#Prezident #videoselektor #oziq_ovqat

Videoselektor yig‘ilishida dala va kollektor-drenaj atroflaridagi yerlardan unumli foydalanish, dala chetlariga uzum ko‘chatlari va kadi urug‘larini, tut ko‘chatlarini ekish, parranda va asalari uyalarini yetkazib berish bo‘yicha mutasaddilarga tegishli topshiriqlar berildi.

Shuningdek, bugungi kunda klaster, fermer va dehqonlarning 11 mingga yaqin texnika va agregatlarga talabi mavjudligi qayd etildi.
Yig‘ilish yakunida, 1-apreldan texnika xaridi uchun 10 yil muddatga 10 foizlik kreditlar ajratish, dehqon va fermerlarga qulay bo‘lgan 250 million dollarlik kredit, lizing va sug‘urtaning yangi turlarini yo‘lga qo‘yish, bozorlardagi narx-navo o‘zgarishi va mahsulot kamayishini oldindan hisob-kitob qilish, oziq-ovqat inflyatsiyasini 10 foiz chegarada qat’iy ushlab turish bo‘yicha mutasaddilarga topshiriqlar berildi.

https://t.me/Press_Secretary_Uz/3005

#Prezident #Mirziyoyev #videoselektor

Ayni paytda Prezident Shavkat Mirziyoyev raisligida mamlakatimiz turizm salohiyatini jadal rivojlantirish yuzasidan videoselektor yig‘ilishi bo‘lib o‘tmoqda.

Unda davlatimiz rahbari sohaga oid qabul qilingan choralar katta natijalar berishni boshlaganini taʼkidlab o‘tdi.

Jumladan, 2022-yilda:

— yurtimizga tashrif buyurgan xorijiy turistlar soni 2021-yilga nisbatan 3 baravarga oshdi (5,2 million, soha eksporti – 1,6 milliard dollar);

— ichki turizm dasturlari doirasida 11,5 million, shundan 1,5 million ehtiyojmand aholi, yoshlar va keksalar sayohatlari tashkil etildi;

— Samarqandda yangi turizm markazi barpo etilgani qo‘shimcha 2 million sayyoh jalb qilish imkonini berdi;

— bu yili yurtimizda Butunjahon turizm tashkilotining Bosh assambleyasi yig‘ilishini o‘tkazishga katta tayyorgarlik ko‘rilmoqda.

Bundan tashqari, Samarqand 2023-yilgi Butunjahon turizm poytaxti maqomini olgani ham bu boradagi ishlarning yuqori natijalaridan biri ekani qayd etildi.

Joriy yilda viloyat hokimlari va elchilar 7 million xorijiy va 15 million ichki sayyohlarni jalb qilish, eksportni 2,5 milliard dollarga yetkazish ustida aniq reja va majburiyat bilan ishlashlari shartligi ko‘rsatib o‘tildi.

Shundan so‘ng Prezident sohaga doir muammolarga eʼtibor qaratdi. Xususan, turoperator, mehmonxona, transport korxonalari, oliygohlar vakillari bilan bir necha bor uchrashilib, ularning muammolari va takliflari o‘rganilgani va natijada, turistlarni faol jalb qiladigan joylar haqida kontent kam, bori ham qiziqarli emas, sayyohlarni 4-5 kun olib qoladigan turpaketlar yetishmasligi, yo‘l chiptalarini 3-6 oy oldindan bron qilish, sotib olishda noaniqliklar mavjudligi, muzey, teatr, madaniyat maskanlari turizm dasturlari bilan bog‘lanmaganligi, ularning ishlash vaqti ham sayyohlar talabidan kelib chiqmaganligi taʼkidlandi.

Davlatimiz rahbari soha mutasaddilari shu va boshqa kamchiliklar bilan tizimli ishlamayotganini tanqid qilib, keskin o‘zgarish qilinishi zarur bo‘lgan yo‘nalishlarni ko‘rsatib o‘tdi.

https://t.me/Press_Secretary_Uz/3014

#Prezident #Mirziyoyev #tashrif #Qoraqalpogiston_Respublikasi

Prezident Shavkat Mirziyoyev hududlar rivoji va aholi hayoti bilan tanishish maqsadida bugun, 30-mart kuni Qoraqalpog‘iston Respublikasiga keldi.

