#Ethiopia : የኢትዮጵያ ብሔራዊ መዝሙር በፓሪስ ኦሎምፒክ 2024 🇪🇹 በጀግናው አትሌታችን ታምራት ቶላ አማካኝነት የሀገራችን ባንዲራ ከፍ ብሎ በክብር ተሰቅሏል።

#እናመሰግናለን🙏

Video Credit : #SuperSport

@tikvahethiopia

#Ethiopia

የወንዶች 5000 ሜትር ፍፃሜ እየተካሄደ ነው።

ሀገራችን ኢትዮጵያ ፦

🇪🇹 በአትሌት ሀጎስ ገብረ ህይወት
🇪🇹 በአትሌት አዲሱ ይሁኔ
🇪🇹 በአትሌት ቢኒያም መሀሪ ተወከላለች።

መልካም ዕድል !

More @tikvahethsport

@tikvahethiopia

#Ethiopia

የሴቶች ማራቶን ሊጠናቀቅ ወደ 3 ኪሎ ሜትር ቀርቶታል።

ትዕግስት አሰፋ 🇪🇹
አማኔ በሪሶ 🇪🇹
ሄለን ኦብሪ 🇰🇪
ሻሮን ሎኬዲ🇰🇪
ሲፋን ሀሰን 🇳🇱

ተፋላሚዎቹ አትሌቶች ናቸው።

እስካሁን አልተነጣጠሉም። ለመውጣት የሞከረም የለም ፤ እንደተያያዙ ናቸው።

@tikvahethiopia

#Ethiopia

አትሌት ትዕግስት አሰፋ በሴቶች ኦሎምፒክ ማራቶን ውድድር ከፋጡማ ሮባ ፣ ቲኪ ገላና እና ማሬ ዲባባ በመቀጠል ሜዳልያ ያስገኘች አራተኛዋ ኢትዮጵያዊት ሴት አትሌት ሆናለች።

የዛሬው ማራቶን እስከ መጨረሻው ድረስ ትንቅንቅ የነበረበት ነው። በታሪክም ከምርጦቹ አንዱ ማራቶን ተብሏል።

ሌላኛዋ ከፍተኛ ፉክክር ያደረገችው የዓለም አትሌቲክስ ሻምፒዮናዋ አትሌታችን አማኔ በሪሶ 5ኛ ደረጃ ይዛ አጠናቃለች።

#እናመሰግናለን🙏

@tikvahethiopia

#Ethiopia

አትሌቲክሳችን ስር ነቀል ለውጥ ያስፈልገዋል። ይህ መሆን ያለበት ደግሞ በትክክለኛ ብቃት ባላቸው ባለሙያዎች ነው።

የኦሎምፒክ ውጤቱ አንገት የሚያስደፋ ነው።

በጭቅጭቅ፣ በንትርክ፣ በየሚዲያ ላይ በሚደረግ ምልልስ የተጀመረው የፓሪስ ውድድር ኢትዮጵያን የማይመጥን እጅግ ዝቅ ያለ ውጤት ተመዝግቦበት አልቋል።

ጥፋት ከደረሰ እና ውጤት ከጠፋ በኃላ የሚቀርብ ይቅርታ ተቀባይነት የለውም።

የሚያስፈልገው ሁሉም የአትሌቲክሱ ቤተሰብ ቁጭ ብሎ በእርጋታ መክሮ ፤ ስር ነቀል ለውጥ ማምጣት ብቻ ነው።

ሁሉም ዜጋ በየፊናው የተሰማውን ብስጭት፣ ንዴት እየገለጸ ነው። ይህ የሚጠበቅ ነው። ምክንያት ? ሀገሩ ነው፣ ክብሩ ነው። የሚጠብቀውን ሳያገኝ ሲቀር ህዝቡ ያዝናል ፣ይበሳጫል።

እውነትም " ለሀገራችን ክብርና ፍቅር አለን " የሚሉ የአትሌቲክሱ አካላት በእርጋታ ፣ በንግግር ችግሮች እንዲፈቱ ያድርጉ።

ይህም በመሪዎች እና አመራሮች ደረጃ " ለጠፋው ውጤት ፣ ዝቅ ላለው የህዝባችን ክብር ኃላፊነት እንወስዳለን ፤ ይህ የመጣው ስላልሰራን ነው " ብሎ ቦታ መልቀቅን ፤ ለሌላው እድል መስጠትን ያካትታል።

በአትሌቶች ዘንድም የውጤታችን መጥፋት እንዴት እንደተከሰተ ፤ ምናልባት የተሻሉ አትሌቶችም ካሉ ለነሱ ቦታ እያስረከቡ መሄድም እንዲቻል በጥልቀት መገምገም ይገባል።

በአትሌቶች እና አሰልጣኞች መካከልም ተግባብቶ እንደ አንድ ሀገር ዜጋ በቡድን አለመስራት ችግርም ካለ መፈተሽ አለበት።

ከምንም በላይ ግን ዘርፉን የሚመሩትን አካላት እና እዛ አካባቢ ያሉትን በሙሉ በጥልቀት መገምገም ይገባል።

በአጠቃላይ ስር ነቀል ለውጥ መምጣት አለበት።

ህዝቡ የሚፈልገው ክብሩ እንዲመለስለት ብቻ ነው ፤ ሙያውን የሚያውቅ በቦታው ተገኝቶ ለውጥ አምጥቶ በሀገሩ ውጤት ተደስቶ ማየት ነው።

የሚዲያ ምልልስ ፣ ጭቅጭቅ፣ ንትርክ በዚህ መሃል ደግሞ የሚፈጠር የውጤት ውድቀት ህዝብን ፍጹም አይመጥንም።

ጉዳዩ ሙያዊነውና ለባለሙያዎቹ እንተወው ፤ እውነት ግን " የሀገራችን ክብር ይመለከተናል " የሚሉ የሀገር ጉዳይ ብቻ አላማቸው ከሆነ ሌላ ፍላጎት ከሌላቸው ጭቅጭቅ እና ንትርክ ትተው ቁጭ ብለው መነጋገር አለባቸው። ኃላፊነት መውሰድም አለባቸው።

በአሁኑ ውጤት ያልተበሳጨ፣ ያላዘነ ፣ አንጀቱ ያላረረ ዜጋ የለም በዚህም ደግሞ በስሜታዊነት አስተያየቱን እየሰጠ ነው። ለውጥ እንዲመጣ ወደ ክብራችን እንድንመለስ ጥያቄ እያቀረበ ነው።

ነገር ግን አንዳንድ አስተያየቶችም ጥንቃቄ ይፈልጋሉ የአትሌቶችን ስነልቦና እንዳይጎዳ።

ባለፈው የአትሌቲክስ ሻምፒዮና " ያለእናተ ሰው የለም ፤ ጀግኖች " እያልን ያወደስናቸውን ልጆች ዛሬ ውጤት በመጥፋቱ በብስጭት እና ሀዘን ስሜት ያልተገባ ቃል እንዳንናገር መጠንቀቅ ይገባል።

ዳግም ህዝቡ በሚኮራበት #አትሌቲክስ እንዳያዝን እና እንዳይበሳጭ ተነጋግሮ ስር ነቀል ለውጥ መምጣት አለበት።

ህዝቡ በአትሌቲክሱ ዘርፍ ክብሩ እንዲመለስለት ይፈልጋል፤ አራት ነጥብ !

ስር ነቀል ለውጥ ለኢትዮጵያ  🇪🇹 አትሌቲክስ !

#የሐሳብ_መድረክ @nousethiopia

@tikvahethiopia