المجاراة (7) العدوان والحصار ونهب الثروات سبب المعاناة والازمات..

البداية #ضيف_الله _سلمان

مطابخ العدوان شغاله
والغاز والبترول في مأرب..!!

من ذي قصف سعوان والصالة
والباص ذي فوقه مائة طالب!!

لعنه على العدوان واذياله
وكل خاين مفتري كاذب..

يستهدف أعظم شعب ورجاله
اهل الوفاء والموقف الصايب

من جاد بالصماد وأمثاله
والله مايبخل فيَ الراتب..!!

#بسام_شانع

كل الوسايل غير فعّالة
ولعنة القاري على الكاتب

يا قوم شرابة وأكّالة
والشعب لا ماكل ولا شارب

معكم سيولة مال سيالة
واحنا علينا الكون متكالب

عالَم وسخ يحتاج غسّاله
على بخار البدر والثاقب

يرحب على خبزي وبصّالة
لا دسّم اللحية ولا الشارب

#ابورواسي_رواسي

يامنتقد للوضع والحاله
وين أنت لك ثامن سنه غايب

نافق وخل الشعب في حاله
العين ماتعلئ علئ الحاجب

مثلك وغيرك للعداء آله
في غير ذا الجانب وذا الجانب

المشكله بيجر مواااله
وأحنا وهو في شِعب أبوطالب

قولوا لذي مايشتي إلا له
من حب نفسه ماقنئ صاحب

#رياض_الصايدي

الشعب بيضحي بجهالة
والمسوقي في جحنتة حانب

قد هو يرى حالي مثل حاله
وعاد بيقل لي أنا،، حاسب

ترجلو ياعالة العاله
من يشتي الراتب نزل مأرب

يضمها ويشد [سرواله]
ويميز الواهب من الناهب

وإلا إهجعوا لعبة ومفتاله
وإتعوذوا من سيفنا الضارب

#حسن_السعيدي

الله قد شخص لنا الحاله
وميز الصادق من الكاذب

منهو منافق باترى أقواله
واصل وهي عن وضعنا الخارب

الشعب عارف سارق أمواله
وله ثمان سنين بيحارب

قال المثل ذي شاعت امثاله
يانصار طه وابن ابي طالب

من خان عهده هانت اجياله
وصار في وحل الردى حانب

#محمد_المنصور

القوم غرامه وقتاله
وانتوا من الفيسبوك لا اسكايب

ياابواق سمّاعة ونقّاله..
ما املى عليها الكاهن الكاذب

اعمالكم خسه ومنذاله
وما جمعتوا ناتجه سالب

ما شُغلكم رُجله وصُمّاله..
بل تأمنوا جانب علي طالب

والله ما نسمح بمرفاله
وضدكم باندّي الواجب

#عبد_الرحمن_الريامي

من ساند العدوان بعماله
نعامله من شوكة الضارب

حيا لهذا الوضع حياله
لاداعشي يقرح ولا غاصب

والحق يشتي قوم شلاله
لاصاح فينا مايرا غايب

ومن يطول في الحضا باله
واليوم في حق الكدم حانب

يمد في باب اليمن شاله
وأحنا علينا ندي الواجب

#عبد_الرحمن_الخطيب

ياصاحب التطبيل والهاله
لاتقلب الموضوع ياصاحب

شعب اليمن ذي قدم أبطاله
دفع الرواتب لاهلها واجب

لوم الإماراتي وابن خاله
وذي لضرع المملكه حالب

اعرف غريمك واقطع اوصاله
بحر العرب حبله على الغارب

البنك مايخفاك ذي جاله
والحلف ذي قاتل وذي ناهب

#الشاعر_امين_الحارثي

ماضين في درب النبي وآله
وكل حاضر يعلم الغايب

شعب اليمن باتصلح احواله
بقص آخر دقن في مارب

وكلمن يثبت تقبياله
يتحمل الشباب ويحارب

نرفع حصار الشعب واقفاله
وننتقد للوضع ونحاسب

وان كان شغلك شغل منقاله
صفر المعابر تدي الهارب

#هادي_حسين_الرزامي

بانخبر اللي يطرح سؤاله
نفهمه لايشتي نجاوب

وان كان في قلبه مرض فاله
بارود والا السجن يتعاقب

والحلف مهما كان ننتاله
ومن نهب من شعبنا حاسب

ونمسطه بالسوط وعقاله
ومحال يصبح لليمن صاحب

وبعدهم صهيون نفضا له
ياويلهم من شعبنا الغاضب

#عزيز_الردماني

صحيح حالة شعبنا حاله.
وكلنا ركاب في قارب.

بس السبب سلمان وعياله.
هم السبب في المغص والحالب.

داخل جنوب الشعب وشماله.
من المخا لا حوف لا مارب.

ما وضعنا سابر وحياله.
يا ذي تبا احق اعمل الواجب.

من غير مخضاعه ومرفاله.
امشه دلا يا مرجف وّحاسب

#فارس_المعزبي

ياباله الليله ويا الباله
المعتدي في حربنا حانب

كل البلاوي ناتج أفعالَه
وهو لثروة شعبنا ناهب

واليوم عاجز حالته حاله
ماعاد له عاشق ولا صاحب

مكفول من عالِيْه وإسفاله
ومن ذه الجانب وذا الجانب

اصبح على من يدعمه عاله
وشعبنا ناجح وهو راسب

#عزالدين_جحاف

بعير أمريكا بأحماله
قد طاح والله وحده الغالب

والمترف المهفوف وامواله
صهيون وامريكا لها ناهب

والمرتزق قد حالته حاله
مطرود من جانب إلى جانب

وشعبنا شامخ بأبطاله
ذي أدبوا عدوان متكالب

ضاع التحالف طاح جماله
وعاد من أرض اليمن خايب

#يحيى_العطيف

صح ان حال الشعب يرثى له
وكل من في صرفته حانب

لاكن معا الله مادخل باله
اوكان لصروف الزمن حاسب

ماغير الباري عليه حاله
ولاتراجع عزمه الصاخب

كئن هو جمب النبي واله
متحاصرين في شعب ابي طالب

طال السماء والخصم ماطاله
لانهم جند الله الغالب

#الشاعر_صالح_النقيب

ذي حاصرو طاها النبي وآله
قريش قامو ضد ابو طالب

عروق ابو سفيان وأمثاله
ذي تجمع الموجب مع السالب

والنفط بياعه وجماله
بأنستعيده من يد العايب

الخيل جاهز بيد خياله
متى انطلق ذي يعمل الواجب

#جمال_الماوري

من ذي بينفق كامل امواله؟
ويوجه الأذناب ويحاســب

من ضدنا بيحرك اذيـــالــه
ويلامس الموجب مع السالب

من غيره (العداون) باعماله
هو من يواجهنا وبيحــــارب

والمرتزق يا لعن ابو فـــالــه
مع العدو يسعى وهو راغب

#عناش_المشرقي

لانهم ما طبقوا ماداخل الختمه
واتولوا امريكا وصاروا خارج الخدمه
ولا لهم وجود
فيما أمرهم ربنا في محكم كتابه

#عماد_العملسي

هم خالفو الباري وكل العلم في علمه
وهو يناديهم الئ التقوئ الئ الرحمه
وصدقو اليهود
حتى اصبحو في ذل امام الكفر واذنابه

#فارس_المعزبي

تفريطها بــ الآل والقرآن والذمّه !!
أضعف أبايبها وخلّاها بلا كلمه !!
ولا لها وجود !!
في حُبّها (للقدس) بعد اليوم كذابه!!

#الشاعر_امين_الحارثي

اسبابه الوهابيه ذي باعت الامه
لايرقبوافي مؤمنٍ إلا ولاذمه
دوله بني سعود
والحل في العتره وشرع الله وكتابه

#بندر_السقاف

سياسة السيفين والنخله مع النجمه
وهرولة من طبعو ذي شكلو زحمه
والكفر والجحود
وضف الى ذالك فتاوا ادقون كذابه

#عبدالمنعم_المتوكل

لـو تـشـكـر الله القوي وتـقـدر النعمة
ماتهجم الأعداء على الأقصى ولا هجمة
والقدس بايعود
على يدينا دام وإن احنا على ابوابه

#نورالدين_المقاتلي

كلمه ولا شـــــي بعـدها ياصـاحبي كلمة
من يرتضي هذي المناضر با يجي قسمه
ويطعم القيود
والعار لمن يرضى بهذا الشي على اصحابه

#ابوصالح_العملسي

ذي ما اتبع طه ولا وألئ ولد عمة
لا بد يتمدد لهم ويعيش في ازمة
ماهي فقط وقود
لا والله إلا من شرف وعز ومهابه

#ابوطالوت_المغلس

هذا انعدام الدين والايمان والكلمة
وسبت التجهيل والتنعيج والظلمة
ذي خيمت عقود
واكبر سبب فكو هدى الرحمن وكتابه

#ابومالك_الكوماني

فقد التولي للنبي طه وبن عمه
والبغي والعصيان والكفران بالنعمه
والشك ف الوعود
ذي عرض الامه لباس الله وعقابه

#عبدالواسع_صايل_الغولي

يوم اكتمال الدين والاتمام للنعمه
رسم لنا مشروع اخرجنا من الظُلمه
ووضح البنود
ان الولاية في علي قالوا رضينا به

ويوم السقيفة ذي جلب للامة الغمة
واتحالفوا وغيروا من يحكم الامة
وخانوا العهود
ومكّنوا فينا عدو الله واذنابه

#حسين_شرويد

موت الضماير والاخا والدين والرحمه
فـ أمه رضت بالجهل بعد الهدي والنعمه
وخانت العهود
حتى تولت من يعادي الله وكتابه

ذي ما اتخذ موقف من الباغي ومن ظلمه
لا بد يلقى النار لو بايلعص الختمه
دامه رضي الجمود
من خان الأقصى مثل من يحتل محرابه

#محمد_جارالله

من هذه اسرائيل من امريكا وما حجمه
لكن اسف ماعاد بقى للدين غير اسمه
ياعالم الركود
امُة امام اعدائها في الدين مرتابه

#براق_المنبهي

البعد عن ربي يجيب الذل والنقمه
لويتبعو القرآن ان الناس في نعمه
والعز بايسود
والقدس مايقدر يهودي يفتح ابوابه

#ياسين_الفروي

يوم السقيفه يابو امجد شلها كلمه
ذي بهذل الامه و مددها بلا رحمه
وليتها تعود
الى الهدى والعلم تدخل ليه من بابه

#ابوحماس_الغبري

ما طبقت من ذكرها حتى ولو كلمة،
ظلت عن أنوار الهدى واتولت الظلمة،
حدودها قيود..
والأنظمة كلن على شعبه قفل بابه!

#ابو_يحيى_القهدة

هذا خلل معروف والواقع شهد باسمه
نقص الولاء والاهتداء (بالآل والختمه)
خلى الأمم رقود
واكبر دليل اهل اليمن والنصر واسبابه

#ابومحمد_المهذري

البعدعن آل النبي ذي قربهم نعمه
وهم النجوم اللامعه ذي تجلي الظلمه
والقاده الأسود
ذي رفعو الصرخه مع الرحمن وكتابه

#الشاعر_الجلاد

البعد عن درب الوصي ونهجه وعلمه
سبب لأمتنا هزيمة وأزمة ونقمة
وكسر في العمود
والحل نرجع كل أبونا تحت جلبابه

#محمد_الداهية

امة محمد عايشة اسنين في ازمة
ازمة ثقة باله ماشي غيرها كلمة
والحل اني تعود
لله ربي بحين وقانونها الكتاب

#ابوالفتــح_الجــــرادي

يوم السقيفه. ماســـواه الكفـــر بالنعمه
كان السبب واكبرجريمه من سفك دمه
في حالت السجود
خير البشر بعـــد النبي. يُقتل بمــحرابه

#الشاعر_رايد_الخمري

ماعاد به مسلم نطق بالحق لو كلمه
والواقع اتحول من الظلمات لا الظلمة
ماطبوا البنود
ذي قالها القران تالي نص محرابه

حتى غزنا الكفر وحزابه وبن عمه
وتاكاتف الطغيان ضد الحق والهمه
والمسلمين رقود
ياكيف يأتي النصر يرقى متنهى اصحابه

#صقر_سبحان

الحق واضح ياصديقي داخل الختمه
وحسين بدرالدين قد شخص لنا الأزمه
وحطم القيود
من هذه الأسباب اهالي ذقون كذابه

#ابوهادي_صيفان

اسبابها التفريط ف اهل البيت له حكمه
وتثقفو ثقافة اهل الزيغ والضلمه
وصادقو اليهود
وهابيه من ضرب بن سلمان واذنابه

#مختار_البحري

امة رسول الله تتجادل علئ الـضــمــة
ولوبي اسرائيل دجنــها بلا رحـــمــة؟!!
صاروا مه جـنود!!
والجيد قالوا يمش من بــيــتـة لمحــرابة

#أبوصخر_الجوحمي

بالتيه والاعراض تأتي حالة الظلمه
والصد للاعلام ذي هم للبشر نعمه
واليوم في القيود
ومدور الاسباب هذه بعض اسبابه

#ابورمزي_الكبسي

بانشوف ون الدين ماعاد باقي لا اسمة
كيف الخبر ويش الخبر ياهذيه الأمة
قد نويتم للجحود
واهابيه أصل السبب في كامل اذنابه

#جميل_فرج

ذي طبع الأوضاع أكبر جرم هوجرمه
من والو إسرائيل ماراعو ولاحرمه
للدين والعهود
سلمان وبن راشد وأعوانه وأصحابه

#ابوعلي_البريهي

المجاراة عن الصرخة في وجه المستكبرين

البداية #الشاعر_نشوان_الغولي

بصرخة واحدة من سيدي احسين
و من قمة جبل دوى شعاره.

على اصداها صرخنا بالملايين
ودار الكون كله في مداره.

#الشاعر_صقر_منصور_اللاحجي

كأنه شاف امس احداث ذلحين
وفصلها ولا اخطا في عباره

وبالصرخه قلب كل الماوزين
وساواها بكيفه واختياره

#عبدالرحمن_الريامي

شعار الحق بين الحين والحين
يوسع داخل امتنا مدارة

حسين اعلاه عام الفين واثنين
ب حارة واعلته مليون حاره

#بكر_السباعي

شعاره من مع القران والدين
بدا باحداث سبتمبر شرارة..