Tashrif davomida yangi korxonalar ishga tushirilib, respublikada sanoatni rivojlantirish yo‘nalishlari belgilanadi.

https://t.me/shmirziyoyev/16601

#Prezident #Mirziyoyev #yigilish #ipoteka_dasturi

Prezident Shavkat Mirziyoyev raisligida 2023-yilgi ipoteka dasturi muhokamasiga bag‘ishlangan yig‘ilish bo‘lib o‘tmoqda.

Unda so‘nggi olti yilda mamlakatimiz aholisi 5,5 million nafarga o‘sgani, hademay 40 millionga yetishi qayd etilib, 2017-yildan buyon 326 mingta yangi uy-joy foydalanishga topshirilgani ta’kidlandi.

2022-yilda boshlangan 31 ta “Yangi O‘zbekiston” massivlarini qurish dasturi bo‘yicha ishlar Andijon va Xorazmda yaxshi ketayotgani ta’kidlanib, Buxoro, Qashqadaryo, Navoiy, Samarqand, Surxondaryo va Sirdaryodagi massivlarda hokimlarning e’tiborsizligi oqibatida birorta uy foydalanishga topshirilmagani qattiq tanqid qilindi.

Yig‘ilishda 2023-yilda yangi uy-joy qurish hajmini 1,5 baravarga oshirib, 90 mingtaga yetkazish vazifasi qo‘yildi.

https://t.me/c/1752331301/3530

#Prezident #tashrif #Sirdaryo

Bugun Prezident Shavkat Mirziyoyev Sirdaryo viloyatiga tashrif buyuradi. Bu haqda Prezident matbuot kotibi o‘zining telegram kanalida xabar berdi.

Davlatimiz rahbari tashrif davomida xalq deputatlari viloyat kengashining sessiyasida ishtirok etadi. Shuningdek, ijod maktabi va sanoat korxonalari faoliyati bilan tanishish, yangi ishlab chiqarish quvvatlarini ishga tushirish rejalashtirilgan.

https://t.me/Press_Secretary_Uz/3037

#Prezident #tashrif #Sirdaryo

Biroz avval Prezident Shavkat Mirziyoyev Sirdaryo viloyatiga tashrifi haqida xabar bergan berdik.

Ayni paytda Prezident Shavkat Mirziyoyev Sirdaryoda xalq deputatlari viloyat kengashi sessiyasida ishtirok etmoqda.

Davlat rahbari sessiyadagi nutqida Sirdaryoni sanoat, tadbirkorlik, qishloq xo‘jaligi, ta’lim va tibbiyot bo‘yicha “ilg‘or innovatsiyalar hududi”ga aylantirish zarurligini ta’kidladi.

Shuningdek, davlat rahbari Sirdaryo aholisi farovonligini yanada oshirishga qaratilgan 5 ta yangi tashabbusni ilgari surdi.

Davlatimiz rahbari barcha tashabbuslar bo‘yicha mutasaddilarga ko‘rsatmalar berdi.

https://t.me/Press_Secretary_Uz/3039

#Prezident #Mirziyoyev #yigilish #yoshlar

Ayni daqiqalarda Prezident raisligida yoshlar bilan ishlashning yangicha tizimini joriy etish borasidagi dolzarb vazifalar yuzasidan yig‘ilish bo‘lib o‘tmoqda.

Unda ta’kidlanganidek, o‘tgan davrda yoshlar siyosati bo‘yicha ishlarni mahallada tashkil etish bo‘yicha mutlaqo yangi vertikal boshqaruv tizimi yaratildi. 9 ming 400 ta mahallaga fidoyi va tashabbuskor o‘g‘il-qizlardan iborat yoshlar yetakchilari tanlab olindi. Mahallada bu tizim orqali yoshlarga 100 dan ortiq imkoniyat yaratildi.

Yig‘ilishda, shuningdek, ijtimoiy qo‘llab-quvvatlash bo‘yicha ham sezilarli ishlar amalga oshirilgani aytib o‘tilib, shuncha sharoit yaratilganiga qaramasdan ayrim tumanlarda yoshlarning bandligini ta’minlash oqsayotgani tanqid qilindi va yoshlar bilan ishlash bo‘yicha mutlaqo yangi tizim joriy qilinishi qayd etildi.

