አጠቃላይ የምርጫ ውጤት (ፓርላማ) ፦

1. አዲስ አበባ ከተማ
- ብልጽግና 22 መቀመጫዎችን አሸንፏል
- አንዷን መቀመጫ አንድ የግል ዕጩ ተወዳዳሪ አሸንፈዋል

2. አፋር ክልል
- 8 የፓርላማ መቀመጫዎች አሉት
- ሰኔ 14 ምርጫ የተካሄደባቸው 6 መቀመጫዎችን በሙሉ ብልጽግና ፓርቲ አሸንፏል

3. አማራ ክልል
- ምርጫ ከተካሄደባቸው 125 የፓርላማ መቀመጫዎች ውስጥ ብልጽግና በ114ቱ አሸንፏል
- አብን 5 መቀመጫዎችን አሸንፏል

4. ቤኒሻንጉል ጉሙዝ
- 9 የፓርላማ መቀመጫዎች አሉት
- በሶስት የፓርላማ መቀመጫዎች ሰኔ 14 ምርጫ ተከናውኗል
- ሶስቱንም መቀመጫዎች ብልጽግና ፓርቲ አሸንፏል

5. ድሬዳዋ
- 2 የፓርላማ መቀመጫዎች አሉት
- ብልጽግና ፓርቲ አንዱን መቀመጫ አሸንፏል

6. ጋምቤላ ክልል
- 3 የፓርላማ መቀመጫዎች አሉት
- ሶስቱንም ምርጫ ክልሎች ብልጽግና ፓርቲ አሸንፏል

7. ኦሮሚያ ክልል
- 178 የፓርላማ መቀመጫዎች አሉት
- ምርጫ ከተካሄደባቸው 170 መቀመጫዎች ውስጥ ብልጽግና 167ቱን መቀመጫ አሸንፏል
- ቀሪ 3 መቀመጫዎችን 3 የግል ዕጩዎች አሸንፈዋል

8. ሲዳማ ክልል
- 19 የፓርላማ መቀመጫዎች አሉት
- 19ኙንም መቀመጫዎች ብልጽግና ፓርቲ አሸንፏል

9. ደቡብ ክልል
- 104 የፓርላማ መቀመጫዎች አሉት
- ምርጫ ከተከናወነባቸው 85 የፓርላማ መቀመጫዎች ውስጥ በ75ቱ ብልጽግና ፓርቲ አሸንፏል
- ኢዜማ 4 መቀመጫዎችን አሸንፏል
- የጌድዮ ህዝቦች ዲሞክራሲያዊ ፓርቲ 2 መቀመጫዎችን አሸንፏል

ፅሁፍ ዝግጅት ኢትዮጵያ ኢንሳይደር።
ፎቶ : Tikvah Family

@tikvahethiopia

የማጠቃለያ ንግግር ፦
- በኢፌዴሪ ፕሬዜዳንት ሳህለወርቅ ዘውዴ
- በኢትዮጵያ ብሄራዊ ምርጫ ቦርድ ሰብሳቢ ወ/ሪት ብርቱካን ሚደቅሳ

@tikvahethiopia

አጠቃላይ የምርጫ ውጤት የክልል ምክር ቤት ፦

1. አዲስ አበባ
ክልሉ ያለው መቀመጫ ብዛት - 138
ሰኔ 14 ምርጫ የተካሄደበት የክልል ም/ቤት ምርጫ ክልል ብዛት - 10
ብልፅግና 138ቱንም መቀመጫ አሸንፏል።

2. አፋር
ክልሉ ያለው መቀመጫ ብዛት - 96
ሰኔ 14 ምርጫ የተካሄደበት የክልል ም/ቤት ምርጫ ክልል ብዛት - 25
ብልፅግና 51 መቀመጫ አሸንፏል።
አርጎባ ህዝብ ዲሞክራሲ ድርጅት 3 መቀመጫ አሸንፏል
ድጋሚ ቆጠራ የሚካሄድበት ምርጫ ክልል ብዛት - 5
ድጋሚ ምርጫ የሚከናወንበት ምርጫ ክልል ብዛት - 1

