▫️سونوندا،
کؤنول وئرمک ایسته‌دیگیم تک اینسان،
سنسن.
سن گؤی‌اوزونده ایشیق رقص‌لرینی سئیر ائدیرسن،
من‌سه سنین گؤزلرینی.
#اولگا_بروماس
#شعر_اوجاغی
@SheirOcagi
کؤنول وئرمک ایسته‌دیگیم تک اینسان،
سنسن.
سن گؤی‌اوزونده ایشیق رقص‌لرینی سئیر ائدیرسن،
من‌سه سنین گؤزلرینی.
#اولگا_بروماس
#شعر_اوجاغی
@SheirOcagi
▫️آیریلارکن
دینله، سئودیگیم! بو آیریلیق ساعاتی‌‌دیر.
دونیا وار اولاندان بری، چیرکین و سویوق.
ارکن ایچه‌جه‌ییمیز بیر درمان کیمی،
دادی دوداقلاریمیزدا آجیمسی، بۇرۇق*
بو ساعاتدا گؤزیاشلاری، یمین‌لر،
بوش بیر تسلّی‌دیر ایناندیغیمیز.
پرده قاپانماقدا، فیلیم بیتمکده،
ایشده، او هئچ بیتمه‌یه‌جک ساندیغیمیز.
گؤرورسن، دانیشاجاق بیر شئییمیز قالمادی،
ساده‌جه باخیشلاریمیزدا حوزون.
ایشده آیریلیق بو؛ هئچ گؤزله‌مه‌دیگیمیز،
او، ایکیز قارداشی اؤلومون.
آنلاییرام، بیر داها گؤروشمه‌یه‌جه‌ییک،
بو سون گؤروشمه‌میزدیر سنینله.
یئنی بیر حیاتا باشلایاجاقسان آرتیق،
اونونلا، او یئنی سئوگیلین‌له.
آنلاییرام آرتیق، او اؤپه‌جک اللرینی،
قولاغینا آسقی او فیسیلدایاجاق.
ایچینده بیر پئشمانلیقدان باشا
مندن اثر قالمایاجاق.
سیقارانی سؤندور، قالخا بیله‌ریک.
اون آددیم سونرا یوللاریمیز آیریلمالی!
ساقین، آغلاما و بیر شئی سؤیله‌مه منه!
اینسان آیریلارکن بئله، بؤیوک اولمالی!
#اومید_یاشار_اوغوزجان
* ککره-گس
#شعر_اوجاغی
@SheirOcagi
دینله، سئودیگیم! بو آیریلیق ساعاتی‌‌دیر.
دونیا وار اولاندان بری، چیرکین و سویوق.
ارکن ایچه‌جه‌ییمیز بیر درمان کیمی،
دادی دوداقلاریمیزدا آجیمسی، بۇرۇق*
بو ساعاتدا گؤزیاشلاری، یمین‌لر،
بوش بیر تسلّی‌دیر ایناندیغیمیز.
پرده قاپانماقدا، فیلیم بیتمکده،
ایشده، او هئچ بیتمه‌یه‌جک ساندیغیمیز.
گؤرورسن، دانیشاجاق بیر شئییمیز قالمادی،
ساده‌جه باخیشلاریمیزدا حوزون.
ایشده آیریلیق بو؛ هئچ گؤزله‌مه‌دیگیمیز،
او، ایکیز قارداشی اؤلومون.
آنلاییرام، بیر داها گؤروشمه‌یه‌جه‌ییک،
بو سون گؤروشمه‌میزدیر سنینله.
یئنی بیر حیاتا باشلایاجاقسان آرتیق،
اونونلا، او یئنی سئوگیلین‌له.
آنلاییرام آرتیق، او اؤپه‌جک اللرینی،
قولاغینا آسقی او فیسیلدایاجاق.
ایچینده بیر پئشمانلیقدان باشا
مندن اثر قالمایاجاق.
سیقارانی سؤندور، قالخا بیله‌ریک.
اون آددیم سونرا یوللاریمیز آیریلمالی!
ساقین، آغلاما و بیر شئی سؤیله‌مه منه!
اینسان آیریلارکن بئله، بؤیوک اولمالی!
#اومید_یاشار_اوغوزجان
* ککره-گس
#شعر_اوجاغی
@SheirOcagi
▫️کیمسه بیزه یاردیم ائتمه‌یه‌جک. بیز اؤزوموز یوباتمادان، اؤز یاشامیمیزی قایداسینا سالمالی‌ییق.
📚 کورلوق
#ژوزه_ساراماگو
#شعر_اوجاغی
@SheirOcagi
📚 کورلوق
#ژوزه_ساراماگو
#شعر_اوجاغی
@SheirOcagi
▫️آزالیر قاپیدا ایت ساخلایانلار.
کوچوک‌لر یووایا یوووشمور داها،
ایتلر یوواسینی بوش ساخلاییرلار.
یالاق¹ ایتدن باها، یال² ایتدن باها،
آداملار بیر تهر باش ساخلاییرلار،
آزالیر قاپیدا ایت ساخلایانلار.
ایتلر عاغیللانیب، نه سؤی، نه قینا!
نه قاپی قورویور، نه دام ساخلاییر.
آداملار اوز توتور ایت قاپیسینا،
ایتلر قاپیسیندا آدام ساخلاییر،
آزالیر قاپیدا ایت ساخلایانلار.
کورسو آیاغیندا، زنجیر دؤشونده،
کؤپوکلو سؤزلردن ایت اییی گلیر.
