المجاراة الاولى عن الفرح والابتهاج في استقبال ذكرى المولد النبوي الشريف ودعوة للوحدة الاسلامية

البداية #ضيف_الله_سلمان

سلامي على اعظم (يوم) تسجد له(الايام)
وتستلهم النور الذي بدد الظلمة..!!

(محمد رسول الله) يا امة الاسلام..
ومفروض في ذكراه تتوحد الامة..!!

شعوب العرب في ذل وخنوع وإستسلام
وما شامخ الا شعب الايمان والحكمة..!!

بصدق التولّي للنبي وآله الأعلام
يمنّا بفضل الله با توصل القمّة..!!

#ابومنار_العشي

هنا بارك الله في يمنا ولأهل الشام
سيأتي فرج من بعد ما طالت الغمه

هنا شعب له من سيرة المصطفى استلهام
وللمصطفى وآله ولاء عالي الهمه

لذكراه فينا كل الاجلال والاعِظام
فرحنا بميلاده والأعراب في ظلمه

نراها تعظم (مانشستر)(وتوتنهام)
وتنسى رسول النور والخير والرحمه

#أبورواسي أرحب

بمحراب ميلاد النبي تسجد الأقلام.
وتنزف مداد الشكر لله بالنعمه..

نهار البشر عباااااد مستنقع الأصنام.
ولايرقبوا.... للحق آلآ ولا ذمه..

ضهر في ربيع أول محمد بمنهج تاااام.
يصحح مسار الكون من واقع الختمه..

وذكره عقيده باركت في اليمن والشام..
وسمت مسارات الولاء كلها بأسمه

#شاعر_بيحان_ابوليث_المحضار

تحقق بفضلك يارسول الله الاحلام..
وجلت مع ذكراك يالمصطفى الغمه..!!

نجدد بحبك ياحبيب اليمن إقدام..
ونزداد صبر وعزم ونشد بالهمه..!!

وبانحتفل بالرغم عن مجتمع لـ جرام..
وبانحتفل بالرغم عن مفتي اللقمه..!!

#يحيى_الوحيشي

فرحنا بميلاد النبي يعجز الاقلام..
والقافية والنظم والشعر والكلمة..

تباهوا بطه واصرخوا يا ذراري سام..
بلبيك ثم لبيك يا كاشف الغمة..

وتجسيد حب المصطفى(طاعة الاعلام)..
لك العهد يابن البدر ما تضعف الهمة..

لك العهد والبيعة علينا وفاء وإلزام..
ولعن الله الاعراب ذي خانت الأمة..

#فــارس_المعزبي

معــك يارســول اللــــه نتحمـّـل الآلام
ونصبر على الضيقات ياكاشف الغمــــه

دمانا لمدحك حبر وأطهر بنان أقــلام
وبيض القلوب الــواح في غاية الخدمه

لك الارض تتزين وتجلس تراعي عــــام
وفي يوم ميلادك تعبّــر عن النعمــــه

فلا رحمــه إلا رحمة الواحد العــــلّام
وهــو أرسلك للخلــق من رحمته رحمــه

#شداد_حُميد

الاعراب يا طه لحلف اليهـ ـود اقدام
نسو نورك الوهاج واختارو الظُلمه

وحكام محكومين تفرض عليها احكام
من البيت الابـ ـيض يطلب العفو والرحمه

وكمن ملك ملعون موصول ب الحاخام
ومفصول من سلك العرب خارج الخدمه

اذا قامت اسرائـ ـيل ضد العروبه قام
يناصر نتنياهو كانه ولد عمه

#هادي_حسين_الرزامي

بذكرى النبي نحيا ويحيا به الإسلام
ويرسم خطوط الطول في وحدة الأمة

ولاعلام في دنيا الحيارى كما الصمام
تواصل طريقه في رضى الله وتمه

على منهجه وخطاه ماشيناها قدام
ولانصار تعشق نهج طه وذكر اسمه

وشعب اليمن باسم القوي منتصر لاقام
مع الله ومحمد يرى النصر من قسمه

#زيد_الخراشي

محمد لكل العالمين الرسول العام ..
والامه بميلاد النبي غير مهتمه.

دعى امة المليار مسلم نبي الاسلام..
الى كلمة التوحيد ولوحدة الكلمة

فهل من مجيب لدعوته في لوى الاعلام..
اذا عاد شي للمصطفى عندكم حرمة!!


الشاعر #عزيز_الردماني

على المصطفى صلى كريم العطا العلام
وشعب اليمن صلى على كاشف الغمه.

ومولد رسول الله له شوق هذا العام.
من اول ربيع اول نفح في اليمن شمه.

وبالسندس الاخضر كسينا مدينة سام.
وزاد الضيا من مولد النور والرحمه.

وما بعده إلا نصر في الخاص ولا العام.
لأمه بذكرى مولد النور مهتمه.

#حسن_احمد_الحمران

يمن من (ثنيات الوداع)  خط بالاقلام
ولاء( للنبي الهادي) وحيدر ولد عمه

فلو كان تاريخه موثق كما الافلام
لحاز اليمانيين ثلثين من فيلمه

سنحييه رغم انف من خذل ومن قد لام
ونتصدر المشهد لنا كامل البصمه

نزين سمانا بالإضاءات والاعلام
بالوان خضراء نكسي الأرض فيها اسمه

#ابو_يحيى_القهدة

وأيضآ سلام يسري مدى الدهر و الاعوام
ويبقى الى يوم القيامه على عزمه

على (يوم مولد) سيد العرب والاعجام
وهذا أكيد انّه بيرفع لنا الهمّه

ويزداد عزم الشعب ويزداد في الإقدام
وباقي شعوب المنطقه زادت الخدمه

وهذا بفضل الله والقايد الصمصام
يمنّا اصبحت في ظلمة الكون كالنجمه

#عز_الدين_جحاف

بذكراك ياخير الورى شعبنا قد هام
يقيم مهرجانات واحتفالات بك ضخمه

وبانحتشد ذا العام في عاصمتنا سام
وفي كل ساحه باليمن رافعين اسمه

محمد رسول الله وصف شعبنا المقدام
بأوصاف مخصوصة وبين لنا حجمه

لك الحمد ياذا الجود والمجد والإكرام
على هذه النعمة اللي مامثلها نعمه

#البرّاق_المنبهي

سنفرح وننطق كل ما تكتب الاقلام
بمولد رسول الله ذي مولده نعمة

نباهي دول ياخير ذكرى على الاعوام
نسطر مواقفنا ونقراء من الختمه

نقدس نبي الله مـع كامــل الايام
ومن ماعجبه ينطح براسه على البغمة

لأنه غبي مرضوخ عايش وهم واحلام
وشعب اليمن كسهيل عالي ثرا نجمه

#ذوالفقار_سفيان

رسول الهدى والصبر للأمه الصمام
ومن يترك الهادي فحميه ياحُمّه

مجاراه ترحيبية بالشاعر المليون #ابوربعي_عامر_بن_عمر_العامري من محافظة شبوة الذي عاد الى وطنه حيث الكرامة والشموخ والاباء وحل ضيفا علينا في عاصمة الصمود صنعاء المجد والتاريخ ..

البدايه من #الشاعر_محمد_التركي_الهلالي

بإسـم إتحـاد الشِّعـْر حــَــيٍــّا مـلايـيــن
واهــلا وسـهــلا يا ســلـيـل الـعَــوامــر

كل اليـمن بك رحّـبت يا احـمـر العـيــن
يا حـــادي الشُـــعّــار بالـــعــز عـــامـــر...

والرد من #الشاعر_ابوربعي_عامر_بن_عمر_العامري

بك البقاء مالاح برق المثارين
وما السحاب الغر تمسي هوامر

احنا وصلنا يالرجال العزيزين
ذي سلمهم في الطيب عامر وغامر

#رياض_الصايدي

حياك ربي لا ديـــار الميامين
اعزف لمسحوبه وغنيه سامر

ياراعي الناله وياابن السلاطين
لي يعسفون متون ظهور الظوامر

#عابد_المدم

باسم العلم وابطالنا في الميادين
وباسم اليمن من حوف حتئ قطابر

وباسم الاخاء بالدم والدين والطين
يامرحبا عامر مع اخوه ناصر

#ابوهكام_الحشيشي

يامرحبا بك باسم كل اليمانين
ياذي في القيفان فارس مغامر

ياعامر الجودات حزت النياشين
احنا اخوتك في ديرتك وانت تامر

#عكام_القصاد

يامرحبا حيا علي الراس والعين
من ال عامر كابر نسل كابر

من شبوه التاريخ والعرف والدين
اسطورة التاريخ ماضي وحاضر

#احمد_ابورجيله

مرحب علئ راسي بالاخوان الاثنين
بالعامر المعروف واخوه ناصر

ترحيب حيا يالرجال الميامين
ياذي لكم تاريخ ماضي وحاضر

#ابوعساف_الدهمي

شرفت دارك كلنا بك محيين
يا مرحبا حياك يا خير شاعر

يزورنا أحفاد الملوك السلاطين
اللي لهم الأمجاد من عهد غابر

#محمد_مفلح

يا مرحبا ترحيب عدا مدى العين
ترحيب صافي من صميم المشاعر

باللي تربع في قلوب الملايين
شاعر عمر الامجاد والاسم عامر

#شداد_حُميد

اهلا وسهلا ب الرجال الميامين
من شعب متحدي وصامد وطامر

عامر وناصر ذي اتونا مودين
ماصدقو كيد العدو والتآمر

#ضيف_الله_سلمان

صنعاء ترحب من (نقم) لاجبل (ضين)
وتنقله عبرالمسيره مباشر

ترحيب يقلق نجد وعيال رابين
ويذكر الناسين بايام صافر

#حسن_السعيدي

يامرحبا مادار دم الشرايين
باولاد عامر جابرين الخواطر

بسم اليمانيين قاصي ودانين
مرحب بكم ياداعسين المخاطر

المجاراة عن فوز منتخب الناشئين اليمني على السعودي من #بطولة_غرب_آسيا

البداية للشاعر #بسام_شانع

وقف شعبنا عشرين مليون محترم
مع منتخبنا ارواح واجساد وافئده

ندافع اذا دافع ونهجم اذا هجم
ورجله على ارجلنا ويدنا على يده..

