تراس‌دا،
ماوی شریته سانجاقلانمیش،
رنگلی پالتارلارین
بیریله یاخیندان تانیشام!

#ارسطو_مجرد
@SheirOcagi

‍ - کُن صبورًا
- الی متی !؟
- اِلی الابَد ..!

- دؤزملو اول
- هاچاناجاق!؟
- ابدی اولاراق..!

#محمود_درویش
چئویرن:
#ارسطو_مجرد
@SheirOcagi

«ایتن کؤلگه‌لر»
|آذربایجان چاغداش ادبیاتی|
| #تورکجه_رومان| #ارسطو_مجردی|
انتشارات ایلقار/ کیرپی
@bitik_evi
ساتیش یئری: #بیتیک_ائوی
آدرس: تبریز، ۱۷شهریور چهارراهی، اطلس پاساژی، آلت قات، پلاک۳.

✅ #آنلاین_سفاریش اوچون @amin_jodat آیدی‌سی یوخسا ۰۹۱۴۶۵۶۴۷۳۳ نومره‌سیله تماس توتون. وطنیمیزین هر هانسی شهر-کندینده اولسانیز، سفارشی ۴۸-ساعاتا کیمی قاپینیزدا تحویل آلا بیلرسینیز.✅
@bitik_evi

درام

 بیر قاراچی قیزین هئی‌سیز آکاردئونو کیمی آچیلیب یومولور، پیئس‌سیز تئاتر صحنه‌سی اولان کوچه‌میز.

 قادینلار آکتریسا،
ارکک‌لر آکتیور.
آنجاق هئچ کیمسه اؤز رولونو اوینامیر،
دیالوقلار قاریشیق،
مونولوقلار موبهم.
صحنه دَییشمیر هئچ گون، هئچ آخشام.

حیات -بیر پرده‌لی- تئاتر‌دیر.
اشیالار فیکس،
اینسانلار فیکس.
رژیسورلار ایتگین.
تاماشاچیلار، سؤنوک ایشیق آغاجلارینین اوستونده اوتوران اورکک سئرچه‌لر.

بو دراماتیک کوچه‌ده قاراچی قیز یالنیز کدر نوتلارینی چالیر:
"گئجه‌نی رنگله‌ییرم، آغارمیر.
کیلکه‌لریمی دارایا بیلمیر یئللر،
 زیان ائده‌جه‌یم بو قانقاریادان ..."

آکتیورلر ابدی موحاریبه‌ده‌دیرلر آکتریسالارلا.
دیالوقلار هیستریک اولور،
مونولوقلار حزین.
بعضن گیج قارقالار دا بئزیر بو صحنه‌لردن.
اشیالار فیکس،
اینسانلار فیکس.
هانسی دراماتورگون چلیمسیز بئینی یازمیش بو پیئسی؟!
پرده‌لر فیکس...

#ارسطو_مجرد
@SheirOcagi

▫️بوتون اخلاقی اوستونلوک‌لرین آراسیندا، ان سئویملی‌سی حوریّت‌چی‌لیک‌دیر...

#ارسطو
#شعر_اوجاغی
@SheirOcagi

▫️من اوستادیم «افلاطون»و سئویرم، آنجاق گئرچه‌یی اوندان داها چوخ سئویرم...

#ارسطو
#شعر_اوجاغی
@SheirOcagi

▫️درام

 بیر قاراچی قیزین هئی‌سیز آکاردئونو کیمی،
آچیلیب-یومولور،
پییئس‌سیز، تئاتر صحنه‌سی اولان کوچه‌میز.

قادین‌لار آکتریسا، ارکک‌لر آکتیور.
آنجاق هئچ کیمسه اؤز رولونو اوینامیر،
دیالوق‌لار قاریشیق،
مونولوق‌لار موبهم.

صحنه دَییشمیر هئچ گون، هئچ آخشام.
حیات، بیر پرده‌لی تئاتر‌دیر.
اشیالار فیکس، اینسانلار فیکس.
رژیسورلار ایتکین.
تاماشاچی‌لار، سؤنوک ایشیق آغاجلارینین اوستونده اوتوران اورکک سئرچه‌لر.

بو دراماتیک کوچه‌ده قاراچی قیز،
یالنیز کدر نوت‌لارینی چالیر:
«گئجه‌نی رنگله‌ییرم، آغارمیر.
کیلکه‌لریمی دارایا بیلمیر یئل‌لر،
 زیان ائده‌جه‌یم بو قانقاریادان ...»