14 yoshdan 30 yoshgacha bo‘lgan yoshlarning ijtimoiy ahvoli, qobiliyati va qiziqishlari o‘rganilib, ular 3 toifaga ajratildi. Endilikda ular bilan manzilli, aniq mezonlar asosida ishlanishi ta’kidlandi.

Bunda - yaxshi o‘qiyotgan, tadbirkorligini yo‘lga qo‘ygan, rasmiy sektorda ishlaydigan, qobiliyati bor, ijtimoiy faol bo‘lgan 4,4 million yoshlar “yaxshi” toifaga;

- turmush taqozosi bilan rasmiy sektordan ish topa olmagan, lekin iqtisodiy faol 4,6 million yosh “o‘rta” toifaga kiritildi;
- davlatning g‘amxo‘rligi va e’tiborini kutayotgan hamda ko‘makka muhtoj 396 ming nafar yoshlar “ahvoli og‘ir” toifasiga alohida ajratib olindi.

https://t.me/Press_Secretary_Uz/3052

#Prezident #Mirziyoyev #qishloq_xojaligi

Prezident Shavkat Mirziyoyev dala chetlarida mahsulot yetishtirishni ko‘paytirishning ustuvor vazifalarini belgilab berdi.

Bu haqda joriy yil 23-mart kuni qishloq xo‘jaligi masalalari bo‘yicha bo‘lib o‘tgan yig‘ilishda topshiriq berilgan edi. Shundan so‘ng Kadastr agentligi tomonidan o‘tkazilgan xatlovda 60 ming gektarga yaqin dala chetlaridan to‘liq foydalanilmayotgani aniqlandi. Hisob-kitoblarga ko‘ra, bu maydonlardan unumli foydalanish orqali 337 ming tonna qo‘shimcha mahsulot olish imkoniyati bor.

Taqdimotda qayd etilganidek, bu ishlarni Qishloq xo‘jaligida xizmatlar ko‘rsatish agentligi tashkil etadi. Buning uchun agronomlar mavsumiy ishga qabul qilinadi. Sabzavotchilik, polizchilik va kartoshkachilik ilmiy-tadqiqot instituti hamda Akademik M.Mirzayev nomidagi bog‘dorchilik, uzumchilik va vinochilik ilmiy tadqiqot instituti Agentlikka biriktiriladi.

Dala chetlarida dehqonchilik qilish uchun urug‘, ko‘chat, o‘g‘it va suv ta’minoti maqsadlariga 100 milliard so‘m yo‘naltiriladi.

Yetishtirilgan mahsulotlarni saqlash va qayta ishlash ham muhim. Shu bois quritish va sovitish uskunalarini xarid qilishga 50 milliard so‘m ajratiladi.

Dala chetidagi zovur va suv bo‘ylarida 600 ming bosh parranda boqish hamda qariyb 300 mingta asalari uyasi joylashtirish imkoniyati borligi ko‘rsatib o‘tildi.


https://t.me/shmirziyoyev/16784

#Prezident #qishloq_xojaligi #kartoshkachilik

19-aprel kuni Prezident Shavkat Mirziyoyev qishloq xo‘jaligida kartoshkachilikni rivojlantirishga qaratilgan reja va takliflar taqdimoti bilan tanishdi.

Davlat rahbari mamlakatimizda kartoshkaga bo‘lgan talab qariyb 4 million tonnani tashkil etayotganini, shuning 80 foizdan ortig‘i respublikamizda yetishtirilib, qolgan qismi import hisobidan to‘ldirilayotganiga eʼtibor qaratdi.

Taqdimotda Qishloq xo‘jaligi vazirligiga 500 tonna elita kartoshka urug‘larini 1 ming 700 ta aholi tomorqalariga bepul tarqatish, kartoshka yetishtiruvchilarga imtiyozli mablag‘lar ajratish vazifasi yuklatildi.

