AGRAR SOHADAGI HAMKORLIK ISTIQBOLLARI KO‘RIB CHIQILDI
🇺🇿🤝🇮🇳
Qishloq xo‘jaligi vaziri Aziz Voitov Hindistonning Nath Bio-Genes kompaniyasi Markaziy Osiyo bo‘yicha direktori doktor V. Kulkarni va Hindiston eksport qiluvchi tashkilotlar federatsiyasi raisi Nanda Kaglivalar bilan uchrashdi.

Uchrashuvda qishloq xo‘jaligi sohasida hamkorlik munosabatlarini yo‘lga qo‘yish, xususan, elita urug‘chilik va meva-sabzavotlarni qayta ishlash va ularni saqlash bo‘yicha hamkorlik istiqbollari muhokama qilindi.

Suhbat chog‘ida O‘zbekiston paxtachiligida 50 sentnerdan 70 sentnergacha hosil beradigan elita urug‘larni yaratish, bunda Hindistonning ilg‘or texnologiyalaridan foydalanish hamda paxta hosildorligini oshirish bo‘yicha yangi tizimni joriy etish haqida fikr almashildi.

Shuningdek uchrashuvda sabzavotchilikni rivojlashtirish bo‘yicha Nath Bio-Genes kompaniyasining zamonaviy texnologiyalar asosida yaratilgan urug‘ navlarini sentyabr oyida O‘zbekistonga olib kelish va yurtimizda kompaniyaning ilmiy tadqiqot instituti Toshkent filialini ochish bo‘yicha hamkorlik qilish haqidagi fikrlar ham o‘rtaga tashlandi.

#xalqaro_hamkorlik #vazir #uchrashuv #paxtachilik #urugchilik #qayta_ishlash #Ozbekiston #Hindiston

🌐Vebsayt💬Telegram💬Facebook📺YouTube📷Instagram

KANAKUNJUT YETISHTIRISH BO‘YICHA HAMKORLIK ISTIQBOLLARI MUHOKAMA QILINDI
🇺🇿🤝🇮🇹
Qishloq xo‘jaligi vaziri Aziz Voitov Italiyaning «EniS.p.A.» kompaniyasi Jamoatchilik bilan aloqalar direktori Lapo Pistyelli boshchiligidagi kompaniya vakillari bilan uchrashdi.

Suhbatda vazir Aziz Voitov O‘zbekiston va Italiya o‘rtasida ko‘pqirrali munosabatlar jadal rivojlanib, keng hamkorlik amaliy tus olayotgani va O‘zbekistonning nafaqat Italiya, balki, butun Yevropa Ittifoqi mamlakatlari bilan hamkorligi oxirgi yillarda sezilarli darajada faollashganini aytib o‘tdi.

Suhbat chog‘ida kanakunjutni mamlakatimizning sug‘oriladigan mintaqalarida bir yillik ekin sifatida yetishtirish imkoniyatlari mavjudligi, uning oziq-ovqat, dori-darmon hamda soch va terini parvarish qilish mahsulotlariga qo‘shimchalar, shuningdek sanoatda moylash materiallari va biodizel yoqilg‘isi komponenti sifatida ishlatilishi qayd etib o‘tildi.

Uchrashuv yakunida tomonlar kanakunjutni yetishtirish va qayta ishlash bo‘yicha hamkorlik yo‘nalishlarini ishlab chiqish va birgalikda yangi loyihalarni ishga tushirish imkoniyatlarini o‘rganib chiqishga kelishib olishdi.

#xalqaro_hamkorlik #vazir #uchrashuv #oziq_ovqat #biodizel #kanakunjut

🌐Vebsayt💬Telegram💬Facebook📺YouTube📷Instagram

O‘ZBEKISTON VA ARMANISTON: QISHLOQ XO‘JALIGI SOHASIDA YANGI QADAMLAR
🇺🇿🤝🇦🇲
Bugun, 3-avgust kuni Qishloq xo‘jaligi vaziri Aziz Voitov Armaniston Respublikasi Iqtisodiyot vaziri Vagan Kerobyan boshchiligidagi delegatsiya bilan uchrashdi.

