❗️На Паліну Шарэнду-Панасюк заведзеная новая крымінальная справа

Пра гэта піша ейны муж Андрэй. Таксама ён паведаміў, што Паліна знаходзіцца ў гомельскім СІЗА №3.

Затрыманы адміністратар тэлеграм-канала «Propovednik»

Як паведамляе ПЦ “Вясна” са спысылкай на праўладныя тэлеграм-каналы, затрыманы мужчына нібыта «распальваў нацыянальную і сацыяльную нянавісьць, заклікаў да гвалту, выступаў за радыкалізацыю і тэрарызм».

Паведамляецца, што распачаты шэраг крымінальных спраў — затрыманаму пагражаюць 10 гадамі зьняволеньня.

У тэлеграм-канале «Propovednik» усяго 117 падпісантаў, а яго мэтамі названыя «сыход ад уплыву фашысцкай Расеі і вызваленне Беларусі ад дыктатуры, у тым ліку і дыктатуры Ціханоўскай».

“Выратаваць і выцягнуць палітычных зьняволеных з турмы, і рабіць гэта любымі даступнымі і недаступнымі спосабамі” -- прэс-канфэрэнцыя ў Беларускім Доме ў Варшаве з нагоды дня палітвязьняў.

Фота-рэпартаж ад медыя Warta
https://warta.media/2004

Сяргей Навумчык пракамэнтаваў сітуацыю з квотамі ў Каардынацыйнай Радзе

Гендарны казус узьнік са сьпісам Аб'яднання «Наша справа» на чале з палітолагам Розай Турарбекавай, які складаецца з 14 чалавек. У апошні момант яго вырашылі пакінуць дзьве жанчыны. Адна з іх — медык Анастасія Махамет, якой паставілі такую ўмову на працы.
У выніку сьпіс перастаў адпавядаць патрабаваньням аб гендарных квотах, паводле якіх не менш за 40% кожнага сьпісу павінны складаць жанчыны.
У такіх абставінах Розе Турарбекавай патрэбна выключыць са сьпісу двух мужчын, каб прадухіліць поўнае выключэньне ейнага сьпісу з выбараў.


Сяргей Навумчык, намесьнік старшыні рады БНР, дэпутат незалежнасьці:

Прапаную шаноўнай Розе Турарбекавай, якой загадалі выключыць са сьпісу ў КР двух мужчынаў, зрабіць «ход канём». Двое мужчын са сьпісу мусяць абвясьціць сабе жанчынамі (ці правільна я разумею, што гэта называецца – трансгендэрамі?). Гэта паставіць выбарчую камісію перад экзістэнцыйным выбарам. Пагадзіцца – значыць, давесьці сытуацыю з квотамі да поўнага абсурду (яна і была ад пачатку абсурднай). Не пагадзіцца – азначае праігнараваць прагрэсіўныя тэндэнцыі, адстаць ад жыцьця, вярнуцца ў XIX стагодзьдзе, калі не сказаць – у змрочнае сярэднявечча.

Так, разумею ад тых двух мужчын гэта запатрабуе мужнасьці (прабачце за таўталогію). Ну дык палітыка вымагае ахвярнасьці, дарагія мае. Зрэшты, потым можна будзе вярнуцца ў звыклы пол, калі не спадабаецца.

А ўвогуле, як чалавек, які ў 1994 як давераная асоба кандыдата з прэзыдэнты Пазьняка лічыў, што найлепшым міністрам абароны была б Галіна Сямдзянава (і пераконваў у гэтым генэралаў, калі часам даводзілася зь імі размаўляць), і які вось ужо 27 гадоў зьяўляецца намесьнікам Івонкі Сурвіллы і мала бачыў кіраўнікоў, роўных ёй – перакананы, што якасьці чалавека – прафэсійныя, палітычныя, камунікатыўныя, ды якія заўгодна – вызначаюцца зусім ня полавымі прыкметамі.

Расейскія тэрарысты нанесьлі ўдар па гандлеваму цэнтры ў Харкаве. Колькасьць загінулых пакуль невядома.

Новая атака на Курапаты — камэнтар Зянона Пазьняка

Як паведамляюць СМІ, на мэмарыял у Курапатах распачалася новая атака: паламаныя вялікія крыжы на Гальгофе і на ўваходзе ў мэмарыял, а таксама апаганены абраз Маці Божай.