آداملار محو اولور یال دؤیوشونده،
ایتلرین آغزیندان ات اییی گلیر،
آزالیر قاپیدا ایت ساخلایانلار.
دری آداملارین، دیش کؤپک‌لرین،
کیمه اؤز لئشیندن روزی قالاجاق؟
آدام بوغوشدورور تازی‌لار ایندی،
تازی‌لار اؤزوندن راضی قالاجاق؟!
آزالیر قاپیدا ایت ساخلایانلار.
مینیب بیر-بیرینی سۆرۆر آداملار،
آداملار هر ایته، تولا'یا قالیب؟!
آغاجا، اولدوزا هۆرۆر آداملار،
آداملار اولایا-اولایا قالیب.
آزالیر قاپیدا ایت ساخلایانلار.
هارین‌لار³ هوَسله سوموک سانادیر،
مئیدان آدامینا، کوچه ایتینه.
دونیا، اؤزو بویدا ساللاق‌خانادیر،
نئچه آدامینا، نئچه ایتینه.
آزالیر قاپیدا ایت ساخلایانلار.
گؤر کیمین کئفینه قوراشدیریبلار،
یاری آداملاری، یاری ایتلری!
وطن! نه جانینا داراشدیریبلار،
بو قارا ایتلری، ساری ایتلری.
آزالیر قاپیدا ایت ساخلایانلار.
قاپیب بیر-بیرینی توتور آداملار،
بو خسته آداملار، قۏتور آداملار.
آرتیر ایمانینا ایت باغلایانلار،
آزالیر قاپیدا ایت ساخلایانلار.
#رامیز_قوسارچایلی
¹- ایته یال تؤکمک اوچون چوخور یئر و یا قاب
²- ایته وئریلن هوررا حالیندا یئمک
³- قودورغان- آزغین
#شعر_اوجاغی
@SheirOcagi
کوچوک‌لر یووایا یوووشمور داها،
ایتلر یوواسینی بوش ساخلاییرلار.
یالاق¹ ایتدن باها، یال² ایتدن باها،
آداملار بیر تهر باش ساخلاییرلار،
آزالیر قاپیدا ایت ساخلایانلار.
ایتلر عاغیللانیب، نه سؤی، نه قینا!
نه قاپی قورویور، نه دام ساخلاییر.
آداملار اوز توتور ایت قاپیسینا،
ایتلر قاپیسیندا آدام ساخلاییر،
آزالیر قاپیدا ایت ساخلایانلار.
کورسو آیاغیندا، زنجیر دؤشونده،
کؤپوکلو سؤزلردن ایت اییی گلیر.
آداملار محو اولور یال دؤیوشونده،
ایتلرین آغزیندان ات اییی گلیر،
آزالیر قاپیدا ایت ساخلایانلار.
دری آداملارین، دیش کؤپک‌لرین،
کیمه اؤز لئشیندن روزی قالاجاق؟
آدام بوغوشدورور تازی‌لار ایندی،
تازی‌لار اؤزوندن راضی قالاجاق؟!
آزالیر قاپیدا ایت ساخلایانلار.
مینیب بیر-بیرینی سۆرۆر آداملار،
آداملار هر ایته، تولا'یا قالیب؟!
آغاجا، اولدوزا هۆرۆر آداملار،
آداملار اولایا-اولایا قالیب.
آزالیر قاپیدا ایت ساخلایانلار.
هارین‌لار³ هوَسله سوموک سانادیر،
مئیدان آدامینا، کوچه ایتینه.
دونیا، اؤزو بویدا ساللاق‌خانادیر،
نئچه آدامینا، نئچه ایتینه.
آزالیر قاپیدا ایت ساخلایانلار.
گؤر کیمین کئفینه قوراشدیریبلار،
یاری آداملاری، یاری ایتلری!
وطن! نه جانینا داراشدیریبلار،
بو قارا ایتلری، ساری ایتلری.
آزالیر قاپیدا ایت ساخلایانلار.
قاپیب بیر-بیرینی توتور آداملار،
بو خسته آداملار، قۏتور آداملار.
آرتیر ایمانینا ایت باغلایانلار،
آزالیر قاپیدا ایت ساخلایانلار.
#رامیز_قوسارچایلی
¹- ایته یال تؤکمک اوچون چوخور یئر و یا قاب
²- ایته وئریلن هوررا حالیندا یئمک
³- قودورغان- آزغین
#شعر_اوجاغی
@SheirOcagi
▫️پئنجر¹ ییغا-ییغا گئدیر قیز-گلین،
گئدیر دۆیۆنچه‌ده ائونه‌لیک چؤرک.
باخدیقجا یولونا بو گل‌هاگلین،
دوشونجه یوغورور یادداشلی اۆرک.
دویغوم دا ترپنیر... داش دا دئییلم.
اؤتن گون‌لریم‌له گؤروشوم دئیه،
قوشولوب قیزلارا، اوچوب خیالیم،
قونورام او دؤشه، او پئنجرلیگه.
ائه، سوراق وئرمیرم آغریلی یوکدن،
بیر واختلار بو سمتده سئله دۆشردیم.
قیزلار داغا چیخیب کئفی‌کؤکلوکدن،
من‌سه یوخسوللوقدان چؤله دۆشردیم.
بعضاً باش یاراردی باشاق چیرپماغیم،
یئنه بو داغلاردان کؤمک اولاردی.
«جینجیلی جینجیلیم»، «قوماش قیرپیغیم»،
ائوه گتیردیگیم یئمک اولاردی.
