O‘ZBEKISTON-ERON: HAMKORLIKDA SUT MAHSULOTLARI ISHLAB CHIQARILADI

🤝Kuni kecha O‘zbekiston Qishloq xo‘jaligi vaziri o‘rinbosari Umid Mamadaminov Eronning “MIMAS DAIRY” kompaniyasi boshqaruv kengashi raisi Abbos Salimiyon boshchiligidagi delegatsiya a’zolari bilan uchrashdi.

Kompaniya vakillari tomonidan Angren EIHda sut mahsulotlarini ishlab chiqarish fabrikasi tashkil etish hamda Ohangaron tumanida chorva uchun ozuqa mahsulotlarini yetishtirish bo‘yicha qiziqish bildirildi va ish boshlash uchun mo‘ljallangan yer maydonlarining holati joyiga borib o‘rganildi.

#xalqaro_hamkorlik #tashrif #delegatsiya #qishloq_xojaligi #sut_mahsulotlari #chorva_ozuqasi #Ozbekiston #Eron

Vebsayt • Telegram • Facebook • YouTube • Instagram

MISR DELEGATSIYASI BILAN QAND LAVLAGI YETISHTIRISH BORASIDAGI HAMKORLIK MUHOKAMA QILINDI
🇺🇿🤝🇪🇬
Poytaxtimizda O‘zbekiston Qishloq xo‘jaligi vaziri Aziz Voitov yurtimizga tashrif buyurgan Misrning “Orascom Investment Holding” kompaniyasi raisi Najib Saviris boshchiligidagi delegatsiya a'zolari bilan uchrashdi.

Uchrashuvda Misr investitsiyalari ishtirokida O‘zbekistonda qand lavlagini yetishtirish va shakar ishlab chiqarish borasida hamkorlikni yo‘lga qo‘yish masalalari muhokama etildi.

O‘zbekistonga 2022-yilda umumiy qiymati 2,2 mlrd dollarga teng kundalik oziq-ovqat mahsulotlari import qilingan bo‘lib, uning asosiy qismini go‘sht va don mahsulotlari, kungaboqar yog‘i hamda shakar tashkil etgan.

Ushbu hamkorlik loyihasi uchun Jizzax viloyatining G‘allaorol tumani va Toshkent viloyati Ohangaron tumanida yer maydonlari bilan tanishish taklif etildi. “Orascom Investment Holding” kompaniyasi vakillari loyihaning dastlabki fazasida taxminan 200-300 mln dollar miqdorida investitsiya kiritilishi, 30-50 ming gektar yer maydonida qand lavlagi yetishtirilishi rejalashtirilganini ma'lum qildi.

#xalqaro_hamkorlik #vazir #tashrif #qishloq_xojaligi #delegatsiya #eksport #import

Vebsayt • Telegram • Facebook • YouTube • Instagram

ERON BILAN QISHLOQ XO‘JALIGIDA KENG KO‘LAMLI HAMKORLIK YO‘NALISHLARI BELGILAB OLINDI

🤝Qishloq xo‘jaligi vazirligida Eron sanoat, konlar va savdo vaziri vazifasini bajaruvchi Sayid Mahdiy Niyoziy boshchiligidagi delegatsiya bilan uchrashuv bo‘lib o‘tdi.

Uchrashuvni ochar ekan, O‘zbekiston qishloq xo‘jaligi vazirining o‘rinbosari Umid Mamadaminov bugungi kunda O‘zbekistonda qishloq xo‘jaligida amalga oshirilayotgan keng ko‘lamli islohotlar mamlakatlarimiz o‘rtasidagi hamkorlikni yanada rivojlantirish uchun yangi imkoniyatlar ochayotganligini ta'kidladi.

Eron delegatsiyasi O‘zbekiston tomonining takliflarini qizg‘in qabul qildi, ular o‘zlari oldinga surmoqchi bo‘lgan takliflar bilan uyg‘un ekanligidan mamnuniyat bildirdi. Chunonchi, eronlik mehmonlar Buxoroda issiqxonalar qurilishi, biotexnologiya va innovatsiyalar bilan almashish, kuchli bosimga chidamli quvurlar yetkazish va ishlab chiqarish, o‘simlik karantini, O‘zbekistonda za'faron ishlab chiqarib, Eronga eksport qilish borasida o‘z takliflarini bildirdilar.

