AGRAR SOHADAGI ISLOHOTLAR JOYIDA O‘RGANILMOQDA

🔰Qishloq xo‘jaligi vaziri Aziz Voitov va vazirlik ishchi guruhining Buxoro viloyatiga tashrifining ikkinchi kuni ham ko‘plab fermer xo‘jaliklari faoliyati tanishuvi bilan kechdi.

Navbatdagi manzil Buxoro tumanidagi “Rabotiqalmoq” MFY hududida joylashgan “Madaniyat Muhammad Ismat” fermer xo‘jaligi bo‘ldi. Fermer xo‘jaligining umumiy yer maydoni 236 gektar, shundan 105 gektarda paxta, 85 gektar maydonda esa g‘alla yetishtirilmoqda. 2 gektar maydonga poliz mahsulotlari ekilib, 2 gektarda bog‘ barpo etilgan. 12 gektar maydon esa chorva mollarining ozuqasi uchun ekin yetishtirishga mo‘ljallangan. O‘zbekiston Qahramoni Muhammad Ahmedov shu yoshga kirishiga qaramasdan g'ayrati jo'shib, yoshlarga nafaqat o'rnak bo'lmoqda, balki haqiqiy hayot maktabini ham o'tamoqda.

Qishloq xo‘jaligi vazirigining eʼtiboridagi keyingi manzil Jondor tumanidagi “Yakkatut g‘allachilik, urug‘chilik va sholichilik” MChJ klasteri bo‘ldi. Ushbu klasterda 2023-yil hosili uchun soya yetishtirilayotgani va undan kutilayotgan hosil eʼtibordan chetda qolmadi. Yana bir eʼtiborli jihat shundaki, bu klasterda bir kunda 240 tonna bug‘doy saralanib, ishlab chiqarishga yo‘naltiriladi.

Buxoro viloyatiga tashrifning keyingi manzili Qorako‘l tumanidagi “Merganteks” MChJ paxta-to‘qimachilik klasteri va unga tegishli Darg‘ali hududidagi “Yangiboy Ochil” fermer xo‘jaligi bo‘ldi. Dastlab, bu yerda suv tejovchi texnologiyalarni joriy etishga mo‘ljallangan polietilen plyonkasi va shlang ishlab chiqarish jarayoni bilan tanishildi. Shuningdek, ushbu klaster bilan shartnoma tuzgan fermer xo‘jaliklarining paxta va g‘alla maydonlari ko‘zdan kechirildi. Eʼtiborlisi, 3 ming gektar maydonga ekilgan paxta plyonka ostida tomchilatib sug‘orish asosida yetishtirilmoqda.

#qishloq_xojaligi #vazir #tashrif #fermer_xojaligi #klaster #galla #paxta #chorva_ozuqasi #chizel #asalarichilik #urugchilik #tomchilatib_sugorish

🌐Vebsayt💬Telegram💬Facebook📺YouTube📷Instagram

SOHA OLDIDAGI DOLZARB MASALALAR MUHOKAMA ETILDI, GALDAGI VAZIFALAR BELGILANDI

👥O‘zbekiston qishloq xo‘jaligi vaziri Aziz Voitov rahbarligida mamlakat agrar sohasi oldida turgan dolzarb masalalar va galdagi vazifalar ijrosiga bag‘ishlangan yig‘ilish o‘tkazildi.

Videokonferens-aloqa asosida tashkil etilgan yig‘ilishda vazirlik markaziy apparati mutasaddilari, tizim tashkilotlari rahbarlari, hududlardagi qishloq xo‘jaligi boshqarmalari boshliqlari qatnashdilar.

Tadbirni kirish so‘zi bilan ochgan vazir Aziz Voitov kun tartibida turgan birinchi masala – bu yilgi g‘alla o‘rim-terimini yakunlash mavzusiga to‘xtaldi. Vazir ta'kidlaganidek, shu kunga qadar 8,1 mln tonnadan ziyod g‘alla yig‘ib olindi. 2 mln tonnadan ortiq mahsulot don zaxirasi uchun jamg‘arildi. Bu yo‘nalishda respublika bo‘ylab 37 000 dan ortiq fermer xo‘jaliklari jonbozlik ko‘rsatdilar.