وبا ترجع معه خيبر وحطين
وكل الكون يفرح بانتصاره..

#ضيف_الله_سلمان

(سلاح) ايفوق صنع (الروس) و(الصين)
و(موقف) تجني الامة ثماره..

(كرامة..مجد..قوة..نصر..تمكين)
وتبقى(خير امة) في الصدارة..!!

#بسام_شانع

صدى الصرخة ضمن عودة فلسطين
إلى ايدي ثورة اطفال الحجارة

وكيد القادمة من بحر قزوين
بنحر موامرة (برج التجارة)

#مرتضى_شريف

رجمنا روس وقرون الشياطين
ونهج احسين بانكمل مساره

مع الله في سبيله مستعدين
وهدي الله يبقى في إطاره

#مهدي_مفلح

لنا في المعركة روس الميادين
وفي حب الوطن سبق وصدارة

نقدم في سبيل الله قرابين
من ابطال التولي والطهارة

#ياسين_الفروي

شعار اردى حشود المستبدين
وسلح ب(الشهاب) اهل الحجاره

ولو لا الهم (هملايا) و(قزوين)
فما جتنا من (الخوبه) بشاره..!!

#صالح_حسين_ابواحمد

صرخنا المـ ـوت لمريـ ـكا ويامين
وسحقا ياقوى قرن الحقاره

قويه زلزلت حلف المراخين
صداها بايصل لابن الاماراه

#يحيى_الوحيشي

سلام الله على سيد الميامين..
حسين البدر ذي حدد مسارة..

ومن آهات بغداد وفلسطين..
 صرخ والصمت حطمنا جداره....

#خليل_قناف_قابيل.

شعار الحق دوى فالميادين
وحلف الشر تعمية الخسارة..!!

صدى الصرخة يدمر بالفراعين
ويسحق من إمارة لا امارة.. !!

#ابويحيى القهده

حفيد الحيدره كرار صفين
نطق كلمات من جوف المغاره

نصر بالله وشعاره فلسطين
وحقق لليمن عز انتصاره

#بلال_الصوفي

الله اكبر ياجميع الميامين
كلن يردد يارفاقي شعاره

والنصر للاسلام والمجد للدين
لازم علينا ان نتم انتصاره

#جميل_جعفر_ابوشامخ

سلاحٌ موقفٌ قوه و تحصين
وللفتح المبين أقوى اشاره

بها الباطل زهق من دون تخمين
و تـاه أهل الغوى و اهل القذاره

#الشاعر_بـراق_المنبهي

قوويه رددوهــا يالميامين
على الكفار في وسط المغاره

نطقها الجيش وآلاف الملايين
بهمه عاليــه رافــــع شعاره

#فرحان_السلامي

صرخنا و ارتقينا في الميامين
و نور النصـر مشـرق ياعتبـاره

لقـايـدنــا رفعنــاهـا نيــاشيــن
و شفنا النصر مشـرق بالبشاره

#عبدالقوي_البطل

شعار الحق في واحد وعشرين
جعل حلف الغباء يفقد قرارة

صرخنا به وتبرنا المريبين
واحرقنا عدو الله بناره

#ابوغبري_الغبري

شعار الحق رفرف في الميادين
وحلق في الزمن قبل البشاره..

وقايدنا.. نثر بذره على الطين.
وصرنا اليوم نجني من ثماره

#عايد_الخيل

لانه عرف مخطط أمريك من حين
جهز لها صرخة وجهز شعارة

ومن عام الفين لا الفين وعشرين
وهي بتتوسع إلى كل قارة.

#ابوعساف_الدهمي

صرخنا صرخة تغيض الشياطين
تــدك الـشـر والـلـي فــي مـساره

ولــــولا الله مــــا كــنــا قـويـيـن
جـعـلنا جـل شـأنه فـي الـصدارة

#عبدالعزيز_الغرباني

شعار الحق والغُر الميامين
تعمد بالدم الزاكي شعاره

شعار احسين يهتف به ملايين
بفضل الله يوصل كل قاره

#يحيى_الوليد

على نهج الحسين السبط وحسين
وابو جبريل قد اعلن قراره

هتفنا بالشعار في الميادين
على الطاغوت فجنينا ثماره

#علي_حشفول_الهلالي

والله ما نسكت ولو ناكل الطين
لو بانضل نصرخ فقط بالإشارة

بانلعن الكافر ونمضي ملبين
لله سبحانه ولا به خساره

#حافظ_الحماس

من الصرخه تولين سيدي احسين
وابوجبريل وال البيت تاره

ومن الله اكبر نعلي الدين
ونتبرا من اصحاب القذاره

#فارس_المعزبي

مع السيد ونور القلب والعين
صرخنا بالمواقف عن جداره

وعمّمنــا بها مــا بيننا البين
فخافوها وهــيْ اول شراره

#حـمـزه_الـحـيـمـي

ظهر ميلادها من قبل عشرين
يبث النور من جوف المغاره

وصخره فوق روس المستبدين
وطعنه في العقول المستعاره

#بندر_السقاف

شعار الله اكبر ل الميامين
سلاح يرد ل الدين اعتباره

به النصر المؤزر قاب قوسين
يعم الارض قاره بعد قاره

#عباس_الصياحي

حسين البدر عام الفين واثنين
من الهدي انطلق واعلن شعاره

صرخنا وانطلقنا في الميادين
وجسدنا البراءه في الإغاره

#ابوبراءة_الديلمي

تحدينا قوى الطاغوت قرنين
ونكلنا بهم والحرب ناره

صرخنا الموت لأمريكاوفرين
جحافل حلف داعش والدعاره

#احمد_علي

صرخنا المـ ـوت لمريكا الملاعين
ولسرائـ ـيل هم شعب الحقارة

وقد سمعت بصرختنا الملايين
ودوى صيتها في كل قارة

#ابوحسين_الهمداني

بنى ابن البدر بالصرخه قوانين
وشيّد للعرب منها مناره

تأمن في ثراها كل مسكين
وردت لليمن كل اعتبارة

#غلاب_درهم_غلاب

المجاراة عن الدورات الصيفية واهميتها في تحصين الاجيال بالثقافة القرآنية.

البداية #ضيف_الله_سلمان

يا جيل متحصن بهدي القرآن
اشمخ براسك بين كل الاجيال

مادام وسلاحك سلاح الايمان
با يوقف العالَم امامك إجلال..

يا خير شَاهِد من(وصيّة لقمان)
ويا مَثَل جَسّدْ...(وتلك الامثال)!!

ب(بينات من الهدى والفرقان)
ونفوس ماتقبل حياة الإذلال..

انتو رجال المرحلة والميدان
ميدانكم يا كل مؤمن فعّال..

#الشاعر_أبوزيد_النعمي

للتربويين الذي في الميدان
خالص تحايانا وكل الإجلال

وابنائنا الطلاب جيل القرآن
هم فلذة الأكباد خير الأجيال

مستقبل الأمة وشعب الآيمان
حضارة الإسلام هم والآمال

بالعلم والأخلاق يسمو الإنسان
ويملك الحكمة وتزكو الأعمال

وبالعمل والعلم تبنى الأوطان
على هدى الله الكبير المتعال

#عبدالله_الجرفي

كنا نطبق منهج الأمريكان
في المدرسه بالفعل مش قيلت قال

المثلي افلاطون قال الفوزان
عالم سلوكه والأدب عال العال

للفلسفه في كل حصه عنوان
والسين والجا والجتاها والدال

والطفل حلمه بس يصبح فنان
والقدوه المثلى كرامه مرسال

والبنت قدوتها بنات اليونان
تحلم بعرض ازيا وتلبس بنطال

واليوم حلم الشاب يصنع بركان
عرف غريمه والعدو المحتال

وبعدما البنت ادمنت زي الوان
في المدرسه تقرا الضحى والأنفال

لوما المسيره ما جمعنا دومان
ولاعرفنا ان الخطر في الجوال

#يحيى_الوجيشي

اجيالنا شجعان وابناء شجعان..
ولزوم نبنيهم بناء عــال العال..

تحصينهم ضربة لقرن الشيطان..
والامركة....والصهينة...والدجال..

اعدها ..السيد .....بحكمة...وإتقان..
من وحي(أعدوا)ذي بنص الانفال..

#وضاح_الحميصي

الجيل جيل الانتماء والايمان
والحرية والنصر والاستقلال

على يدينة فتح كل البلدان
ويغير الله به جميع الاحوال

ما يقبل الاذعان والاستيطان
ياحلف مهما كان حجم الاهوال

#فارس_المعزبي

حصِّن عيالك بــ(القمر) و(الدخان)
و(القارعه ) و(الواقعه) و(الأنفال)

و(الجاثيه) و(الغاشيه) و(الرحمن)
و(التين) و(محمد) و(طه) والآل

إخرج عيالك من حبال الشيطــان
ومن حبال اهل الغوى والإظـــلال

الى حبال اهل التُّقى والاحســــان
اهل الفعــال السابقــة للأقوال

فرصه عظيمه للدراسه مجــــان
وبا تحوِّلنا الى أحسن حــــــال..!!

#ابو_اياد_المطري

لله درك جيل عبر الأزمان
تضرب بك الامثال تلو الامثال

مستقبل الأمه وفخر الأوطان
وانت انبعاث العز والأستـقلال

يا بندق السيد على الامريكان
ويا سلاح الوعي ضد الاضلال

من (إنّهُم فتية) ونور الأيمان
آويتم انفسكم  لـ(خير الاعمال)

وبوعيكم يالمخلصين الشجعان
باتصبح إسرائيل في إضمحلال

#الشاعر_أحمد_عبدالقوي_الغبسي

أوجزت ياضيف الله احمد سلمان
بحد ذاتك فانت دورات اشبال

بابيات زادت من بيان العنوان
ووضحت قوله وصحة ماقال

الوعي لازم لاجتياز الطوفان
والوعي يتحدد بحجم الإقبال

على المراكز وفق رؤية مران
وتظهر الهمه بداية شوال

والجيل يعرف من ذي ادا العدوان
ويختصر عرّاضها والطُّوّال

#أحمد_الديلمي

قنف براسك ياشـديد البنيان
ياساس متمسـك بـ طه والآل !!

أنتم حدوث الواقعة والفرقان
والقارعة والرعد ضمن الأنفال

باكر سواعدكم تشيل البركان
والبدر والثاقب وذاك الزلزال

والثأر يبقى في دماكم نيران
يحرق وياخذ ثأر عمك والخال

#شهاب_المتوكل

جيل المراكز يايمنا عنوان
للعز والتقوى وحمل الأثقال

بالله يوثق مايهاب الطغيان
حاشا ولايركن لقوم الاظلال

بايبني اوطانه بافضل اتقان
وايمانه يصيغه بأرضه افعال

وان هاجت الهيجاء قرح بالبركان
في وجه اعدائه وكل الانذال

ومع ال طه دام هو والقرآن
ماباتهره في الزمان الاهوال

#رامي_السوداني

ياصانعين المجد عبر الأزمان
من وحي عاشوراء ووحي الأنفال

بالمعرفة والعلم تُبنى الأوطان
كُلّاً يسجل في صفوف الأشبال

من مُحكَم التنزيل وهدي الرحمٰن
تطبيق شرع الله أقوال وافعال

ومن كتاب الله بيان و تبيان
ونهج رباني وتشريع فعّال

ثقافة القرآن هدي الإنسان
والتوعيه والمعرفه رأس المال

#الكرار_المشراقي

بجيل قراني حسيني طعان
كمن فتئ بالله مؤمن فعال

من سورة التوبه اتا والرحمن
سلاحه الايمان بكل الاحوال

سلام يافخر اليمن والاوطان
الكون يسجدلك مهابه واجلال

ياخيرمن ترجم معاني الاحسان
الامة تراهن بك وفيكم لامال

انتـــوزلازل في وجــيه الطغيان
قدواتكم طه وحيدر والاااال ...

#الشاعر_أبوعزام_الشامي

من منبع الحكمه وأرض الإيمان
أصل العرب شيوخها والأقيال

من اليـمـن جيل الـهـدى والقرآن
متحصنين من الفساد والإضلال

مــن الــنـبي والآل ومأساة مران
متحصنين من الخنوع والإذلال

مــتوحــدين في صفـهم كالبنيان
وحـضــور للتعليم فيهم وإقبال

فــهــم رجــال الـمرحلة والعنوان
فـويل الإعـداء منهم سيدي قال

#ابوناصح_العزي

ياجيل قرآني بحكمه وايمان
قاده قرين الذكر سيد الاشبال

يحفظ،كتاب الله نطق وإتقان
ويطبق الايات قول وافعال

المجاراة الى روح اللواء المجاهد #أحمد_الحمزي (مطيع) قائد القوات الجوية والدفاع الجوي رحمة الله تغشاه.

البداية #ضيف_الله_سلمان

سلام ياقواتنا الجوية
والله يعظم اجرنا في القايد

ذي جسّد الاسلام مسؤولية
وفي سبيل الله قدّم شاهد

وترجم اقواله جُمل فعليّة
وعاش(قاصف) للغزاة و(راصد)!!