3. አማራ
ክልሉ ያለው መቀመጫ ብዛት - 294
ሰኔ 14 ምርጫ የተካሄደበት የክልል ም/ቤት ምርጫ ክልል ብዛት - 125
ብልፅግና ፓርቲ 128 መቀመጫ አሸንፏል።
አብን 13 መቀመጫ አሸንፏል።
ድጋሚ ምርጫ ሚካሄድበት ምርጫ ክልል ብዛት - 5

4. ቤኒሻንጉል ጉሙዝ
ክልሉ ያለው መቀመጫ ብዛት - 99
ሰኔ 14 ምርጫ የተካሄደበት የክልል ም/ቤት ምርጫ ክልል ብዛት - 6
ብልፅግና 22 መቀመጫ አሸንፏል።
ድጋሚ ቆጠራ የሚካሄድበት ምርጫ ክልል ብዛት - 1
ድጋሚ ምርጫ የሚከናወንበት ምርጫ ክልል ብዛት - 1

5. ድሬዳዋ
ክልሉ ያለው መቀመጫ ብዛት - 189
ሰኔ 14 ምርጫ የተካሄደበት የክልል ም/ቤት ምርጫ ክልል ብዛት - 47
ብልፅግና 189ኙንም መቀመጫ አሸንፏል።

6. ጋምቤላ
ክልሉ ያለው መቀመጫ ብዛት - 156
ሰኔ 14 ምርጫ የተካሄደበት የክልል ም/ቤት ምርጫ ክልል ብዛት - 14
ጋህነን 7 መቀመጫ አሸንፏል።
ብልፅግና 149 መቀመጫ አሸንፏል።

7. ኦሮሚያ
ክልሉ ያለው መቀመጫ ብዛት - 537
ሰኔ 14 ምርጫ የተካሄደበት የክልል ም/ቤት ምርጫ ክልል ብዛት - 171
ብልፅግና 513 መቀመጫ አሸንፏል።

8. ሲዳማ
ክልሉ ያለው መቀመጫ ብዛት - 190
ሰኔ 14 ምርጫ የተካሄደበት የክልል ም/ቤት ምርጫ ክልል ብዛት - 19
ብልፅግና 190 (ሁሉንም) መቀመጫ አሸንፏል።

9. ደቡብ
ክልሉ ያለው መቀመጫ ብዛት - 291
ሰኔ 14 ምርጫ የተካሄደበት የክልል ም/ቤት ምርጫ ክልል ብዛት - 89
ኢዜማ 10 መቀመጫ አሸንፏል።
የጌዲኦ ህዝቦች ዲሞክራቲክ ድርጅት 6 መቀመጫ አሸንፏል።
ብልፅግና 245 መቀመጫ አሸንፏል።
ድጋሚ ቆጠራ የሚካሄድበት ምርጫ ክልል ብዛት - 3

@tikvahethiopia

ብልፅግና ፓርቲ !

የኢትዮጵያ ጠቅላይ ሚኒስትር ዶክተር አብይ አህመድ የሚገኙበት "ብልጽግና ፓርቲ" ዛሬ ይፋ በሆነው የምርጫ 2013 የተረጋገጠ ውጤት ከ436 የህዝብ ተወካዮች ምክር ቤት መቀመጫዎች ውስጥ 410 መቀመጫዎችን አገኝቷል።

