يد النبي ذي مسح عينين فيها الرمد
وامتد نور البصيره والشهيد استفاد

#ابو_برق_الظرافي

للنفس مشرى من الله خير مما نوَد
بااعظم تجاره مع الله خير مما يراد

لن الشهادة لنا نعمة وذخر وسند
تكريم الأولى وفـ الأخرى الشهيد استفاد

#علي_مغلي

وقت الله الله( لا اقسم بهذا البلد)
مامثل نيل الشهادة للمجاهد مراد

نوثق بربي ولا نوثق بكثر العدد
يالله يالله تقبل بيعنا والجهاد

#ذوالفقار_سفيان

دم الشهاده بداخلنا لظا واتقد
وامساء كرامه نوزعها لكل العباد

ومن تخلّف وباع الدم ولا رقد
فبا نسميه ممن قد طغو فالبلاد

#عبدالله_المسعدي

نفوس واموال باعوها لفردٍ صمد
وجاهدوا في سبيله ما اذعنوا للحياد

احياء في صدق مقعد حسب ما الله وعد
من بعد ماجاهدو في الله حق الجهاد

#ابوريان_محمد_صبيح

ليسوا بأموات بل أحياء حياة للأبد
وللشهادة تمنوا روحهم أن تُعاد

من أجل يستشهدوا مرات اكثر عدد
طاعة لرب السماء تسليم له وانقياد

#ابوشهيد_القطمي

من باع روحه من الباري و باع الجسد
يهناة فوزه و نيل الخلد و اعظم مراد

في نهجهم نهجنا حيث الوفاء المعتمد
علية لعنة من الله من يخون البلاد

#ابوعبدالله_عنبل

من باع راسه لمولاه العظيم الصمد
يبشر بنصره و تأييده و نيل المراد

عهود الاحرار لن تمحى لحتى الابد
يجددوها النشامى في دروب الجهاد

#عبدالله_العباد

من حيث اعدوا رجال الخلد كلين عد
هاموا في الله ماهاموا علا كل واد

فما استكانوا ولاضعفوا مع الله قط
حتى وصل كل واحد غايته والمراد

#منير_سريع

قال ابن همدان ياحيا بطقم المدد
ياشوق شوقي لخوض المعركه والجهاد

احنا على الحق وهل الحق طول الابد
درب الشهاده كرامه يا الرجال الجياد

#ناجي_محسن_المحجري

ماباينال الشهادة ذي لها ماقصد
بيمان واخلاص لجل الله واجل البلاد

راجع حسابك وعادك فوق طقم المدد
ياايها المؤمن أعرف ويش معنى الجهاد

#رامي_السوداني

شهداؤنا فخر أمتنا وعز البلد
بفضلهم با نحرر أرضنا والبلاد

رجال اوفوا لخالقهم عطاء دون رد
واتحملو كل شي رغم الظروف الشداد

#زيد_الحوثي

صمام أمان المسيرة أمس واليوم وغد
وأسطورة اللامحال للمعجزات أمتداد

(كانوا هم الأوفياء) واسنادنا والمدد
يوم الغضي شن حقده في زمن لرتداد

#عبدالقوي_البطل

والشعب لاجل الكرامة بالشهادة حشد
لاكل جبهه يواجه من طغو في البلاد

بها تثقف فكانت قوته والسند
والله مده بتأييده على كل عاد

#ابراهيم_الشرفي

اي والله انّ الشـهـادة عيـش كلـه رغد
في جنة الخلد يلقاها من اعطى وجاد

من نالـهـا نـال حسـن العـاقـبـة والمرد
ومن خسرها تهاوى في طريق الحياد

#أبوحسين_العصري

فازوا برضوان ربي والهنا والسعد
والله داخل كتابه عنهم كم أشاد

وقال أحياء وعوض بذلهم و أعتمد
لصفوة الخلق اعلى منزلة للعباد

#الشاعر_متاش

صعد إلى الخلد من نال الشهادة صعد
اختاره الله من صفوة خيار العباد

حياة مثل الشهادة غيرها لاتجد
طوبى لمن جاهدوا في الله حق الجهاد

#ابوهادي_صيفان

شهيدنا مابذل نفسه لغير الصمد
ما يوم ضحى من اجل المال والاعتماد

ومع النبي واهل بيته دين ومعتقد
وقاتل الكفر باانواعه وراس الفساد

#الشاعر_أبو_وعدالله_هفج

دمائهم روحهم والتضحيه للأبد
حيه بمن بعدهم جاهد وكافح وعاد

المجد والعز والرفعه لهذا البلد
وماتردد عن الموقف وفك الزناد

#ابوفضل_المتوكل

كمن مجاهد الى جوف السماء قد صعد
اتسابقوا لجلها اولو العزوم الشداد

نقسم بانا على .......منهاجهم للابد
نواصل السير نكمل قصدهم والمراد

#عدنان_سالم_الذويبي

من اجل الاسلام يحيا شامخن للابد
باعو من الله واتفانو بخط الجهاد

ماهزهم حشد امريكا عتيد وعدد
ولا تراجع احد منهم وحب الحياد

#ابوبدر_ذيبان

صعد تسامى الى مقعد مع من صعد
بالروح سباق للجنه وفيها المراد

وفي ضيافة الاه الكون بين الرغد
عايش ويرزق ويستبشر بقوم الجهاد

#ابـومـازن_الـرازحـي

مهما وصفنا شهيد فوصفنا لم يكد
يوفي بما قدمه وما ردع من فساد

سلام ربي عليه ماكل مسلم سجد
لله، ويسبحِّه مؤمن وكل العباد

#رعد_مران

لازم نواصل خطاهم دائما للأبد
ماينفع انا نعزي ثم نجلس رقاد

وفي وصاياهمو نبقى لسيدنا سند
ولانفرط كما فرط كثير العباد

#أسـامـة_المـعبـاء

اهل العطاء والفداء والتضحية للابد
منهج مثالي لمن ساروا بخط الجهاد

قوم البطولات كمن حر شامخ اسد
ضحوا بارواحهم والمال لجل العباد

#الشاعر_بشير_الشامي

شهيدنا في سعاده دايمه للابد
فيها الخلود الذي يمضي بدرب الجهاد

وفي رحابه بنبذل دمنا والجسد
ويدناء في خطاهم ماسكه لزناد

#الشاعـر_إسماعيـــل_الاهــدل

على الكرامــه مضينا ضد حلف المرد
نواصل السيرفي خط الرجال الجياد

يالعنبو من تخـــاذل يوم ولاقعــــــد
ولا انثنى عن دروب المرجله والجهاد

#الشاعر_عزالدين_المرادي

شـهـيـدنـا اصطـفـاه الـله وحصاه عدد
فـي جـنـة الـــلـه يتنعم بمشرب وزاد

هـم تـاج الإسلام واركان الهدى والسند
ذي جاهدو في سبيل الله بمال وعتاد

#عبدالغني_ضبعان

المجاراة بعنوان ((الشهداء نالوا الكرامة والفوز العظيم )).

البداية #بندر_عبدالمحسن_النمري

ذكرى الشهادة محطة شحن في كل عام
نتزود الوعي منها والعبر والدروس

عليكم ازكى صلاة الله وأزكى السلام
يا ازكى بشر في سبيل الله باعوا النفوس

#ضيف_الله_سلمان

ذكرى عظيمة بها نحيا اعزاء كرام
نعم الحياة الكرامة من بغاها يدوس..

يجعل رضى الله غاية في جميع المهام
من اجل يأمن كوارث يوم حامي عبوس..

#محمـد_مجلـي

يهنـاه مــن بالشهـاده نــال اعــــلا وســام
ما نالها الا وقــد جنــدل مـئات الرؤوس

واحنا على العهد والعيشه علينا حـرام
لوتوقف الارض ماتوقف جِِرير التروس

#ابورواسي_ارحب

أذا التحالف بنا الباطل بصافي وخام
فأحنا بنينا الهويه والسياده بروس .

