#yangi_navlar #meva_sabzavot #poliz_ekinlari #don_mahsulotlari

2023-YIL UCHUN QISHLOQ XO‘JALIK EKINLARINING YANGI NAVLARI SARALANDI

🌽2022-yilning 20-22-dekabr kunlari O‘zbekiston Respublikasi Qishloq xo‘jaligi vazirligi huzuridagi Qishloq xo‘jaligi ekinlari navlarini sinash markazida vazirlik hamda mutasaddi tashkilotlar hamkorligida ekspert komissiyasining yig‘ilishi o‘tkazildi.

Unda “O‘zbekiston Respublikasi hududida ekish uchun tavsiya etilgan qishloq xo‘jalik ekinlari Davlat reеstri”ga 2023-yildan kiritiladigan, chiqariladigan va istiqbolli navlar va duragaylarni tanlash bo‘yicha ekspertlarning xulosalari tinglandi.

👉Batafsil
*****
#новые_сорта #овощи_фрукты #бахчевые_культуры #зерновая_культура #селекция

ОТБОР НОВЫХ СОРТОВ СЕЛЬСКОХОЗЯЙСТВЕННЫХ КУЛЬТУР ДЛЯ ВЫРАЩИВАНИЯ В 2023 ГОДУ

🌽С 20 по 22 декабря 2022 года состоялось заседание экспертной комиссии совместно с представителями Министерства сельского хозяйства Республики Узбекистан в Центре испытания сельскохозяйственных культур при Минсельхозе РУ.

Здесь были озвучены заключения специалистов по селекции сортов и гибридов нескольких культур для включения их в «Государственный реестр сельскохозяйственных культур, рекомендованных к посеву на территории Республики Узбекистан» с 2023 года.

👉Подробнее

WWW • TELEGRAM • FACEBOOK • YOUTUBE • INSTAGRAM

INTENSIV BOG‘: AFZALLIK VA IMKONIYATLAR

🌱Bugun mamlakatimizning qishloq xo‘jaligi sohasida intensiv usulda meva-sabzavot yetishtirish, bog‘lar barpo etish ommalashmoqda. Sababi, bunday usulda mahsulot yetishtirish oddiy usulda yetishtirgandan ko‘ra, bir necha marotaba tejamkor va samaralidir.

Farg‘ona viloyatining Qo‘shtepa tumanida intensiv texnologiyalarga asoslangan bog‘ barpo etish uchun “Grapes and Gardens Investment” AJ ga 2020-yilda 151 gektar yer maydoni ajratib berilgandi.

Ushbu maydonlarning 100 gektariga intensiv usulda 11 turdagi o‘rik, 50 gektariga 3 xil navdagi gilos ko‘chatlari ekildi. Tajriba tariqasida barpo etilgan ushbu bog‘dagi daraxtlar bugun g‘arq meva solgan.

#intensiv_bog #meva_sabzavot #daraxt

Vebsayt • Telegram • Facebook • YouTube • Instagram

❓O‘zbekistonda 2022-yilda qaysi meva-sabzavot turi eksportda eng katta ulushga ega bo‘lgani haqida so‘rovnoma o‘tkazgan edik.

✅So‘rovda jami 111 kishi ishtirok etdi. Ulardan 38 kishi to‘g‘ri javobni tanlagan – 2022-yilda eksportdagi meva-sabzavotlar ichida eng katta ulush uzum/mayizga tegishli bo‘lgan.

📈Eksportda qiymat jihatidan eng katta ulushga ega meva-sabzavotlar:
uzum (mayizni qo‘shgan holda) — 24,7%;
mosh — 8,2%;
shaftoli — 6,0%;
pomidor — 5,1%;
xurmo — 4,6%;

👥So‘rovlarimizda ishtirok eting. Bu yerda siz yangi bilimlarni o‘rganishingiz yoki qishloq xo‘jaligi sohasidagi faktlarni bilishingizga ishonch hosil qilishingiz mumkin.

#sorov #meva_sabzavot #eksport

Vebsayt • Telegram • Facebook • YouTube • Instagram

🌱Meva-sabzavotlar maydoni 470 ming gektarga oshdi, 75 ming gektar intensiv bog‘ va tokzorlar, 3700 gektar zamonaviy issiqxonalar barpo etildi. 200 ming gektar paxta-g‘alla maydonlari qisqarib aholiga berildi. Meva-sabzavot ishlab chiqarish 20 foizga oshib, 22,5 mln tonnaga yetdi.

G‘alla hosildorligi 57 sentnerdan 70 sentnerga oshdi va 2023-yil yalpi i/ch 8,1 mln tonna bo‘lishi kutilmoqda.

Umuman qishloq xo‘jaligida yillik o‘sish - o‘rtacha 5%.

“Global oziq-ovqat xavfsizligi” indeksida O‘zbekiston reytingi 113 ta mamlakat orasida 12 pog‘ona ko‘tarilib (85 dan 73 ga), eng yuqori o‘sishga erishgan 10 ta mamlakat ichida 1-o‘rinni egalladi.

