Forwarded from اتچ بات
▫️سن گرک...
سن گرک اؤزونو تانیتمایایدین،
منه بو اوزونو تانیتمایایدین.
یئنه ده حیاتی سندن اومایدیم،
ائله بیله‌یدیم کی، دونیادا تکسن.
ایللرین عؤمرومدن آپاردیغینی،
ائله بیله‌یدیم کی، گتیره‌جکسن.
باهار گؤزله‌یردیم، یئنه ده قیشدی.
بیر آرزو، بیر اومید اؤلدورمکدن‌سه،
آلدانا-آلدانا یاشاماق خوشدو.
سن گرک اؤزونو تانیتمایایدین!
سنه باخا-باخا، سنین اوزونده،
گؤرونور اؤزگه‌نی سئومیشم اوندا.
هر تیترک سؤزومو سنین گؤزونده،
یقین اؤزگه‌سینه دئمیشم اوندا.
حیسّین خوماریندا یوموب گؤزونو،
اوندا محبّتیم یوخولو ایمیش.
سونرادان اویانیب، اوندا بیلیب کی،
سویون لال آخانی قورخولو ایمیش.
سن گرک اؤزونو تانیتمایایدین!
سن گرک اؤزونو تانیتمایایدین،
عؤمور ده بئله‌جه کئچیب-گئده‌یدی!
سن دئمه مارالا آتدیغیم گوللـه-
مارال دریسینده تولکویه دَیدی.
ساده‌لؤوح قلبیمدن، محبّتیمدن،
کئچدیگیم یوللاردان اوتانیرام من.
یوخولو گؤزومدن آغریلار کئچیر،
یانیمدان سئوگیسی‌دوغرولار کئچیر،
سندن یوخ، اونلاردان اوتانیرام من.
سن گرک اؤزونو تانیتمایایدین،
منه بو اوزونو تانیتمایایدین!...
#نوصرت_کسمنلی
#شعر_اوجاغی
@SheirOcagi
سن گرک اؤزونو تانیتمایایدین،
منه بو اوزونو تانیتمایایدین.
یئنه ده حیاتی سندن اومایدیم،
ائله بیله‌یدیم کی، دونیادا تکسن.
ایللرین عؤمرومدن آپاردیغینی،
ائله بیله‌یدیم کی، گتیره‌جکسن.
باهار گؤزله‌یردیم، یئنه ده قیشدی.
بیر آرزو، بیر اومید اؤلدورمکدن‌سه،
آلدانا-آلدانا یاشاماق خوشدو.
سن گرک اؤزونو تانیتمایایدین!
سنه باخا-باخا، سنین اوزونده،
گؤرونور اؤزگه‌نی سئومیشم اوندا.
هر تیترک سؤزومو سنین گؤزونده،
یقین اؤزگه‌سینه دئمیشم اوندا.
حیسّین خوماریندا یوموب گؤزونو،
اوندا محبّتیم یوخولو ایمیش.
سونرادان اویانیب، اوندا بیلیب کی،
سویون لال آخانی قورخولو ایمیش.
سن گرک اؤزونو تانیتمایایدین!
سن گرک اؤزونو تانیتمایایدین،
عؤمور ده بئله‌جه کئچیب-گئده‌یدی!
سن دئمه مارالا آتدیغیم گوللـه-
مارال دریسینده تولکویه دَیدی.
ساده‌لؤوح قلبیمدن، محبّتیمدن،
کئچدیگیم یوللاردان اوتانیرام من.
یوخولو گؤزومدن آغریلار کئچیر،
یانیمدان سئوگیسی‌دوغرولار کئچیر،
سندن یوخ، اونلاردان اوتانیرام من.
سن گرک اؤزونو تانیتمایایدین،
منه بو اوزونو تانیتمایایدین!...
#نوصرت_کسمنلی
#شعر_اوجاغی
@SheirOcagi
Telegram
attach 📎
Forwarded from اتچ بات
▫️نه بیله‌یدیک...
نه بیله‌یدیک بو سئوگینین سونو یوخ،
نه بیله‌یدیک دونیا بئله دؤنه‌جک؟
نه بیله‌یدیک سئوگی آدلی بو قوناق،
ایکیمیزین آرامیزدا اؤله‌جک؟
اولو سئوگی گؤیدن یئره ائندی‌می،
نه دایاندی یولوموزون اوستونده؟
بو محبّت سویودوقجا سن دئمه،
جان وئریرمیش قولوموزون اوستونده.
هر گؤروشه سورونوردو آیاقلار،
او چمنلر، بیر باهارلیق سمنی.
دوداقلاری یاندیراندا دوداقلار،
اوره‌ییمیز اوشویورموش دئمه‌لی.
اَیلنجه‌لر قویمادی کی گؤز آچاق،
هر ایسته‌یی بیز بئله‌جه بیتیردیک.
پاییز گلدی توی-بایراملا، بیز آنجاق،
یارپاق-یارپاق گونوموزو ایتیردیک.
شیرین اولدو یالانلارین زهری،
حقیقتی گیزله‌میشیک همیشه.
سئوگیلی‌لر اویاق آچدی سحری،
بیز آخشامی گؤزله‌میشیک همیشه.