على اقدامنا راس التحالف(كرة قدم)
وضرباتنا في عمق الاعداء مسدده

#ضيف_الله_سلمان

وفي(لعبة الكوره)وفي (لعبة الامم)
هزمنا قوى العالم على كل الاصعدة..!!

لنا الفوز مهما كاد الاعراب والعجم
وذا وعد رباني وسنة مؤكده..!!

ومابه قلق مادام والباري الحَكَم
ولو قد جمع سلمان ماله وعدّده..!!

#عابد_المدم

سلام انتصار الحق والقايد العلم،،
سلام الوفاء والشعب كامل يردده

الى منتخبنا صاحب الاسم والرقم
وفي كل لحظة نشكر الله ونحمده

توافد علينا النصر والفضل والنعم
وخابت قوى الباطل وحلفه والاجنده

#شداد_حميد

يماني اذا هاجم يماني اذا اقتحم
ونصري حقيقه ف المواقف نجسده

بجنب اليمن من انت يا ايه القزم
في الحرب والملعب رجالك ممدده

هو الله فاز الحق والباطل انهزم
وفاز اليمن وارتاحة ارواح وافئده

#الحمزة_المغربي

ومليـار لــك مبروك يا شعبنـا الأشـم
وللمنتخـب ذي شلّ نصرك وعمــّدهـ

يظلّ السعودي لا تحدّى اليمـن قزم
وحتّى بـلاده شاهـدة فــي تـبـــلــّدهـ

وعقبى يمنـــّا يفتح القدس والحرم
وبالنصر الأكبـر كلّ طاغوت نجلده

#ابورواسي_أرحب

من الطور والأنفال والحشر والقلم
خرجنا مع الباري سرايا مجنده

وماضن يهزم منتخب قايده علم
علئ منتخب موساد صهيون معبده

لعبنا ورب الكون سبحانه الحكم
ودسنا علئ أشباه الرجال المقلده

#شاعر_نهم_ابونايف

‏هدفنا في الملعب يعادل مية لغم
و ضرباتنا اقوى تحالف تبدده

سرينا لهم رغما على هيئة الامم
وهجماتنا بالله الاعظم مؤيده

امانة تسجل في سماء المجد يا قلم
صمود اليماني حارس اليوم جسده

#عاقل_بن_صبر

هو الله كرّم شعب الايمان و الكرم
هو الله ســــــــــدد منتخبنا وايده

هو الله فرّج همنــــا و اشعل الهمم
هو الله حطم حلم سلمان وافسده

يذوقون كاس الخزي والذل والندم
وتبقى السعيده في سعاده مؤبده

#ابويوسف_القاري

هو الله ذي سدد هوالله ذي قصم
ظهور السعوديين والحلف ممده

وفي حارس المرمى رساله هي الاهم
يفوق ألف باتريوت ونظام الارمده

ويحرم عليك النصر يا خاين الحرم
وتبقى اليمن بالنصر دايم معيده

#صالح_حسين_ابواحمد

قفا اسيا باندخل القدس والحرم
ويطهر ربا مارب ولندن وبدبده

شبال الاسود استبسلت والعدو انخرم
وشبل اليمن باسه ملا نبض الاورده

لك الحمد ياجبار ياواسع الكرم
على النصر في كل المواطن والاصعده

#علي_مغلي

لك الحمد ياربي وما اكثر النعم
نعم ما لها حاصي وعزة مؤكده

قهرنا غرور الجار ذي جار وانصدم
بنصرك وتوفيقك وضربة مسددة

ومن ضربة الترجيح يالعاهر القزم
عليك احترام الشعب هذا وسرمده

#ابوزيد_النعمي

هو الله بالفرحة غمر شعبنا وعم
هو الله سدد منتخبنا وأيده

وفوق السعودي ربنا ضاعف الغمم
ضروري على مر الهزايم نعوده

قده نصر تأريخي وعاده كرة قدم
فماذا عن النصر الحقيقي يخلده

#عزالدين_جحاف

لك الحمد ياربي على هذه النعم
بلادي بهذا الفوز صارت موحده

وفي عقر داره ذا السعودي قد انهزم
هزيمة كبيره بالخسارة معمده

وعقبال مانفرح بخسران من ظلم
ونصر اليمانيين قد حان موعده

#نسيم_هيسان ابوعيسى

هنا شعب لايهزم ولاعمره انهزم
ورب السماءثبّت صموده وأيده

في المعركة شامخ وفي كورة القدم
يسجل بطوله تستحق المشاهده

ومبروك ياشعب المروات والكرم
ويسعد صباحك باالفتوحات يسعده

#ابومنار_العشي

نعم قد نصرنا الله على خصمنا نعم
ولا للهزيمه عندنا اي مقعده

ثقتنا عزيمتنا تغلب على الالم
والإيمان ذي يجري مع دم الاورده

اخذنا لقب (غرب آسيا) لكن الاهم
لدى شعبنا كسر القرون المسعوده

#زيد_الخراشي

وهذا بفضل الله وقيادة العلم ..
ومعنى الثقه بالله وبصدق موعده.

برغم الامم ذي نصبت نفسها حكم.
قلعنا شباك الخصم من فوق الاعمده.

يماني شديد الباس لاقد عزم عزم ..
بعيد المدى والله سبحانه ايده

#إبتسام_شرف_المحطوري

ومنتخبنا فاز هوالله مَن هزم
كِبر السعودي الخصم ضربه مسدده

ويحق لك ياشعب تفرح وتبتسم
وتشعل الدنيا ببندق وتحمده

ونصرنا القادم على العُرب والعجم
الله وعدنا النصر والخير نحصده

#ابومقبل_الشعيثي

قلو لاسعوديه حسم ربنا حسم
ومزق خيوطه والشباك المشدده

وهذه رجوع الشعب للقايد العلم
نصرنا على كأس الشعوب المعقده

وعاد المخبا ياسعودي قفاء القلم
ومحفوظ في داخل مجلد ومسوده

#وضاح_الحميصي

قلوا للسعودي مانفع رشوة الحكم
وفالمعركه مافاد دعمه للارصده

هزمناه فالملعب وفي جبهة العلم
برغم التامر والحبال المعقده

خلقنا من اسم الفوز والنصر والهمم
ميادين جما في يدينا ممهده

#عدنان_سالم_الذويبي

له الحمد من سدد في لعبت القدم
وعاان اليمانين في العب واسعده

والناشئين اليوم علو على شامخ القمم
وفرحو اليمن كامل بارواح وافئده

المجاراة رد على سفير مملكة الرمال محمد آل جابر .

البداية لسفير مملكة الرمال #محمد_آل_جابر ..

‏يا هبيل الرأي وين إنت وإنَّا
تحسب إن الحرب نهب القرايب

واجد اللي قبلكم قد تمنَّا
حربنا لي راح عايف وتايب

انهض الجنحان قم لا تونَّا
حن هل العادات واهل الحرايب

ديرة الإسلام حامينها إنَّا
قاصرينٍ دونها كل شارب.

جواب #الشاعر_صالح_الاحمدي

‏ياقليل العقل هذا يمنا
واليمن يحرم على كل عايب

قل لمن ساقك علينا تجنا
دولتك راس البلا والمصايب

أسأل التاريخ ينبيك عنا
والله انا ماحملنا الغلايب

يوم خلينا الجنابي تحنا
من علوج الترك والدم رايب

وانت وإسرائيل لا تمتحنا
والله انك باتشوف العجايب
‎
جواب #ضيف_الله_سلمان

‏في وطيس المعركة ما وهنّا
با نخلي مملكتكم خرايب..!!

حيث قال الباري انكون كنّا
معنويتنا تزل السحايب..!!

من صدى صرخات(هيهات منّا)
بان خبر الالوية والكتايب..!!

اسال الجيش السعوديّ عنّا
من لقانا فر مذعور خايب..!!

#عبدالسلام_المتميز

ضف وجهك لا تقل يوم (حِنّا)
وانت تتمترس بجيش الأجانب

كم بحثنا في المعركة ما لمحْنا
غير عقبك وانت مذعور هارب

تكشفوا عوراتكم خوف، لَنّا
طبعنا ما نلحق اهل العوايب

انتو اسرة طارئة ليس منا
واهلنا شعب الجزيرة حبايب

#يحيى_الوحيشي

مرحبا ما حن راصد وثنّا..
راعد الصماد واشعل لهايب..

والله انك بالهزيمة معنّا..
وعد من ربي تجيك الغلايب..

حلفك المهزوم ما قد تهنّا..
من مزارعنا بعنقود طايب..

ما جنيتم سايغة من وطنّا..
لا تهنجم ياسفير الثعالب..

#شاعر_بيحان_ابوليث_المحضار

مَن يعلم مَن..؟! هـ يٓازمنا..
تاليتنا ذا يرينا الحرايب..

يافقد عقله وخرف وجنّا..
او هذى من فرط ماكان شارب..

مثلكم يشهد علينا وطنا..
مايشرف خصم ويعز صاحب..

لو عليكم كان ماحنا شحنا..
بندقيه او حزمنا المقاطب..

خصمنا امريكا وصهيون لْـٰ نّا..
قد صرخنا "الموت" والله غالب..