لولا الشهيد أن ما للدين ذروة سنام
ولا اليمن سار للغازي عسل راس موس

#ابواركان_السحاري

إي والله إنها عظميه لـ الرجال العظام
ذي سطرّوا المجد يوم المعمعه والجلوس

باعوا من الله ونالوا الفوز بـ أعظم وسام
صلى عليهم مليك الملُك.خير النفوس

#محمد_الاخرم

ذكرى عظيمة تجسد ذكــريات العظام
قاموا لنصر الهدى يوم الأوادم جلوس

وناصروا عترة الطاهر ولــــــبّوا الإمــــــام
وجاهدوا والجهاد اشرف وأعظم طقوس

#جلال_الغولي

المجد يسجد امام المؤمنين العظام
ونلتمس منهم في كل موقف دروس

سلام ربي عليهم عد مزن الغمام
من باعوا ارواحهم لله واحيو نفوس

#محمد- الشعيثي

استشهدو في سبيل الله كمن هُمام
من بعدما نكلوا بالكافرين النجوس

واحنا على دربهم ماضيين نحو الامام
تنكيل بالحلف الامريكي وقطاع روس

#بديع_الزمان_السلطان

سلام ي اصدق رجال الله ي اكرم كرام
يا بيّضيّن الوجوه وشامخين الرؤوس

تحلّ ذكرى الشهاده بيننا كلّ عام
فتملأ ارواحنا عزّه وتروي النّفوس

#عماد_العملسي

اهل الوفا والنقا. وهل السيوف الصرام
لجلك ولجلي صبر للبهذله والشموس

انته مكيف وهو ماذاق حلو المنام
اهلك معاهم رقئ واهله كلوها يبوس

لاما لحق ذنب بايلحق علينا الملام
اذا احد بعدهم قصر وعوود يحوس

#الشاعر_امين_الراجحي

ذكرى لها كل مؤمن يحتزم ب الحزام
ويزور اهل الكرامه طيبين النفوس

في كل روضه يلبي بعد رد السلام
ويصرخ الله أكبر رغم انف البسوس

#عزالدين_جحاف

سلام ياجند ربي يارجال المهام
رؤوسكم في سماء المجد أشمخ رؤوس

فزعة مع الله بقوة ضد حلف اللئآم
ماهو كما بعضهم بين الخوالف جلوس

بارواحكم قد فديتوا الغالية( أرض سام)
يوم باعها (الأدعياء) بابخس وأرخص فلوس

#محمود_الجنيد

حازوا مع الله في الدنيا على اسمى مقام
باعوا دماهم وباعوا ارواحهم والنفوس

احياء عند المهيمن جنب سيد الأنام
يتبادلون السعادة بينهم بالكؤوس

#علي_الشعيثي

حستكم والله الشاهد لصدق الكلام
يمين كرار مايحلف يمين الغموس

يامن لكم قدر في قلب النبي وحترام
ياروس هاماتها طلت على كل روس

#صالح_النقيب_الجوفي

نال الكرامه كريم النفس وابن الكرام
تاج الشهاده بنوره مثل ضاو الشموس

واحنا اقتبسنا بنور أبطالنا فضلام
والحريه لبسوها ثوب مثل العروس

#الشاعر_متاش

وانا اشهد انها شهادة فخر واغلى وسام
حصل عليها رجال الخُلد يا اهل الطقوس

مانالها غير مؤمن في الخطوط الامام
قضى مع الله نحبه مايريد الفلوس

#الشاعر_ماجد_عذري

ذكراء الشهاده عظيمه في نفوس الكرام
لولاء رجال الشهاده كاننا في الحبوس

صلاة ربي عليهم بل وازكى السلام
باعومن الله ماباعوالقيم بالفلوس

#ابوحنشل_قاريه

اي والله ان الكرامه للرجال الكرام
والنفس لاهي كريمه داست ام الفلوس

استشهدو وبخطاهم للأمام الامام
العز له مهر غالي والحياه هي دروس

#ابو‌‌‌_برق_الظرافي

ذكرى لها راس مايوطى وعزة مقام
يتخلد الفعل ذي قطع من الكفر رووس

ذكرى للأسلام فوق البغي سيف وسهام
وسلاح للحق فيه الرمح والهدي قوس

جريح الحرب #رفيق_زرعان

نيل الشهادة كرامة يا الرجال الكرام
هي خير غاية وأعظم كأس بين الكؤوس

هي باب للخلد والفردوس دار السلام
وحصن من نار تلهس وارديها لهوس

#هادي_حسين_الرزامي

ذكرى من الدهر سجلها رجالن عظام
وسطروها من الشريان ودما الرؤوس

نالوا الكرامه ونلنا العز فوق الأنام
يهنيه من كان عندالله طاب الجلوس

#ابو_بدر_ذيبان

ذكرى وفيها نشاهد تضحيات الكرام
وصدق نهج التولي في طهارةنفوس

فرصه عظيمه نحشد يالهمام الهمام
فجنة الخلد ماتشرى بريع الجلوس

#الشاعر_محمد_ابوالعز

يكفي الشهيد انهو جوار خير الانام
له قصر في جنة الباري دخلها غطوس

مقامه الخلد يتسامى باعلى مقام
و زفه اهل السماء والارض لاعظم عروس

#مرتضى_ناجي

ارفع مكانه واعظم شأن وعلأ مقام
في ذكرها يسجد التاريخ سجدة جلوس

والدّهر يركع ويتواضع لها من قيام
والكون يستنفر افلاكه لها والطقوس

#ذوالفقار_سفيان

ذكرى بـها البـأس والـعـزه مـع الالتـحـام
ذكرى رجال الاباء ذي ما رضو بالجلوس

نـالــو مـن الله جـنـاتــه واعـلا مـقــام
مـن بـعـدمـا قلّعو للمعتدين الضروس

#محمد_الداهية

كلمه ويسمع كل قاصي وداني
مــادام خُــيّـرنـا بــسـلّـه وذلّــه

الذل مانـرضـاه حـتـى ثـوانـي
والعز لو ننسف ونفنا من اجله

حامـت عليكم يارعـاع الزمـاني
من حايمات الموت في كل وهله

حوار نـاري مـن خـشـوم الصياني
بعدين من لـه حق باالغصب شله

#شهاب_المتوكل

ياذا العماني خبر اللي غزاني
ذي قد توسط بك وبالله قله

اني انا الحر الاصيل اليماني
ذي ماارتضي بالهون والا المذله

لاعاديحلمله بتمديد ثاني
لهدنته والصلح الاول يبله

وحقي اقسم لايجي غصب عاني
وارد بالقوه حلالي بكله

#ابواياد_المطري

به حل واحـد لا كثـر زاد ثاني
إما نقاوم او نــــذوق المذله

وإما وخلينا الفضاء له دخاني
وننزعه من وسط بقعة محله

على دروب المرجله والتفاني
ومن يهنجم عندنا الله شله

يا كل قاصي بل ويا كل داني
سمّع قليل العقل ذي خفّ عقله

#الشاعر_ابوفضل_المتوكل

لا تنقدونا لا سرجنا العناني
للصافنات اليوم والنار قبله

يكفي لشعب بس ما هو يعاني
الحسم قرب والنشاما تشله

بركان يتفجر غضب فالمحاني
ياويل ويله من عزمنا لاجله

الكون كله يعرفو لي مكاني
زلزال عارم يجرف البغي واهله

#مجدالدين_البدري

اي والله الا لادعــانا ثوانـــــي
وحنا على استعداد في كل قتله

راحه مع الله لومعــه بانعانـــي
قال اليماني معترى الراس ذلــه

قود السفينه وعبر الخط ساني
والموت والرحله مع الله سهله

الدرب واحد ماهناك اي ثانـــي
والعهد باقي والخطى بانتلــــه

#ابومشعل_ذويب

مهما تألمنا ومهمانعاني
ولوقتلناالف مليون قتله

اهم شي تبقى الكرامه معاني
ولونضحي لجل نعتز سهله

وجيش ابوجبريل بالله حماني
بالوعي والإيمان لوكان قله

هزم عدوي البربري ذي غزاني
ورجع الناموس والعز لاهله

#الشاعر_بشير_الشامي

شكل السعودي هو معود يهاني
ولا قده اصمع وفي راس غفله

مايمشي الا بعد ملباج ثاني
ولا ازيد مصكاع وازيد دفله

قله يطبقها في الخط ساني
من قبل متوقع لهم خير قتله

مادام عاد الفضل لي ومتناني
ولا حرام لا يشغلوا بين شغله

#أسـامـة_المـعبـاء

هـم ماطلـوا تنفيــذها عمـد عاني
بـس شعبنــا با يأخــذ الحق كله

وذي مامشى ياشعبنا الخط ساني
قـم علمــه اين الطـريق قوم دله

دايـم تحـالف نجـد كاذب جباني
ما يـوم با يصـدق معـانـا بقـوله

مـاعـــاد له الا حــوار الصيــاني
ونشــربه في كل يــومين قتــله

#ابوهادي_الجامع

مادام والعدوان هو ذي اذاني
في شعبنا سبب حصاره وقتله

واليوم عاده في الصراع الجناني
لا فك شاطينا ولا فك رحله

ولا سرح في شور ذاك العماني
ولا وقف عنا حصاره وشغله

باين عليهم فقدو ضربت يماني
ياشعبنا لاهنت دوسه وذله

#أخت_شهداء_البكالي

خيارنا القادم يعد الثواني
اما ينفذ او نوريه شغله

هو وحده الخسران مهما نعاني
مادام شغلي في رضى الله كله

حسبي رضى المولى يماني يماني
ارعب جموع الكفر باقل جمله

وانا مع الرحمن باصدر بياني
باتم الاستعداد ماسك بحبله

#ابوفتح_الاشول

سلامنا بالحرب والعز داني
وحقنا بالنار مضمون حله

وما ورد في الذكر سبع المثاني
صراط من ربي نعيمه وفضله

إذا تبعنا الحق فالكفر فاني
على يدينا الله يحكم بعدله

نفرض على حلف العدو الأناني
يخضع لـ ابوجبريل ويعيد عقله

#الشاعر_بشار_دهقم

كنا ولا زلنا على ادرب ساني
نا ادب الي زاد يا اخوان جهله

احنا على منهاج قاصف وهاني
مانرتضي با المسكنة والمذلة

اليوم بانقتص من كل جاني
ذي ما عمر مبنا ولا تم شغله

أما وتم اليوم فتح المواني
ولا فبانقتص يا قوم رجله

#ناجي_محسن_المحجري

كلمه قصيره شلهامن لساني
اين مانصحناه زيد الطين بله

مابش بنا يمشي على الخط ساني
خطوط ملفوفه وطلعه ونزله

كماحنب جاء بالوسيط العماني
يوهم لنا للحرب قدبايحله

ذي منع ابتكم ياالرجال المتاني
كلين سيفه من غماده يسله

الحل هو هذا وما جاك جاني
لاما عدوي بايراجع لعقله

#مختار_البحري

والله مانسكت وشعبي يعاني
هيهات ان نرضئ لشعبي المذلة

اما سلام احرار وعز اليماني
ولا فحاربناهم العمر كلة

الحرب اخر حل مافيش ثاني
ياوفد اشقانا المغاوير قلة

الحرب للشعب اليماني اماني
والعيش في قاموس الاحرار ذلة

#ابوبراق_الطاهري

قل لتحالف. ذي. بجيشه. غزاني
قرارنا. مفهوم. من. مستهله

معادبش. هدنه. ولاراي. ثاني
وذي. غزانا. بانجي. لامحله

جاه المسير جاه مخصوص عاني
لانقبل الهدنه. ولا احنا . بفضله

هاشم_الحوثي

على عدوالله بأسرج حصاني
وكل من يا قوم يقدم بفصله

جهاد ياربعي كما الله دعاني
مابا يقرب حلهم غير قتله

نشعل لظها فوقهم بالصياني
ذي ما يغارم فالمنيا تشله

والله ما هنا عيش وانا مكاني
طالق حياة البهطلة والمذلة

#مرتضى_ناجي

صبر اليمن لوما يشوف البياني
والصبر لوما الضيف يدلي بحله

الجدّ الاول في كلامه وصاني
الضيف له تقدير حتى. يرحله

ما همنا لجل الكرامه نعاني
نقتل ونحيا لجلها الف قتله

نشرب زُ ئام الموت وسط الصياني
اللذ. من عيش البقاء في مذله

#ذوالفقار_سفيان

قد به معانا له حكاوي واجده
وباينفذها رضا. والا صميل

#عزالدين_جحاف

قولوا لأصحاب القلوب الحاقده
شعب اليمن محروس بالرب الجليل

والله في كل المراحل قايده
نعم النصير نعم الولي نعم الوكيل

من رحمته هيأ مسيرة راشده
وحكمة السيد تداويك (ياعليل)

#ذوالفقار_سفيان

قل للممالك والملوك البايدهـ
عاد المعارك حامله كمن ثقيل

لان هذا الشعب ربي قائدهـ
نعم المهيمن والمؤيد والجليل

لازم يكون الوعي حاله سايدهـ
من اجل نتحتدا المنافق والعميل

#ابوسياف_البيحاني

هي واحده هي واحده هي واحده
مايردع العدوان ذا غير الصميل

فالكل يتجهز يحرك. يساعده
يبذل جهوده والنفس يبقى طويل

وكل مرجف ينتمي. للقاعده
ولا محرض يستعدوا. لرحيل

#علي_بن_علي_مسرع

لعنة عليكم يالعقول الجاحده
ما تعقل الا ضرب من عرض الصميل

آيات بعد الواحدة جت واحدة
هل تنفع الآيات في النذل العميل

ما حد يدور علم عند الشاردة
والحلف خضعي يستشير عند الهبيل

#ابتسام_شرف_المحطوري

لابد ما يُفضح وتُقطع ساعده
من به مرض ولأجل اسياده عليل

لايحتسب ان الرجاجيل راقدة
يقضه ويقضتها تواري المستحيل

في كل جبهه باتراها صامدة
مابيزعزعها منافق أو عميل

#ناجي_محسن_المحجري

يامرتزق ماشى معاكم فايده
ولاالعماله تنفعك عندالعميل

الشعب جاهزلك مشمر ساعده
يصبحك بارودويغديك صميل

انته بتجحت حق قوت الوالده
حق النبات والقشر والا الزنجبيل

#هادي_حسين_الرزامي

بالوعي والإيمان أمه صامده
مابايخلخلنا المنافق والعميل

دام الهدى موجود واهله واجده
ماباتزعزعنا اشاعات الرذيل

قولوا لأمريكا وجيش القاعده
هذا يمن ليمان والشعب الأصيل

#عبدالله_حسين_مسعود

الحرب كبرى والخُطا متباعده
والصهينه مشروعها عاده طويل

ربي فضحهم في القلم والمائده
الحق واضح والتراجع مستحيل

بالوعي با نفشل نوايا الكايده
فينا ثقه بالله والله الوكيل

#ابوشهيد_القطمي

راحت ليالي الناعمة و الباردة
وطاحت مكايد كل متغطرس رذيل

دام الهداية في بلادي السايدة
محال نسمع كل من ظل السبيل

لا تقفدوا النعمة بركض المايدة
ومن فعلها با يعيش عمرة ذليل

#شهاب_المتوكل

يادهر قل لاهل النفوس الفاسده
والمرتزق ذي وسط صنعاوالعميل

لا يحسبوا عين النشاما راقده
ويفكروا تفكير باشعال الفتيل

والله لايلقوا السيوف الحاصده
لرقابهم واللي لمحياهم تزيل

#عبدالله_بحنان

الحق واضح والمواقف شاهده
والسيد القائد وانصاره دليل

وامرأة (سلمان )بحمله واقده
في جيدها وعي المواطن والفتيل

اتباعها الكذاب وشله حاقده
ترجع من المنفذ بلا قصه وذيل

#ابوناصح_العزي

من سورة الاحزاب هي والمايده
سلاحنا من محكم القول الفضيل

وكيد المنافق هو و كيد الكايده
مردود في وجه العميله والعميل

ما دام وايدينا عليهم واحده
كلين من توه رضى ولا صميل

#الشاعر_ابوحيدر_عامر

الحق واضح والخلايق شاهده
واحنا علينا العار مانقبل عميل

دام الثقه بلله فينا زايده
بانسحق المندس والغازي الذليل

نقسم بفاطر والعلق وال مائده
والصف والانفال مانقبل دخيل

#ابراهيم_الشرفي

يا كل مرجف مـا مـع امّـك فايده
من زوبعاتك والصوايـح والعـويل

فاحـذر تـصـدّق كــل دوده زايـده
وَلَا تحمِّل نفـسـك الـحِـمـل الثقيل

وانّك تبى شـق الصفوف الواحده
(فالقتل والتعزير فـي حقك قليل)