اوندا «اَوه‌لیک»ین الی ایری‌یدی،
اوندا دبده ایدی «دوه‌دابانی».
«اۇنلۇجا» گؤی اۇنو، گؤی پئنجری‌یدی-
قاتی بوغلامانین²، دورو دووغانین.
بیزی اوووتمازدی نه چیچک، نه گول،
«چیریش»ی هؤرَردیک قوجاغیمیزا.
کؤکه‌لی «گؤبه‌لک»، گیله‌لی «گولول»،
توربادان داشاردی پاپاغیمیزا.
باخاردیق «چتَنه» چتیر-چتیردی،
یاغی‌لار اوداردی یاغلی دؤیمَجی.
ائله بیلردیک کی، املیک اتی‌دی،
او «قویون‌قولاغی»، «امن‌کؤمنجی».
داغلار دایاق ایدی هر بیریمیزه،
یازدا جار چکردی «جاجیق»لی داغلار.
آتالیق-آنالیق ائدردی بیزه،
دؤیوشه-داعوایا آجیقلی داغلار.
سۆده سوسامازدیق «یئملیک» یئیَنده،
«کۏرتوم» دا قویمازدی آجلیق اۇلاسین.
سۆتۆل «گیجیتکان»ی اؤزَک‌له‌ینده،
او هئچ قییمازدی کی، بیزی دالاسین.
«تورپنگ»ین تارلاسی چوخ ایدی اوندا،
تیکان‌بوینوزلویدو سۆدلو «قانقال»لار.
قوش‌گؤز «قوشَپپه‌یی» ائرکن اوچاندا،
مئیوه قیزارداردی گونئیلی کۏللار.
بویلو «بالدیرغان»ین بالدیری یومشاق،
درد ده یاشایاردی بیز آلان پای‌لا.
یاماجا اوز توتان هر جیلیز اوشاق،
گئری قاییداردی دولو تۏربایلا.
ائولره دولاردی اوتلارین چوخو،
آرتاردی بوجاغین یاشیل قالاغی.
ائونه‌لیک اولموشدو «قاطیرقویروغو»،
ائونه‌لیک اولموشدو «قوزوقولاغی».
پئنجر ییغا-ییغا گئدیر قیز-گلین،
یاغیش یاغا-یاغا گئدیر قیز-گلین.
ائه، نئجه سؤز سالیم آغریلی یوکدن؟!
بیر واختلار بو سمتده سئله دوشردیم.
قیزلار سئیره چیخیب کئفی‌کؤکلوکدن،
من‌سه یوخسوللوقدان چؤله دوشردیم.
#آغا_لاچینلی
¹- یئمه‌لی چؤل اوتلارینین عمومی آدی
²- بوخاردا بیشیریلن ات- بۏزارتما
#شعر_اوجاغی
@SheirOcagi
گئدیر دۆیۆنچه‌ده ائونه‌لیک چؤرک.
باخدیقجا یولونا بو گل‌هاگلین،
دوشونجه یوغورور یادداشلی اۆرک.
دویغوم دا ترپنیر... داش دا دئییلم.
اؤتن گون‌لریم‌له گؤروشوم دئیه،
قوشولوب قیزلارا، اوچوب خیالیم،
قونورام او دؤشه، او پئنجرلیگه.
ائه، سوراق وئرمیرم آغریلی یوکدن،
بیر واختلار بو سمتده سئله دۆشردیم.
قیزلار داغا چیخیب کئفی‌کؤکلوکدن،
من‌سه یوخسوللوقدان چؤله دۆشردیم.
بعضاً باش یاراردی باشاق چیرپماغیم،
یئنه بو داغلاردان کؤمک اولاردی.
«جینجیلی جینجیلیم»، «قوماش قیرپیغیم»،
ائوه گتیردیگیم یئمک اولاردی.
اوندا «اَوه‌لیک»ین الی ایری‌یدی،
اوندا دبده ایدی «دوه‌دابانی».
«اۇنلۇجا» گؤی اۇنو، گؤی پئنجری‌یدی-
قاتی بوغلامانین²، دورو دووغانین.
بیزی اوووتمازدی نه چیچک، نه گول،
«چیریش»ی هؤرَردیک قوجاغیمیزا.
کؤکه‌لی «گؤبه‌لک»، گیله‌لی «گولول»،
توربادان داشاردی پاپاغیمیزا.
باخاردیق «چتَنه» چتیر-چتیردی،
یاغی‌لار اوداردی یاغلی دؤیمَجی.
ائله بیلردیک کی، املیک اتی‌دی،
او «قویون‌قولاغی»، «امن‌کؤمنجی».
داغلار دایاق ایدی هر بیریمیزه،
یازدا جار چکردی «جاجیق»لی داغلار.
آتالیق-آنالیق ائدردی بیزه،
دؤیوشه-داعوایا آجیقلی داغلار.
سۆده سوسامازدیق «یئملیک» یئیَنده،
«کۏرتوم» دا قویمازدی آجلیق اۇلاسین.
سۆتۆل «گیجیتکان»ی اؤزَک‌له‌ینده،
او هئچ قییمازدی کی، بیزی دالاسین.
«تورپنگ»ین تارلاسی چوخ ایدی اوندا،
تیکان‌بوینوزلویدو سۆدلو «قانقال»لار.
قوش‌گؤز «قوشَپپه‌یی» ائرکن اوچاندا،
مئیوه قیزارداردی گونئیلی کۏللار.