WARTA узяла каментар з гэтай нагоды ў Зянона Пазьняка — адкрывальніка і даследьніка Курапатаў.

https://www.youtube.com/watch?v=rNztnWo_Qgk

У Варшаве адкрыўся новы музей з каштоўнымі для беларусаў экспанатамі

Палац Рэчы Паспалітай — другая назва палаца Красіньскіх у Варшаве – стаў даступным для наведвальнікаў.
Пасьля заканчэньня рамонту архітэктурны помнік Варшавы ў стылі барока будзе даступны для наведвальнікаў амаль штодзённа: кожны зможа азнаёміцца з экспанатамі ўнікальнай калекцыі Нацыянальнай бібліятэкі, якія ў ім захоўваюца. Экспанаты музею маюць істотную каштоўнасьць для польскай, беларускай і агульнаеўрапейскай гісторыі.

Якія экспанаты будзе асабліва цікавым пабачыць беларусам?

У экспазіцыі палаца Рэчы Паспалітай можна пабачыць два Статуты ВКЛ, найвялікшы стараславянскі кананічны рукапіс Супральскі, рукапісы Элізы Ажэшкі і Адама Міцкевіча, а таксама гравюру з выявай Тадэвуша Касцюшкі.

Палац Рэчы Паспалітай у Варшаве даступны для наведвальнікаў бясплатна - шэсць дзён на тыдзень, з 11.00 да 19.00, акрамя аўторка.

🥀Памерла маці забітага лукашыстамі палітвязьня Вітольда Ашурка

Алене Міронаўне Ашурак было 86 гадоў. Як стала вядома, яна сышла з жыцьця ў Бярозаўцы 27 траўня — праз шэсьць дзён пасля трэцяй гадавіны сьмерці Вітольда ў калоніі № 17.

У апошнія гады стан здароўя Алены Міронаўны пагоршыўся, ёй было цяжка хадзіць, у тым ліку наведваць магілу сына.

26 траўня у беларускім Доме ў Варшаве адбылася вечарына памяці забітага ў турме палітвязьня Вітольда Ашурка. Каб ушанаваць памяць Вітольда, выступілі ягоныя сябры і сваякі, а таксама беларускія палітыкі і грамадскія дзеячы. Некаторыя са сьведчанняў прагучалі упершыню.

Фота-рэпартаж на канале Варта:
https://warta.media/2068

5 чэрвеня “Купалінка” запрашае гледачоў на паказ трох спэктакляў у Мазавецкім інстытуце культуры.

Напярэдадні прэм’ерных паказаў, Warta сустрэлася з рэжысёркай тэатральнай студыі “Купалінка” Натальляй Локіць.

Якія вынікі падводзіць студыя “Купалінка”? Як адзначыць завяршэньне сезону? Пра далейшыя планы і бягучыя праблемы “Купалінкі” чытайце на сайце:

https://warta.media/2097

Эўрапейскі суд у Люксембургу разгледзеў пазоў авіякампаніі “Белавія” супраць Савета ЕС, у якім кампанія патрабавала зьняць зь яе санкцыі. Суд адмовіўся і пастанавіў, што «Белавія» яшчэ мусіць заплаціць судовыя выдаткі.

https://warta.media/2103

А вы ведалі, што Гугл не дазваляе ствараць рэкламу па-беларуску?

На жаль, гэта так. І гэтую сітуацыю варта выправіць.
Падпішыце петыцыю, складзеную беларусамі да карпарацыі Гугл: https://www.change.org/p/google-add-belarusian-language-to-google-ads

Петыцыя заклікае да вырашэньня асноўных дзьвюх праблем, зь якімі сутыкаюцца беларускамоўныя карыстальнікі:

1) Google Ads не дазваляе рэкламаваць бізнес на беларускай мове. Больш за тое, нават не дазваляе выкарыстоўваць у рэкламе гіперспасылкі на беларускамоўныя сайты;

2) Вельмі цяжка ці немагчыма прайсьці мадэрацыю ў сэрвісе платнай рэкламы Google Ads для відэа на YouTube з беларускамоўным запісам.

На дадзены момант петыцыю падпісала 33,695 чалавек.

З прамовай на вечары памяці Вітольда Ашурка выступіў Зянон Пазьняк

Запіс выступу на канале WARTA:
https://www.youtube.com/watch?v=MW6bKl2OY9s

У Тбілісі невядомыя разграмілі офіс найбуйнейшай апазіцыйнай партыі "Адзіны нацыянальны рух".

У офісе, блізкай да экс-прэзідэнта Міхаіла Саакашвілі партыі АНР, паведамілі, што выбіты вокны і пашкоджана абсталяваньне.

Па словах відавочцаў, каля 40 чалавек зь бітамі і жалезнымі прутамі ўварваліся ноччу ў офіс партыі.
Нягледзячы на тое, што аддзяленьне паліцыі знаходзіцца за 1-2 км ад будынка, ніхто з тых, хто нападаў, затрыманы не быў.

На месцы вядуцца сьледчыя дзеяньні.