#الشاعر_ماجد_عذري

والشعب واحدصف يتبع قايده
رغم انف الامريكي وانف الهنذويل

والنفسيات المارده والحاقده
على يمنا مالهم فيها مقيل

برق اليمن يزغف وحنحن راعده
ولجل شعبي بانكيل ونستكيل

#علي_العسكري_المكلي

رجال و اشبال المسيرة صامدة
متحصنه بالهدي و الوعي النبيل

ما ضرها ارجاف اليهود الكايدة
و بلبلات اعلامهم قالت و قيل

و شعب ابو جبريل هذا قائده
هيهات يتزعزع ثباته مستحيل

#الشاعر_ابوفضل_المتوكل

على كتاب الله ........وامه واحده
يخسو بني صهيون والفكر الدخيل

الزيف والبهتان نهج ......المارده
وما نراه اليوم هو اكبر ....دليل

كل الذيول الباغيه والحاقده
باتمتسح من كل شبر وكل ميل

#احمد_الشعبي

شعب اليمن كامل يتمم ساعدة
عند التخلخل يظهر الشعب الدليل

ماغير من نفسة رديئة فاسدة
تلقاه في حالة نخاسية عميل

يبتاع بيع الكلب عند الفايدة
ويرتضي بالذل عن عزة بديل

#كليم_النجار

مهما مكر حلف الغزاة الماردة
مهما زرع في وسطنا كمن عميل

تخسى قواهم والذي بيساعده
والشعب واعي ضخم مايقبل دخيل

اما الخلايــا ذي وسـطنا راقـده
محال تقلق امننا بالمستحيل

#ذولفقار_قوزع

حلف التصهين و النفاق والقاعدة
تخلخلو في أرضنا وصبح قتيل

زحفه وتجميع الكلاب الشاردة
خابت مساعيهم وخابت بصميل

كمن خليه ف المسيرة شاهده
بعد انقضاض الأمن وسقاط العميل

#ابواياد_المطري

الشعب شمر للمنافق ساعده
وبالهدى والوعي يتحدى العميل

وكل من مثل النعاج الشارده
اكيد ماله في اليمن غير الصميل

وكل خــاين بالشكوك الوارده
يا مرحبا به لاوسط شب الفتيل

#صفاء_الحرازي

#ذوالفقار_سفيان

مهما اليهودي علينا دار ولا لوى
والله ما يبلغو منّا لا بسط منال

الكل للحرب متجهز بجنبه طوى
جعبه وبندق تذوقهم اليم النكال

بالقدس والبدر والبركان شعبي زوى
و المعركه قادمه ومحمله بالثقال

#ابوفتح_الاشول

شعب اليمن صد جيش الامركه وإنطوى
يا جيش حرب النفوس احنا رجال الرجال

نزع الدسايس يشابه نازعات الشوى
ومن فسد بيننا نرميه في كل حال

الوعي فينا مسيطر, من لكفّه لوى!!
ما يلتوي غير كف اهل الردى والظلال

#الشاعر_ماجد_غانم

الحلف بقواه ايش سوى تهوى هوى
داخل وخارج ولانفتح لبتهم مجال

خوى اتحالف وعجز ان يشكل خوى
بلحرب ولا التواصل بايلاقي رجال

الشعب قدم وضحئ خيرته واكتوى
بنار الاعداء واتحمل ثقال الثقال

#أخت_شهداء_البكالي

يتنفس الصبح من عزة يمنا الهوا
والارض تروى شجاعه من وريد الرجال

تكشف خطط كل مجرم ذي بحقده نوى
يستهدف المجتمع. من فعل قالت وقال

شعب اليمن شعب واعي ماخضع او غوا
مادام نبض الولا مغروس فيهم .محال

#الشاعر _ابوعلي_جعفر

شعبي شرب من هُدى القران ثم الرتــوى
مابا يهـــاب الجنـود اللبغـــي ولااحتـلال

كم حاول الخصم يفسد شعب هد القوى
من اجهـزه من برامـج مالقي لـــه مجـال

واللّه مــــاننخـــدع قـولوا لحلـف الغـوى
والحل في بطن ابو شرمه يجيه الوبــال

#أسـامـة_المـعبـاء

تستهدف الوعي والاخلاق والمحتوى
من اجل تهدم قيمنا يارجال الرجال

وحلفهم لافسادنا قد شد كل القوى
وشغال قرعه في مسخ النساء والعيال

لاكن منهو على خط الهداية استوئ
حاشا تاثر فيه اذناب الردا والضلال

#أبوهمدان_المعتكف

الشعب واعي وفاهم يادعاة الغوى
تضليله اليوم منكم صار صعب المنال

الناعمة والقتال في الوزن عنده سوى
وكلها فاشلة بالوعي أو بالنصال

#أبوأيمن_رقبان

شعب اليمن عاش رافع راس طول المدى
ما حر يخضع لحلف الشر من اجل مال

مع المسيره نجاهد ضد حلف الغوى
وفي جميع المراحل عارفين القتال

خسيت ياحلف واذناباك تزيد العوى
بانقطع الذيل هو والراس تحت النعال

#صفاء_الحرازي

مادام راس اليماني مرتفع لا الهوا
مابيهزه ضجيج الزيف قالت وقال

وكل من هو ا تعدا شل درع الغـــوا
لابد قطع الايادي ذي علينا تطال

وبعد كثر الجرايم كل نشمي ضوى
وقال يالله رفاقي حان وقت القتال

#ابوالكرار_المجنحي

يا شعب من هدي قراني شرب وارتوا
بصدق وإخلاص رغم أن المراحل طوال

قدم مهارات واتغلب على اعتاء القوا
بفضل ربي وعاده هاكذا لا يزال

ومن بكذب التحالف ينخدع واكتوا
يمسي ويصبح معلق بين قيلة وقال

#فاطمه_فقعس

احنا مع اللي على العرش العظيم استوا
دستورنا الهدئ فالقران وطه وال


ماهمنا للمنافق من عوى له عوا
لان الرجوله بتملكهارجال الرجال

طالق حياه المذله والغوااا والهوا
هوشعب لله حياته ماخلق للدلال

#الشاعر_محمد_علي_الجنيد

لن تغوي الشعب ياكامل خلايا الغوى
ومحال يتبعكم الشعب المجاهد محال

الشعب من منهج الباري شرب وارتوى
ماعاد همه مصالح دنيويه ومال

با الوعي شعب الكرامه عالي المستوى
مابا يصدق ولا يسمع خلايا الضلال

#الشاعر_يوسف_الحداد_ابوحيدر

الغزو فكري ويستهدف جميع القوى
لاكن شعب اليمن واعي على كل حال

شرب من الملزمه والهدي لوما ارتوى
وواجه المعتدي في سهلها والجبال

بالله واثق وصامد حيدري نينواء
هيهات يقبل حياة الذل والاحتلال

#إتحاد_الشعراء_والمنشدين

https://t.me/aboyahyaalshami

خيااااار إلا يسلم لليمن حكمها
ويتبعونا كفاااااية للتنك قربعه

#ناجي_القطيبي

مسيرة الحق مابا ينثني عزمها
ببوق ماجور بيبقبق وماحد معه

قد قامت المملكه بعاصفة حزمها
ولَستطاع الزّهيمر هو ومن يتبعه

يُوَقّْفُو سيرها او يحجبو (نجمها)
ورجّحت كفّت اهل الحق فى المعمعه

#الشاعر_بشار_دهقم

الله رب السماء با الهدي قد ضمها
ابطال أرواحهم با الحق متولعه

احسين بن بدر حقق ب الولا حلمها
مسيرة الله فوق الناس مترفعه

منهاج رب الخلايق في الدجى علمها
وحكمها بالبصيره فاق مستنقعه

#ابو_بدر_ذيبان

حثالة الشر ابوها ابليس هو وامها
شيطانهم لاجهنم جنب حزبه معه

وشعب الانصار وقت الجد لاكمها
فصيل واحد وينهي جيشك الامعه

جند المسيره مع الله بقدرته لمها
والخاين النذل باين من قفا الاقنعه

#ابوراكان_السحاري

أضن طحنون عارف كيف هو حجمها
والا طحناه في ذا الحرب وإنقطّعه...

تعلق الخصم بين النيب في فمّها
واصبح مثل صيد في فمّ الاسد قضمعه

#علي_جارالله_داشع

نعم وهذه مسيــره واسعٍ حــجمها
بشويش بشويش ياكمن ردي وٳمّعه

كل القبائل لها قد قدمــت دمـــــها
من هو يحاول في التخريب بانقمعه

هذه مسيره ورب العرش ذي تمــــها
والقايد ابن البدر ماحد بلغ موضعه

#شهاب_المتوكل

ياشعبنا نجدبثت وسطنا سمها
عبراللساسين حق الدجل والقربعه

ذي جندتهم من اجل تصال لاحلمها
وتثير فوضى وتحرمنا الأمان اجمعه

خليك واعي بوعيك تحرقه رسمها
وتفشل مؤامرتها هي وذي تتبعه

#أبوفايد_علي_أبوشوصاء

مسيرة الهدي من ربيّ مدعومها
لامن مريكا ولا ابناء اليهود اجمعه

يتشرف الكون كله دوم بقدومها
ويصيّح النجم للسيد بإنا معه

كل الطواغيت قد دسنا على اخشومها
وياشوقنا للمعارك ساعة المعمعه

#ذوالفقار_سفيان

جات المنايا ويا حي الله بشمها
مع النبي وال بيته والهدى نتبعه

والمرتزق والمنافق قايدي سُمها
لان نور الهداية والهدى منبعه

وفوهت الشر ماينفع سوا لطمها
واللي يريد الخيانه قل ما نرزعه

#أسـامـة_المـعبـاء

مســيرة الحق احنــا الســم في سهمها
ضــد اليهــودي وحلف الشــر والي معه

نقــارع امريكاء واســرائيل واوهــامها
وحبــل تــضليلــهم يـا شعبنــا نــقطعه

الوعـي سيفـه لحرب النــاعمة اجتمــها
والحلف لاقى على شعب اليمن مصرعه

#الشاعر_ماجد_عبدالله_القادري

مسيرة الهدي حرف الصدق من فمها
الحق واضح جميعا كل من يسمعه

النصر فيها مؤكد صدق من حلمها
تاريخها بالثرياء اسمها نطبعه

ومن يخون الكرامة بايذوق سمها
وكل خادع تسعود قررو مصرعه

#الكرار_الجبر

قوم العمالات معروفة مع رقمها
لو حاولت في يمنا تنشر الزوبعة

والشعب رغم المعاناة قد عرف سمها
هيهات بالمكر والتضليل باتخدعه

كم حاولو للمسيرة يضعفو عزمها
وكل من غررو به ضدها تصفعه

#الشاعر_أبوعزام_الشامي

مسيرة الحق ياخي قدعلاء نجمها
لأنها تستقي للهدي من منبعه

ضحت مع الله في الدنيا ولاهمها
ولا تبالي من التضليل والمعمعه

إحنا مع الله ومزروعين في دمها
ومن مع الله صادق دائمآ يرفعه

#عبدالقوي_البطل

وشلة البغي والافساد ذي همها
تشعل فتيل الفتن في الارض وتوسعة

بعزمنا تعرف الانذال كم حجمها
نسوقها لاجحيم الموت تتجرعه

هذا قرار اليمن وقادت اعلامها
يامن نوى للفتن فيها لقى مصرعه

#جبريل_الخدري

المملكه قد وجب ندعس علـّۓ. خشمها
والكون لٱ قد تمادى ندعسه باجمعة

مادام والمملكه في حربنا حلمها
نشر المفاسد ونشر الحقد والزوبعة

نمسح م̷ـــِْن الخارطه يا شعبنا رسمها
وابن النبي سيدي لٱ شك نمضي معة

#صفاء_الحرازي

حسادها معضم العالم على علمها
ونبض الاوجاع في صد العدو توجعه

قد اخرجت كل نفس اتزايدت همها
بالوعي والصدق والاخلاص متقنعة...

الغزو فكري ولكن لن نعيش ظلمها
كل القوى ذي اتت بالغزو لازم تِعهْ

#جواد_محمد

عشرين دولة سحبناها على خشمها
واهل العماله واهل الزيف والزوبعه

وايدي الامريكي تعيش اليوم في وهمها
والجبهه الداخليه من قدم تبلعه

واما المسيرة قويه ما برد عزمها
ومن يفكر يصارعها فبا تصرعه

#ابوحسين_المنصور

الله هيأ وبعلام الهدى تمها
وكل حر وغيور جاهد وربي معه

احرار اسقو ثراها تضحيه بالدماء
يوم المنافق لقي من بأسهم مصرعه

لاعداء الاسلام ساني صوبت سهمها
وأي مندس جنود الله باتردعه

#الشاعر_ابوعطان_الشامي

لا بد ما الله يزيد يا خبير رقمها
ويسقط الكذب والتضليل والزوبعه

مسيره الحق قران الهدى عزمها
وحنا جنوده وأنصاره وحنا معه

مسيره الحق مسرى المصطفى همها
من قام ضده حرام بالله لا نقمعه

#أبوصخر_الجوحمي

هذه المسيره عظيمه اثبتت حجمها
الله منهج لها والآل محنا امعه

المكر والبغي والانذال هو سمها
تظهر جميع الخطط وتكشف الاقنعه

الشعب واعي وربي زاد في عزمها
وحنا وسيله لدحرالكفر والزوبعه

#الشاعر_ابوفضل_المتوكل

مهما يكيدو عليها زاد في عزمها
وزاد فيها بصيره للهدى توسعه

مسيرة الحق لا يمكن لهم هدمها
بالزيف والتضليل كمن مفتري امعه

أمسى التصدي له ولاشكاله
يا شعبنا والوعي هو واجب

#الشاعر_ابومقدام_الهمام

الحق دايم تٌعرف افعاله
والباطل افعاله ترى خارب

سل مأرب التاريخ كيف حاله
وهل ضربنا غازه الساكب

وسل ولد سلمان ماجى له
هل قد ضربنا طفل اوشايب

تئبا القيم ان نعمل اعماله
وأخلاقنا والدين والواجب

قمنا لنصر الحق وإكماله
مانضلم اهل الحق بالراتب

#ابومحمد_المحتسب

يامرحبا والليل يالباله
حيا الله البركان والثاقب

سمع ولد سلمان مواله
ياحيدري ياشبل بن طالب

ابدع بسلمان والحق اعياله
افتك ببتهم واده الواجب

والمرتزق قم قطع أوصاله
والله معك وأمره الغالب

#جبر_المسعدي

قولو لذي شغال جواله
وموقفه في مامضى سالب

مابايقع شي ذي على باله
لو يجتمع ماء البحر في قارب

والبدر وجه الخير فاقباله
واحمد (ذلح حبله على الغارب )

ياجند ربي والنبي واله
كلن يلبي لادعاء الواجب

والناس كياله ومكتاله
(واهل النقاء هي تورث العايب)

#ابوشهيد_القطمي

لا نسمع الكذاب و أقواله
و الحلف في حرب اليمن خايب

و كل داشر بآن منواله
و الله على أمر البشر غالب

من يصنع الغاغات بــ أفعاله
عميل منافق مرتزق كاذب

يلعن أبو المحتل و أشكاله
كمن ردي طعفارهم واجب

في المرتزق يا قوم قدي حاله
بتشغلة يلحق ورى العايب

#ابوناصح_العزي

كمن منافق حد معواله
عميل متخاذل وزد عايب

قلب الحقايق كلها اقواله
مايوم كلمه جابها صايب

وطول عمره عيشته عاله
في الوحل لا نخرته راسب

يشجع الغازي بطباله
والنهب للثروات و الراتب

مابه رجوله هو وامثاله
لن المنافق موقفه سالب

#ذوالفقار_سفيان

ما ينفعه هرجه وطباله
والعين ما تعلا على الحاجب

ولا التحالف هو وعُمّاله
البيت الأبيض فوقهم راكب

زوجين متيهود وحماله
وكلهم قد قام بـالواجب

لو ينقصه شي بس رواله
للكذب والتطبيل متجاوب

لكن مادام القوم رحاله
تسقيه من نار اللظى اللاهب

#الشاعر_ابوحيدر_عامر

شوفو السبب هادي وذياله
ذي دخلو المحتل والغاصب

ينهب حقول النفط وامواله
وحصار اطبق فوقنا قاطب

شعب اليمن قد حلته حاله
والحبل ماعاده على الغارب

بان المنافق هاذه اقواله
اليوم يشتي ندفع الراتب

طابور خامس مرتزق عاله
الجز ابوه يا جيش بن طالب

#زيد_الحوثي

مع حفيد المصطفى وآله
النصر والتمكين متعاقب

أمر العدو محسوم وأذيالة
الي بدا بالامس متكالب

لن ينصرة جاهة ولا مالة
ولن يفيدة مُلكه الذاهب

ابواقهم كـلن معه بــالة
بالة عميل بالبلبلة حانب

غاغة ومفراغة ومرفالة
والحبل ماعاده على الغارب

#ابويحيى_القهدة

يا شعب كلآ يحمل اثقاله
قد حان وقت البذل للواجب

مهما يدق الخصم مواله
فالسلم في الواقع خبر كاذب

هذه قدي رفله ومرفاله
والشعب من تظليلهم غاضب

با ندحر العدوان واذياله
ونطرد المحتل والغاصب

#علي_جارالله_داشع

لي ساعد العدوان بافعــــــاله
حمى على اللحيه مع الشارب

لابد مايندم علـى اعمالـــــــــه
وندق خشمه دق من جــــانب

قرب الفتيــــــــل النـار شـعّاله
بانشبك الموجب مع الــــسالب

ونجــثهم جَـــــثه بــــغرمــــاله
ولا فـ ما احنا اشيـاع بن طالب

يامن تولى الكــــفر واذيـــــــاله
الله مـــــــولانا وهـــــو غــــالب

#شاعر_بلاد_الروس

من كان دينه طول سرواله
وطالت اللحيه بدون شارب

هولا تحالف نجد وانذاله
لاعاد سفن تدخل ولا قارب

لاقصدكم من يطلب اداله
سارق لمن ياتي ومن ذاهب

نعرف كلامه غير افعاله
ملعون وجهه دايمأ شاحب

لاخير في سلمان وجهاله
ولا وزير فيهم. ولا حاجب

#أبوخارف_ابوشوصاء

معروف تظليله وطباله
احنا عرفنا الخصم واللاعب

المكر والتظليل مواله
بس نعرف الدجال والكاذب

مكشوف أمر الشر ونذاله
ونعرف السواق والراكب

هذا اليمن هيهات اذلاله
الخوف في قاموسنا غايب

البحر لازم نعلن إقفاله
والعين ماتعلى على الحاجب

#صالح_عنبل

يوم الوطن و العرض نادى له
ما انضم في جيش ابن ابي طالب

ولا حضر و الحرب شغاله
ولا بذل لجل اليمن واجب

واليوم صابح يلعب الباله
واصبح على اهله يفتل الشارب

يطعن ظهور ابطال خياله
يظن نفسه حضرة النايب

من فكنا والدم سياله
وباع نفسه ما اقتنا صاحب

#أبومالك_الكوماني

ياحاسبين الوضع مرفاله
ف الشعب والعدوان متكالب

تسعوا لهز الشعب وإخلاله
لا تامنوا طوفانه الغاضب

من قدم اولاده مع أمواله
ما حكمته مأمونة الجانب

بايبلغ الآمال برجاله
وقيادة الكرار بن طالب

مجنون من يحلم في اذلاله
يعود ناكس رايته خايب

#الكرار_العقيبي

قـد الـتـحـالـف حـالتـه حـالـه
ماعدراء ويش يفعل الخايب

لافـوز فـي الميـدان قد نـالـه
دايم يولي في الوغى هارب

قـولوا لـحلـف الـشر واذيالـه
الـلـه يـلـعـن كـل مــتـلاعـب

الشعب واعي صعب اضلاله
ماصدق اعلام الخناءالكاذب

احـنـا مـع طـه الـنـبـي والــه
لو تمطر الدنيا رصاص ذايب

بلبل النصر #حسن_المهدي

جـحش التواصل حالته حاله
مــا بـين فـكين الـفتن حـانب

ويـعـيش فــي مـحنه وقـفاله
ومــن دلال الـدهـدهه شـارب

المجاراة عن أهمية الموالاة لله ورسوله والمؤمنين في اكتساب العزة والكرامة والنصر وتحصين الجبهه الداخليه
لكل شاعر 4 ابيات فقط

