🔸اؤفکه لی،
ایچی بوش،
یالنیز،
آلدانمیش،
بیز، وحشت موزئی لری ییک...

#چارلز_بوکوفسکی
@SheirOcagi

▫️سایمازدان، یانیندان کئچدییین هر بیر قادین،
بیر زامان،
بیر کیشینین دونیاسینین بوتونلوگو ایمیش.

اتوبوسدان ائنن و سن معصوم ساندیغین قادین،
همن عادی گؤزلرله
و داها عادی چانتایلا،
بیر گون،
بیر یئرده،
بیرینه اود ووروب؛
همن عادی باجاقلار،
و اوزون بارماقلارلا...

شک ائله مه یک:
بیر کیشی وار،
هله ده،
دونیانین بیر یئرینده،
گؤزله ییر:
او قادین،
خوشبخت لییی همن عادی دری چانتادا،
اونون ائوینه آپارا...

#چارلز_بوکوفسکی (۱۹۲۰ - ۱۹۹۴) آمریکا
چئویری
#شعر_اوجاغی
@SheirOcagi

▫️عاشیقانه سئودیین شئیی تاپ
و بوراخ اؤلدورسون سنی!
بوراخ بوغسون سنی،
بوتون وارلیغیندا!

بوراخ اوموزلارینا یاپیشسین،
آغیرلاشدیرسین سنی،
بوشلوغا طرف آپارسین!
بوراخ اؤلدورسون سنی،
و‌ تامامینی اودسون!
چونکو‌ هر بیر شئی اؤلدوره‌جک سنی،
تئز یا گئج.
آنجاق نه یاخشی کی سئودییین شئی
اؤلدورسون سنی...!

#چارلز_بوکوفسکی
#شعر_اوجاغی
@SheirOcagi

▫️عؤمروم بویونجا، ایکی دفعه بو شهرین یانماغینی گؤرموشم و ان اؤنملی قونو، سیاست آداملارینین اولایدان سونرا یئتیشمه‌سی‌ اولوبدور، یوخسول‌لار و اونلارین نفعینه یئنی چیخیش یوللاری گؤسته‌ره‌رک...

کئچن سفر، بیر شئی دوزَلمه‌دی؛ بو سفر ده دوزَلمه‌یه‌جک. یوخسول‌لار، یوخسول قالاجاق؛ ایش‌سیزلر، ایش‌سیز؛ یوواسیزلار دا کئچمیشده‌کی کیمی...
سیاست آداملاری ایسه، داماقلاری چاغ، بو هنده‌ورده، نشه‌لی و صفالی، یاشام‌لارینی سوردوره‌جکلر...

📚 بیر شاعیر، بیر ماوی قوشلا
#چارلز_بوکوفسکی
#شعر_اوجاغی
@SheirOcagi

▫️یادیندا قالسین...:
بو دونیادا ایکینجی اوستون شئی، گئجه‌نین راحات یوخوسودور
و ان اوستونو، دینج بیر اؤلوم...!

#چارلز_بوکوفسکی
#شعر_اوجاغی
@SheirOcagi

▫️همشه ساناردیم: قوجالیقدان زهله‌م گئتمه‌یه سبب اولان شئی، اوزون قیریشیق‌لاری، ال‌لرین تیتره‌مه‌‌سی و بوتونلویومه سؤز گتیرن تام عاجیزلیییم‌دیر.
آنجاق ایندی باشقا دوشونجه‌م وار. قوجالیقدا منی داها چوخ اینجیدن شئی، خاطیره‌لر چوخلوغونون اؤنونده، یالنیز اولماق دیر....

#چارلز_بوکوفسکی
#شعر_اوجاغی
@SheirOcagi

▫️قیش ایدی. «نیویورک»دا یازیچی اولماق اوچون چابالاییردیم. اوچ-دؤرد گون ایدی یئمک یئمه‌میشدیم.. سونوندا «چوخ میقداردا پاتلامیش مکه یئمک ایسته‌ییرم» دئمه‌یه بیر فورصت ال وئردی و...
آللاهیم...! چوخدان ایدی بیر یئمک آغزیما بو قدر داد وئرمه‌میشدی. هر تیکه‌سی و هر بیر دنه‌سی بیر تیکه ائستئیک کیمی‌یدی. اونلاری چئینه‌ییردیم و دوز معده‌مه دوشوردو. معده‌م «تشکّورلر، تشکّورلر» دئییردی.جنّتده ایمیشم کیمی، بئله‌ آددیملاییردیم.
بیردن ایکی نفر گؤروندو، بیری او بیریسینه دئدی: «آه تانریم...!!» قارشی طرف سوروشدو: «نه اولدو...؟؟» اوّلکی آدام دئدی: «او مکه یئین آدامی گؤردون؟! قورخونج ایدی.»
او سؤزدن سونرا داها مکه‌لری یئمکدن لذّت آپارمادیم. اؤزو-اؤزومه دئدیم: «منظورو «قورخونج»دان نه ایدی؟! من کی جنّتده سئیر ائدیردیم.»