ፓርቲው ሰኔ 14 ቀን 2013 ዓ/ም ምርጫ በተወዳደረባቸው የምርጫ ክልሎች በከፍተኛ የድምፅ የበላይነት ነው ያሸነፈው።

ብልፅግና ፓርቲ መንግስት ለመመስረት የሚያስችለውንም ድምፅ አግኝቷል።

@tikvahethiopia

ወ/ሪት ብርቱካን ሚደቅሳ ፦

''ዛሬ እዚህ የምትቀርጹን የመንግስት ሚዲያዎች በጣም በትህትና ልነግራችሁ ፈልጋለሁኝ። የመንግስት ባለሥልጣናት ኮታቸው ላይ የተሰካው ማይክራፎን የማይወልቅ ይመስል ሌት ተቀን የእነሱን ካምፔን እና ቅስቀሳ ስታስተላልፉ ቆይታችሁ የተቃዋሚዎችን 10 እና 15 ደቂቃ ማድረጋችሁ ፍትሃዊነታችንን አጉድሎብናል። እንዳላየ ያለፍነው ግማሹ የኛ ሥልጣን ስላልሆነ ነው። የእኛን ስልጣን እንደምናከብር የሌሎችንም እናከብራለን።''

@tikvahethiopia

"...አዎ እያለቀስኩ ነው፤ ነገር ግን ሃገራችን መንገዷን እንድትስት መፍቀድ የለብንም" - የሃይቲ ፕሬዜዳንት ባለቤት

የሃይቲ ፕሬዝደንት ጆቭኔል ሞይዝ በተገደሉበት ሰዓት ባለቤታቸው ማርቲን ሞይዝ ተጎድተው በአሜሪካ ማያሚ ሕክምና ሲያገኙ ቆይተው አሁን አገግመዋል።

ትላንት በትዊተር ገፃቸው የድምፅ መልዕክት አስተላልፈዋል። የባለቤታቸው ገዳዮች ወደቤታቸው መጥተው ባላቸውን በእኩለ ለሊት ሲገድሉባቸው ስለናበረው ሁኔታም ቃላቸውን ሰጥተዋል።

ማርቲን ሞይዝ እንዳሉት ጥቃቱ በጣም በፍጥነት የተፈፀመ ከመሆኑ የተነሳ ባላቸው ጆቨኔል "አንድም ቃል መተንፈስ" አልቻሉም ብለዋል።

ማርቲን የባላቸውን ሥራ ለመጨረስ ቃል ገብተዋል።

"ከብርሃን በፈጠነ ጊዜ ሰርጎ ገቦች ወደ ቤታታችን ዘልቀው ባሌን በጥይት ገድለውታል" ብለዋል። "ይህ ድርጊት ስም የለውም። ምክንያቱም ጆቨኔል ሞይዝን የመሰለ ፕሬዝደንትን አንድም ቃል ሳይተነፍስ ለመግደል አጥር አልባ ወንጀለኛ መሆን አለብህ።" ሲሉም አስረድተዋል።

ማርቲን ባላቸው የተገደለው በፓለቲካዊ ምክንያት እደሆነ ነው የሚገምቱት በተለይም ደግሞ ለፕሬዝደንቱ የተሻለ ሥልጣን የሚሰጣቸው የሕገ-መንግሥት ማሻሻያ ለማድረግ ማሰባቸውን ተከትሎ ነው።

እኒህ ስም የሌላቸው ገዳዮች "የፕሬዝደንቱን ሕልም መግደል ነው የሻቱት" ብለዋል ማርቲን።

"አዎን እያለቀስኩ ነው ነገር ግን ሃገራችን መንገዷን እንድትስት መፍቀድ የለብንም። የፕሬዝደንት ጆቨኔል ሞይዝ፣ ባሌ፣ የምንወደው ፕሬዝደንታችን ደም በከንቱ እንዲፈስ መፍቀድ የለብንም" ሲሉ ተናግረዋል።

መረጀውን ያስነበበን ቢቢሲ ነው።

@tikvahethiopia

የሞይዝ የስልጣን ቆይታ ምን ይመስል ነበር ?