مؤمن مجاهد يمتلك روحية
اذلّت آل اسعود وابناء زايد

#الشاعر_أبوزيد_النعمي

سلم لربه نفسه المرضية
وفي سبيل الله عاش مجاهد

جرع قوى العدوان كل منية
في كل جبهة كان شامخ صامد

القتل في الله والممات سوية
يبقى المجاهد عند ربه خالد

ما الميت الا ميت الروحية
ساكت جبان مع الخوالف قاعد

عزائنا للأسرة الحمزية
واهل الفقيد وكل مؤمن ماجد

#فارس_المعزبي

عنده بطاقة بالولا عضويه
في حب آل البيت واحد واحد

حامي ثغور الجبهه العلويه
وللصمد صايم وراكع ساجد

سلام يغشى روحه المَرْوِيّه
بالوعي..ما تردِم وحنّ الراعد

وما الممالك صبّحة مسويّه
ماعاد خلّا حال منها زايد

#ابومنار_العشي

سلام يا روح الشهيد الحيه
من شعب الإيمان الشجاع الصامد

ذي في سبيل البذل والتضحيّه
صابر مصابر محتسب متواجد

لاجل الشرف والعز والحريه
جاهز لها لوما تبقى واحد

يتسابق القايد مع جنديه
في مشهديه كم لها من شاهد

جريح الحرب #رفيق_زرعان

مطيع روح العز والحرية
حمزي لابو جبريل كان الساعد

نموذج الايمان صدق ونية
نشيط في الاعمال ما هو راقد

حمزي وحمزة في دمة روحية
قد كان امة كاملة في واحد

في الحرب يا ما واجه الالوية
وكان في المحراب ذاك العابد

#عماد_العملسي

رمز العطاء راعي الوفا والهيه
خير الرجال الي مع الله جاهد

ازكى الدماء والعقل والروحيه
(مطيع) جسدها وكان الزاهد

رجال تتنفس هوى الحريه
وفي سبيل الله كانو رافد

في خط من سابق الى باريية
كنة يقول انا اليكم وافد

#ابوضيف_الله_اللاحجي

الارض عـزّت والشوهد حية
ما مات لازال الاثـر متواجـد

تشهد لة الجبهات مـابـة زيـة
مؤمن تقي مخلص لربة زاهد

يهنا مطيع الخاتمة مرضـيـة
في جنة الرضوان دايم خالد

جمب النبي واربع مية حورية
تكريم من ربـي لـهـذا الـقـايـد

#براق_المنبهي

انا اشهد ان قلوبنا مكوية
عليك يالحمزي وربي شاهد

يامن قهرت الدوله النفطية
وارهبت من له من ضرعها عايد

ودعتنا يالهامة الثورية
يامقلق الغرب الكيان المارد

ندعيك ياربي بصدق النية
برحمتك تتغمد اعظم قايد

#ابوصالح_العملسي

شعار تكتب في اللواء مرثية
واهل السماء يستقبلون الوافد

مطيع كانه قنبله ذرية
في كل ساحات العطاء متواجد

قايد في الدنيا على الجوية
وعند النبي وآل بيتة رائد

الخلد لمثال اللواء مبنية
ومجدهم يبقئ للامة خالد

#ردفان_الرقيمي

هـذا احمد الحمـزي صدوق النيه
كــف إنتصـارات الوطن والساعد

أَحـَــــــــد جهات السيد المعنيـه
في تـربية حلف اليهـــود الحـاقد

ما مات مـا دامت فعـاله حيـــــه
ما ميت إلأ المتخـاذل المتقــاعد

#الشاعر_جبر_المهدمي

فــــاز الشهيد الحي روحه حيه
وعـــــــــند ربي فالمقام الخالد

ذاك الأســـــد ذي سيرته رمزيه
مؤمن بربه فــــي سبيله صامد

قائد محـــــــنك للقوى الجويه
ارعب بني صهيون كمـن حاقد

حمزي من الحمزات صادق نيه
مااضــن عدبه بعد احمد واحد

#ابو_برق_الظرافي

من بريتنا وايضاً البحريّة
سلام برقة لاح واصدر راعد

يامدرسة فيها الولاء روحيّة
المجد نحوك صار راكع ساجد

طعفرت مش المعتدي والريّة
ياخير قايد مقدمي ومجاهد

بعدك كتايب والوية نوعيّة
مالان فيها كف ولا ساعد

#أبوعلي_البريهي

من يرفضون الذل والدونية
ثاروا على حلف اليهود البائد

صرخاتهم ودماؤهم ثورية
ذل اليمن والله ماهو وارد

على الولا مطيع وبطولية
ماكان متخلف ولا متقاعد

واليوم في جناته العلوية
فرحان مستبشر بمن بيجاهد

#علي_مغلي

سيغ القوافي وانضم المرثية
ياهاجسي وانت الحكم والشاهد

وانعي قيادة قوة الجوية
ذي لاحق الامياج واحد واحد

من موقعه دافع على البرية
والبحرية والشعب كانه صامد

مطيع فوق الكورة الارضية
لله سبحانه.. وذكره خالد

#ابومصطفى_الرضي

باقوالنا وابياتنا الشعرية
لازم نكثف جهدنا ونجاهد

نرسم مسار الوعي والحرية
ونشيد بدور قواتنا المتصاعد

حيا بقايد همته ثورية
جسد مفاهيم الشهيد القائد

نحو امتلاك القوة العصرية
مضى وربى جيل بعده صاعد

#أبوصخر_الجوحمي

نرسل تعازي صادقه معنيه
لاهله ولافراده وكل مجاهد

في فقد هامه شامخه نوعيه
فريد من نوعه محنك صامد

أسس لنا. قواتنا. الجويه
ودك حلف البغي ذاك الجاحد

قد خط بصمه خالده فعليه
تذكر مدى الاعوام شعبي شاهد

#ابوبدر_ذيبان

سلام يا نبض القوى الثوريه
رمز الاباء (الحمزي) النقي الرافد

قائد سمع كل الانــــــــام دويه
ساق الهلاك فوق الاعادي راعد

دوره عظيم ورايته علويه
ماطاع للذله ولا كان قاعد

(مطيع) حسيني والدماء زيديه
واختاره الله فالمقام الصاعد

#هادي_حسين_الرزامي

لعيال حمزه تعزيه وتحيه
والله يتقبل لوانا القايد

المجاراة بعنوان ذكرى استشهاد الامام الاعظم #زيد بن علي (عليهم السلام).

البداية #ماجد_رشدان

الثورة الثورة وأبوجبريل زيد
والكوفة الكوفة ظراوه واحتدام

اما مع آل البيت والذكر المجيد
والامع من خانوا البيت الحرام

اما مع زيد الشهيد ابن الشهيد
والامع ابن هشام ومعسكر هشام

نفس القضيه والهدف مابه جديد
حدد مصيرك والتحيه والسلام

#ابويوسف_القاري

والدم عاد الدم في نفس الوريد
يغلي ويتلظى وللثار انتقام

في قلب امه ترفض اقرارالعبيد
والذل والتفريط واللا اهتمام

أمه حباها الله بالباس الشديد
يمانيه ماهي كما اولاك القدام

تحمل سلاح الوعي وسلاح الحديد
وتعد وتجاهد مع الآل الكرام

#ضيف_الله_سلمان

معك معك ياصاحب القول السديد
ياسيدي لبيك في كل المهام..

(من وحي عاشوراء) و(وعده والوعيد)
نبقى على صدق الولا والالتزام..

باقدامنا دسنا على اسوا من (يزيد)
واسوا من (ابن ازياد) واسوا من (هشام)!!

والله لو معنا حدود مع (السويد)
ما استهدف القران اولاد الحرام..

#ابورواسي_أرحب

مادام والرحمن يفعل مايريد
وأرادته نحيئ مع العتره كرام

بزيد والقرآن وسلاح الحديد
مابيننا والأدعياء أي أنسجام

بالدم والأرواح من قبل القصيد
لبيك يانسل المضلل بالغمام

وعبدالملك من زيد في نفس الصعيد
(ولكل قومٍ هاد) مافيها كلام

شاعر الاحرار #ابوالعباس

ومنهج آل البيت يتولاه زيد
ويسير به في نصرة الباري إمام

وانصاره الي قادهم قايد مجيد
عبدالملك في كل شدة واحتدام

من حكمته لانت مسامير الحديد
واصبح لنا ف الكون هيبة واحترام

#زيد_الخراشي

كم قد بحثنا ماوجدنا قبر زيد
ابن الإمام ابن الإمام ابن الإمام

من سيرة ال البيت لازم نستفيد
نأثر على الذله مصاريع الكرام

قل الكنانه كيف قصة صلب زيد
وقصة إقدامه لتقبيل السهام

#فارس_المعزبي

تجسيد ثورة زيد في بذل المزيد
من التولي للعلــَـم خير الأنام..!!

والرفض للذل من قريب او من بعيد
والتضحيه وقت المهمات الجسام..!!

والامر بالمعروف والنهي الشديد
عن كل مُنكر .. والتواضع بالكلام..!!

وبالبصيرة والجهاد اعظم رصيد
نجدِّد المشوار من بعد الإمــام..!!

#ابو_برق_الظرافي

عاد الهدف نفس الهدف هذا اكيد
والمنهج المنهج بلا كثرة كلام

جهاد واستشهاد واحد في خديد
الحق ذي سارو به الآل العظام

مابانقف لحظه ولا يمكن نزيد
نمنح طغاة الأرض لو فرصة سلام

وزيد ذي غذا الملازم والعقيد
في ذا المسيرة كل جندي حر قام

#باسم_مساوى

زيدي وابي زيدي وفي منهاج زيد
ربيت واتربيت من سنّ الفطام

وشعب اليمن كلّه وليده والتليد
مع آل بيت المصطفى بلغوا المرام

واليوم في كل الشعابة والصعيد
يحيي شعاير صبرهم في كلّ عام

عن نهجكم يا آل النبي مابا نحيد
لو يحشدوا في حربنا كلّ الانام

#ابوضيف_الله_اللاحجي

ياكتب الـتـاريـخ أقـرى وأستفيد
تاريخ آل البيت عـآلـيـن الـمـقـام

الحاضر الماضي وتاريخة يـعـيـد
نفس الأسى والظلم نفس الانتقام

من(الوصي)و(السبط)لاتاريخ(زيـد)
الى(حسين البدر)لا(اخوه الهمام)

يزيد ف الماضي وف الحاضر يزيد
اعـــداء للامــــــة وللآل الــكــرام

#ابوشهيد_القطمي

الحق واضح و التولي اعلى رصيد
و النصر في نهج التولي و السلام

منهاجية زيد الإمام خطي الوحيد
وانا مع ابن البدر في خط الإمام

الحرب نفس الحرب و النار والوقيد
ضد الكرام با الإف والا با السهام

ذي قاتلوا الاطهار قد صاروا عبيد
للصهينة والشر و احفاد اللئام

#أحمد_الماوري

الله وليس الحلف يفعل ما يريد
وعروة الله مالها اي انفصام

سبحان من أحيا وسبحان المعيد
إمام يستشهد ويتقدم إمام

عن درب زيد ومنهجه ما بانحيد
لاما القيامة بأمر من ربي تقام

ببأس قاسي واستقامة من حديد
نهد عرش الطاغية من ارض سام

#علي_محمد_المحاقري

انـت السميع انت البصير انت الحميد
انت الـمـصـوّر والـمـهـيـمـن والـسـلام

يارب ثـبـتـنـا عـلـى الـنـهـج الـسـديـد
نـهـج الامـام ابـن الامــام ابـن الامــام

حـلـيـف نـهـج الله والـذِكـر الـمـجـيـد
ذي ما كره حر الـسـيـوف والالـتـحـام

من قال عنه المصطفى زيد الـشـهـيـد
يصلب على الكعبه على ايـدي الـلـئـام

جريح الحرب #رفيق_زرعان

نثور كالبركان متوقد وقيد
في خط ثورة زيد في الخط الامام

ونتبع ابن البدر والقول السديد
نتسلح الايمان والسيف الحسام

يا كل زيدي زيد في نهجه فريد
ما يقبل الا كل متفاني همام

يا زمرة التجويد هذا ما يفيد
الزيدية ما هيش ادغام وكلام

#ابومصطفى_الرضي

في نهج ثورة زيد بايعنا الحفيد
عبدالملك هذا الكريم ابن الكرام

ثرنا على امريكا والاذناب العبيد
وتحالف اسرائيل والاعرآب اللئام

من ارض صعدة شعشع الفجر الجديد
من بعدما خيم على الكوفة الظلام

وانصار ابو جبريل اولي البأس الشديد
عيونهم ع القدس والبيت الحرام

#الشاعر_زياد_زيـد

اقسـم بربي عن خطاهـم مانحيـد
في نـهـج آل البـيت نمضي للأمام

امـا مــع القرآن مخـرجنـا الـوحيـد
والا مــع سـلمـان والطاغي هشـام

وحاشا نفرط او نفكر في الخذلان
ولو يزحف العالم علينا بقواته

و بالصف والتوبه والانفال والفرقان
نواجه قوى الطاغوت ونشل قدراته

#ابوعماد_الزايدي

على منهجه نائبا المذله لاين كان
وهيهات منا الذل للغرب وطغاته

نواجه تحالف نجد وجيوش الامريكان
ولاهمنا في مجلس الأمن واماته

ومن ذالك المبدا ومن ذالك العنوان
نواصل مسيرتنا على نفس خطواته

#محمد_الحربي

له الحمد مولى الحمد والشكر والعرفان
هو اللي نصرنا في سبيله ومرضاته

حفظنا وايـــدنا على قوم الاسـتهجان
ودسنا على خشم التحالف وقواته

على درب ( زيد) الفارس الشاجع الطعان
بناء البدر مشروعه واسس مقراته

وثوره شرارتها ( لمت ) من جبل مران
مضامينها تحمل شعاره وراياته

مع الله نتحدا ونثبت في الميدان
ولوا يكشف ابن العاص للناس سوأتة

#فارس_المعزبي

لك الله ياساير على منهج الرحمـٰـن
وسيرة مَنْ انقذنا وبلَّغ رسالاتـه

وباقي على مازيد في كل موقف كان
مواصل بعون الله كامل مسيراتـه

ثباتك بهذا الضرف عن طاعتك بُرهان
أناخ المصاعب وامتطاها بميقاتـه

وأكَّــد لنا إننت زيدي رفيع الشــــان
مع( زيد) بالبندق وبالشعر وابياتــه

وبالقلب والقالَب وبـ(الروح والريحان)
مسلِّم لـ ابو جبريل .. فاهم إشاراتـه

#ابويوسف_القاري

وعادالحسين وزيد بالحق والفرقان
وقامت بهم للحق والدين ثوراته

مسيره جهاديه بدت من جبل مران
الى الوعد الاخر تتجه من مساراته

ولازيدي الا من تحرك في الميدان
يواجه قوى الطغيان باقوا عياراته

وذي ماوقف في وجه صهيووالامريكان
فلاتحسبه زيدي لواظهر عباداته

وفي زيده قدوه للرجاجيل والفرسان
ولاصادق الا من هتف يالثاراته

#عبدالله_الجرفي

دموع امة الإسلام من عينها شنان
على ماحصل للدين بعد انتكاساته

وفي ذمة التفريط والصمت والخذلان
(علي) وضّع اشقا الأشقيا فيه طعناته

ودم (الحسين) اروى ثرى الطف والكثبان
وبعد الإمام (زيد) اسبل الكون دمعاته

وكل السبب من يوم صلى الدعي سكران
متاهات والدين انحرف عن مساراته

ومن معطيات الوقت نستنتج البرهان
ونهج الولا واجب على الأمه اثباته

#ابوبدر_ذيبان

مع الله بانمضي على منهج القران
وطه وعترته ومن في ولايته

وبالقدوة الابطال رجال الله الشجعان
صدقنا العهود والجيش ظافر بقاداته

زيود المهج بعنا من الواحد المنان
عشقنا الشهاده مثلما زيد وثوراته

بغضنا الحياه واللي يحب الحياه غلطان
لان الخلود في طاعة الله وجناته

جهاد وبصيره حق لا ذل او خذلان
وباندحر الطغيان وجيشه والاتــه

#جلال_الغولي

مع الله وال البيت والذكر والقران
ركبنا الخطوب في يوم تنصيب راياته

ومن منهجيه زيد والظارب الطعان
عشقنا الاباء والتظحيه من بداياته

مع الله تاجر واعتلى قمه الايمان
ومن اجل دين الله قدم لها ذاته

فهولا لنا قادات في ساحة الميدان
ويافخر من كان ال طه قياداته

#الشاعر_فرحان_السلامي

مع زيـد نحـو اللـه نسجـد بكُـل احســان
عــزايــم قـويـــة تنطلــق بعــد شــلّاتـــه