G‘alladan bo‘shagan maydonlarga 2023-yil hosili uchun takroriy ekinlarni ekish masalasi bugungi kunda alohida dolzarblik kasb etayotganini tilga olgan vazir ushbu yo‘nalishdagi ishlarni jonlantirish uchun maxsus ishchi guruhlar tuzilib, ular bevosita joylarda hududiy boshqarmalar bilan bir yoqadan bosh chiqarib ishlayotganligini qayd etdi.

Bu yil 905 ming gektar g‘alladan bo‘shagan yerga takroriy ekin ekish mo‘ljallangan bo‘lsa, shu kunga qadar 803 ming gektar yerga ekin ekilganligi aytib o‘tildi.

#qishloq_xojaligi #vazir #yigilish #videokonferens_aloqa #galla_orim_terimi #takroriy_ekin

🌐Vebsayt💬Telegram💬Facebook📺YouTube📷Instagram

G‘ALLACHILIK: YUTUQLAR SARHISOBI

🌾Bugungi kunga qadar respublika bo‘yicha fermer xo‘jaliklari va qishloq xo‘jaligi korxonalari tomonidan jami 8,1 mln tonnadan ortiq don yetishtirildi, suvli maydonlarda o‘rtacha hosildorlik 70,5 sentnerdan ortdi.

Jami, 75 ta tijorat vakillari tomonidan 2 722 ming tonna (106%), jumladan 2 456 ming tonna tovar don (1 305 ming tonna davlat resurslariga xarid qilish va 1 151 ming tonna birja savdolarida sotish uchun vaqtincha saqlash), 2024-yil hosili uchun 265,6 ming tonna (110%) sara urug‘lik don jamg‘arildi.

Agrotexnik tadbirlarning o‘z vaqtida va to‘g‘ri tashkil etilganligi samarasi o‘laroq, g‘alla hosildorligi:
Buxoro viloyatida 74,8 s/ga
Toshkentda 74,2 s/ga
Samarqandda 73.8 s/ga
Farg‘onada 73,7 s/ga
Andijonda 73,5 s/ga
Xorazm 73 s/ga
Surxondaryoda 72,3 s/ga
Sirdaryoda 72,1 s/ga
Namanganda 72,6 s/ga ni tashkil qildi.

#qishloq_xojaligi #don_mahsulotlari #galla_hosildorligi

🌐Vebsayt💬Telegram💬Facebook📺YouTube📷Instagram

MUVAFFAQIYAT SIRI ISHNI TO‘G‘RI YO‘LGA QO‘YISHDA

🌾Qishloq xo‘jaligi vaziri Aziz Voitov Qashqadaryo viloyatida urug‘chilik qanday yo‘lga qo‘yilgani bilan yaqindan tanishishda davom etdi. Uning navbatdagi tashrif manzili Nishon tumanidagi “Nishon New Don Bestseeds” MCHJ bo‘ldi.

Ushbu korxona g‘alla urug‘ligini saralash va dorilash bilan shug‘ullanib keladi. Bu yerda ishlar to‘g‘ri yo‘lga qo‘yilgani bois, korxonaning kunlik ishlab chiqarish quvvati 150 tonna donni saralash va dorilashga teng. Bu esa oyiga 4 ming tonnadan ziyod sara va kasalliklardan xoli urug‘lik don yetkazib berish imkoniyati, demakdir.

Vazir Aziz Voitov boshchiligidagi ishchi guruh viloyatning Nishon tumanidagi “Uz Engineering Construction Ndh” MCHJga qarashli chorvachilik kompleksida ham bo‘ldi. Vazir bu yerda amalga oshirilayotgan ishlar bilan atroflicha tanishdi.
*****
СЕКРЕТ УСПЕХА — В ПРАВИЛЬНОЙ ОРГАНИЗАЦИИ РАБОТЫ

🌾Министр сельского хозяйства Азиз Воитов продолжил знакомство с ходом реализации реформ в агросфере, а также с тем, как развивается семеноводство в Кашкадарьинской области. Следующим пунктом в насыщенной программе рабочего визита значилось ООО «Nishon New Don Bestseeds» в Нишанском районе.

Данное предприятие занимается сортировкой и обработкой семян зерновых культур. Поскольку работа организована должным образом, суточная производственная мощность предприятия составляет 150 тонн. Это даёт возможность поставки более 4000 тонн отобранных и здоровых семян в месяц.