یوخو گؤردوک گاه قورخولو، گاه دا شن،
بوغدو بیزی تردّودلر آخاری.
یوخولاردا اللر گؤردوک بیرلشن،
نه یوزدوقسا، هیجران اولدو آخیری.
نه بیله‌یدیک بو سئوگینین سونو یوخ،
نه بیله‌یدیک دونیا بئله دؤنه‌جک؟
نه بیله‌یدیک سئوگی آدلی بو قوناق،
اوزوموزه باخا-باخا اؤله‌جک؟...
#نوصرت_کسمنلی
#شعر_اوجاغی
@SheirOcagi
نه بیله‌یدیک بو سئوگینین سونو یوخ،
نه بیله‌یدیک دونیا بئله دؤنه‌جک؟
نه بیله‌یدیک سئوگی آدلی بو قوناق،
ایکیمیزین آرامیزدا اؤله‌جک؟
اولو سئوگی گؤیدن یئره ائندی‌می،
نه دایاندی یولوموزون اوستونده؟
بو محبّت سویودوقجا سن دئمه،
جان وئریرمیش قولوموزون اوستونده.
هر گؤروشه سورونوردو آیاقلار،
او چمنلر، بیر باهارلیق سمنی.
دوداقلاری یاندیراندا دوداقلار،
اوره‌ییمیز اوشویورموش دئمه‌لی.
اَیلنجه‌لر قویمادی کی گؤز آچاق،
هر ایسته‌یی بیز بئله‌جه بیتیردیک.
پاییز گلدی توی-بایراملا، بیز آنجاق،
یارپاق-یارپاق گونوموزو ایتیردیک.
شیرین اولدو یالانلارین زهری،
حقیقتی گیزله‌میشیک همیشه.
سئوگیلی‌لر اویاق آچدی سحری،
بیز آخشامی گؤزله‌میشیک همیشه.
یوخو گؤردوک گاه قورخولو، گاه دا شن،
بوغدو بیزی تردّودلر آخاری.
یوخولاردا اللر گؤردوک بیرلشن،
نه یوزدوقسا، هیجران اولدو آخیری.
نه بیله‌یدیک بو سئوگینین سونو یوخ،
نه بیله‌یدیک دونیا بئله دؤنه‌جک؟
نه بیله‌یدیک سئوگی آدلی بو قوناق،
اوزوموزه باخا-باخا اؤله‌جک؟...
#نوصرت_کسمنلی
#شعر_اوجاغی
@SheirOcagi
Telegram
attach 📎
▫️وفالی قیزلاردان آز یازیریق، آز،
گیلئی‌له دولودور شعرلریمیز.
شعره عونوان اولور سئوگیسی دایاز،
درین عومّانلاری اونودوروق بیز.
هئی ال-قول آتیریق یاغیش گؤلونده،
گؤره‌ن صداقتی دویمورمو اورک؟
سوسوروق نامعلوم قبیر اؤنونده،
فیکیرلی-فیکیرلی سوسدوغوموزتک.
بیلیریک هر حیسّین اؤز سرحدّی وار،
بلکه بو ایسته‌یی وورموروق اوزه.
نه‌دنسه چوخ زامان وفا، اعتبار،
وظیفه بورجوتک گؤرونور بیزه.
او بیر بولاق‌دیر کی توتولوب گؤزو،
همیشه اویاق‌دیر اونون اومیدی.
یاخینا گئتمیریک، سانکی بو مؤوضوع،
مینه باسدیریلمیش سرحد کیمی‌دی.
وفالی قیزلاردان آز یازیریق، آز،
گیلئی‌له دولودور شعیرلریمیز.
شعره عونوان اولور سئوگیسی دایاز،
درین عومّانلاری اونودوروق بیز...
#نوصرت_کسمنلی
#شعر_اوجاغی
@SheirOcagi
گیلئی‌له دولودور شعرلریمیز.
شعره عونوان اولور سئوگیسی دایاز،
درین عومّانلاری اونودوروق بیز.
هئی ال-قول آتیریق یاغیش گؤلونده،
گؤره‌ن صداقتی دویمورمو اورک؟
سوسوروق نامعلوم قبیر اؤنونده،
فیکیرلی-فیکیرلی سوسدوغوموزتک.
بیلیریک هر حیسّین اؤز سرحدّی وار،
بلکه بو ایسته‌یی وورموروق اوزه.
نه‌دنسه چوخ زامان وفا، اعتبار،
وظیفه بورجوتک گؤرونور بیزه.
او بیر بولاق‌دیر کی توتولوب گؤزو،
همیشه اویاق‌دیر اونون اومیدی.
یاخینا گئتمیریک، سانکی بو مؤوضوع،
مینه باسدیریلمیش سرحد کیمی‌دی.
وفالی قیزلاردان آز یازیریق، آز،
گیلئی‌له دولودور شعیرلریمیز.
شعره عونوان اولور سئوگیسی دایاز،
درین عومّانلاری اونودوروق بیز...
#نوصرت_کسمنلی
#شعر_اوجاغی
@SheirOcagi
▫️بیزیم گؤروشوموز
سؤزلر نییه بئله قلبه دَییرلر؟
اورک‌سیز گؤروشدن دویموشوق داها.