البداية #عبدالرحمن_الريامي

المسكـــنه تنكــي مساكيـــنها
والعـــز والعــــــــــــزة كنـــانة

كم دوله انــــذلت ســلاطينها
وشعبـــــــها اتسحبـــل بـ ذانه

على الـــــــولا خطت قوانينها
للبيت الابيــــــض والخــــزانه

حطت على جمر الجشع دينها
لاما احتــرق وجـه الخيـــــانه

امّا يمنا فــي ميـــــادينــــــــها
رجـــــــــال ماتـــرضى المهانه

لو بانكل في القحط من طينها
ماياخـــذو منـــــــــــــــها بنانه

#أبورواسي_ارحب

حماية الأنفس بتحصينها
والهدي للأمه صيانه

الناعمه بانت مضامينها
بلسن من خان الأمانه

بالوعي بانقبر جثامينها
ومن بها عاقد قرانه

ياقوم تحبل من لساسينها
خلوا لهذا الشعب شانه

#الشاعر_أمين_الحارثي

صرخة وترجمنا مضامينها
والهاشمي مسرج حصانه

والامركه ماانا على دينها
ولا على كافر ركانه

لوفالسما تسقف دواخينها
مااذل لامريكا الجبانه

بالله زلزلنا فراعينها
وكلمن خان الامانه

#علي_محمد_المحاقري

من يوم عاشوا فـي بساتينها
والـمـرتـزق يـحـصـد هـيـانـه

سنّه جرت مـن يـوم تكوينها
لا عهد لاصـحــاب الـخـيـانـه

والـلـه مـاتـبـرد بـراكـيـــنــهـا
دام الـتـحـالـف فـي مـكــانـه

هـذه مـواقفنا ومـن حـيـنـهـا
واحـنــا مـنـصـات كــل دانــه

#أبومالك_الكوماني

قوم الولاء فزت على دينها
وكل حر أطلق عنانه

خاض الوغى غير موازينها
وحاز ف العليا مكانه

لا داعش اجدتها سكاكينها
وحلفها اتهاوى رهانه

واليوم باتسقط شياطينها
وتطيح في وحل الخيانه

#عدنان_جحوح

منا الفداء وحنا ميامينها
والكفر با نهدم كيانه

باعلامنا نحرق شياطينها
وكل من طول لسانه

وحنا على الدنيا براكينها
محال نترك أي حانة

راياتنا بانت عناوينها
مع العلم دايم زمانه

#ناجي_القطيبي

الامّه اختلّت موازينها
وابن اليمن جالس مكانه

كرامته سطّر عناوينها
والعزّ ينطق به لسانه

ولايته كانت مضامينها
لله واصحاب الديانه

طه وال البيت حامِيْنَها
هم خير من صان الامانه

#عزالدين_جحاف

والله لايقلب موازينها
أمة تفرط في الأمانة

عليها تتسلط شياطينها
وتذيقها خزي ومهانه

أما رجال الله عناوينها
ولاؤها لله ضمانه

بايأذن المولى بتمكينها
في الأرض جل الله شانه

#ناجي_محسن_المحجري

وليي الله ذي نصر دينها
امه على اكمل ديانه

والمصطفى والآل من حينها
والمؤمنين اهل الامانه

ذي مايهابو من ملاعينها
اهل الرذاله والخيانه

امه لعزتنا عناوينها
ترفض لعيش اهل الجبانه

#هاشم_الحوثي

ياخير أمة ناصرت دينها
عيشه مع الباطل إهانة

عيش الكرامة من مضامينها
وارضها تبقى مصانه

رؤوس العمالة نقتلع عينها
نجتث للباطل بنانه

مافادها تظليل شيطانها
ولا فلول اهل الخيانه

#حميد_الشليف

قد نجد تبكي دم من عينها
صارت هزايمها ملانه

يوم اليمن شبت براكينها
ونجد غطاها دخانه

دمنا على العزه ميامينا
ندعس على عنتر زمانه

لا وين واين اهل الردى وينها
اهل الممالك والعوانه

#ابوعلي_البريهي

واجب عليك يانفس تبدينها
لن الولا درع وحصانة

هي قوة الأمة وتأمينها
من شر من أبدو الخيانة

فالأمركة تسعى لتدجينها
من أجل تحيا في مهانة

والمملكة تبذل ملايينها
خدمة لصهيون وإعانة

#ذوالفقار_سفيان

الامـه اتبهـذل مـلايـينـهـا
وامست بـلا ايّـة مـكانـه

من يوم ما فكة عناوينها
وصابحت شاقي عوانـه

والمرجله ما با تلاقينـها
إلا مع الـشـامـخ كـيانـه

البـدر ذي عمّد براهينها
بـدم ربعـه والـبــطـانـه

#عبدالكريم_ناصر_الحداء

ارض اليمن يا كل غازينها
برجالها حره مصانه

قد قدمت لله قرابينها
وهانت اعداها هيانه

في هامة التاريخ تدوينها
عاشت على العز وعنانه

وحب آل البيت راعينها
والبدر يشهد له زمانه

#ابواياد_المطري

اذا الامــم تحـــفظ بقا دينها
وفي الوغــــــى تأبـى المهانه

ووعيها كامل مضـــــــامينها
فهي عظــــيــــمه للأمــــــانه

اذا افلحت في كل تحصينها
مضـــــاد نافع للخــــــــــيانه

واعــدائنا تبّـــت ايادينــــــها
والنذل تتقـــــطّع لســــــــانه

#الــكــرار_الــعـقـيـبـي

عـيـن الـيمن ياربـنا عينــــها
على حلوف اهل الخيــــانـه

واحفظ لها السيد وحامينها
جيش اليمـن امــع لجانــــه

يااذناب باعت لليهود دينها
مـتـعـوده واصـــل هــيانــه

هذا اليمن هي قبر غازينها
تــروح الــغـــازي دفـانــــه

#يونس_المجهدي

هاذي الحياه فيها قوانينها
وكل من يعرف مكانه

لله بعنا النفس في حينها
نرفض حياة الأستهانه

والقدس باذن الله جايينها
ونطرد امريكا مهانه

ندعس بعون الله شياطينها
ونخلي الأقصى مصانه

#ابـومـازن_الـرازحـي

حرف الولاية عن مضامينها
تسلب من الناس الإعانه

كل البشر تفقد موازينها
لاضيعتها والمكـانـه

بس اليمن أمن بتكوينهـا
فاحرز بموجبها حَصانه

من كيد اعاديها وباغينها
ولعزته كانت ضمانه

#ابويحيى_العشملي

المجاراة عن دخول القوات الامريكية الى بعض المناطق في المحافظات الجنوبية

البداية #ضيف_الله_سلمان

سلام ياشعب الكرامة والجهاد
يا(قوم تبّع) يا ذراري (ذي يزن)..!!

الجيش الامريكي فيَ اطراف البلاد
واذا سكتنا يدفع الكل الثمن..

وحسين قد بيّن هدفهم والمراد
في ملزمة(خطر دخول امريكا اليمن)!!

#احمد_درهم_المؤيد

مشروعهم يسعو في الارض الفساد
ويغرقونا بالمشاكل والفتن..

وينهبوا خيراتنا والاقتصاد
ويجعلونا شعب خاضع مرتهن..

واحنا توكلنا على رب العباد
ومع العَلم با ننتصر وفق السنن

#الشاعر_ناصر_جبران

ياضيف رِد التّايهَه نحو المُراد
لارَدع دونِه ماعَيتحَرَّر وطَن

كافي تَفَاوض قُل لهم كافي عناد
عُمر التّفاوض ما رفع عنّا محَن

مابِش مفاوض به مِن المحتَل عاد
إلّا على كَفّ التنازِل والوَهَن

والحل في ضغط الأصابع للزّناد
مش في التّفاوض لا ولا جا مِن هُدَن.!!!

#يحيى_الوحيشي

والله ما يسكت على هذا الفساد..
الا عميل وعلج واطــي مرتهـن..

ملعون في الدنيا وفي يوم المعاد..
حقير ميييت ما نقصه الا الكفـن..

اما المريكي دامت القوم الشداد..
با تحرقه صنعاء وتجتثه عدن..

#حمير_العزكي

سلام يبلغ كل شامخ في البلاد
من شيعة الهادي واحفاد الحسن

ذي كان اخرهم حسين اللي اعاد
معنى الكرامة والسيادة للوطن

حذر ونبه في الملا زم باجتهاد
في كفه القرآن والاخرى كفن

#الشاعر_خليل_قناف_قابيل

اهداف الامريكي يزيد الإضطهاد
ويمارس اعمال الدناسه فاليمن

والشعب كل الشعب ماسك بالزناد
ما ينطرح للخصم والقوم الهين

نهاية امريكاء نهاية قوم عاد
دمر جموع الكفر ياسبط الحسن

#شهاب_المتوكل

امريك ام الشر حاضنة الفساد
هبت بقوه لا مناطق فاليمن

تشتي تشل الخير وتهين العباد
من بعد ماعجزت مدرات اللبن

ياشعبنا خلي اصبعك فوق الزناد
واحذر من الغفله فديتك والوهن

#الشاعر_متاش

قل للمحايد لايبالغ في الحياد
قد وصلت امريكاء إلى ميناء الشحن

والجيش الامريكي باالاسطول والعتاد
وصل إلى المهرة وإلى ميناء عدن

لا ما تحركنا لتحرير البلاد
فألف ياحُمى على هذه الدقن

#قاسم_السقاف

شحذ الهمم ياابطال واعداد العتاد
والاسلحه ونواجه امريكا علن

ومن رضخ ولاحمى لرضه وذاد
بايلعنه تاريخنا طول الزمن

نريد منهم من دخل مازاد عاد
لنيوريوك الا وهو وسط الكفن

جريح الحرب #رفيق_زرعان

أقسم برب الأرض والسبع الشداد
ما نقبل الغازي ولا نرضا الوهن

نثور كالبركان نزتاد اتقاد..
ونقتحم قوات واشنطن علن

الغزو في أرض اليمن سلعه كساد
وباذن ربي ما لها أية وطن

#ابوبدر_ذيبان

ياخير امه يالشماريخ الشداد
ياناصرين الدين في كل المحن

ارض اليمن حره وغازيها مباد
رمالها وبحارها طول الزمن

واللي وصلها ناكله مثل الجراد
امريك_ واسرائيل والاذناب الخون

#عبدالحكيم_النمري

اقسم برب الكون لو نرجع رماد
مابانفرط في سيادة ذا الوطن

لو قد علينا تهوي السبع الشداد
يابى لنا الله ننحي كلا ولن

مع ابن بدر الدين في درب الرشاد
قدام نمضي لا تراجع لا وهن

#ابومقدام_الخمري

مرحب من اخشام البنادق والمضاد
بالخصم ذي جانا مهرول لاعدن

امريك واسرائيل صناع الفساد
ذي في ربوع الكون يسعوا للفتن

نقسم برب البيت خلاق العباد
مايخرجوا احياء من ارض اليمن

#ردفان_الرقيمي

﴿ألَـمْ تَرئَ كَيـْـفَ فعَـلْ رَبُكْ بِـعَــاَد﴾ ؟
يااخـس والعـن مَن قد الباري لعــن

لا قد تناسيتـــــو ﴿إرَمْ ذَاتِ اْلعِمَاد﴾
با تذكـروها حين تقـرح في عــــدن

اليوم الامريك﴿أكْثَروْا فِيْهَاَ ألْفسَاد﴾
ومـا يـــَدنّـو للهـيَــن غيــر الهيَــــن

مـحنـا عبيـد إلأ لـخــــــــلّاق العبـاد
والله يلعـن مَن للامـــــريك ارتهــن

بلبل النصر #حسن_المهدي

بـايدن وتنياهو وثالثهم رشاد
والدب رابع وابن زايد خامسا

ما بعدما اتمادوا ودقوها عناد
الا نــدق اعـنـاقهم بـالميم ون

ونـهب لـلساحل ولا هبة جراد
ونـجدد اسـتنفار صـماد اليمن

#ذوالفقار_سفيان

لابد ما نحصد ابايبهم حصاد
امريكا وإسرائيل نحرقهم معاً

وللجماجم حقهم نعمل مزاد
ولا فما احنا من ذراري(ذي يزن)

لا بد نحشرهم كما يوم التناد
عقب الحوارات الشقيه والهدن

#ابوشهيد_القطمي

يا لعن أبو إنسان راضي با الحياد
و الجيش الأمريكي في أطراف الوطن

واجب علينا ننطلق في كل واد
ندحر قوى تسعى على زرع الفتن

كشف الحقايق حآن يا القوم الجياد
و كل متستر ظهر لي في العلن

#عبدالواسع_صايل_الغولي

والله لو ترجع ارم ذات العماد
وعاد مانخضع لعباد الوثن

الشعب جاهز بالرجاجيل والعتاد
يذود عن دمه وعرضه والوطن

رهن الاشاره والاصابع ع الزناد
في ظل قايد فذ شاجع مؤتمن

#اكرم_النيعاني_ابونبيل

دخول الامريكي خطر يهل ارشاد
مابش لهم امنه ولافيهم ركن

كلين يطرح كفته فوق ازناد
الشعب كله من كتاف حتى عدن

ندك الامريكي ونطحن قوم عاد
ونطرد المحتل من ارجاء الوطن

#ريدان_يحيى_الشامي

لبيك يا ارض الميامين الجياد
لبيك بالجيش المجاهد يايمن

المجاراة عن التواجد الامريكي والبريطاني في المهرة.

البداية #عبدالله_المسعدي

يا(قيصر)العصر يا(كسرئ)
شعب الكرامة نفد صبرة

واكــــــبادنا للقاء حـــــرّئ
واقلوبنا اقسئ من الصخرة

لن تنفع القـــــــــوة الكبرئ
كلا ولن تغنـــــــي الكثرة

وعــزة(الكهـف) و(الإســراء)
لاتهمـروا دخــــلة (المـهرة)

#ضيف_الله_سلمان

ذكّر عسى تنفع الذكرى
في من شرح بالهدى صدره..

شل الاماراتي ا.(سقطرى)
والمرتزق يشتغل أجره..

والحلف الامريكي اتعرّى
وفي الجنوب انكشف مكره..

طوارئ الرمل والصحراء
على الجبل مالها قدرة..

والمؤمنون (امرهم شورى)
خلف العَلَم واسع النظرة..

