DODOMA: Halmashauri Kuu ya Chama Cha Mapinduzi (CCM) Taifa imempitisha aliyekuwa Mkurugenzi wa Uchaguzi wa Tume ya Uchaguzi Tanzania (NEC), Dkt. Wilson Mahera Charles kuwa Mgombea Ubunge Jimbo la Butiama katika Uchaguzi Mkuu 2025.

Ikumbukwe, Dkt. Mahera aliteuliwa Oktoba 1, 2019 na Hayati Rais John Pombe Magufuli kuwa Mkurugenzi wa Uchaguzi wa NEC, baadaye Februari 26, 2023 aliteuliwa na Rais Samia Suluhu kuwa Naibu Katibu Mkuu, Ofisi ya Rais, Tawala za Mikoa na Serikali za Mitaa (TAMISEMI).

Soma zaidi https://jamii.app/DktMahera

#JamiiAfrica #JamiiForums  #UchaguziMkuu2025 #Siasa

NIGERIA: Kwa mujibu wa taarifa zilizotolewa na Mamlaka, Agosti 23, 2025, Jeshi la Anga limewaokoa Watu 76 waliokuwa wametekwa nyara, wakiwemo Wanawake na Watoto, baada ya kufanya shambulio la angani kwa usahihi kwenye ngome ya majambazi katika Jimbo la Katsina Kaskazini Magharibi.

Operesheni hiyo ililenga eneo la Pauwa Hill katika Halmashauri ya Kankara kama sehemu ya msako dhidi ya kiongozi wa genge kwa jina la Babaro, anayetuhumiwa kuhusika na shambulio la msikiti Mjini Malumfashi. Wakati wa uokoaji, Mtoto mmoja alipoteza maisha, ingawa haijabainika kama kulikuwa na vifo vingine vya mateka au wanachama wa genge.

Shambulio hilo linaweza kuashiria hatua muhimu katika jitihada za kuvunja mitandao ya uhalifu kaskazini magharibi mwa #Nigeria, ambako makundi yenye silaha yamekuwa yakiwatisha wakazi wa vijijini kwa miaka mingi.

Soma zaidi https://jamii.app/JeshiNigeria

#JamiiAfrica #JamiiForums #Uwajibikaji #HumanRights

DAR: Sheikh Iddi Abdallah Chaurembo amewaombea wale wote wanaopanga kuleta chuki, kutumia mitandao kudhuru au kuhujumu kura, wapate upofu ili wasifanikiwe katika mipango yao.

Ameyasema hayo leo, Agosti 24, 2025, wakati akishiriki Kongamano la Amani kuelekea Uchaguzi Mkuu 2025, lililoandaliwa na Umoja wa Maimamu Tanzania (#UMATA) na kufanyika katika Ukumbi wa Diamond Jubilee, kongamano hilo pia limehudhuriwa na Rais Samia Suluhu Hassan.

Zaidi soma https://jamii.app/SheikhChauremboUpofu

#JamiiAfrica #JamiiForums #UchaguziMkuu2025 #Demokrasia

LINDI: Baadhi ya Wanachama wa Chama Cha Mapinduzi (#CCM) Jimbo la Nachingwea wamerudisha vifaa mbalimbali na kadi za chama huku wakionekana kutoridhishwa na jambo fulani wakati wa kikao kilichohusisha Wananchi mbalimbali.

Akielezea tukio linaloonekana katika video inayosambaa Mtandaoni ikidaiwa limetokea jana Agosti 23, 2025, Mwenyekiti wa CCM Wilaya ya Nachingwea, Longinus Nambole amesema “Eneo hilo kuna mgogoro wa muda mrefu wa Wakulima na Wafugaji, hivyo inawezekana Wananchi wametumia nafasi hiyo kufikisha ujumbe kuwa hawaridhishwi na maamuzi ya Viongozi.”

Ameongeza “Unajua CCM ndio chama Tawala hivyo kama chenyewe hakifanyi maamuzi sahihi basi Wananchi wanaonesha hisia zao kwa kwa kukiadhibu Chama, lakini nitafuatilia zaidi kujua kilichotokea.”