-فیل‌لر اؤلومونو دویور- دئییرلر،
بیز ده آیریلیغی دویموشوق داها.
گؤروش یئریمیزده یاشیل بورونن-
او آغاج، جیلدینی قوش‌تک اوچوردو.
سون ایکی یارپاغی بیز ایدیک، دونن-
بیزی ده محبّت پاییزی ووردو.
کولک یارپاقلاری گزدیریر وئییل،
کؤهنه یورد یئری‌می گؤروش یئریمیز؟
تؤکولن یارپاق‌می؟ یوخ یارپاق دئییل،
یاغیر اوستوموزه گیلئی‌لریمیز.
چوخدان اوخوموشوق گؤزلریمیزی،
گؤزلر ایسته‌یینی آزدیرا بیلمیر.
بوز کیمی سویوموش سؤزلریمیزی-
اودلو دوداقلار دا قیزدیرا بیلمیر.
اورک آیریلیغا بهانه گزر،
سورونر گؤروشه آیاقلاریمیز.
قلبیمیز کوسولو اوشاغا بنزر،
بس نئجه گؤروشور دوداقلاریمیز؟!
بیر گؤروش یئرینه آیاق دؤیوروک،
هارداسا سئوگینین قیریلیب سسی.
بازار ائرته‌سینه -آغیر- دئییریک،
هر گؤروش بیزیمچون بازار ائرته‌سی.
سؤزلر نییه بئله قلبه دَییرلر؟
اورک‌سیز گؤروشدن دویموشوق داها.
-فیل‌لر اؤلومونو دویور- دئییرلر،
بیز ده آیریلیغی دویموشوق داها...
#نوصرت_کسمنلی
#شعر_اوجاغی
@SheirOcagi
سؤزلر نییه بئله قلبه دَییرلر؟
اورک‌سیز گؤروشدن دویموشوق داها.
-فیل‌لر اؤلومونو دویور- دئییرلر،
بیز ده آیریلیغی دویموشوق داها.
گؤروش یئریمیزده یاشیل بورونن-
او آغاج، جیلدینی قوش‌تک اوچوردو.
سون ایکی یارپاغی بیز ایدیک، دونن-
بیزی ده محبّت پاییزی ووردو.
کولک یارپاقلاری گزدیریر وئییل،
کؤهنه یورد یئری‌می گؤروش یئریمیز؟
تؤکولن یارپاق‌می؟ یوخ یارپاق دئییل،
یاغیر اوستوموزه گیلئی‌لریمیز.
چوخدان اوخوموشوق گؤزلریمیزی،
گؤزلر ایسته‌یینی آزدیرا بیلمیر.
بوز کیمی سویوموش سؤزلریمیزی-
اودلو دوداقلار دا قیزدیرا بیلمیر.
اورک آیریلیغا بهانه گزر،
سورونر گؤروشه آیاقلاریمیز.
قلبیمیز کوسولو اوشاغا بنزر،
بس نئجه گؤروشور دوداقلاریمیز؟!
بیر گؤروش یئرینه آیاق دؤیوروک،
هارداسا سئوگینین قیریلیب سسی.
بازار ائرته‌سینه -آغیر- دئییریک،
هر گؤروش بیزیمچون بازار ائرته‌سی.
سؤزلر نییه بئله قلبه دَییرلر؟
اورک‌سیز گؤروشدن دویموشوق داها.
-فیل‌لر اؤلومونو دویور- دئییرلر،
بیز ده آیریلیغی دویموشوق داها...
#نوصرت_کسمنلی
#شعر_اوجاغی
@SheirOcagi
▫️یانیق کرمی
اوینایین، اونودون کدری، غمی!
غؤنچه اللرینیز گول آچیر، قیزلار!
ایچیندن قوورولور «یانیق کرمی»،
آلیشیب «اصلی»نین گیلئیی سیزلار.
«واغزال»ی چالینیر، ساخلادیرسینیز؛
«یانیق کرمی»یه سیفاریش‌می وار؟
«اصلی»نین روحونو آغلادیرسینیز،
«کرم»ین دردینه اوینایان قیزلار!
تاردان ناله قوپدو، کامان اینله‌دی،
«کئشیش»ین یئنه ده عئینی آچیلمیر.
سیزین یاخانیزین قیریلدی بندی،
«اصلی»دن هله ده دویمه آچیلمیر.
«کرم» اود گؤتورور، «کرم» آلیشیر،
ناغارا «فرهاد»ین کولونک سسی‌دیر.
موسیقی بیر دردلی عشقدن دانیشیر،
هر صدا «کرم»ین سون نفسی‌دیر.
ایچیمده چاتیلیب بیر اود، بیر اوجاق،
نئیله‌ییم، مجلیسدن چیخا بیلمیرم.
درددن اوینایانی گؤرموشدوم، آنجاق-
درده اوینایانا باخا بیلمیرم.
مجلیسین باشیندا قوشا شام یانیر،
گؤزل‌دیر سئوگینی اود بزه‌ینده.
«یانیق کرمی»دن غم قانادلانیر،
اورَکده محبّت اؤله‌زییَنده.
آلیشیب خوماردان سوزولور گؤزلر،
گؤزلر باخیشلارلا اؤپوشه‌جک‌دیر.
اینصافینیز اولسون، دایانین، قیزلار!