Uchrashuvda so‘nggi yillarda O‘zbekistonda iqtisodiyotning asosiy tarmog‘i sifatida qishloq xo‘jaligini moliyalashtirish va subsidiyalashga alohida eʼtibor qaratilayotganiga urg‘u berildi. Xususan, bugungi kunda hukumat Agro-oziq-ovqat sohasi bo‘yicha 40 dan ortiq turdagi subsidiyalar ajratmoqda.

Uchrashuvdan so‘ng Qishloq xo‘jaligi vazirligida Armaniston Respublikasi delegatsiyasi uchun respublikamizda qishloq xo‘jaligini raqamlashtirish yo‘nalishida olib borilayotgan amaldagi ishlar va rejalashtirilgan loyihalarning taqdimoti ham o‘tkazildi.

Taqdimotni Qishloq xo‘jaligi vaziri o‘rinbosari Qahramon Yuldashev o‘tkazar ekan, mamlakatimizda qishloq xo‘jaligini raqamlashtirishning tarixi va hozirgi kunda olib borilayotgan loyihalar va erishilgan natijalar to‘g‘risida maʼlumot berdi. Taqdimot jarayonida mehmonlarni “Qishloq xo‘jaligi geoportali”, “CropAgro”, “E-IJARA”, “Agrosubsidiya” axborot tizimlari bilan batafsil tanishtirib o‘tildi va onlayn namoyish qilindi.

#xalqaro_hamkorlik #vazir #uchrashuv #raqamlashtirish #subsidiya

🌐Vebsayt💬Telegram💬Facebook📺YouTube📷Instagram

YOSH OLIMLAR VA TALABALARNING TAJRIBA ALMASHINUVI YO‘LGA QO‘YILADI
🇺🇿🤝🇭🇺
O‘zbekiston Respublikasi Qishloq xo‘jaligi vaziri Aziz Voitov Vengriyaning “MATЕ” – qishloq xo‘jaligi va tabiiy fanlar universiteti rektori Chaba Dyuricha boshchiligidagi delegatsiya bilan uchrashdi.

Tadbirda Vengriyaning Niredxaza universiteti bilan har yili O‘zbekiston qishloq xo‘jaligi oliygohlarida tahsil olayotgan talabalar orasidan tanlov asosida saralab olingan 10 nafar yoshlarning mazkur universitetda grant asosida ta’lim olishi bo‘yicha kelishuvga erishilgani, bunda “Master Gud” kompaniyasining alohida tutgan o‘rni haqida ham aytib o‘tildi.
*****
НАЧИНАЕТСЯ ОБМЕН ОПЫТОМ МЕЖДУ МОЛОДЫМИ УЧЕНЫМИ И СТУДЕНТАМИ
🇺🇿🤝🇭🇺
Министр сельского хозяйства Республики Узбекистан Азиз Воитов провел встречу с делегацией во главе с ректором венгерского Университета сельского хозяйства и естественных наук «MATE» Чабой Дьюричем.

На мероприятии достигнута договоренность с венгерским Университетом Ньиредьхаза об обучении на грантовой основе 10 молодых исследователей, ежегодно отбираемых из числа студентов, обучающихся в аграрных вузах Узбекистана.

#xalqaro_hamkorlik #vazir #uchrashuv #kartoshkachilik #TDAU #международное_сотрудничество #министр #встреча #картофелеводство #ТГАУ

🌐Vebsayt💬Telegram💬Facebook📺YouTube📷Instagram

AGRAR SOHADA “O‘ZBEKKOSMOS” AGENTLIGI BILAN HAMKORLIK ISTIQBOLLARI

🤝Qishloq xo‘jaligi vaziri Aziz Voitov O‘zbekiston Respublikasi Raqamli texnologiyalar vazirligi huzuridagi Kosmik tadqiqotlar va texnologiyalar agentligi direktori Shuxrat Kadirov boshchiligidagi agentlik vakillari bilan uchrashdi.

Yig‘ilishda “O‘zbekkosmos” agentligi tomonidan suv resurslarini boshqarishni raqamlashtirish borasidagi tajriba, katta hajmdagi maydonlarga ilg‘or texnologiyalar yordamida ishlov berish bo‘yicha platformani joriy etish istiqbollari muhokama qilindi.