Soma zaidi https://jamii.app/Nachingwea

#JamiiAfrica #JamiiForums #Siasa #UchaguziMkuu2025 #Demokrasia

Wakati Wazazi wao wakiwa ni maarufu kwa makubwa waliyoyafanya kwenye mchezo wa soka, wao wameshindwa kufikia angalau nusu ya mafanikio ya kile ambacho baba zao walikifanya walipokuwa wakicheza.

Enzo Zidane mtoto wa #ZinedineZidane ‘Zizzou’, Romeo Beckham mtoto wa #DavidBeckham na Cristian Totti kijana wa #FrancescoTotti.

Enzo alistaafu kwa sababu aliona hawezi kufika mbali kwenye soka, Romeo sababu Brentford FC haikumpa mkataba mpya kwa kutoridhishwa na kiwango chake wakati Cristian amestaafu kutokana na sababu za kuonekana haoneshi dalili za kufikia mafanikio ya baba yake.

Zaidi soma https://jamii.app/EarlyRetirement

#JFSports #JamiiAfrica #JamiiForums

MICHEZO: Wikiendi inaelekea kumalizika, haya ni baadhi ya matokeo katika Ligi na Michuano mbalimbali Duniani.

Ngazi ya klabu, timu kutoka Jiji la Manchester hazijapata ushindi, moja imepigwa nyingine imepata sare, #Arsenal, #Chelsea, #BayernMunich zote zimepata ushindi mnono.

Tembelea JamiiForums.com kushiriki kwenye mijadala mbalimbali inayohusu Soka.

#JFSports #JamiiForums #JFEPL2025 #JamiiAfrica #CHAN2024 #JFBundesliga2025

Akizungumza leo Agosti 24, 2025 kwa njia ya Mtandao, Mwanasiasa na Kada wa Chama Cha Mapinduzi (CCM), Humphrey Polepole amesema, “Mungu akituvusha, nashauri Sheria irekebishwe ili Viongozi (Rais) wawajibishwe kwa kushtakiwa kwa makosa waliyoyafanya wakiwa madarakani.”

Soma https://jamii.app/PolepoleTumeuzwa

#JamiiAfrica #JamiiForums #Uwajibikaji #Siasa

Akizungumza kwa njia ya Mtandao, Agosti 24, 2025, Mwanasiasa na Kada wa CCM, Humphrey Polepole amesema Mfanyabiashara Rostam Aziz ameuziwa Asilimia 70 ya Mgodi wa Makaa ambao ni Mkubwa Afrika Mashariki na Kati kwa kiwango cha Tsh. Bilioni 5 na kwamba ameshalipa Tsh. Bilioni 2.5.

Zaidi soma https://jamii.app/PolepoleMakaa

#JamiiAfrica #JamiiForums #Uwajibikaji #Siasa

ARUSHA: Jeshi la Polisi limetoa taarifa kuwa linafanya uchunguzi kuhusiana na tukio la Mtu mmoja aitwaye Bakari Halifa Daud (18) Mkazi wa Sombetini kujeruhiwa kwa kupigwa risasi mguuni na Abdulaziz Abubakari (Dogo Janja).

Kamanda wa Polisi Mkoa, SACP Justine Masejo amesema uchunguzi wa awali umebaini tukio hilo lilitokea Agosti 23, 2025 Saa 5:30 Usiku maeneo ya Sombetini na kwamba Jeshi linawashikilia Watu wawili kuhusiana na tukio hilo huku uchunguzi ukiendelea.

SACP Masejo ameongeza kuwa wakati Abdulaziz Abubakari (30), Mkazi wa Levolosi akiwa anashuka kwenye gari alidai kutaka kuvamiwa na Bakari akiwa na mwenzake kwa kutumia silaha ya jadi hali iliyosababisha kutumia silaha aliyokuwa nayo.

