#الشاعر_ضيف_الله_سلمان

المجاراة عن ذكرى ولاية الامام علي(عليه السلام)..

البداية للشاعر #بسام_شانع

قوم تُبَّع قوم منها الفرائس ترتَعِد
مايقود اُسد الشرى غير منهو حيدرة

ماتريد انسان لا قد برز عمر ابن ود
يمغصه بطنه وقلبه يصل للحنجرة
..........
#الشاعر_احمد_درهم_المؤيد

شعب في يوم الولآية مسلم مستَعِد
يقلب الدنيا على من نوى يستعمره

(بالتولي) سهَّل المستحيل المُبْتَعِد
وانتصر وانتج طواير تطير مسيَّرة ..
..........

#ضيف_الله_سلمان

يوم (بدر) ويوم(خيبر) و(الاحزاب) و(أحُد)
كال روس الكفر بالسيف كيل السندرة..!!

لجل تجديد الولاء شعبنا با يحتشد
ينصر(الكرار)من اجل ربي ينصره..!!

#فارس_المعزبي

إستعــد يا شعبنا للمهمّــات إستعِــد
كِنــّك إلا ليث غالب كريه المنظره

رغم أنف المرتزق والمنافق والحسِد
الوصي باقي وصي (والولايه) مثمره

#الشاعر_بدر_الكهالي

بالولآء للحيدرة في رضى الله بانشد
عزمنا و المجد بالله با نتصدره

با نجدد عهدنا بالولآء واثق يهد
باطل الطُغيان واليهودة والخنزرة

#شاعر_بيحان_ابوليث_المحضار

ذاك حبل الله ماهو بشي حبل المسد
واعتصام الناس به .. أمر ربي قرره..!!

قال "واعتصموا" وحيدر دليله والسند
من تولى الحيدري فاز اولى وآخره..!!

#بندر_السقاف

والله انا يا السقيفه ماقبلنا مستبد
الولي القسوره ياحمر مستنفره

واليمن من (خم) يوم الولايه يستمد
والتسلسل لاعلم خصه الله واظهره

#الشاعرفرحان_السلامي

كبّــرو يـا جنُــد ربــي و كُلـن يعتقٌــد
بـالـولايــه للــذي ربنـــا قـــد طهّــــره

إبن طالب خير فارس بدينه مُجتهِـد
ذي فتح خيبر بسيفه و تم السيطـره

#عماد_العملسي

والله انا لال طه مرازيح وسند
شعب متولي جميعاً رجاله والمره

اسئلو حلف التصهين وجيشه ذي شرد
كيف ذي والو علي دقدقو له منحره

#يحيى_الوحيشي

بعد ابو جبريل سبط الوصي با نتحد..
والولاء للعـــــترة الطـــاهرة با نضــهره..

عهدنا ما نعطي أمر الولاية غيــر يد..
يـد ترفــعنا وتسقـــط يزيد وتقــــهره..

#جميل الكامل

الوالاية للولي بعد النبي ماهي لحد
بانرجعها ونلغي العفو عند المقدره

بانرد الدهر واحنا للوصي ظهر ومدد
ونرجِّع الماضي ونصلح أوله من آخره

#ذوالفقار_السقاف

من ولا حيدر الكرار قمنا نستمد
صبرنا والعزم والتمكبن يوم القهقره

كلنا نعشق الهيجا وكل حنا نود
في سبيل الله نبقى وصل متبعثره

#عدنان_سالم_أحمد_الذويبي

في نهج ال البيت نمضي الى الابد
ومن خالف خطاهم عايش بقهقره

حيدر لنا عنوان في الباس والجلد
وباالكرم قدوه لشعبي ومفخره

#الشاعر_عبدربه_الحداد_البيحاني

قوم تقبل في اللوازم كماالسيل الحرد
مؤمنه بالله متمسكه مستنفره

كل نشمي في الولا لابن طالب مجتهد
والهدايه منك ياربنا والمغفره

#بلال_الصوفي

لبيك مولانا علي يا أشجع أسد
بك أنت عز الدين ربي واظهره

ومن يقول لبيك يبشر بالمدد
ومن يحارب منهجك بانقهره

#عايد_الخيل

قُل لتاريخ الإسلام للزمان يسترد
ويحمد الله ربه الـقـــوي يشكره

ذي اختار حيدر يوم برز عمر ود
ولا كنا افتضحنا في جميع الكرة

#ابوفتح_الاشول

اليوم جددنا الولايه والولاء فينا شهد
ويشهد العدوان يوم إنّا قطعنا منحره

من يوالي آل طه كل خيبر يبتعد
كلنا (الكرار) نكسر لليهود السيطره

#ابوغبري_الغبري

(الولاية) تجعل الدين كتلة متحد.
والسقيفه جت با امه دول مستعَمره.

ذي تبع (حيدر) مجاهد مع الله مجتهد
وذي تبع غيره للامريك صبح كندره.

#الشاعر_ابوحيدر_الحامس

الله اكبر قوة الكفر كامل معتصد
ضيع ارتاله وضيع كتايب عسكره

الولايـه امـــر ماعـــنـها بانبـتـعــد
ابن ابي طالب ولينا وماحد انكره

#عزالدين_جحاف

شعبنا دايم على الله وحده معتمد
والتشيع للوصي عنده اكبر مفخره

عن شعوب الأرض طرا بحبه منفرد
بالتولي للنبي وابن عمه حيدره

#الشاعر_أخوهيثم_نضال_حُميد

ياولي إعلن ولائك لحيدر واستعد
ودع الجفران والبيت خله للمره

لاتقع ضالم لنفسك وإلا مقتصد
قع من اهل السبق فى الميمنه والميسره

#الشاعر_بـراق_المنـبهي

شفت انا المريخ والكون كله يحتشد
والثريا دندنت والسحاب الماطره

زادت البهجة معى شعبنا حتى نجد
والقطيف عرعر تباها بذكرى حيدره

#وضاح_الحميصي

بالولايه يايمن بانسد ونتحد
والعدوا ينهار ويجني غصون القهقره

الامام علي بصيره ومنهج منفرد
من تولاه فاز وافلح وماحد يقهره

#ابومحمد_العفاري

النبي فوق اكتاب الأبل وحيدر صعد
أخذ يد حيدر ورفعها والعيون جمعه تنضره

قال من كنت مولاه هذآ وليه من بعد
ولينصرن الله كل أنسان لحيدر ينصره

#عبدالقوي_البطل

بالتولي كم لنا من مكرمات عد يالعداد عد
اهل حكمة واهل فطنة واليماني مااعسره

قوته من قوة الله والولاء المستمد
من ولاء خالص لعثرة حيدرية طاهرة

#إتحاد_الشعراء_والمنشدين

https://t.me/aboyahyaalshami

1.9K viewsضياء سلمان, 19:17

المجاراة في ذكرى الامام الاعظم زيد بن علي (عليه السلام)..

البداية للشاعر عبدالرحمن الريامي

حياة الكـــرامة لـــــو مهل ربع ثانيه
لنا اخيــــر من قرن المذلــــــة والانحنا..

على درب (زيـــــد) اقسمت ماحب فانية
ولا ارضا بغيـــر العــــز لــو يجلب الفنا..

#ضيف_الله_سلمان

على منهجه نمضي نجسد تفانِيَه
بصيرة..جهاد..وصبر والله حسبنا..!!

يمانين في الضيقات مثل الزبانية
وبالله حين الباس يشتد بأسنا..!!