صـواريــخ زيـديــة لهـا عنـــد ربـي شـان
بمنهـج معظــم شــرف الخلــق بـاثبـاتـــه

حفيد الوصي من يتبعـه يرضـي الرحمـن
كسـر هـامــة البـاطــل بـدينـه و عـاداتـــه

فــدائــي لـديــن اللــه بـالســر و الإعـــلان
و مهمـا حـرق فـالـديـن ثـابـت ببصمــاتــه

علىالمذهب الزيدي مضينا الجميع اخوان
نعظــم شعـائـر نهـــج عشنــا علــى ذاتــــه

#علي_بن_علي_مسرع

ومن طبق القرآن اذي جا من الرحمن
سوى زيد واتمعن هدى الله وآياته..

ومن غير زيد اعلن برائه من الشيطان
وخاض المعارك واسمع الكون صولاته.

#هادي_حسين_الرزامي

حليف الهدى ضحى بنفسه وبالإخوان
وبالأهل والأولاد صارخ بهيهاته

شعار الحسين بكربلا مختلف لوزان
ولكن في المعنى اتحد في اتجاهاته

ألا من أحب العيش يحيا بها مهتان
ذليلا أمام الظلم يخسر عباداته

خرج في سبيل الله إيمان بالقرآن
وواجه هشام وما ارتعد في ملاقاته

#الشاعر_ابو_صقر_شعلان

علا منهجية زيد بسم الله الرحمن
مضينا مع الباري بدربه وراياته

بيوم القلوب متنوعه والوجيه الوان
وخلف المذله يخفي الحلف سوئاته

هشام ابن مروان هو محمد ولد سلمان
وشعب اليمن هو زيد وبنفسه وذاته

وماصار في الماضي مع زيد صار الان
مع ابن اليمن ذي اثبت اليوم موالاته

#ابوكنعان_الروس

أمام الهدى والدين والجود والاحسان
وذروة سنام الدين تعلى بهاماته..

وسبط الوصي الكرار والشاجع الطعان
بنهجة ومشروعه سلكنا العز من ذاته..

وزيد الاباء الشامخ حفيد المصطفى العدنان
وتاريخ في الاسلام يحكي عن بطولاته

وقايد قدوة الاحرار هو الساس والاركان
وقايد ثورة الثوار حليف الذكر مصفاته

#ابوحـمـزه_الـمـقـاش.

مـع زيـد نـرقى كـل تـقـريـر واسـتـبيـان
مـع زيـد مـنـهـاج الـكـرامـآت وآيـاتـه

بـنـفس الـخـطاء نـمـضـي بتسليم واسـتـيـقـان
وفـرعـون هـالك بيـن عـجـات حـيـاتـه

المجاراة بعنوان (رسالة القوات البحرية اليمنية الى فراعنة العصر في واشنطن ولندن)!!

البداية #ابوصالح_العملسي

شعب اليمـن في هدى القران متوثق
قــولوا للــــنـدن زمان الــهـيـمنة ولى

من يدخل البحر الاحمر فيه بايغرق
كما غرق ذي طغى في الارض واستعلى

من بعد ما حــذر القايد وحق الحق
لا ما انتهى الحلف فعّلنا اليد الطولى

#ضيف_الله_سلمان

بالحق با ندمغ الباطل وبا يزهق
والحوت في البحر با يشبع من القتلى

وكلمة الله هي العليا (وَمَن أصدَقْ)
وكلمة الباطل الزاهق هي السفلى..!!

(فرعون) مهما حشد والله ما نقلق
واحنا كما قال (موسى) با نقل (كلا..)!!

#ياسين_الفروي

كم قد لنا في لقا الامريك نتشوق
واحنا بقتله وبالتنكيل به اولى

بايوصل البحر من دمّه الى المزرق
والقاع يشبع من اشلاءه ويتملى

على الفناء يرحبوا فيلق ورا فيلق
لاما الولايات تصبح كلها ثكلى

#احمد_درهم_المؤيد

هذا الذي قد وعدنا ربنا اتحقق
ماخيب الظن سبحانه ولا اتخلى

بصرخة الحق موج البحر باينشق
وبقوة الله لاح النصر واتجلى

عصاة (موسى)في البحر اصبحت زورق
وعاد (فرعون) لا صدق ولا صلى..!!

#سلطان_خضران

ماهمنا خلف عين الشمس لوحلق
كلا ولو غاص في قاع البحر كلا

بانمسكه بالرقب حقة وبالمخنق
نناوله كف باليمنى وبالشولا

ونغلق الباب فالمندب وتتغلق
غرَب على الغرب لاهولا ولا هولا

#الشاعر_أحمد_الخاشب

يا شوقنا للقا المحتوم في المفرق
لا "مَهْ" تثبّط عزايمنا ولا "مهلا"

في يوم تتصدع الدنيا وتتشقق..
وحرب لاما تضع من هولها الحبلى

(وإن يروا كل آية) ما اهتدوا للحق
وعاد الآيات با تظهر وتتجلّى

#ابو_شاكر_المضماري

تسليمنا والولا ياسيدي مطلق
احنا جنودك وانت السيد المولى

في بحر ميت وبحراحمر وبحر ازرق
نخوضها لعن ابو رجال يتخلى

والله ماتوقف امريكا مسار الحق
الحق الاعلى وكلمتها هي السفلى

تحرق وتغرق وتتفحم وتتمزق
والموج يبذل بها الشاطئ جثث واشلاء

#فارس_المعزبي

بحورنا تختلف عن حالها الاسبق
بفضل ربي وفضل السيد المولىٰ

من هول مافوقها من جيشنا تعرق
وترتجف من غياهبها الى الأعلىٰ

ماقد خُلق من يهاجمها ولن يُخلَق
ولـٰكن الغرب لا صَدَّقْ ولا صلـىٰ

#وضاح_الحميصي

مادام واحنا مع الجبار في خندق
يضل حجم القوى في الخانة السفلى

ولاسوى فيلق الله القوي فيلق
في عينة البحر الاحمر ماء وسط مقلى

طال الزمن او قصر بانرفع البيرق
كما رفعناه في الزاهر وفي يكلا

#سيف_حسن_العامري

من جاء لتمزيقنا لابد يتمزق
وفي لظى بحرنا والبر بايصلى

باذن من شق بحره بالعصاء واغلق
ان البوارج ومن فيها تعود اشلا

دام الله الحق وعده بايكون الحق
والبحر مثلي لحيدر عصره اتولى

#ابوعلي_القاسمي

حنت رعوده وبرّاق الخريف ابرق
ياشعبنا سبح اسم الخالق الأعلى

مادام والبحر مغلق والولاء مطلق
لله والآل عاد القادمات احلى

يجي من البحر يسري بر يتسلق
في كل الاحوال نتسلى بهم مسلى

بالله نمضي وبالقرآن نتخلق
واحلافهم ماتسير الا بما يُملى

ماشي قلق حربنا تخطيطها مسبق
وآل النبي ماشي احنج منهم واغلى

#زيد_الخراشي

ياصرخة اللهُ اكبر من حنق يحنق
وياخشوم البنادق واسي الثكلا

انصار ربي تقدم والحدث تنعق
والله ذي يصطفي والله ذي يبلى

#علي_الشاوش

با يفقــــد البحر الأحمر لونـــــه الأزرق
ويطابــــق اسمه بفعل الضربة النجـــلا

ذي لأجل موسى فرق بحره وشقه شَقْ
وخلَّد الحـــادثة عبــــرة لــــهم تُتلـــى

هو قايد المعركة ، والجيش قد نسَّــــق
وعدّْ ضِيفة فلا اهــــــلاً ولا ســــــــهلا

#محمد_إسماعيل_الرقيحي

قواتنا جاهزه من بأسها ينهق
فرعون لندن وواشنطن ومن والا

اسمع كلامي وشعري يا عدو وثق
في البحر الاحمر اكيد الحاسمه إلا

من عاش خبر بوارج والجثث تغرق
في اليم تشبع قروشه كنها حبلى

#الشاعر_عبدالحكيم_ابوهاشم

لأبـد نغــزي بفيلق يتبعه فيـلق
نطهر ارض اليمن الخطوه الأولى..!!

والجو طيـارنا في جوكم حلق
جاهز لقصف المواقع يذهل العقلى.!!

ومندب البحر حسب الوضع با يُغلق
وتشتـعل ثالثــــه والحـق يتجلى..!!

#براق_المنبهي

لليوم ياكم هزائم بس ماصدق
كل الحقائق بفضل الله تتجلى

ومن هزم جدهم في غزوة الخندق
بايغرق امريك والعدوان بايخلا

البحر لازال ذاك البحر بل واعمق
والموج يهتف لفرعون العصر أهلا

#أبوعلي_البريهي

قولوا للأبواق من ينبح ومن ينعق
قلنا هي الأمركة وأنتم تقولوا لا

واليوم أسطولها والجيش بحري شق
يا لعن أبو من صمت عنها أو أتولى

والعهد لك يا أباجبريل والموثق
مانخلف العهد أو نرضى أبد ذلا

أشر على اسطولها البحري وبايغرق
معك معك لاتراجع لو نصير أشلا

#ابوهادي_عقاب

هاتوا اساطيلكم والبارجات تلحق
مثلث الموت فالمندب يقل اهلا

قوات الامريك با تسحق وباتغرق
وقوة الله فالعدوان تتجلى

ورب موسى مع السيد فلا نقلق
وجيش الانصار فوق الكفر بايعلى

#الشاعر_ابوجهاد_صبر

ثلاث باقول (للأسطول) (والزورق)
والبارجه حق(ريشي سون) ذي ضلّا...!!

المجاراة عن عملية #طوفان_الاقصى وانهيار الكيان الصهيوني

البداية #ضيف_الله_سلمان

حصحص الحق والوعد الالهي تجلى
حلقت يابني صهيون من كل جانب ..

الف طوفان قادم يااليهود الاذلاء
شعب ياسين والقسام كله كتايب..

قال ناطق سرايا القدس الايام حُبلى
والعواقب وخيمة يا جيوش الارانب

الكيان انتهى جرحى واسرى وقتلى
والخيارات تاتي فالزمان المناسب..

#عباد_ابوحاتم

طير ابابيل بالجنحان في الجو علا
سطر اعظم ملاحم في سجل الحرايب

من ركام المنازل والمجازر والاشلاء
ثورت ثورة القسام و ام العجايب

الدماء غالية والقدس من دمنا اغلا
ما اخذ غصب لازم نرجعه بالغصايب

لعن ابو من خذل مسرى النبي او تخلا
عاد طوفان صنعاء بايشق السحايب

#أبويوسف_القاري

ارحلوا يابني صهيون ذلحين وإلا
جاكم الموت ماينجا من الموت هارب

عاد الاحرار غير اخوان نوره ونجلا
لايغروكم المتبطحين الثعالب

محور الحق ذي مايوم للغرب صلى
بايجيكم كما جاكم علي ابن طالب

يقلع الباب ياخذ ثار لعيون ثكلى
والوعيد اليماني بايجي بالمصايب

#أبورواسي_أرحب

الله أكبر وياحما على من تخلى
عن فلسطين والساكت عن الحق عايب

شبه كافر لو أستغفر وسبح وصلى
طالما ماأتخذ موقف مع الحق صايب

مايقف جانب الأقصى سوى من تولى
مالك الملك ومحمد ووالى أبن طالب

والمنافق منافق مامعه مخرج إلا
لادعئ داعي النصره لغزه يجاوب

#هادي_حسين_الرزامي

هكذا الحق والباطل ومهما تعلى
ينهزم تالي ايامه اذا الناس غاضب

هش واضعف من القشه اذا ماتخلى
صاحب الحق عن حقه يولي هرايب

الجهاد الجهاد وفيه للناس حلا
واصلي يافلسطين ألف طوفان واجب

كلنا القدس والأقصى ولا حد تخلى
دام وابن النبي فينا فلا شخص غايب

#أبوعساف

الله أكـبـر مـن أحـفاد الـخناازير وأعـلى
والله أعظم من أمرريكا ومن كل شارب

قـــوة الله تـتـجـلى فـــي آيـــات تـتـلى
مــن تـدبـر مـعـانيها وجـد قـول صـايب

حـدد الـمعركة مـعهم الأخـيرة والأولـى
عـالم الـغيب مـا يـعزب عـن الله عـازب

الـكـياان الـيـهوودي غـاب نـجمه وولـى
والـفرج آت يـا شـيعة عـلي إبـن طـالب

#الشاعر_عزيز_الردماني

عصر طاغوت اسرائيل والغرب ولا.
بعد طوفان الاقصى لا بقا لـي غاصب.