#xalqaro_konferensiya #vazir #oziq_ovqat_xavfsizligi #meva_sabzavot #paxta #galla

🌐Vebsayt💬Telegram💬Facebook📺YouTube📷Instagram

YAKKABOG‘DA MEVACHILIK: ELGA – DARMON, TADBIRKORGA – DAROMAD

🥬Yurtimizda meva-sabzavotchilik uchun juda qulay muhit mavjud. Qishloq xo‘jaligida tadbirkorlik bilan shug‘ullanish uchun yaratilgan imkoniyatlar va imtiyozlar esa, qalbida qo‘ri bor har bir inson uchun agrobiznes bilan shug‘ullanishda ajoyib sharoitlarni yaratmoqda.

Mana shunday vatandoshlarimizdan biri – Qashqadaryoning Yakkabog‘ tumanilik Gulsanam Jo‘raqobilova 2005-yilda o‘z tumanida bog‘ yaratishni niyat qiladi. Shu maqsadda “DARMON FARM” korxonasini tashkil etadi.

Tuman hokimligi tadbirkorning tashabbusini qo‘llab-quvvatlab, bog‘ uchun jami 484,8 gektar yer ajratib beradi. Shundan 200 gektarga zamonaviy intensiv bog‘, 84,8 gektarga mahalliy bog‘ barpo etiladi. 210 gektar yerda esa uzumzor tashkil qilinadi.

Uzoq o‘rganishlar, qiyoslash va saralashlar samarasi o‘laroq, Avstriya, Polsha, Italiyadan mevani qayta ishlovchi zamonaviy uskunalar keltirildi. Rossiyadan 5000 tonnali keskin muzlatish imkoniyatiga ega muzlatish ombori olib kelindi. Faoliyat kengayib, yiliga 20 000 tonna mahsulotni qayta ishlash quvvatiga ega bo‘lindi. Ishchilar soni yuzdan oshdi.

Hozirda korxona soatiga 5 tonna meva-sabzavotni qayta ishlab, pyure tayyorlamoqda. Shuningdek, soatiga 2 tonna olmani qayta ishlab, sharbat ishlab chiqarmoqda. Bir necha turdagi sabzavot barra va muzlatilgan holida xorijga eksport qilinmoqda.

#qishloq_xojaligi #meva_sabzavot #intensiv_bog #mahalliy_bog #uzumzor #muzlatgich #qayta_ishlash #Qashqadaryo

🌐Vebsayt💬Telegram💬Facebook📺YouTube📷Instagram

STATISTIKA: MEVA-SABZAVOT EKSPORTI OSHIB BORMOQDA

📈Statistika agentligi ma'lumotlariga ko‘ra, joriy yil birinchi yarmida gilos eksporti o‘tgan yilning shu davridagiga nisbatan 2,1 marta, o‘rik eksporti – 6,4 marta, tariq eksporti esa, naq 152,9 martaga oshgan.

2023-yilning yanvar-iyun oylarida meva-sabzavot mahsulotlari eksporti hajmlari quyidagicha ko‘rinish oldi:

🫐Olxo‘ri – 20,3 ming tonna
🍇Uzum (quritilgan) – 32,9 ming tonna
🍑Shaftoli – 25,6 ming tonna
🍉Qovun va tarvuz – 90,6 ming tonna
🍒Gilos – 45 ming tonna
🥬Karam – 75,2 ming tonna
🍅Pomidor – 40,8 ming tonna
🫘Mosh – 57,9 ming tonna
🧅Piyoz – 237,7 ming tonna

#statistika #meva_sabzavot #eksport

🌐Vebsayt💬Telegram💬Facebook📺YouTube📷Instagram

O‘ZBEKISTON QURUQ MEVALARI O‘Z BRENDIGA EGA BO‘LADI

👥Xalqaro bozorda O‘zbekistonda yetishtirilgan va qayta ishlangan quruq mevalar raqobatbardoshligini oshirish, yangi bozorlarni zabt etish yo‘lida davlat va xususiy sektor sa'y-harakatlarini uyg‘unlashtirish maqsadida “Yo‘l xaritasi” va doimiy faoliyat yurituvchi platforma tashkil qilishga kirishildi.

Keyingi yillarda meva-sabzavotlarni yetishtirish, qayta ishlash va eksport qilishda yaxshi natijalarga erishilmoqda. Lekin, oxirgi ikki yildagi geosiyosiy vaziyat, o‘zbek eksportchilarining faoliyati tarixan Rossiya va boshqa MDH davlatlariga yo‘nalganligi, ularning xarid qobiliyati esa keskin tushib borayotgani, logistikada murakkabliklar tug‘ilayotgani o‘zbekistonlik meva-sabzavot eksporti uchun yangi bozorlarni izlashni taqozo qilmoqda.

Shulardan biri – Yevropa bozori. Bu mintaqa xalqaro eksportda ustuvor bozor sanaladi. O‘zbekiston Respublikasi Qishloq xo‘jaligi vazirligi, Shveytsariya hukumati, Xalqaro savdo markazi (ITC) hamkorligida tashkil etilgan loyiha – quritilgan meva-sabzavot eksportini rivojlantirish chora-tadbirlarini o‘z ichiga olgan “Yo‘l xaritasi”ni ishlab chiqish va besh yilga mo‘ljallangan ushbu yo‘l xaritasining mantiqiy davomi o‘laroq, davlat-xususiy platformasini yaratish O‘zbekistonning sarxil quruq mevalarining jumladan ushbu bozorga to‘siqsiz kirib borishini ta'minlashga qaratilgan.

#Yol_xaritasi #meva_sabzavot #eksport

🌐Website💬Telegram💬Facebook📺YouTube📷Instagram