#ابويوسف_القاري

إلى يوم يحمل عرش ربك ثمانيه
عزمنا على نهجه نواصل جهادنا

تجسد ولانا في الدحيضه وقانيه
مع زيدنا. والله بنصره يزيدنا

وذي ما اتخذ موقف من المردخانيه
فلاتحسبه زيدي ولاتنسبه لنا

#فايز_الحمزي

فهمنا كتاب الله نُجسد معانيه
ومن زيد تعلمنا نواجه عدونا

إذا خصّمنا قد تآه بكأس ٍ وغانية
فنحنُ مع الرحمن بذلنا دماؤنا

#علي_مغلي

ويا زيد في ذالكون امة يمانية
زيود الولاء والبأس والعشق والجنا

هشام اللعين العن ومثله ثمانية
ومليار طاغوتي معادين شعبنا

#ابوقصي_العويري

مع الله تجندنا كتايب يمانيه
نضحي ونبذل في رضا الله دمّنا

وفي درب زيد وفي طريقه حُسينه
دعانا ابن بدر الدين فيها وقادنا

#عبدالقوي_البطل

عليه السلام ماثار وافصح علانيه
ولااهتز من بطش الطواغيت ولا انثنا

من اجل دين الله حقق أمانيه
نيل الشهادة في رضى الله ربنا

#إبتسام_شرف_المحطوري

من (زيد) أستلهم باأني يمانية
واثور باالكلمه أسرع ولا اتوانى

مااحب اعيش الذل لحظه وثانية
والفقر في عزة ولا الذل في غنا

#الشاعر_حسن_السعيدي

بمنهاج قرآني وحكمة يمانيه
على خط آل البيت نتحمل العنا

ومن زيد والسبطين في كل آنيه
نجدد ونستلهم قيمنا وعهدنا

#ابومقبل_الشعيثي

مع الله نلحق صانع الفلك بانيه
زيود العقيده منهج الحق نهجنا

على العرش تحمل عرش ربي ثمانيه
ونحمل كتاب الله ودين فوقنا

#ابورواسي_ارحب

قطوف الأمام الثاير اليوم دانيه.
في أحفاده أعلام الهدئ نلمس الجنا..

علئ نهج زيد..الحق ضاهر علااانيه..
بهيهات أبوجبريل يستكمل البنا

#بندر_السقاف

مع زيد نكسر الف واحنا ثمانيه
من ابنا اميه ناخذ اليوم ثارنا

بجيزان والساحل وماخلف قانيه
له الحمد من اوفاء وعوده بنصرنا

#ابوالمازن_عبدالله_الشريف

حياة الأئمه مدرسة عِلم دانيه
مصابيح ضاءت في الظلامات دربنا

وفي موكب الاطهار كنا علانيه
رفعنا شعار الحق في وجه خصمنا

#ابومعتز_البهلولي

رفضنا المذله والخنا والأنانية
وعشنا الإباء والعز والله ربنا

وفي يوم يحمل عرش ربك ثمانيه
على منهجية زيد يفخر ثباتنا

#شاعر_بيحان_ابوليث_المحضار

قطوف الاباء والنصر للشعب دانيه..
ويسقي الثمار اليانعه نزف دمنا..!!

"وهي واحده" ماشي لها بد ثانيه..
على منهجك يازيد حمى لصمتنا..!!

#ابو بدر_ ذيبان

دروب الكرامه بالبطولات بانيه
وبالتضحيه والبذل والعزم والعنا

ومن زيد شكلنا الحشود اليمانيه
وذاقوا طغاة الارض من حر باسنا

#أبـورازح_القـعـود

على مملكه سلمان الانصار بانيه..!!
حرام لانخلي عيشته كلها عنا..!!!

قتلنا جيوشه فى المعارك ثمانيه..!!
حرام مادخل قبره والايام بيننا..!!

#عدنان_سالم_أحمد_الذويبي

ولو تصبح الغارات كما اليل دانيه
على نهجكم يا (زيد ) نحيا بعزنا

بصيره حسينية وحكمه يمانيه
ومن صبركم ياسيدي زاد صبرنا

#عدنان_جحوح

على نهج( زيد الخير) فتية يمانية
مضينا وحُـب الآل يملا قُـلـوبنا

نواجه (هشام الشر)في كل ثانية
ومن حارب آل البيت لاقى حروبنا

#ياسين_الفروي

طريق ال بيت المصطفى دوم سانيه
من (الزيدية) يا (زيد) جينا وعهدنا

نواصل بمنهاجك ......مسيرة يمانيه
ومن هو وقف ضد المسيره له الفنى

#ابو_يحيى_القهدة

بدربه تعلمنا الدروس اليمانيه
وفي مذهبه قد سار ابونا وجدّنا

فكل الحروب تشهد شهاده ثمانيه
مع زيد والقرآن نحضى بنصرنا

#عبدالله_بحنان

بثورة أمامي زيد ثورة يمانيه
على الظلم ثار بحق والحق نهجنا

هشام في ذالعصر أصبح ثمانيه
أعضاء مجلس أمن والاعراب ضدنا

1.7K viewsضياء سلمان, 20:11

#الشاعر_ضيف_الله_سلمان

1.9K viewsضياء سلمان, 20:12

#الشاعر_ضيف_الله_سلمان

عنوان المجاراة (الاطماع البريطانية في اليمن ودعوة للشعب اليمني لمواجهة الاحتلال البريطاني الجديد..)!!

البداية من الشاعر عزيز الردماني

الاحتلال البريطاني يبا لطمه.
قد ربما انه نسي ملطامه الاول.

ارض اليمن من غزاها يكتسر خشمه.
وقبر مفتوح للغازي وللمحتل.

بحول ربي وبالشيكي وبالشرمه.
من جا معشق (دبل) يرجع وهو (سنجل).

(انجلترا) لا تشكل فوقنا زحمه.
ما با تحصل سوى ذي جدها حصّل..

#ضيف_الله_سلمان

قد البريطاني اصبح خارج الخدمة
شوفوا لنا غزو ثاني غير مُستعمَل..!!

وكيف يغزي يمن ليمان والحكمة
ذي فرّ منها وعاد الحرب بالجرمل..!!

شعب اليمن غير في حربه وفي سلمه
بايغرقوا في اليمن قد قالها (هيكل)!!

(لندن)وراء كل ماوصلت له الامة
هي ذي تشن الحروب وذي تعيق الحل..!!

#الشاعر_صقر_اللاحجي

(لندن) هي الراعيه للحرب والازمه
واليوم جت لايدك ياشعبنا اتفضل

واين (الحريزي) يعاملهم بلا رحمه
ويدق من شق لما بندقه تبطل

وكل واحد من (المهره) يخذ قسمه
وقسمنا يتركه لاحد ما نوصل

وكل قتّال يكتب في القتيل اسمه
من اجل تدرا به الاجيال كم قتّل..!!

#الحسين_بن_علي_المحضار

من جا يمنا يدور له على لقمه
يلقى ملاطيم باتكسر له المفصل

(عظمى)!! ولاهي تساوي عندنا جزمه
قدامها ذو الفقار وخلفها الجرمل.

قل للبريطان يحفظ تيّة الكلمة
ويدرّس الجند معنا في المدخل:

من يقرب الحد باتبكي عليه امّه
يتّم عياله وخلا الزوجه اترمّل..