قل لبلفور وعد الله من فوقه اعلى.
جالك الموت يا ذي ما حسبت العواقب.

جيش مرحب تحول في دقايق إلى اشلا.
والحواجز تهاوت تحت طوفان غاضب.

والذي للنصارى واليهودي تولا.
غير ذي والوا الله والنبي وابن طالب

#ماجد_رشدان

انتهى عصر الاستسلام والقهر ولى
وابتدأ عصر الاسلام الذي كان غايب

محور القدس جنب القدس ماقد تخلى
مايساوم عليه الا منافق وعايب

لن نساوم بني صهيون حاشا وكلا
بانحارب ونبي جيل ثاير محارب

مثل مالمصطفي اذن بالاقصى وصلى
بانصلي في الاقصى ورى ابنه كتايب

#وضاح_الحميصي

لابقاء للنصــــــارى واليهود الاذلا
الذي مالهم في الارض سنه وصايب

اشعلوها عليهم يالرجال الاجلاء
واطبقوها من اقصى شرقها للمغارب

بانفذح ونبدع بالذي في المكلا
بعد مايأذن البـــــاري بتحرير مارب

#بندر_السقاف

الله الله به نبدا وبه نستهلئ
من يؤيد بتمكينه وهو من يعاقب

الله الله يااحرار الزمان الاجلئ
اشهد انهم اوهن من بيوت العناكب

طهروها من الارجاس عرضآ وطولئ
وابشرو بالمدد والعون في فرض واجب

واللقاءحيث ما كبر محمد وصلئ
بانصلي جماعه فيه ياكل راهب

#ابوليث_المحضار

ماضي الذل ياصهيون ولى و ولى
وابتدا عهد عزتنا على كل غاصب..

والمصايب خوافي عذقها قد تدلى
قاب قوسين وادنى باتشوف المصايب..

لانِدى الموت لاسرائيل بالصوت علّا
من شمال وجنوب وشرقها والمغارب..

مامعا النتنياهو لو توضى وصلى
عذر من وعد آخراهم ونصر المحارب..

#عزالدين_جحاف

قل لصيون وامريكا والاعراب كلا
صفقة القرن صفقة خاسرة ياثعالب

دام والقدس يبقى عندنا اعظم واغلى
لونحارب مشارقها عليه والمغارب

ألف لبيك ياطوفان الاقصى وأهلا
بالرجال النشامى كل طاعن وضارب

يافلسطين صبراً يافلسطين مهلا
حان يوم الخلاص والنصر والله غالب

#ضيف_الله_هجوان

لعنة الله على من لليهودي تولى
والف لعنه على اسرائيل ام المصايب

والذي عن فلسطين الابيه تخلى
سود الله وجهه من جميع الجوانب

ليش بعض الدول عن نصرة القدس كسلا
واذا لفاها اليهودي قادها بالشوارب

مرحبامرحبا بالموت واهلا وسهلا
دام الاقصى دعانا بانشب الحرايب

#فارس_المعزبي

عاد كل الجَمَل غايب ولا ظاهر إلَّا
اربعه صانتي منّه ولازال غايب

عادهم بايشوفوا كل صاحب تخلَّى
عنّهم وانفردنا وحدنا فـ الحرايب

نلتقى جانب المسجد وصرح المصلَّى
نشتبك و(المسافة صفر) أو مايقارب

يوم يتحقق التحرير (صدقاً وعدلا)
والتواريخ تسجد في رفوف المكاتب

#ابوطواف_الثابتي

هاج طوفان الاقصى وابن يامن ولى
اتضح بيته اوهن من خيوط العناكب

كل باطل مع الايام زائل ويبلى
يرجع الحق لهله دام بعده مطالب

با يدور الزمن باينقلب لسفل اعلى
با يعود المناسب في المكان المناسب

#الشاعر_علي_الغماري

المجاراة عن ( #فلسطين_قضية_الامة )

البداية #ضيف_الله_سلمان

اوّل قضايانا قضية فلسطين
والاولوية بين كل القضايا..

واحرار الامة كلهم مستعدين
يطهروها من كيان الخطايا..

على خطى القسام والشيخ ياسين
كل الكتايب جاهزة والسرايا..

من منطلق عزة ومن منطلق دين
والله ذي يعلم بصدق النوايا..

#أبوعساف_الدهمي

مــادام والأمــة بـعـيدة عــن الـدين
ســلــم عــلــى غــــزة ورد الـتـحـايا

والمسجد الأقصى عليه ألف ياسين
يـبـشـر بــقـوم مـــا تــهـاب الـمـنـايا

الـفتح قـادم والـنصر قـاب قـوسين
الـــوعــد وعـــــد الله رب الــبــرايـا

لــو أتـحـد كــل الـعـرب والـمسلمين
قـد كـان سووا في اليهوود السوايا

#عباد_ابوحاتم

بالقارعه و النصر و الفتح و التين
ما نترك الاقصى لحلف البغايا

ولجل غزه نقسم القرص نصين
ونقتحم معهم حياض المنايا

يا قبلة أنصار النبي الميامين
شوفي مكانش قبل رد التحايا

بين الهدب و الرمش في نيني العين
بين الخلا يا و المهج و الحنايا

#محمد_بلابل

النصر أقبل بارقه من فلسطين
قضية الأمة وخير القضايا

أحرار أمتنا تنادوا مضحين
للمسجد الأقصى سرايا سرايا

والله مانقبل بحلف الشياطين
يكونوا الجلاد واحنا الضحايا

كل اليمانيين جينا ملبين
بعد العلم بنخوض كل الرزايا

#بندر_السقاف

قولو لبنيامين واسحاق رابين
القدس همه حل بين الحنايا

لجله اعدينا الشهب والبراكين
ووقودها غيره جرت فالخلايا

يخسوبني صهيون يخسئ المريكين
يخسو اذلا لليهودي مطايا

السبت هوله ماهو الا عناوين
حامت عليهم حايمات المنايا

#يحيى_الوحيشي

هذي قضية جامعة للميامين..
واحرار الامة من جميع الزوايا..

ذا فرطوا فيها شوية ملاعين..
مافرطوا فيها رجال المنايا..

القدس وجهتنا وللقدس ماضين..
ما ضين ما نخشى صنوف البلايا..

محور مجاهد غايته يابن يامين..
يقتص منكم يا عيال البغايا..

#ابو سياف البيحاني

اي والله انها في عيون الملايين
واكبر قضيه همها في حشايا ..

قلوا لحكام الخليج الملاعين
يا ويلهم من حكم رب البرايا..

يا ويل من يكسب بقتل المساكين
كراسي السلطة ودم الضحايا ..

اليك يا الاقصى حنين المصلين
ارواحنا في نصر غزه هدايا..

#عزالدين_جحاف

على اليهود المعتدين الملاعين
كل البلايا المهلكة والرزايا

مافيه ذرة من عروبة ولادين
من باع فلسطين من أشر البرايا

يامن تصهين من خليج البعارين
ووالوا اسرائيل بنت البغايا

جاكم أولي البأس الشديد الميامين
جنود ربي مايهابوا المنايا

#ابوخالد_الطويل_الجهمي

من فيه نخوة ينصر القدس ذلحين
ما عاد هو وقت القمم والروايا

أبطال غزة ما يبوشي كراتيين
ولا قوافل تحمل أغلى هدايا

يبوا مواقف تنصر الحق والدين
من امت المليار لم القضايا

قالوا نقادات العرب مستعدين
وبايدن قال إنهم له مطايا

#سيف_حسن_العامري

الحين وقته يارجال الله الحين
للقدس نتوافد سرايا سرايا

تطهيرها منهم قده قاب قوسين
والمحور اتمترس بكل الزوايا

ماشي بقاء للصهينه غير شهرين
وشهر ثالث تصفيه للبقايا

والنصر بأذن الواحد الله نصرين
قطع الورم يمنع نمو الخلايا

#عبدالله_المسعدي

لبيك يامسرئ ختام النبيين
لبيك جينا مــن جميع الزوايا

حبك جرئ مجرئ الدماء في الشرايين
وفي كرياته ووسط الخلايا

راهن بنا ياقدس في العسر واللين
راهن بنا واحنا رجال المنايا

نشهق حمم حمراء ونزفـر براكين
والارض نمطرها عليهم شظايا

#فارس_المعزبي

لنا بـ(يوم القدس) عدة براهين
تعطي فلسطين الثقة والتحايا

والاولويه في جميع القوانين
وفي جميع افعالنا والحَكَايَا

افكارنا فيها تسطِّر دواويــن
ودعمنا المعروف ساير وجايــا

ماصابها نصبح بمثله مُصابين
حتى الزكام ان صابها والبلايا

#هادي_حسين_الرزامي

جهاد طول العمر ضد الصهايين
قولوا معي يامرحبا بالمنايا

على خطى الكرار بيمان ماضين
مابه تراجع من رصاص وشظايا

قل للمطبع نحو لاقصى مسرين
يحسب حسابه قبل يوم الخزايا

هذه قضيتنا عليها مضحين
وما سوى هذه تهون القضايا

#صالح_النقيب

ياقدس جينا للقضيه ملبين
فوق الطقوم الغبر ولا المطايا

انت القضيه في قلوب الملايين
وارواحنا واموالنا لك عطايا

في ماحصل ياقدس محنا براضين
قضيتك ياقدس فوق القضايا

باعوك ذي هم لليهودي موالين
وقدمو لجل الصداقه هدايا

#جلال_الغولي

اول قضيتنا قضيه فلسطين
واكبر هدف قد حل بين الحنايا

مسرى رسول الله ختم النبيين
واطهر بقاع الارض واقدس زوايا

تحريرها واجب في العرف والدين
ولجلها نركب ظهور المطايا

والله وعدنا نصر عزه وتمكين
واحنا جنود الله فيها سرايا

جريح الحرب #رفيق_زرعان

القدس تدفق دماء في الشرايين
وقطاع غزة ساكنه في الحنايا

للقدس نمشي فوق حد السكاكين
ونسقي اسرائيل كاس المنايا

ياقدسنا لاتبتئس يا احمر العين
لا خانك اعراب الخنا والرزايا

الله معك واحنا معك يافلسطين
والنصر من ربي أجل الهدايا

#ضيف_الله_هجوان

فزعه مع الاقصى بكل الميادين
الشكــــــر لك ياشعبنا والتحايا

يعمم:
لمن اراد المتابعة
اليكم رابط قناةالشاعر/
#فارس_المعزبي
على تلجرام
https://t.me/farisalmezby_al_yemen

عنوان المجاراة تحية للقوات البحرية

البداية #ضيف_الله_سلمان

بسم اليمن (امة ونهج وقايد)
نرفع تحايا العز والحرية..

الى رجال الله واحد واحد
سلام يا قواتنا البحرية..

#عباد_ابوحاتم

اقبل الكف القوي و الساعد
باسمي وباسم الساحة الشعرية

سدو طريق الشارده و الوارد
هزو كيان الدولة العبرية

#سلطان_خضران

يسلم ذراع البحريه والساعد
اهل الاياكي ما رمــوا صدريه

سجّاد واصحابه وكل مجاهد
فالبحر الاحمــر راكب الدوريـه

#ابوالمازن_عبدالله_الشريف

يا جيشنا يا فخرنا المتزايد
يا درع جسّد روحنا الثورية

بافعالكم يشمخ يمنّا الصامد
في بحرنا والجو والبريه

دقّوا عليه الصادره والوارد
حتى سقوط الدوله العبريه

#عبدالعزيز_الغرباني

بسم المسيرة والوطن والقايد
وبسم اصحاب النفوس الحية

أعظم تحية بسم كل مجاهد
للبحرية توصل لهم حصرية

#فارس_المعزبي

ونعم بكمِّن حيدري ومجاهد
يرمي على راس العدو صدريه

بالبحر الاحمر والعرب متواجد
يحاصر اسرائيل عن سُخريه

#عبدالله_الجرفي

شيّد رجال البحريه بالساعد
حيد، العرب في ضفته محميه

قراركم في سطح بقعا سايد
والدوله العظمى بكم مسميه

#أبويوسف_القاري

ماتضرب الاكل ضربه جامد
في الانحليزيه وفي العبريه

صفعوا نتنياهو وأذلوا بايد
ومدمراته صبحت سخريه

وصاريبحث له مع بن زايد
لخط تهريبي من البريه

واليوم نتحدا ابوه يعاند
أوامر البحريه القهريه

#ماجد_المطري

للبحريه في البحر الأحمر راعـد
ينسف كـيان الــــدوله العبـــريه

منه التهب ليل الصقيــــع البارد
والأرض رجِّت من مشاهد حيِّه

ونعم بصمَّـام الصمــود الخـــالد
محزم قيادة شعبنـــــــا الثوريه

#عبدالواسع_صايل_الغولي

وخفر السواحل ذي لهم بيساند
على امتداد البحر في البرية

الساطرات تركع لكم والوارد
لكم من الاعماق الف تحية

#سيف_حسن_العامري

البحريه عين اليمن والساعد
والموت الازول للقوى العبريه

اشتد بأس المنطلق والقاعد
بهم والاقصى عانق الحريه

#عابد_المدم

‏لله كن سجاد شاكر حامد..
معنا قيادة نادرة حصرية..

بقوته ما بايخلوا فاسد..
في الارض داسوا القوة الذرية..