#xalqaro_hamkorlik #tashrif #qishloq_xojaligi #delegatsiya #Ozbekiston #Eron

Vebsayt • Telegram • Facebook • YouTube • Instagram

QISHLOQ XO‘JALIGI MUTASADDILARI ITALIYADA BO‘LDILAR

🇮🇹O‘zbekiston Qishloq xo‘jaligi vazirligi va sohadagi bir qator ilmiy-tadqiqot muassasalar vakillari 22-26-mayda Italiyada bo‘ldi.

Tashrif doirasida mamlakatimiz delegatsiyasi Italiya qishloq xo‘jaligida amalga oshirilayotgan, xususan, meva-sabzavotchilik, uzumchilik, chorvachilik va baliqchilik yo‘nalishlaridagi ishlarni o‘rgandilar. Shuningdek, Italiyada sug‘orish ishlari qanday yo‘lga qo‘yilgani, mamlakatdagi irrigatsiya tizimlari bilan yaqindan tanishdilar.

#xalqaro_hamkorlik #qishloq_xojaligi #safar #delegatsiya #meva_sabzavotchilik #uzumchilik #chorvachilik #baliqchilik #Ozbekiston #Italiya
*****
СПЕЦИАЛИСТЫ СЕЛЬСКОГО ХОЗЯЙСТВА УЗБЕКИСТАНА ПОБЫВАЛИ В ИТАЛИИ

🇮🇹Италию посетили представители Министерства сельского хозяйства Узбекистана и ряда профильных научно-исследовательских учреждений.

В рамках визита делегация нашей страны ознакомилась с итальянским сельским хозяйством, в частности, в центре внимания были методы ведения бизнеса в сферах плодоовощеводства, виноградарства, животноводства и рыболовства. Также наши специалисты познакомились с функционированием ирригационных системам страны на Аппенинском полуострове.

#международное_сотрудничество #сельское_хозяйство #визит #делегация #плодоовощеводство #виноградарство #животноводство #рыболовство #Узбекистан #Италия

Vebsayt • Telegram • Facebook • YouTube • Instagram

O‘ZBEKISTON VA ITALIYA O‘RTASIDA QISHLOQ XO‘JALIGI SOHASIDAGI HAMKORLIKNI MUSTAHKAMLASH

🤝O‘zbekiston Respublikasi Prezidenti Shavkat Mirziyoyevning Italiyaga tashrifi arafasida mamlakat poytaxti — Rim shahrida ikki mamlakat o‘rtasidagi o‘zaro aloqalar va hamkorlikning yangi shakllarini mustahkamlashga, rivojlantirishga hamda qishloq xo‘jaligi, sanoat, energetika va iqtisodiyotning boshqa sohalariga investitsiyalar jalb qilishga yo‘naltirilgan O‘zbekiston-Italiya biznes-forumi o‘tkazildi.

#xalqaro_hamkorlik #delegatsiya #tashrif #biznes_forum
*****
УКРЕПЛЕНИЕ СОТРУДНИЧЕСТВА МЕЖДУ УЗБЕКИСТАНОМ И ИТАЛИЕЙ В СФЕРЕ СЕЛЬСКОГО ХОЗЯЙСТВА

🤝Накануне визита президента Республики Узбекистан Шавката Мирзиёева в Италию, в столице страны городе Риме прошёл Узбекско-итальянский бизнес-форум, призванный укрепить и развить тесные связи и новые форматы сотрудничества и привлечения инвестиций в сельское хозяйство, промышленность, энергетику и другие сферы экономики.

#международное_сотрудничество #делегация #визит #бизнес_форум

Vebsayt • Telegram • Facebook • YouTube • Instagram

QISHLOQ XO‘JALIGIDA DRONLARDAN FOYDALANISH KENGAYTIRILADI

🤝Iqtisodiyotning ko‘plab sohalarida samaradorligi yuqori bo‘lgan uchuvchisiz parvoz apparatlari (dronlar) va dron materiallaridan foydalanishga qiziqish ortmoqda.