#الشاعر_بندر_السقاف

الارانب والثعالب تجنا
الله اكبر يازمان العجايب

مستحيل انها تصل منزلتنا
منزلتنا فوق فوق السحايب

لك ثمان اسنين حنا وحنا
بس فالواقع طلع حن كاذب

مانحصلكم يلا من هجمنا
مالقينا الا لفيف الاجانب

انتظرنا بانجيك انتظرنا
تاليه شينه وشر العواقب

#شداد_حُميد

يا ارذل الاعراب عشنا وشفنا
واتضح للكل موجب وسالب

مجدنا معروف يا من جهّلنا
شعب خالي من جميع الشوايب

كل رافع راس جانا ودنّا
وانكسر قرنه وذاق المصايب

يا قليل الاصل ب الله ركّنا
وانت راكن متكل ب الاجانب

نذل ضن الامر له قد تسنى
واتكل ب الغرب والله غالب

#عزالدين_جحاف

يامسعود خبت لفظا ومعنى
هل نباح الكلب يؤذي السحايب

ويش ودف بك تعادي يمنا
ياعديم المعرفة والتجارب

بشدة البأس الإله قد وصفنا
حكمة.ن وايمان والرأي صائب

من ثقافة هدي ربي شربنا
وانت لابوال البعارين شارب

ياحقود القلب لما هزمنا
منتخبكم تقصفون الملاعب !!

#عبدالواسع_صايل_الغولي

ياملوك العهر هذا وطنّا
موطن اهل المجد شبان وشايب

في المعارك تحت راية علمنا
نسقي المحتل مصبوب ذايب

وانت تعزف لحن حنّا وحنّا
وانت وامريكا وصهيون حبايب

قالها نعمان وايوب غنّا
لن ترى الدنيا على ارضي غرايب

#نجيب_العوسة

يا ال جابر خف وين انت منا
فرق بين القاع هي والسحايب

روح دور لك لمرقص ومغنا
ماانت قد المرجله والحرايب

وجيشكم ذي قال حنا وحنا
رحتو استأجرتو بداله كتايب

إسأل التاريخ ياتنح عنا
وانت قل للناس ويش انت جايب

#ابوريام_الطاهري

ياقليل العقل ماتعرف نسبنا
ان انا والاوس والخزرج قرايب

وأن ركن البيت في الكعبة تبعنا
وان نجم اسهيلنا فوق السحايب

وأن وادي ويل في فوهة غضبنا
اشربوا سم الافاعي والعقارب

با نشويكم على شعلة لهبنا
ياثعالب نجد واشباة الارانب

#أبومالك_الكوماني

قل لذي باسم الحرايب تغنا
قد فضحنا خبر جيش الهرايب

ذي بداء في حربنا ماتهنا
هفته جابت عليه المصايب

بايجيه الرد وافي معنا
بانرجع له مدنها خرايب

قادم ايامه تقل كيف كنا
ليتنا اوعينا لصوت ابن طالب

#الشاعر_عبدالفتاح_الغولي

لاتطيل الهرج والمرج عنا
اليمن هامات فوق السحايب

الحرايب لأهلها ..لاتمنا
بايجيك الموت مصبوب ذايب

مثلما فزنا بكورة قدمنا
باننيِّخ... نوقكم ....فالحرايب

صرت ترجف مننا لازملنا
وصار جيشك ينتجي بالهرايب

#الشاعر_محمد_الردماني

الخبر قد فيه إنّا وإنّا
واليمن مشهود له فالنوايب

نحمد اللهْ مستواكم تدنّا
حلفكم منهار من كل جانب

لا تجي بسم العروبه تغنّا
وانت لاسرائيل ضمن الزلايب

والقسم لا تُدْفنوا في وطنّا
اسألوا عنّا العرب والأجانب

#إتحاد_الشعراء_والمنشدين

https://t.me/aboyahyaalshami

المجاراة عن الانتصار الالهي في عملية(( فجر الصحراء )) .

البداية الشاعر #يحيى_الوحيشي

احنا علينا بس نعمل بالاسـباب..
والله يتكفل بنصر المسيرة..

في الجوف تم الدعس لأذناب الاذناب..
كامل وتأيدات ربي كبيرة..

الحمد لك يالله يا رب الارباب..
ايدتنا بالنصر في كل ديرة..

لطفك بنا في كل ميدان ما غاب..
رغم إن كف الشكر فينا قصيرة..

جواب #ضيف_الله_سلمان

الفجر من كل المتارس والارتاب
غطى على الصحراء وشبه الجزيرة..

من يوم ما جينا المدينه من الباب
خلف العلم عشنا الهدى والبصيرة

امام كيد الغرب ونفاق الاعراب
احنا بنصر الله امّة جديرة..!!

وحزبه الغالب على كل الاحزاب
رغم المكايد والظروف الخطيرة

#الشاعر_محمد_الردماني

النصر نصر الله والحق غلّاب
والعصر عصر المنجزات الكبيره

ندعي قبايلنا له العفو من تاب
ياوجد حالش يالقلوب الضريره

معاد شي داعي لتجريح الاحباب
واحنا سوى في كُبْرَها والصغيره

عدوّنا واحد والاسلام منصاب
والقدس لا زالت معاهم اسيره

#عبدربه_الحداد_البيحاني

نبقى يمن شامخ مقنف وغلاب
والله على كيد الاعادي نصيره

عند اللوازم من دعاء صاحبه جاب
والصف واحد يوم الاحلاف طيره

استنفرو ياكل غارم وحراب
نخوه على الشعب اليماني وغيره

هيهات نرضى لليمن حكم الاغراب
لومابقي ذيما يخبر خبيره

#مالك_سخيم_ابوهكام

عد بايقع ياحلف نتاف الاشناب
وجيش مايحميك لا تستعيره

مافقة الا ونت في وسط محناب
في الكبيره ثارنا والصغيره

باناخذه من عظم جيشك والاعصاب
والقصف مثل القصف غاره وغيره

مادام عاد الشعب للثار طلاب
وتضحيات الشعب هذا كبيره

عاد الله اكبر دام والحق غلاب
باقي لكم فالارض فتره قصيره

#عدنان_جحوح

جهز خمار الذل يا كل قصاب
واترك ميادين الشرف للمســيرة

بركاننا قد هاج والسيل فالباب
والريح صرصر عارمة كل ديرة

والموج غاضب والأسد فاتك الناب
والموت في الصحرا نزل في خريره

كذاب من يسخر من الموت كذاب
واللي استخف بالموت يلقى مصيرة

#ابوسياف_البيحاني

يافجر من ضوه لنا النصر ينساب
ابقى على نفس النسق والوتيره

يا نصر سكر ضدهم كل الابواب
واللجم بها افواه الكلاب الاجيره

نصر انقهر له كل مرجف وكذاب
و اتحدثت عنه قناة الجزيره

الحمدلله من دعى الله ماخاب
النصر له في الاوله والاخيره

#حسن_احمد_المهدي

يا فجر من فجرك سجد كل محراب
واتركعـت في حضرتـك خيـر ديــره
..
باطراف صحراالجوف مدرارك انساب
على قلـوب الشـعب غيمـه مطيــره
..
وابنيـت في جـب اليمانيـن تجواب
يكسر رياح احـزاب حلف المغيـره
..
والبست تاريخ اليمـن خيـر جلبـاب
وتــاج فزعــه قــل يوجـد نظيـــره

#عزالدين_جحاف

الله ناصرنا على كل مرتاب
وكل متكبر وفاقد ضميره

واحنا له أنصار وجنود واحباب
هو معتمدنا كنزنا والذخيرة

أعداءنا منا يولون الاعقاب
ويشردوا في عز شمس الظهيرة

بقوة الله خير قاهر وغلاب
ننزل بأعداءه هزائم كبيره

#ياسين_الفروي

تم اقتحام اعتى المواقع بدباب
ونصرنا بالله ماهو بغيره

الموت باغتهم الى كل الارتاب
كتيبتين اموات واخرى اسيره

هذا وعاد الحرب يانجد من باب
تمرين للاعصاب سيره بسيره

ما بالكم لاشعبنا فك الااااااانياب
اقل شي سااااعة نصل للفجيره

#احمد_عبدالقوي_الغبسي

تأييد ربي لاح في كل الارتاب
نُصره إلهيه وقوه قديره

الحمد لك ياالله في كل محراب
والشكر ياناصر جنود المسيره

الحق يزهق كل باطل وكذاب
والزيف يبهت في حضور البصيره

ردو على الاعقاب طاغي ومرتاب
يوم ان رمل الجوف فجر سعيره

#ابوقصي_العويري

أصبح ولد سلمان فاشل وكذاب
وحالته عند المريكي خطيره

شل المخطط قبل يدخل من الباب
لو ما دخل ون المواقف ضريره

اهتان واتعاقب على أفعاله ا وخاب
من بايجيره مننا من يجيره

ذي ماحسب لهل اليمن قدر وحساب
دعسوه فالصحرا رجال المسيره

#زيد_الخراشي

وطيبة الاسم اسفرت واللقى طاب ..
وخيل ابو جبريل ضبحى مغيرة.

والليل من فجر الهُدى جر الاذناب ..
وصاب صحرى الجوف بالقشعريرة.

دم التحالف فوق كثبانها راب ..
وتجرعوا فيها هزايم مريرة.

كموا معاقلهم معاصير الاشناب ..
خلوا مجاميع العمالة نثيرة.