#شداد_حُميد

بالبحريه نعتز والله شاهد
هدو كيان الدوله العبريه

وجودهم ب المعركه متواجد
مواقف العزة لهم حصريه

#رامي_السوداني

يا قبضة الشعب لأبي والساعد
ضرباتكم صوب السفن صدريه

هذا العدوا منكم يولي شارد
شاف الاوامر كلها قهرية

#محمد_ابوالعز

الى اليد الطولى رجال القايد
ازكى تحيه خالصه ثــــــوريه

سلام يا زنـد اليمن و السـاعد
في البريـه و الجـو و البحريه

#ابومالك_الكوماني

اول ثمارك يايمنّـا الصامد
قوة تسود حدودنا المائية

وخير من قدم للأمة شاهد
لهشاشة القوات الامريكية

#ابو_نواف_العرجلي

قطّو لصهيون الوريد الوارد
يوم اطلقوها ثابته صدرية

اختضّت امريكا بِعَصرَة ساعد
ما لَو تواجِه ( لنحنِت قسرية)

#علي_الشعيثي

اشعلتو البحر الطويل الراقد
ورعبتو الاعجام والعبريه

في مدحكم تركع حروف القاصد
ويسجدين ابياته الشعريه

#وسام_الحنش

من اليمن ياهل القرار السايد
اقوى تحيه صادره حصريه

اذهلتوا الكون الدني الفاسد
باقوى مواقف يالقوى البحريه

#الشاعر_ابو_صقر_شعلان

شعب اليمن لازال ثابت صامد
يرمي عـداه بالطلقه النحـــريه

وقوة الله صـــــــادره والوارد
والويل لاهـــل القوه السحريه

#عدنان_جحوح

تحية من عدنان محمد فايد
لابطالنا في القوة البحرية

بقلوبنا وعيوننا والساعد
حنا معاكم والهمم معلية

#ابوبدر_ذيبان

مثل المزون الساكبه والراعد
اغلا تحيه زاكيه عطريه

للبحريه ونشاطها المتصاعد
ضد العدو في ملحمه ثوريه

#هادي_حسين_الرزامي

ياالله تحفظ كل شخص مجاهد
في برها كانوا وفي بحريه

واحفظ لنا السيد وكل مساند
لابن النبي والعتره المرضيه

#ابو_محمد_دحان

يامن لكم طوفان الاقصى شاهد
ضرباتكم وافعالكم حصريه

شعب اليمن داعم لكم ومساند
يا فخر الامه يا قوى ثوريه

#الشاعر_ابوجهاد_صبر

من ارض مذحج لا بكيل وحاشد
سـلام  يـا اهـل  الـقـوه  البحريه

يـا زنّـدتي  يـا معصمي  والساعد
يـامحـزمـي  والـتـرس  والشبريه

#ضيف_الله_هجوان

كمن فتى في البحرالاحمر صامد
هـــزو كيان الدوله العبـــــــــريه

قطعــــو مصادر دخلها والـــوارد
لهم التحايا مننا جهــــــــــــــريه

#ذوالفقار_سفيان

النصر من رب السماء متزايد
والامركة من بأسنا مشويه

والبحر الأحمر بايظلي صائد
للصهينة حتى تجي محنيه

#رفيق_زرعان

يا طير في جو الحديدة فارد
لبحريتنا وصل البرقية

سلام وتحية لكل مجاهد
ثقافته في الحرب قرآنية

#ابوحمزه_المقاش.

شـعـب الـيـمـن واحـد وحـكـمـه سـايـد
ومـلـتـزم بـاقـوى عـرى الـسـريـه

يـا بـحـرنـا فـيـك الـولاء للـقـايـد
والـويـل لـجـيـوش الـردى الـعـبـريـه!!"

#أبوصخر_الجوحمي

منا ومن شعب الاباء والقايد
كل التحيه صادقه. معنيه

للبحريه تهدى لهم. متزايد
من حاصروا صهيون والكفريه

المجاراة بعنوان رسالة تحذير للمريكي واذياله المتحالفين معه.

البداية #عباد_ابوحاتم

‏قل للمريكي والبريطاني
من ارضنا لابد ما يرحل

يرحل بهذا الوجه او الثاني
بحسب ما السيد قد اتفضل

ولا وقع له يوم عياني
يجعل موازين القوى تختل

يسمع به القاصي مع الداني
والارض واملاك السماء تشتل

#ضيف_الله_سلمان

مشروعنا مشروع قراني
واحنا على القهار نتوكل

في ظل قائم حق رباني
زلزل قوى امريكا ولا اتزلزل

من هدي (طه) و(ال عمراني)
علم هدى لا قال با يفعل..

قرآني الاهداف ميداني
ويعرف ايش المشكله والحل..

#أبورواسي_أرحب

الشعب كله روس صيفاني
سم العدا ماضي ومستقبل

مازال من همدان همداني
يمن وذي مايعرفه يسئل

بايلقف أمريكا دخيلاني
هي فاشله والحلف بايفشل

وعلئ يديه الصهينه فاني
بالقصف وإلا جف بالشيول

#عبدالله_الجرفي

يوم اتخذنا مواقف انساني
بالهندراب المندب اتقفل

واليوم صوت الحق ناداني
حيى خير العمل وافضل

الشل ياحمران الاعياني
بالحنبيه والسوط والجرمل

طعفر جماجم واجلد الزاني
ودوس ذيل الكلب يتعدل

#فارس_المعزبي

(واشنطن) المسئول والجاني
وخلف مَن يُقتُل ومَن يُقتَل

و(موسكو) بعد المريكاني
والثالثه لندن في الجدول

يحاولـوا منعـي وحرمانـي
من وقفتي بالمتـرس الاول

والحرب والطوفان طوفاني
قولوا لهم والله ماتحتل

#الشاعرفرحان_السلامي

توجيهنــــا تـوجيــه إيمـانـــي
قـولـو لأمـريكـا و مـن يجهـل

ما نرتهب من حلف شيطانـي
نيــراننــا باكبـــادهُــم تشعــل

و المـوت مترصد لهُم عـانــي
من يقترب با يشرب الحنظل

قـال اليمـن مـاحـد تحـدانــي
و انـا جحيـم الغـازي المحتـل

#ابوالمازن_الشريف

هذا اليمن يا كل شيطاني
ارضه مقابر تبلع المحتل

تحذيرنا من أي عدواني
ما فادكم عدوانكم لول

في بحرنا الميدان ميداني
والله ناصر من به اتوكل

#ابوهادي_عقاب

قالوا تحالف ضدنا ثاني
غيرالذي قدكان من اول

تحالف يهودي ونصراني
والحلف الاول خاب واتبهذل

ونقلهم ذا شعب الايماني
مقابر الغازين ما يحتل

لويحشدوا بالانس والجاني
فالبر والا البحر باتفشل

#ابوحمزه_المقاش

الـنـصـر والـتـوفـيـق ربـآنـي
هـو من تـكـرم لـنـا بـ الـحـل

جـر الـقـلـم بـ اعـذب الـحـانـي
لـعـل للـقـدس بـا يـوصـل

تـحـالف الامـركـه فـآنـي
بـا نـخـبـره قـبـل مـا يـحـصـل

الـبـحـر يـقـذف على الـجـانـي
حـمـم لـهـب نـار مـا تـفـصـل

لا عـاش من هـو تـحـدانـي
وانـا يـمـانـي بـهـم نـكـل!!!"

#الشاعر_عبدالقدوس_الصباحي

بانطحن البنيان والباني
في يوم مهما عننا طول

لن يسكت المجني علئ الجاني
والحر حكم الذل مايقبل

رب السماء نبّه ووصاني
ابذل وهو بالنصر يتكفل

في ظل قائد حر حقاني
اذا نوئ يوصل لهم يوصل

#ابومالك_الكوماني

لو حالفوه الانس والجاني
وتقدموا جحفل وراء جحفل

فعـدتي باللّـه ورهـاني
هو ذي وعد بالنصر وتكفل

فلا قلق ياشعب الايماني
باندعس العدوان بالصندل

المجد باقي والعمر فاني
ومن رضي عيش المهانه ذل

#مقبل_جرام

قولوا لها ان النهج قرآني
وسيدي لاقالها يفعل

ترحل رضى او بالغصيباني
بحر اليمن للخصم موت ازول

والله لا قد شبّ بركاني
لا يقتلب ذي علوها منزل

واشبع من المارنز حيتاني
واجعل موازين القوى تختل

#ابوكنعان_الروس

حيا بمن قد تحداني
للبحر قل للعداء يوصل

للمندب اليوم يلقاني
ملعون من ذل وتخلل

الله للقوة اعطاني
في ضل قايد علم مرسل

ومن هدى أسقاني
عذب اليقين صافي المنهل

#عبدالعزيز_الغرباني

ياكل مثلي وشيطاني
ومن في الباطل استفحل

وكل ملحد وعلماني
واذيالكم كل شاذ اخبل

شعب اليمن عبر الازماني
ولاخضع يوم للمحتل

تحالف الامركة فاني
عليك يالله نتوكل

#ناجي_القطيبي

العالم الغربي هو الجاني
ماكان له شي حق يدخّل

والله لايخرج غصيباني
لايركن ان الوضع مثل اول

لوقد يثور اليوم بركاني
باياكلوه اهل اليمن ماكل

ومن جهلني قل له القاني
وبعدها لاحد يدوّر حل

#الشاعر_ابوجهاد_صبر

تحذيرنا تحذير برهاني
مابعده إلا الكفر يتنكّل

يسمع به القاصي معا الداني
شعب اليمن لاقال با يفعل

انا يماني حر قحطاني
ما اقّبل الغازي ولا المحتل

والمرجله والعز عنواني
عند النوايب صفي الاول

#علي_مغلي

‏من منطلق ديني وايماني
لابد ما يرحل ويترحل

لوبا نجي بالثاني الثاني
ومن قتل فالمعركة يقتل

منهاجنا منهاج رباني
والتضحية مشروعنا الاول

كمن يماني حر متفاني
كم مرغ الغربي وكم زلزل

#الشاعر_عبدالحكيم_ابوهاشم

احنا هل الحكمه والأيماني
تاريخنـا لا زال يتســجّل..!!

القادم اعظم ايها الجاني
بفضل رب الكون والمنهل..!!

وفضل قايد نسل عدناني
بني لحاضـرنا ومستقبل..!!

في نصرته للحق متفاني
اذا دخل للحرب ما يفشل..!!

#علي_الشعيثي

لا تدخلوا ياحلف شيطاني
في حرب ماتطفاء ولاتكمل

اسئل علينا حلف عثماني
كم حصلوا مقتل وراى مقتل

عبدالملك من نسل عدناني
اشماطلبنا نفعله نفعل

وكل صهيوني ونصراني
في حبس لامخرج ولامدخل

#الشاعر_ابو_صقر_شعلان

#مكرر

شكِّلوا  للمعركـه  ربعـي  وقومي
جيش رسمي تحت منظور القياده

كُلّنا  نفهـم  ونعرف  كيف  نرمـي
واسلحتنا  فوقنا  والحرب  عـاده

لا صَفَالِي عيش من تأريخ يومي
إن تراجعت الوراء  دون  السياده

#فارس_المعزبي
https://t.me/farisalmezby_al_yemen

لو نحسُب امريكا وتضخيم اسمها
واخبارهــا والهنجمـه والعنجهــه

ما البحـر يعطينـا خـرايط رسمهـا
وكل ليلــه نقتحمهــا مــن جــهـه

لا معركـه خاضت ونالت حسمها
ولا سفـن فــي ظلهــا متوجـهـه

يا ادوَع وراكن في ضخامة جسمها
ضخامة الفيل اركنة جيش ابرهـه

#فارس_المعزبي
https://t.me/farisalmezby_al_yemen

المجاراة بعنوان الذكرى السنوية الأولى لرحيل الشاعر المجاهد #رياض_علي_ناصر_الصايدي رحمة الله تغشاه واسكنه فسيح جناته.

البداية #أبورواسي_أرحب

عز الله إن الصايدي حي مامات
لكنها زادت سنه في حياته

شهورها قيفان وأيامها أبيات
أحيى بها ذات القصايد وذاته

وشعرنا لليوم والأمس ذي فات
مازال كله وحي من مفرداته

#نشوان_الغولي

ذكرى حياته باقية كل الاوقات.
ما فارقتنا غير ذكرى وفاته.

جعلت له فالقلب موعد و ميقات.
أحيا معه و اعيش في ذكرياته.

ما زالت ابياته تراتيل و آيات.
و ابداعنا لا زال من منجزاته.

#وضاح_الحميصي

الموت سنه من الآه السماوات
ومامعى الميت سوى ذكرياته

والصايدي كلمات غير اي كلمات
شاعر مع الباري وله مكرماته

صريح وجه لوجه من ذات لاذات
وفي من اول يوم حتى وفاته

#الشاعر_عبدالرقيب_الـوجيه (أبو جمال)

شاعر وفارس في جميع المهمات
بصمة مجاهد خلدت ذكريــاتــه

يشهد له الميدان وأبيــاته إثبات
مسك القوافي والأدب في رفاته

الصايدي جسَّد مفاهيـم هيهـات
فخر الأدب من هامته لا حفاتــه

#عبدالرحمن_الريامي

رياض موسى الشعر عند المهمات
بحر القريحة ينفلق من عصاته

كل القصايد تنحني والكتابات
قبل الوفاه ويوم ذكرى وفاته

شاعر بطل سوا بشعره بطولات
واحيا ممات الشعر واحيا مماته

#ابوهكام_الحشيشي

ياوجد حالي وجد الاحيا والاموات
وجد الذي في الحشر ضيع صلاته

على الذي فرقاه تنعيه الاصوات
والشعر بعده مات واعلن وفاته

فالبال ذكره الف واربع ماىة وات
الصايدي لاشتقته ادخل قناته

#عباد_ابوحاتم

‏مرت سنه ونات واحزان واهات
على الفتى ذي ماحد١ في صفاته

اعز صاحب بين الأحياء والأموات
المرجلة والطيب من معطياته

انا فقدت الصايدي زود بالذات
الله يصبرني و يرحم رفاته

#الحمزة_المغربي

سيرة #رياض_الصايدي قول واثبات
في القافيــة والحرب ما اعظم ثباتــه

كـتـب هو الله الــمــسـدد وقــد بــات
صـدق الثــقــة بالله يــشـرح صـفــاتـه

يا الله تجعـــل مسكــنــه خير جــنـّات
جــنــب النبـي وآلــه سفينــة نجـاتـــه.

ـ ‎#محمود_الجنيد

‏شاعر حروفه هزّت ام الولايات
وحطمت كيد العدو وامنياته

شاعر يقول الشعر من وحي آيات
ماهو من اللي يمدح اليوم ذاته

"رياض" ما با ننصفه بالمجارات
افعاله العظمى تجسد صفاته..