Qishloq xo‘jaligi vaziri o‘rinbosari Qaxramon Yuldashev Koreya Respublikasining Yer, infratuzilma va transport vazirligi hamda Geospatial Information Co. Ltd. kompaniyasi rahbar va mutaxassislaridan iborat delegatsiya bilan uchrashdi.

Uchrashuvda o‘tgan hafta Koreya-O‘zbekiston “Drone Road Show 2023” ko‘rgazmasi muvaffaqiyatli o‘tgani, unda Koreyaning 6 ta yetakchi kompaniyasining turli yo‘nalishlardagi dronlari, ishlab chiqariladigan mahsulot va ko‘rsatiladigan xizmatlari namoyish etilgani aytildi. Shuningdek, agrar sohada qishloq xo‘jaligi yerlarini monitoring qilish, raqamli xaritalar hamda 3D-modellarni yaratish, dronlardan foydalangan holda aniq dehqonchilikni rivojlantirish, mazkur sohada mutaxassislarni tayyorlash masalalari, qolaversa, kompaniyalar bilan ikki tomonlama hamkorlik o‘rnatish bo‘yicha ijobiy natijalarga erishilgani ta’kidlandi.

#xalqaro_hamkorlik #qishloq_xojaligi #raqamlashtirish #dronlar #aniq_dehqonchilik #delegatsiya

Vebsayt • Telegram • Facebook • YouTube • Instagram

O‘ZBEKISTON DELEGATSIYASI RIMDA
🇺🇿🤝🇮🇹
Joriy yilning 1-7-iyul kunlari Italiya poytaxti yana bir nufuzli tadbirga mezbonlik qiladi. Qarorgohi Rimda joylashgan BMTning Oziq-ovqat va qishloq xo‘jaligi tashkiloti (FAO) o‘zining 43-konferensiyasini o‘tkazayapti. Mazkur anjuman doirasida navbatdagi muddatga tashkilot bosh direktori saylanadi va lavozimiga kirishadi.

Ayni jarayonda ishtirok etish uchun O‘zbekiston Respublikasi vakillari Rimda bo‘lib turishibdi. Delegatsiyaga O‘zbekiston Qishloq xo‘jaligi vaziri Aziz Voitov boshchilik qilmoqda.

Konferensiya davomida turli sessiyalar tashkil etilishi belgilangan. Unda ishlab chiqarishni takomillashtirish orqali suv resurslaridan oqilona foydalanish, oziq-ovqat isteʼmoli sifatini yaxshilash, atrof-muhit holatini yaxshilash hamda hayot tarzini takomillashtirishga oid qator masalalar muhokama qilinadi. Yagona va konstruktiv yechimlar belgilanishi kun tartibidan o‘rin olgan.

Bugundan O‘zbekiston delegatsiyasining mazkur tashkilot tadbirlarida ishtiroki boshlandi. Kun tartibidan o‘rin olgan asosiy tadbirlarda O‘zbekistondan Qishloq xo‘jaligi vaziri Aziz Voitov boshchiligidagi delegatsiya qatnashmoqda.

FAO konferensiyasining kun tartibidan o‘rin olgan masalalar bugungi global o‘zgarishlar davrida o‘zining ahamiyati bilan alohida ajralib turadi. O‘zbekiston uchun ham inchunun. Bunda har tomonlama maqbul qishloq xo‘jaligini tashkil qilish, tashqi omillar taʼsiridan himoyalana oladigan agrotizim yaratish va mamlakat oziq-ovqat xavfsizligi masalalarini majmuaviy yechimi hamda istiqbollarini belgilash shular jumlasidan.

#xalqaro_hamkorlik #vazir #delegatsiya #konferensiya #Ozbekiston #Italiya #FAO

🌐Vebsayt💬Telegram💬Facebook📺YouTube📷Instagram

O‘ZBEKISTON VA FAO HAMKORLIGI MUHOKAMA ETILDI

🤝O‘zbekiston Qishloq xo‘jaligi vaziri Aziz Voitov Rim shahrida o‘tayotgan BMTning Oziq-ovqat va qishloq xo‘jaligi tashkiloti (FAO)ning 43- konferensiyasi doirasida FAO bosh direktorining o‘rinbosari, Yevropa va Markaziy Osiyo bo‘yicha mintaqaviy vakili Vladimir Raxmanin bilan uchrashdi.

