KATAVI: Familia ya marehemu Edga Mwaniwe, Wakazi wa Manispaa ya Mpanda imegoma kuuchukua mwili wa ndugu yao huyo kwa ajili ya maziko uliohifadhiwa Hospitali ya Manispaa Mpanda, leo Mei 4, 2025 ikiwa ni siku ya saba

Msemaji wa familia hiyo, Charles Mwaniwe amesema kifo cha ndugu yao kina utata na kwamba mshukiwa namba moja hajachukuliwa hatua na Jeshi la Polisi

Taarifa ya Polisi kuhusu tukio hilo imesema inawashikilia Watu Saba kwa kusababisha kifo cha Edga kwa kumshambulia wakimtuhumu kuuza madini feki kwa Tsh. 570,000 kwa Robert Benedict ambaye ndiye familia inamtuhumu

Kuhusu Robert, Polisi imesema alifika eneo la tukio na kukuta Edga akishambuliwa, akamchukua na kumpeleka Kituo cha Polisi baadaye hospitali ambapo alipoteza maisha

Soma https://jamii.app/KataviTukio

#JFMatukio #JamiiForums #Accountability #HumanRights

Makamu wa Rais Baraza la Maaskofu Katoliki Tanzania (TEC), Askofu Eusebius Nzigilwa amesema tukio la kushambuliwa kwa Katibu wa Baraza hilo, Padre Charles Kitima lilitaka kupora haki ya uhai, uhuru wa haki yake ya kusema na kutenda kadiri ya wito wake aliojaaliwa na Mwenyezi Mungu, huku akiongeza kuwa ni shambulio dhidi ya heshima ya taifa kwani linajulikana kuwa kisiwa cha amani.

Askofu Nzigilwa amesema hayo leo Mei 04, 2025 katika Misa Takatifu iliyoadhimishwa na Askofu Mkuu Jude Thaddaeus Ruwa`ichi OFMCap, katika ibada ya kusimikwa kwa askofu Stephano Musomba wa Jimbo Katoliki la Bagamoyo

Soma https://jamii.app/Mei4TEC

#JamiiAfrica #JamiiForums #HumanRights #Accountability #SocialJustice

Jeshi la Polisi limesema linafuatilia kwa karibu tuhuma zilizotolewa na Mwananchi (ambaye jina lake linaendelea kufuatiliwa) kupitia Mitandao ya Kijamii, akiwatuhumu askari Wawili kuwa walimfuata kumtaka afanye nao kazi ya kijajusi huku wakitaka kufahamu alipo Mdude

Taarifa ya Jeshi la Polisi imesema kupitia Ofisi ya Mkurugenzi wa Upelelezi wa Makosa ya Jinai, limeunda kikosi kazi ambacho tayari kimefika Mbeya kwaajili ya uchunguzi zaidi wa suala hilo, huku likitoa wito kwa yeyote mwenye taarifa zitakazosaidia kubaini ukweli wa suala hilo atoe ushirikiano

Soma https://jamii.app/UchunguziMei4

#JamiiForums #JamiiAfrica #HumanRights #SocialJustice

MBEYA: Wafuasi wa Chama cha Demokrasia na Maendeleo (CHADEMA), wamefika Ofisini kwa Mkuu wa Upelelezi Mkoani humo kwa lengo la kumpa ushahidi wa watu wanaodai ni askari ambao wanadaiwa kuhusika na tukio la kumjeruhi kisha kumteka Mpalukwa Nyagali, maarufu kama Mdude

Aidha, Wanachama hao wamedai kuwa wataendelea kuandamana kwenda Ofisini kwa RPC kila siku, mpaka watakapopata Majibu ya mwisho ya Mdude yupo wapi

Soma https://jamii.app/UshahidiMdude

#JamiiForums #HumanRights #SocialJustice #JamiiAfrica #Accountability

Haki za wachache ni za muhimu kama yalivyo Matamanio ya wengi; Viongozi wa Kidemokrasia huhakikisha pande zote zinazingatiwa kwa usawa.

#JamiiForums #JamiiAfrica #Democracy #GoodMorning #AmkaNaJF #Quotes

DAR: Mdau wa JamiiForums.com anadai Barabara ya Kitunda - Banana imeendelea kuwa kero kubwa kwa Watumiaji kutokana na uwepo wa mashimo kiasi kwamba kuna Gari nyingi zikiwemo Daladala zimebadilishiwa ‘ruti’ na kusababisha Watu wengi kukosa usafiri

Soma https://jamii.app/KitundaBananaRoad

#JamiiForums #Accountability #Uwajibikaji #JFMdau2025

#MICHEZO: Yanga imesema baada ya maelezo ya Mahakama ya Kimataifa ya Usuluhishi wa Michezo (CAS) kuitaka Klabu hiyo kurejea katika Mamlaka za Tanzania kuhusu suala lao la kutocheza dhidi ya Simba, msimamo wao ni kuwa hawana imani na hawako tayari kupeleka shauri hilo kwenye Mamlaka ambazo zinatenda dhuluma