بویلو «بالدیرغان»ین بالدیری یومشاق،
درد ده یاشایاردی بیز آلان پای‌لا.
یاماجا اوز توتان هر جیلیز اوشاق،
گئری قاییداردی دولو تۏربایلا.
ائولره دولاردی اوتلارین چوخو،
آرتاردی بوجاغین یاشیل قالاغی.
ائونه‌لیک اولموشدو «قاطیرقویروغو»،
ائونه‌لیک اولموشدو «قوزوقولاغی».
پئنجر ییغا-ییغا گئدیر قیز-گلین،
یاغیش یاغا-یاغا گئدیر قیز-گلین.
ائه، نئجه سؤز سالیم آغریلی یوکدن؟!
بیر واختلار بو سمتده سئله دوشردیم.
قیزلار سئیره چیخیب کئفی‌کؤکلوکدن،
من‌سه یوخسوللوقدان چؤله دوشردیم.
#آغا_لاچینلی
¹- یئمه‌لی چؤل اوتلارینین عمومی آدی
²- بوخاردا بیشیریلن ات- بۏزارتما
#شعر_اوجاغی
@SheirOcagi
|شعر اوجاغی|
▫️پئنجر¹ ییغا-ییغا گئدیر قیز-گلین، گئدیر دۆیۆنچه‌ده ائونه‌لیک چؤرک. باخدیقجا یولونا بو گل‌هاگلین، دوشونجه یوغورور یادداشلی اۆرک. دویغوم دا ترپنیر... داش دا دئییلم. اؤتن گون‌لریم‌له گؤروشوم دئیه، قوشولوب قیزلارا، اوچوب خیالیم، قونورام او دؤشه، او پئنجرلیگه.…
سئویملی دوستلار!
بو شعرین و شعرده گلن بیتگی آدلارینین حاقّیندا یازیلارینیزی گؤزله‌ییریک. ❤️🙏
بو شعرین و شعرده گلن بیتگی آدلارینین حاقّیندا یازیلارینیزی گؤزله‌ییریک. ❤️🙏
▫️هر سئوَنین شرَفی، سئودیگینین شرفی قدردیر.
هر کسین سئودیگی داها اینجه، داها شرفلی‌دیرسه، اونون سئوه‌نی داها دیَرلی‌دیر.
#مولانا
#شعر_اوجاغی
@SheirOcagi
هر کسین سئودیگی داها اینجه، داها شرفلی‌دیرسه، اونون سئوه‌نی داها دیَرلی‌دیر.
#مولانا
#شعر_اوجاغی
@SheirOcagi
▫️اینانماق ایسته‌ییرسن، آما شوبهه بئیینین بیر کۆنجۆنه چکیلیر، واخت‌آشیری گلیب دوشونجه‌لرینی بولاندیریر.
📚 13 معمّا
#آگاتا_کریستی
#شعر_اوجاغی
@SheirOcagi
📚 13 معمّا
#آگاتا_کریستی
#شعر_اوجاغی
@SheirOcagi
▫️بو حقیقت‌دیر کی...
بو حقیقت‌دیر کی، بیر سس‌له ائدیب عالم قبول:
سارسیدار افلاکی بیرلیک، اتّفاقین قووَّتی.
اتّحاد اربابینه عالَم مطیع اولموش مودام،
متّهم بیر ملّتین دائیم اوجالمیش شؤهرتی.
پارتلاسین توپلار، شراپنئل‌لر*، توفنگ‌لر، بومبلار،
اتّحادین قوّه‌ی عزمین هراسان ائیله‌مز.
پارتلاسین اودلار، آلوولار، ایلدیریملار، شؤعله‌لر،
اتّحادین اودو، قلبی ذرّه سوزان ائیله‌مز.
قلعه‌لر، بورج‌لر، دمیرلر، مؤحکم استحکام‌لار،
پوچ اولور گر اتّحادین تیغی ائتسه اجتهاد.
آرخاداشلار! وارلیغین ملّت گر ایستر ساخلاسین،
ال‌به‌ال وئرسین ده، ائتسین اتّحاد و اتّحاد!
#جعفر_جاببارلی
*ایچی یومرو گوللـه‌لرله دولدورولموش توپ گوللـه‌سی (Şrapnel)
#شعر_اوجاغی
@SheirOcagi
بو حقیقت‌دیر کی، بیر سس‌له ائدیب عالم قبول:
سارسیدار افلاکی بیرلیک، اتّفاقین قووَّتی.
اتّحاد اربابینه عالَم مطیع اولموش مودام،
متّهم بیر ملّتین دائیم اوجالمیش شؤهرتی.
پارتلاسین توپلار، شراپنئل‌لر*، توفنگ‌لر، بومبلار،
اتّحادین قوّه‌ی عزمین هراسان ائیله‌مز.
پارتلاسین اودلار، آلوولار، ایلدیریملار، شؤعله‌لر،
اتّحادین اودو، قلبی ذرّه سوزان ائیله‌مز.
قلعه‌لر، بورج‌لر، دمیرلر، مؤحکم استحکام‌لار،
پوچ اولور گر اتّحادین تیغی ائتسه اجتهاد.
آرخاداشلار! وارلیغین ملّت گر ایستر ساخلاسین،
ال‌به‌ال وئرسین ده، ائتسین اتّحاد و اتّحاد!