#شداد_حميد

مشهد بطولي منه النصر ينساب
في فجر مشرق معجزاته كثيره

حن شافه التاريخ سوى له اعجاب
والمجد جسمه حس ب القشعريره

كيف انتهت قوات يا اهل الالباب
ما بين مقتوله_جريحه_اسيره

احنا بصف الحق والحق غلاب
وانتو مع ابن العاص وابن المغيره

#إبتسام_شرف_المحطوري

ان تنصروا الله نصر ربي للاطياب
من جاهدوا الاعداء روث الحضيرة

العون عون الله ياكيد الاحزاب
احنا التهمنا كيدكم بالذخيرة

مواقف الأبطال تسجد بمحراب
العز والنخوة وحسن السريره

قولو لمن غاضب مكشر باالانياب
فيه اختيارين كل يحدد مصيره

#رفـيق_أبـوعلـي

لويجمع الطاغوت مليون كذاب
او يعلنو في( الRT) والجزيرة

ماحد يصدق كذبهم غيرالاذناب
ومن تــــولاهم ونفسة ضــريرة

النصر للانصار فــي كل الابواب
دايم على مـــر العصور الكثيرة

المجاراة رسالةالى #دويلة_الخيانة_الامارات..

الشاعرمحمد التركي الهلالي

(مـيعادنا الثالث) (ثِـنَـيْـنَـه) (ثِـنَـيْـنَـه)
باالضَـرْبَه الوَحْدَهْ نِقَاضِيه ثِنّْتَين

(صمّاد4فور) يِجِـي بِـوقته وَحِـينه
و(ذو الفقار) المُوت الأحمر بحدّين

وَعْدْ الوَفَاء قُدَّام نِقْطَع وَتِينه
ونّقَيِّد الثِنّتين (رِجْلِين) و(إيْدَين)

ويسِير كَـا(المَجذوم) (بالغَرْغَرِينه)
من شَاف حَاله قَال مَسْكِين مَسْكِين..

ضيف الله سلمان

البدر واحد (جاء من اقصى المدينة
يسعى)) الى (ابو ظبي) ويسدد الدين..!!

تحرق (دبي) ماهي بدمعه(بثينة)
والحكم حكم الله(والعين بالعين)..!!

بضربة  الكرار صحّت يمينه
طاحت بعون الله روس الشياطين..!!

محال تقلقنا دويلة رهينة
واحنا اولو الباس الشديد الميامين..


# عبدالحميد الهلالي

في الامس قشينا عليه السفينه
واليوم قد اصبح بنا بين نارين

قل للامارات البلاء واللعينه
لابد ماترجع قضية فلسطين

هذه قضيه قل من باع دينه
الثار ثاير في جميع الميادين

اعصار ثالث ياحنينه عوينه
من بدرنا وفقارنا والبراكين


#عبدربه_الحداد_البيحاني

الحرب مابين اليماني وبينه
لاما تكن الريح والميج يوطين

لابدمااسراب المسير يجينه
يبدين ضده كل ساعه ويعدين

ذي مايشوف الشعب هذا بعينه
مابانشوفه غير ناقص في العين

يلعن ولد زايد وتبت يدينه
انا اليماني وين زايد وانا وين

#يحيى_الوحيشي

حنين قلبك يابن زايد حنينه..
حنين من صفق على الماضي الزين..

وبات خايف عقب تاك السكينه..
واصبح مفلس مثل ذي باع بالدين..

ناوشت شعب العز ومجاهدينه..
ولا حسبت حساب ما جاك ذلحين..

قال المثل من سببت له يدينه..
الله يزيده.يا قرون الشياطين..

#ابويوسف_القاري

بنت اليهود العاهره واللعينه
ما اتحملت للجلد يوفى ثمانين

في جلدتين اشتق ظهر السمينه
حتى تخلت عن عيال الكراتين

مسكين والعملاق جاله هدينه
سعره نزل من ألف. حتى ريالين

من حط نفسه للبغيه رهينه
خلعته مثل النعل ما قد وصل عين

#شداد_حُميد

شعب اليمن واثق بكامل يقينه
بالله ذي قاصم ظهور الفراعين

بكره نهايتهم نهايه مشينه
من ردنا ما شفتو الا عناوين

لابد من رد الجروح الدفينه
ل ابو ظبي ودبي وعجمان والعين

لاعاد تحلم ب الهدو والسكينه
ياقاتل اطفال اليمن والمساجين

#ابوقصي_العويري

والقادم اعظم قل لمن باع دينه
حان القضاء بانبدل الصاع صاعين

باننقي ابراجه مدينه مدينه
حتى نغلّق من حساباته الدين

يدفع مقابل كل دمعه حزينه
خمسين طيّاره ومكتب وبرجين

من رام تركيع اليمن بانهينه
كلمه ولا احنا من بعدها مدارين

#الياس_المقدشي

شاف ابن زايد في المسير يقينه
والموت في البركان والقدس أثنين

لابد تذكيره بماضي سنينه
خيمه على الصحراء عيش البعراين

يحرم يذوق بيوم طعم السكينه
دام اليمن من جرمهم بين نارين

على هدى القرآن نتبع قرينه
ياخاينين العهد والحق والدين

#فــارس_المعــزبي

قواتنا الصاروخيه مستعينه
بالله وحده مثل مران وحسين..!!

وهو الذي ينزل عليها السكينه
إذا لعاصي هزهــا الشوق والبين..!!

قلوب الاعدا من عملها حزينه
والارض تشعل نار والبيض يبكين..!!

قولوا لهم ياشعبي العقل زينه
والقصف بعد الآن مدري الى وين..!!

#ابومحمد_السحاري

ياسربنا شل الحمول الثمينه
الله معك ويرافقوك البراكين

اقلب موازينه وانا اوصيك عينه
خل اقتصاده ينتهي يحمر العين

قد زاد به غيه وشـــلت يمينه
بعزمنا واحــنا الرجــال الميامين

الغرب انهو كــل مافي الخــزينه
ساقو المطبع لين سنو السكاكين

#محمد_الشعيثي

عوينه الحلف المغفل عوينه
نهايته جات الدقايق يعدين

جاه المسير جاه يسمع حنينه
كنه يقول ابراجكم يستعدين

صماد بايقصف وربي يعينه
وابراجكم باتطّحن بينها البين

تستاهلو ياهل الوجيه اللعينه
انتو جحافل للهودي تولين

#ذوالفقار_سفيان

النصر قادم فوقنا كالزنينه
با يصعقو منه رعات البعارين

وإعصارنا للحلف سقّط جنينه
لابد ما نسقيهم الرد غسلين

ونسوقكم سوق الضباع اللعينه
ولا فما حنا من صلوب اليمانين

#ابوحمزة_السواري

اصبح ولد زايد يقلب يدينه
حاقو بقواته نشاما ميامين

يلطم على خده ونفسه حزينه
مثل النعامه يدفن الراس بطيين

قد شاف ماهاله وماهال عينه
من حربنا كيف اشتعال البراكين

قله يمن ليمان رافع جبينه
شامخ وربي له سند فالميادين

#مناع_شريم

الله اكبر من وثق به يعينه
ارعب فلول الكفر وحلف الملاعين

وذا الفقار وبركان يماني المكينه
ومسيرات صماد قوه وتمكين

وكل محتل بانقطع يدينه
هنا اليمن ياحلف طحنون الى فين

اعصار زلزكم انا افدي يمينه
عيال زايد وابن سلمان مجانين

#الشاعر_جبر_المهدمي

ذي ماسمــع بااذنه يركز بعينه
قد الحقايق واضحه بالبراهين

قل لليهودي وابن زايد حنينه
اعصارنا ثائر لــدم المـساجين

بانمنحك فرصه وحيده ثميـنه
وانت اغتنمها ياحفيد الملاعين

اسحب جنودك من وطنا بحينه
والا فبا نضرب عرين البعارين

#ابويوسف_القاري

نعمه تبارك وجه ربي ذا الاكرام
ذي أكرم اصحاب الكرم والكرامه

اعراس يوميه وزفات وانغام
والمرتزق ماوفرو له طعامه

زكاتنا زكت عبادات وصيام
ونفوس تحمل للعفاف احترامه

#محمد_هزاع_البهلولي

اليوم هذا حطم ارقام وارقام
يهناك يا شعب الاباء والكرامه

العرس هذا نصر والخير قدام
ويعتبر للفتح الأكبر علامه

حتى في الأحلام ما جاء فالاحلام
واليوم كل انسان شافه أمامه .

#هادي_حسين_الرزامي

هو الله منقذنا بهديه وبالهداه
له الحمد سبحانه في الخلق ماعدله

ولولاه ماكنا ولا كانت الزكاه
نزوج بها شبان شعبي ونكفله

ولكن وعينا والوعي مثل مالصلاه
ومن زاد وعيه مالقي أي بهذله

#ابوريام_الطاهري

مادام ابو جبريل دام الفرح دام
الله يديم العافيه والسلامة

ركن الزكاة هو ثالث أركان الإسلام
والبدر ركن اهل اليمن والدعامة

ياسيدي يناشدك حبر لقلام
ترسم لتخفيض المهور العلامة..