O‘zbekistonning FAO bilan hamkorlikdagi qo‘shma loyihalarining jami soni 66 ta bo‘lib, umumiy qiymati 70,05 mln dollarni tashkil etadi. Bugunga  qadar jami 15,03 mln dollarlik 33 ta loyihani amalga oshirish yakunlandi. Hozirda 33 ta loyiha ustida ish olib borilmoqda (umumiy qiymati – 55,14 mln dollar) va umumiy qiymati 41,3 mln dollarga teng 4 ta loyiha ishlab chiqilmoqda.
*****
НАПРАВЛЕНИЯ СОТРУДНИЧЕСТВА МЕЖДУ УЗБЕКИСТАНОМ И ФАО

🤝Министр сельского хозяйства Республики Узбекистан Азиз Воитов на полях 43-й конференции Продовольственной и сельскохозяйственной организации ООН (ФАО), проходящей в Риме, встретился с заместителем Генерального директора ФАО, Региональным представителем по Европе и Центральной Азии Владимиром Рахманиным.

Общее количество совместных проектов Узбекистана и ФАО составляет 66 на сумму 70,05 миллионов долларов США. На сегодняшний день завершена реализация 33 проектов на сумму 15,03 миллионов долларов США. В настоящее время ведутся работы по 33 проектам (на 55,14 миллионов долларов США) и в процессе разработки находятся 4 проекта стоимостью 41,3 миллиона долларов США.

#xalqaro_hamkorlik #vazir #uchrashuv #delegatsiya #konferensiya #oziq_ovqat #Ozbekiston #FAO #международное_сотрудничество #министр #встреча #делегация #Узбекистан #ФАО

🌐Vebsayt💬Telegram💬Facebook📺YouTube📷Instagram

QISHLOQ XO‘JALIGI VAZIRINING RIM UCHRASHUVLARI

O‘zbekiston Qishloq xo‘jaligi vaziri Aziz Voitov Rim shahrida o‘tayotgan BMT Oziq-ovqat va qishloq xo‘jaligi tashkiloti (FAO)ning 43-konferensiyasi doirasida bir qator mamlakatlar qishloq xo‘jaligi vazirlari bilan uchrashuvlar o‘tkazdi.
🇺🇿🤝🇨🇳
Xitoy Xalq Respublikasi Qishloq xo‘jaligi va qishloq ishlari vaziri Tan Jenszyan bilan uchrashuvda ikki mamlakat o‘rtasidagi qishloq xo‘jaligiga oid hamkorlik istiqbollari muhokama etildi. Uchrashuvda ta’lim sohasidagi hamkorlikka ham to‘xtab o‘tildi. Aziz Voitov ikki vazirlik shafeligida o‘zbekistonlik mutaxassislar uchun qishloq xo‘jaligi kurslarini muntazam tashkil etishni taklif etdi.
🇺🇿🤝🇦🇿
Aziz Voitovning navbatdagi uchrashuvi Ozarbayjon Qishloq xo‘jaligi vaziri Majnun Mamedov bilan bo‘ldi. Uchrashuv davomida qishloq xo‘jaligi sohasidagi ikki tomonlama aloqalarning bugungi holatiga baho berildi, hamkorlik istiqbollari muhokama etildi. Agrosug‘urta va qishloq xo‘jaligini raqamlashtirish borasida Ozarbayjon tajribasini o‘rganish, paxtachilikda o‘zbek seleksiyasiga mansub g‘o‘za navlarini Ozarbayjonda ommalashtirish, shuningdek ipakchilik va veterinariya sohalarida hamkorlikni yanada chuqurlashtirish borasida fikr almashildi.
🇺🇿🤝🇪🇪
Estoniya Qishloq xo‘jaligi vaziri Madis Kallas bilan o‘tkazilgan uchrashuvda ikki mamlakat qishloq xo‘jaligi sohalari o‘rtasida hamkorlik aloqalari muhokama qilindi. Ushbu hamkorlikning bosh yo‘nalishi sifatida agrota’lim sohasidagi hamkorlik tilga olindi. Jumladan, ikki mamlakat agrar universitetlari o‘rtasida o‘qituvchilar va talabalar almashinuvi masalalari ko‘rib chiqildi. Bundan tashqari, O‘zbekiston qishloq xo‘jaligi mahsulotlarining eksporti istiqbollari muhokama etildi, jumladan Boltiqbo‘yi mamlakatiga barra qovun, ko‘kat, shuningdek turshak va mayiz yetkazib berish imkoniyatlari yuqori baholandi.