«کرم»ین قبرینه اود دوشه‌جک‌دیر.
مجلیسده دولانیر سیرلی بیر کؤلگه،
«لئیلی»نین باغرینی اوزه‌جکسینیز.
بیر واخت گله‌جک کی، دئییرم بلکه،
«مجنون»ون آهینا سوزه‌جکسینیز...
#نوصرت_کسمنلی
#شعر_اوجاغی
@SheirOcagi
اوینایین، اونودون کدری، غمی!
غؤنچه اللرینیز گول آچیر، قیزلار!
ایچیندن قوورولور «یانیق کرمی»،
آلیشیب «اصلی»نین گیلئیی سیزلار.
«واغزال»ی چالینیر، ساخلادیرسینیز؛
«یانیق کرمی»یه سیفاریش‌می وار؟
«اصلی»نین روحونو آغلادیرسینیز،
«کرم»ین دردینه اوینایان قیزلار!
تاردان ناله قوپدو، کامان اینله‌دی،
«کئشیش»ین یئنه ده عئینی آچیلمیر.
سیزین یاخانیزین قیریلدی بندی،
«اصلی»دن هله ده دویمه آچیلمیر.
«کرم» اود گؤتورور، «کرم» آلیشیر،
ناغارا «فرهاد»ین کولونک سسی‌دیر.
موسیقی بیر دردلی عشقدن دانیشیر،
هر صدا «کرم»ین سون نفسی‌دیر.
ایچیمده چاتیلیب بیر اود، بیر اوجاق،
نئیله‌ییم، مجلیسدن چیخا بیلمیرم.
درددن اوینایانی گؤرموشدوم، آنجاق-
درده اوینایانا باخا بیلمیرم.
مجلیسین باشیندا قوشا شام یانیر،
گؤزل‌دیر سئوگینی اود بزه‌ینده.
«یانیق کرمی»دن غم قانادلانیر،
اورَکده محبّت اؤله‌زییَنده.
آلیشیب خوماردان سوزولور گؤزلر،
گؤزلر باخیشلارلا اؤپوشه‌جک‌دیر.
اینصافینیز اولسون، دایانین، قیزلار!
«کرم»ین قبرینه اود دوشه‌جک‌دیر.
مجلیسده دولانیر سیرلی بیر کؤلگه،
«لئیلی»نین باغرینی اوزه‌جکسینیز.
بیر واخت گله‌جک کی، دئییرم بلکه،
«مجنون»ون آهینا سوزه‌جکسینیز...
#نوصرت_کسمنلی
#شعر_اوجاغی
@SheirOcagi
Forwarded from اتچ بات
▫️بو همین پاییز دئییل.
کئچن ایل‌کی کیمی دولوب بولودلار،
آغاجلار حسرته بورونوب یئنه.
کئچن ایل‌کی کیمی قالیب بولودلار،
بس نه‌دن بو قدر یاد گلیر منه؟
کئچن پاییزدا دا بئله چن واردی،
هردن گونش کیمی گؤرونن واردی،
پاییزدی... بو پاییز، او پاییز دئییل.
ائله بو ماهنی‌یلا بمین بولاقلار،
کئچن ایل ووصالدان اوخویوردولار.
آی سؤزلو بولاقلار، سرین بولاقلار!
نه‌دن سسینیزده بیر اینتظار وار؟
هیجران نغمه سی‌دیر ایندی نه یازسام،
طبیعت! سن منی آلدادانمازسان.
پاییزدی... بو پاییز، او پاییز دئییل.
دورنالار بئله‌جه اوچوب گئدیردی،
یئلپیک قانادینی آچیب گئدیردی.
اوندا دا توی-دویون فصلی‌یدی پاییز،
اوندا دا صدالی-سسلی‌یدی پاییز.
ائله بیل آزالیب دورنا قاطاری،
ائله بیل چوخالیب توی اینتظاری.
پاییزدی... بو پاییز، او پاییز دئییل.
جیغیرلار کمنده دؤنموشدو اوندا،
کؤنوللو دوشموشدو کمنده او قیز.
گونش اووجوموزا ائنمیشدی اوندا،
ایکیمیزین ایدی ان پارلاق اولدوز.
او پاییز توی اوچون سؤز وئردی منه،
بو پاییز اوخشامیر توی ائیله‌ینه.
پاییزدی... بو پاییز، او پاییز دئییل....
#نوصرت_کسمنلی
#شعر_اوجاغی
@SheirOcagi
کئچن ایل‌کی کیمی دولوب بولودلار،
آغاجلار حسرته بورونوب یئنه.
کئچن ایل‌کی کیمی قالیب بولودلار،
بس نه‌دن بو قدر یاد گلیر منه؟
کئچن پاییزدا دا بئله چن واردی،
هردن گونش کیمی گؤرونن واردی،
پاییزدی... بو پاییز، او پاییز دئییل.
ائله بو ماهنی‌یلا بمین بولاقلار،
کئچن ایل ووصالدان اوخویوردولار.
آی سؤزلو بولاقلار، سرین بولاقلار!
نه‌دن سسینیزده بیر اینتظار وار؟
هیجران نغمه سی‌دیر ایندی نه یازسام،
طبیعت! سن منی آلدادانمازسان.