#شداد_حميد

اليوم هذا يوم تحقيق الاحلام
تخيلو كم شخص حقق مرامه

شكرا لمن وجه وسدد ومن قام
على العمل واولاه جُل اهتمامه

ناتج زكاة المال ف الناتج العام
رسم بتسعه الف وجه ابتسامه

#يحيى_العطيف

هاذا الخبر هو صدق والا ف الاحلام
من شاهد الاف الحراوه امامه

هاذا ثمار التضحيه خلف الاعلام
ورؤيه ابن البدر عالي مقامه

الله يبارك لليمن دون هكام
جعله عزب لوما تقوم القيامه

#ابومصفطى_الرضي

في ظل قائد قاد مشروع الاسلام
بالوعي والايمان والاستقامة

شوف الفقير حقق طموحة والاحلام
وزاد بالمستضعفين اهتمامة

من اليمن لانجد للقدس والشام
باينتشر عدلة ويوصل نظامة

#محمـد_مجلـي

يا الهيئــه انهيتـي مناكير وآثام
واللبستي المسكيـن لبـس الكرامه

عزيتـي المسكيـن واطعمتـي ايتام
مشــروع خـلّ الحلف ما اهنا منامه

قل لسعودي بُــد تكبيـر الاحــرام
وســط الحرم ما دام شعب الشهامه

#ذوالفقار_سفيان

هذا بفضل الله وبفضل الاعلام
اعراس تزرع فالنفوس ابتسامه

امساء بوجه المعتدي الف ملطام
واصبح براس الشعب هذا عمامه

غيثه سكب واسقى مساكين وايتام
والعرس صار اليوم اكـبر عـلامـــه

#ابوخارف_ابوشوصاء

مبروك للعرسان تحقيق لحلام
الدين للعرسان اكمل تمامه

والشكر للهيئه ومن بالعمل قام
وبدى لهذا العرس كل اهتمامه

وقائد الثوره مجاهد ومقدام
اسس على القرآن كامل نظامه

#الشاعر_محمد_علي_الجنيد

تحت امر قايد حيدري كفو مقدام
ذي شع مثل البدر ليلة تمامه

مستضعفين الشعب كامل والايتام
في عرس متميز وعالي مقامه

اسمى تهانينا لهم عبر الاعلام
والله يديم سرور شعب الكرامه

#الشاعر_ابوحيدر_عامر

فاشل وبوجبريل قد داوى الالم
حقق طموح الشعب روح الشهامه

حطم كيان الشر وجتاح الاقزام
وعرسنا في قمة الاستقامه

على دروب الحق والمنهج العام
الله ايدنا وهاذا علامه

#أسـامـة_المـعبـاء

ماقد حصل مثله في الصين والشام
ولا في المغرب وارض المنامة

الا في ارض العز في شعب الاسلام
شعب التكافل والاباء والكرامة

نسئل من الله الــرحيم خيـر اتمام
لافراحنا وفينــا تـكون مستدامة

#ابو_شاجع_الوجيه

هيئة زكاة المال في عز الاسلام
بنت بيوت العز فيها السلامة

مشهد لنصر الله في ظل الاعلام
تحصين للاجيال عزة كرامة

بالله والقرآن بطلنا الكلام
وافعلنا تشهد ليوم القيامة

المجاراة عن الذكرى السنوية للشهيد .

البداية #وضاح_الحميصي

قتله مع الله مجرد فاصل اعلاني
من واقع المعركة لا عالم الرضوان

الله باقي وما فوق الكرة فاني
ونايلين الشهادة في ذوات افنان

ارقى نماذج لاعظم جانب انساني
اتوا من الفتح والانفال والفرقان

#ضيف_الله_سلمان

القادة (آل النبي) والنهج قرآني
من (آل عمران)وآخر (سورة الرحمن)

فازوا بدار الكرامة وعد رباني
واحسانهم قد جزاه الله بالإحسان

وكل مؤمن يجسّد صدق الايماني
يصبر مع الله ويجاهد قوى الشيطان

#ابورواسي_ارحب

تعجز بحضرة رجال الخُلد قيفاني
من ترجموا بالشهاده واقع القرأن

من سيدي أحسين لاقاسم سليماني
لا كل روح .أبصرت (ياأيها الأنسان)

في البيع مايثمن ألا راس صيفاني
وراضي الذل دنيا وآخره خسران

#محمد_الحربي

مابش قلق طالما والوعد رباني
والفوز والنصر للثابت في الميدان

وشعب الانصار هذا شعب متفاني
حاشا وكلا تركعهم. قوى العدوان

ماينحنو لو يسير الثاني الثاني
والمبتغا عدن حيث الروح والريحان

#عزيز_الردماني

من شعب معروف بالحكمه والـ ايماني.
ومدرسة آل طه المصطفى العدنان.

جاهد وضحى وقاتل حلف شيطاني.
بعزم وايمان صادق ما ضعف او لان.

أمثال ابو حرب وامثال البطل هاني.
والقوبري والجرادي فارس الفرسان.

شهيدنا حي لا ميت ولا فاني
ومن يقول ان هو ميت فهو غلطان

#ناجي_محسن_المحجري

حب الشهاده عيالي جولها عاني
بعزمهم والاراده ياعظيم الشان

ياالله تقبل شهادتهم وليماني
في جنة الخلد والفردوس يارحمان

وآنا على دربهم جهزت لدواني
وبالشهاده يبلغني عظيم الشان

#ابواياد_المطري

حب الشهاده وسط دمــــي وشرياني
وذكرها يملي الاحســــاس والوجدان

هي نهج واحد ولا به غـــــيرها ثاني
عند النفوس الذي تشتــــــاق للرحمن

هي جنـــــــة الله وهي إكــرام رباني
وهي حياة البقاء و(الفوز) و(الرضوان)

#أخت_شهداء_البكالي

يعجز لساني بذكرى كل متفاني
والقافيات انحنت وتحرك الوجدان

ذي من دماهم سقوا ارضي وبستاني
غاياتهم واحده .الفوز والرضوان

واحنا على دربهم من نهج قرآني
عفنا المذله وصرنا للعلي قربان

#بندر_النمري

سلام له في السما راعد وحناني
يبلغ رجال الوفا والصدق والاحسان

ازكى بشر سافرو للعالم الثاني
نالو الشهاده نالو الفوز والرضوان

كمن بطل حيدري مقدام متفاني
قدم حياته وضحى في رضى الرحمان.

#عبدالحكيم_النمري

ياعالم الشـــــان وحــــدك عالم ابشاني
رحمــــاك تغفر لي التقصـير والعصيان

ا-تسابقو للســـــــــــماء ربعي وخلاني
وانا على الفـــــــانية تغمرني الأحزان

ياوجــــد حالي وشوق القلب يحداني
لهـــم وانا محتـــري يأذن لي الرحمن

#عزالدين_جحاف

والله لولا الشهيد الحي ياخواني
لولا دماه الزكية يابني الأوطان

ماكان شعبي يعيش في أمن وايماني
بفضل ربي ولاعرضه سلم واصتان

حب الشهادة سكن في خير فتياني
ياسعد من نالها محظوظ من الرحمان

#شداد_حميد

رحله من الارض تصعد للسماء ساني
الى جوار العظيم الواحد المنان

اسماءهم فخر للقاصي وللداني
وذكرهم حي داخلنا مدى الازمان

امثال هاني وما ادراك ما هاني
الكون مازال منه منبهر للأن

#يحيى_الوحيشي

يهناهم الفضل ذا توفيـــق رباني..
نالوه بجهود جبارة وعمق إيمان..

تأشيرة النقل نحو العالم الثاني..
تحتاج قوة ثقة بالواحد الديان..

من يعرف الله با تلقاه متـــفاني..
للتضحية في سبيله ما يجي كسلان..

#باسم_مساوى

قــدواتنا يالشـهادة (صالح)و(هاني)
والبدر ذي سال دمه في جـبل مران

من يطلبك مايهــمّ ولو هـــو يعاني
ولا يبــــالي ولــو شـنّوا مية عدوان

اما وعشــنا كــــرام ونـــردع الجاني
والا ارتــقينا جـنان الخلد والرضوان

#فارس_المعزبي

شهيدنا للشهادة كان متفاني
ياليت ياشعب كُنّا مثلما قد كان

قدّم حياته وروحه غير متواني
من اجل يسكن بدار الروح والريحان

حيث الكرامه وحيث الفضل مجّاني
والدّور والحور والاشكال والالوان

واحنا بذكراه .. لا قاصي ولا داني
إلا وهوْ يذكره ويمزّق النسيان

#محمود_الجنيد

باعوا من (الله) ماباعوا (لروحاني)
وتاجروا في تجارة مابها خسران

استشهدوا وارتقوا. (للعالم الثاني)
وشيدوا   (للمسيرة) كامل الأركان

طاح"السعودي"و"الامريكي""والالباني"
وعاد شعب اليمن "بسم الله الرحمن"

#ابو_برق_الظرافي

الفوز حتمي مقرر منهجه ساني
والخط واحد مزلزل حلف الأمريكان

والشعب واحد موحد يردع الجاني
يوم الشهاده سلاح الردع والفلكان

اتسابقو لجلها حمران الاعياني
يوم اصبح الموت في الزلزال والبركان

#الشاعر_امين_الحارثي

قال انفروا فاستجبنا أمر رباني
أن قاتلوا اولياء الكفر والشيطان

ياحلف صهيوسعوامريكي بريطاني
هيهات منا المذله بيننا الميدان

عشرين مليون جندي نسخ من (هاني)
يانصر وإلا شهاده فوز بالرضوان

#صالح_النقيب_الجوفي

يبقا الشهيد الوفي للعز عنواني
رمز الوفا والكرامه في يمن ليمان

يامن بدمه تطهر كل ميداني
لهم مواقف صداها دمرت هامان

#عزيز_الردماني

هي با تقع محرقه كبرى.
للإنجليزي وللخُبره.

في البحر والسهل والصحراء.
لا ما فهم بيننا بكره.

وبا تقع تاليه غبرا.
للمعتدي كثَّر الهدره.

قولوا لـ جو بايدن برا.
والمهره ابعد من الزهره.

#يحيى_الوحيشي

ارض اليمن كلها غدرى..
1وغزاتها للبشر عبرة..

والمهرة ادغالها حمرى..
قل للمريكي يخذ حذره..

با ينقلع منها برى..
والا حفرنا بها قبره..

دامه تحت مجهر المجرى ..
با يخرج اليوم او بكرة.

