🇺🇿🇺🇿🇺🇿 Senatorlar bilan tadbirkorlarning huquq va manfaatlarini himoya qiluvchi, ularning erkin faoliyat yuritishlariga huquqiy asos bo‘luvchi "Tadbirkorlik kodeksini tasdiqlash to‘g‘risida"gi qonunni ma’qulladik.

Kodeksda tadbirkorlarimizga keng imkoniyat yaratish maqsadida tenglik, halol raqobat, korrupsiyadan xolislik kabi prinsiplar mustahkamlanmoqda.

Eng muhimi xalqaro standartlarga ko‘ra aholining ijtimoiy ehtiyojmand qatlamlari, ayollar va yoshlar tadbirkorligini qo‘llab-quvvatlash tizimi joriy etilmoqda.

Kodeksning qabul qilinishi davlatning tadbirkorlik sohasiga aralashuvini kamayishiga hamda sohaga oid qonunchilik hujjatlarini muvofiqlashtirish va barqarorlashtirishga xizmat qiladi.

#yalpimajlis55

@tanzilanarbaeva

🇺🇿🇺🇿🇺🇿 Ijro etuvchi hokimiyat organlarining vazifalari samarali bajarilishini ta’minlanishida mustahkam huquqiy asosi bo‘ladigan Qonunni ma’qulladik.

Yangi tahrirdagi Konstitutsiyamizga asosan Respublika ijro etuvchi hokimiyat organlarining maqomi, Vazirlar Mahkamasining tarkibi va uni shakllantirish tartibi, vakolatlari takomillashtirilmoqda.

Qonun hududlarni ijtimoiy-iqtisodiy rivojlantirish, aholimizning muammolarini bartaraf etishda Vazirlar Mahkamasi va parlament palatalarining o‘zaro hamkorligini mustahkamlash uchun muhim ahamiyatga ega.

#yalpimajlis55
#senat

@tanzilanarbaeva

🇺🇿🇺🇿🇺🇿 55-yalpi majlisda xalqimiz uchun juda muhim bo‘lgan Qonunni ko‘rib chiqdik.

Afsuski, so‘nggi yillarda bolalarga nisbatan sodir etilayotgan zo‘ravonliklarning turli ko‘rinishlariga guvoh bo‘lyapmiz.

Ijtimoiy tarmoqlarda ota-onalari, yaqinlari, enaga va tarbiyachilari tomonidan tazyiqqa uchragan bolalar haqidagi xabarlarni ko‘rib dilimiz qattiq vayron bo‘ladi.

Bu holatlarga qarshi kurashish va oldini olish bo‘yicha Qonun bilan ilk bora yangi institut joriy etilib, zo‘ravonlikdan jabrlangan bolalarning davlat tomonidan himoyasi yanada kuchaytirilmoqda.

Shuningdek, ota-onalar bolalarning hayoti va sog‘lig‘ini muhofaza qilishi, g‘amxo‘rlik ko‘rsatishi, zararli ta’sir ko‘rsatuvchi axborotdan himoya qilishi shartligi hamda bolalarni tarbiyalashda jismoniy jazolash taqiqlanishi nazarda tutilgan.

#yalpimajlis55
#senat

@tanzilanarbaeva