MARA: Kesi ya madai iliyokuwa inawakabili Mbunge wa Jimbo la Tarime Vijijini Mwita Waitara ambaye ni Mdaiwa namba 1, Karoli Jacob (Mdaiwa namba 2) na Mara TV (Mdaiwa namba 3), imetolewa hukumu leo Juni, 16, 2025 katika Mahakama Kuu ya Tanzania, Kanda ya Musoma

Wadaiwa walikuwa wakikabiliwa na kesi ya madai shauri namba 23, ya Mwaka 2023 iliyofunguliwa na Eliakim Chacha Maswi, aliyewahi kuwa Mtendaji Mkuu wa Mamlaka ya Kudhibiti Ununuzi wa Umma ( PPRA) , ambaye kwasasa ni Katibu Mkuu wa Wizara ya Katiba na Sheria

Eliakim Maswi alifungua kesi kutaka wadaiwa kumlipa Tsh. Bilioni 12 kama fidia ya madhara ya jumla pamoja na Tsh. Bilioni 1 kama fidia ya adhabu, kwa madai ya kumkashfu na kutoa tuhuma za uongo dhidi yake kuhusu Wizi wa Fedha, ambapo Mahakama imeamua Waitara na wenzake wamlipe Maswi Tsh. Bilioni 6, pia waite Vyombo vya habari na kumsafisha dhidi ya tuhuma walizotoa dhidi yake na walipia alipie gharama za kesi

Soma https://jamii.app/WaitaraBili6Udhalilishaji

#JamiiForums #JamiiAfrica #Governance

UGANDA: Rais, #YoweriMuseveni, amesaini Sheria mpya inayoruhusu Mahakama za Kijeshi kuwahukumu raia, hatua ambayo Viongozi wa upinzani wamesema inakiuka uamuzi wa Mahakama ya Juu

Wanaharakati wa Haki za Binadamu kwa muda mrefu wamekuwa wakilalamika kuwa Serikali imekuwa ikitumia Mahakama za Kijeshi kuwatesa Wapinzani wa Kisiasa wa Museveni, ambaye amekuwa Madarakani kwa takribani Miaka 40. Wasimamizi wake wamekanusha madai hayo, wakisema kuwa ni raia wanaotumia silaha kwa vurugu za kisiasa tu ndio wanaofikishwa katika mahakama hizo.

Katika uamuzi wake mapema Mwaka huu, Mahakama ya Juu ya #Uganda ilipiga marufuku utaratibu huo, ikisema kuwa ni kinyume cha #Katiba. Serikali ya Museveni iliwasilisha Muswada mpya wa Sheria uliolenga kurejesha utaratibu huo, na Bunge liliupitisha Mwezi uliopita

Soma https://jamii.app/MuseveniMilitaryCourt

#JamiiForums #JamiiAfrica #HumanRights #Democracy

Je, Wajua Asilimia 34.4 ya Watu wote Tanzania Bara ni Vijana?

Kwa mujibu wa Takwimu za Sensa ya Watu na Makazi ya Mwaka 2022 (SWM 2022), Tanzania Bara ina Watu 59,851,347, kati ya hao, Vijana ni 20,612,566 sawa na 34.4%

Ni ukweli usiopingika kwamba Vijana ni kundi kubwa na ndilo lenye nguvu za kufanya kazi, ndio watu wenye ubunifu, wenye uthubutu na ujasiri na ndio waliobeba maono ya Taifa, hivyo Mapinduzi makubwa kwenye uchumi, jamii na teknolojia yatafikiwa endapo kila Kijana atashiriki na kujitoa kikamilifu kuleta mawazo mapya, ubunifu na mikakati mipya ya kuchangia maendeleo kwenye jamii yake

Soma https://jamii.app/UwajibikajiWaVijana

#JamiiAfrica #JamiiForums #JFVijana #RestlessDevelopment #UshirikiWaVijana

Hakuna mafanikio ya haraka. Unahitaji kuwaza, kupanga na kuendelea kujaribu bila kuchoka. Hii ndo njia ya kuona ndoto yako ikigeuka kuwa kweli