#شداد_حميد

لا بد من معركه كبرى
والشعب جاهز على فكره

وتهزمو مرة(ن) اخرى
وتسقطو داخل الحفره

نهاية المعتدي غبراء
لابد ما ينكسر ظهره

بلادنا مريم العذراء
حره وتبقى اليمن حره

#سامي_عبيد

لولا الذي خان وأتعرا
دنى ووضع لهم ظهره

ما كان الأمريكي أتجرا
ولا طمر هذه الطمره

شاف الأشاره وهي خضرأ
وأقبل مهري على الزره

من أرضنا يطلعوا برا
والإ جعلناهم العبره

#عبدالله_محسن_جحاف

برّا من ارض اليمن برّا
هيهات نسكت على ذره

البحر مفتوح والصحرا
ومن بقي فاليمن قبره

ابوعلي صوب المجرا
مع ابن مهران في المهره

وقلوب أهل اليمن حرا
وحنا على موعد بنصره

#ابوكنعان_الروس

قلول لذي مادرى يدرى.
ماهي مجابر ولا خدره

زيتي وكاشف مع الحمرا.
تعرف الأجني قدره

على التماتيك من مجرا.
متراقصه في وسط صدره

#ابو_يحيى_الشوكاني

ارض اليمــن للغزاه قبــرا
قل للمــريكي واخو نوره

من شاف نفسه على القمرا
يرجع مصندق مع الصوره

 عزان في البحر والصحراء
يستــلقــف الكل نا فوره

ارحب على فوهةالمجرا
من يد مؤمن كتب اجره 

#نادية_السقطي

الليل يــاداعي المسرى
استنــــفر العالم بأسره

ماعـاد شي للعدو صبرا
قد زاد في كذبه وعـذره

يالموت في المهرة اتبرا
من ذي غازها على قبره

ماعـــذر ماليـلته غــبرا
من كل يماني كتب اجره

🎞 #كليب_قصيدة (( لتعظموه ))
ـ https://youtu.be/NEAUL2UrHiA

• الشاعر | #شداد_حميد
إنتاج | #إتحاد_الشعراء_والمنشدين
ـhttps://www.aparat.com/v/i9tZg
#جودة_عالية
••• المولد النبوي الشريف 1445 هـ

؛https://t.me/aboyahyaalshami
لمتابعة الحسابات الرسمية عبر الرابط
؛https://sites.google.com/view/aboyahyaalshami/

عنوان المجاراة تحية للقوات البحرية

البداية #ضيف_الله_سلمان

بسم اليمن (امة ونهج وقايد)
نرفع تحايا العز والحرية..

الى رجال الله واحد واحد
سلام يا قواتنا البحرية..

#عباد_ابوحاتم

اقبل الكف القوي و الساعد
باسمي وباسم الساحة الشعرية

سدو طريق الشارده و الوارد
هزو كيان الدولة العبرية

#سلطان_خضران

يسلم ذراع البحريه والساعد
اهل الاياكي ما رمــوا صدريه

سجّاد واصحابه وكل مجاهد
فالبحر الاحمــر راكب الدوريـه

#ابوالمازن_عبدالله_الشريف

يا جيشنا يا فخرنا المتزايد
يا درع جسّد روحنا الثورية

بافعالكم يشمخ يمنّا الصامد
في بحرنا والجو والبريه

دقّوا عليه الصادره والوارد
حتى سقوط الدوله العبريه

#عبدالعزيز_الغرباني

بسم المسيرة والوطن والقايد
وبسم اصحاب النفوس الحية

أعظم تحية بسم كل مجاهد
للبحرية توصل لهم حصرية

#فارس_المعزبي

ونعم بكمِّن حيدري ومجاهد
يرمي على راس العدو صدريه

بالبحر الاحمر والعرب متواجد
يحاصر اسرائيل عن سُخريه

#عبدالله_الجرفي

شيّد رجال البحريه بالساعد
حيد، العرب في ضفته محميه

قراركم في سطح بقعا سايد
والدوله العظمى بكم مسميه

#أبويوسف_القاري

ماتضرب الاكل ضربه جامد
في الانحليزيه وفي العبريه

صفعوا نتنياهو وأذلوا بايد
ومدمراته صبحت سخريه

وصاريبحث له مع بن زايد
لخط تهريبي من البريه

واليوم نتحدا ابوه يعاند
أوامر البحريه القهريه

#ماجد_المطري

للبحريه في البحر الأحمر راعـد
ينسف كـيان الــــدوله العبـــريه

منه التهب ليل الصقيــــع البارد
والأرض رجِّت من مشاهد حيِّه

ونعم بصمَّـام الصمــود الخـــالد
محزم قيادة شعبنـــــــا الثوريه

#عبدالواسع_صايل_الغولي

وخفر السواحل ذي لهم بيساند
على امتداد البحر في البرية

الساطرات تركع لكم والوارد
لكم من الاعماق الف تحية

#سيف_حسن_العامري

البحريه عين اليمن والساعد
والموت الازول للقوى العبريه

اشتد بأس المنطلق والقاعد
بهم والاقصى عانق الحريه

#عابد_المدم

‏لله كن سجاد شاكر حامد..
معنا قيادة نادرة حصرية..

بقوته ما بايخلوا فاسد..
في الارض داسوا القوة الذرية..

#شداد_حُميد

بالبحريه نعتز والله شاهد
هدو كيان الدوله العبريه

وجودهم ب المعركه متواجد
مواقف العزة لهم حصريه

#رامي_السوداني

يا قبضة الشعب لأبي والساعد
ضرباتكم صوب السفن صدريه

هذا العدوا منكم يولي شارد
شاف الاوامر كلها قهرية

#محمد_ابوالعز

الى اليد الطولى رجال القايد
ازكى تحيه خالصه ثــــــوريه

سلام يا زنـد اليمن و السـاعد
في البريـه و الجـو و البحريه

#ابومالك_الكوماني

اول ثمارك يايمنّـا الصامد
قوة تسود حدودنا المائية

وخير من قدم للأمة شاهد
لهشاشة القوات الامريكية

#ابو_نواف_العرجلي

قطّو لصهيون الوريد الوارد
يوم اطلقوها ثابته صدرية

اختضّت امريكا بِعَصرَة ساعد
ما لَو تواجِه ( لنحنِت قسرية)

#علي_الشعيثي

اشعلتو البحر الطويل الراقد
ورعبتو الاعجام والعبريه

في مدحكم تركع حروف القاصد
ويسجدين ابياته الشعريه

#وسام_الحنش

من اليمن ياهل القرار السايد
اقوى تحيه صادره حصريه

اذهلتوا الكون الدني الفاسد
باقوى مواقف يالقوى البحريه

#الشاعر_ابو_صقر_شعلان

شعب اليمن لازال ثابت صامد
يرمي عـداه بالطلقه النحـــريه

وقوة الله صـــــــادره والوارد
والويل لاهـــل القوه السحريه

#عدنان_جحوح

تحية من عدنان محمد فايد
لابطالنا في القوة البحرية

بقلوبنا وعيوننا والساعد
حنا معاكم والهمم معلية

#ابوبدر_ذيبان

مثل المزون الساكبه والراعد
اغلا تحيه زاكيه عطريه

للبحريه ونشاطها المتصاعد
ضد العدو في ملحمه ثوريه

#هادي_حسين_الرزامي

ياالله تحفظ كل شخص مجاهد
في برها كانوا وفي بحريه

واحفظ لنا السيد وكل مساند
لابن النبي والعتره المرضيه

#ابو_محمد_دحان

يامن لكم طوفان الاقصى شاهد
ضرباتكم وافعالكم حصريه

شعب اليمن داعم لكم ومساند
يا فخر الامه يا قوى ثوريه

#الشاعر_ابوجهاد_صبر

من ارض مذحج لا بكيل وحاشد
سـلام  يـا اهـل  الـقـوه  البحريه

يـا زنّـدتي  يـا معصمي  والساعد
يـامحـزمـي  والـتـرس  والشبريه

#ضيف_الله_هجوان

كمن فتى في البحرالاحمر صامد
هـــزو كيان الدوله العبـــــــــريه

قطعــــو مصادر دخلها والـــوارد
لهم التحايا مننا جهــــــــــــــريه

#ذوالفقار_سفيان

النصر من رب السماء متزايد
والامركة من بأسنا مشويه

والبحر الأحمر بايظلي صائد
للصهينة حتى تجي محنيه

#رفيق_زرعان

يا طير في جو الحديدة فارد
لبحريتنا وصل البرقية

سلام وتحية لكل مجاهد
ثقافته في الحرب قرآنية

#ابوحمزه_المقاش.

شـعـب الـيـمـن واحـد وحـكـمـه سـايـد
ومـلـتـزم بـاقـوى عـرى الـسـريـه

يـا بـحـرنـا فـيـك الـولاء للـقـايـد
والـويـل لـجـيـوش الـردى الـعـبـريـه!!"

#أبوصخر_الجوحمي

منا ومن شعب الاباء والقايد
كل التحيه صادقه. معنيه

للبحريه تهدى لهم. متزايد
من حاصروا صهيون والكفريه

المجاراة بعنوان موقف الشعب اليمني من ‎#تحالف_حماية_السفن_الإسرائيلية

البداية #ابومالك_الكوماني

ما خوفتنا قوى امريكا ولاحلفها
ولا سِوى من عذاب الله وحده نخاف

بقوته بانشــردها ومـَن خلـفـها
وعود ربي جلية ما عليها خلاف

#ضيف_الله_سلمان

الامركة ساقها ربي الى حتفها
وكل الايدي والارجل تنقطع من خلاف..