#ابويحيى_أحمد_المنيعي

شعب اليمن طيب الذكرى
متعود الحرب من صغره

والموت وجهنم الحمراء
مصير ذي ماعرف قدره

براء من ارض اليمن براء
يا حلف الاشرار والزمره

#ابوجبر_العبيدي

قالوا حمات الشرف برا
ولا سرحنا لكم بكره

روحوا من البر والبحرا
ولا فعلنا لكم حشره

يااهل السلب صافي المجرا
هبوا على الغزوا لا وكره

لا شبت النار فالسحرا
بايعرف الغزوا كم قدره

يروح بجهنم الحمرا
عذاب ما يعرفه عمره

#عناش_المشرقي

معارك البقع والخضراء
كانت كما بدر والعسره

ما المهره الحره الغرا
نفتح بها العالم ا-بأسره

مخططات العدو عشرا
واحنا لمن جا حجر عثره

في يسر الايام والعسرى
كلاً كتب ربنا أجره

#ابوحسن_الشبطي

مالونها أنها صفراء
قلنا لهم لامية مَرّه

هاذا اليمن رملها جمرا
من يدخله ينحفر قبره

اركان واشنطن الكبرى
بانقلع اوتادها بكره

من بعد ماكانها عذرا
باتخترق روسياء الشفرة

والهيمنه حقت الشقراء
في الشرق نكسر لها الجره

#عزالدين_جحاف

بشراك ياشعبنا بشرى
نصرك من الله بزغ فجره

ياكل غازي انقلع برا
من قبل تتجرع الحسره

نقسم بمن بالنبي أسرى
ومن بفضله شرح صدره

أرض اليمن نارها حمرا
قد جهزت للعدو قبره

#الشاعر_امين_الحارثي

قيامت الطامه الكبرى
اول علامه من المهره

ونفخة الصورمن مجرى
بنادق الشعب مستعره

ياحوف فكي لها قبرا
لاتفتحي للعدا ثغره

والا فبانعبر الصحرا
ويقضي الله في أمره

#اشرف_الحسني

لاتــحـــزن المهره الــغـراء
عـاد الـيمانـي لـه الـقـدرة

العسر مـــن بعده اليسرى
باتفرج الـيـوم او بـكـــرة

لـو حشد الغزو واستشرى
شعب اليمن قد حفر قبرة

اكــــبــر هـزيمه لهم نكرى
والـكـل منها يخذ عــبــرة

اللـه اشـــــد منهم مـكـراء
والخاسر اللـي امـن مكره

#الشاعر_علي_الغماري

يا شعب الانصاري إتحرى
ورد كيد العدو نحره

المعركه قادمه كُبرى
ومن غزانا حفر قبره

الحلف هذا قد إتـجرئ
ويريد يُسكن في المهره

يارب وافرض علي صبرى
قال اليماني نفذ صبره

#علي_الشعيثي

اليوم ياساري الغدرى
يامن نكس للعدو كبره

سعود باالرايه الخضراء
وهو والمريك في سفره

بطاقت السيد الصفرى
تحذير من قايد العتره

والله لو يرفع الحمراء
لاندحر الغزو لاوكره

#أبوحسين_العصري

اليوم مازد بقي عذرا
حتى المدعمم دفن عذره

الكل قد شاف ذي يجرى
وسط الجنوب بره ا و بحره

في شمس بيضاء وفي غدرا
كلن يخذ منهم حذره ....

يا شعب بعد العسر يسرا
دام لليهودي سبك قبره....

#شهاب_المتوكل

الأمركه عندنا تذرى
قواتها اليوم ياخبره

لازم نوجه لها المجرى
ويجيلها انذار فالنشره

تقرى غضبنا وجب تقرى
وتسيب ارجائنا الحره

والا نخلي امها تدرى
ان اليمن للوقح قبره

واحنا اليمانين ذي نبرا
منها بالايمان والفطره

#الشاعر_متاش

هاتوا لي النار والمجرى
النار في الصدر مستعره

دام المريكي قد اتجرى
في المهرة اليوم حفر قبره

واحنا صرخنا ونتبرا
من الطواغيت والكفره

والاحتلال بعدما اتعرى
لازم نواريه في وكره

وارض الجنوب نارها حمرا
ياذي تفكر في المهرة

#ابوشرف_خولان

ياقيصر العصر لـــــو تقرا
حروبنا كلـــــها مـــــــــره

الجـــو محفوف والبــــــرا
والموت الاحمر على بحره

ارض الـــيمن مقبره كبرى
ومــــــن غزاها عدم عمره

مــــاهمنا التسع والعشرى
لو يزحف الكون عن أثره

#محمد_الاخرم

ذي باع لا بورك المشرى
كانما يشتري فقرة

مرض وفي شعبنا استشرى
ما ينفع الطب والإبرة

الكسر ماعاد له جبرى
لا بد للعضو من بترة

لابد ما نوصل المسرى
أما الوطن بايهون أمرة

#الشاعر_خليل_قابيل

يا شعبنا صيح واتبرى
من رجس الاقزام والنعرة

واسقي ابتهم من المجرى
وعر ابتهم قدي عرّة

وانته بكل الامور ادرى
المعتدي زيد البطرة

نفح دم الخصم فالصحرى
وان ما فهم عاود الكرة

يا قدس جينا على المسرى
والوعد في قبة الصخرة

#ذوالفقار_سفيان

رجالنا تدعس الغدراء
والمعتدي ينقضي أمره

أيامهم قادمه غبراء
والوعد في حوف او شقره

تسوقهم سوقة المجرى
حسب الطلب او على النِمره

والشعب يبراء ويتبراء
من شلت الرقص والدشره

#الشاعر_أبو_حيدر_عامر

الاحتلال خاب واتعرى
بانت مساعيه فالمهره

حان النقى نخرجه برى
نتحرك الكل من بكره

يرحل من البر والبحرى
يرحل ضروري من المهره

نبرى من المرتزق نبرى
من خاننا قد حفر قبره

#هاشم_الحوثي

تابع ‏المجاراه عن عملية ‎#طوفان_الاقصى واثرها على المشروع الصهيوني..

البداية ‎#ضيف_الله_سلمان

سلام يا 7 اكتوبر
يا يوم من اعظم الايام..

ذكّرتنا معركة خيبر
والصهينه جالها ملطام..!!

وجاء لبلفور وعد اغبر
والوعد بالنصر للإسلام..

مهما نتنياهو استكبر
مفجوع من ضربة القسام..!!

#ضيف_الله_هجوان

الله وعد كل متكبر
بالخزي والعار والاسقام

وطوفان الاقصى عزم يصبر
بوجود كمن فتى مقدام

داسو على الكافر المدبر
البطن والراس والاقدام

والموت في الضربه الاكبر
للبيت الابيض وللحا خام

جريح الحرب ‎#رفيق_زرعان

يزول من عاث واتكبر
زوال صهيون هذا العام

والجيش ذي كان مايقهر
قد صار مدعوس بالاقدام

طوفان غزة مع المحور
ميعادهم واللقاء في الشام

موت الولايات في الاحمر
والقلزم القبر للأقزام

ومن طبع اليوم يتحسر
يندم ويذبح كما الاغنام

#أبوحسين_العصري

ذي قالوا الجيش ما يقهر
في شاشة العرض والأفلام

كيانه أنهار و اتقهقر
و إنهار من بعده الاجرام

قدام الأحرار جيشه فر
والدم من خلفهم حمام

يا شيعة المرتضى حيدر
(قدام يا لابتي قدام)

غزة بلا شك با تنصر
والكفر با يعلن استسلام

#ذوالفقار_سفيان

من عاش من بعدنا خبّر
عن عزة الله والإسلام

وذلّة الصهينه والشر
وسوقهم مثلما الأغنام

طوفان ما قد علا تبّر
ودقدق الكفر بالصمام

ماهي إشاعات او مجبر
وعود ذي الجود والإكرام

#حاشد_احمد_الشليف

جيش العدى قد هرب وادبر
والموت من فوقهم قد حام

وذاقت الصهينه صرصر
والامركه حضنها مادام

والبدر بالفتح قد بشّر
موعود بالنصر ما ينظام

يا ويل من عاث واستكبر
فاليوم قد جفّت الاقلام

الحيدرة ثار والاشتر
والآخره وعدها قد قام

#أبوصياد_الغمري

قولــــــــــو لصهيون يتعبّر
من كل ماجـــــاه قبل أيام

طوفان الاقصى جعله ادبر
وأعطاه ضربة فـيَ الصمام

داخل فلسطيـــــــن بايُقبر
وهناك بانسحق الإجـــــرام

من قدسنــا نخرجه مُجبر
ونذوّقه ضربة الإســــــلام

#ابوفتح_الجرادي

طوفان غاضب لهب يسعر
هـدم بـنايات سبعين عام

زلزل حصون اليهود دمر
وحطم الشـرك والاصنام

خابت نــوايـاه وأتـعــثر
صهيون وأتبعثرة لحلام

وبان ضعفة مــن اتعـبر
يعرف بأنة هبا ووأهـام

#ابوبدر_ذيبان

طوفان أكتوبر الاكبر
فضح هشاشة قوى الاجرام

وحطم اسطورة المغتر
على يدي فتية القسام

والله قد وحد المحور
والنصر قادم مع الايام

وللعرب بايقع محضر
وكنس الاوغاد والاقزام

#ابوكنعان_الروس

عبدالملك سيدي حذر
عسى وهم يوعو المرجام..

وكم نصحهم وكم كرر
ولافهم خادم الخدام..

اوفاء بوعده وماقصر
حكم علي أمريك بالأعدام..

طوفان الاقصى له أتشكر
ويعيب عمان والأهرام

#الشاعر_ابوحيدر_عامر

من قارح الملطام قد حمر
وجها الكيان وصابر الحاخام

هاذا الذي ماكان يتصور
دخول جيشه ساحت الإعدام

صباح يوم السبت يوم أغبر
صباح قاسي بدد الأحلام

بذلفقار كنه برز حيدر
اللي فتح خيبر بكل اقدام

#أبوصخر_الجوحمي

ضربه لصهيون تتصدر
لاجيالنا عام يتبع عام

قد قال جيشه. ولايقهر
واليوم. تتبدد. الاحلام

هي قوة. الله. ولا يقدر
والله وعد ينصر الاسلام

المحور. اليوم. با يثأر
للقدس غزه من الاجرام

#ابومحمد_سحار

يامرحبا كلما كبر
للفرض والنصر للاسلام

واشتر يخلف مية اشتر
قدام ياسيدي قدام

يعتز الاسلام اونقبر
محال نبقى لهم خداام

مثل السعودي ومن قرر
يخدم يهودي على الاجرام

#احمد_تاج_الدين

للآخره وعـد مـسـتـنظَـر
ياحلف غارق في الأوهام

وقت الكيان المـؤقت مر
والنـصر قد حان للأسلام

مهما يطول الردى والشـر
لابـد ما يعـلن استـسـلام

الـلـه قـد قـلّـنـا واخـبـر
ماهو مجرّد خبر واعلام

#عبدالقوي_البطل

على صداك شعبنا كبر
وأعلن معاك النفير العام

بمسيرات الهجوم عبر
عن موقفه والشعور التام

وأعلن أبوها من المنبر
وبث في شاشة الإعلام

الله في حكمته دبر
زوال صهيون والحاخام

#ابوقفري_الرعادي

ماسار في 7 اكتوبر
صفعه لصهيون والخدام

من بعدها قال ايدخل بر
قطاع غزة خلال أيام

ولا استطاع عجّز اتعثر
توغله بس ضجيج إعلام

لابد للقدس يتحرر
ونبيد صهيون عبيد الاصنام

العز والفخر للمحور
والخزي والعار للحكام

#ابوفتح_الجرادي

طوفان غاضب لهب يسعر
هـدم بـنايات سبعين عام

زلزل حصون اليهود دمر
وحطم الشـرك والاصنام

خابت نــوايـاه وأتـعــثر
صهيون وأتبعثرة لحلام

وبان ضعفة مــن اتعـبر
يعرف بأنة هبا ووأهـام

#ابوبدر_فرح

طـوفان مـن عندنا أشر
سـافرلـ ايلات قبل ايام

دق اليهودي في المدعر
وتبددت منهم الاحلام

مرحب رجع وبتعث حيدر
عبدالملك حامي الاسلام

وعلى يده ديننا يُنصر
ويحرر المملكه والشام

#ماجد_عبدالله_القادري

من اليمن بحرها الأحمر
نرسل تحية مدينة سام

طوفان من دولة الأشتر
من اليمن  غالي الارقام

لابد ماننهي المنكر
جند اليمن حافي الأقدام

عن اليمن اسئلوا هلتر
تاريخها  فخر  في الأيام

#إتحاد_الشعراء_والمنشدين

https://t.me/aboyahyaalshami

عنوان المجاراة تحية للقوات البحرية

البداية #ضيف_الله_سلمان

بسم اليمن (امة ونهج وقايد)
نرفع تحايا العز والحرية..

الى رجال الله واحد واحد
سلام يا قواتنا البحرية..

#عباد_ابوحاتم

اقبل الكف القوي و الساعد
باسمي وباسم الساحة الشعرية

سدو طريق الشارده و الوارد
هزو كيان الدولة العبرية

#سلطان_خضران

يسلم ذراع البحريه والساعد
اهل الاياكي ما رمــوا صدريه

سجّاد واصحابه وكل مجاهد
فالبحر الاحمــر راكب الدوريـه

#ابوالمازن_عبدالله_الشريف

يا جيشنا يا فخرنا المتزايد
يا درع جسّد روحنا الثورية

بافعالكم يشمخ يمنّا الصامد
في بحرنا والجو والبريه

دقّوا عليه الصادره والوارد
حتى سقوط الدوله العبريه

#عبدالعزيز_الغرباني

بسم المسيرة والوطن والقايد
وبسم اصحاب النفوس الحية

أعظم تحية بسم كل مجاهد
للبحرية توصل لهم حصرية

#فارس_المعزبي

ونعم بكمِّن حيدري ومجاهد
يرمي على راس العدو صدريه

بالبحر الاحمر والعرب متواجد
يحاصر اسرائيل عن سُخريه

#عبدالله_الجرفي

شيّد رجال البحريه بالساعد
حيد، العرب في ضفته محميه

قراركم في سطح بقعا سايد
والدوله العظمى بكم مسميه

#أبويوسف_القاري

ماتضرب الاكل ضربه جامد
في الانحليزيه وفي العبريه

صفعوا نتنياهو وأذلوا بايد
ومدمراته صبحت سخريه

وصاريبحث له مع بن زايد
لخط تهريبي من البريه

واليوم نتحدا ابوه يعاند
أوامر البحريه القهريه

#ماجد_المطري

للبحريه في البحر الأحمر راعـد
ينسف كـيان الــــدوله العبـــريه

منه التهب ليل الصقيــــع البارد
والأرض رجِّت من مشاهد حيِّه

ونعم بصمَّـام الصمــود الخـــالد
محزم قيادة شعبنـــــــا الثوريه

#عبدالواسع_صايل_الغولي

وخفر السواحل ذي لهم بيساند
على امتداد البحر في البرية

الساطرات تركع لكم والوارد
لكم من الاعماق الف تحية

#سيف_حسن_العامري

البحريه عين اليمن والساعد
والموت الازول للقوى العبريه

اشتد بأس المنطلق والقاعد
بهم والاقصى عانق الحريه

#عابد_المدم

‏لله كن سجاد شاكر حامد..
معنا قيادة نادرة حصرية..

بقوته ما بايخلوا فاسد..
في الارض داسوا القوة الذرية..