گاهن بو راحاتلیقدا بیر کلمه‌یله، بیر جومله‌یله، بیر اوز حالتیله، اینسانلاری اؤز جنّتلریندن دیشاری چکه بیلیریک و بو گئرچکدن ده ان آجیماسیزجا ایشدیر.
باشیمیزی سوخوروق، بیزه هئچ دخلی اولمایان، بیزله ایشی اولمایان، بیزدن بیر شئی سوروشمایان، ایسته‌مه‌ین... بیرینین حیاتینا. آغزیمیزی آچیریق و اونو اؤز جنتیندن اوزاقلاشدیریریق....


📚 بیر شاعیر ماوی بیر قوشلا
#چارلز_بوکوفسکی
#شعر_اوجاغی
@SheirOcagi

▫️شاعیرین، اوزونتویه، سیخینتی‌یا همن قدر احتیاجی وار، کی یازی ماکیناسینا...

#چارلز_بوکوفسکی
#شعر_اوجاغی
@SheirOcagi

▫️جهنّم، اؤزون یاراتدیغین بیر شئی‌دیر...

📚 خالق بیَنن
#چارلز_بوکوفسکی
#شعر_اوجاغی
@SheirOcagi

▫️پرده‌لری چکدیم، قاپی زنگینین اوستونو کؤهنه قوماشلارلا اؤرتدوم، تئلفونو بوز دولابینا قویدوم و تام اوچ گون یاتاقدا قالدیم.
کیمسه‌نین اوره‌یی منه داریخمادی و هامیسیندان یاخشیسی دا بوراسی‌یدی...

#چارلز_بوکوفسکی
#شعر_اوجاغی
@SheirOcagi

▫️یادیندا قالسین...:
بو دونیادا ایکینجی اوستون شئی، گئجه‌نین راحات یوخوسودور
و ان اوستونو، دینج بیر اؤلوم...!

#چارلز_بوکوفسکی
#شعر_اوجاغی
@SheirOcagi

▫️یان‌-یانا یئریمه‌یک دئیه، دار دوزَلدیلمیشدی کوچه‌لر. و یئنه یان‌-یانا یئریمه‌یک دئیه، دار دوشونجه‌لی‌یدی اینسانلار....

📚چؤرک آراسی
#چارلز_بوکوفسکی
@SheirOcagi

▫️ سئودییینیز اینسانلارین بورجونو، عطرینی، بیلیرسینیز آمما قورخولاریندان، پئشمانلیق‌لاریندان، خیال قیریقلیق‌لاریندان خبرینیز یوخدور‌‌...

📚 ان قیسا آن‌دیر مؤعجوزه
#چارلز_بوکوفسکی
#شعر_اوجاغی
@SheirOcagi

▫️اینسانلاردان نیفرت ائتمیرم، آما اونلار اطرافیمدا اولمایاندا اؤزومو داها خوشبخت حیسّ ائدیرم...

#چارلز_بوکوفسکی
#شعر_اوجاغی
@SheirOcagi

▫️هردن دلی‌خانایا دوشدویونو ظنّ ائدیرسن. اصلینده باخاندا ائله بئله‌دیر. بو سفئه‌لرین هر بیری، یانیندا اوتوران دیگر آخماقلاردان داها چوخ بیلدییینی دوشونور...

📚 هالیوود
#چارلز_بوکوفسکی
#شعر_اوجاغی
@SheirOcagi

▫️موتلو اولانلارین هامیسی یاتیب ایندی؛ موتسوز اولانلارا سلام اولسون...

#چارلز_بوکوفسکی
#شعر_اوجاغی
@SheirOcagi

▫️نه غریب بیر سیرک‌دیر! بیز هامیمیز اؤله‌جه‌ییک، هامیمیز...
بو مسئله تک باشینا، بیر-بیریمیزی سئومه‌ییمیز اوچون یئترلی‌ اولمالی‌دیر، آمّا دئییل.
بیز حیاتین کیچیک سورونلارینین اؤنونده هورکوب ییخیلیریق.
بیز حیاتین جفنگیاتیندا باتیب قالمیشیق...

#چارلز_بوکوفسکی
#شعر_اوجاغی
@SheirOcagi

▫️اینسانلارین چوخو، ساده‌جه اؤزلری عدالتسیزلیگه دوشنده، اونو دوشونورلر.

#چارلز_بوکوفسکی
#شعر_اوجاغی
@SheirOcagi

▫️آما گؤزلرین گؤزل‌دیر،
دلی‌دیر، وحشی‌دیر،
اود توتموش بیر مئشه‌دن فیرلایان
بیر حئیوان کیمی.

#چارلز_بوکوفسکی
#شعر_اوجاغی
@SheirOcagi

▫️هر شئی، گئجه‌نین دارلیغیندا خاطیرلادیغینیز سون آدامدا خولاصه اولور. اوره‌یینیز اوردادیر.

#چارلز_بوکوفسکی
#شعر_اوجاغی
@SheirOcagi