" 75 ሺህ ታጣቂዎች ወደ ህብረተሰቡ ለመቀላቀል ያለመ ቅድመ ዝግጅት እየተደረገ ነው " - ሌ/ጄነራል ታደሰ ወረደ

ትላንትና በትግራይ ታዋጊዎች ወደ ህብረተሰብ ለመመለስ ያለመ የውይይት መድረክ ተካሂዶ ነበር።

መድረኩን አዘጋጅተው የነበረው የብሄራዊ የተሃድሶ ኮሚሽን እና USAID ኢትዮጵያ በትብብር ነበር።

በዚህም መድረክ የተገኙት የትግራይ ጊዚያዊ አስተዳደር ምክትል ፕሬዜዳንት ሌተናል ጀነራል ታደሰ ወረደ ፤ " በ2015 ዓ.ም ወደ ህብረተሰብ ይቀላቀላሉ የተባሉ 50 ሺህ ታጣቂዎች ነበር በድጋፍና የማቋቋምያ እጦት በከፍተኛ ችግር ውስጥ ይገኛሉ " ብለዋል።

" ባለፈው እጅግ ደም አፋሳሽና አሰቃቂ ጦርነት ብዙ ነገሮች ወድመዋል ተመሳቅለዋል የተሰዋ አካሉ የጎደለ ፣ ንብረቱ ወድሞበት ከሃብት ወደ ደህነት የወረደ ብዙ ነው " ብለዋል።

ጀነራል ታደሰ " ወደ ህብረተሰቡ የሚቀላቀሉ ታጣቂዎች ከባባድ ችግሮች ያለባቸው ስለሆኑ የቀናጀ ሁለንተናዊ ማቋቋምያ እንደሚያስፈልጋቸው ጠቁመዋል።

" ታጣቂው ወደ ህብረተሰቡ ተቀላቅሎ ከጦርነትና ጦርነት ወለድ አስተሳሰብ ርቆ የሰላምና  ፀጥታ ጠባቂ እንዲሁም በኢኮኖሚያዊ እድገት የሚጠበቅበት ሃላፊነት እንዲወጣ ከተፈለገ ድጋፍ ፣ ክብርና እውቅና ያሻዋል " ሲሉ ተናግረዋል።

ይህ ታሳቢ ያደረገ 75 ሺህ ታጣቂዎች ወደ ህብረተሰቡ ለመቀላቀል ያለመ ቅድመ ዝግጅት እየተደረገ ነው ብለዋል።

#Tigray

@tikvahethiopia

#Tigray #TPLF

"ሊካሄድ በታቀደው ጉባኤ አልሳተፍም ! " - አቶ ጌታቸው ረዳ

የትግራይ ጊዜያዊ አስታዳደር ፕሬዜዳንት እና የህወሓት ምክትል ሊቀ-መንበር ጌታቸው ረዳ ዛሬ ዓርብ ነሀሴ 3/2016 ዓ.ም ለህወሓት ሊቀመንበር ደብረፅዮን ገ/ሚካኤል (ዶ/ር) ፣ ለድርጅቱ የማእከላዊ የቁጥጥር ኮሚሽን ሊቀ-መንበር ተኽለብርሃን ኣርኣያ በፃፉት ደብዳቤ በጉባኤው እንደማይሳተፉ አረጋግጠዋል።

ፕሬዜዳንቱ በደብዳቤያቸው የድርጅቱን ከፍተኛ አመራሮች ውሳኔ በጣሰው ጉባኤና የምዝገባ ሂደት እንደማይሳተፉ በመግለፅ " ህወሓት መዳን የሚችለው አባላቱና አመራሩ በሚያካሂዱት ጤናማ እንቅሰቃሴ ነው " ሲሉ አስታውቀዋል።