Bunda, Qishloq xo‘jaligi vazirligi tashabbusi bilan amalga oshirilayotgan suv manbasidan ekin joylashgan konturgacha bo‘lgan sug‘orish ishlarini monitoring qilish, ekinlarning suvga bo‘lgan ehtiyojini va sug‘orish samaradorligini baholash bo‘yicha loyihaning joriy holati ko‘rib chiqildi.

#uchrashuv #hamkorlik #Qishloq_xojaligi_vazirligi #Ozbekkosmos #geoaxborot_texnologiyalari #raqamlashtirish

🌐Vebsayt💬Telegram💬Facebook📺YouTube📷Instagram

VENGRIYA BILAN AGRAR TAʼLIM SOHASIDAGI HAMKORLIK KUCHAYTIRILADI

🤝Qishloq xoʻjaligi vaziri Aziz Voitov Vengriya Agrar va amaliy biologiya fanlari universiteti professori Zoltan Lakner bilan uchrashdi.

Vengriya agrar sohasi rivojiga oʻzining ilmiy jihatdan asoslangan tajribalari bilan munosib hissa qoʻshgan professor ayni paytda universitetning “Agrar-sanoat kompleksidagi korxonalar iqtisodiyoti va boshqarmalari” kafedrasi mudiri sifatida faoliyat olib bormoqda.
*****
НАРАЩИВАЕТСЯ СОТРУДНИЧЕСТВО С ВЕНГРИЕЙ В ОБЛАСТИ ОБРАЗОВАНИЯ В АГРОСФЕРЕ

🤝Министр сельского хозяйства Азиз Воитов провёл встречу с профессором университета аграрных и прикладных биологических наук Золтаном Лакнером.

Представитель учёных кругов, внесший весомый вклад, основанный на научных исследованиях, в развитие аграрной сферы Венгрии,в настоящее время осуществляет свою деятельность в качестве заведующего кафедрой «Экономика и управление предприятиями в агропромышленном комплексе» данного университета.

#xalqaro_hamkorlik #vazir #uchrashuv #videokonferensiya #международное_сотрудничество #министр #встреча #видеоконференция

🌐Vebsayt💬Telegram💬Facebook📺YouTube📷Instagram

O‘ZBEKISTON VA POKISTON: AGRAR SOHADAGI HAMKORLIK ISTIQBOLLARI
🇺🇿🤝🇵🇰
Qishloq xo‘jaligi vaziri Aziz Voitov hamda Pokiston Respublikasi Panjob viloyati Bosh vaziri Said Mohsin Raza Naqvi va “Ejaz Group” kompaniyasi rahbari Gohar Ijaz boshchiligidagi delgatsiya o‘rtasida uchrashuv bo‘lib o‘tdi.

Unda bugungi kunda O‘zbekiston va Pokiston o‘rtasidagi ko‘p qirrali munosabatlarning strategik xususiyatlari va agrar sohadagi ikki tomonlama hamkorlik aloqalarini jadal sur’atlarda rivojlanib borayotgani, kelgusida qishloq xo‘jaligi sohasi ravnaq topishidagi hamkorlikning mavjud imkoniyat va resurslarini rivojlantirish istiqbollari muhokama qilindi.

Shuningdek, uchrashuvda agrar sohadagi o‘zaro munosabatlarni rivojlantirishning muhim yo‘nalishlaridan hisoblangan paxta yetishtirish va urug‘chilik borasida hamkorlik qilish hamda birgalikda yangi loyihalarni amalga oshirish borasida ham fikr-mulohazalar almashildi.

#xalaqaro_hamkorlik #vazir #uchrashuv #paxta_yetishtirish #urugchilik

🌐Vebsayt💬Telegram💬Facebook📺YouTube📷Instagram

QISHLOQ XO‘JALIGI VAZIRLIGI VA “ALIBABA.COM” SAVDO PLATFORMASI HAMKORLIGI RIVOJLANADI

🤝Qishloq xo‘jaligi vaziri Aziz Voitov “Alibaba group” strategik rivojlanish bo‘yicha vitse-prezidenti Kris Zou boshchiligidagi delegatsiya bilan uchrashdi.