#شداد_حُميد

بالبحريه نعتز والله شاهد
هدو كيان الدوله العبريه

وجودهم ب المعركه متواجد
مواقف العزة لهم حصريه

#رامي_السوداني

يا قبضة الشعب لأبي والساعد
ضرباتكم صوب السفن صدريه

هذا العدوا منكم يولي شارد
شاف الاوامر كلها قهرية

#محمد_ابوالعز

الى اليد الطولى رجال القايد
ازكى تحيه خالصه ثــــــوريه

سلام يا زنـد اليمن و السـاعد
في البريـه و الجـو و البحريه

#ابومالك_الكوماني

اول ثمارك يايمنّـا الصامد
قوة تسود حدودنا المائية

وخير من قدم للأمة شاهد
لهشاشة القوات الامريكية

#ابو_نواف_العرجلي

قطّو لصهيون الوريد الوارد
يوم اطلقوها ثابته صدرية

اختضّت امريكا بِعَصرَة ساعد
ما لَو تواجِه ( لنحنِت قسرية)

#علي_الشعيثي

اشعلتو البحر الطويل الراقد
ورعبتو الاعجام والعبريه

في مدحكم تركع حروف القاصد
ويسجدين ابياته الشعريه

#وسام_الحنش

من اليمن ياهل القرار السايد
اقوى تحيه صادره حصريه

اذهلتوا الكون الدني الفاسد
باقوى مواقف يالقوى البحريه

#الشاعر_ابو_صقر_شعلان

شعب اليمن لازال ثابت صامد
يرمي عـداه بالطلقه النحـــريه

وقوة الله صـــــــادره والوارد
والويل لاهـــل القوه السحريه

#عدنان_جحوح

تحية من عدنان محمد فايد
لابطالنا في القوة البحرية

بقلوبنا وعيوننا والساعد
حنا معاكم والهمم معلية

#ابوبدر_ذيبان

مثل المزون الساكبه والراعد
اغلا تحيه زاكيه عطريه

للبحريه ونشاطها المتصاعد
ضد العدو في ملحمه ثوريه

#هادي_حسين_الرزامي

ياالله تحفظ كل شخص مجاهد
في برها كانوا وفي بحريه

واحفظ لنا السيد وكل مساند
لابن النبي والعتره المرضيه

#ابو_محمد_دحان

يامن لكم طوفان الاقصى شاهد
ضرباتكم وافعالكم حصريه

شعب اليمن داعم لكم ومساند
يا فخر الامه يا قوى ثوريه

#الشاعر_ابوجهاد_صبر

من ارض مذحج لا بكيل وحاشد
سـلام  يـا اهـل  الـقـوه  البحريه

يـا زنّـدتي  يـا معصمي  والساعد
يـامحـزمـي  والـتـرس  والشبريه

#ضيف_الله_هجوان

كمن فتى في البحرالاحمر صامد
هـــزو كيان الدوله العبـــــــــريه

قطعــــو مصادر دخلها والـــوارد
لهم التحايا مننا جهــــــــــــــريه

#ذوالفقار_سفيان

النصر من رب السماء متزايد
والامركة من بأسنا مشويه

والبحر الأحمر بايظلي صائد
للصهينة حتى تجي محنيه

#رفيق_زرعان

يا طير في جو الحديدة فارد
لبحريتنا وصل البرقية

سلام وتحية لكل مجاهد
ثقافته في الحرب قرآنية

#ابوحمزه_المقاش.

شـعـب الـيـمـن واحـد وحـكـمـه سـايـد
ومـلـتـزم بـاقـوى عـرى الـسـريـه

يـا بـحـرنـا فـيـك الـولاء للـقـايـد
والـويـل لـجـيـوش الـردى الـعـبـريـه!!"

#أبوصخر_الجوحمي

منا ومن شعب الاباء والقايد
كل التحيه صادقه. معنيه

للبحريه تهدى لهم. متزايد
من حاصروا صهيون والكفريه

بقوة الله سيف الله في كفها
مسلول لاعداء الهدايه او قوى الاختلاف

#عبدالواسع_صايل_الغولي

بانثبت اليوم لامريكا مدى ضعفها
وهي ضعيفه والاعراب ذي معاها ضعاف

واهل اليمن هم حماة الارض واشرافها
كلمة قصيرة وعنوان الخبر في الغلاف

#علي_الشعيثي

عقول من عهد ابوها ماسكه سلفها
يضلها السامري وهل العقول الخفاف

فِرعون في عهد موسى للغرق دفها
واليوم تهتف مع الاوبي بنفس الهتاف

#ابوكنعان_الروس

عيوننا ساهره ما قد غمض طرفها
وفي سبيل الله بعنا جزاف

اليوم ضربه لاأمريكا على صدفها
في خاصرتها وأذيال النفاق الرهاف

#أبوصياد_الغمري

ماهمنا حلف الامريكــــــان أوعصفها
مادام والله لنــا وعيوننا في المشاف

في البحر الاحمر نوينــا ينقبر نصفها
والنصف الاخر يولي الدبر والانعطاف

#ذوالفقار_سفيان

قد اليمن سجلتهم في وسط كشفها
وصابح الحلف بين المسطره والمشاف

بقوة الله با ندعس على لقفها
ويغرقو مثلما فرعون بآخر مطاف

#ابوفتح_الاشول

لو كل دوله تصف اليوم في صفها
ما نعتبرها سوى قشه و قوة ضعاف

وكل قوه مع إسرائيل جا حتفها
إلى يدينا تسوق براسها لا المشاف

#ابوهمام_سليم_الفتاحي

الامركه غارقه في الحرب لانصفها
والنصف الاخر نجيها بالسيوف الرهاف

نقصف ابوها ونظرب منهوفي صفها
إني أرى الحلف اينع حان وقت القطاف

#الشاعر_عبدالقدوس_الصباحي

ياقـــــــــــــوم ماسلفها خايف ولا عرفها
كلآ ولا اطفالها منـــــــــذ الولاده تخاف

لو ينتهي نصفها ماينحــــــــني نصفها
في حرب كبرئ مع اسرائيل مابه خلاف

#أبوصخر_الجوحمي

صهيون وامريك ربي قد حكى ضعفها
في داخل الذكر خالقنا وصفهم ضعاف

امريك هي كالعجوز اللي كثر خرفها
في البحر تغرق ونذبح من بقي كالخراف

#ابوبدر_ذيبـان

ضاعت على امريك هيبتها مع بنتها
في بحرنا بل وحانت لحظه الانخساف

بانغرق اسطولها الغازي مع حلفها
نصرا للاقصى وغزه باسنا بايضاف

#عدنان_جحوح

نحرق أبوها ومن قد بان في صفها
ونجرع الأمركة الملعونة سم الزعاف

وبحول ربي تشب النار من جوفها
وتكون عبرة لكل الناس فوق الضفاف

#ابوحرب_الحالمي

الى جهنم نقــود الامركه بأنفها
وكل من هم وراها معلنين الحلاف

على يدينا بأمر الله تلقى حتفها
بساحل البحر ولا بالمواقع والضفاف

#الأشتر_هادي_الرزامي

من يومها الموت لمريكا وجا حتفها
قد جابها الله يا شعبي بوسط المشاف

فالجو والبحر والبر انت هو نسفها
أطلق صواريخ داخلها منايا الهتاف

#ابومحمد_السحاري

في البحر الاحمر بتغرق ويش هو حجمها
قشه ظعيفه هزيله واولياها ظعاف

في البحر احنا لها والبر احنا اهلها
والشعب عاطش للقياها بكل الزعاف

#ابتسام_شرف_المحطوري

احنا اولو البأس وامريكا طفح ضعفها
مجاهدين في سبيل الله ثقال وخفاف

ماهمنا الأمــركــة واللــي إلى صفهـا
دام القيادة حكيمة حولها الشعب طاف

#ابوشهيد_القطمي

هذا خبرنا وأمريكا على كيفها
تشتي السلامة او إلا الحرب تقبل قطاف

المسألة واضحة يا من وقف صفها
قد شعبنا حط رأس الشر وسط المشاف

#ابـومـازن_الـرازحـي

إيماننا بالقضية،شعبنا حفَّها
واجب ومسؤليه،ماهو بطر أوجزاف..

لو تجتمع قوة العالم مع لفَّها
فبقوة الله، نهـزمها ،وترجـع نتاف..

#ابوفتح_الجرادي

ياويلها ويـل والي صف فـــــي صفها
يتجرع المــوت من كـاس الزأم الزعاف

نهأية القشــه امـــــريكـا كمى اسلأفهـــا
وسنة الله تجــــري مــــاعليها اخـــــتلاف

#وسام_الحنش

استلفها ياعمود الكوكب استلفها
في البحر لقن ابوها درس بالموت حاف

ماهمنا لو جميع الكون في صفها
ضعاف مهما تقووا والله انم ضعاف

صفّ المحيطات من دنس اليهود صفها
والامر لله في هذا ومابه خلاف

#امين_الراجحي

يلعن ابو من وقف ياصاح في صفها
ويلعن ام الذي بيقول ماشي خلاف

خلافنا اليوم ضاهر بلغو حلفها
غزه بتقصف وحكام العرب ب اللحاف

#عزيز_محمد_البروي

لابد ما توقف امريكا عن اسرافها
وتعرف ان قد اتتهآ السنين العجاف

من اليمن با نهدفّ عكس اهدافها
ونعلّم الكون ان الغرّب كامل ضعاف

#الشاعر_علي_الوزير

الدولة اللي تساند بني صهيون نـقطـع كـفـها
بموجب اجماع شعبي من سوقطره لاكتاف

وابـطال في البحرمـاغـضت لـمجرم طـرفها
عن كل قطرة دم سالت لاهل غزة والغلاف

#ابو_حسين_الراعي

باينطبق قاعها السفلي على سقفها
وتنطحن في يمن ليمان ختم المطاف

هي بس تجي لا تغازلنا بماء طرفها
وبقـــوة الله نسقيها المنايا الزُّعاف

#ابوحزام_سامي_المضري

قلولمن حالف امريكه وفي صفها
ماهمناالحلف سينا الكل وصط المشاف

فالبحر بيداتنا بايكتسر كفها
بقوه الله ٍذي امىره بين نونن وكاف

#إتحاد_الشعراء_والمنشدين

https://t.me/aboyahyaalshami

للمؤمن الحر المجاهد كرامات
يتجاوز الرحـمان عـن سـيئـاته

وتضل بصماته شواهد واثبات
من فضل ربي له جزا تضحياته

والصايدي من له مع الله وقفات
من بغمته متسطره مـن شـفـاته

#الشاعر_عقيل_الحسني

انا اشهد له في ربى الشعر بصمات
وهاجسه عايش ولا اعلن وفاته

دايم حروفه في جميع المجالات
من يوم فارقنا وطيلت حياته

صيته يفوق الشماخات المنيعات
والكل يستذكر مكارم صفاته

#الشاعر_منيف_ثعيل

كيف أرثي الإبداع في البحر ذي مات ؟
والشعر  ما يرثي مصابه بذاته

الصايدي ليث الأدب والمهمات
اليوم يحيينا بذكرى وفاته

أحيا بقيفانه قصايد وفيات
تروي لنا قصة وسيرة حياته

لا زال هاجوسه يخوض اشتباكات
ويعلم أهل الشعر من مفرداته

#ماجد_المطري

يا رب عبدك بعد رحلة عطا مات
أدعيك ياذي ماتعد أعطياته

ترفع رياض الصايدي ف المقامات
وفي رياض الخلد تبعث رفاته

مع النبي والآل واهل الكرامات
بالفوز والرضوان يلقى امنياته

#رامي_السوداني

ذكرى صداها حزن قاسي واهات
للمحتوى الشعري على معجزاته

رياض بأقواله رسمنا مسارات
واتبرهن المطلوب من معطياته

الله يجعل مسكنه بين جنات
نعيمها دايم وطيب نباته

جريح الحرب#رفيق_زرعان

صداه يرعد فوق ميناء إيلات
يجسد التنكيل باسمى لغاته

الصايدي روح الجمل والعبارات
كل القيم مستوطنه في رياته

إلى رياض الخلد دار الكرامات
قد نال رضوانه معا طيباته

#الشاعر_عبدالحكيم_ابوهاشم

مهما مدحنا الصايدي في عبارات
ما با نفي حقه ونكمل صفاته

سخر حياته في جميع المجالات
تشهد له افعاله على مفرداته

بدايتـه دلت عليها النهايـات
تاج الشهاده كان اعز امنياته

#بدر_الكهالي

مامات من حرفه يهزه الولايات
ويقلق أهل الخُبث طيب صفاته

رياض روضة شاعرية وواحات
من الجــزل والمفـردة معجزاته

مازال حي الصايدي في الصدارات
ينبوع شعري نستقي من فراته

#ابوليث_المحضار ..

قالوا بأن الجيد لا مات مامات
ولا التراب يحول عن منجزاته..

ورياض باقي كلمته بيننا اثبات
يحيي بها امه وهو في وفاته..

#علي_حشفول_الهلالي

اي والله انه كان رجل المهمات
جسد معاني المرجله في صفاته

رياض منهج من عظيم العبارات
رياض واقع قد رسم معطياته

ابشرك يالشاعر المجد ما مات
واسمك على الاعداء يسوي سواته

يردد البركان من ساحل ايلات
الله ذي سدد لنيل امنياته

#امجد_الصانع

رياض تعجز في وصوفه الابيـــات
تشهد له اليوم بالاباء منجزاتـــــــه

رسم بصبره في سماء العز لوحات
عزيز حر ما انذل ابد في حياتـــــه

معروف في كل الظروف والملمات
فينا تخــلد خالــــــده ذكرياتـــــــه

#زياد_السنافي

ازكى سلام الله وطيب تحيّات
على رياض الشِّعر وازكى صلاته

شاعر وشعره هز عرش الولايات
وفي سبيل الله قضّى حياته

في حضرته تعجز جميع العبارات
يالله في الفردوس تجعل مباته

#خليل_قابيل

رحيله اوجعنا ورب السماوت
ان الوجع لازال يروي صفاته

قلوبنا من بعد موته وجيعات
لليوم هذا ما نسينا سماته

عليه من شعب الصمود التحيات
وافضل سلام الله وازكى صلاته

#مرتضى_شريف

مـــا ميت إلا ميت الذِكـــر لا مات
ما الصايدي ما زال عايش حياته

يساير الواقع إلــى اليوم بـ أبيات
تنفي خبر موتـــه وتثبت بَقَاتـــه

إعلي مقامه يــــــا إله السماوات
ذي كان الإستشهاد أعـز أمنياته

#الشاعر_ابوجهاد_صبر

من الولاء عٓبّاء رياض استمارات
ومــن هـدئ الرحمن يـمّم صفاته

ذاك الذي بـالأمس داس الإمارات
وداس راس السعوده فـي حذاته

والـيـوم قوله مرّغ انف الولايات
وزامـلـه قـد نــال مــنــهــا كفاته

#محمد_ابوالعز

ياحي في صرح الدواوين ما مات
خلد علێ شم الصوافح حياته

لا مر ذكره تنحني صدر الابيات
و عجزها يسجد مع ذكرياته

الصايدي خيّال رمز البطولات
حارت بنات الفكر ترسم سماته

#ابوحمزه_المقاش

الـصايدي لا زال في الـواقـع آيـات
وعـاد لـه ذكـرى بـمـجـرى حـياتـه

فيـنـا تـرك نـبـض الـكرامات وسمـات
نـمـوت نـحـيـا لا ذكـرنـا صـفـاتـه

ريـاض فـخـر الـشعـر طـيب المجارات
اسـمـه سـمـو الـمـجـد نـال امنـيـاتـه

#الشاعر_عماد_قيرح

ذكراك عادت يارياض الثقافات
والشعر في مثواك أدا صلاته

مفعول شعرك مثل مفعول دانات
ونال منها الحلف الارعن كفاته

صلت عليك المفردات الجزيلات
يالشاعر اللي شعره اردى غُزاته

#عبدالقوي_البطل

هو الله ذي سدد لنا كل رميات
وصاب المعادي في جميع امنياته

كلماته الي عشعشت في الخيالات
وحق كانت شاهدة عن ثباته

تغشاه من الله رب الارباب رحمات
وفي جنة الفردوس يلقى حياته

#خيرالله_الخولاني

لازالت البصمات والمستجدات
للصايدي  تشهد مواقف  ثباته

له   البلاغة  ضاربه  بالتحيات
له الادب صلى بصرحه صلاته

افلح من استشهد مع الله اومات
له مغفرة   من  تم لله   حياته

#ذوالفقار_سفيان

يوقف هنا التاريخ ثابت بإنصات
رياض أعظم وارد بمعطياته

شعره يوازي قصف ذري وغارات
جسد مع الله المهيمن ثباته

رياض ابن الصايدي كان بالذات
صدق الولاء والصبر أعظم صفاته

#اسامة_المعباء

#محمد_مفلح

من رعبها صهيون تعجن في الماء
والخوف من شيعة علي يمرضها

ما كنها إلا راقصه في الظلما
ما فادها للحرب من حرّضها

#ابراهيم_الشرفي

القدس أقدس من فزع له واسمى
طـهـران.. لـيــش اعـرابـنـا تبغضها؟!

