر آغزینی،
بیر قیزیل ایلانا مینّت ائیله‌ییر.
و بیر آسلان گزیر اؤکوز نازی‌یلا،
آیی نعره چکیر اؤز آوازی‌یلا.
جاناوار یول گئدیر قویون-قوزویلا،
چاققال اؤردک-قازا حؤرمت ائیله‌ییر.
بوردا نه «امّا» وار، نه ده کی «تهَر»،
غمین من چکیرم آخشام‌لا سحر.
گورزه ده بیر قابا دولدوروب زهر،
ایچینه قند آتیب شربت ائیله‌ییر.
شاعیر اؤز شعرینه وورماز رنگی،
وورولسا پوزولار سؤزون آهنگی.
تولکولر چاغیریر بعضاً پلنگی،
اونلا «تمیزلیک»دن صؤحبت ائیله‌ییر...
#یتیم_ائیواز
#شعر_اوجاغی
@SheirOcagi
دیلسیزلر قاش-گؤزله صؤحبت ائیله‌ییر.
بیر یاندا اژدها آچیر آغزینی،
بیر قیزیل ایلانا مینّت ائیله‌ییر.
و بیر آسلان گزیر اؤکوز نازی‌یلا،
آیی نعره چکیر اؤز آوازی‌یلا.
جاناوار یول گئدیر قویون-قوزویلا،
چاققال اؤردک-قازا حؤرمت ائیله‌ییر.
بوردا نه «امّا» وار، نه ده کی «تهَر»،
غمین من چکیرم آخشام‌لا سحر.
گورزه ده بیر قابا دولدوروب زهر،
ایچینه قند آتیب شربت ائیله‌ییر.
شاعیر اؤز شعرینه وورماز رنگی،
وورولسا پوزولار سؤزون آهنگی.
تولکولر چاغیریر بعضاً پلنگی،
اونلا «تمیزلیک»دن صؤحبت ائیله‌ییر...
#یتیم_ائیواز
#شعر_اوجاغی
@SheirOcagi
▫️دؤنمه دوزن‌لرده دومانا، چنه،
گؤرون داغ باشیندا، دوم‌آغ قار کیمی!
بیر ده خواهیشیم وار، دئییرم سنه:
چین اول، قلبلرده آرزولار کیمی!
یئرین اولسون سنین تویدا، بوساطدا،
سنه حؤرمت ائدر، خالق، جاماعات دا.
چاققال کیمی یاشامایاق حیاتدا،
یاشاساق، یاشایاق جاناوار کیمی!
ساخلایاق آرادا دائیم پرده بیز،
فرقی یوخ خئییرده یا دا شرده بیز.
گؤرسه‌نک دائیما ذیروه‌لرده بیز-
عئیبی یوخ -قویگینان- قارتاللار کیمی.
#یتیم_ائیواز
#شعر_اوجاغی
@SheirOcagi
گؤرون داغ باشیندا، دوم‌آغ قار کیمی!
بیر ده خواهیشیم وار، دئییرم سنه:
چین اول، قلبلرده آرزولار کیمی!
یئرین اولسون سنین تویدا، بوساطدا،
سنه حؤرمت ائدر، خالق، جاماعات دا.
چاققال کیمی یاشامایاق حیاتدا،
یاشاساق، یاشایاق جاناوار کیمی!
ساخلایاق آرادا دائیم پرده بیز،
فرقی یوخ خئییرده یا دا شرده بیز.
گؤرسه‌نک دائیما ذیروه‌لرده بیز-
عئیبی یوخ -قویگینان- قارتاللار کیمی.
#یتیم_ائیواز
#شعر_اوجاغی
@SheirOcagi
▫️كولک نه یامان اسیر!
كولك هارا تله‌سیر؟
نییه سؤزومو كسیر؟
قویمور دانیشیم من،
یانیم من، آلیشیم من.
شاختا وورور اوزومو،
یاش آپاریر گؤزومو،
یار ائشیتمیر سؤزومو،
مندن اینجیییب كوسوب.
كولك نه یامان اسیر!
كولك هارا تله‌سیر؟
وورور شاعیره یارا،
چكیر قلبینی دارا.
تلَس! گئج اولار سونرا،
چونكی عؤمور تله‌سیر.
كولک نه یامان اسیر!
كولک هارا تله‌سیر؟
نییه سؤزومو كسیر؟
قویمور دانیشیم من،
یانیم من، آلیشیم من.
#یتیم_ائیواز
#شعر_اوجاغی
@SheirOcagi
كولك هارا تله‌سیر؟
نییه سؤزومو كسیر؟
قویمور دانیشیم من،
یانیم من، آلیشیم من.
شاختا وورور اوزومو،
یاش آپاریر گؤزومو،
یار ائشیتمیر سؤزومو،
مندن اینجیییب كوسوب.
كولك نه یامان اسیر!
كولك هارا تله‌سیر؟
وورور شاعیره یارا،
چكیر قلبینی دارا.
تلَس! گئج اولار سونرا،
چونكی عؤمور تله‌سیر.