Maʼlumki, bugungi kunda O‘zbekiston va Xitoy Xalq Respublikasi o‘rtasidagi munosabatlar har tomonlama strategik sheriklik ruhida jadal sur‘atlarda rivojlanmoqda. Ayniqsa, agrar sohadagi hamkorlik har ikki davlat uchun ham birdek manfaatli ekani, shubhasiz.

Buning natijasida O‘zbekistondagi fermer va tadbirkorlar bilan ishlashga Xitoy tadbirkorlari juda katta qiziqish bildirishmoqda. Hozirgi kunda hamkorlikda O‘zbekistonning 118 ta oziq-ovqat, qishloq xo‘jaligi mahsulotlari, tekstil korxonalari va boshqa yo‘nalishdagi korxonalarning 8000 dan ortiq mahsulotlarini Alibaba.com savdo bozorida sotadi. Bu natijalar yakuniy degani emas. Agrar soha esa qiziqarli va imkoniyatlari bisyor tizim hisoblanadi.

#xalaqaro_hamkorlik #vazir #uchrashuv #delegatsiya

🌐Vebsayt💬Telegram💬Facebook📺YouTube📷Instagram

QISHLOQ XO‘JALIGIDA DAVLAT-XUSUSIY SHERIKCHILIKNI JORIY ETISH IMKONIYATLARI TAQDIMOTI

🤝Qishloq xo‘jaligi vaziri Aziz Voitov va USAIDning “Agrobiznesni rivojlantirish” loyihasi vakillari o‘rtasida uchrashuv bo‘lib o‘tdi. Unda xalqaro maslahatchi Remir Mukumov va loyiha vakili Mansurjon Rasulev ishtirok etishdi.

Loyihaning asosiy faoliyat yo‘nalishlari sifatida agrobiznes raqobatbardoshligi va rentabelligini oshirish uchun biznesni boshqarishning innovatsion usullarini joriy etish, qishloq xo‘jaligi korxonalariga, mahsulotlarga qo‘shimcha qiymat qo‘shish, savdo hajmi va daromadni oshirish, yangi bozorlarga chiqishni taʼminlash hamda yangi ish o‘rinlarini yaratish uchun yangi texnologiyalarga hamkorlikda sarmoya kiritish kabilar kiritilgan.

Shuni taʼkidlash joiz, ushbu loyiha doirasida o‘tgan yillarda ko‘zga ko‘rinarli ishlar amalga oshirildi. Xususan, shu kungacha 2,300 dan ortiq mahalliy agobiznes vakillarining bog‘dorchilik, baliqchilik, sutchilik, chorvachilik, moy ishlab chiqarish va asalarichilik kabi sohalarda imkoniyatlari hamda bilim, ko‘nikma va salohiyatini oshirish maqsadida treninglar o‘tkazildi.

#hamkorlik #vazir #uchrashuv #USAID

🌐Vebsayt💬Telegram💬Facebook📺YouTube📷Instagram

AGRAR SOHADA O‘ZBEKISTON VA QATAR HAMKORLIGI

Qishloq xo‘jaligi vaziri o‘rinbosari Qaxramon Yuldashev Qatar davlatining “Hassad Food” kompaniyasi ijrochi direktori Muhammad Ali al-G‘iysaniy bilan uchrashdi.

Uchrashuvda O‘zbekiston va Qatar o‘rtasidagi hamkorlik aloqalarining istiqbolli yo‘nalishlarini rivojlantirish masalalari muhokama qilindi.

Suhbatda Qatar O‘zbekiston uchun strategik va muhim hamkorlardan biri hisoblanishi, shuningdek, ikki davlat rahbarlarining yaqin do‘stona aloqalari so‘nggi yillarda o‘z samarasini berayotgani ta'kidlab o‘tildi.

Xususan, 2023-yil iyun oyida Qatar amiri shayx Tamim bin Hamad Ol Soniy janoblarining O‘zbekistonga tashrifi hamda O‘zbekiston Prezidentining joriy yil oktyabr oyida Qatar davlatiga amalga oshirgan oliy darajadagi tashrifi yaqqol misol bo‘lishi aytib o‘tildi.