#TikvahEthiopiaMekelle

@tikvahethiopia

#Tigray
 
መምህርቷ በአሰቃቂ ሁኔታ ተገደሉ።

በትግራይ፣ ሰሜናዊ ምዕራብ ዞን እንዳስላሰ ሽረ ከተማ ነሀሴ 7/2016 ዓ.ም ሌሊት ጭካኔ የተሞላበት እጅግ አሰቃቂ ግድያ ተፈፅሟል።

አስቃቂ ግድያ የተፈፀመባት መምህርት ብርኽቲ ተስፋማርያም ትባላለች።

የትግራይ መምህራን ማህበር በጉዳዩ ዙሪያ ባወጣው መግለጫ በአባሉ ላይ በተፈፀመው ጭካኔ የተሞላበት ዘግናኝ ግድያ የተሰማው ጥልቅ ሃዘን ገልጿል።

የዚህ እጅግ አሰቃቂ የወንጀል ተግባር ፈፃሚዎች በአስቸኳይ ተጣርተው ተመጣጣኝ ቅጣት እንዲጣልባቸውም ጠይቋል።

ሟች መምህርት ብርኽቲ ተስፋማርያም ከሑመራ ተፈናቅለው ከባለቤታቸውና 3 ልጆቻቸው በእንዳስላሰ ከተማ ይኖሩ እንደነበር ማህበሩ አመልክቷል።

" የሟች ባለቤት ቤት ውስጥ አለማደሩ ያጠኑና ያረጋገጡ ግፈኞች ነሀሴ 7/2016 ዓ.ም መምህርትዋ ልጆችዋ ፊት አርደው ገድልዋታል " ብሏል የመምህራን ማህበሩ።

" ይህ አስነዋሪ የግፍ ተግባር የትግራይ ህዝብ መልካም እሴት የሚፃረርና የሚያጎድፍ ሰይጣናዊ ተግባር ነው " ያለው መገለጫው " የፍትህ አካላት የአሰቃቂ ተግባሩ ፈፃሚዎች በማጣራት የህግ የበላይነት እንዲያረጋግጡ እንጠይቃለን " ብሏል።

ቲክቫህ ኢትዮጵያ የመቐለ ቤተሰብ ፣ የግድያ ተግባሩ የሚመለከት ተጨማሪ መረጃ ለማግኘት ወደ እንዳስላሰ ሽረ ፀጥታና ፓሊስ ፅህፈት ቤት ስልክ ደውሏል።

የከተማው ፓሊስ ዋና አዛዥ የሆነ ኢንስፔክተር አወጠሀኝ ፣ የወንጀል ተግባሩ የማጣራት ጉዳይ በሃላፊነት የያዙት የወንጀል ማጣራት ሃላፊ መሓሪ ኪዳነ ደውሎ የሁለቱም የእጅ ስልካቸው አይነሳም።

ይሁን እንጂ ከከተማው የፀጥታ ፅ/ቤት ሃላፊ አቶ በሪሁ ባገኘነው መረጃ በሟችዋ መምህርት ላይ የተፈፀመው የወንጀል ተግባር የሚያጣራ ከጸጥታ ከፖሊስና የህግ አካላት የተውጣጣ ግብረ ሃይል ተቋቁሞ እየሰራ ይገኛል።

#TikvahEthiopiaMekelle

@tikvahethiopia            

#Tigray

" ሁሉም ትግራዋይ ወዴት እያመራን ነው ? ብሎ ራሱን በራሱ በመጠየቅና በመመለስ የመፍትሄ ሃሳብ መስጠት ይገባዋል " - አቶ ጌታቸው ረዳ

በመቐለ ከተማ ዓለም አቀፍ የትግራይ ሙሁራን ማህበር (GSTS) ለ3 ቀናት ያዘጋጀው ትግራይ ክልል መልሶ በማቋቋም ላይ ያተኮረ የውይይት መድረክ ዛሬ ጀምሯል።