با تـجـعـل ابــواق المـنـافـق بَـكمى
باطـول ردود المـرحـلـة واعـرضها

#مقبل_جرام

طالت زنانير اليهود الظلما
وماغير محورنا القوي يُقرضها

شبّوا لضى أُم المعارك تحمى
نبطش بروح الصهينه نقبضها

#الشاعر_منيف_ثعيل

الصهينة صارت بحالة اغمى
يمكن شبح إيران قد امرضها

الرد آتي بالفعال العظمى
لا تبكي أمريكا ولا توعضها

#ناجي_القطيبي

طهران بالباري هدفها اسمى
ظميرها للردّ بيحرّضها

ونارها ضدّ اليهود باتحمى
ماهي بحاجة من يجي يقرضها

#ابواياد_المطري

ايران يا دار الجهاد الأسمى
قل للعرب ويش الذي يمرضها

با تجعل امـــريكا ولندن تُغمى
والصهينه ؛ واذيـــالها تجهضها

#ابو_صالح_الغراسي

ياصوت في عصر الملوك الصمى
زلزل عروش... الصهينه ونقُضها

فعل سِلاحك في اليالي الضلمى
بييض وجيه.....اصحابكم بيّضها

#عبدالكريم_الشمسي

لا بد ما أسرائيل ترجع ثرمى
بكفوفنا لا تبخيرت نمرضها

وأهدافنا ما تعرف إلا المرمى
والله يمسكها وذي يقبضها

#أبوحسين_العصري

فوق اليهودي نارنا با تحمى
والحاطمة و اهوالها نعرضها

الواقع أغبر و الليالي ظلما
والرد قادم حتم با ينفضها

#ابوفتح_الاشول

الرد واجب والقضيه أسمى
على اليهود اعتى البشر وأمرضها

ما به مجال إلا الحرايب تحمى
تدفع بها الأحرار وتحرضها

#الشاعر_عبدالحكيم_ابوهاشم

ايران من يفهم هدفها الاسمى
يشهد لخامنئي بما يوقضها

مهما تأخر في ردوده مهما
قريب في الشاشه لنا يعرضها

#الشاعر_جبر_المهدمي

إيران يااهل التيه واهل الوهمى""
رب السماوات العلى يحفظها!!

من قوته جاها المـدد والدعمى""
باتقلع اســرائيل باتجــحضها!!

#عبدالله_حسين_مسعود

كحل عيونك يا المريض الاعمى
ايات ربي اليوم نستعرضها

الحق واضح والحقائق جما
حدد مصيرك نفسك استنهضها

#ذوالفقار_سفيان

متى متى قلّي متى با تحمى
اضن وقت اليهوده ندحضها

الوعد ذا وعد الصراع الادمى
كل الامم ذي نايمه نوقضها

#ابوحمزه_المقاش.

بـاقي على الـبـركـان سـاعه يـحمـى
ويـحـد وضـعـه ضـد من يـمـرضهـا

واللـيـل مـن إيـران يــســبـق لـمّـاء
يـطـري بـقـوات الـعـداء يـرفـضـهـا

#محمد_الاخرم

متى أستثارت مضويات الضلماء
ذي تبغض المجرم وهو يبغضها

تستاصل الغدة تداوي السقماء
وحمل البغاء للصهينة تجهضها

#الشاعر_عماد_قيرح

اتهيج الطوفان وامواج الما
ماعاد لاسرائيل من يحفضها

الوعد وعد الآخره والحسما
ذي حمّلت بالجرم بانجهضها

#ابوحرب_الحالمي

بدايه العدوان شعبي سمى
ونكل الاعداء وسط مربضها

وكم ضربهم بالمعارك وادمى
كل الحقايق واضحه نعرضها

المجاراة ‏عن الجوله الرابعه من التصعيد

البداية ‎#ضيف_الله_سلمان

الشعب لك ياسيدي سلّم وفوّض
وقالها صورة وصوت..

والبحر الاحمر فوّضك والبحر الابيض
وبايدن قد بايموت ..!!

ـ ‎#احمد_درهم_المؤيد

تخلت الأمة عن المشهد وعوّض
بقوم ماترضى السكوت

شعب اليمن بايحمل الراية وينهض
وبايشوت الكفر شوت

ـ ‎#عبدالباري_عبيد

البحر (الاحمر) بالمنايا السود مكتظ
واطفال غزة دون قوت

من اجلهم بانمخر(الهندي)ونمخض
ونرجع (الابيض) خبوت

#بسام_شانع

تفويض مطلق من مفوض لامفوض
من مستبا لا حضرموت

بعدالبيان الأطلسي فتش وغمض
ولالقي في البحر حوت

#أبورواسي_أرحب

جالوت أمريكا علئ أيدينا تروض
والسبت فاق من السبوت

وجاهل الأحداث يتهجا ويحفظ
مافي صحيفة أحرنوت

#محمد_مفلح

فرصه ويا من هو ابن البدر ينهض
يكفيه جلسه في البيوت

على بني صهيون حكم الله يفرض
من كان صهيوني يموت

#عزيز_الردماني

عدونا اسرائيل لكن من تعرض.
مع العدو شتناه شوت.

ومن مرض من أجل اسرائيل يمرض.
يهل المفطح والبشوت.

#ابوناجع_المنبهي

التضحيه لاهي مع ربي تعوض
لانترك الفرصه تفوت

محنا من اللي ينضر الباطل وغمض
الذل يكمن في السكوت

#الشاعر_نضال_حُميد

عذاب من ربي على امريكا مغلّظ
ولاسفينه باتفوت

أرسل عليها الله طوفانه وقيض
طوفان ابو زنه وكوت

#صالح_النقيب

الرابعه ياويل فيها من تعرض
ولا لمس بين الشروت

دام السمك فلبحر البيض ذيتبركض
هي صيد والصياد حوت

#أبوعساف

أمامنا يا شعب فرصة لا تعوض
نهد بيت العنكبوت

نحرر بلاد العرب بالطول والعرض
من قدسنا لا حضرموت

#فارس_المعزبي

ياويل مجرم كذَّب الآيات واعرَض
عنها على رغـم الثبــوت

الرابعـه فيها من الحُكم المغلّض
عن واقعـة هـدم البيوت

#عبدالحكيم_مسعد_النمري

افرض قرارك لاسواك اليوم يفرض
لك يصغي العالم .. صمووت

رض السفن رض البوارج رضها رض
حظر الملاحة حظرموت

#ابواياد_المطري

البحر الابيض بالبشاير قد تمخّض
كل السفن مابا تفوت

ونهاية اللوبي وبئس العيش والحظ
في يدنا مثل الرموت

#ابوالكرار_المجنحي

الفلم حامض والعزايم عادها احمض
فرصه ولا يمكن تفوت

نخوضها في صف ذي برك وروض
اقسى الشدايد بالرموت

#الشاعر_ابوجهاد_صبر

الـحـرب هـاذا اليـوم باتِطّول وتعرض
ماعاد لأمريكا وقوت

من سيف عزرائيل ذي يقطع ويقبض
قولوا لها مابا تفوت

#الشاعر_بدر_الكهالي

المـوت لأمريــكا وإسرائيل يدحض
ويشوتها فالبحر شوت

نهايتك حانت وبايدينا ستقبض
ولا نجونا إن نجوت

#اكرم_النيعاني_ابونبيل

ياسيدي في نهجك العالم تروض
وفاق من نوم السبوت

انت الوحيد فوق العداء من ثاروانقض
وغيرك اذعن بالصموت

#محمد_البريهي

من بعد ما الموساد عالإسلام حرض
وحرك العالم ريموت

الله بك ياسيدي للدين عوض
لما رأى الأمة تموت

#ذوالفقار_سفيان

على غمار الحرب قد شعبي مروَّض
ثبوت فالساحه ثبوت

نحب قايدنا ولاسرائيل نبغض
فرصه ولا يمكن تفوت

#الشاعر_ابوعيسى_دهقم

الشعب ياهول الحروب اصبح مرَوّض
يستقبل امريكا بموت

والحلف لاماقد قـِـنع عاده معــوّض
يبشر نفجـّر فرط صوت

#ابتسام_شرف_المحطوري

قل للذي طبع تولاهم وأعرض
يكفي تخفي فالبيوت..

لاعاصم اليوم أمر أرشدنا وأفرض
ذي نقوله في القنوت

#جميل_ابوقاسم

الشعب عينه للسفن مايوم غمض
وانجت غمتناها غموت

وحربنا معا الذي قتل وحرض
من الفرص ذي ماتفوت

مجاراة لشعراء الفصحى عن ماساة كربلاء

#ضيف_الله_سلمان

خساراتُ امّتنا فادحة
بتفريطها اصبحت نازحة..!!

ولو هي سارت مسار (الحسين)
لكانت تجارتها رابحة..

فيا عجبا كيف والت (يزيد)
وثارت على العترة الصالحة!!

ومن كربلاءٍ الى كربلاء
وما اشبه اليوم بالبارحة!!

الدكتور #ابراهيم_طلحة

ولكنّ حُجَّتنا واضحة
وأصوات ثورتنا صادحة

وكفَّة ذي البغي مرجوحةٌ
وكفّة أحرارِنا راجحة

ومدرَسةُ الظُّلْمِ فاشِلةٌ
وثورة (سبط النبي) ناجحة

#حمير_العزكي

فكم هزم السيف طهر الدماء
وأفنى ذبيح الهدى ذابحه

وهيهات كم زعزعت من عروش
لتردي الطغاة بلا نائحة

يعيد الزمان لياليه فأختر
ولاتهدر الفرصة السانحة

فهذا الحسين وهذا يزيد
أمامك في صورة واضحة


#الشاعر/جميل الكامل

كأن الحسين الحسين امتطى
عزيمة إيمانه الجامحة

ونحن نشق الدجى حوله
وكل كلاب الدنا نابحة

وهانحن نخضع كل يزيدٍ
تجَبَّر لم تثنه النائحة

ونصنع من كربلاء انتصاراً
ونجبر احزاننا الفادحة

#الشاعر أمين العقاب

سيبقى الحسين مناراً لنا
يضيء ليالي الورى الكالحة

و تبقى رسالته في الدنا
لكل معاني الإبا شارحة

و نحن على دربه أمةٌ
ترى اليوم فرصتها سانحة

لتثبت أنا ألو قوةٍ
ولن تخشى نار العدا النابحة

#الشاعر عبد القادر البنا

تظل لنا كربلاء الصمود
سماءِ بنور الهدى صادخة

تقول لكل الاعادي كفى
فلن تشبه الليلة البارحة

لنا الثأر من كل عاوٍ عوى
و أسرف في ناره القادحة

عليكم تدور غداً إنها
عليكم ستنزل كالجائحة

#الشاعر احمد على العقاب

سلامٌ على كل حرٍ مضى
إلى المجد خطوته قادحة

و من في دروب الحسين امتطى
لنصرته الهمم السابحة

و ما باع إلا لرب الورى
تجارته في الدنا رابحة

سلامٌ على كل آل الحسين
نجوم الهدى الأسرة الصالحة

#الشاعر نبيل الحضرمي

بدرب حسين وفي نهجه
رأينا سبيل الهدى واضحه

وأشرق بالضوء من كربلاء
معاليه بالهمم الطامحه

وباء يزيد وأتباعه
پأقبح خسته الفادحه

فسر شامخ الرأس فوق الذرى
ولو نبحت في الفلا. نابحه

#الشاعر بلال الشرماني

إلى(الناس)من أول(الفاتحة)
لآل الهدى هذه الرائحة

مصاب الحسين على أحمدٍ
كبير فما أعظم الجائحة

ذراع الحسين لدى كربلا
أطاحت بمملكة طائحة

وحقدُ يزيدٍ يزيدُ على
بني الرجس في الأمم الفاضحة..

#زيد_علي_النعمي

سلام على سبط خير الورى
فداه الجوانح والجارحة

سلام الإله لأنصاره
ومن خذل السبط لا سامحه

ولعنة ربي على قاتليه
يزيد وعصبته الذابحة

فمنذ المصيبة في كربلاء
وأمتنا في الدما سابحة

#عزالدين_جحاف

قوى الشر أهواؤها جامحه
وثورتنا ضدها كاسحه

(وهيهات منا ) شعار الحسين
بأفواهنا والدما صادحه

بنو اليمن الحر في دربه
مدى الدهر غادية رائحه

تجسد اهداف سبط الهدى
جهادا على الزمرة الطالحه

#أسامة_الجنداري

‌‌ويا عجبا كيف قامت مع
(ابن هندٍ) وزمرته الطالحة!!

وكيف استصاغت قتال (الوصي)
وترجو بذا انها فالحة؟!!

وكيف تناست حديث الغدير
وكانت عباراته واضحة؟!!

فليس سوى يوم تلك السقيفة
الشؤم سَبَّبَ للجائحة!!


#رفيق_زرعان

لظـى نـار أمتنـــا لافـحة
ديار طواغيتنا الجامحة

فقائدنا صنو هذا الحسين
من الذكر رؤيته واضحة

وبنت أمية في نجدها
تموت وقد فاحت الرائحة

تذوق لظى نارنا كل يوم
ووعداً ستجتاحها الجائحة

ستسري عليها صواريخنا
وصمادنا فوقها سارحة

#الشاعر_سجاد_الوشلي

‌حسين اتانا كمثل الحسين
على الشر نيرانه لافحه!!

سقانا معين الهدى فاتحا
لأبصارنا فرصة سانحه!!

لكي نشحذ العزم ضد اليهود
نهب كما الأسبع الجارحه!!

فيارب أيد لنا يا كريم
بسر هدى سورة الفاتحه!!