#زيد_الخراشي

ماعادها من بعد صايد سلامات
خلي سراح الشعر ياذكرياته

تطيح في راس المهم المهات
الضعف فسليمان او في عصاته

لكن رياض الصايدي حي مامات
من صبره اتعلم ومن تضحياته

#ردفان_الرقيمي

أجمـل بنـــات الفكـر صارت يتيمات
مِن بعدما قد مــات أبـــوهن بــذاته

ما مات مَن وَرّث وَلَا الصـايدي مات
لا زالـهــا كل القصـــــــــــــايد بنـاته

(رياض) موسى الشِعر والإبتسامات
إذا تـــــوفّى ما تــــــوفّت عصــــاته

#ابوعايض_ناصر_الصايدي

#هو_الله ذي خصه بكل الكرامات
واحـد تقدس في سموه و ذاته

والموت سنه لكن رياض ما مات
لانه وهب روح الشعر من حياته

تبقى القوافي شاهده له والأبيات
والحرف يشهد والحبر في دواته

نستودع الله كل الاحياء والأموات
ورياض يالله تغفر لـ سيئاته.

#أبوعلي_عبدالله_القاسمي

الصايدي مامات والواقع إثبات
إنه جبل ماقد تزلزل ثباته

مغارس الطيبه لها موسم إنبات
ورياض في كل المواسم نباته

ثابت" ومن سرّى على الكبرياء بات
ون نام " موروثه يقظ في سباته

#ماجد_رشدان

الصايدي قلب القوافي والابيات
في محور الاحرار ومقاوماته

يسري مع اسراب المسير على ايلات
ومع سرايا القدس ومجنحات

حي الضمير الحي في عصر الاموات
موته على دينه ظمانه حياته

الصايدي منهل وفاء عذب وفرات
واعذب مواريد القصيد وفراته

#الشاعر_محمد_الصايدي

رياض ماغادر وهو داخل الـذات
اروى عروق الشعب من مفرداتـه

خـذاه مـنـا الله رب الـسـمـاوات
في شهـر كله خيـر كانـت وفاتـه

نقرا الى روحـه من الذكـر ايـات
لعـلـهـا تصبـح سبـب في نجـاتـه

يـارب سـآلك تبـدلـه كل مـافـات
رحمـة وتـتجـاوز علـى سـيئـاتـه

#جميل_الكامل

حب الفتى في الله ينفخ بمن مات
روح الأخوة يخلقه من رفاته

وِيْرَجِّعَ اللي عاش واحد لِمِيئَآت
آلاف من يتوحدوا في صفاته

وِرْيَاض صوته قد تفرقد لِأَصوات
واترسخت في كل عازم سماته

#فارس_المعزبي

الصايـدي لازال فينــــا وسامات
ومعنـويــه ثابتـــه مــــن ثباتـــه

مامات واسمه في جميع المقامات
ان قلـت عنّـه مـات ينفي مماتـه

انا اشهد انه كان مسك الختامات
الشعـر يتصبَّب عسل من شفاته

#مانع_البوساني

للصايدي بيرق رجوله ورايات
وفخر من جودِه ومن معطياته

صدَّر مدا تاريخه اكبر بطولات
والدهر بثِِّه واختزن في قناته

شاعر وشعرِه شِعر وابياته ابيات
حقَّق بهن قصدِه وكل امنياته

#صالح_النقيب

الصايدي من صانعين المرورات
دون دروب المرجله في صفاته

هو حي ذكره في جميع المهمات
وهاجس اشعاره تبين ثباته

له شعر بالستي يصيب البعيدات
باقي منص أطلقها من رفاته

#حمزة_الحيمي

المجاراة ‏عن الجوله الرابعه من التصعيد

البداية ‎#ضيف_الله_سلمان

الشعب لك ياسيدي سلّم وفوّض
وقالها صورة وصوت..

والبحر الاحمر فوّضك والبحر الابيض
وبايدن قد بايموت ..!!

ـ ‎#احمد_درهم_المؤيد

تخلت الأمة عن المشهد وعوّض
بقوم ماترضى السكوت

شعب اليمن بايحمل الراية وينهض
وبايشوت الكفر شوت

ـ ‎#عبدالباري_عبيد

البحر (الاحمر) بالمنايا السود مكتظ
واطفال غزة دون قوت

من اجلهم بانمخر(الهندي)ونمخض
ونرجع (الابيض) خبوت

#بسام_شانع

تفويض مطلق من مفوض لامفوض
من مستبا لا حضرموت

بعدالبيان الأطلسي فتش وغمض
ولالقي في البحر حوت

#أبورواسي_أرحب

جالوت أمريكا علئ أيدينا تروض
والسبت فاق من السبوت

وجاهل الأحداث يتهجا ويحفظ
مافي صحيفة أحرنوت

#محمد_مفلح

فرصه ويا من هو ابن البدر ينهض
يكفيه جلسه في البيوت

على بني صهيون حكم الله يفرض
من كان صهيوني يموت

#عزيز_الردماني

عدونا اسرائيل لكن من تعرض.
مع العدو شتناه شوت.

ومن مرض من أجل اسرائيل يمرض.
يهل المفطح والبشوت.

#ابوناجع_المنبهي

التضحيه لاهي مع ربي تعوض
لانترك الفرصه تفوت

محنا من اللي ينضر الباطل وغمض
الذل يكمن في السكوت

#الشاعر_نضال_حُميد

عذاب من ربي على امريكا مغلّظ
ولاسفينه باتفوت

أرسل عليها الله طوفانه وقيض
طوفان ابو زنه وكوت

#صالح_النقيب

الرابعه ياويل فيها من تعرض
ولا لمس بين الشروت

دام السمك فلبحر البيض ذيتبركض
هي صيد والصياد حوت

#أبوعساف

أمامنا يا شعب فرصة لا تعوض
نهد بيت العنكبوت

نحرر بلاد العرب بالطول والعرض
من قدسنا لا حضرموت

#فارس_المعزبي

ياويل مجرم كذَّب الآيات واعرَض
عنها على رغـم الثبــوت

الرابعـه فيها من الحُكم المغلّض
عن واقعـة هـدم البيوت

#عبدالحكيم_مسعد_النمري

افرض قرارك لاسواك اليوم يفرض
لك يصغي العالم .. صمووت

رض السفن رض البوارج رضها رض
حظر الملاحة حظرموت

#ابواياد_المطري

البحر الابيض بالبشاير قد تمخّض
كل السفن مابا تفوت

ونهاية اللوبي وبئس العيش والحظ
في يدنا مثل الرموت

#ابوالكرار_المجنحي

الفلم حامض والعزايم عادها احمض
فرصه ولا يمكن تفوت

نخوضها في صف ذي برك وروض
اقسى الشدايد بالرموت

#الشاعر_ابوجهاد_صبر

الـحـرب هـاذا اليـوم باتِطّول وتعرض
ماعاد لأمريكا وقوت

من سيف عزرائيل ذي يقطع ويقبض
قولوا لها مابا تفوت

#الشاعر_بدر_الكهالي

المـوت لأمريــكا وإسرائيل يدحض
ويشوتها فالبحر شوت

نهايتك حانت وبايدينا ستقبض
ولا نجونا إن نجوت

#اكرم_النيعاني_ابونبيل

ياسيدي في نهجك العالم تروض
وفاق من نوم السبوت

انت الوحيد فوق العداء من ثاروانقض
وغيرك اذعن بالصموت

#محمد_البريهي

من بعد ما الموساد عالإسلام حرض
وحرك العالم ريموت

الله بك ياسيدي للدين عوض
لما رأى الأمة تموت

#ذوالفقار_سفيان

على غمار الحرب قد شعبي مروَّض
ثبوت فالساحه ثبوت

نحب قايدنا ولاسرائيل نبغض
فرصه ولا يمكن تفوت

#الشاعر_ابوعيسى_دهقم

الشعب ياهول الحروب اصبح مرَوّض
يستقبل امريكا بموت

والحلف لاماقد قـِـنع عاده معــوّض
يبشر نفجـّر فرط صوت

#ابتسام_شرف_المحطوري

قل للذي طبع تولاهم وأعرض
يكفي تخفي فالبيوت..

لاعاصم اليوم أمر أرشدنا وأفرض
ذي نقوله في القنوت

#جميل_ابوقاسم

الشعب عينه للسفن مايوم غمض
وانجت غمتناها غموت

وحربنا معا الذي قتل وحرض
من الفرص ذي ماتفوت

المجاراة بعنوان نعمة القيادة القرآنية والمسيرة والصورة الحقيقية للمرتزقه العملاء.

البداية #أبويوسف_القاري

لوما الله أهدا لنا بالسيد القايد
ان اليمن كلها جاسوس في جاسوس

وكان عفاش طبع قبل بن زايد
ولابقي لليمن عزه ولاناموس

وفي خلايا نتنياهو وجوبايد
شاهدعلى شرعية بيع الوطن بفلوس

#ضيف_الله_سلمان

والحمد لله فينا الوعي متزايد
وكل الاحداث تعطينا عبر ودروس..

بالوعي شعب اليمن في موقفه رايد
وكل هذا بفضل الواحد القدوس

ولا سوى الله رد الكيد للكايد
وبيّن الامركة واذنابها والروس..!!

#محمد_هزاع_البهلولي

والحمد لله وفّق .. شعبنا الصامد
باعظم قيادة .. في التاريخ والقاموس

وشعب مؤمن بوعد الله .. ومجاهد
وكل من خان- تحت اقدامهم مدعوس

وجهاز أمني قوي جاهز ومتواجد
في كل جبهه تشوف انجازهم ملموس.

#جميل_الكامل

والحمد لله ما منا ولا واحد
الا وحب القيادة في دمه مغروس

والكل شاكر لنعمة ربنا حامد
والشكر حارس مناوب كم فضح مدسوس

مهما نخر في المسيرة والهدى حاقد
مدماكها من الحديد الصلب ضد السوس

#محمد_مفلح

لا يستوي قايم ال البيت والقاعد
ولا المجاهد ومن طبّع مع عاموس

ومن الجواسيس لا تخرج ولا واحد
بقلوبهم عاد عجل السامري مغروس

ما عارض السيد الا اللص والفاسد
والنذل ما بايعيش الا وهو مدعوس

#فارس_المعزبي

صهيون والمرتزق والامركه واحـــد
متساويين الهدف والفكر والمدروس

أفرادهم وسط خندق بالدم البـارد
يحاربونـا وفينـــا فاهم المطمـوس

الحمدللــه حمـــد الراكع الساجــد
أوهَب لنا بدر واوهَب غيرنا فانوس

#ماجد_المطري

يابايــــع الارض بالــمــــردود والعــــٕايد
ياخاين القدس حظك ف اليمن منكوس

حـــــــــذركم الشعب هو والسيد القايد
والقول واضـــــح ومايحتاح للقاموس

قلـــو لابـــو راس يبـــــرا من خدم زايد
ماشـــي فبه راس يقطع للخيانه روس

#ابو_غسان_الحدي

بالحس الامني وباستشعارنا الزايد.
بكل محسوس حسينا ولا محسوس.

وبالبصيره لنا أحداق بتشاهد.
وترى وتبصر وتقرى الخافي المطموس.

والكيد عايد لنحر اللي بنا كايد.
ياوعد بلفور لا تركن على دافوس.

#ابوالكرار_المجنحي

الحمد لك حمد ما يلجح صدى الراعد
على حياة الشرف والعز والناموس

رغمآ على انف الاعداء واحدآ واحد
والمرتزق والعميل النذل والمدسوس

دسنا على الحقد والأحقاد والفاسد
ولجل صون الشرف لو ما بقي طربوس

#ابوكنعان_الروس

المن والفضل والاجلال والعايد
لله ثم العلم والمؤمن النقروس

ودم الأحرام صمام الامان سايد
وفوز ساحق نصل به جنة الفردوس

مؤمن مع الله لا طبع ولا حايد
والنصر شعشع ببارق من بلاد الروس

#ابوبدر_ذيبان

الحمد لله ياالشعب القوي السايد
على جميع المنافذ فالبحار بندوس

وعيون يقضا بترصد كل متمايد
وكل ذيل تحت اقدام الاباء مدعوس

مع فلسطين يا شعب اليمن رايد
مواقف العز والايمان والناموس

#أبوحسين_العصري

يا طارق النذل طارت غلة العايد
من غد جهّز جوازك يختمه عاموس

أقل شي يا منافق يا دني حايد
و اجلس في البيت شاهد مارد الفانوس

شعبي عن القدس وأهله ف الوغى ذايد
وانتو مع الكفر ذا خادم و ذا مرؤوس

#ابوحيدر_الراشدي

اليـــوم شعب (اليمن) قد اصبح الرايد
على جميع الدول متصـــــدر القاموس

بفضل ربي وفضــــل القـــــــايد الزاهد
ذي شع نوره وغطى شعلـــــة الفانوس

احنا مع (الله) و (ابن البــــدر) بنجاهد
وهم مع امريكـk تحلبهم كما الجاموس

#أبوصياد_الغمري

الفضل لله ولك ياسيدي عايد
علّمت شعب اليمن أغلا واعز ادروس

أصبح لنا في المسيرة عز وشهايد
صرنا بعين اليهود الموت والكابوس

وشعبنا ناصر الاقصى ولاحايد
واليوم يشمخ براسه فوق كل الروس

#همدان_حجي

صيت المسيرة وصيت اصحابها سايد
يسابق الريح يرفع روس يحني روس

ترفع رؤس اليماني هيبة القايد
تحني رؤس المطبّع تقهر اللسلوس

الأمركة صيد والشعب الأبي صايد
والمرتزق والمنافق منكسر منحوس

#جميل_ابوقاسم

الله هو الحق ما جامل ولاحايد
ولاستركل خاين بيننا مدسوس

الامر لله والأرواح له عايد
هو العزيز ذي يعزا نفوس وذل نفوس

هو ايد الحق وخذل كيدمن كايد
وهو جعل شعبنا على اليهود كابوس

#صالح_النقيب

قلنا لهم فاتحين الباب للعايد
ولا رضيو وذلحينه في الكربوس

طبع الردي مايشوف الموقف السايد
ولا يرى العز منهو بلحذي مدعوس

مصايد الذل ماتوي عشا الصايد
والمصيده صيدها صيادها المنحوس

#الشاعر_متاش

بالله وحده وقف شعب اليمن صامد
وبالنبي وآل بيته داس الاعداء دوس

وافشل خططهم بفضل القاهر الواحد
حتى رجع حلفهم في حربنا منكوس

والجيش والأمن بالمرصاد والراصد
لكل خائن عميل ومرتزق مدسوس

#ابو_صماد_الفليتي

بفضل رب السماء والقائد الصاعد
دسنا على الطاغية والخاين الجاسوس

نفشل مشاريع حلف إبليس والكايد
واذيال أمريكية وانظامها المدسوس

احنا أولو بأس والإيـّمان متزايد
فينا وفي شعـبنا والعز والناموس

https://t.me/Poetsanalogous

المجاراة عن (يمن الايمان والحكمة والجهاد )

البداية #ضيف_الله_سلمان

يايمن في شموخه ما انحنى للعواصف
في سماه التقت امة ونهج وقيادة..