Рабочая группа во главе с министром сельского хозяйства также посетила животноводческий комплекс ООО «Уз Инжиниринг Констракшн Ндх» в Нишанском районе. Азиз Воитов ознакомился с проводимой здесь работой.

#tashrif #don_mahsulotlari #galla #uruglik #chorvachilik #Golshtin #sut #qoramol #Qashqadaryo #визит #семеноводство #животноводство #Кашкадарья

🌐Vebsayt💬Telegram💬Facebook📺YouTube📷Instagram

DENOV TUMANIDA G‘ALLA EKISH MAVSUMIGA BAG‘ISHLANGAN SEMINAR TASHKIL ETILDI

🌱Surxondaryo viloyati Denov tumanining “G‘alaba” hududidagi “Denov oltin yerlari” fermer xo‘jaligi dalasida g‘alla ekish mavsumiga tayyorgarlik jarayonlari yuzasidan ko‘rgazmali seminar o‘tkazildi.

✅Tumanda 2024-yil hosili uchun 365 ta fermer xo‘jaliklarining jami 9 077 gektar, shundan 1 366 gektar ochiq maydonlarida, 7 711 gektar g‘o‘za qator oralariga g‘alla ekish rejalashtirilgan bo‘lib, tadbirni uyushqoqlik bilan olib borish uchun 15 ta otryad tashkil etilgan. Mavsum uchun sifatli va serhosil g‘alla navlaridan 2 269 tonna urug‘lik don, 1 815 tonna fosforli, 908 tonna kaliyli mineral o‘g‘itlar hamda 681 tonna yoqilg‘i-moylash materiallari jamg‘arish rejalashtirilgan.

✅Seminarda viloyat hokimi Ulug‘bek Qosimov ishtirok etib, olib borilayotgan ishlar yuzasidan soha mas’ullari va tuman mutasaddilarining axborotini tingladi. G‘alla ekish mavsumiga puxta hozirlik ko‘rish, don ekish otryadlarining samarali faoliyat yuritishi uchun zarur sharoitlarni yaratish, texnikalarning shayligini ta’minlash bo‘yicha vazifalarni belgilab berdi.

#Denov #galla #seminar #qishloqxojaligi

🌐Website💬Telegram💬Facebook📺YouTube📷Instagram

QISHLOQ XO‘JALIGI VAZIRI – QASHQADARYODA

🔰Viloyat qishloq xo‘jaligi rivojlanishining joriy holati bilan joyida, yaqindan tanishish, kuzgi agrotadbirlar o‘z vaqtida va to‘g‘ri bajarilayotganligini nazorat qilish maqsadida, O‘zbekiston Qishloq xo‘jaligi vaziri Aziz Voitov Qashqadaryo viloyatida bo‘lib turibdi.

Hozirda qashqadaryolik fermer-dehqonlar oldida turgan dolzarb masalalar – bu paxtaning birinchi terimini tezroq yakuniga yetkazish, peshma-pesh g‘alla ekishni amalga oshirish sanaladi. Qolaversa, ekin ekilgan maydonlarda peshma-pesh sug‘orishni amalga oshirish, kuzgi piyoz, sarimsoqpiyoz va to‘qsonbosdi ekinlarini ekishni tashkil etish kabilar kechiktirib bo‘lmaydigan chora-tadbirlar sirasiga kiradi.

Jumladan, safar davomida vazir Qarshi tumanidagi Bog‘obod mahallasida faoliyat yuritayotgan “Hosildor zamin” ko‘chatchilik majmuasida ham bo‘ldi. Ushbu majmua 4 gektar ochiq va 1 gektar yopiq ko‘chatxonalar, “in-vitro” laboratoriyasi va o‘quv markazidan iborat bo‘lib, bu yerda bir yilda 200 ming dona mevali daraxt va 100 ming dona tok ko‘chatlari, 200 ming dona mavsumiy gullar yetishtirish hamda yuzlab yoshlarga zamonaviy ko‘chatchilik sir-asrorlarini o‘rgatish imkoniyati yaratilgan.

👉Batafsil
👉Подробнее

#tasrif #vazir #in_vitro #laboratoriya #paxta #galla #bugdoy #Qashqadaryo

🌐Website💬Telegram💬Facebook📺YouTube📷Instagram