#جعفر_جاببارلی
*ایچی یومرو گوللـه‌لرله دولدورولموش توپ گوللـه‌سی (Şrapnel)
#شعر_اوجاغی
@SheirOcagi
▫️حوریّت غوغاسی
یئنه
کیتابلاری، ماهنی‌لاری، بایراقلاری‌یلا گلدیلر،
دالغا-دالغا آیدینلیق اولدولار،
یورودولر قارانلیغین اوستونه،
مئیدانلاری اله گتیردیلر.
یئنه
«بایزید»ده شهید دوشن
سیلکینیب قالخدی قبریندن،
و الینده بیر گونش کیمی داشیییب یاراسینی،
ییخدی «شاهماران»ین ماغاراسینی.
داها گون او گون دئییل،
توپلانیب بۆرمه‌لنمه‌سین بایراقلار!
قولاق آسین،
ائشیتدیگینیز چاققال‌لارین اولوماسی‌دیر!
سیخلاشدیرین صف‌لری، اوشاقلار!
بو غوغا فاشیزمه قارشی،
بو غوغا حوریّت غوغاسی‌دیر.
#ناظیم_حیکمت
#شعر_اوجاغی
@SheirOcagi
یئنه
کیتابلاری، ماهنی‌لاری، بایراقلاری‌یلا گلدیلر،
دالغا-دالغا آیدینلیق اولدولار،
یورودولر قارانلیغین اوستونه،
مئیدانلاری اله گتیردیلر.
یئنه
«بایزید»ده شهید دوشن
سیلکینیب قالخدی قبریندن،
و الینده بیر گونش کیمی داشیییب یاراسینی،
ییخدی «شاهماران»ین ماغاراسینی.
داها گون او گون دئییل،
توپلانیب بۆرمه‌لنمه‌سین بایراقلار!
قولاق آسین،
ائشیتدیگینیز چاققال‌لارین اولوماسی‌دیر!
سیخلاشدیرین صف‌لری، اوشاقلار!
بو غوغا فاشیزمه قارشی،
بو غوغا حوریّت غوغاسی‌دیر.
#ناظیم_حیکمت
#شعر_اوجاغی
@SheirOcagi
▫️حیات اونو دیبه سوروکله‌دیگی حالدا، یئنیدن اوّلکی‌تک بوش، چیلپاق و ساده‌لؤوح ایدی؛ آمّا بوندان کدَرلنمیردی، عکسینه حالینا، غریبه ایضاحسیز دونیایا گولمه‌یی گلیردی.
📚 سیذارتا
#هرمان_هسه
#شعر_اوجاغی
@SheirOcagi
📚 سیذارتا
#هرمان_هسه
#شعر_اوجاغی
@SheirOcagi
▫️آیریلانلار اوچون
یوللاریمیز بورادا آیریلیر،
آرتیق بیر-بیریمیزه ایکی اؤزگه‌ییک.
هر نه قدر آجی اولسا، نه قدر گوج اولسا،
هر شئیی... هه، هر شئیی اونوتمالی‌ییق.
هر کدرین تسلّیسی تاپیلار، اوزولمه!
اینسان نه قدر سئوسه اونودا بیلر.
مؤوسوم‌لر گلر کئچر، ایللر کئچر،
سن ده اونودارسان بیر گون گلر.
هئچ یاشامامیشجاسینا، هئچ سئومه‌میشجه‌سینه،
اونودارسان، او گونلریمیزی، گئجه‌لریمیزی،
او گونلرجه، گئجه‌لرجه سئویشمه‌لریمیزی.
هر شئیی... هه، هر شئیی اونودا بیلرسن،
حتّی بوتون یازدیقلاریمی سطیر-سطیر.
قالارسا، ایچینده بیر درین سؽزؽ قالار.
#اومید_یاشار_اوغوزجان
#شعر_اوجاغی
@SheirOcagi
یوللاریمیز بورادا آیریلیر،
آرتیق بیر-بیریمیزه ایکی اؤزگه‌ییک.
هر نه قدر آجی اولسا، نه قدر گوج اولسا،
هر شئیی... هه، هر شئیی اونوتمالی‌ییق.
هر کدرین تسلّیسی تاپیلار، اوزولمه!
اینسان نه قدر سئوسه اونودا بیلر.
مؤوسوم‌لر گلر کئچر، ایللر کئچر،
سن ده اونودارسان بیر گون گلر.
هئچ یاشامامیشجاسینا، هئچ سئومه‌میشجه‌سینه،
اونودارسان، او گونلریمیزی، گئجه‌لریمیزی،
او گونلرجه، گئجه‌لرجه سئویشمه‌لریمیزی.
هر شئیی... هه، هر شئیی اونودا بیلرسن،
حتّی بوتون یازدیقلاریمی سطیر-سطیر.
قالارسا، ایچینده بیر درین سؽزؽ قالار.
#اومید_یاشار_اوغوزجان
#شعر_اوجاغی
@SheirOcagi
▫️ایندی یالنیز آللاهی سئویرم. اینسانلاری سئومیرم داها. اینسان منیم نظریمده ناقیص و یاریمچیق یارادیق‌دیر. اینسانا محبّت منی محو ائتدی.
📚 زردوشت بئله دئییردی.
#فردریش_نیچه
#شعر_اوجاغی
@SheirOcagi
📚 زردوشت بئله دئییردی.
#فردریش_نیچه
#شعر_اوجاغی
@SheirOcagi
▫️سن ده بیر شاعیرسن.
دئییرسن، «ایشلردن ماجال وارمی کی-
ییغیب-ییغیشدیرام یازی ماسانی؟
باری شاعیرلیک ده باجارمیرام کی-
آرابیر ایسیدَم سؤنوک میصراعنی».