پاییزدی... بو پاییز، او پاییز دئییل.
دورنالار بئله‌جه اوچوب گئدیردی،
یئلپیک قانادینی آچیب گئدیردی.
اوندا دا توی-دویون فصلی‌یدی پاییز،
اوندا دا صدالی-سسلی‌یدی پاییز.
ائله بیل آزالیب دورنا قاطاری،
ائله بیل چوخالیب توی اینتظاری.
پاییزدی... بو پاییز، او پاییز دئییل.
جیغیرلار کمنده دؤنموشدو اوندا،
کؤنوللو دوشموشدو کمنده او قیز.
گونش اووجوموزا ائنمیشدی اوندا،
ایکیمیزین ایدی ان پارلاق اولدوز.
او پاییز توی اوچون سؤز وئردی منه،
بو پاییز اوخشامیر توی ائیله‌ینه.
پاییزدی... بو پاییز، او پاییز دئییل....
#نوصرت_کسمنلی
#شعر_اوجاغی
@SheirOcagi
Telegram
attach 📎
▫️یومول بنؤوشه‌م، یومول!
هاوا یامان سازاقدی،
گونش سندن اوزاقدی،
بیر آج قوزو مله‌ییب
سنه بویلاندی، باخدی.
یومول بنؤوشه‌م، یومول!
چمن‌لره ایز دوشور،
بیر دئییل کی، یوز دوشور.
نییه سنین پاییزین،
هر چیچکدن تئز دوشور؟
یومول بنؤوشه‌م، یومول!
گؤیده بولود گؤرونور،
بولود قارا بورونور.
او داغدا بیر دومان وار،
سنه طرف سورونور.
یومول بنؤوشه‌م، یومول!
قالارسان باخا-باخا،
کاغیذ گول سندن باها.
آری یامان چوخالیب،
گولو ده سانجیر داها.
یومول بنؤوشه‌م، یومول!
عؤمرون بیرجه هفته‌دیر،
عطرین مین جور حبده‌دیر.
ایندی سئوگیلی اوچون-
بئش قرنفیل دبده‌دیر.
یومول بنؤوشه‌م، یومول!
یوم گؤزونو، چن گؤرمه!
واختسیز گلن غم گؤرمه!
دونیا یامان قاریشیب،
من گؤرَنی سن گؤرمه!
یومول بنؤوشه‌م، یومول!
#نوصرت_کسمنلی
#شعر_اوجاغی
@SheirOcagi
هاوا یامان سازاقدی،
گونش سندن اوزاقدی،
بیر آج قوزو مله‌ییب
سنه بویلاندی، باخدی.
یومول بنؤوشه‌م، یومول!
چمن‌لره ایز دوشور،
بیر دئییل کی، یوز دوشور.
نییه سنین پاییزین،
هر چیچکدن تئز دوشور؟
یومول بنؤوشه‌م، یومول!
گؤیده بولود گؤرونور،
بولود قارا بورونور.
او داغدا بیر دومان وار،
سنه طرف سورونور.
یومول بنؤوشه‌م، یومول!
قالارسان باخا-باخا،
کاغیذ گول سندن باها.
آری یامان چوخالیب،
گولو ده سانجیر داها.
یومول بنؤوشه‌م، یومول!
عؤمرون بیرجه هفته‌دیر،
عطرین مین جور حبده‌دیر.
ایندی سئوگیلی اوچون-
بئش قرنفیل دبده‌دیر.
یومول بنؤوشه‌م، یومول!
یوم گؤزونو، چن گؤرمه!
واختسیز گلن غم گؤرمه!
دونیا یامان قاریشیب،
من گؤرَنی سن گؤرمه!
یومول بنؤوشه‌م، یومول!
#نوصرت_کسمنلی
#شعر_اوجاغی
@SheirOcagi
▫️محبّتدن کوسنده
یازیریق سئوگیدن، یازیریق آنجاق،
ائله سطیرلرده آلیشیریق بیز.
محبّت اولوبدور اویون-اویونجاق،
هانسی محبّتدن دانیشیریق بیز؟
اودلارا قالانماق اؤتَری حیس‌دیر،
کلمه‌لر بیچیملی، سؤزلر بیچیملی.
چوخلاری دیپلوم‌سوز متخصّص‌دیر،
ائه، اورک آلداتماق بیر سو ایچیمی،
سئویم‌می؟! تردّود قطع ائده بیلمیر،
بعضاّ ایتیریریک اینام، اومیدی.
اورک وار دویغولار فتح ائده بیلمیر،
اورک وار هندسی فیقور کیمی‌دیر.
بیر قلبه گیرنده بویالی سؤزلر،
گؤرن اؤز سؤزونو اورک دئدی‌می؟!
آختاریر، آختاریر، آختاریر گؤزلر،
ایشله‌ییر بیر ساعات کفکیری کیمی.
تبسّوم‌لر ساختا، سؤز قیمتلی‌دیر،
یالانی یالانلا آلقیشلاییرلار.
چوخلاری کؤنولدن سخاوتلی‌دیر،
هر قیزا بیر کؤنول باغیشلاییرلار.
ائله محبّتدن یازیریق، آنجاق،
ائله سطیرلرده آلیشیریق بیز.