Kartoshkachilikdagi muammolar, yechimlar va rejalar xususida batafsil o‘qing.

https://t.me/shmirziyoyev/16810

#Prezident #Konstitutsiya #referendum

Ayni damda Prezident Shavkat Mirziyoyev parlament a’zolari, siyosiy partiyalar va jamoatchilik vakillari bilan uchrashuv o‘tkazmoqda.
Unda davlatimiz rahbari o‘z nutqining avvalida Konstitutsiya bo‘yicha referendum yakunlariga to‘xtaldi.

“Xabaringiz bor, shu yil 30-aprel kuni mamlakatimiz hayotida hech shubhasiz tom ma’nodagi ulkan tarixiy voqea bo‘lib o‘tdi. Birinchi marta umumxalq referendumi asosida yangilangan Konstitutsiyamizni qabul qildik” – dedi Prezident.

Davlatimiz rahbari xalq bilan muloqot qilib, uning fikrini olib, Asosiy qonunimizni takomillashtirishga o‘z hissasini qo‘shgan Konstitutsiyaviy komissiya a’zolariga, barcha deputat va senatorlar, siyosiy partiyalar vakillariga, qonun loyihasini xalqaro standartlar asosida ishlab chiqishda faol ishtirok etgan olimlar, mahalliy va xorijiy ekspertlarga, referendum jarayonlarini haqqoniy yoritib, o‘zining xolis fikrlarini bildirgan barcha ommaviy axborot vositalari xodimlariga, xalqaro kuzatuvchilarga alohida tashakkurlar aytdi.

Shuningdek, Yangilangan Konstitutsiyamizning birinchi moddasida O‘zbekiston – suveren demokratik, huquqiy, ijtimoiy va dunyoviy davlat, deb qat’iy belgilab qo‘yilgani tarixiy ahamiyatga ega ekani ta’kidlandi.

Mamlakatimiz suverenitetini yanada mustahkamlashda global iqlim o‘zgarishi, oziq-ovqat, energetika, logistika bilan bog‘liq xavf-xatarlar, suv taqchilligining salbiy ta’sirini yumshatish bo‘yicha yangi tashabbus va dasturlar ishlab chiqilishi va hamkorlarimiz bilan birga faol ish olib borilishi ta’kidlab o‘tildi.

Batafsil

Vebsayt • Telegram • Facebook • YouTube • Instagram

#Prezident #videoselektor #energiya_manbalari

Prezident raisligida joylarda qayta tiklanuvchi energiya manbalarini joriy qilish ahvoli, yoz mavsumida energotizimning barqaror ishlashini ta’minlash borasida ko‘rilayotgan choralar muhokamasi bo‘yicha videoselektor yig‘ilishi bo‘lib o‘tmoqda.

Yig‘ilishda Prezident Shavkat Mirziyoyev yoqilg‘i-energetika majmuasi rahbariyati oldida viloyat hokimlari bilan birga yoz mavsumida hududlarda elektr energiyasiga bo‘lgan talabni qoplash, elektr tarmoqlarining yuqori yuklama sharoitida uzluksiz ishlashini ta’minlash, tarmoq va hududlarda energiyani tejash vazifalari turganligini ko‘rsatib o‘tdi.

Shuningdek, prezident mamlakatimizda aholi tomonidan ishlab chiqarilgan elektr energiyasining 1 kilovatti uchun 1 ming so‘mdan to‘lanishi e’lon qilinganini, ular "Quyoshli xonadon" tizimiga ulanib, tegishli to‘lovlarni olishlari mumkinligini alohida ta'kidladi.

Prezident ushbu dastur qamrovini oshirish va yanada keng joriy qilish bo‘yicha yangi vazifalarni belgilab berdi.
Jumladan:

— Tadbirkorlikni qo‘llab-quvvatlash jamg‘armasi tomonidan savdo va servis korxonalariga quyosh panellari uchun kredit to‘lovlarining 4 foizi qoplab beriladi;

— xalqaro moliya tashkilotlaridan 100 million dollar jalb qilinib, so‘mda, maqbul shartlarda aholi va kichik tadbirkorlar uchun “yashil” kredit mahsulotlari yaratiladi. Aholiga ajratilgan kredit foizlarining bir qismini kompensatsiya qilish uchun 100 milliard so‘m ajratiladi.

