ሃይቲ አሜሪካ እና ተመድ ወታደሮች እንዲልኩላት ጠየቀች።

ፕሬዘደንቷ በሚኖሩበት መኖሪያ ቤታቸው ውስጥ በጥይት ተደብድበው የተገደሉባት ሃይቲ አሜሪካ እና የተባበሩት መንግስታት ድርጅት (UN) ወታደሮችን እንዲልኩላት ጠይቃለች።

ይህን ጥያቄ ያቀረበችው የፕሬዜዳንት ጆቭኔል ሞይስ ግድያ በሀገሪቱ የስልጣን ክፍተት በመፍጠሩ ነው ተብሏል።

ሃይቲ ተ.መ.ድ. እና አሜሪካ ወታደሮችን መድበው ወደቦችን ፣ ኤርፖርት እና ሌሎችም ስትራቴጂክ ስፍራዎችን ደህንነት እንዲጠብቁ ነው ጥሪ ያቀረበችው።

የሃይቲ ምርጫ ጉዳዮች ሚኒስትሩ ማቲያስ ፒየር ለኤ ኤፍ ፒ በሰጡት ቃል የፕሬዜዳንቱን ግድያ ተከትሎ “ቅጥረኞች አንዳንድ መሠረተ ልማቶችን በማውደም በሀገሪቱ ሁከት ሊፈጥሩ ይችላሉ ብለን እናስባለ ...ከአሜሪካ የውጭ ጉዳይ ሚኒስትር እና ከተ.መ.ድ ጋር ባደረግነው ውይይት ይህንን ጥያቄ [ወታደሮች እንዲልኩ] አቅርበናል” ብለዋል።

አሜሪካ እና ተመድ ምን አሉ ?

የአሜሪካ የውጭ ጉዳይ መ/ቤት እና ፔንታጎን፥ “ለደህንነትና ለምርመራ እርዳታ” ጥያቄ እንደቀረበላቸው አረጋግጠው ከሃይቲ ባለስልጣናት ጋር እየተነጋገሩ መሆኑ ገልፀዋል። ነገር ግን ወታደሮች እንዲስፍሩ ስለሚለው ጉዳይ በግልፅ ያሉት ነገር የለም።

ተ.መ.ድ. ሃይቲ ስለጠየቀችው ወታደር ላኩልኝ ጥያቄ ወዲያውኑ ምላሽ አልሰጠም። አንድ የተባበሩት መንግስታት የዲፕሎማቲክ ምንጭ ግም ሃይቲያውያን የጠየቁትን ለማድረግ የፀጥታው ም / ቤት ውሳኔ እንደሚያስፈልግ ቀደም ሲል አመልክቷል።

NB : ፕሬዜዳንት ጆቭኔል ሞይስ ከተገደላ ከ2 ቀን በኃላ አሜሪካ FBIና ሌሎችም ኤጀንቶችን ወደሃይቲ እንደምትልክ ገልፃ ነበር።

ፎቶ : ፋይል
@tikvahethiopia

#Euro2020

የጣልያን ብሄራዊ ቡድን የእንግሊዝ ብሄራዊ ቡድንን #በፍፁም_ቅጣት ምት በማሸነፍ የEuro 2020 ሻምፒዮን ሆኗል።

በEuro 2020 የፍፃሜ ጨዋታ 2ቱ ብሄራዊ ቡድኖች ባደረጉት ፍልሚያ በመደበኛው እና በጭማሪው ሰዓት መሸናነፍ ባለመቻላቸው (1 ለ 1) ጨዋታው ወደፍፁም ቅጣት ምት አምርቷል።

