Разбурэнні касцёла ў Зембіна з дрона.

фота
#касцёлы #Зембін #разбурэнне

26 красавіка ў Магілёве гарэў будынак першай гарадской электрастанцыі, узведзены ў 1910 годзе і перабудаваны ў 1930-я гады пад жылы дом у стылі канструктывізму. Фасады, калі прыгледзецца, захоўваюць рысы абодвух эпох. На жаль, будынак дагэтуль не мае ахоўнага статусу. У сакавіку 2020 года мы звярталіся ў гарвыканкам з просьбай ініцыяваць наданне яму статусу гісторыка-культурнай каштоўнасці, але там палічылі, што гэта «пакуль заўчасна», але абяцалі ўстанавіць іфармацыйную дошку (здаецца, яна так не з'явілася). Гэта ўжо не першы закінуты аб'ект у горадзе, які гарыць ад пражывання там розных бамжоў; так гарэлі будынкі па Лазарэнкі, гарэлі казармы на Крупскай.

#разбурэнне #Магілёў #гістарычнаязабудова #прамысловаяархітэктура

У гістарычным цэнтры Брэста знясуць чарговую гісторыка-культурную каштоўнасць — дом па вуліцы Савецкіх пагранічнікаў, 22 — гэта вынікае з адказу гарвыканкама. У адказе паведамляецца, што разбор будынка з наступным аднаўленнем з выкарыстаннем старой цэглы выкліканы аварыйна-небяспечным станам будынка і неабходнасцю ўсталявання падмуркаў. Праектныя рашэнні ўзгоднены Радай пры Мінкультуры.

Як нам стала вядома, прычанай зносу з'яўляецца немагчымасць умацаванняў падмуркаў. Можа яно і так, але неяк часта помнікі архітэктуры, якія прастаялі 100 гадоў, у час "рэканструкцый" сутыкаюцца з абставінамі непераадольнай сілы, якія не даюць ім існаваць далей.

#разбурэнне #брэст #гістарычнаязабудова

З агароджы капліцы-пахавальні сям'і Кленцэ на Успенскіх могілках Магілёва зніклі ўсе краты мастацкай коўкі, а таксама былі спілаваныя дрэвы. Ці знятыя агароджы для захоўвання, ці выкінуты на сметнік, ці здадзены на металалом — невядома. Недзе год таму я дасылаў прапанову на наданне помніку ахоўнага статусу, але яна не была прынятая да разгляду.

#Магілёў #капліцы #разбурэнне

У Зембіне, як і абяцалі, дэмантавалі барочны франтон касцёла да ўзроўню карніза, папярэдне зняўшы з яго крыж і скульптуру Дзевы Марыі. Нагадаем, што ў красавіку гэтага года абвалілася частка сцен помніка. Невядома, ці былі праведзены фіксацыйныя абмеры дэмантаванай часткі і адбор проб для фізіка-хімічнага аналізу аддзелкі для будучага аднаўлення. З іншага боку, заявы аб «зносе касцёла» не маюць пад сабой падстаў.

https://sputnik.by/20221125/kostel-v-zembine-kotoromu-pochti-400-let-vse-zhe-snosyat--1069501857.html
#Зембін #разбурэнне #касцёлы

Першыя фотаздымкі з Чырвонага касцёла. Пра маштабы пажару судзіце самі. Звярну ўвагу на тое, што пашкоджаны вітраж у памяшканні. Вітражы Чырвонага касцёла, якія былі ўстаноўлены ў 1970-1980-я гады, калі храм яшчэ не быў перададзены вернікам і быў Домам кіно, асобна ўнесены ў Дзяржаўны спіс гісторыка-культурных каштоўнасцей як помнік мастацтва рэспубліканскага значэння (шыфр 713Ж000383).

#касцёлы #мінск #вокны #разбурэнне

У выніку начнога абстрэлу Мікалаева пашкоджаны будынак заводакіравання судабудаўнічага завода (т.зв. Адміралцейства), помнік архітэктуры савецкага неакласіцызму мясцовага значэння. Будынак са шпілем пабудаваны ў 1951 годзе па праекце архітэктара Шапаваленка.

#Украіна #вайна #разбурэнне

Як паведамляе канал заброшеннаябеларусь літаральна 2 тыдні таму абрынулася сцяна корпуса бернардзінскага кляштара ў в. Селішча Ушацкага раёна. Касцёл Святой Веранікі і кляштар бернардзінцаў пабудаваны ў 1726 годзе ў стылі барока. Кляштар скасаваны ў 1832 годзе, а касцёл зачынены ў 1867. У час Другой сусветнай вайны дах і вежы разбураны, у такім напаўзруйнаваным стане ён захоўваецца дагэтуль. Комплекс уключаны ў Дзяржаўны спіс гісторыка-культурных каштоўнасцей (шыфр 212Г000807), але ніякіх дзеянняў па яго кансервацыі дагэтуль не прадпрынята.

#касцёлы #кляштары #разбурэнне #Селішча