كولک نه یامان اسیر!
كولک هارا تله‌سیر؟
نییه سؤزومو كسیر؟
قویمور دانیشیم من،
یانیم من، آلیشیم من.
#یتیم_ائیواز
#شعر_اوجاغی
@SheirOcagi
▫️عؤمرون چوخو گئدیب، آزی قالیبدی،
قیشی اؤتوب کئچیب یازی قالیبدی.
سینه‌مده یازمالی یازی قالیبدی،
بیر اوغول گزیرم، یازا دردیمی.
یوخولار گؤرورم قاتما-قاریشیق،
یوخولار الینده چاشیب قالمیشیق.
دئییرم نولاردی بیر غملی عاشؽق،
کؤچورده اوچ تئللی سازا دردیمی؟
بیر اوغلان یوخدو کی یازا دردیمی؟!
گونده بیر دون گئییر بو ظالیم فلک،
دؤزور هر آغری‌یا-آجی‌یا اورک.
دئییرم آی «ائیواز!» نولار بو فلک،
گؤتوره قلمی، پوزا دردیمی.
بیر اوغلان یوخدو کی یازا دردیمی؟!
#یتیم_ائیواز
#شعر_اوجاغی
@SheirOcagi
قیشی اؤتوب کئچیب یازی قالیبدی.
سینه‌مده یازمالی یازی قالیبدی،
بیر اوغول گزیرم، یازا دردیمی.
یوخولار گؤرورم قاتما-قاریشیق،
یوخولار الینده چاشیب قالمیشیق.
دئییرم نولاردی بیر غملی عاشؽق،
کؤچورده اوچ تئللی سازا دردیمی؟
بیر اوغلان یوخدو کی یازا دردیمی؟!
گونده بیر دون گئییر بو ظالیم فلک،
دؤزور هر آغری‌یا-آجی‌یا اورک.
دئییرم آی «ائیواز!» نولار بو فلک،
گؤتوره قلمی، پوزا دردیمی.
بیر اوغلان یوخدو کی یازا دردیمی؟!
#یتیم_ائیواز
#شعر_اوجاغی
@SheirOcagi
▫️عؤمروم داغدا-داشدا کئچیبدی منیم،
سیلدیریم قایالار دفع ائیله‌میشم.
قلبیمه او قدر دَییبلر منیم!
من‌سه باغیشلاییب عفو ائیله‌میشم.
اینجیمه‌دیم هئچ واخت دوستون سؤزوندن،
چون کئچه بیلمه‌دیم دوستون اۆزۆندن.
ایندی هامسی گلیر ایکی گؤزومدن-
گنجلیکده نه قدر کئف ائیله‌میشم.
وئرمیشم قلبیمه تابی-دؤزومو،
دئیه بیلمه‌میشم اورک سؤزومو.
«ائیواز»ام آی قارداش، اؤزوم اؤزومو
ساغلیقدا بیر یوللوق محو ائیله‌میشم.
#یتیم_ائیواز
#شعر_اوجاغی
@SheirOcagi
سیلدیریم قایالار دفع ائیله‌میشم.
قلبیمه او قدر دَییبلر منیم!
من‌سه باغیشلاییب عفو ائیله‌میشم.
اینجیمه‌دیم هئچ واخت دوستون سؤزوندن،
چون کئچه بیلمه‌دیم دوستون اۆزۆندن.
ایندی هامسی گلیر ایکی گؤزومدن-
گنجلیکده نه قدر کئف ائیله‌میشم.
وئرمیشم قلبیمه تابی-دؤزومو،
دئیه بیلمه‌میشم اورک سؤزومو.
«ائیواز»ام آی قارداش، اؤزوم اؤزومو
ساغلیقدا بیر یوللوق محو ائیله‌میشم.
#یتیم_ائیواز
#شعر_اوجاغی
@SheirOcagi
▫️دؤوران بئله گئتمز.
دؤوران بئله گئتمز، بیر گون دوزه‌لر،
بو غملی کؤنول‌لر یئنه گوله‌جک.
چیچکدن ده گؤزل عطیرلی گونلر،
بیزیم ده کندلره گلیب دؤنه‌جک.
فلک چوخلارینی اودوب یئییبدی،
پیس ایشلر تؤرَتمه، ائلدن عاییب‌دی!
آتامیز، بابامیز گؤزل دئییبدی:
آرخا سو گلیبسه، یئنه گله‌جک.
قوی ائللر بورونسون توی لیباسینا،
توی دوشسون هامینین ائل-اوباسینا!
شاعیر، آت بالیغی اؤز دریاسینا!
بالیق دا بیلمه‌سه خالیق بیله‌جک.
#یتیم_ائیواز
#شعر_اوجاغی
@SheirOcagi
دؤوران بئله گئتمز، بیر گون دوزه‌لر،
بو غملی کؤنول‌لر یئنه گوله‌جک.
چیچکدن ده گؤزل عطیرلی گونلر،
بیزیم ده کندلره گلیب دؤنه‌جک.
فلک چوخلارینی اودوب یئییبدی،
پیس ایشلر تؤرَتمه، ائلدن عاییب‌دی!