Muloqotda O‘zbekiston Respublikasi Prezidentining Qatar davlatiga tashrifi doirasida Qishloq xo‘jaligi vazirligi vakillari va “Hassad Food Qatar” kompaniyasi vakillari o‘rtasida chorva uchun ozuqa mahsulotlarini O‘zbekistonda yetishtirishni tashkil etish bo‘yicha investitsiya loyihasini amalga oshirish yuzasidan dastlabki kelishuvlarga erishilgani alohida qayd etildi.

#qatar #uchrashuv #hamkorlik

🌐Website💬Telegram💬Facebook📺YouTube📷Instagram

O‘ZBEKISTON – NIDERLANDIYA: AGRAR SOHADAGI HAMKORLIK ISTIQBOLLARI KO‘RIB CHIQILDI

O‘zbekiston Qishloq xo‘jaligi vazirining birinchi o‘rinbosari Azim Nazarov va vazirlik mutasaddilari Niderlandiya qishloq xo‘jaligi, tabiat va oziq-ovqat sifati vazirligi bosh kotibi Yan Kes Xut boshchiligidagi delegasiya vakillari bilan uchrashishdi.

Uchrashuvda ikki davlat qishloq xo‘jaligi va agrosanoat sohasida hamkorlikni kuchaytirish, mavjud kelishuvlar va agrosanoat kooperatsiyasini yanada kengaytirish imkoniyatlari muhokama qilindi.

Tadbirda sohaga yangi innovatsion ishlanmalar va qishloq xo‘jaligida suv tejovchi texnologiyalarni O‘zbekistonda tatbiq etish imkoniyatlarini ko‘rib chiqish taklifi o‘rtaga tashlandi. Bu borada dastlab, O‘zbekistonda aynan bu yo‘nalish bo‘yicha ta'lim tizimini rivojlantirish, oliy o‘quv yurtlarida Niderlandiyaning qishloq xo‘jaligi va oziq-ovqat sifati bo‘yicha sho‘balarini tashkil etish taklif etildi.

O‘z o‘rnida O‘zbekiston Qishloq xo‘jaligi vazirligi rahbariyati ushbu taklifni amalga oshirish uchun yurtimizda aynan qishloq xo‘jaligi bo‘yicha bir nechta oliy o‘quv yurtlari mavjudligi, qolaversa 2022-yildan vazirlik huzurida Xalqaro qishloq xo‘jaligi universiteti faoliyat olib borayotganligi va bu takliflarni aynan mana shu oliy o‘quv yurtlarida yo‘lga qo‘yish imkoniyatlari haqida so‘z yuritishdi.

Bundan tashqari tomonlar ikki davlat savdo aylanmasi haqida to‘xtalar ekan, 2022-yilda O‘zbekiston va Niderlandiya o‘rtasida qishloq xo‘jaligi va oziq-ovqat mahsulotlari tovar aylanmasi 55,7 million dollarni tashkil etib, bunda qishloq xo‘jaligi mahsulotlari eksporti 2,5 million dollarga teng bo‘lganini e’tirof etishdi. Bu ko‘rsatkichlarni yanada oshirish uchun mavjud imkoniyatlardan samarali foydalanish yo‘llari muhokama qilindi.

#Niderlandiya #uchrashuv #istiqbollar

🌐Website💬Telegram💬Facebook📺YouTube📷Instagram

ANDIJON VILOYATIDA ZAMONAVIY AGROSANOAT KLASTERI TASHKIL ETILADI

O‘zbekiston Respublikasi Qishloq xo‘jaligi vazirining birinchi o‘rinbosari Azimjon Nazarov boshchiligidagi vazirlik vakillari yurtimizga tashrif buyurgan BAAning "Ye20 Investment Limited" kompaniyasi vakillari bilan uchrashdi.

Unda “Andijon viloyatida zamonaviy agrosanoat klasterini yaratish” loyihasi muhokama qilindi.

Loyihaga ko‘ra, Andijon viloyatida “Abu-Dabi-Uzbek Investment” investitsiya kompaniyasi hamda “E20 Investment Limited” kompaniyasi bilan birgalikda umumiy qiymati 28,5 mln dollarga teng bo‘lgan zamonaviy agrosanoat klasterini yaratish ko‘zda tutilgan.