#نادية_السقطي

طريق الحسين هي الراجحة
ومادونها فاعلموا طائحة

مضينا على نهجةِ ثائرين
بصدق انطلاقتنا الكاسحة

لننهي العدو اليزيدي البليد
ونشفي غليل الدماء اللافحة

وماالنصر إلا لصدق الولاء
ونهج الحسين من الفاتحة

#محمد_شرف

‌‎و اعظم نكباتنا الفادحه
خسارة اعلامنا الراجحه

فكم مثل زيد ومثلُ الحسين
تنوح على فقده النائحه

و هل ينفع النوح بعد الحسين
اذا لم نسر سيرة صالحه

ومن يرتضي العيش في عزة
فهيهات ترعبه النابحه

#ذوالفقار_سفيان

بنادقنا نارها قارحه
وبالموت مقبلتٌ جارحه

تسوم العداء نار افواهها
وكل الذي لاح باللائحه

ولن ترتضي غير معركةٍ
مجلجلتٌ للعداء كاسحه

‎#جمال_الماوري

بدرب حسينٍ مضينا وما
تزال خطانا بهِ واضحة

أيا سبط طه الذي ثار إذ
يسير وثورته الفاتحة

ومأساتنا مثل مأساته
وما أشبه اليوم بالبارحة

مع ابن النبي مضينا ولن
نلين وما وهنت جارحة

#عبدالرب_يحيى_الشرعي

اتت ثورةٌ فِيْ العُلا واضحة
فهاهيَ بين الورى نَاجِحة

ولو انّ أمّتنا ناصرتْ
خُطَاهَا لكانت بِها رابحة

على أنها ثورةً خُلِّدتْ
ونيرانها في الملا قادحة

تدكّ الطُّغاة بِمعقَلِهِم
وفي كلّ عصرٍ تُرى صالحة

#عدنان_جحوح

عَلَى الدَرْبِ سِيرِي بِعَزْمٍ كَبِيرْ
فَلَا شَكَ أَنَّ الـعِـدَا طَــائِـحَــة

المجاراة بعنوان ثابتون على خطى القادة الشهداء حتى النصر

البداية #ضيف_الله_سلمان

ميعادنا(النصر للاسلام)
والعز والفتح والتمكين..

والعهد للقدس والقسام
بارواحنا نفدي افلسطين..

لاستشهد امس الامين العام
واليوم هاشم صفي الدين..!!

قل للعدو بيننا الايام
والثار من راس بن يامين..

#أبورواسي_أرحب

ياضيف مابه قلق مادام
بعدالقياده حواريين

محال باترفع الأقلام
وتجف صحف الفدائيين

وعاد به في اليمن والشام
رجال في نهج أبوالسبطين

زوال صهيون هذا العام
والحسم بيد اليمانيين

#مختار_البحري

اعلام راحوا بنهج اعلام
ثوار قادة. حسينيين

وبنهجهم كل (ثائر) قام
يشهر سلاحة على الغازين

من (آل عمران) و(الانعام)
ومن هدى (فُصلت) و(التين)

محال نقبل با الاستسلام
واحنا مع قايد احمر عين

#محمد_مفلح

مسيرة القاده الاعلام
ومنهج حسين بدرالدين

لا بد تنهي قوى الاجرام
وسعود يرجع بخف حنين

لا عز ياتي بالاستسلام
ولا كرامه بضعف ولين

طريقنا للوفا قدام
ما عاد به خط بين البين

#ابوجهاد_صبر

من سورة (الفتح) (والانعام)
وسورة (المائدة) (والتين)

با نكتسح زمرة الإجرام
ونفني البغي والباغين

علا خطى القادة الاعلام
ماضين يا قدسنا ماضين

والوعد بالنصر للإسلام
قادم قلوا لليهوديين

#محمد_البريهي

على خطى القادة الأعلام
من نالوا الفوز في عليين

بالبأس والعزم والإقدام
ثرنا بوجه الضلاليين

لا ذل لا ضعف لا استسلام
هيهات منا ليوم الدين

بدماهم الزاكية قدام
والعهد ياقدس لك جايين

#ابواياد_المطري

إحنا مع القاهر العلام
والنصر للحزب وفلسطين

والخزي للقادة الحكام
ذي روسهم غارقه في الطين

درب الشهاده في الاسلام
ثابت وباقي ليوم الدين

واحنا بنفس الخطى قدّام
باقين بعد ابن بدر الدين

#أبوصياد_الغمري

على الوفاء عام يتبع عام
ثباتنا مستحيـــــــل ايلين

بدمائنا نفدي الاعـــــــلام
نضحّي كما كانو امضحّين

لويسقط اهمام بعد اهمام
مازادنا الا ثبـــــــات ودين

عشنا كـرام ونموت إ كرام
واحنا مـــع الله منتصرين

#الشاعر_بدر_أحمد_الكهالي

قــــدام يا لابـتــــي قدام
نواصل الخــــط متفانين

على خُطى العز والإقدام
محال أن ننكـــــسر نلين

فيــنا دم الـقـادة الأعلام
ثبات وإصرار بأيت حين

وقود بركان والصمصام
وقدس خمسة ونصر 2

#ابوناصر_البيضاء

عـلى خُـطى الـقادة الاعـلام
هـيـهـات أن نـنـثني ونـلـين

الـمـعـركة يــهـوده واســلام
بــيـن الـمـيـامين والـطـاغين

اسـتـنفر الـمـحور الـضرغام
شـد الهمم حسب دافع دين

باقي العروبة على الصدام
ابـشـر بـعـزك يـبـوي الـحين

#ذوالفقار_سفيان

قدام كل الخُطا قدام
ما يعترينا وهن او لين

دماء قاداتنا الاعلام
باتصلي الصهينه سجيّن

هيهات هيهات الاستسلام
والمعركه عادها تسخين

وكل الاجراح والآلام
تصنع اوادم فدائيين

#عزالدين_جحاف

يارب ثبت لنا الأقدام
في درب سيدي حسن وحسين

نستأصل البغي والإجرام
ونحرر القدس نور العين

بجهادنا لا بالاستسلام
مع اليهود مايفيد اللين

واحنا أولي البأس والإقدام
الله اصطفانا لنصر الدين

#عبدالسلام_عبدالله_الطالبي

لشهيدنا ننكس الأعلام
وعلى خطاه كلنا ماضين

والثأر من عصبة الإجرام
مطروح في البال بين البين

والسيد القائد الضرغام
بالله بايحرز التمكين

ويبدد الزيف والأوهام
ويحرر القدس وفلسطين

#الشاعر_علي_الغماري

قل لليهودي مع الخدام
قاداتنا كـمّـن احمر عين

يسقط علم يخلفوه اعلام
والعز في راس ابو حدين

لاسلم لاصلح لا استسلام
الثار واجب ومن ذلحين

بايأخذوه اليمن والشام
شيعة علي والحسن وحسين

#ناجي_القطيبي

الثارفى المعركه قدّام
قاداتنا بالقياديين

مابانقل رفعت الاقلام
وعاد فى الارض محتلين

طه دعا لليمن والشام
كنه بيدعي لناذلحين

ومن ينادي بالاستسلام
نحطّ في صدره السكين

#زياد_السنافي

في درب قاداتنا الأعلام
اهل التقى كلنا ماضين

لاخوف لاضعف لاستسلام
احنا حماة الشرف والدين

قدام با ننطلق قدام
وسيفنا سيف ابو حدين

في يدّ كمن ولي ضرغام
بايفْلق المعتدي نصفين

#أبوصخر_الجوحمي

محور قوي بالقوي العلام
ضد العدا صف متحدين

والعهد للقاده. الاعلام
على خطاهم ليوم الدين

ماغير شعب اليمن والشام
يحرر القدس وفلسطين

نعيد خيبر على الاقزام
ونقتل النتن بن يامين

#ابوفتح_الجرادي

رغُـم التخــاذل مـــن الحُكام
وشعوب تــاهـت مع الغاوين

مانـحني الـــروس لــلأقـزام
ولانــداهـــن مـــع البـاغـيــن

قُــــدام يــــالابـــتـي قُــــدام
مــع الـولي أبــن بــدر الديـن

لاصلــح لاوقــف وأستسلام
مـــع مــــلاعين محتـــليـــن

#ابوعساف_الدهمي

ثـباتنا والـخطوب جـسام
يـشـبه ثـبـات الـحواريين

نصبر على الظلم والإيلام
من أجل ربي وهذا الدين

عـند إلتحام اليمن بالشام
تـتفكك دول (بـني آمين)

وخـلال عـامين وإلا عـام
تـنـفذ صـلاحـية الـتـأمين

#شداد_حُميد

ب العزم والايمان والإقدام
يتسابق القاده لعليين

المجاراة عن القمة العربية الاسلامية الهزيلة

البداية #ضيف_الله_سلمان

لو يعقدوا في كل ليلة قمة
مكانهم في قمةالاستسلام..؟!

ماهم رقم خارج نطاق الخدمة
وكل ابوهم لليهودي خدام..

والبعض منهم صار ناطق باسمه
شغال واصل في وسائل لاعلام

وآمال غزة في شعوب الامة
وكل مسلم ينتمي للاسلام..!!

#أبورواسي_أرحب

لاترتجي من فاقدين الذمه
يتقدموا بالدين خطوه قدام

ما باتحرر غزه إلا كَمه
من محورين أهل اليمن وأهل الشام

ينسئ نتنياهو بها إسم أمه
وتعود يافا تحت حكم القسام

بعض العرب مافي أبتهم همه
يستاهلوا من شق حكم الإعدام

#بسام_شانع

ما حاكــــم إلا المتســم بـ الحكمة
من كلمة الحكمة اتى اسم الحكام

الجـــازم الجـــازم مجــــرد جزمة
والفـــاهم الفـــاهم يقيس الأقدام

ويــركِّبــــه ويدخِّلــه فـ الخدمة
ويـضْـمنــه خمسيـــن عام إلا عام

عـن الحكـومات اسألـوا فـ  القمة"
أمَّا الشعوب اتخبروا "مستردام"

#مقبل_جرام

قمة على الإسلام واهله نقمة
وخيرها وارد لجيب الحاخام

مافي أبتهم دين و الا ذمه
الله يلعن والديهم حُكّام

ذي عام واكثر ما تحرّك دمّـه
رغم المجازر والدما رالإجرام

ماعد معه في الدين إلّا إسمه
لو ضل عُمره في ثياب الإحرام

#شداد_حُميد

قمه بلا قمه تسمى رّمه
وظهور حدبا لليهودي سّلام

و كل واحد يسند ابناء عمه
لن اليهود اخوالهم والاعمام

وكل حاكم في يديهم حكمه
حكام محكومين ما هم حكام

يشكلو في كل قمه زحمه
وعادهم من تحت تحت الاقدام

#الشاعر_أبوحيدر_الحمزي

اقول للحكام قبل الزحمه
اخزاكم الله يا عبيد الحاخام

تبغوا السلام من اليهودي الحرمه
ولا لقيتوا غير دوس بـ لقدام

ما به سلام الا الذي من خشمه
من صرف الاحدعشر مسلسل الارقام

وغزه الثكلى علينا النعمه
انكم رفعتوها لحبل الاعدام

#الشاعر_فرحان_السلامي

قمّــة و لكـن مـا تحلحـل أزمـة
و كلهُـم أخـوان و ابنـا الأعمـام

الدم واحد و الهـدف و النجمـة
صهيونية وسط الكبد والصمّام

لا صوت يستنكر و لا به رحمـة
لـ طفال غزة و انتشال الأرحـام

دام اليمـن لـه بالمعــارك بصمــة
بـا تنتصـر غـزة بـدون استعـلام

#فارس_المعزبي

قمه بلغ فيها النفاق القمَّه
لا وفق القاعد بها واللي قام

الغرب ابوها واُمها والعمَّه
وترمب عاقلها لأُسرة وارحام

ولا يجوز اَن ترتفع بالضُّمَّه
لأنها مبني بنصب الحُكَّام

وكم قمم ضاعة وكم يا لمَّه
واحنا بلا قمة نصرنا الاسلام

#عزالدين_جحاف

كم ياقمم لكنها مهتمه
بأمر أعداء العرب والإسلام

عند اليماني ماتساوي شمه
الشمه أغلى من وجوه الحكام

بعض العرب يشتي يشكل زحمه
وهو مجرد صفر بين الأرقام

البيت الأبيض قد برمهم برمه
وذلهم وداسهم بالأقدام

#ردفان_الرقيمي

الكل يخــــــرس لا يطلِّــع كلمة
الله يعلن والـــــــــديكم حكــــــــام

#الحسين_المحضار

للذيل راس وللمذله قمه
يقودها حكام تمشي بلجام

وشعوب الامه لليهودي امه
هذه اجابه لا سؤال استفهام

ما غير محور حي ابوه وشمه
كالحيدره في كل غزوه مقدام

الله اكبر دونها ارخص دمه
ومن دونها مابه نصر للاسلام

#ذوالفقار_سفيان

كلين في الواقع عرفنا حجمه
حتى ولو صلى وزكى او صام

كشفته الاحداث ينفخ سمه
ويثبط الامه بإسم الاسلام

ويقدس الصهيونية والنجمه
وينتقص من منجزات القسام

واكبر دليل اليوم وسط القمه
ان الذي فيها جـمـيـعـاً اقزام

#أبوصياد_الغمري

في كـــــــل اسبوعين تُعقد قمّه
قمه هزيلـــــــــه ماتفيد الاسلام

ماعاد نشتي اليــــوم هذا النغمه
تخسى القمم ذيمـا تزيل الاجرام

قد سجلو بالعـــــــار اكبر وصمه
اجبن ملوك الشرق واجبن حكّام

ماعاد فيهم عــــــــــــــز ولا همّه
يرعاهم اللوبي وهـــــم له اغنام

#ابوفتح_الجرادي

ذُل انحطــــاط ولأُم كيف وكمة
والعار والخــسّة بهــــولا الحُكام

سأس البلأ واصل الكُرب والغمّة
واكبر مصيبة نازلة فـي الأسلام

مذبذبين أوغــــاد قــلال الذمـة
أحذي لأمريكا وصهيون خُـدام

#أبوصخر_الجوحمي

قمة تجي للصهينه بالهمه
وتشجعه اكثر لفعل الاجرام

قمة هزيلة ما تدخل. قطمة
لاطفال غزه والنساء والاقوام

قمة وضيعة. فاقده. للذمة
ما تعقد الا تحت امر الاقزام

الله يلعن من حضر ذا القمة
ولا معه موقف لنصر الاسلام

#عبدالسلام_الطالبي

خنوعهم وراء كل الظُلمة
باعوا مواقفهم لشلة اقزام

ولارعوا لدماء العروبة حرمة
خانوا الشعوب مقابل الاستسلام

ماتجرأوا حتى يقولوا كلمة
وشاركوا فيما وقع من إجرام

وشعبنا اتقلد وسام الهمة
قدم مواقف خالدة للأيام

وخاض أشرف معركة للأمة
بعثر سفنهم يوم سيدي مقدام

#سلطان_خضران

عشرين دوله ماتمــــرر كدمه
لطفال غزه والنساء والايتام

في خانة المفعول به محتكمه
والفعل والفاعل مضارع حاخام

خلا النواصب ذي لحاهم دسمه
يدجنو لامه لهولا الحــــكام

هذا السبب والمشكله من فهمه
والحل وايش الحل ?علامة استفهام

الحل فالعوده وهـذي الحكمه
الى هدى الله وال طه الاعلام

#همدان_حجي