DAR: Baada ya Mdau wa JamiiForums.com kudai huduma ya Kampuni inayokamata Vyombo vya Moto vinavyoegeshwa kimakosa ndani ya Wilaya ya Ubungo na kueleza faini ya Tsh. 80,000 inayotozwa haiendani na kosa, ufafanuzi umetolewa na Mamlaka inayosimamia.

Halmashauri ya Manispaa ya Ubungo imesema dereva anayekutwa na kosa hataruhusiwa kuondoka eneo la tukio hadi awe amelipa faini tofauti na utaratibu wa Polisi ambapo faini inaweza kulipwa baadaye hata baada ya kuondoka eneo la tukio.

Halmashauri hiyo pia imetoa maelekezo kwa Watendaji wa Boss Kazi Ltd kufanya kazi kwa kufuata masharti ya mkataba na Sheria za nchi, kuhudumia Wananchi kwa staha, heshima na weledi, kupiga picha kabla ya kutoa faini ili kuepusha sintofahamu na kutoa elimu ya kutosha kwa kila Mwananchi anayekamatwa kuhusu kosa lake na namna ya kulipa.

Zaidi https://jamii.app/WrongParkingUbungo

#JamiiAfrica #JamiiForums #JFHuduma #ServiceDelivery #JFMdau2025 #Accountability

NJOMBE: Mdau wa JamiiForums.com ambaye ni Mkazi wa Njombe Mjini ametoa wito kwa Halmashauri hiyo kuweka wazi ikiwa imetoa maelekezo kwa Shule za Msingi kutoza Wanafunzi hadi Tsh. 10,000 kwa ajili ya mitihani ya kila wiki, na kuongeza kuwa gharama hizo zimekuwa mzigo kwa Wazazi na Walezi.

Zaidi soma https://jamii.app/ShuleNjombeHalmashauri

#JamiiForums #JamiiAfrica #JFHuduma #Accountability #JFMdau2025 #JFUwajibikaji

KILIMANJARO: Mdau wa JamiiForums.com anatoa wito kwa Serikali Kuu na Mamlaka za juu za Usalama kuingilia kati na kuchukua hatua juu ya matukio yanayoendelea kati ya Wakulima dhidi ya Wafugaji katika Kijiji cha Mbatakero, Wilaya ya Hai, akidai kuna uvamizi unaoathiri Watu, Mazao, mali na kutishia uhai wa Watu.

Mdau anadai mgogoro huo umesababisha kuwe na matumizi ya ndivyo sivyo ya silaha za jadi na kwamba walalamikaji wanapowasilisha hoja zao kwa Mamlaka mbalimbali hazifanyiwi kazi kwa usahihi.

Anadai baadhi ya Wananchi wameanza kuhamasishana kujilinda wao, mali zao na afya zao na kwamba wamefikisha malalamiko yao katika Vyombo vya Habari vya Mkoani hapo navyo vimekuwa na uzito wa kuwasikiliza hali ambayo inaweza kusababisha machafuko kama hakutakuwa na muongozo wa Serikali.

Zaidi soma https://jamii.app/KijijiChaMbatakero

#JamiiAfrica #JamiiForums #HumanRights #Accountability #JFMdau2025

KAGERA: Mdau wa JamiiForums.com ametoa wito kwa Mamlaka kufuatilia uanzishwaji wa kambi ya maandalizi Shuleni kwa madarasa yenye mitihani (Kidato cha 2 & 4) akidai kuna michango ambayo inafanywa kuwa ya lazima ambapo wale wasiotoa wanawekwa pembeni hali inayofanya baadhi ya Wanafunzi kuikimbia shule kwa kukosa michango hiyo.

Zaidi https://jamii.app/WanafunziKambiKujisomea

#JamiiAfrica #JamiiForums #Uwajibikaji #Accountability #JFMdau2025

DAR: Mdau wa JamiiForums.com anadai maeneo mengi ya #Kariakoo ikiwemo Mataa ya Uhuru kuna kundi la Watu linafanya uonevu wa kukamata Bodaboda na kuwalazimisha watoe Tsh. 10,000 hadi Tsh. 20,000 nje ya utaratibu wa Faini za Kiserikali pindi wanapowakamata wakiwatuhumu kuwa na makosa mbalimbali.

Anaeleza kama hakutakuwa na utaratibu wa kudhibiti tabia hiyo, itafika hatua Wanaoonewa watachoka na kunaweza kutokea madhara makubwa, kwani wanaokamatwa wengine hawana makosa lakini wanaingia katika mtego huo, hivyo ameshauri Serikali ichukue hatua kudhibiti usimamizi ili Haki itendeke.

Zaidi soma https://jamii.app/UsalamaBodaboda

#JamiiForums #JamiiAfrica #Accountability #JFHuduma #JFMdau2025