Bu boradagi ishlarni tashkil etish maqsadida 2022-yil 25-martda “2 U” MCHJ kompaniyasi tashkil etilgan bo‘lib, ayni paytda loyiha doirasida Andijon viloyatining Paxtaobod tumanida gilos va rezavor meva yekinlarining yuqori sifatli va eksportbop navlarini yetishtirish, saqlash, shuningdek, chuqur qayta ishlash jarayonlarini to‘liq qamrab oluvchi tizim joriy yetilgan.

Uchrashuv davomida Qishloq xo‘jaligi vazirining birinchi o‘rinbosari Azimjon Nazarov mazkur loyiha asosida yangi ish o‘rinlarining yaratilayotganligi, sifatli va jahon bozorida o‘z o‘rniga ega meva-sabzavot mahsulotlarning yetishtirilayotganligi juda quvonarli holat ekanligini alohida ta'kidladi. Shuningdek Azimjon Nazarov Mazkur loyihani yanada kengaytirish va rivojlantirish hamda to‘laqonli faoliyat olib borishida vazirlik yaqindan hamkorlik qilishga tayyor ekanligini ma'lum qildi.

#andijon #agrosanoat #uchrashuv

🌐Website💬Telegram💬Facebook📺YouTube📷Instagram

Yangilikka intiluvchan Surxon vohasi

📝Ilm-fan barcha yerda bo‘lgani kabi qishloq xo‘jaligi tarmog‘ining eng asosiy tayanchi hisoblanadi. Shuning uchun sohaga kadrlar tayyorlash, zamonaviy fikrlaydigan yoshlarning intilishini rag‘batlantirish har qachongidan muhim. Dunyoda rivoj topgan davlat borki, bilimga suyanadi. Sinash va tajriba o‘tkazishdan charchash yo‘q. Bizda ham mana shu tamoyil ustivor bo‘lmog‘i darkor.

🌍Hududlarda amalga oshirilayotgan islohotlar bilan tanishish maqsadida Surxondaryoga kelgan Qishloq xo‘jaligi vaziri Ibrohim Abdurahmonov ham dastlabki uchrashuvni ayni Termiz agrotexnologiyalar va innovatsiyalar institutidan boshlagani bejiz emas.

🌳Agrotarmoq bugungi kunda yangilikka intiluvchan, dunyoda bo‘layotgan o‘zgarishlarga doim tayyor hamda o‘zi ham yangilik yarata oladigan mutaxassislarga ehtiyoji har qachongidan yuqori. Ko‘pgina mamlakatlarda hosil yetishtirishdagi munosabat o‘zgargani rost. An'anaviy usullar chetga chiqib, bir yerdan bir nechta hosil ola bilgan mirishkor izzatda bugun. Sentnerndan karrasiga hirmon uyayotgan dehqonning mehnati qadr topmoqda.

✅I.Abdurahmonov ayni jihatlarga to‘xtalar ekan, dastavval institut professor-o‘qituvchilari bilan muloqot o‘tkazdi. Shundan so‘ng Surxondaryo viloyat qishloq xo’jaligi boshqarmasida 16 nafar paxta-to‘qimachilik va g‘allachilik klasterlari bilan ochiq muloqot o‘tkazildi.

📌Vazir Ibrohim Abdurahmonov klasterlar faoliyatiga muammoli masalalarni hal etishda, yuqori hosil olishda vazirlik, tizimdagi barcha tashkilotlar, hududiy boshqarmalar va tuman bo‘limlari ko‘makchi ekanligi va ular bilan uzviy hamkorlikda ish tashkil etishi zarur ekanligini ta’kidladi.