ጣልያን እንግሊዝን በፍፁም ቅጣት ምት ድል አድርጋታለች።

በእንግሊዝ በኩል ሳንቾ፣ ራሽፎርድ እንዲሁም ሳካ የፍፁም ቅጣት ምት ማስቆጠር አልቻሉም።

@tikvahethsport

የሰብአዊ እርዳታ ወደ መቐለ እየገባ ነው።

የዓለም ምግብ ፕሮግራም ለሁለት ሳምንት ወደ ትግራይ ሲጓጓዝ የነበረ የሰብዓዊ እርዳታ ወደ መቐለ ከተማ እየገባ መሆኑን በይፋዊ የትዊተር ገፃ አሳውቋል።

 “አሁንም በትግራይ አስቸኳይ የምግብ እርዳታ የሚያስፈልጋቸውን 2.1 ሚሊዮን ሰዎች ለመድረስ 1 ሺህ ሜትሪክ ቶን የህይወት አድን ምግብ ማዳረስ ያስፈልጋል” ሲል የዓለም ምግብ ፕሮግራም ገልጿል።

@tikvahethiopia

#FDREDefenseForce

የመተከል ዞን የተቀናጀው ግብረ ኃይል ኮማንድ ፖስት አመራሮች እና የየመስተዳድር አካላት የተካተቱበት ልዑክ ተፈናቃዮች በሚገኙበት አራት የጊዜያዊ የመጠለያ ጣቢያ የሚገኙ ተፈናቃዮችን ተዘዋውረው ጎብኝተዋል።

በአካባቢው ተከስቶ በነበረው ግጭት ሳቢያ ከቀዬአቸው ተፈናቅለው ከነበሩ ወገኖች ጋር የጋራ ውይይት ማድረጋቸውም ተገልጿል። ውይይቱ በግዜያዊ መጠለያ ጣቢያው የሚያጋጥሙ ችግሮች እና መፍትሄዎች ላይ አተኩሮ የተካሄደ ነበር።

የመተከል ዞን የተቀናጀው ግብረ ኃይል ኮማንድ ፖስት አባል የሆኑት ብ/ል ጄኔራል አለማየሁ ወልዴ ተፈናቃዮችን ቋሚ ተፈናቃይ አድርጎ በማቆየት በግላቸው የሚጠቀሙ ሀይሎች መኖራቸውን የጠቆሙ ሲሆን የእነዚህን ሀይሎች ሴራ መረዳትና በጋራ መታገል አስፈላጊ መሆኑን አስገንዝበዋል።

ለህዝቡ የሚቀርበውን የምግብ እህሎችን ሸጠው ለግል ጥቅማቸው ለማዋል ሲንቀሳቀሱ የነበሩ ግለሰቦችን በህዝቡ ተሳትፎ በመለየት ለህግ እንዲቀርቡ መደረጉንም አስታውሰዋል። ይሄ ተግባር በቀጣይነት ተጠናክሮ መቀጠል ይገባዋል ብለዋል።

ይሁን እንጂ ልዩ ልዩ የመመገቢያ ቁሳቆሶች እና ሰብአዊ እርዳታዎች መድረስ ከሚገባው ግዜ መዘግየቶች ማጋጠማቸውን የጠቆሙ ሲሆን አስቸኳይ መፍትሄ ሊሰጣቸው እንደሚገባ አሳስበዋል።

@tikvahethiopia

#USA

"የግድቡ ጉዳይ ምንም አይነት ወታደራዊ መፍትሄ የለውም" - አሜሪካ

የአሜሪካ ውጭ ጉዳይ መስሪያ ቤት የቀጠናዊ ጉዳዮች ቃል አቀባይ ሳሙኤል ዋርበርግ፤ ትላንት እሁድ በሰጡት ቃል አሜሪካ ለታላቁ የኢትዮጵያ የህዳሴው ግድብ ጉዳይ ብቸኛው መፍትሄ ዲፕሎማሲ ነው ብላ ታምናለች ብለዋል።