#xalqaro_hamkorlik #vazir #uchrashuv #delegatsiya #konferensiya #oziq_ovqat #Ozbekiston #Xitoy #Ozarbayjon #Estoniya #FAO

🌐Vebsayt💬Telegram💬Facebook📺YouTube📷Instagram

CHO‘L HUDUDLARIGA ISHLOV BERISHDA ISROIL TAJRIBASI QO‘LLANILADI
🇺🇿🤝🇮🇱
Rim konferensiyasi doirasidagi uchrashuvlar, muzokaralar davom etmoqda. Navbatdagi uchrashuv Qishloq xo‘jaligi vaziri Aziz Voitov va Isroil Qishloq xo‘jaligi va qishloq hududlari vaziri Avi Dixter o‘rtasida bo‘lib o‘tdi.

Isroil qishloq xo‘jaligi sohasi rivojlanishi bo‘yicha dunyoda yetakchi davlatlar safida. Shuni alohida taʼkidlash joizki, mamlakat ekinlarni iqlim sharoitiga moslashtirish, qurg‘oqchilikka yuz tutgan yerlarga ishlov berish, suv resurslaridan tejamkorlik bilan foydalanish bo‘yicha namunaviy tajribaga ega.

Maʼlumki, Orolqum — dunyodagi eng yosh sahro bo‘lib, uning taʼsiri kelajak ekotizimiga ham tahdid soladi. Mana shu taʼsirlarni yumshatish va u yerdagi ekotizmni saqlab qolish maqsadida O‘zbekiston Respublikasi Qishloq xo‘jaligi vaziri isroillik mutaxassislarni Orolbo‘yiga taklif qildi.

#xalqaro_hamkorlik #vazir #uchrashuv #delegatsiya #konferensiya #iqlim #suv_resurslari #ekotizim #Ozbekiston #Isroil

🌐Vebsayt💬Telegram💬Facebook📺YouTube📷Instagram

QISHLOQ XO‘JALIGI VAZIRI VA XALQARO JAMG‘ARMA PREZIDENTINING AEROPORTDAGI TASODIFIY UCHRASHUVI

🤝Rimda bo‘lib o‘tgan FAOning 43-konferensiyasi muvaffaqiyatli yakunlandi. Ikki kun mobaynida ko‘plab uchrashuv va muloqotlar tashkil etildi. Mamlakatimiz agrar tarmog‘iga oid masalalar muhokama qilindi, foydali shartnomalar imzolandi. Barchasi ko‘tarinki ruhda kechdi.

Aslida, bunday konferensiyalarda barcha rahbar va mutasaddilarning vaqtlari tig‘iz bo‘ladi. Tasodifni qarangki, uchrashuvlar yakunlanib, mamlakatimizga qaytish arafasida, aeroportda Qishloq xo‘jaligi vaziri Aziz Voitov va Xalqaro qishloq xo‘jaligi taraqqiyoti jamg‘armasi Prezidenti Alvaro Larioning uchrashuvi bo‘lib o‘tdi.

Garchi vaqt tig‘iz bo‘lsa-da, hamkor jamg‘arma rahbari bilan respublikamizda qishloq xo‘jaligi istiqbollari, moliyalashtirish va sarmoyaviy loyihalarni ishga tushirish masalalari muhokama qilindi.

Jumladan, O‘zbekistonda qo‘shimcha qiymat zanjirini hosil qiluvchi sut va sut mahsulotlari ishlab chiqarish tarmog‘idagi loyihaning 2-bosqichini ishga tushirish bo‘yicha shartnomani imzolash masalasi ijobiy hal etildi.