آی عؤمرون بزه‌یی، عؤمور یولداشیم!
مین قایغی دویورام اومو-کۆسۆنده.
بلکه ده بیر گونده آغارار باشیم،
دردیم اریمه‌سه تبسّومونده.
گولوم، او قدر ده چکمه غوصّه-غم!
سئوینج ده، کدر ده شاعیر واری‌دی.
شعیر یازماسان دا، ائله بیلیرم،
زحمتین منیمله تامام یاری‌دی.
سن ده بیر شاعیرسن، سئودیگین گوندن،
سؤزون روحون کیمی تزه‌دی، تردی.
بختیم یاریماسا محبّتیندن،
شعریمین طالعی قارا گلردی.
شاعیرسن... بالامیز هر آغلایاندا،
من سنی لایلالار قوشان گؤرموشم.
گئجه‌لر بئشیگی ییرغالایاندا،
سنی ده شاعیرتک جوشان گؤرموشم.
بعضاً هامی یاتیر، سندن ساوایی.
گؤزومده اوجاسان، آی بویو بسته!
یوخولو-یوخولو وئریرسن چایی،
یئرییه-یئرییه بارماغین اوسته.
سن ده بیر شاعیرسن، فیکیرلی، دالغین،
چوخ دا کی سئوینجین یوللاری سرت‌دی.
صنعت آدامینا سیرداش اولماغین،
آخیر موکافاتی ادبیات‌دی.
سن ده بیر شاعیرسن، ساچلارین دن-دن،
نه گیلئی ائله‌دین، نه ده یورولدون.
ایلهامین نازی‌یلا یاتیب-دوران من،
شاعیرین نازینی چکن سن اولدون.
عشقینله یازمیشام بیر کیتاب شعیر،
بیر آرزو دیل آچدی، خیالا واردیم:
حئییف کی، ناشیرلر ایذین وئرمه‌ییر،
آدینی آدیم‌لا قۏشا یازاردیم.
#آغا_لاچینلی
#شعر_اوجاغی
@SheirOcagi
دئییرسن، «ایشلردن ماجال وارمی کی-
ییغیب-ییغیشدیرام یازی ماسانی؟
باری شاعیرلیک ده باجارمیرام کی-
آرابیر ایسیدَم سؤنوک میصراعنی».
آی عؤمرون بزه‌یی، عؤمور یولداشیم!
مین قایغی دویورام اومو-کۆسۆنده.
بلکه ده بیر گونده آغارار باشیم،
دردیم اریمه‌سه تبسّومونده.
گولوم، او قدر ده چکمه غوصّه-غم!
سئوینج ده، کدر ده شاعیر واری‌دی.
شعیر یازماسان دا، ائله بیلیرم،
زحمتین منیمله تامام یاری‌دی.
سن ده بیر شاعیرسن، سئودیگین گوندن،
سؤزون روحون کیمی تزه‌دی، تردی.
بختیم یاریماسا محبّتیندن،
شعریمین طالعی قارا گلردی.
شاعیرسن... بالامیز هر آغلایاندا،
من سنی لایلالار قوشان گؤرموشم.
گئجه‌لر بئشیگی ییرغالایاندا،
سنی ده شاعیرتک جوشان گؤرموشم.
بعضاً هامی یاتیر، سندن ساوایی.
گؤزومده اوجاسان، آی بویو بسته!
یوخولو-یوخولو وئریرسن چایی،
یئرییه-یئرییه بارماغین اوسته.
سن ده بیر شاعیرسن، فیکیرلی، دالغین،
چوخ دا کی سئوینجین یوللاری سرت‌دی.
صنعت آدامینا سیرداش اولماغین،
آخیر موکافاتی ادبیات‌دی.
سن ده بیر شاعیرسن، ساچلارین دن-دن،
نه گیلئی ائله‌دین، نه ده یورولدون.
ایلهامین نازی‌یلا یاتیب-دوران من،
شاعیرین نازینی چکن سن اولدون.
عشقینله یازمیشام بیر کیتاب شعیر،
بیر آرزو دیل آچدی، خیالا واردیم:
حئییف کی، ناشیرلر ایذین وئرمه‌ییر،
آدینی آدیم‌لا قۏشا یازاردیم.
#آغا_لاچینلی
#شعر_اوجاغی
@SheirOcagi
▫️غمینین عشقی‌یله جهانا گلدیم،
جانیمی عشقینه قوربانا گلدیم.
بو کؤنلوم غمینین مکانی‌دیر، یار!
غمینی چکدیکده من جانا گلدیم.
📚 مهستی
#جاویدان
#شعر_اوجاغی
@SheirOcagi
جانیمی عشقینه قوربانا گلدیم.
بو کؤنلوم غمینین مکانی‌دیر، یار!
غمینی چکدیکده من جانا گلدیم.
📚 مهستی
#جاویدان
#شعر_اوجاغی
@SheirOcagi
▫️یاخشی اینسان اول، آما واختینی، بونو باشقالارا ایثباتلاماق اوچون کورلاما!
#چارلی_چاپلین
#شعر_اوجاغی
@SheirOcagi
#چارلی_چاپلین
#شعر_اوجاغی
@SheirOcagi
▫️دونَن تویون ایدی.
«ساغلیق»لار دئییلدی چیغیر-باغیرلا،
اوشویَن قلبینه گیرن اولدومو؟!
گؤزوندن قلبینه دوشن جیغیرلا،
آخان گؤز یاشینی گؤرن اولدومو؟!