#محمد_هزاع_البهلولي

شعب اليمن لاح في كبْد السماء نجمه
نيران حمراء على الغازي ومووت ازول

من جا مهنجم عليهم يكسروا خشمه
ملطام من شعبنا المؤمن ب "كف اشول"

يعرّفوا كل غازي لليمن حجمه
في ماضي الدهر والحاضر ومستقبل

لا عد يزيد البريطاني ولا كلمه
من بعدما اهتان في ماضيه واتبهذل...

#محمد_مفلح

بانبعد الهنجمه والكبر والتخمه
ونركّبه لا ضوى بعد الهمر سيكل

قولوا لهم ما بقي زمره ولا طغمه
وعاقبة كل غازي في اليمن يفشل

لا بد ما الكل يدّي للنقا غرمه
ذي ما ترجّل متى يا قوم يترجّل

من عان ظالم رماه الله في ظلمه
يا من على مائدة سلمان يتسوّل

#الشاعر_سامي_عبيد

سابع سنه والتحالف داخل البرمه
ولادرى في اليمن لاوين بايوصل

دسنا على ارتالهم بالألي اللطمه
واحلامهم بددت والجيش يتبهذل

والإنجليزي مهرول جأ يبا قسمه
ما يدري إن اليمن ماعاد مثل أول

وإنه رقم صعب مابا يقبل القسمه
ومن نوى قسمته مابا يصل لا حل

#الشاعر_شداد_حميد

قولو لهم اص لا نسمع ولا كلمه
من كان واثق برب العالمين ما ذل

الاحتلال البريطاني نسى ل اسمه
من بعدما اهل اليمن صابوه في مقتل

ياما حلم ما تحقق ف اليمن حلمه
هنا انتهى بعدما ف العالم استفحل

ومن نسى مجدنا يقرا في الختمه
احنا اولو البأس وانصار النبي واسأل

#أحمد_درهم

ياشعبنا الجد ثم الهمَّة الهمَّة
العيش تحت الوصاية أمر لايُقبل

ومثلما الحلف خابت عاصفة حزمه
أرض اليمن من يحاول غزوها يُقتل

يامسألة حَلَّهَا ماتقبل القسمة
لوغالط الأجني فيها ولو طوَّل

لا تحلم (الضبع)من بيت (الأسد) لحمه
من تبحث لمخرج حاذر المدخل

#ابومنار_العشي

عين البريطاني أن ارض اليمن لقمه
عزة عليه أن النوايح من غبي واخبل

ما يدري أنها مقابر كلها ضُلمه
يا ويله الويل من لاحضانها هرول

نستقبله( بالمضليات) (والشرمه)
(وبالشياكي)و(بالشاغوف)(والجرمل)

نهايةالقول للعدوان كم كلمه
يبشر بخزيه ووعد اغبر وموت أزول

#ابوالمازن_عبدالله_الشريف

انجلترا درسها منا سبق علمه
وان ودها درس ثاني بايقع مُدبل

ترحب على ماقرح من لاهب البغمه
من كف رامي يحط النار في مقتل

ولا عذر ترتوي القيعان من دمه
ويعود مهزوم بالخيبات متحمّل

هذا اليمن صرح شامخ والعدا سمه
يا كل غازي رويدك قبل تتعجل

#عناش_المشرقي

ردفان لي منع ابوك القمه القمه
اوبه تفكر بلحظه واحده منزل

الشعب منك يشكل ف الحضا جسمه
شامخ ولا زعزعه غازي ولا محتل

قد نصرة الله مذكوره في الختمه
لمن عليه اعتمد واشتد واتوكـل

ببندقك فك في بطن الغبي تلمه
واذراه باروت لايهداء ولا يخمل

#شاعر_بيحان_ابوليث_المحضار

ايهيه عاد البقايا من فتت لحمه..
والحصن والسور والزاكي مع الجرمل..!!

وان قد نسي .. بانعيد الدرس من دمه
ويكون عبره لهذا العالم الاحول..!!

بالله وش جابهم ياقوم وش علمه..
اظن غلطان في الموقع على قوقل..!!

او ساق هذا علينا ذنبه وجرمه..
وجاء يدوّر جهنم .. ظنه استعجل..!!

#عز_الدين_جحاف

صحيح أهل اليمن ف قلوبهم رحمه
كما وصفهم بهذا الخاتم المرسل

وهم رجال الهدى والرأي والحكمه
وأهل الايمان واهل المنهج الأفضل

لكنهم في الوغى والبأس والهمه
أقوى البشر منذ أسعد كامل الأكمل

واليوم صاروا ببوجبريل في القمه
ماجهد ابوك يابريطاني بهم تفعل !؟

#الشاعر_ابو_حمزة_ماجد_نشير

ياكل نشمي مقحقح ماوهن عزمه
من هو يبا حل فهذا اول وآخر حل

بانلطم الخصم بالبندق وبالجزمه
لانه كما بوش يبا له لطم بالصندل

ونوفي اللطم ذا من فوهة البغمه
من خشم رشاش وخشم ام فور ومعدل

2.1K viewsضياء سلمان, 02:08

#الشاعر_ضيف_الله_سلمان

عنوان المجاراة ( الامم المتحدة اكبر كذبة في التاريخ ) !!

البداية للشاعر #صالح_الاحمدي..

ياطايرة قولي ل(مبعوث الامم)
لا حد يجينا منّهم عبر (المطار)..

ان با يجي خط (البريقة) و(العلم)
والا يجي (سيئون) والملقى (ذمار)..

#نشوان_الغولي

قولوا لمن خان المبادئ و القيم.
من يوم قمتوا ما صدق منكم قرار.

و الله ما يرجع و عد جلده سلم.
من قبل ما يبصم على فك الحصار.

#ضيف_الله_سلمان

الله يلعنها امم.. قولوا.. نعم
ولا لها في شعبنا اي اعتبار..!!

بئس الامم تدعم مواقف من ظلم
نشاطها محدود في هذا الاطار..!!

#أبورواسي_أرحب

يدي معه ألفين ...طياره حكم..
وألفين دبابه حشم سوء الجوار..

ونجد ...تقبل مننا نقل القدم..
وألا ربطنا أبوه في نقطة عفار

#شداد_حُميد

كم يا جرائم في عدن كم يا وكم
والقتل مستشري ويزداد انتشار

(عبد الملك) مقتول والقاتل سلم
والاحذيه تنقاد من خلف الستار

#ابوعساف

الــرأي راجـع لـلقيادة و(الـعلم)
هـو المخول في إتخاذ أية قرار

وجـهي عـلينا مـا نـقول إلا نعم
سمعا" وطاعة سيدي ليل ونهار

#ابومنار_العشي

يا ذو الفقار الحل في راسك قسم
ما حل في راس الحمار ابن الحمار

لا تنتظر (عصبة) مخاريم الذمم
اقصف مطارات (التحالف) بإختصار

#فتى_همدان

يا روسيا والصين قومي با اللزم
او ثقلكم في القاره ذله وعار

يتحكموا في آسيا حلف الدمم
ويحاصروا سكانها كمن حمار

#ابوقصي_العويري

المحترم بين النشاما يحترم
والنذل يحتاج العصا مثل الحمار

كم قد تداريناه ينصفنا وكم
ماعاد له عندي سوا المعبر خيار

#صالح_حسين_ابواحمد

قولو لمبعوث المطايا والدلم
معاد شي هدنه ولا ينفع حوار

البدر كامل شع نوره في الظلم
والدعس جاري بايصل لا قندهار

#ابوغبري_الغبري

لعبة على المكشوف يسبكها العجم..
يخنق نفسها مننا ذرة غبار..!!