በመክፈቻው መርሃ ግብር ፦

➡️ የክልሉ ጊዜያዊ አስተዳደር ፕሬዜዳንት አቶ ጌታቸው ረዳ

➡️ ጄኔራል ጻድቃን ገ/ትንሳኤ በትግራይ ክልል ጊዜያዊ አስተዳደር በም/ ፕሬዝዳንት ማዕረግ ያልተማከለ አስተዳደርና ዴሞክራታይዜሽን ካቢኔ ሴክሬተሪያት ኃላፊ

➡️ ፕሮፌሰር ክንደያ ገብረህይወትን ጨምሮ ሌሎች ከፍተኛ ባለስልጣናት ተገኝተው ነበር።

በመክፈቻው አቶ ጌታቸው ንግግር አድርገዋል።

በዚህም ፥ " ሁሉም ትግራዋይ ወዴት እያመራን ነው ? ብሎ ራሱን በራሱ በመጠየቅና በመመለስ የመፍትሄ ሃሳብ መስጠት ይገባዋል " ብለዋል።

" ያለውን መድረክ በመገንዘብ የመፍትሄ ሃሳብ በማስቀመጥ የበኩሉ ሃላፊነት መወጣት አለበት " ሲሉም ተናግረዋል።

" የሙሁራኑ ውይይት ማንኛውም ፓለቲካዊ ልዩነት ይኑር ችላ መባል እና መታለፍ የሌለባቸውን በመያዝ እንዲጠሩ መስራት ይጠበቅበታል " ሲሉ አስገዝበዋል።

ለ3 ቀናት ይቆያል በተባለው የውይይት መድረክ በርካታ ጥናታዊ ፅሁፎች ይቀርባሉ ፣ ውይይትም ይደረጋል ተብሏል።

ከመላው ኢትዮጵያ ጨምሮ ፥ ከአፍሪካ ፣ አሜሪካ ፣ አወሮፓና ልሎች የዓለም ክፍሎች የተጋበዙ የትግራይ ሙሁራን ተሳታፊ እንደሆኑ ተሰምቷል።

ፎቶ ፦ ድምጺ ወያነ

@tikvahethiopia 

#Tigray

" ሁሉንም የፓለቲካ ሃይሎች ያቀፈ መንግስት በአስቸኳይ መመስረት ያስፈጋል " - ሦስት የፓለቲካ ፓርቲዎች

በትግራይ የሚንቀሳቀሱት ባይቶና፣ ሳወት፣ ናፅነት የፓለቲካ ፓርቲዎች በጋራ በሰጡት መግለጫ ፤ " ሳምንቱን በስርዓቱ ባለቤቶች መካከል በመካሄድ ያለው ህገ-ወጥ እንቃስቃሴና ፍጥጫ ተው መባል ይገባዋል " ብለዋል።

በህወሓት አመራሮች የተፈጠረው ፍጥጫ ተከትሎ በህዝቡ የሚታየው መረበሽ ያወገዙት ሦስቱ  ተፎካካሪ ፓርቲዎች " ህግ እየጣሱ በህዝብ ካባ ስም ለመደበቅ የሚደረገው መሯሯጥ እናወግዛለን " ሲሉ ገልጸዋል።

" ለቡድናዊ ጥቅም ሲባል በህዝብ ቁማር መጫወት መቆም አለበት "  ያሉት ፓርቲዎቹ " ደርጅታዊ ይሁን ቡድናዊ ጉዳይ ከህዝብ ህልውና ማጣበቅ እንፀየፈዋለን እንዲቆምም እናሳስባለን " ብለዋል።  

" የህዝብ ሰላም፣ ህልውናና ደህንነት አደጋ ላይ የሚጥል ህገ-ወጥ  ፓለቲካዊ ተግባር ሲታይ የሚመለከተው የፀጥታ አካልና ህዝብ ያለማዳላት በአስቸኳይ የማስቆም ሃላፍነቱን መወጣት አለበት " ሲሉም ገልጸዋል።