«ساغلیق»لار اوزاندی سحره کیمی،
چالیب-اوینادیلار، کئف ائیله‌دیلر،
چیرپیب پیلله‌لره سون اومیدیمی،
«واغزالی» اوستونده دفن ائیله‌دیلر.
سون اومید...او منیم گره‌ییم ایدی.
یولونا شام توتدو نئچه قیز، گلین.
شام دئییل، او منیم اوره‌ییم ایدی،
سون دفعه یانیردی یولوندا سنین.
گئتدین... او کؤهنه یول نور یولو ایدی،
ایزین دوشن یئرده گول آچمادی کی.
اؤزگه‌یله کئچیردین او یولو ایندی،
آیاغین آلتیندان یئر قاچمادی کی.
بو یوللار نه یامان وفاسیز ایمیش،
نییه چیلیک‌لنیب تؤکولمه‌دیلر؟!
دوشوب قدمینه هر یوخوش، ائنیش،
نییه اوره‌ییمه چکیلمه‌دیلر؟!...
باشینا گول-چیچک سپدیلر او گون،
آلیشان قلبینه سو سپمه‌دیلر.
«گئت» دئییب آلنیمدان اؤپدولر او گون،
سینیق طالعینی دوزَلتمه‌دیلر.
گولدون... گولوشونون عؤمرو چوخ قیسا،
بیر حسرت آخیردی قانیندا سنین.
اوردا بوتون یئرلر توتولموشدوسا،
یئریم گؤرونوردو یانیندا سنین.
دونن تویون ایدی... خوشبخت اولاسان!
گؤرونور، بو بیزه قیسمت دئییلمیش.
اونوت! ائله بیل کی، سئودیگین اوغلان
گئتدیگین اوغلان‌میش، «نوصرت» دئییلمیش.
#نوصرت_کسمنلی
#شعر_اوجاغی
@SheirOcagi
«ساغلیق»لار دئییلدی چیغیر-باغیرلا،
اوشویَن قلبینه گیرن اولدومو؟!
گؤزوندن قلبینه دوشن جیغیرلا،
آخان گؤز یاشینی گؤرن اولدومو؟!
«ساغلیق»لار اوزاندی سحره کیمی،
چالیب-اوینادیلار، کئف ائیله‌دیلر،
چیرپیب پیلله‌لره سون اومیدیمی،
«واغزالی» اوستونده دفن ائیله‌دیلر.
سون اومید...او منیم گره‌ییم ایدی.
یولونا شام توتدو نئچه قیز، گلین.
شام دئییل، او منیم اوره‌ییم ایدی،
سون دفعه یانیردی یولوندا سنین.
گئتدین... او کؤهنه یول نور یولو ایدی،
ایزین دوشن یئرده گول آچمادی کی.
اؤزگه‌یله کئچیردین او یولو ایندی،
آیاغین آلتیندان یئر قاچمادی کی.
بو یوللار نه یامان وفاسیز ایمیش،
نییه چیلیک‌لنیب تؤکولمه‌دیلر؟!
دوشوب قدمینه هر یوخوش، ائنیش،
نییه اوره‌ییمه چکیلمه‌دیلر؟!...
باشینا گول-چیچک سپدیلر او گون،
آلیشان قلبینه سو سپمه‌دیلر.
«گئت» دئییب آلنیمدان اؤپدولر او گون،
سینیق طالعینی دوزَلتمه‌دیلر.
گولدون... گولوشونون عؤمرو چوخ قیسا،
بیر حسرت آخیردی قانیندا سنین.
اوردا بوتون یئرلر توتولموشدوسا،
یئریم گؤرونوردو یانیندا سنین.
دونن تویون ایدی... خوشبخت اولاسان!
گؤرونور، بو بیزه قیسمت دئییلمیش.
اونوت! ائله بیل کی، سئودیگین اوغلان
گئتدیگین اوغلان‌میش، «نوصرت» دئییلمیش.
#نوصرت_کسمنلی
#شعر_اوجاغی
@SheirOcagi
▫️بو آدام نه یامان آجدی، ایلاهی!
بو آدام نه یامان آجدی، ایلاهی!
آجدی، گؤزو آجدی، قولاغی آجدی،
ایلیگی، سومویو، دالاغی آجدی،
گؤوده‌سی، توخومو، جالاغی آجدی،
بو آدام نه یامان آجدی، ایلاهی!
ائوده آروادینین بالاغی¹ آجدی،
قاپیدا ایتینین یالاغی آجدی،
داناسی، دۆیه‌سی²، اولاغی آجدی،
بو آدام نه یامان آجدی، ایلاهی!
قیشلاقدا قیشلاییر، یایلاغی یئییر،
یایلاقدا یایلاییر، اویلاغی یئییر،
اؤروشو، مئشه‌نی، چایلاغی یئییر،
بو آدام نه یامان آجدی، ایلاهی!
سوروب داغ چایینی آرانا گئدیر،
آرانی دؤندَریب ویرانا... گئدیر،
مینیب وظیفه‌نی «تیران»ا گئدیر،
بو آدام نه یامان آجدی، ایلاهی!
او دامدان قووورسان، بو داما گیریر،
بو دامدان قووورسان، او داما گیریر،
بو آدام نه یامان آداما گیریر،
بو آدام نه یامان بیجدی، ایلاهی!
بو آدام نه یامان آجدی، ایلاهی!
#رامیز_قوسارچایلی
¹- اتک، تومان، شالوار...ین آیاغا دوشن طرفی (Balaq)
²- ایکی یاشدا اولان دیشی اینک و یا جامیش
#شعر_اوجاغی
@SheirOcagi
بو آدام نه یامان آجدی، ایلاهی!