#JamiiAfrica #JamiiForums #Maisha #GoodMorning #AmkaNaJF

DAR: Wakili Peter Kibatala, mmoja wa Mawakili wanaomtetea Mwenyekiti wa #CHADEMA Taifa, Tundu Lissu katika shtaka linalomkabili la 'kuchapisha taarifa za uwongo Mtandaoni', amesema walikuwa wamejipanga kumtetea mteja wao kwa kumuuliza maswali shahidi ambaye alianza kutoa Ushahidi wake jana Juni 16, 2025

Kibatala amesema shahidi huyo aliyejitambulisha kwa jina la PF. 22863 Inspekta John, wanamfahamu vizuri na siku atakaporejea Mahakamani wataonesha kitu tofauti

Shahidi huyo akitoa ushahidi Mahakamani, amesema alikutana na picha mjongeo (video) kupitia Akaunti ya YouTube ya Jambo TV, ambayo ilichapishwa Aprili 3, 2025 na kudai alibaini maudhui yenye jinai kupitia matamshi yaliyotolewa na Lissu

Soma https://jamii.app/KibatalaNaShahidi

#JamiiForums #JamiiAfrica #Siasa #Democracy #Governance #HumanRights

Wimbo wa 'My Heart Will Go On' ni kati ya kazi zilizomuongezea umaarufu #CelineDion, ambayo alirekodi akiwa na umri wa Miaka 29, ukiwa maalum kwaajili ya ‘soundtrack’ ya Filamu ya #Titanic iliyotoka Mwaka 1997

Celine aliwahi kuhojiwa na kusema alipofuatwa kwaajili ya kurekodi wimbo huo hakuona kama inamfaa. Alisema“Sikuona kama inanifaa, nilichoka sana siku hiyo. Nilifikiria nimeshafanya ‘soundtrack’ kadhaa, sikutaka kuonekana kazi yangu ni hiyo tu, mume wangu (René Angélil) akanishawishi niimbe demo (wimbo wa awali kabla ya wimbo wenyewe).”

Alieleza kuwa baada ya demo aliondoka studio, hawakurudi tena kwaajili ya kuimba wimbo wenyewe, na hiyo ndiyo ikatengenezwa na kutumika kuwa wimbo rasmi wa Filamu

Soma https://jamii.app/MyHeartWillGoOn

#JFEntertainment #JamiiForums #JamiiAfrica

DAR: Jeshi la Polisi linadaiwa kuzuia kufanyika kwa Mkutano wa #CHADEMA na Waandishi wa Habari uliokuwa ufanyike leo Juni 17, 2025 katika Ukumbi wa Seashells Millennium Hotel, kwa maelezo kwamba Chama hicho kimezuiwa na Mahakama kufanya shughuli za Kisiasa

Akizungumzia suala hilo, Mkurugenzi wa Mawasiliano na Uenezi wa CHADEMA, Brenda Rupia amesema wakati wakijiandaa kwa Mkutano huo, walifika Watu waliojitambulisha kuwa ni Maafisa wa Polisi na kuzuia usifanyike

Alipoulizwa kuhusu zuio hilo, Kamanda wa Polisi Kanda Maalum ya Dar es Salaam, Jumanne Muliro amesema “Wanalalamika nini? Basi tunafuatilia wasichokijua na ambacho wanakilalamikia.”

Soma https://jamii.app/CDMBanPolisiDar

#JamiiForums #JamiiAfrica #Siasa #Democracy #UchaguziMkuu2025

SIMIYU: Waziri wa Kilimo, Hussein Bashe ametoa onyo kwa Mbunge wa Kisesa, Luhaga Mpina pamoja na Wanasiasa wengine wa Mkoa wa Simiyu, kuacha kutumia zao la Pamba kama mtaji wa Kisiasa

Bashe amesema Mpina aliwahi kumdanganya Hayati Rais Magufuli kuhusu Bei ya Zao la Pamba Duniani na kusababisha Wakulima kupata hasara, kwa kuuza Pamba kwa Tsh. 500

Soma https://jamii.app/BasheMpinaKuuaKitalu

#JamiiForums #Accountability #Uwajibikaji #JamiiAfrica #Siasa #Transparency

SIMIYU: Mbunge wa Kisesa, Luhaga Mpina amemwambia Rais Samia Suluhu Hassan kuwa Jimbo lake bado linamdai na kwamba maeneo mengine yanayodai hayamdai, fedha zao zihamishiwe Kisesa

Ameyasema hayo leo Juni 17, 2025 wakati wa mkutano wa hadhara Wilayani Meatu, ikiwa ni sehemu ya ziara ya Rais Samia Mkoani humo.