ጆቭኔል ሞይዝ ሃይቲን ለአራት ዓመታት መርተዋል።

በሙስና እና ብልሹ አስተዳደር ምክንያት በርካታ ተቃውሞ ተነስቶባቸው ያውቃል።

ከሁለት ዓመት በፊት የሕዝብ ተወካዮች ምርጫ ማከናወን የነበረባት ሃይቲ ባለመግባባት ምክንያት አራዝማዋለች።

ሞይዝ በሚቀጥለው መስከረም የሕገ መንግሥት ማሻሻያ እንዲደረግ ሕዝበ ውሳኔ ለማካሄድ አቅደው ነበር።

ባለፈው የካቲት ፕሬዝደንቱ እሳቸውን ሊገሏቸው ያሰቡ ሰዎች ሐሳብ መክሸፉን ተናግረው ነበር። ባለፈው ማክሰኞ ለረቡዕ አጥቢያ ግን ቤታቸው ድረስ ዘልቀው በገቡ የታጠቁ ሰዎች በጥይት ተደብድበው ተገድለዋል።

NB : ፕሬዜዳንት ጆቭኔል ሞይዝን የገደሉት ገዳዮቹ ዓላማ ምንድነው ? እንዴትስ የፕሬዝደንቱን ጥበቃዎች ዘልቀው ሊገቡ ቻሉ ? የሚሉት ጥያቄዎች እስካሁን አልተመለሱም።

@tikvahethiopia

#AWLO #EthioForum

የኢትዮጵያ ሰብአዊ መብቶች ኮሚሽን (ኢሰመኮ) ሰኔ 23፣ 24 እና 25 ቀን 2013 ዓ.ም. በፌደራል የፀጥታ ኃይሎች ተይዘው በእስር የሚገኙትን፦
- በቃሉ አላምረው፣
- ያየሰው ሽመልስ፣
- ፋኑኤል ክንፉ፣
- አበበ ባዩ፣
- መልካም ፍሬ ይማም፣
- ፍቅርተ የኑስ፣
- ዊንታና በርሄ እና ምህረት ገብረክርስቶስን ጨምሮ 21 የኢትዮፎረም እና የአውሎ ሚዲያ ጋዜጠኞችና ሰራተኞች አያያዝ ከሚመለከታቸው አካላት ጋር በመነጋገር በቅርበት ሲከታተል መቆየቱን ገልጿል።

ከእነዚህ ታሳሪዎች መካከል ሦስቱን እና አንድ ሌላ ታሳሪን ጨምሮ አራት እስረኞች ማክሰኞ ሰኔ 29 ቀን 2013 ዓ.ም. አመሻሽ ላይ መለቀቃቸውን ኢሰመኮ ገልጿል።

ቀሪዎቹ ታሳሪዎች በወንጀል ስለተጠረጠሩ ለምርመራ ስራ በእስር እንዲቆዩ በፍርድ ቤት የጊዜ ቀጠሮ ትዕዛዝ መሰጠቱን ፖሊስ እንደገለፀለት ኢሰመኮ አድረድቷል።

ነገር ግን ኮሚሽኑ እስከ ሐምሌ 3 ቀን 2013 ዓ/ም ምሽት ድረስ የፍርድ ቤቱን ትዕዛዝ አለማየቱና ታሳሪዎቹን ለመጎብኘት አለመቻሉ፤ እንዲሁም ታሳሪዎቹ ከቤተሰቦቻቸውም ሆነ ከጠበቆቻቸው ሳይገናኙ ከአንድ ሳምንት በላይ መቆየታቸው እጅግ የሚያሳስበው ጉዳይ እንደሆነ ገልጿል።

በእስር ላይ የሚገኙ የኢትዮ-ፎረም እና የአውሎ ጋዜጠኞችና ሰራተኞች አያያዝ ሕግን የተከተለ ሊሆን ይገባል ያለው ኢሰመኮ የፍርድ ቤት የእስር ትዕዛዝ ካልቀረበ በአፋጣኝ ሊለቀቁ እንደሚገባ አሳስቧል።

* ሙሉ መግለጫው ከላይ ተያይዟል።

@tikvahethiopia