من ضدنا تخلق شرايع من عدم..!!
هي نفسها امريكاء على نفس القطار..

#شاعر_بيحان_ابوليث_المحضار

هناااك لاشوفه قسم مني قسم
لانزله لما عدن فوق الحمار..

مطارنا يفتح لنا.. يفتح لهم
او لا مطار ولا مطار ولا مطار ..

#الشاعر_ابو_حمزة_ماجد_نشير

قلو لامــريكا وعـــــباد الصـــــنم
لاللتفاوض والنقـــــاش لاللـحوار

من هو يبا فرصه اخيــــره يغتنم
يرعا حقوق الدين من قبل الجوار

#ذوالفقار_سفيان

قولو لأمريكاذ وخدام الخدم
المعركه تُحسم إذا طار الفقار

(والقدس)و(الصماد) بايصبح حكم
ومنشآت الحلف باتصبح دمار

#احمد_عبدالقوي_الغبسي

إنحت بقلب الجرح تمثال الأمم
وارسم على كف الوجع نار الحصار

وعد لاجنب الجوير (المحترم)
من سببوا الاوجاع من خلف الستار

#عبدالله_بحنان

كذبة من أمريكا يسموها الأمم
وخاخام إسsرائيل من وضع الشعار

لانسانية تحمل ولا فيها قيم
ديكور للاجرام وشباك الحصار

#نجيب_العوسة

امم عملها بيع وشراءفي الذمم
ويبررو للقتل فينا والدمار

كمن جرايم شرعو ياكم وكم
مجلسهم أتأسس على ذله وعار

#عبدالقوي_البطل

شغلتوا الارباص لاآخر رقم
سيرة في الليلة ورجعه في النهار

من شافكم يقول وانعم والهمم
ذي تبذلوها لااجل نيل الازدهار

#ابومقبل_الشعيثي

اول رقم في قتلنا واخر رقم
وهي سبب كل المجازر والدمار

لاجات ترصد صيدها مثل النسم
ون غادرت تركض وراء مثل الحمار

#فايز_الحمزي

من بعد قطع اليد نقطع للقدم
والحرب تبقى حرب مادام الحصار

لعنة على تلك القمم ذي فى الأمم
ماعاد لها في شعبنا اي إعتبار

#ابوحيدر_الحامس

والشرعيه جوف الفنادق كالدمم
والبعججه داخل عدن ماحد يغار

وش فايدة مـبعـوث ياتي كالصنم
لا ردد المخطي ولا اسلمـنا هـــدار

#عدنان_سالم_الذويبي

ماعاد باقي ياعديمين الشيم
من بعد ماصاب المواطن والامطار

من عاد لا حظن الوطن هو متهم
وصار السفر من بينكم شبه انتحار

#ابوكرم_نشوان

قلو لمبعوث الامم يكفي هرم
ذي مامعانا من ابوه الا الهدار

ذي ما احترم شعبي فما بايحترم
لاعاد يجي باندخله جحر الحمار

#عارف_شرده

ذي عادهم يمشو وراهم كالغنم
ولا لهم في أرضهم حتى قرار

لاشرعية هادي ولاحلف الأمم
باينفعوهم يوم به جنَّه ونار

#أبـورازح_القـعـود

والله لانصنع ملأحم من عدم
وندقهم من شق ونزيل الحصار

مادام ابو جبريل هو فينا العلم
ماهمنا العدوان هذا بااختصار

#عبدالغني_ضبعان

اقسم على سورة تبارك والقلم
ما نعذر المبعوث من رد اعتبار

ومن تحكم في القاضايا والتزم
ينفذ الحكم الذي جا في القرار

#الشاعر_ابوالعز

مادام محد ذاق او حس الالم
في شعبنا و الله ما يفتح مطار

ما غيره (البركان) يصليهم نقم
و يعرفوا بعده بمامعنى الحصار

#ابوفتح_الاشول

قرارها حبر و ورق صوت و نغم
لكن في الواقع بقي فاشل وضار

الله يلعن مَن مِن الشعب أغتنم
ومن على أطفال اليمن شل الضمار

#ابومحمد_السحاري

مابش لها مبدا وهي مثل الصنم
متلبسه بسم الوصاطه والوقار

وهيه اكبر دعمه لكبر خــدم
وماكره بسم العدو الـــــمستعار

#صدام_العزب

اليوم يوم البندقية يا قلم
قل للأمم واذنابها يفكو الحصار

2.5K viewsضياء سلمان, 08:22

#الشاعر_ضيف_الله_سلمان

وكل شاعر بايجيب جمهوره
حشود غفيره باتجي وتسارع

حضور جماهيري يفوق الصوره
بخلاص ونيه في دمانا طابع

#يحيى_علي_الحضوري

كل القوى فالعالم المأجوره
باتنضر الحفل القوي الصادع

في عيد سبتمبر تضل مبهوره
كمن بطل حاضر وكمن شاجع

لاحبت الأمه تكون مستوره
ترفع علمها بالضمير والوازع

تحشد الى لساحات فالمعموره
وتهين حلف الأمركه والطامع

#مروان_الشماع

ثورة وطن في الذاكرة محفورة
وأبطالها بالعز جا متدافع

كل إحتفالات المدن مغمورة
بالعز والنور البهي الساطع

نحمل رسالة فخر بأرقى صورة
نفوت الفرصة لمن هو طامع

بالنصر دمتي يا يمن منصورة
ما دام شعبك قرم أصلي شاجع

#الشاعر_ابو_حمزة_ماجد_نشير

ثورة خيالـيه وشـــــعب اسطوره
صمد من اول عــــام حتى السابع

كلن الـــى المــــيدان يعــمل دوره
من إب وصنعاء من ذمار والضالع

دار المذله اصـــــبحت مهــــجوره
يسكن بها مــــن هـــــو لدينه بايع

ودار الكـــــرامه للـــــعزيز معموره
يسكن بها مــن هـــــو لدينه طايع

#أبـورازح_القـعـود

جيوشكم فى المعركه مقبوره
هذه نهايه كل انسان طامع

يلعن ابوها ياسعودي جوره
هذا الخلاصه والكلام القاطع

نهايتك من فـوهه الماصوره
زيتي مقلم حين تراها تنازع

يامرحبـااا حيآ بيوم الثوره
عد العيارات والقرون والمدافع

#شاعر_بيحان_ابوليث_المحضار

(اعداد وماتحصى ولامحصوره)
من شعبنا باينزلوا للشارع ..

كلن فيَ الميدان يحيي الثوره
والكون يعرف من انا عالواقع ..

ومن تخلّف واختلف في شوره
اما اليهودي داخله او بايع ..