آجدی، گؤزو آجدی، قولاغی آجدی،
ایلیگی، سومویو، دالاغی آجدی،
گؤوده‌سی، توخومو، جالاغی آجدی،
بو آدام نه یامان آجدی، ایلاهی!
ائوده آروادینین بالاغی¹ آجدی،
قاپیدا ایتینین یالاغی آجدی،
داناسی، دۆیه‌سی²، اولاغی آجدی،
بو آدام نه یامان آجدی، ایلاهی!
قیشلاقدا قیشلاییر، یایلاغی یئییر،
یایلاقدا یایلاییر، اویلاغی یئییر،
اؤروشو، مئشه‌نی، چایلاغی یئییر،
بو آدام نه یامان آجدی، ایلاهی!
سوروب داغ چایینی آرانا گئدیر،
آرانی دؤندَریب ویرانا... گئدیر،
مینیب وظیفه‌نی «تیران»ا گئدیر،
بو آدام نه یامان آجدی، ایلاهی!
او دامدان قووورسان، بو داما گیریر،
بو دامدان قووورسان، او داما گیریر،
بو آدام نه یامان آداما گیریر،
بو آدام نه یامان بیجدی، ایلاهی!
بو آدام نه یامان آجدی، ایلاهی!
#رامیز_قوسارچایلی
¹- اتک، تومان، شالوار...ین آیاغا دوشن طرفی (Balaq)
²- ایکی یاشدا اولان دیشی اینک و یا جامیش
#شعر_اوجاغی
@SheirOcagi
▫️حیات همیشه قورخونج اولوب. هئچ نه‌ده گوناهیمیز یوخدور، آما هر شئیه جاواب وئرمه‌لی‌ییک.
📚 یالقوزاق
#هرمان_هسه
#شعر_اوجاغی
@SheirOcagi
📚 یالقوزاق
#هرمان_هسه
#شعر_اوجاغی
@SheirOcagi
▫️یاشلاندیقجا اینسان‌اوغلو...
جاوان ایکن ماکیاژ، داراق،
وئریر ایچ اوزونه دوواق،
قارا اوز ده گؤرونور آغ،
سونوندا دوزه چیخاجاق.
سولدوراجاق خزان یئلی،
بو یاشیل گولشنی، گولو.
آغارداجاق سونبول تئلی،
ساریسی بئزه چیخاجاق.
گیزلَتسن ده اوز قارانی،
دئشه‌جک زامان یارانی.
کشف ائده‌جک ماغارانی،
آستاری اوزه چیخاجاق.
آشارسان سَکسَن سککیزی،
جاوانلیغین قالماز ایزی.
آیدینلادار قیریش، گیزی¹
تضییقین² یوزه چیخاجاق.
سانیرسان هله باهاردیر،
باغلار دولو گیله‌ناردیر،
هله عؤموردن چوخ واردیر،
لاپدان قار دیزه چیخاجاق.
ایبره‌لر³ قاچیشیر تووولو،
ائله گئدیر باشی لووولو.
یاشلاندیقجا اینسان‌اوغلو،
ایچ قاتی اوزه چیخاجاق.
کیمسه گئتدیکجه نورلاشار،
قوجایکن ده جاوان یاشار.
کیمسه‌لر ده مئیمونلاشار،
قینیندان تزه چیخاجاق.
گیلئی‌لنمه، آی خردَجَل!
باشیندا فیرلانیر اجَل.
کئچمیشینده دولاش، گیجَل!
پیس ایچین اوزه چیخاجاق.
#سحر_خیاوی
¹- گیز: سیرّ
²- تضییق: قان باسینجی
³- ایبره‌لر: عقربه‌لر
@SheirOcagi
جاوان ایکن ماکیاژ، داراق،
وئریر ایچ اوزونه دوواق،
قارا اوز ده گؤرونور آغ،
سونوندا دوزه چیخاجاق.
سولدوراجاق خزان یئلی،
بو یاشیل گولشنی، گولو.
آغارداجاق سونبول تئلی،
ساریسی بئزه چیخاجاق.
گیزلَتسن ده اوز قارانی،
دئشه‌جک زامان یارانی.
کشف ائده‌جک ماغارانی،
آستاری اوزه چیخاجاق.
آشارسان سَکسَن سککیزی،
جاوانلیغین قالماز ایزی.
آیدینلادار قیریش، گیزی¹
تضییقین² یوزه چیخاجاق.
سانیرسان هله باهاردیر،
باغلار دولو گیله‌ناردیر،
هله عؤموردن چوخ واردیر،
لاپدان قار دیزه چیخاجاق.
ایبره‌لر³ قاچیشیر تووولو،
ائله گئدیر باشی لووولو.
یاشلاندیقجا اینسان‌اوغلو،
ایچ قاتی اوزه چیخاجاق.
کیمسه گئتدیکجه نورلاشار،
قوجایکن ده جاوان یاشار.
کیمسه‌لر ده مئیمونلاشار،
قینیندان تزه چیخاجاق.
گیلئی‌لنمه، آی خردَجَل!
باشیندا فیرلانیر اجَل.
کئچمیشینده دولاش، گیجَل!
پیس ایچین اوزه چیخاجاق.
#سحر_خیاوی
¹- گیز: سیرّ
²- تضییق: قان باسینجی
³- ایبره‌لر: عقربه‌لر
@SheirOcagi