Yanga imeeleza sababu za kufanya hivyo ni kutokana na uonevu, uvunjwaji mkubwa wa kanuni na upendeleo wa dhahiri kwa baadhi ya Timu unaoendelea kufanywa na Mamlaka za soka Tanzania

Taarifa ya Klabu hiyo imeeleza kuwa Wanayanga wote, watakuwa tayari kuipambania Haki yao kivyovyote vile ili kukomesha dhuluma na uvunjwaji mkubwa wa kikanuni unaoendelea kufanywa na Mamlaka za Soka kwa maslahi mapana ya Maendeleo ya Soka Nchini

Soma https://jamii.app/YangaTamko

#JFSports #JamiiForums

MANYARA: Suzana Samweli (13), Mwanafunzi wa Darasa la 6, Mkazi wa Kata ya Galapo, Wilaya ya Babati ameuawa kikatili na mwili wake kukutwa umetupwa shambani

Familia ya marehemu imesema Suzana hakurudi nyumbani Jioni ya Aprili 29, 2025, baada ya kutoka shuleni na mwili wake ukapatikana shambani Mei 1, 2025, ikielezwa alibakwa na kutobolewa macho

Akizungumza na Kituo cha Clouds FM, Kamanda wa Polisi Mkoa, SACP Ahamed Makarani amesema wanamshikilia Elias Daniel (26), Mkazi wa Kijiji cha Gedamar kwa mahojiano zaidi, pia yapo matukio mengine ya aina hiyo ambayo hayakuripotiwa Polisi

Soma https://jamii.app/MwanafunziAuawa

#JamiiForums #JFMatukio #HumanRights

DAR: Kamanda wa Polisi Kanda Maalum ya Dar es Salaam, Muliro Jumanne Muliro, amesema wanamshikilia Mtu mmoja aliyedaiwa kuchapisha taarifa kwenye Ukurasa wa X (Twitter) akiandika “Siku za Padre Kitima zinahesabika”

Muliro amesema "Amekamatwa na anahojiwa, anaitwa Frey Edward Cossey (51), Mkazi wa Dodoma na Mbezi Beach Makonde kufuatia chapisho lake la vitisho dhidi ya Padri Charles Kitima alilolitoa kwenye Mitandao ya Kijamii siku chache kabla ya tukio."

Katibu Mkuu wa Baraza la Maaskofu Katoliki Tanzania (TEC), Padri Charles Kitima, alishambuliwa na kujeruhiwa Aprili 30, 2025 ikiwa ni siku mbili baada ya andiko hilo la Mtandaoni

Soma https://jamii.app/MuliroMei5

#JFMatukio #Accountability

DAR: Dorothy Jonas Semu, Kiongozi wa Chama cha #ACTWazalendo akizungungumza katika sherehe za kutimiza Miaka 11 ya Chama hicho amesema hawapo tayari kususia Uchaguzi Mkuu wa 2025 na kuwa watapambana wakati wakishiriki na watashiriki wakiwa wanapambana

Amesema “Huu ni Mwaka wa kuinusuru Zanzibar, Mwaka wa maamuzi. Ni Mwaka wa kukata kiu ya muda mrefu ya Wazanzibari ya kupata Zanzibar mpya, #Zanzibar moja na yenye Mamlaka kamili.”

Ameongeza kuwa ACT inapendekeza; Wakurugenzi wa Halmashauri wasisimamie Uchaguzi, Wajumbe wapya wa INEC wateuliwe, Kura haramu zidhibitiwe, Wagombea wasienguliwe ovyo, Mawakala wawe huru na Vyombo vya Dola visishiriki hujuma kwenye Uchaguzi.

Soma https://jamii.app/ACTMei5

#UchaguziMkuu2025 #Uchaguzi2025 #Democracy #Siasa

Bunge la Ulaya linatarajia kufanya mjadala Mei 7, 2025 kuhusu kesi inayomkabili Mwenyekiti wa CHADEMA, Tundu Lissu ikiwemo ya Uhaini ambayo kama atakutwa na hatia moja ya adhabu yake ni kifo

Taarifa ya tovuti ya Bunge hilo imeeleza kuwa Mjadala huo utagusia masuala ya Haki za Binadamu, Demokrasia na Uhuru, ambapo mjadala utafanyika kuanzia Saa 8:00 Mchana hadi Saa 5:00 Usiku

Baada ya mjadala huo, Wabunge wa Bunge hilo watakuwa na ratiba ya kupiga Kura, kesho yake Mei 8, 2025

Soma https://jamii.app/BungeLaUlaya

#JamiiForums #Democracy