صرخته في السماء راصد ويافا وقاصف
جسدت قوة الموقف وصدق الارادة

#محمد_الاخرم

شعب حطم قوى أمريكا وهز التحالف
شعب ينبض إباء وشموخ فخر وسيادة

شعب كرار يأبئ العيش مثل الخوالف
دربة النــــصر للإســــلام ولا الشهادة

#أحمد_درهم

(لو عقول اليمانيين داخل مغارف)
والعبارة لصاحبها وفيها إفادة

ما حكم شعبنا مدعوس خاين وخايف
مهد الايمان تاريخه جهاد وسيادة

#فارس_المعزبي

اليمن لـ اهل غزة" بالقضية مِناصِف
خاذ رغم العراقل والضروف الرياده

عاد (يافا) لـ آلاف الجثث باتراصف
والمراحل طويلـه" والقليلـه زياده

#أمين_العملسي

عزك الله عز اهل التقا والمعارف
ياوطن به تربا عاشقين الشهاده

في رضا الله ماخفنا جميع المخاوف
باالاراده ثبت من حيث ماالله اراده

#أبورواسي_أرحب

الكرامه عقيده والرجوله مواقف
والولاء والبراء ذروة سنام العباده

معشر أنصار طه حازمين الطوارف
لعنبوا من يفرط في سيادة بلاده

حاملات العدئ تفتح جهازالتعارف
وإن ماشي تجهز نفسها للولاده

#عماد_العملسي

باالتولي وبرجالك حماة الطوارف
انطوت فكرة امريكا لفرض السيادة

في ذراك احتمى من كان باالامس خايف
واصبح اليوم يسعى لستعادة بلادة

#ابوناجع_المنبهي

لك مواقف عظيمه اعجزة كل واصف
وانت من جسد الحكمه وعشق الشهاده

فيك الايمان دافع والحميه قواصف
والشجاعه في الجينات والجود عاده

#محمد_مفلح

اليمن من زمن عمار لا عصر قاصف
شعب فيه الفدا ميزه والإقدام عاده

لال طه وفاهم ما يجاريه واصف
من زمن حيدره لليوم والال قاده

#الشاعر_نضال_حُميد

ذي هزم قوة الباطل وجيش التحالف
مايبالي بأمريكا وحرب الإباده

كل أاااافه نواجهه بعدة أوايف
والف لعنه على خاين وبايع بلاده

#الشاعر_امين_الحارثي

سيدالقول (ميزان الرجال المواقف)
والشهاده شرف والقتل للحر عاده

عهد لك يابن بدر الدين فوق المصاحف
كلنا تحت امرك نصر والا شهاده

#مانع_البوساني

ايش اقول فاليمن وايش المواصف يواصف
السعيده بلاد الهنجمه والسعاده

لو شرح هاجسي طول العُمِر ما يناصف
شرحها .. ساحة امجاد العرب والرياده

#الشاعر_خالد_البصيري

شعب الايمان والحكمه وشعب المواقف
في سبيل الكرامه نصر والا شهاده

شعبنا يا بني صهيون طوفان جارف
من تعــداه مـا والله يهنـا رقــاده

#الشاعر_فرحان_السلامي

يا يمن في السما مجدك و لا له مواصف
يـرتقــي بالهُـدى و المــرجلـة و السعـادة

قــوة اللـه تجعـل كُـل مـوقـف منـاصـــف
بالعـــدالــة و نـــور الحـق خيـر الإفــــادة

#همدان_حجي

انتزع حقه المخطوف من كل خاطف
واقتلع قلب من عاداه داخل بلاده..

جيشه الحُر وابطاله كما السيل جارف
من إلاه السماء عزمه ومنْه استناده..

#جمال_الماوري

الوحيد الذي ما له شبيه او منــــــاصف
اعتلى الجود واسرج للمعالي جـــــياده

زلزل العاصفة واضحى لها اشدّ عاصف
إن ذكرت اليمن تعرف أصــول السيادة

#شاعر_بلاد_الروس

حكمتك ضاهره قد قالها خير واصف
والجهاد من سماتك يايمن والاشاده

اثمرت نصر واقبل عهد جني المناصف
عن قريب باتكون أرض العلا والرياده

#محمد_البريهي

والقسم حيث ثشتي ياعلم ما نخالف
اليمن في سبيل الله معلن جهاده

لا قواعد من الأنصار لا لا خوالف
لعن أبو من وقف خانع بحجة حياده

#مختار_البحري

شعب مؤمن مضحي للقضية مناصف
شعب حكمة ونخوة شعب ذات السيادة

حكمتة قد تجلت في جميع المواقف
حامل اهموم الأمة ماوقف عن جهادة

#ابوكنعان_الروس

الأسى والألم والجرح بالدم نازف
لا قلق لاوهن يانصر ولا شهادة..

دام والله حاكم عدل منصف وناصف
أبشري يايمن بالغد نيل السيادة

#عماد_قيرح

يابلــد حطم ارتــــال القـــوى والتحالف
واتبـــــع سيد الموقـــف لحفظ السياده

لم تزل يايمن ليمان شعب المــــــواقف
في رضى الله مجاهد نصر والا شهاده

#الـكـرار_الـعـقـيـبـي

شعـب الايمان والحكمه عصف بلعواصف
داســـــــو امـريك واسرئيل تحت البيادة

حــر شـامـــخ مقنف كـ الحيود النوايــف
فـــــي سبيل الله اكبر نـصر ولأ شـهــادة

#رفيق_ابو_علي

شعب كله مجاهد مثل طومر وقـاصف
شعب حكمة وايمان عزتة فـي جهاده

والله الموت عنده مثل اكل المناصف
واحدة ما ســـــــواها نصر ولا شهاده

#احمد_عبدالرحمن_الظمين

شعب الإيمان والحكمة عظيم المواقف
غايته بالجهاد النصر والا الشهادة

حر مقدام ماشي له في الذل سالف
شعب دائم على الله العظيم اعتماده

#الشاعر_بدر_الكهالي

أشمخ أشمخ براسك ياعظيم المواقف
طالما وأنت في صــدر الكرامة قلادة

أنت مــن يايمن بأســه أثار المخاوف
فالعداء وانت من سارع لوقف الإبادة

#منصور_الحراسي

موطني يا سنام المجد عند الطوارف
في ذرى الحريه نلت الشرف والرياده

مثلما الأمس قد مردغت أنف التحالف
تدعس اليوم إسرائيل تحت البيادة

#ابوجهاد_صبر

المجاراة عن العدوان الاسرائيلي على #لبنان

البداية للشاعر #جبر_المسعدي

في طريق القدس بالدم سجل يازمن
ان نصر الله غالب وحزبه غالبون

واليمن كل اليمن جيش للسيد حسن
قوم(لاخوفٌ عليهم ولاهم يحزنون )

والشهاده عز والعز ماشي له ثمن
من عرفها (قال ياليت قومي يعلمون )

#ضيف_الله_سلمان

عزم صنعاء مثل بيروت دايم ما وهن
تبشر اسرائيل بالموت الاحمر والمنون

والنفس ياقدس قد لاح من ارض اليمن
والمنايا قادمة والاشداء قادمون..

والمواقف والحقايق تجلت للعلن
كم تأكد مسلمون ان ماهم مسلمون!!

#أبورواسي_أرحب

والقسم يالغرب ماعذر من دفع الثمن
ثار بالمربوع من مال خيبر والبنون

ياحسن نصر الله أبشر ونعلنها علن
عاد في ضهرك ملايين حمران العيون

عهد لومازد بقا مننا إلا أبوكنن
إننا وياك  واحد نكون أولا نكون

#ابوجابر_صبره

زمرة اسرائيل قال التهامي (ودفن)
ودها تنجى وتبقى وهذا لن يكون

ومحور الوعد الإلهي أتى يثبت سنن
تجعله في حالة (إني أرى ما لاترون)

وانتهى سمن البقر بعد ماجف اللبن
واصبح الراعي بلا فيتمين ولا دهون

#محمد_الاخرم

ماخــــــــضعنا للطواغيت كلا والف لن
عهد يابيروت لا نسقي الخصم المنون

دمنّاء واحــــد وبا ننهي المجرم معاً
ومثلما صنعاء وبيروت غزة ماتهون

والقــــسم لا يــدفع اللوبي المجرم ثمن
ومن مع إسرائيل والغرب بكرة يندمون

#أمين_العملسي

الله اكبر والله اقوا وحن به نستعن
وحده الجبار سبحانه وفيه الركون

واليمن لبنان تبقا ولبنان اليمن
صف واحد كلنا يانكون اولانكون

نذر لاماجا للكيان اليهودي يوم جن
وانعجن والافماحن حمران العيون

#مانع_البوساني

با نقاتل شلة الشرك عُباد الوثن
لا تراجع لو نضلي نحاربهم قرون

حرب لوما زد بقي حد ولا يبقئ سكن
شعب الايمان الأبي ما يخيِِّب للضنون

كلنا في صف واحد ونعلنها علن
نفدي الاقصئ وغزه بالاموال والبنون

#ابوشاكر_المضماري

سيدي عبد الملك رزح للسيدحسن
واليمن لبنان والكل حمران العيون

في ابتغاء القوم لا ضعف فينا لا وهن
وان تألمنا فهم مثل ما احنا يألمون

بلغو غزه وبيروت تبشر باليمن
والله انا جيش محور علي ذي ما يهون

#ابو_غسان_الحدي

اليمن لبنان والضاحيه صنعاء اليمن.
صف واحد صفنا صف كل المؤمنون

القضيه قدس وارض العرب كامل وطن.
وسعوها حرب شعوا نكون او لانكون.

ياعبيده من خذل قال جاهد بالسنن.
والوفي من دك صهيون والمتصهينون

#ناجي_القطيبي

قل لبوهادي وحزب الله ان اهل اليمن
جنبكم. في. معركة يانكون اولانكون

كلناّ اخوه. اشقّا. ويجمعنا. وطن
الكرامه ساكنه في قلاعه. والحصون

من رما. بيروت بالطايره والميم. ون
بايجيه الرّد من. عند. حمران العيون

#فارس_المعزبي

شعبنا حامـل سلاحه ولابس للكفـن
جنب حزب الله واقف وبالله الركون

العدو واحد ومسئول عن كل الفتن
باليمن والشام والقُدس محراب السكون

قد عرفنا حجم راسه" وكم وزنه يِزَن
هو فقط يخرُط ويكذب ويلعب بالدقون

‌‌‎#عبد_القادر_داود

الـيـمـن ، لبنان و العــكس لبنان اليمن
حالـنـا و الخصم واحد و غزة ما تهون

يا الكيان المغتصب لا و لن يمكن و لن
نتركك تضرب و تهرب و تلعب ع الدقون

يا بـها و الا عليها ، على الله الركن
ويا انت يا احنا بينها يا نكون او لا تكون

#ابوشهيد_القطمي

با نخوض الفاصلة لا تراجع لا وهن
لعن ابوة من في قتال اليهودية يهون

وصلوا للضاحية عهد صادق مؤتمن
ما نفرط با اهل غزة ولا يمكن نخون

ما يمثلنا عميل او مطبّع مرتهن
كلنا في المعركة يا نكون اولا نكون

#علي_الشعيثي

ياجنود المسكنة والمذلة والوهن
ابشرو بالموت من يد حمران العيون

رد صنعاء بايلبسكم اثواب الحزن
ثار للميناء ولبنان درعي و الحصون

والقضية ذي عليها دخلنا في الفتن
في طريق العز اما نكون او لانكون

#محمد_البريهي

محور الأقصى ولبنان والأم اليمن
والعراق الحر واحد ومهما با يكون

رافعين شعار هيهات ذلة للهين
في خطى المختار طه وآله سائرون

والقسم بالله مايوم نرجع لا ولن
عن قضيتنا وفي كل لحظة حاضرون

#سليم_نشــــوان

ياحسن نصرالله انت الأمين المؤتمن
للمبادي والقيّم مايبيع ومايخوون

قاد حزب الله ابطال مافيهم وهـّن
ذي سقوا صهيون في المعركه كاس المنون

اليمن رهن الاشاره معك واقف علن
كتف جنب الكتف اما نكون اولا نكون

#ابوكنعان_الروس

اليمن لبنان ولبنان يا مجانين اليمن
في الميادين والمتارس والحصون

الجسد والراس صنعاء والمشاعر والبدن
والفؤاد والنبض لبنان يا يمنا والعيون

الوطن ثم الوطن ثم الوطن يااغلا وطن
ما نبيع الدين حاشاء والنبي مهما يكون

#ابوجهاد_صبر

اليمن لبنان واحد ولبنان اليمن
ياسبيل الله يا (خير مما يجمعون)

لا قلق لا خوف لا ضعف فينا لا وهن
لجل غزة ما نكيل او نميل وما نهون

بانخوض اعتئ الشدايد ونتجاز المحن
ونلعن الكفار من وحي (كانوا يتعدون)

#ابوميثم_الزراع

الف لبيك حزب الله من شعب اليمن
يانكون من جنودك أو إلا لا نكون