على يدينا نهايتها برغم انفها
عدوة الله قد هي فالسنين العجاف

#عباد_ابوحاتم

شعب الكرامة رفع للمرجله سقفها
يوم العروبه رجولتها مجرد غلاف

والحرب لا قايد الثوره قرع سلفها
تستنفر الارض ويصيب الزمان ارتجاف

#أبويوسف_القاري

في البحر الاحمر مهمةشعبنا نسفها
تغرق وتحرق بوارجها اذا جت صواف

وكل من لف والا صف في صفها
ياويله الويل من يحتط وسط المشاف

#جبر_المسعدي

ذي زف فرعون لابحر الغرق زفها
وباتشاهد وباتبصر ذي ابصر وشاف

باتنعطف لنفجر طوفان في عطفها
ويفطر اكبادها فاطر في اخر مطاف

‌‌‎#ابوالمازن_الشريف

حلف الشياطين واذنابه وما لفها
يرحب على نار تحرق من دخل في المشاف

بفضل ربي جنوده ما غمض طرفها
تترصد الخصم في بحر اليمن والضفاف

#عبدالسلام_الطالبي

جينا على مبدأ العزة وأعرافها
يمن وإيمان حكمة مانهاب العجاف

لويحشد الغرب قواته هنا نسفها
الشعب والجيش جاهز ماهناك احتراف

#ماجد_المطري

في عصر فيه الحقايق قد وجب كشفها
ياشعب الإيمان شمِّر بالسيوف الرهاف

عدونــــــا الأكبــــر امريــكا وذي خلفهـا
واذا قطعنــــــا يـد الصهيونيه لا خلاف

#ضيف_الله_هجوان

بين ارى قوة امريكا دنى قطفها
والنهايه قريبه من قطيع الخراف

يشهد الله باندعس على لقفها
مالها الا اليمن يهقر لها بالمشاف

#الشاعر_ابو_صقر_شعلان

الروس قد اينعت وحان لك قطفها
ياشعبنا واحسم الضربه في اول مطاف

باندعس الامركه ومن مـــع صفها
بصف مرصوص مامثلـــه ولا اصتفاف

#محمد_ابوالعز

المـوريـــات المـغـيــره جهزت عـصـفها
والبحر الاحمر على ناره لوقت القطاف

يتخطف المـ.ـوت ذي حنّت الى خطفها
واجب عليها هي اللي من عدانا تخاف

الامـ.ـرڪـ.ـه لا ارهـ.ـبتنا لا و لا حـلـفها
وكل اساطيلها في وسط عين المشاف

#عبدالقادر_البنا

أمريكا غير اقبلت لجمع مصروفها
هي هكذا كلما حلَّق عليها الحراف

والحمد لله ما نرقص على دفوفها
ولا اعترفنا بها من قبل أي اعتراف

ما نعرف الذل يدعينا إلى خوفها
والا فلا كان منا للسفن اختطاف

#سلطان_خضران

قشه يقول الشهيد القايد بوصفها
لاشي يعني ومن معها تحالف ضعاف

يلعن ابوها ويلعن من يلف لفها
ترحب على الموت لاجت والمنايا زعاف

#محمد_بلابل

قولوا لمن قد تصهين لا يودف بها
شيطان واشنطن الراعي لغثة خراف

يرحب بجيشه واساطيله ومن حبها
واحنا نضيّف عدو الله أحلى مضاف

#شداد_حُميد

لو يحتشد كله العالم الى صفها
في صفنا الله نعم الصف والاصتفاف

وبنتها المجرمه لا بد من حذفها
من الخريطه بدم الابريا والضعاف

#الشاعر_ابوجهاد_صبر

تحالف الشر ضد الخير في صيفها
مابا ينتّج ويثمر لو ترابه خراف

قُل للقوى الغربيه عيني علا كيفها
بالجؤ والبحر هو والبر صوب المشاف

#رامي_السوداني

الامركه باتلاقـــــــي مننا نسفها
وغزوها لليمـــــــن بايصبح آخر مطاف

من الخريطه علينا قد وجـــــــب حذفها
ونظيف نصف اليمن ذي ليس فيها مظاف

#ابو_هادي_الغمري

قريش فـــــــي يوم الاحزاب انتها حلفها
من هول ضربة علي ذابت قلوب الرهاف

واليــــــــــوم الاحزاب با تاتي الى حتفها
حفيد حيدر مـُطور ذو الفقار ابـ مشاف

#أحمد_الخاشب

أئـمـة الـكـفـر با تـلـقـى جـزا اسـرافـهـا
على يدينا عذاب الهون خـتـم المطاف

يا الله تـعـمـي بـصـايرهـم ولا تـشْـفـهـا
لا يوم نتخطّف ارواح اليهود اختطاف

#ابويحيى_الاشرم

والله لو تحشد امريكا مع صفها
جيش العرب والعجم وابقارهم والخراف

هيهات شعب اليمن يرتاب من زحفها
بقوة الله باننسف ابوها انتساف

#عبدالله_الجرفي

البحريه با ترحب لا وصل ضيفها
يرحب على الحاصل اصحاب الكبود الرهاف

تجمع وتحشد علينا الصهينه حلفها
واحنا لها راس ديمونا براس المشاف

#عبدالعزيز_الغرباني

ضفادع البحرية مستقبلة ضيفها
واشواقهم في لقى أمريكا يزل الغلاف

البحرية جاهزه والشعب في صفها
واحنا أولو البأس باننفر ثقال وخفاف

#عبد_القادر_داود

في أوج قـوة مواردها بـدى ضعفها
و رغم ضعف إقتصاد الشعب محنا ضعاف

و ما التحـالـف علـينا غير مـن خـوفـهـا
منّا ، كما احنا نخـوّف دايماً ما نخاف

هي تستغل إزدهار السوق في صفها
و إحنا نسوق المنايا لا قد احنا حراف

#الشاعر_ابوحيدر_عامر

هاتو قوى الكفر والطغيان لا حتفها
هاتو الاصاطيل تغرق لعن ابوا من يخاف

احنا لها الحرب يلعن والدي حلفها
فالبر والبحر عين الجيش فوق المشاف

#احمد_الديلمي

حروفنا الأبجدية باتزيل حرفها
والعبرية تحتذف لا سلة الانحذاف

الله خلقنا لهذا اليوم في نسفها
من بأس شامخ محزّم بالنصال الرهاف

#ابوعبدالله_صالح_عنبل

اختارها الله ربي و اعتمد صفها
لنصرة الحق بأرضه و انتصاف الضعاف

للمجاراة...

البداية #ضيف_الله_سلمان

قل للعرب لا يقلقوا هي فاهنة
يتفرجوا واحنا لها مهما يكن..!!

نهاية امريكا العجوز الكاهنة..
قد هي جلية في ملامح بايدن..!!

#عبدالله_الجرفي

حيى على خوض الحروب الطاحنه
ودف نتن ياهو وسلمان النتن

قل للتحالف والمسوخ الماجنه
شعب اليمن في البحر يصطاد السفن

#جبر_المسعدي

الشعب ذاهن والقياده ذاهنه
ومن غزاء ارضي في ثراها يندفن

والبحر رهوآ فالظروف الراهنه
بايغرق اصحاب البوارج والسفن

#ابوصالح_العملسي

النصر مـــــــتــــجلي بصورة با ينه
في جيش ابو جبريل والسيد حسن

والخـــزي في وجه الملوك الخاينه
والحلف ذي باع المواطن والوطن

#أبورواسي_أرحب

من بايراهني وأنا باأراهنه
بواحدية أم بايدن والنتن

والغرب كله في الضروف الراهنه
أذل وأرخص من ثمن بوري تتن

#ابوالمازن_الشريف

الامركه مهما تعالت واهنه
والغطرسه متهاويه في ذا الزمن

والفاصله في معركتنا الراهنه
وقوة الله حطها باهل اليمن.

#محمد_الحربي

اي والله ان الحرب هدة ساخنه
احنا نعشق وانت يابركان دن.

حرام ماتبقى دويله امنـــــه
والبحر ياويل البوارج والسفن

#ناجي_القطيبي

عيوننا فى البحر الاحمر ذاهنه
وفى الصحاري والبوادي والمدن

لابايدن شعّب فما بنداهنه
بانحرق اسطوله على بوري تتن

#ابوليث_المحضار

الوقت هذا والظروف الراهنة
والسيد القائد وشعباً لم يهن..!!

نهاية امريكا وترجع واهنة..
والموت لاسرائيل في قطع السفن..!

#ابوالكرار_المجنحي

الله موهن كيد الأعداء الواهنه
وسنته جاري على كل السنن

غريب يا حكام ماهي ذاهنه
هل هم نصارى أو بليو باالوهن

#ابوخالد_الطويل_الجهمي

في الشرق للشيطان الأكبر حاضنة
والموت الحمر بنتظارة في اليمن

لا ذيعين له ملوك امداهنة
اما اليمن فيها من انسال الحسن

# ابومالك_الكوماني

مهما طغى الباطل حباله واهنه
عاد الليالي حامله له وعد جن

أما تعقل في الظروف الراهنة
والا فيأكل بحرنا لاما يحن

#ماجد_المطري

من مستجدات الصمود الراهنه
للقوه اللي للعدى ماترتهن

جرِّت قوى العالم قواها الواهنه
وحلف واشنطن بواشنطن دُفِن

#شداد_حميد

ما اوهن بيوت العنكبوت الواهنه
والبيت الابيض عاده اوهن منهن

قد بان ضعفه ف الظروف الراهنه
واحنا بنصتاد البوارج والسفن

#الشاعر_ابوجهاد_صبر

مرّت عـلى الكُفر الضروف الراهنه
وطـــاح فيها بايدن هـو والنتن

والصهينه ذي هي للأقصى ساهنه
سـارت بمعّجٓن ارض غـزه تعتجن

#ابو_هادي_الغمري

الدوله الامريكيه والماجنه
احقر نظام اتواجدت فيه الفتن

للقتل والتدجين اكبر حاضنه
واجرامها ما قد عرف مثله زمن

#الشاعر_امين_الراجحي

قل للعرب ياضيف لاهي راكنه
على اليهودي بايقع له وعد جن

مابا يأمنها ولاهه امنه
ملطام بايقرح بصابرها يطن

#ابـومـازن_الـرازحـي

لو تتركـونا ياعرب والصهينة...
ونمـوت لا تـدوا لنا قيمة كفن..!!

من يترض طلعـاتنا بانطحنه..
ونسجله في بنك أهـداف اليمن..!!