#ابوفتح_الاشول

حضور واجب يبلغ الإسطوره
نرفع شعار الحق كلاً رافع

ثوره تطوّر شعب منها طوره
وأصبح خروجه في الخيال الواسع

بدر المسيره نقتبس من نوره
ويصبح العالم بنوره ساطع

سبتمبر الواقع يصيغ صدوره
من بأس جبار السماء والرافع

#عارف_شرده

عوامل النصر دائماً محصوره
في التولي والولاء والوازع

وانصار ربي خلدو أسطوره
والإنتصارات شاهده فـ الواقع

وبانعيد الخير للمعموره
وندك كيد المعتدي والطامع

#جميل_فرج_المرهبي

وأحد وعشرين فالقلوب محفوره
فخر اليمن. زيودها. وشوافع

لطم الغزاه واقلامها. الماجوره
لاالشعب لبى قائده. ويسارع

لاكل ساحه. بنفوس مسروره
ونذهل. العالم. وكل. متابع

#بـراق_المنـبهي

هــز الثــريا والكــرة المعمورة
جسد مواقف فالمطار الواسع

قنف لجل شعب الاباء والثورة
ياحشد كالسيل الذي متسارع

لاثــار تبقى الامــركة مذعورة
من هيبته يسجد سهيل الساطع

جندل دول وابحث على تنورة
واسأل عسير صرواح وانشد ناطع

#فايز_الحمزي

البدر ساطع والهُدى في نوره
والنصر من وحي الملازم نابع

نهج الحُسين درب الفداء والثورة
والحق واضح في صفآه الناصع

يا رفقتي كلين يبرز دوره
درب الجهاد ياانصار ربي واسع

#ابو_السرايا_المقدشي

حضور بكره بايقع اسطوره..
وايمننا بالله،، اقوى دافع...

اعداد ماتحصى ولا محصوره..
باتذهل الكلب الحقير الطامع...

ومن هدى القرآن سوره سوره..
با نخرج المحتل خازي خاضع...

ياشعب هاذه ثورتك منصوره..
افرح بنصرك ياالهمام الشاجع...

#أخت_شهداء_البكالي

عزه كرامه نصر لاعظم ثوره
من مارب وصنعاء وحتى ناطع

صار العدو وآذياله المأجوره
وسط الجحيم ماعاد جهد يصارع

اليوم نحسمها على اخو نوره
ونعلمه أصل اليماني الشاجع

ذي مايهاب الموت صار اسطوره
بيوثقه إعلام حربي. واقع

2.7K viewsضياء سلمان, 18:22

#الشاعر_ضيف_الله_سلمان

المجاراة الاولى عن الفرح والابتهاج في استقبال ذكرى المولد النبوي الشريف ودعوة للوحدة الاسلامية

البداية #ضيف_الله_سلمان

سلامي على اعظم (يوم) تسجد له(الايام)
وتستلهم النور الذي بدد الظلمة..!!

(محمد رسول الله) يا امة الاسلام..
ومفروض في ذكراه تتوحد الامة..!!

شعوب العرب في ذل وخنوع وإستسلام
وما شامخ الا شعب الايمان والحكمة..!!

بصدق التولّي للنبي وآله الأعلام
يمنّا بفضل الله با توصل القمّة..!!

#ابومنار_العشي

هنا بارك الله في يمنا ولأهل الشام
سيأتي فرج من بعد ما طالت الغمه

هنا شعب له من سيرة المصطفى استلهام
وللمصطفى وآله ولاء عالي الهمه

لذكراه فينا كل الاجلال والاعِظام
فرحنا بميلاده والأعراب في ظلمه

نراها تعظم (مانشستر)(وتوتنهام)
وتنسى رسول النور والخير والرحمه

#أبورواسي أرحب

بمحراب ميلاد النبي تسجد الأقلام.
وتنزف مداد الشكر لله بالنعمه..

نهار البشر عباااااد مستنقع الأصنام.
ولايرقبوا.... للحق آلآ ولا ذمه..

ضهر في ربيع أول محمد بمنهج تاااام.
يصحح مسار الكون من واقع الختمه..

وذكره عقيده باركت في اليمن والشام..
وسمت مسارات الولاء كلها بأسمه

#شاعر_بيحان_ابوليث_المحضار

تحقق بفضلك يارسول الله الاحلام..
وجلت مع ذكراك يالمصطفى الغمه..!!

نجدد بحبك ياحبيب اليمن إقدام..
ونزداد صبر وعزم ونشد بالهمه..!!

وبانحتفل بالرغم عن مجتمع لـ جرام..
وبانحتفل بالرغم عن مفتي اللقمه..!!

#يحيى_الوحيشي

فرحنا بميلاد النبي يعجز الاقلام..
والقافية والنظم والشعر والكلمة..

تباهوا بطه واصرخوا يا ذراري سام..
بلبيك ثم لبيك يا كاشف الغمة..

وتجسيد حب المصطفى(طاعة الاعلام)..
لك العهد يابن البدر ما تضعف الهمة..

لك العهد والبيعة علينا وفاء وإلزام..
ولعن الله الاعراب ذي خانت الأمة..

#فــارس_المعزبي

معــك يارســول اللــــه نتحمـّـل الآلام
ونصبر على الضيقات ياكاشف الغمــــه

دمانا لمدحك حبر وأطهر بنان أقــلام
وبيض القلوب الــواح في غاية الخدمه

لك الارض تتزين وتجلس تراعي عــــام
وفي يوم ميلادك تعبّــر عن النعمــــه

فلا رحمــه إلا رحمة الواحد العــــلّام
وهــو أرسلك للخلــق من رحمته رحمــه

#شداد_حُميد

الاعراب يا طه لحلف اليهـ ـود اقدام
نسو نورك الوهاج واختارو الظُلمه

وحكام محكومين تفرض عليها احكام
من البيت الابـ ـيض يطلب العفو والرحمه

وكمن ملك ملعون موصول ب الحاخام
ومفصول من سلك العرب خارج الخدمه

اذا قامت اسرائـ ـيل ضد العروبه قام
يناصر نتنياهو كانه ولد عمه

#هادي_حسين_الرزامي

بذكرى النبي نحيا ويحيا به الإسلام
ويرسم خطوط الطول في وحدة الأمة

ولاعلام في دنيا الحيارى كما الصمام
تواصل طريقه في رضى الله وتمه

على منهجه وخطاه ماشيناها قدام
ولانصار تعشق نهج طه وذكر اسمه

وشعب اليمن باسم القوي منتصر لاقام
مع الله ومحمد يرى النصر من قسمه

#زيد_الخراشي

محمد لكل العالمين الرسول العام ..
والامه بميلاد النبي غير مهتمه.

دعى امة المليار مسلم نبي الاسلام..
الى كلمة التوحيد ولوحدة الكلمة

فهل من مجيب لدعوته في لوى الاعلام..
اذا عاد شي للمصطفى عندكم حرمة!!

الشاعر #عزيز_الردماني

على المصطفى صلى كريم العطا العلام
وشعب اليمن صلى على كاشف الغمه.

ومولد رسول الله له شوق هذا العام.
من اول ربيع اول نفح في اليمن شمه.

وبالسندس الاخضر كسينا مدينة سام.
وزاد الضيا من مولد النور والرحمه.

وما بعده إلا نصر في الخاص ولا العام.
لأمه بذكرى مولد النور مهتمه.