#xalqaro_hamkorlik #vazir #uchrashuv #delegatsiya #konferensiya #taraqqiyot_jamgarmasi

🌐Vebsayt💬Telegram💬Facebook📺YouTube📷Instagram

QISHLOQ XO‘JALIGI VAZIRLIGI VA “ALIBABA.COM” SAVDO PLATFORMASI HAMKORLIGI RIVOJLANADI

🤝Qishloq xo‘jaligi vaziri Aziz Voitov “Alibaba group” strategik rivojlanish bo‘yicha vitse-prezidenti Kris Zou boshchiligidagi delegatsiya bilan uchrashdi.

Maʼlumki, bugungi kunda O‘zbekiston va Xitoy Xalq Respublikasi o‘rtasidagi munosabatlar har tomonlama strategik sheriklik ruhida jadal sur‘atlarda rivojlanmoqda. Ayniqsa, agrar sohadagi hamkorlik har ikki davlat uchun ham birdek manfaatli ekani, shubhasiz.

Buning natijasida O‘zbekistondagi fermer va tadbirkorlar bilan ishlashga Xitoy tadbirkorlari juda katta qiziqish bildirishmoqda. Hozirgi kunda hamkorlikda O‘zbekistonning 118 ta oziq-ovqat, qishloq xo‘jaligi mahsulotlari, tekstil korxonalari va boshqa yo‘nalishdagi korxonalarning 8000 dan ortiq mahsulotlarini Alibaba.com savdo bozorida sotadi. Bu natijalar yakuniy degani emas. Agrar soha esa qiziqarli va imkoniyatlari bisyor tizim hisoblanadi.

#xalaqaro_hamkorlik #vazir #uchrashuv #delegatsiya

🌐Vebsayt💬Telegram💬Facebook📺YouTube📷Instagram

QISHLOQ XO‘JALIGI MUTAXASSISLARI ERONDA AMALIYOT O‘TAYDI

🔰Eron Qishloq xo‘jaligi vaziri o‘rinbosari, Qishloq xo‘jaligi ilmiy tadqiqot, ta’lim tashkiloti direktori Mojtaba Khayam Nekouei boshchiligidagi delegatsiya O‘zbekistonga tashrif buyurdi.

✅Tashrif doirasida delegatsiya vakillari va O‘zbekiston Qishloq xo‘jaligi vazirining o‘rinbosari Alisher Shukurov o‘rtasida ikki tomonlama uchrashuv bo‘lib o‘tdi. Shuningdek, eronliklar Qishloq xo‘jaligida bilim va innovatsiyalar milliy markazi faoliyati bilan ham tanishishdi.

✅Uchrashuvlar chog‘ida qishloq xo‘jaligi sohasida qo‘shma innovatsion tadqiqotlarni amalga oshirish, soha tarmoqlarining malakali mutaxassislarga bo‘lgan joriy va istiqboldagi ehtiyojlarini hisobga olgan holda kadrlarni qayta tayyorlash va ularning malakasini oshirish ishlarini samarali tashkil etish masalalari muhokama qilindi.

✅Shuningdek, qishloq xo‘jaligida innovatsiyalardan foydalanib, ishlab chiqarish samaradorligini oshirish asosiy masalalardan biri ekanligi qayd etildi. Jumladan, oziq-ovqat xavfsizligi, pistachilikni rivojlantirish va pista navlarini yaratish borasida tadqiqot ishlarini amalga oshirish bo‘yicha hamkorlik qilish istiqbollarini ko‘rib chiqildi. Eron tomoni ushbu yo‘nalishda tajriba almashishga tayyorligini bildirdi.

✅Uchrashuvlar yakunida Yosh olimlarning xorijiy ilmiy markazlar va universitetlarda qisqa muddatli ilmiy amaliyotini tashkil etish va buni moliyalashtirish to‘g‘risidagi shartnoma imzolandi.