محبّت اولوبدور اویون-اویونجاق،
هانسی محبّتدن دانیشیریق بیز؟!...
#نوصرت_کسمنلی
#شعر_اوجاغی
@SheirOcagi
یازیریق سئوگیدن، یازیریق آنجاق،
ائله سطیرلرده آلیشیریق بیز.
محبّت اولوبدور اویون-اویونجاق،
هانسی محبّتدن دانیشیریق بیز؟
اودلارا قالانماق اؤتَری حیس‌دیر،
کلمه‌لر بیچیملی، سؤزلر بیچیملی.
چوخلاری دیپلوم‌سوز متخصّص‌دیر،
ائه، اورک آلداتماق بیر سو ایچیمی،
سئویم‌می؟! تردّود قطع ائده بیلمیر،
بعضاّ ایتیریریک اینام، اومیدی.
اورک وار دویغولار فتح ائده بیلمیر،
اورک وار هندسی فیقور کیمی‌دیر.
بیر قلبه گیرنده بویالی سؤزلر،
گؤرن اؤز سؤزونو اورک دئدی‌می؟!
آختاریر، آختاریر، آختاریر گؤزلر،
ایشله‌ییر بیر ساعات کفکیری کیمی.
تبسّوم‌لر ساختا، سؤز قیمتلی‌دیر،
یالانی یالانلا آلقیشلاییرلار.
چوخلاری کؤنولدن سخاوتلی‌دیر،
هر قیزا بیر کؤنول باغیشلاییرلار.
ائله محبّتدن یازیریق، آنجاق،
ائله سطیرلرده آلیشیریق بیز.
محبّت اولوبدور اویون-اویونجاق،
هانسی محبّتدن دانیشیریق بیز؟!...
#نوصرت_کسمنلی
#شعر_اوجاغی
@SheirOcagi
Forwarded from اتچ بات
▫️نئیله‌ییم؟
داها گئری قاییتماغا گومان یوخ،
یوللاریما داغلار دوشسه، نئیله‌ییم؟
گوله-گوله اوز چئویرن آیریلیق،
آیاغیما آغلار دوشسه، نئیله‌ییم؟
بو سئوگی ده بیر سؤز اولدو آدیما،
اؤزوم یاندیم اؤز عشقیمین اودونا.
آیریلیریق؛ هئچ بیلمیرم یادیما-
او سئویملی چاغلار دوشسه، نئیله‌ییم؟
من چاتارام او منزیله، دؤزومله،
اوّلکی‌تک آلوووملا، کؤزومله.
بو مؤحنتی آپارارام اؤزومله،
کؤرپو سینسا، چارخلار دوشسه، نئیله‌ییم؟
چاره یوخدو واختی گلن اؤلومه،
کؤنول دؤنوب؛ گوجوم چاتماز کؤنوله.
ایللر اؤتر، گؤروشنده الیمه-
اورالانمیش تاغلار دوشسه، نئیله‌ییم؟
#نوصرت_کسمنلی
🎙سالار موغانلی
#شعر_اوجاغی
@SheirOcagi
داها گئری قاییتماغا گومان یوخ،
یوللاریما داغلار دوشسه، نئیله‌ییم؟
گوله-گوله اوز چئویرن آیریلیق،
آیاغیما آغلار دوشسه، نئیله‌ییم؟
بو سئوگی ده بیر سؤز اولدو آدیما،
اؤزوم یاندیم اؤز عشقیمین اودونا.
آیریلیریق؛ هئچ بیلمیرم یادیما-
او سئویملی چاغلار دوشسه، نئیله‌ییم؟
من چاتارام او منزیله، دؤزومله،
اوّلکی‌تک آلوووملا، کؤزومله.
بو مؤحنتی آپارارام اؤزومله،
کؤرپو سینسا، چارخلار دوشسه، نئیله‌ییم؟
چاره یوخدو واختی گلن اؤلومه،
کؤنول دؤنوب؛ گوجوم چاتماز کؤنوله.
ایللر اؤتر، گؤروشنده الیمه-
اورالانمیش تاغلار دوشسه، نئیله‌ییم؟
#نوصرت_کسمنلی
🎙سالار موغانلی
#شعر_اوجاغی
@SheirOcagi
Telegram
attach 📎
▫️هله چیچک‌لر آچاجاق.
هله چیچک‌لر آچاجاق،
دریلیب قوخلانیب سولاجاق.
بوینو بوکوک بنؤوشه‌لره،
غملی خاطیره‌لر قالاجاق.
ایللرین اَل چاتیلماز اوزاقلیغیندا،
نه واختسا آلدادیلمیش گؤزَلین
گؤزلری دولاجاق.
آغارمیش ساچلارین خاطیره‌لری،
یادداشدا ایلیشیب قالمیش
قارا ساچلارینی یولاجاق.
هئچ‌کس آرخایین اولماسین!
دونیا بئله گئتمز؛
یئرده‌کی ملَک‌لرین انتقامینی
گؤیده‌کی ملَک‌لر آلاجاق.
#نوصرت_کسمنلی
#شعر_اوجاغی
@SheirOcagi
هله چیچک‌لر آچاجاق،
دریلیب قوخلانیب سولاجاق.
بوینو بوکوک بنؤوشه‌لره،
غملی خاطیره‌لر قالاجاق.