#حسن_احمد_الحمران

يمن من (ثنيات الوداع) خط بالاقلام
ولاء( للنبي الهادي) وحيدر ولد عمه

فلو كان تاريخه موثق كما الافلام
لحاز اليمانيين ثلثين من فيلمه

سنحييه رغم انف من خذل ومن قد لام
ونتصدر المشهد لنا كامل البصمه

نزين سمانا بالإضاءات والاعلام
بالوان خضراء نكسي الأرض فيها اسمه

#ابو_يحيى_القهدة

وأيضآ سلام يسري مدى الدهر و الاعوام
ويبقى الى يوم القيامه على عزمه

على (يوم مولد) سيد العرب والاعجام
وهذا أكيد انّه بيرفع لنا الهمّه

ويزداد عزم الشعب ويزداد في الإقدام
وباقي شعوب المنطقه زادت الخدمه

وهذا بفضل الله والقايد الصمصام
يمنّا اصبحت في ظلمة الكون كالنجمه

#عز_الدين_جحاف

بذكراك ياخير الورى شعبنا قد هام
يقيم مهرجانات واحتفالات بك ضخمه

وبانحتشد ذا العام في عاصمتنا سام
وفي كل ساحه باليمن رافعين اسمه

محمد رسول الله وصف شعبنا المقدام
بأوصاف مخصوصة وبين لنا حجمه

لك الحمد ياذا الجود والمجد والإكرام
على هذه النعمة اللي مامثلها نعمه

#البرّاق_المنبهي

سنفرح وننطق كل ما تكتب الاقلام
بمولد رسول الله ذي مولده نعمة

نباهي دول ياخير ذكرى على الاعوام
نسطر مواقفنا ونقراء من الختمه

نقدس نبي الله مـع كامــل الايام
ومن ماعجبه ينطح براسه على البغمة

لأنه غبي مرضوخ عايش وهم واحلام
وشعب اليمن كسهيل عالي ثرا نجمه

#ذوالفقار_سفيان

رسول الهدى والصبر للأمه الصمام
ومن يترك الهادي فحميه ياحُمّه

2.6K viewsضياء سلمان, 03:55

#الشاعر_ضيف_الله_سلمان

Forwarded from اتحاد الشعراء والمنشدين الرسمية (أبو يحيى الشامي)

المجاراة رد على سفير مملكة الرمال محمد آل جابر .

البداية لسفير مملكة الرمال #محمد_آل_جابر ..

‏يا هبيل الرأي وين إنت وإنَّا
تحسب إن الحرب نهب القرايب

واجد اللي قبلكم قد تمنَّا
حربنا لي راح عايف وتايب

انهض الجنحان قم لا تونَّا
حن هل العادات واهل الحرايب

ديرة الإسلام حامينها إنَّا
قاصرينٍ دونها كل شارب.

جواب #الشاعر_صالح_الاحمدي

‏ياقليل العقل هذا يمنا
واليمن يحرم على كل عايب

قل لمن ساقك علينا تجنا
دولتك راس البلا والمصايب

أسأل التاريخ ينبيك عنا
والله انا ماحملنا الغلايب

يوم خلينا الجنابي تحنا
من علوج الترك والدم رايب

وانت وإسرائيل لا تمتحنا
والله انك باتشوف العجايب
‎
جواب #ضيف_الله_سلمان

‏في وطيس المعركة ما وهنّا
با نخلي مملكتكم خرايب..!!

حيث قال الباري انكون كنّا
معنويتنا تزل السحايب..!!

من صدى صرخات(هيهات منّا)
بان خبر الالوية والكتايب..!!

اسال الجيش السعوديّ عنّا
من لقانا فر مذعور خايب..!!

#عبدالسلام_المتميز

ضف وجهك لا تقل يوم (حِنّا)
وانت تتمترس بجيش الأجانب

كم بحثنا في المعركة ما لمحْنا
غير عقبك وانت مذعور هارب

تكشفوا عوراتكم خوف، لَنّا
طبعنا ما نلحق اهل العوايب

انتو اسرة طارئة ليس منا
واهلنا شعب الجزيرة حبايب

#يحيى_الوحيشي

مرحبا ما حن راصد وثنّا..
راعد الصماد واشعل لهايب..

والله انك بالهزيمة معنّا..
وعد من ربي تجيك الغلايب..

حلفك المهزوم ما قد تهنّا..
من مزارعنا بعنقود طايب..

ما جنيتم سايغة من وطنّا..
لا تهنجم ياسفير الثعالب..

#شاعر_بيحان_ابوليث_المحضار

مَن يعلم مَن..؟! هـ يٓازمنا..
تاليتنا ذا يرينا الحرايب..

يافقد عقله وخرف وجنّا..
او هذى من فرط ماكان شارب..

مثلكم يشهد علينا وطنا..
مايشرف خصم ويعز صاحب..

لو عليكم كان ماحنا شحنا..
بندقيه او حزمنا المقاطب..

خصمنا امريكا وصهيون لْـٰ نّا..
قد صرخنا "الموت" والله غالب..

#الشاعر_بندر_السقاف

الارانب والثعالب تجنا
الله اكبر يازمان العجايب

مستحيل انها تصل منزلتنا
منزلتنا فوق فوق السحايب

لك ثمان اسنين حنا وحنا
بس فالواقع طلع حن كاذب

مانحصلكم يلا من هجمنا
مالقينا الا لفيف الاجانب

انتظرنا بانجيك انتظرنا
تاليه شينه وشر العواقب

#شداد_حُميد

يا ارذل الاعراب عشنا وشفنا
واتضح للكل موجب وسالب

مجدنا معروف يا من جهّلنا
شعب خالي من جميع الشوايب

كل رافع راس جانا ودنّا
وانكسر قرنه وذاق المصايب

يا قليل الاصل ب الله ركّنا
وانت راكن متكل ب الاجانب

نذل ضن الامر له قد تسنى
واتكل ب الغرب والله غالب

#عزالدين_جحاف

يامسعود خبت لفظا ومعنى
هل نباح الكلب يؤذي السحايب

ويش ودف بك تعادي يمنا
ياعديم المعرفة والتجارب

بشدة البأس الإله قد وصفنا
حكمة.ن وايمان والرأي صائب

من ثقافة هدي ربي شربنا
وانت لابوال البعارين شارب

ياحقود القلب لما هزمنا
منتخبكم تقصفون الملاعب !!

#عبدالواسع_صايل_الغولي

ياملوك العهر هذا وطنّا
موطن اهل المجد شبان وشايب

في المعارك تحت راية علمنا
نسقي المحتل مصبوب ذايب

وانت تعزف لحن حنّا وحنّا
وانت وامريكا وصهيون حبايب

قالها نعمان وايوب غنّا
لن ترى الدنيا على ارضي غرايب

#نجيب_العوسة

يا ال جابر خف وين انت منا
فرق بين القاع هي والسحايب

روح دور لك لمرقص ومغنا
ماانت قد المرجله والحرايب

وجيشكم ذي قال حنا وحنا
رحتو استأجرتو بداله كتايب

إسأل التاريخ ياتنح عنا
وانت قل للناس ويش انت جايب

#ابوريام_الطاهري

ياقليل العقل ماتعرف نسبنا
ان انا والاوس والخزرج قرايب

وأن ركن البيت في الكعبة تبعنا
وان نجم اسهيلنا فوق السحايب

وأن وادي ويل في فوهة غضبنا
اشربوا سم الافاعي والعقارب

با نشويكم على شعلة لهبنا
ياثعالب نجد واشباة الارانب

#أبومالك_الكوماني

قل لذي باسم الحرايب تغنا
قد فضحنا خبر جيش الهرايب

ذي بداء في حربنا ماتهنا
هفته جابت عليه المصايب

بايجيه الرد وافي معنا
بانرجع له مدنها خرايب

قادم ايامه تقل كيف كنا
ليتنا اوعينا لصوت ابن طالب

#الشاعر_عبدالفتاح_الغولي

لاتطيل الهرج والمرج عنا
اليمن هامات فوق السحايب

الحرايب لأهلها ..لاتمنا
بايجيك الموت مصبوب ذايب

مثلما فزنا بكورة قدمنا
باننيِّخ... نوقكم ....فالحرايب

صرت ترجف مننا لازملنا
وصار جيشك ينتجي بالهرايب

#الشاعر_محمد_الردماني

الخبر قد فيه إنّا وإنّا
واليمن مشهود له فالنوايب

نحمد اللهْ مستواكم تدنّا
حلفكم منهار من كل جانب

لا تجي بسم العروبه تغنّا
وانت لاسرائيل ضمن الزلايب

والقسم لا تُدْفنوا في وطنّا
اسألوا عنّا العرب والأجانب

#إتحاد_الشعراء_والمنشدين

https://t.me/aboyahyaalshami

1.8K viewsضياء سلمان, 17:22

#الشاعر_ضيف_الله_سلمان

المجاراة عن انتصارات الجيش واللجان الشعبية في جبهة حرض وانهيارات المنافقين ..