✅Ushbu shartnoma asosida joriy yilning oktyabr oyidan boshlab 7 nafar o‘zbekistonlik mutaxassislar biotexnologiya, veterinariya, bog‘bonchilik, urug‘chilik, o‘rmonchilik, mexanizatsiya va vaksinatsiya yo‘nalishlari bo‘yicha “AREEO” da amaliyot o‘tash maqsadida Eronga borishadi.

#Eron #qishloqxojaligi #innovatsiya #delegatsiya

🌐Website💬Telegram💬Facebook📺YouTube📷Instagram

BIOYOQILG‘I OLISH UCHUN NOA'NANAVIY MOYLI EKINLAR YETISHTIRILADI

👥Joriy yilning 19-21-sentyabr kunlari O‘zbekiston Respublikasi Qishloq xo‘jaligi vazirligi, Investisiyalar, sanoat va savdo vazirligi hamda “O‘zbekneftgaz” AJ mutaxassislaridan iborat Ishchi guruh Italiyaning “ENI” kompaniyasi tomonidan kanakunjut o‘simligidan bioyoqilg‘i va biodizel' ishlab chiqarish loyihasi bilan tanishish uchun Keniya davlatiga tashrifi tashkil etildi.

Tashrif davomida Ishchi guruhi loyiha doirasida tashkil etilgan kanakunjut plantatsiyasi hamda qayta ishlash zavodida amalga oshirilayotgan ishlar bilan tanishtirildi.

Kompaniyaning Keniyadagi asosiy faoliyati kanakunjut donidan yog‘ ishlab chiqarish bo‘lib, bugungi kunda 25 ming gektar yer maydonida faoliyat yurituvchi 40 mingdan ortiq fermerlardan 10 ta agregatorlar orqali bioyoqilg‘i ishlab chiqarish uchun xomashyo yig‘ib olish yo‘lga qo‘yilgan.

Bundan tashqari, 20-sentyabr kuni Naivasha hududida joylashgan kanakunjut urug‘chilik xo‘jaligi va tajriba-sinov dalalari faoliyati bilan ham tanishildi.

Mazkur hududda 35 gektarda urug‘lik olish maqsadida kanakunjut o‘simligi ko‘p yillik ekin sifatida yetishtirilib, pivot tizimida sug‘orish yo‘lga qo‘yilgan. Shuningdek, boshqa noan'anaviy moyli ekinlar sinovi tashkil etilgan.

Tashrif so‘ngida, ENI kompaniyasi bilan Qishloq xo‘jaligi, Energetika, Investisiyalar, sanoat va savdo vazirliklari o‘rtasida quyidagilarni nazarda tutuvchi Anglashuv memorandumini imzolashga kelishib olindi.

#tashrif #delegatsiya #Kenya

🌐Website💬Telegram💬Facebook📺YouTube📷Instagram

ITALIYA BILAN QISHLOQ XO‘JALIGIDA ILM-FAN YO‘NALISHIDAGI ALOQALAR MUSTAHKAMLANMOQDA

🤝Turli davlat tashkilotlari vakillaridan iborat O‘zbekiston delegatsiyasi agrar sohada ilm-fan, ta'lim va ishlab chiqarish borasida Italiya tajribasini o‘rganish va manfaatli hamkorlik o‘rnatish maqsadida Italiyaga tashrif buyurdi.

Tashrif davomida Viterbo shahrida joylashgan mamlakat qishloq xo‘jaligidagi yetakchi oliy ta’lim dargohi Tushia universitetida uchrashuv bo‘lib o‘tdi. Mazkur universitet 8 mingdan ziyod talabalarga qishloq xo‘jaligi, chorvachilik, o‘rmonchilik, ekologiya, biologiya fanlari va agroturizm yo‘nalishlarida ta’lim beradi.

Muzokaralar yakunida Toshkent xalqaro qishloq xo‘jaligi universiteti va Tushia universiteti o‘rtasida agrar ta’lim sohasida hamkorlik to‘g‘risida anglashuv Memorandumi imzolandi. Tomonlar yaqin davr ichida xalqaro ta’lim dasturlari doirasida qo‘shma loyiha ishlab chiqishga kelishdi.

#xalqaro_hamkorlik #delegatsiya #IAU #TDAU #memorandum

🌐Website💬Telegram💬Facebook📺YouTube📷Instagram