Iqtisodiyot va moliya vazirligiga aholi va tadbirkorlarga berilgan “yashil" kreditlar foizlarining bir qismini qoplash tizimini joriy qilish topshirildi.

https://t.me/Press_Secretary_Uz/3105

#Prezident #safar #delegatsiya #Ozbekiston #XXR

Sian shahridagi Tan sulolasi bogʻida "Markaziy Osiyo—Xitoy" birinchi sammitida ishtirok etayotgan davlatlar rahbarlarini rasman kutib olish marosimi boʻlib oʻtdi, — deb xabar bermoqda Prezident.uz sayti.

Xabarda Oʻzbekiston Respublikasi Prezidenti Shavkat Mirziyoyev va rafiqasini Xitoy Xalq Respublikasi Raisi Si Szinpin va rafiqasi tantanali kutib olgani, oliy martabali mehmonlarga saroy oldidagi maydonda Xitoyning boy tarixi va madaniyatini oʻzida aks ettirgan, yorqin sahnalashtirilgan chiqishlar va konsert dasturi namoyish etilgani haqida soʻz yuritilgan.

https://t.me/shmirziyoyev/17200

O‘zbekiston Respublikasi Prezidenti Shavkat Mirziyoyev Italiya Respublikasi Prezidenti Serjo Mattarellaning taklifiga binoan joriy yilning 7-9-iyun kunlari rasmiy tashrif bilan ushbu mamlakatda bo‘ladi.

Shavkat Mirziyoyev Italiya Prezidenti Serjo Mattarella va Bosh vaziri Jorja Meloni bilan muzokaralar o‘tkazadi. Oliy darajadagi uchrashuvlar Rim shahrida bo‘lib o‘tadi.

Rim dunyodagi eng go‘zal shaharlardan biridir. U G‘arb sivilizatsiyasining markazi deb ham ataladi. Dunyoning eng muhim yodgorligi bo‘lgan Kolizey ham shu yerda. Ushbu yodgorlikni ko‘rmasdan Rimdan qaytib kelishni xohlaydigan odam bo‘lmasa kerak.

Hozir esa, biz sizni Rim ko‘chalari bo‘ylab g‘oyibona sayohat qilishga taklif etamiz.

#Prezident #xalqaro_hamkorlik #safar #delegatsiya #Ozbekiston #Italiya

Vebsayt • Telegram • Facebook • YouTube • Instagram

#Prezident #videoselektor #investitsiya

Prezident Shavkat Mirziyoyev raisligida investitsiyalar jalb qilishni yanada kengaytirish bo‘yicha qo‘shimcha chora-tadbirlar yuzasidan videoselektor yig‘ilishi bo‘lib o‘tmoqda.

Yig‘ilishda yil boshida reja qilingan xorijiy sarmoyalarni o‘zlashtirish vazifalarining ijrosi ko‘rib chiqildi.

Shuningdek investitsiyalar jalb qilish bo‘yicha vazirlik va tarmoq kompaniyalardagi ahvol ham yaxshi emasligi qayd etildi.

Investitsiya olib kelish u yoqda tursin, ayrim rahbarlar mablag‘i ancha avval kelgan loyihalarni o‘z holiga tashlab qo‘ygani qattiq tanqid qilindi.

Yig‘ilishda investitsiya dasturlaridagi 1,5 mingta loyihani tezlashtirish va 12,1 milliard dollar xorijiy investitsiyalarni o‘zlashtirish bo‘yicha yangi tizim joriy qilinishi ta’kidlandi.

Jumladan, davlat investitsiya dasturi doirasida 11,5 milliard dollarlik 272 ta yirik loyihani muddatidan oldin foydalanishga topshirish bo‘yicha “loyihabay” ish tashkil etiladi.

Bunda har bir loyihaga biriktirilgan vazir, vazir o‘rinbosarlari, bank rahbarlari mas’ul va javobgar bo‘ladi. Umuman, hududlardagi 89 ta yirik loyihani muddatidan oldin ishga tushirish uchun infratuzilma masalasi hal qilib beriladi.

https://t.me/Press_Secretary_Uz/3193