ایللرین اَل چاتیلماز اوزاقلیغیندا،
نه واختسا آلدادیلمیش گؤزَلین
گؤزلری دولاجاق.
آغارمیش ساچلارین خاطیره‌لری،
یادداشدا ایلیشیب قالمیش
قارا ساچلارینی یولاجاق.
هئچ‌کس آرخایین اولماسین!
دونیا بئله گئتمز؛
یئرده‌کی ملَک‌لرین انتقامینی
گؤیده‌کی ملَک‌لر آلاجاق.
#نوصرت_کسمنلی
#شعر_اوجاغی
@SheirOcagi
▫️دونَن تویون ایدی.
«ساغلیق»لار دئییلدی چیغیر-باغیرلا،
اوشویَن قلبینه گیرن اولدومو؟!
گؤزوندن قلبینه دوشن جیغیرلا،
آخان گؤز یاشینی گؤرن اولدومو؟!
«ساغلیق»لار اوزاندی سحره کیمی،
چالیب-اوینادیلار، کئف ائیله‌دیلر،
چیرپیب پیلله‌لره سون اومیدیمی،
«واغزالی» اوستونده دفن ائیله‌دیلر.
سون اومید...او منیم گره‌ییم ایدی.
یولونا شام توتدو نئچه قیز، گلین.
شام دئییل، او منیم اوره‌ییم ایدی،
سون دفعه یانیردی یولوندا سنین.
گئتدین... او کؤهنه یول نور یولو ایدی،
ایزین دوشن یئرده گول آچمادی کی.
اؤزگه‌یله کئچیردین او یولو ایندی،
آیاغین آلتیندان یئر قاچمادی کی.
بو یوللار نه یامان وفاسیز ایمیش،
نییه چیلیک‌لنیب تؤکولمه‌دیلر؟!
دوشوب قدمینه هر یوخوش، ائنیش،
نییه اوره‌ییمه چکیلمه‌دیلر؟!...
باشینا گول-چیچک سپدیلر او گون،
آلیشان قلبینه سو سپمه‌دیلر.
«گئت» دئییب آلنیمدان اؤپدولر او گون،
سینیق طالعینی دوزَلتمه‌دیلر.
گولدون... گولوشونون عؤمرو چوخ قیسا،
بیر حسرت آخیردی قانیندا سنین.
اوردا بوتون یئرلر توتولموشدوسا،
یئریم گؤرونوردو یانیندا سنین.
دونن تویون ایدی... خوشبخت اولاسان!
گؤرونور، بو بیزه قیسمت دئییلمیش.
اونوت! ائله بیل کی، سئودیگین اوغلان
گئتدیگین اوغلان‌میش، «نوصرت» دئییلمیش.
#نوصرت_کسمنلی
#شعر_اوجاغی
@SheirOcagi
«ساغلیق»لار دئییلدی چیغیر-باغیرلا،
اوشویَن قلبینه گیرن اولدومو؟!
گؤزوندن قلبینه دوشن جیغیرلا،
آخان گؤز یاشینی گؤرن اولدومو؟!
«ساغلیق»لار اوزاندی سحره کیمی،
چالیب-اوینادیلار، کئف ائیله‌دیلر،
چیرپیب پیلله‌لره سون اومیدیمی،
«واغزالی» اوستونده دفن ائیله‌دیلر.
سون اومید...او منیم گره‌ییم ایدی.
یولونا شام توتدو نئچه قیز، گلین.
شام دئییل، او منیم اوره‌ییم ایدی،
سون دفعه یانیردی یولوندا سنین.
گئتدین... او کؤهنه یول نور یولو ایدی،
ایزین دوشن یئرده گول آچمادی کی.
اؤزگه‌یله کئچیردین او یولو ایندی،
آیاغین آلتیندان یئر قاچمادی کی.
بو یوللار نه یامان وفاسیز ایمیش،
نییه چیلیک‌لنیب تؤکولمه‌دیلر؟!
دوشوب قدمینه هر یوخوش، ائنیش،
نییه اوره‌ییمه چکیلمه‌دیلر؟!...
باشینا گول-چیچک سپدیلر او گون،
آلیشان قلبینه سو سپمه‌دیلر.
«گئت» دئییب آلنیمدان اؤپدولر او گون،
سینیق طالعینی دوزَلتمه‌دیلر.
گولدون... گولوشونون عؤمرو چوخ قیسا،
بیر حسرت آخیردی قانیندا سنین.
اوردا بوتون یئرلر توتولموشدوسا،
یئریم گؤرونوردو یانیندا سنین.
دونن تویون ایدی... خوشبخت اولاسان!
گؤرونور، بو بیزه قیسمت دئییلمیش.
اونوت! ائله بیل کی، سئودیگین اوغلان
گئتدیگین اوغلان‌میش، «نوصرت» دئییلمیش.
#نوصرت_کسمنلی
#شعر_اوجاغی
@SheirOcagi
▫️بو همن پاییز دئییل.
کئچن ایل‌کی کیمی دولوب بولودلار،
آغاجلار حسرته بورونوب یئنه.
کئچن ایل‌کی کیمی قالیب بولودلار،
بس نه‌دن بو قدر یاد گلیر منه؟
کئچن پاییزدا دا بئله چن واردی،
هردن گونش کیمی گؤرونن واردی.