#agrar #surxondaryo #uchrashuv #institut

🌐Website💬Telegram💬Facebook📺YouTube📷Instagram

O'zbekistonda Turkiya texnologiyasi asosida ilmiy asoslangan, zamonaviy, ko'rgazmali bog' tashkil etiladi

Joriy yilning 15-noyabr kuni Qishloq xo‘jaligi vazirligi huzuridagi Akademik Mahmud Mirzayev nomidagi bog‘dorchilik, uzumchilik va vinochilik ilmiy-tadqiqot instituti direktori Fozil Boyjigitov va Turkiya madaniyat va Turizm vazirligi huzuridagi Turk hamkorlik va muvofiqlashtirish agentligining (TIKA) O‘zbekistondagi rahbari Ali Riza Tezjan bilan uchrashuv bo‘lib o‘tdi. Uchrashuv davomida O‘zbekiston va Turkiya davlatlari o‘rtasida bog‘dorchilik va uzumchilik tarmoqlarini rivojlantirishning yangi bosqichlari yuzasidan fikr almashishdi.

Uchrashuvda Akademik Mahmud Mirzayev nomidagi bog‘dorchilik, uzumchilik va vinochilik ilmiy-tadqiqot institutida Turkiya texnologiyasi asosida eksportbop meva turlari navlaridan zamonaviy ko‘rgazmali bog‘ tashkil etishga kelishib olindi.

Bog‘ni tashkil qilishdan maqsad hozirgi kunda qishloq xo‘jaligida ilg‘or, samarali resurs tejamkor agrotexnologiyalarni qo‘llash, yangi navlar ustida ilmiy izlanishlar olib borish natijasida eksportbop meva nav va duragaylarni yaratish orqali ishlab chiqarishga joriy qilishdir.

Shuningdek, ishlab chiqarishda fermerlarni o‘qitish natijasida hozirgi kunda ilg‘or agrotexnologiyalardan foydalanish orqali qishloq xo‘jaligida ulkan samaralarga erishiladi.

Muzokaralar davomida tomonlar samarali va konstruktiv hamkorlikning amaliy jihatlarini kelishib olishdi, bunda bog‘dorchilik va uzumchilik sohasida hamkorlikni yanada rivojlantirish istiqbollari muhokama qilindi. Bu esa, respublikamizda eksportbop meva va uzum navlarini yaratish hamda zamonaviy agrotexnologiyalarni ishlab chiqishda tub burilish yasalishiga turtki bo‘ladi.

Uchrashuv yakunida loyihalar bo‘yicha amalga oshirilishi lozim bo‘lgan ishlarni yanada jadallashtirish va kelgusida hamkorlikda yana ko‘plab manfaatli loyihalarni amalga oshirish bo‘yicha kelishib olindi.

#uchrashuv

🌐Website💬Telegram💬Facebook📺YouTube📷Instagram

Jenevada O‘zbekistonning Jahon Savdo Tashkilotiga a’zolik maqomini olish bo‘yicha yig‘ilish o‘tkazildi

Jeneva shahrida O‘zbekistonning Jahon Savdo Tashkilotiga a’zolik maqomini olish bo‘yicha Ishchi Guruhining 7-yig‘ilishi bo‘lib o‘tdi.

Shu munosabat bilan Qishloq xo‘jaligi vazirligining “Jahon Savdo Tashkiloti masalalari bo‘limi” vakillari O‘zbekiston rasmiy delegatsiyasi tarkibida Jeneva shahrida bo‘lib qaytdi.

Tashrif davomida, vazirlik vakillari tomonidan O‘zbekiston qishloq xo‘jaligi sektori joriy holati bo‘yicha taqdimot hamda ma’lumotnoma tayyorlandi.

Ushbu hujjatlarning to‘liq shakli vazirlik tomonidan Kerns guruhi bilan uchrashuvda, qisqartirilgan shakli Iqtisodiyot va moliya vaziri o‘rinbosari A.Xaydarov tomonidan Ishchi guruhining katta yig‘ilishida taqdimot qilindi.

Ta’kidlash joizki, Vazirlik vakillarining qishloq xo‘jaligi bo‘yicha taqdimoti yig‘ilish tashkilotchilari, muzokarachi mamlakatlar va O‘zbekiston Respublikasi Prezidentining JST'ga a’zolik bo‘yicha maxsus vakili – Bosh muzokarachi tomonidan mamlakatimizni yaqindan bilish uchun foydali deb topildi hamda alohida e’tiroflarga sabab bo‘ldi.

#jeneva #jst #uchrashuv

🌐Website 💬Telegram 💬Facebook 📺YouTube 📷Instagram