البدع #صقر_اللاحجي

ياحرض كيف حال العاصفة
وين عاد الويتها والزحوف!!

ما سلم غير نصف الناصفة
قلدش كم طحنتي من الوف..!!

#ضيف_الله_سلمان

ضربة الله كانت خاطفة
دخّلت نجد في حالة كسوف..

اخسأي يا الدقون الزايفة
ما على شعب الانصار اي خوف..

#جبر_المسعدي

عندنا الحرب شغله طارفه
مانقفي من اكرام الضيوف

ذي تبخر ولاهي آلفه
تحرق السقف والجدر الرقوف

#احمد_درهم

عاصفة نجد قالت آسفة
طوف يامن سأل عني وشوف

رغم دعم القوى المتحالفة
وام الإرهاب موعدها الخسوف

#عاقل_بن_صبر

في حرض حازمين الطارفه
كسروا روس الاعداء والانوف

جند ربي بســـــرعه خاطفه
رجعوا غزل بن سلمان صوف

#محمد_التركي_الهلالي

كل جبهه تختزل ذا السالفه
كل ما أينع حلفهم جاه القطوف

طايفه تقتل وتبقي طايفه
نمتنحهم !! والردي عينه تشوف

#ابورواسي_أرحب

المعارك... ...عبوه ناسفه
مالها عندجندالله سقوف.

في حرض بايشوف الآزفه.
من علينا يقلد فيلسوف

#امين_التركي

ياحرض عـــــــاد صنعاء واقفه
كالجبل وانتي ابقي في وقوف

اليمـــــــــــــن كلها متكــــــاتفه
يا رؤس اينعت حــان القطوف

#شاعر_بيحان_ابوليث_المحضار

‌‎فالصحاري قممنا واقفه
ماتهز الشوامخ بالعصوف..

حربنا يالعلوج الزاحفه
اصغر اهدافها تحرير حوف

#عبدربه_الحداد_البيحاني

جاه ضرب الرجال القاصفه
مانفع ضدها عرض الكتوف

من ذنوب البشر متراصفه
فوق ضهره خسر واحنا نشوف

#هادي_حسين_الرزامي

من غزانا فنفسه حاتفه
بالأوالي وصاروخ الكتوف

موت حايم على اهل العاصفه
والرجاجيل تنجفهم نجوف

#الشاعرفرحان_السلامي

في حرض يالجيوش الزاحفه
ارحبي تحت ضربات السيوف

نـار صنعـــا عليكُـــم عــاكفـــه
قـوة اللـه يحصـدكـم صفــوف

#عبدالواسع_صايل_الغولي

ماخذتنا عليهم عاطفة
جالهم دعس معدوم الوصوف

واليمانين يوم الطارفة
مستعدين فى كل الظروف

#ابوسياف_البيحاني

يادموع الثكالى النازفه
كفكفي دمع عينك بالكفوف

وابصري نصر يحكي سالفه
وانتصارات فاآقت للوصوف

#ابويوسف_القاري

طايرتها الرمال الناسفه
حولتها نتف وقطع وصوف

ما رجع منهم الا التاحفه
فوق الاسعاف والا ف الكشوف

#فارس_المعزبي

اقصفي في حرض يــ القاصفه
خلي الحلف ما يقدر يشوف..!!

نصف جيشه جثث متراصفه
والبيقه مسلــّـِــم كــ الخروف..!!

#محمود_الجنيد

ارض فوق الجماجم واقفة
بعد ما مرّغت كل الانوف

ريت فيها الجبال النايفة
والدماء فوقها الاشلا تطوف

#يحيى_الوحيشي

عاصفة نجد جتها قاصفة..
باغتتها وردتها عطوف..

في حرض صدرية ومقاصفة..
هفت الجيش الامريكي هفوف

#زيد_الخراشي

مابقي من يقص السالفه
والكتايب عددها بالالوف

صابحت كل ابوها جايفه
في صحاري حرض شرفث وصوف

#عبدالقدوس_القباحي

في غياهب صحاري ناشفه
اصبح الحلف في ذله وخوف

وانتصاراتنا مترادفه
دام واعصارنا العاتي يطوف

#حسين_الدهمس

قــــوة الله تعــصــف عــاصــفة
في حرض عاصفة تلق الحتوف

واصبـحت عاصفتـــهم خـايفـة
فاقدة للتحــكم باالــضــــروف

#عدنان_جحـوح

كلنا كالجبال النايفة
ما نهاب المنايا والحتوف

نبترع والطواير قـاصـفة
ون هجمنا نجندلها ألوف

#ابو_مقدام_الهمام

ينصر الله من قد حالفه
وعد مضمون ماهو بالالوف

اجنود ربي مع الله واقفه
قل نجد انت لإمريكا خروف

#ابوصالح_العملسي

تالفــــــه والـــويـــتــــها تالفه
ممــلكة نجد رعيان الخــروف

والمـــصــافي تبعـهـا نــاشـفه
فقر مدقع وفي اسوا الضروف

#ابوجبر_العبيدي

ياحرض قدحمات الطارفه
طوق ملوي على اطرافك صفوف

قوم مثل السيول الجارفه
يسقوا الخصم بانواع الحتوف

#علي_مغلي

ودفو في عبوة ناسفة
وادخلو جيشهم تحصد الوف

والممالك لذلك واقفة
وحلف الامريك للخيبة يشوف

#الشاعر_ابومحمد_السحاري

قد رقينا مراقي النايفه
شعب صامد ودعاس الانوف

من غزانا تحــل الراجفه
في ظميره ويتعبا بخوف

#الشاعر_سعيد_الكهالي

للخـوارج وقـوم الـطايفه
بانحـط الـنقط فوق الـحروف

فـي حرض جـاتنا المتحالفه
والبـلالـفهم فـيها لفــوف

#ابوحنشل_قاريه

سـيــل جـارف ابـاد الـعـاصـفـه
في حرض حلفهم ذاق الحتوف

بـعـد تـكـتـيـك خـطّـه خـاطـفـه
من هدى الله نضّـمـنا الصفوف

#نصر_القيري

في حرض يوم ظلت ساقفه
قهوة الخصم ذي صايم عطوف

ما تفيد القوى المتحالفه
دام ربي وقايدنا حلوف

#علي_بن_علي_مسرع

هي جزاته فعلها سالفة
حن تعدى معاليق النصوف

قد حرض من دماهم آلفه
بينها ارواح حجاجه تطوف

#سيف_حسن_العامري

يااخي كانت ختام السالفه
للمنافق سحق من شم الانوف

والقواصف والرمال الزاحفه
نكفت مازد خرج منهم خروف

#جميل فرج

يابنادق حزام الطارفه
كملي من بقي والعين تشوف

بعد عفو العلم لاعاطفه
غير في روسهم نجف النجوف

#محمد_قارية

احــرقوا كل قوه زايفه
في حرض يامغاوير الزحوف

والسعودي قسم نتناتفه
نسحقه بـ البنادق والحروف

#أبوالكرار_المجنحي

2.9K viewsضياء سلمان, edited 04:35

#الشاعر_ضيف_الله_سلمان

مجاراة عن (الاطماع البريطانية في اليمن ودعوة للشعب اليمني لمواجهة الاحتلال البريطاني الجديد..)!!