پاییزدی... بو پاییز او پاییز دئییل.
ائله بو ماهنی‌یلا بمین بولاقلار،
کئچن ایل ووصالدان اوخویوردولار.
آی سؤزلو بولاقلار، سرین بولاقلار!
نه‌دن سسینیزده بیر انتظار وار؟
هیجران نغمه سی‌دیر ایندی نه یازسام،
طبیعت! سن منی آلدادانمازسان.
پاییزدی... بو پاییز او پاییز دئییل.
دورنالار بئله‌جه اوچوب گئدیردی،
یئلپیک قانادینی آچیب گئدیردی.
اوندا دا توی-دویون فصلی‌یدی پاییز،
اوندا دا صدالی-سسلی‌یدی پاییز.
ائله بیل آزالیب دورنا قاطاری،
ائله بیل چوخالیب توی انتظاری.
پاییزدی... بو پاییز او پاییز دئییل.
جیغیرلار کمنده دؤنموشدو اوندا،
کؤنوللو دوشموشدو کمنده او قیز.
گونش اووجوموزا ائنمیشدی اوندا،
ایکیمیزین ایدی ان پارلاق اولدوز.
او پاییز توی اوچون سؤز وئردی منه،
بو پاییز اوخشامیر توی ائیله‌ینه.
پاییزدی... بو پاییز او پاییز دئییل.
#نوصرت_کسمنلی
#شعر_اوجاغی
@SheirOcagi
کئچن ایل‌کی کیمی دولوب بولودلار،
آغاجلار حسرته بورونوب یئنه.
کئچن ایل‌کی کیمی قالیب بولودلار،
بس نه‌دن بو قدر یاد گلیر منه؟
کئچن پاییزدا دا بئله چن واردی،
هردن گونش کیمی گؤرونن واردی.
پاییزدی... بو پاییز او پاییز دئییل.
ائله بو ماهنی‌یلا بمین بولاقلار،
کئچن ایل ووصالدان اوخویوردولار.
آی سؤزلو بولاقلار، سرین بولاقلار!
نه‌دن سسینیزده بیر انتظار وار؟
هیجران نغمه سی‌دیر ایندی نه یازسام،
طبیعت! سن منی آلدادانمازسان.
پاییزدی... بو پاییز او پاییز دئییل.
دورنالار بئله‌جه اوچوب گئدیردی،
یئلپیک قانادینی آچیب گئدیردی.
اوندا دا توی-دویون فصلی‌یدی پاییز،
اوندا دا صدالی-سسلی‌یدی پاییز.
ائله بیل آزالیب دورنا قاطاری،
ائله بیل چوخالیب توی انتظاری.
پاییزدی... بو پاییز او پاییز دئییل.
جیغیرلار کمنده دؤنموشدو اوندا،
کؤنوللو دوشموشدو کمنده او قیز.
گونش اووجوموزا ائنمیشدی اوندا،
ایکیمیزین ایدی ان پارلاق اولدوز.
او پاییز توی اوچون سؤز وئردی منه،
بو پاییز اوخشامیر توی ائیله‌ینه.
پاییزدی... بو پاییز او پاییز دئییل.
#نوصرت_کسمنلی
#شعر_اوجاغی
@SheirOcagi
Forwarded from اتچ بات
▫️اؤزون کوسدوردون منی.
منده گوناه آراما!
اؤزون کوسدوردون منی.
اوره‌ییمه توخونان،
سؤزون کوسدوردو منی.
هردن سوزولوب آخان،
منی یالنیز بوراخان،
دؤنوب یادلارا باخان،
گؤزون کوسدوردو منی.
سوروشما هیجران نه‌دن!
غمدی قلبیمی دیدن.
مندن آیریلیب گئدن،
ایزین کوسدوردو منی.
یاندیم، قوورولدوم داها،
دردیمی بؤلدوم داها،
دؤزدوم، یورولدوم داها،
دؤزوم کوسدوردو منی.
هر کسه «گولوم» دئین،
«اوجاغیم، کولوم» دئین،
هامییا گولومسه‌ین،
اوزون کوسدوردو منی.
#نوصرت_کسمنلی
🎙سالار موغانلی
#شعر_اوجاغی
@SheirOcagi
منده گوناه آراما!
اؤزون کوسدوردون منی.
اوره‌ییمه توخونان،
سؤزون کوسدوردو منی.
هردن سوزولوب آخان،
منی یالنیز بوراخان،
دؤنوب یادلارا باخان،
گؤزون کوسدوردو منی.
سوروشما هیجران نه‌دن!
غمدی قلبیمی دیدن.
مندن آیریلیب گئدن،
ایزین کوسدوردو منی.
یاندیم، قوورولدوم داها،
دردیمی بؤلدوم داها،
دؤزدوم، یورولدوم داها،
دؤزوم کوسدوردو منی.
هر کسه «گولوم» دئین،
«اوجاغیم، کولوم» دئین،
هامییا گولومسه‌ین،
اوزون کوسدوردو منی.
#نوصرت_کسمنلی
🎙سالار موغانلی
#شعر_اوجاغی
@SheirOcagi
Telegram
attach 📎