ከTeN የሳተላይት ቻናል ቃለምልልስ የነበራቸው ዋርበርግ ፥ የተባበሩት መንግስታት ድርጅት ፀጥታው ምክር ቤት ስብሰባ የህዳሴው ግድብ ጉዳይ ለአፍሪካ አህጉር እጅግ በጣም አስፈላጊ መሆኑን አሳይቷል ሲሉ ተናግረዋል።

አክለውም ዓላም አቀፉ ማህበረሰብ የህዳሴው ግድይ ጉዳይ ለናልይ ተፋሰስ ቀጠና ምን ያህል ጠቃሚ እንደሆነ ተገንዝቧል ብለዋል።

ዋርበርግ፥ የግድቡ ጉዳይ ምንም አይነት ወታደራዊ መፍትሄ እንደሌለው በማንሳት "በአፍሪካ አህጉር ምንም አዲስ ጦርነት ልንገምት አንችልም" ብለዋል።

የተፋሰሱ አገራት እና የ #አፍሪካ_ህብረት ድርድርን እንደገና መጀመር እንዳለባቸው ጠቁመው አሜሪካ ማንኛውንም የፖለቲካ ወይም የቴክኒክ ድጋፍ ለመስጠት ዝግጁ መሆኗን ገልፀዋል።

ዋርበርግ፥ "ውይይቱን ለመቀጠል አሜሪካ ሁሉም ወገኖች ከማንኛውም መግለጫ እንዲታቀቡ ጥሪ ታደርጋለች ፤ የሚደረገው ማንኛውም ውይይት ድርድሮችን ወደፊት ለማስቀጠል ያለመ መሆን ይገባዋል" ብለዋል።

አሜሪካ ድርድሩ ላይ የበለጠ ጊዜ እንዲያልፍ አትፈልግም ብለዋል።

@tikvahethiopia

#Update

የጀርመን የፌዴራል የምጣኔ ትብብር እና ልማት ሚኒስትር ገርድ ሙለር የተባበሩት መንግስታት ኢንዱስትሪ ልማት ድርጅት/UNIDO/ ዋና ዳይሬክተር ሆነው ተመረጡ።

ሙለር በዋና ዳይሬክተርነት የተመረጡት በተመድ የኢንዱስትሪ ልማት ድርጅት ቦርድ አማካኝነት ነው፡፡

የቦርዱ ምርጫ የድርጀቱ ከፍተኛ አካል በሆነውና እንደፈረንጆቹ ከህዳር 29 እስከ ታህሳስ 3/2021 በሚካሄደው ጠቅላላ ጉባኤ ይጸድቃል ተብሎ ይጠበቃል።

አዲሱ ተመራጭ ጀርመናዊው የወቅቱ የኢኮኖሚያዊ ትብብር እና ልማት ሚኒስትር ገርድ ሙለር “ ከጠቅላላ ጉባኤው በኋላ የተመድ የኢንዱስትሪ ልማት ድርጅትን መምራት ይችላል በሚል፤ ለተጣለበኝ እምነት እጅጉን አመሰግናለሁኝ ”ብሏል፡፡

ለUNIDO ዋና ዳይሬክተርነት ከተወዳደሩት መካከል እና ፉክክሩን አሸንፈው እንደሚመረጡ የብዙዎችን ቅድመ ግምት አግኝተው የነበሩት የጠ/ሚ ዶ/ር ዐቢይ አህመድ ልዩ የኢኮኖሚ አማካሪና በኢንዱስትሪ ልማት ስራዎች ላይ የካበተ ልምድ እንዳላቸው የሚታመንባቸው ዶ/ር አርከበ ዑቅባይ ስይሳካላቸው ቀርቷል።

ዶ/ር አርከበ ከጀርመኑ ገርድ ሙለር እና ከቦልቪያው በርናንዶ ካልዛዲላ ጋር ከፍተኛ ፉክክር ሲያደርጉ ነበር የቆዩት።

መረጃው የአል ዓይን ነው።

Photo Credit : Luis J. Campuzano

@tikvahethiopia