البداية من الشاعر عزيز الردماني

الاحتلال البريطاني يبا لطمه.
قد ربما انه نسي ملطامه الاول.

ارض اليمن من غزاها يكتسر خشمه.
وقبر مفتوح للغازي وللمحتل.

بحول ربي وبالشيكي وبالشرمه.
من جا معشق (دبل) يرجع وهو (سنجل).

(انجلترا) لا تشكل فوقنا زحمه.
ما با تحصل سوى ذي جدها حصّل..

#ضيف_الله_سلمان

قد البريطاني اصبح خارج الخدمة
شوفوا لنا غزو ثاني غير مُستعمَل..!!

وكيف يغزي يمن ليمان والحكمة
ذي فرّ منها وعاد الحرب بالجرمل..!!

شعب اليمن غير في حربه وفي سلمه
بايغرقوا في اليمن قد قالها (هيكل)!!

(لندن)وراء كل ماوصلت له الامة
هي ذي تشن الحروب وذي تعيق الحل..!!

#الشاعر_صقر_اللاحجي

(لندن) هي الراعيه للحرب والازمه
واليوم جت لايدك ياشعبنا اتفضل

واين (الحريزي) يعاملهم بلا رحمه
ويدق من شق لما بندقه تبطل

وكل واحد من (المهره) يخذ قسمه
وقسمنا يتركه لاحد ما نوصل

وكل قتّال يكتب في القتيل اسمه
من اجل تدرا به الاجيال كم قتّل..!!

#الحسين_بن_علي_المحضار

من جا يمنا يدور له على لقمه
يلقى ملاطيم باتكسر له المفصل

(عظمى)!! ولاهي تساوي عندنا جزمه
قدامها ذو الفقار وخلفها الجرمل.

قل للبريطان يحفظ تيّة الكلمة
ويدرّس الجند معنا في المدخل:

من يقرب الحد باتبكي عليه امّه
يتّم عياله وخلا الزوجه اترمّل..

#محمد_هزاع_البهلولي

شعب اليمن لاح في كبْد السماء نجمه
نيران حمراء على الغازي ومووت ازول

من جا مهنجم عليهم يكسروا خشمه
ملطام من شعبنا المؤمن ب "كف اشول"

يعرّفوا كل غازي لليمن حجمه
في ماضي الدهر والحاضر ومستقبل

لا عد يزيد البريطاني ولا كلمه
من بعدما اهتان في ماضيه واتبهذل...

#محمد_مفلح

بانبعد الهنجمه والكبر والتخمه
ونركّبه لا ضوى بعد الهمر سيكل

قولوا لهم ما بقي زمره ولا طغمه
وعاقبة كل غازي في اليمن يفشل

لا بد ما الكل يدّي للنقا غرمه
ذي ما ترجّل متى يا قوم يترجّل

من عان ظالم رماه الله في ظلمه
يا من على مائدة سلمان يتسوّل

#الشاعر_سامي_عبيد

سابع سنه والتحالف داخل البرمه
ولادرى في اليمن لاوين بايوصل

دسنا على ارتالهم بالألي اللطمه
واحلامهم بددت والجيش يتبهذل

والإنجليزي مهرول جأ يبا قسمه
ما يدري إن اليمن ماعاد مثل أول

وإنه رقم صعب مابا يقبل القسمه
ومن نوى قسمته مابا يصل لا حل

#الشاعر_شداد_حميد

قولو لهم اص لا نسمع ولا كلمه
من كان واثق برب العالمين ما ذل

الاحتلال البريطاني نسى ل اسمه
من بعدما اهل اليمن صابوه في مقتل

ياما حلم ما تحقق ف اليمن حلمه
هنا انتهى بعدما ف العالم استفحل

ومن نسى مجدنا يقرا في الختمه
احنا اولو البأس وانصار النبي واسأل

#أحمد_درهم

ياشعبنا الجد ثم الهمَّة الهمَّة
العيش تحت الوصاية أمر لايُقبل

ومثلما الحلف خابت عاصفة حزمه
أرض اليمن من يحاول غزوها يُقتل

يامسألة حَلَّهَا ماتقبل القسمة
لوغالط الأجني فيها ولو طوَّل

لا تحلم (الضبع)من بيت (الأسد) لحمه
من قبل تبحث لمخرج حاذر المدخل

#ابومنار_العشي

عين البريطاني أن ارض اليمن لقمه
عزة عليه أن النوايح من غبي واخبل

ما يدري أنها مقابر كلها ضُلمه
يا ويله الويل من لاحضانها هرول

نستقبله( بالمضليات) (والشرمه)
(وبالشياكي)و(بالشاغوف)(والجرمل)

نهايةالقول للعدوان كم كلمه
يبشر بخزيه ووعد اغبر وموت أزول

#ابوالمازن_عبدالله_الشريف

انجلترا درسها منا سبق علمه
وان ودها درس ثاني بايقع مُدبل

ترحب على ماقرح من لاهب البغمه
من كف رامي يحط النار في مقتل

ولا عذر ترتوي القيعان من دمه
ويعود مهزوم بالخيبات متحمّل

هذا اليمن صرح شامخ والعدا سمه
يا كل غازي رويدك قبل تتعجل

#عناش_المشرقي

ردفان لي منع ابوك القمه القمه
اوبه تفكر بلحظه واحده منزل

الشعب منك يشكل ف الحضا جسمه
شامخ ولا زعزعه غازي ولا محتل

قد نصرة الله مذكوره في الختمه
لمن عليه اعتمد واشتد واتوكـل

ببندقك فك في بطن الغبي تلمه
واذراه باروت لايهداء ولا يخمل

#شاعر_بيحان_ابوليث_المحضار

ايهيه عاد البقايا من فتت لحمه..
والحصن والسور والزاكي مع الجرمل..!!

وان قد نسي .. بانعيد الدرس من دمه
ويكون عبره لهذا العالم الاحول..!!

بالله وش جابهم ياقوم وش علمه..
اظن غلطان في الموقع على قوقل..!!

او ساق هذا علينا ذنبه وجرمه..
وجاء يدوّر جهنم .. ظنه استعجل..!!

#عز_الدين_جحاف

صحيح أهل اليمن ف قلوبهم رحمه
كما وصفهم بهذا الخاتم المرسل

وهم رجال الهدى والرأي والحكمه
وأهل الايمان واهل المنهج الأفضل

لكنهم في الوغى والبأس والهمه
أقوى البشر منذ أسعد كامل الأكمل

واليوم صاروا ببوجبريل في القمه
ماجهد ابوك يابريطاني بهم تفعل !؟

#الشاعر_ابو_حمزة_ماجد_نشير

ياكل نشمي مقحقح ماوهن عزمه
من هو يبا حل فهذا اول وآخر حل

بانلطم الخصم بالبندق وبالجزمه
لانه كما بوش يبا له لطم بالصندل

ونوفي اللطم ذا من فوهة البغمه
من خشم رشاش وخشم ام فور ومعدل

3.6K viewsضيف الله سلمان, 17:23

About

Blog

Apps

Platform