Soma https://jamii.app/SamiKisesaTunakudai

#JamiiForums #JamiiAfrica #Uwajibikaji #Accountability

Rais Samia Suluhu akiwa ziarani Mkoani Simiyu, amesema Mbunge wa Kisesa (Luhaga Mpina) 'amerukaruka' kwenye kutaja Mambo yaliyofanyika Jimboni kwake, huku akieleza amelidharau Jimbo lake kwa kusema "Kisesa iko kama Mwanamke aliyesuka Nywele"

Soma https://jamii.app/SamiaMpinaKisesa

#JamiiForums #JamiiAfrica #Accountability #Uwajibikaji #UchaguziMkuu2025 #KuelekeaUchaguzi2025

DAR: Kesi ya Marejeo iliyopo Mahakama Kuu Dar es Salaam iliyofunguliwa na Mwenyekiti wa CHADEMA-Taifa, Tundu Lissu dhidi ya Jamhuri ambayo ilipangwa kutajwa leo Juni 17, 2025 imeahirishwa hadi Juni 27, 2025.

Shauri hilo lilipangwa kusikilizwa kwa njia ya Mtandao mbele ya Jaji Mkwizu, lakini Mahakama imeagiza kuwa litakapotajwa tena Juni 27, Lissu anatakiwa kufikishwa Mahakamani

Katika shauri hilo Lissu anaoimba Mahakama kufanya marejeo ya mwenendo wa Kesi ya tuhuma za 'kutoa taarifa za uongo Mtandaoni', ambayo inasikilizwa na Hakimu Mfawidhi Muhini katika Mahakama ya Hakimu Mkazi Kisutu

Soma https://jamii.app/KesiMarejeoLissu

#JamiiForums #JamiiAfrica #JFMatukio

SIMIYU: Rais Samia Suluhu amesema Vijana wanne wamepoteza maisha kwa ajali ya gari wakiwa njiani kuelekea katika mkutano uliofanyika leo, Juni 17, 2025, ambapo kabla ya mkutano huo Rais alitembelea majeruhi wa ajali hiyo, waliolazwa katika Hospitali ya Wilaya Meatu

Awali, Jeshi la Polisi Mkoa lilitoa taarifa kuwa Watu wanne wamepoteza maisha na wengine 15 wamejeruhiwa katika ajali ya gari iliyotokea Kijiji cha Mwamishari, Kata ya Mwamishari, Meatu ikihusisha gari aina ya Scania lililobeba Wananchi waliokuwa wanatoka kwenye Zoezi la Chanjo ya Mifugo na Utambuzi, jana Juni 16, 2025 Usiku

Soma https://jamii.app/AjaliSimiyuJuni16

#JFMatukio #JamiiForums #Misinformation #Disinformation

MBEYA: Mwanafunzi wa Mwaka wa Kwanza wa Chuo Kikuu cha Sayansi na Teknolojia Mbeya (MUST), Emilian J. Duzu (21) anashikiliwa na Jeshi la Polisi kwa tuhuma za mauaji ya Gerald P. Said (22), Mwanafunzi wa Mwaka wa Tatu katika Chuo hicho, tukio ambalo limetokea Alfajiri ya Juni 14, 2025

Polisi imeeleza tukio lilitokea katika maeneo ya Klabu ya Muziki ya Mbeya Pazuri, ikidaiwa Emilian alimjeruhi Gerald kwa kumchoma na kitu chenye ncha kali tumboni, akakimbizwa Hospitali ya Rufaa Kanda ya Mbeya lakini alifariki Saa 7:00 Mchana

Soma https://jamii.app/AmuuaMwanafunziClub

#JamiiForums #JamiiAfrica #JFMatukio