🇺🇿🇺🇿🇺🇿 👍

Samarqand shahrida oʼtkazilayotgan Osiyo xotin-qizlari forumi maydonida “BMT Аyollar” tuzilmasining Yevropa va Markaziy Osiyo mamlakatlari boʼyicha mintaqaviy direktori Belen Sans Luke bilan uchrashuv oʼtkazdik.

Xotin-qizlarning jamiyatdagi rolini oshirish, gender tenglik va oila masalalari boʼyicha respublika komissiyasi bilan Tuzilma oʼrtasida qoʼshma loyihalarni amalga oshirish eʼtiborimiz markazida boʼldi.

Gender byudjetlashtirish, gender statistikasi hamda gender audit yoʼnalishlarida oʼzaro tajriba almashish, ilgʼor amaliyotlarni joriy qilish boʼyicha aloqalarni kuchaytirishni maqsad qildik.

Munosabatlarimizni huquqiy jihatdan mustahkamlash uchun hamkorlik boʼyicha tegishli hujjat loyihasini ishlab chiqish va unda aniq yoʼnalishlarni belgilashga kelishib oldik.

#AsianWomanForum
#Senat

@tanzilanarbaeva

🇺🇿🇺🇿🇺🇿 👍

Samarqand shahrida Ozarbayjonlik hamkasbim Sahiba Gafarova bilan uchrashuv oʼtkazdik.

Ochiq va oʼzaro ishonchga asoslangan doʼstlik munosabatlarini, parlamentlarimizning hamkorlik aloqalarini mustahkamlash masalalarini muhokama qildik.

Xalqaro tashkilotlar va parlamentlararo tuzilmalar doirasidagi hamkorlikni yanada rivojlantirish, davlatlarimiz oʼrtasidagi kelishuvlarning amalga oshirilishini huquqiy jihatdan taʼminlashga alohida eʼtibor qaratdik.

Oʼzbekiston-Ozarbayjon tadbirkor ayollari oʼrtasidagi aloqalarni yanada faollashtirish, yosh parlamentariylar muloqotini jadallashtirish boʼyicha fikrlarimiz bir nuqtada birlashdi.

#AsianWomanForum
#Senat #hamkorlik

@tanzilanarbaeva

🇺🇿🇺🇿🇺🇿 👍

Samarqand shahrida ilk bora  oʻtkazilayotgan  Osiyo xotin-qizlari forumida “BMT-ayollar” tuzulmasining direktori Sima Sami Baxus xonim,  Parlamentlararo ittifoq Bosh kotibi Martin Chungong janoblarini, BMTning Jenevadagi boʻlimi direktori Tatyana Valovaya xonimlar oʻz nutqlari bilan ishtirok etishib, mamlakatimizda xotin-qizlar manfaatlarini himoya qilish borasida amalga oshirilayotgan ijobiy ishlarni alohida eʼtirof etishdi.

Jahon miqyosida siyosiy-iqtisodiy beqarorlik holati davom etayotgan bir sharoitda  xotin-qizlarning davlat boshqaruvi, ijtimoiy-siyosiy, iqtisodiy, ilmiy-akademik va madaniy-gumanitar sohalardagi faol ishtirokini taʼminlash har qachongidan-da muhim hisoblanadi.

Bu borada  Osiyo mintaqasi davlatlarining oʻzaro hamkorligi va tajriba almashinuvi  dolzarb ahamiyatga ega.

Shu jihatdan ham, muloqotlar maydoni boʻlgan, bugungi forumda koʻtarilgan masalalar, ilgari surilgan tashabbuslar, fikr-mulohazalar mintaqa davlatlarining ijtimoiy-iqtisodiy taraqqiyoti uchun xizmat qiladi deb oʻylayman.

#Senat #UNWomen
#AsianWomensForum #hamkorlik

@tanzilanarbaeva

🇺🇿🇺🇿🇺🇿 👍

Osiyo xotin-qizlari forumi doirasida Misr Arab Respublikasi Parlamenti Senati Raisi o‘rinbosari Fibi Favzi Girgis bilan uchrashuv o‘tkazdik.

Aytish joizki, Misr hamda O‘zbekiston parlamentlar o‘rtasidagi hamkorlik izchil davom etib kelmoqda . O‘zbekiston va Misr parlamentlarida do‘stlik guruhlari faoliyat ko‘rsatyapti. Turli sohalarda hamkorlikdagi 60 dan ortiq hujjatdan iborat mustahkam shartnomaviy-huquqiy baza mavjud.

Uchrashuvda Fibi Favzi Girgisxonim tomonidan Yangi O‘zbekistondagi tashqi siyosat, Osiyo davlatlari, xususan Misr bilan olib borilayotgan do‘stona munosabatlarning yana-da yuksalgani alohida eʼtirof etildi.

Muzokaralarimiz natijasida, forumda ko‘tarilgan masalalar, taʼlim, sog‘liqni saqlash, turizm, savdo hamda madaniy sohalarda o‘zaro manfaatli va istiqbolli loyihalarni amalga oshirishga kelishib oldik.

#senat #hamkorlik
@tanzilanarbaeva

🇺🇿🇺🇿🇺🇿 👍

Samarqand shahrida Qozog‘iston Parlamenti Senati Raisi o‘rinbosari Olga Perepechina hamda Qozog‘iston Parlamenti Majlisi Raisi o‘rinbosari Daniya Yespayeva bilan muloqot qildik.

Uchrashuvda aytilganidek,  qozoq va o‘zbek xalqlari o‘zaro qardosh eldirlar. Davlatimiz tomonidan olib borilayotgan tashqi siyosatdagi yaqin qo‘shnichilik aloqalari esa har ikki davlat uchun ham manfaatli bo‘lishi shubhasizdir.

Ko‘plab sohalardagi Qozog‘iston parlamenti va hukumati bilan hamkorligimiz doirasida Markaziy Osiyo yetakchi ayollari muloqoti mintaqaviy platformasi ishini yana-da faollashtirish, ishbilarmon xotin-qizlar o‘rtasida hamkorlikni yo‘lga qo‘yish maqsadida Tadbirkor ayollar forumini o‘tkazish bo‘yicha ham fikr almashdik.

Muloqot chog‘ida ilgari so‘rilgan tashabbuslar asosida kelgusida yangi loyihalarni amalga oshirish yuzasidan kelishuvlarga erishdik.

#senat #hamkorlik

@tanzilanarbaeva