آکتیورلار ابدی موحاریبه‌ده‌دیرلر آکتریسالارلا. دیالوق‌لار هیستریک اولور،
مونولوق‌لار حزین.

بعضن گیج قارغالار دا بئزیر بو صحنه‌لردن.
اشیالار فیکس، اینسانلار فیکس.

هانسی دراماتورقون چلیمسیز بئینی یازمیش بو پییئسی؟
پرده‌لر فیکس...

#ارسطو_مجرد
@SheirOcagi

▫️پاییز هله گلمه‌ییب.

هله تکجه تقویم ایچینده گلمیش پاییز. یوخسا آغاجلار، بیتکی‌لر هله ده باهار داماقلی‌دیرلار...
پاییز بئله اولمور. پاییز مین رنگده جیلوه‌لنیر؛ قیزیلجا چیخارمیش قیز اوشاغی کیمی گاه قیزاریر، گاه سارالیر، گاه تؤکولور. اؤلوم رنگی وار سیماسیندا.
پاییز بو دئییل. پاییز گؤز -گؤره‌تی بیر آیریلیقدی. آنا بیرچه‌یی‌نین دن-دن سولماسیدیر پاییز. آغاجلارین احتضاری و کوچه‌لرین ««گئتدی» ائشیتدیگی آنلاردیر.
من پاییزی گؤرموشم، چوخ آمانسیز اولور هاواسی. سانکی شانادیر سوخولور باغرینا. کدره بویلودور، داریخماغین آی گونودور، سیخینتی دوغور ائکیز -ائکیز.
پاییز بئله اولمور.
هله خیابان‌لاردان خیشیلتی سسی گلمیر؛ یارپاقلارین سوی قیریمی، ترابلینکانین سره‌لنمیش سایسیز مییت‌لری کیمی. پاییزین اؤز سیماسی وار، رنگی آتمیش اعدامی اوغلانا بنزر. «آذرین اییرمی بیری‌»دیر پاییز، قار اوچقونو آلتیندا دفن اولار چوخ شئی...
هله آغاجلار خبرسیزدیر کؤتوک قوپاران کولک‌لردن...

#ارسطو_مجرد
@SheirOcagi

 ▫️پاییز هله گلمه‌ییب.

هله تکجه تقویم ایچینده گلمیش پاییز.
یوخسا آغاجلار، بیتکی‌لر،
هله ده باهار داماقلی‌دیرلار.

پاییز بئله اولمور،
پاییز مین رنگده جیلوه‌لنیر.
قیزیلجا چیخارمیش قیز اوشاغی کیمی،
گاه قیزاریر،
گاه سارالیر،
گاه تؤکولور.
اؤلوم رنگی وار سیماسیندا.

پاییز بو دئییل.
پاییز گؤز-گؤره‌تی بیر آیریلیقدی،
آنا بیرچه‌یینین دن-دن سولماسی‌دیر.
پاییز. آغاجلارین احتضاری،
کوچه‌لرین «گئتدی» ائشیتدیگی آنلاردیر.

من پاییزی گؤرموشم،
چوخ آمانسیز اولور هاواسی،
سانکی شانادیر سوخولور باغرینا.
کدره بویلودور،
داریخماغین آی گونودور،
سیخینتی دوغور ائکیز-ائکیز.

پاییز بئله اولمور.
هله خیابانلاردان خیشیلتی سسی گلمیر،
یارپاقلارین سوی‌قیریمی،
«ترئبلینکا»نین سره‌لنمیش سایسیز مئییت‌لری کیمی.

پاییزین اؤز سیماسی وار،
رنگی آتمیش اعدامی اوغلانا بنزر.
آذرین اییرمی بیری‌دیر پاییز.
قار اوچقونو آلتیندا دفن اولار چوخ شئی.
هله آغاجلار خبرسیزدیر کؤتوک قوپاران کولک‌لردن...

#ارسطو_مجرد
@SheirOcagi

▫️بوتون عدالتسیزلیک‌لر آراسیندا ان دؤزولمزی، قانون آدی آلتیندا تؤره‌دیلن عدالتسیزلیک‌دیر.

#ارسطو
#شعر_اوجاغی
@SheirOcagi

▫️حیاتدا، گؤرمک اوچون بیر ایش، سئومک اوچون بیر شئی، اومیدلی اولماق اوچون بیر سبَبین وارسا، دئمک کی خوشبَختسن.

#ارسطو
#شعر_اوجاغی
@SheirOcagi