آتامیز، بابامیز گؤزل دئییبدی:
آرخا سو گلیبسه، یئنه گله‌جک.
قوی ائللر بورونسون توی لیباسینا،
توی دوشسون هامینین ائل-اوباسینا!
شاعیر، آت بالیغی اؤز دریاسینا!
بالیق دا بیلمه‌سه خالیق بیله‌جک.
#یتیم_ائیواز
#شعر_اوجاغی
@SheirOcagi
Forwarded from اتچ بات
▫️آخیری یوخدو دونیانین.
دئییرلر آخرت گلیب چاتاجاق،
دئمه‌لی آخیری یوخدو دونیانین.
آغلاماقدان گؤزده یاش دا قالماییب،
کدری، درد-غمی چوخدو دونیانین،
دئمه‌لی آخیری یوخدو دونیانین.
بس اوندا بو دونیا نه‌یه گووَنیر؟!
ایچینده میلّت‌لر گزیر، دولانیر.
دوخسان دؤرد فاییزی ییغیر، دیله‌نیر،
بئش-آلتی فاییزی توخدو دونیانین،
دئمه‌لی آخیری یوخدو دونیانین.
ائله ازل گوندن بؤیوک جهانا،
نئچه اوغول وئریب او قدر آنا.
دونیانین سولطانی او سلیمانا،
قالماییب نه تاجی-تختی دونیانین،
دئمه‌لی آخیری یوخدو دونیانین.
قانونو-قایداسی چوخدان پوزولوب،
مردینه هر یئرده قویو قازیلیب.
ازلدن سن دئمه قارا یازیلیب-
آی قارداش! طالعی-بختی دونیانین،
دئمه‌لی آخیری یوخدو دونیانین.
نئچه سینمایانلار سیندی، اَییلدی،
مظلوملار، فاغیرلار گونده دؤیولدو.
اون دوققوز ایل قاباق بئله دئییلدی،
آی قارداش، زیبیلی چیخدی دونیانین،
دئمه‌لی آخیری یوخدو دونیانین.
گؤز ده وئرمه‌دیلر باخماغا، قارداش!
اؤزومو یاندیریب-یاخماغا، قارداش!
فلک باجارمادی ییخماغا قارداش! -
نامردی، نادانی ییخدی دونیانین،
دئمه‌لی آخیری یوخدو دونیانین.
«ائیواز!» سن گؤرمه‌یه نئچه یاز قالیب،
نئچه کامان سوسوب، نئچه ساز قالیب.
دئییرلر آخرته لاپ بیر آز قالیب.
دئیه‌سن چاتیبدی واختی دونیانین،
دئمه‌لی آخیری یوخدو دونیانین...
#یتیم_ائیواز
#شعر_اوجاغی
@SheirOcagi
دئییرلر آخرت گلیب چاتاجاق،
دئمه‌لی آخیری یوخدو دونیانین.
آغلاماقدان گؤزده یاش دا قالماییب،
کدری، درد-غمی چوخدو دونیانین،
دئمه‌لی آخیری یوخدو دونیانین.
بس اوندا بو دونیا نه‌یه گووَنیر؟!
ایچینده میلّت‌لر گزیر، دولانیر.
دوخسان دؤرد فاییزی ییغیر، دیله‌نیر،
بئش-آلتی فاییزی توخدو دونیانین،
دئمه‌لی آخیری یوخدو دونیانین.
ائله ازل گوندن بؤیوک جهانا،
نئچه اوغول وئریب او قدر آنا.
دونیانین سولطانی او سلیمانا،
قالماییب نه تاجی-تختی دونیانین،
دئمه‌لی آخیری یوخدو دونیانین.
قانونو-قایداسی چوخدان پوزولوب،
مردینه هر یئرده قویو قازیلیب.
ازلدن سن دئمه قارا یازیلیب-
آی قارداش! طالعی-بختی دونیانین،
دئمه‌لی آخیری یوخدو دونیانین.
نئچه سینمایانلار سیندی، اَییلدی،
مظلوملار، فاغیرلار گونده دؤیولدو.
اون دوققوز ایل قاباق بئله دئییلدی،
آی قارداش، زیبیلی چیخدی دونیانین،
دئمه‌لی آخیری یوخدو دونیانین.
گؤز ده وئرمه‌دیلر باخماغا، قارداش!
اؤزومو یاندیریب-یاخماغا، قارداش!
فلک باجارمادی ییخماغا قارداش! -
نامردی، نادانی ییخدی دونیانین،
دئمه‌لی آخیری یوخدو دونیانین.
«ائیواز!» سن گؤرمه‌یه نئچه یاز قالیب،
نئچه کامان سوسوب، نئچه ساز قالیب.
دئییرلر آخرته لاپ بیر آز قالیب.
دئیه‌سن چاتیبدی واختی دونیانین،
دئمه‌لی آخیری یوخدو دونیانین...
#یتیم_ائیواز
#شعر_اوجاغی
@SheirOcagi
Telegram
attach 📎