#مناع_شريم

اليوم الاعراب مطبعين وصهاينه
ويومهم جايا عليهم يوم جن

لا تحلم امريكاء بماهيه ساهنه
فى البحر الاحمر بانخلها تتن

#الشاعر_متاش

خلاص قد شاخت وقدهي طاعنة
ماعد لها يااصحابنا غير الكفن

وأهل العمالة والوجيه الخائنة
الله يلعنهم على مر الزمن

#ابوحنشل_قاريه

المعركة في مرحلتنا الراهنه
الله متحكم بها حسب السنن

وعيون جند الله دايم ذاهنه
ترصد وتقمع كبر ارباب الفتن

#ابواياد_المطري

اليوم أمريكا اللعينه واهنه
والوضع فاسرائيل دائم معتجن

واوضاع محورنا العظيم الراهنه
في عز ما يخشى التحالف والنِتن

#ابوحرب_الحالمي

فينا عزايم عنفويه طاحنه
ما ينتبيها خوف كلا او وهن

تاريخنا كامل فتوحه باينه
احداث تتخلد على مر الزمن

#هيثم_المعنقي

ماهي سوا قشه قواها واهنه
مبني على زرع الدساس والفتن

وبقوة الباري تشوف الطاحنه
تكت نهايتها على شط اليمن

#أبوأحمد_الغفّاري

وللدول ذي با تكون متعاونه
مع المريكاني بسر أو في علن ..

والله ما تبقى دولهم آمنه
ولا تنال أوضاعهم غير الحزن ..

#حسن_الجدمي

هي دولة الأفساد بل له حاضنه
وهي محطة خبث والعن من لعن

لاكن يمنا في عداها ساخنة
وبالهدى با نركعا وابن الحسن

#عبدالكريم_الشمسي

حنــا مسـيــــرة بالقـوي مـراهنة
فقنا تصــور كـل مـن فينا يضن.!!

في وقت حكام العرب إ-مداهنة
أمــام ما يحـــدث بغزة والمدن.!!

#الشاعر_ابويزن_الصيادي

عيوننا فــ البحر الأحمر ذاهنـــه
نحرق بوارجهم ونصطاد السفن

ما با تقيدنا الظـــروف الراهنـــه
فينا صلابه فوق ما أمريكا تظن

#أخت_شهداء_ البكالي

الحمدله عدالحروب الطاحنه
ان كان في غزه ولوحتى اليمن

من جاءيواجهنا قسم باندفنه
والعبره الصهيون وابوه بايدن

#ابومعارك_السقاف

ومريك لن توصل لماهي ساهنه
الموت يصالها علا ايدي اليمن

عليك ياربي جنودك راهنه
نحرق بني صهيون كامل في كفن

#ابوحرب_الموكر

قل للدول ذي لليهود مداهنه
مرجوعكم لابين حذيان اليمن

في علم مالطا تتستري
قد عرفناش يا (زوغرافيا)

لا ورب السماء مااا تعبري
يا سفن تابعه للمافيا

جاري التهيئه ون تو ثري
في خرائط وديمغرافيا

حان حذف الكيان البربري
من على الارض والجغرافيا

ـ ‎#شداد_حُميد

المجاراة بعنوان نهايات #أمريكا الفرعونية.

البداية #محمد_الهلالي

يا البحر الأحمر من الشاطي عليك السلام
يا قبر فرعون في الأولي وفي اللاحقه

فيك العصاء والشِعَار أتناوبت بإنسِجَام
توصل جِيوش الأعَادي قَعرك الساحقه

#ضيف_الله_سلمان

بقوة الله با ننجز جميع المهام
وقوّته لاسواها القوة الخارقة..

بالصبر والوعي والتسليم والالتزام
با ننتصر والنفوس بربها واثقة..

#عباد_ابوحاتم

عيش المذله في الدنيا علينا حرام
طالق حياة المذلة يا زمن طالقه

الموت فالبحر ساكن كل ملي جرام
يعني السفن غارقة يا الكونقرس غارقة

#أبورواسي_أرحب

بالعز نورد علئ حوض المنايا كرام
نصارع الموت في الميدان ونسابقه

في البحر في البر وألا فوق سطح الغمام
الأمركه في بلدنا غارقه غارقه

#شداد_حُميد

البحر الاحمر على اسرائيل كله حرام
فيه السفن والبوارج حارقه غارقه

هذا اليمن ذي تحمل للمهام الجسام
في كل لحظه بيانه يعلنه ناطقه

#الشاعر_فواز_المستنيري

حلم النتن بددته التضحيات الجسام
وصار رازم بضربه ساحقه ماحقه

ياذي تبا الارض تتقسم بحلم انقسام
الارض لله واهل الحق متلاحقه

#ردفان_الرقيمي

إحنا علا نهج من هم {يُطعِمون الطعام}
وقلــوبنا للشهـــــاده خلفهــم عــــاشقه

إذا علا بايــــــــدن للصهينـه إلتـــــــزام
فـ شعبنــا ملتــزم للمُنتـقـــــم خـــــالقه

#مقبل_جرام

دام اليماني على النهج القويم استقام
و له قيادة مصاحف بالهدى ناطقـه

بقوة الله بايهزم دعاة الظلام
شذاذ الافاق عاهات الخنا المارقه

#عبدالله_الجرفي

سلام ربي على صحاب القرون الصمام
كمن بطل حر ما يخشى سوى خالقه

لا دق صدره وقال ابشر وشد الحزام
يصرح الناطق اوفيت، السفن غارقه

#سلطان_خضران

لكل ظالم نهايه والعبر بالختام
البادي اظلم نعم الحاقه مالحاقه

قد جاءت الاخره والموت لامريك حام
ونصر الاسلام يلمع فالسما بارقه

#ابراهيم_الشرفي

يا ذي منع عن فلسطين الدواء والطعام
عليك مندب يمنّا منطقة خانقة

من بر لا بحر باننقل حروب ارض سام
ونقدم الدين لك بالصورة اللايقة

‌‌‎#ابواياد_المطري

يالبحر الاحمر سقيت الخصم ناقع وخام
بالموت الازول وخليت السفن عالقه

فيك البشارات لفلسطين من ارض سام
على يد اعلام هدي الباري الناطقه

#ابو_مجاهد_الغمري

يحرم عليهم كما مكه عليهم حـرام
ما يدخــلونه وفيه جبـالنا الشاهقه

كلمه قصيرة صريحه ماعليها كلام
مادام غزّه جــريحه يالقوى البايقه

#الشاعر_نضال_حُميد

من هو مع الله يتحدا الخطوب الجسام
يثبت ثبات الجبال الشمخ الشاهقه

نفرم جماجم ندوس اخشام نسحق عضام
ولا نبالي بأمريكا ولا الشارقه

#الشاعر_ابوجهاد_صبر

لا فـرق بين اليمن  يا بحريتنا  وشام
عند العلم قايد  الاخُرئ  معا  السابقه

مادام بيده عصاء موسى عليا الحرام
ان السُفن ذي تخص  الصهينه  غارقه

#ابوشهيد_القطمي

نحيا بعزة على الكوكب و نسقط كرام
و لا تدنّس يمنّا الشلّة المارقة

في البحر في البر في الصحرا وروس اللكام
بفضل ربي جيوش الأمركة زاهقة

#ناجي_القطيبي

سلام ياباب مندبنا العزيز الهمام
يامن حمل همّ امّتنا على عاتقه

خلّيت غزّه تشوف النّور بعد الظّلام
وكنت نعم النّصير فى اللّحظه. الفارقه

#حسن_المهدي

كــلام والله مــا بـعـده امـانـه كـلام
ياشعب جبار مايخشى سوى خالقه

رسخت معنى الجهوزيه بكل التزام
وتجنن اعداك من ضربات متلاحقه

#شاعر_بلاد_الروس

باننهي امريكا ونكسر كبرها والعضام
ومن معاها في البحرين والشارقه

بانضرب البارجات هذا اختصار الكلام
بانلحق اكبر سفنها مثلما السابقه

#ابـومـازن_الـرازحـي

فـديتكـم يا رجـال البحـريـه يا كـرام
وتعيـش يا الڨائـد ألي ما حدا سـابقه،

واصل ووسع خيارتك على بن الحرام
واضرب ببـأسك فلول الشله المـارقة،

#يوسف_الحداد

والله لو نحترب خمسين مليون عام
مابا نفرط بغزة والخطى واثقه

على ثقه مطلقه بالله دايم دوام
واعظم قياده عظيمه بالهدى ناطقه

#اكرم_النيعاني_ابونبيل

بفضل ربي وابوجبريل ذاك الهمام
خذنا التحدي وخلينا السفن عالقه

سرنا مع ابطال غزه في خطوط الامام
ندك صهيون هو احلافه الناعقه

#ابوحمزه_المقاش

الـوقـت وقـت الـعـمـل يـا عـاشـقـين الـكـلام
الـكـل يـشـحـن قـراره في رضـاء خـالـقـه

غـزه تـنـادي وواجـبـنـا نـشـد الـحـزام
ونـطارد الكفـر في الـميدان ونـلاحقـه

#الشاعر_جبر_المهدمي

ها خبــــــروا شلة الصهيونيه واللئام
وامريك تلك العجوز القْذره الفاسقه

شعب اليمن فيه كمن حيدري مايضام
باتحرقوا.. من لضــــى نيرانه الحارقة"

#محمد_البريهي

تسليمنا مطلق لسيدنا عليه السلام
بابحريتنا إضربي الأمريك ومنافقه

مادامه أفسد بطغيانه ونكل وضام
بالله أنصار دينه للعدا زاهقه

#أبوصياد_الغمري

مع مريكـــا اللعينه مابقي شي سلام
إلا من إ شواضنا ورصاصنــا الخارقة

في البر والبحر نسقيها كؤؤس الزئام
بطربيد نجتثها واللُـغــــــم والصاعقة

#ابراهيم_الغولي