Zaidi https://jamii.app/DogoJanjaKumpigaRisasi

#JamiiAfrica #JamiiForums #HumanRights #Accountability #Uwajibikaji

Kupitia Jukwaa la Entertainment ndani ya JamiiForums.com Waadau wanajadili kuhusu nyimbo za Kitanzania ambazo zilifanya vizuri ngazi ya Kimataifa kiasi cha kuweza kuutangaza muziki wa Bongo Fleva kwa kiwango kikubwa.

Unadhani ngoma gani kati ya hizi au kama nyingine ilitoboa zaidi Kimataifa?

Shiriki mjadala huu https://jamii.app/HitKimataifa

#JamiiForums #JamiiAfrica #JFBurudani #JFEntertainment #JFBongoFleva

Mwanasaikolojia Nadia Ahmed amesema kuwa kauli za Chuki Mtandaoni huleta madhara mbalimbali ya Kisaikolojia kwa Mtu anayekumbana nazo Mtandaoni na husababisha kuathiri matendo na maamuzi ya muhusika.

Tembelea Jukwaa la JamiiForums.com

#JamiiForums #JamiiAfrica #HumanRights #KauliZaChuki #StopHateSpeech #DigitalPeace #NoToHateSpeech #ResponsiblePosting #JamiiYenyeUelewa

DAR ES SALAAM: Jaji Mkuu wa Tanzania, George Mcheche Masaju akifungua Mkutano wa Tisa wa Kamati ya Utatu kwenye Ukumbi wa PSSSF TOWER - Mawasiliano, leo Agosti 25, 2025 amesema angependelea utaratibu wa Kikokotoo kwa Watumishi wa Serikali Kuu kurudi kama ilivyokuwa zamani.

Jaji Masaju alisema “Haiwezekani mimi nastaafu kisha ndiyo mnaanza kusema sijui nilete hiki, nilete hiki. Taarifa hizi mlikuwa nazo kuanzia mwanzo, kabla ya kustaafu niliwapa taarifa miezi sita kabla. Sisi tungependa Kikokotoo kirudi kwa Watumishi wa Serikali Kuu kama ilivyokuwa.”

Zaidi Soma https://jamii.app/JajiMkuuKikotoo

#JamiiForums #JamiiAfrica #Uwajibikaji #Kikotoo

Mdau wa JamiiForums.com kutoka Jukwaa la Siasa anasema katika kipindi hiki cha Uchaguzi na uteuzi wa Wagombea, Wananchi wameonekana kuwakataa wale Wagombea walioteuliwa na chama husika.

Shiriki Mjadala https://jamii.app/MtuBinafsi

#JamiiForums #Accountability #Misinformation #Disinformation #ElectionInformation2025 #MisDis2025 #TaarifaZaUchaguzi2025

Mbunge wa zamani wa Kawe, Askofu Josephat Gwajima akizungumza kwa njia ya Mtandao, leo Agosti 25, 2025, amesema Viongozi ambao hawanyenyekei na kusikiliza malalamiko ya Wananchi basi uongozi wa Viongozi hao haujatoka kwa Wananchi bali umetoka sehemu nyingine hata Wananchi wakilia na kuomboleza.

Ameyasema hayo leo Agosti 25, 2025 akiwa anazungumza Mtandaoni.

Zaidi https://jamii.app/HotubaYaGwajima

#JamiiAfrica #JamiiForums #HumanRights #FreedomOfExpression

Akizungumza kwa njia ya Mtandao, aliyekuwa Mbunge wa Kawe, Askofu Josephat Gwajima, leo Agosti 25, 2025 amesema kwamba kama hoja alizoziibua aliyewahi kuwa Katibu wa Itikadi, Uenezi na Mafunzo wa #CCM, Humphrey Polepole zinaukweli, basi anampongeza kwa ujasiri wake wa kujitokeza na kuzungumza hadharani.

Askofu Gwajima amesema: “Niseme tu ukweli wangu, kama haya mambo aliyoyasema Polepole ni ya kweli basi ninampongeza sana kwa ujasiri huo kwa sababu ili haki iweze kutawala katika nchi ni lazima ianzie kwenye chama chetu.”

Zaidi Soma https://jamii.app/HotubaYaGwajima

#JamiiForums #JamiiAfrica #Demokrasia #Governance