" የተፈጠረው ፓለቲካዊ አለመረጋጋት ዋነኛ መፍትሄው ሁሉም የፓለቲካ ሃይሎች በእኩልነት የሚሳተፉበት መንግስት በአስቸኳይ መመስረት ነው " የሚል የመፍትሄ ሀሳብ አቅርበዋል።  

ፓርቲዎቹ ፤ ሁሉም የፓለቲካ ሃይሎች በእኩልነት የሚሳተፉበት መንግስት በአስቸኳይ የመመስረት ጥሪ በተደጋጋሚ ማቅረባቸውና ግን ሰሚ አለማግኘታቸው  አመልክተዋል።

#TikvahEthiopiaMekelle

@tikvahethiopia

#Tigray🚨

" የጊዚያዊ አስተዳደሩን ስልጣን ለመንጠቅ የመሞከር እንቅስቃሴ ያደርጋሉ ብለን እንጠብቃለን " - አቶ ጌታቸው ረዳ

የትግራይ ጊዚያዊ አስተዳደር ፕሬዜዳንትና የህወሓት ምክትል ሊቀ-መንበር ጌታቸው ረዳ በክልሉ ወቅታዊ ሁኔታ ዛሬ ነሀሴ 11/2016 ዓ.ም መገለጫ ሰጥተዋል።

በጋዜጣዊ መግለጫቸው ያነሷቸው ዋና ዋና ነጥቦች ምንድናቸው ?

- የህወሓትና ሌሎች ህገ-ደንቦች ያላሟለና ተጨባጭ የትግራይ ሁኔታ ግምት ውስጥ ያላስገባ ጉባኤ በመካሄድ ላይ ነው።

- የጉባኤው መነሻ የጥቂት የማእከላዊና ስራ አስፈፃሚ ኮሚቴ ፍላጎት ነው።

- ትግራይ ወደ ከባድ አደጋ እንድትወድቅ ከፍተኛ አስተዋፅኦ ያደረገ ከፍተኛ አመራር ተመልሶ ስልጣን ላይ ለመውጣት ያደረገው እንቅስቃሴ ነው።

- ጉባኤው መላው የህወሓት አባላት የሚወክል አይደለም።

- ውጤት እንደሌለው ስለምናውቅ ወደ አላስፈላጊ መሳሳብ ላለመግባት በማሰብ ጉባኤ እንዳያካሂዱ አልከለከልንም።

- ማንነቱ ያልታወቀና ደጀን ይሆነናል የሚሉት ሃይል ተማምነው እያካሄዱት ያለው ጉባኤ ወደ አልተፈለገ ችግር ሊያስገባን የሚችል ነው።

- ድርጊታቸው የመንግስት ስራ መስራት የሚገባቸው አካላት ከስራ ውጪ የሚያደርግ ነው።

- የጊዚያው አስተዳደሩ ስልጣን ለመንጠቅ የመሞከር እንቅስቃሴ ያደርጋሉ ብለን እንጠብቃለን።

- የትግራይ የፀጥታ ሃይሎች የስልጣን ፈላጊ አካላት መሳሪያ መሆን የለባቸውም።

- ህወሓት መዳን አለባት የምትድነው ግን በያዙት መንገድ አይደለም።

ትላንት የህወሓት ጉባኤ ቃለ-አቀባይ አቶ ኣማኑኤል ኣሰፋ መግለጫ ሰጥተው የነበረ ሲሆን ፤ ጉባኤው እንዲራዘም የሚጠይቅ ጥያቄ ቢነሳም በጉባኤተኞቹ ወድቅ መደረጉን ተናግረዋል።

ድርጅቱ " አጋጠሞኛል " የሚለው የስትራቴጂክ አመራር ውድቀት ለመፍታት አልሞ ጉባኤውን በማካሄድ ላይ እንደሚገኝ ነው " ቃለ-አቀባዩ ጨምረው የገለጹት።

ፎቶ፦ #TigraiTelevision

#TikvahEthiopiaMekelle
@tikvahethiopia