‍ ▫️ناغیل

اوشاق ایدیم،
هر شئیی آنلادیغیمی سانیردیم.
سونرا بؤیودوم،
بومبالارین و بانکالارین،
داغلاردان و چایلاردان،
داها آرتیق اولدوغونو گؤردوم.
باغچابان‌لار ژنرال‌لاردان،
بنؤوشه‌لر مرمی‌لردن،
داها آز ایدی.
یئنیلمیشدی دونیا،

دوعانین اؤزگورلشدیرن یئلی،
چکیلمیشدی اوزلردن.
اینسانلار دوعا دئییل،
مجلّه اوخویوردو.

نووَه* آرتیقلاری و چوخ اولوسلو یالانلارلا،
کیرلَنمیشدی اوزوموز.

تکنولوژی‌نین او یوخ‌ائدیجی،
او بوز کؤلگه‌سی دوشموشدو اوزلره.
یئنیلمیشدی اوزوموز،
و گؤرونتو عئینی‌یدی بوتون آینالاردا.

هر شئی چوخ آچیق ایدی،
هر کس کیمسه‌سیز.
هر کس بیر شئیین یوخسولویدو،
هامیمیز عئینی آندا یئنیلمیشدیک،
و ماهنیلاریمیز کدرلی‌یدی‌.

یانلیش بیر زاماندا می یاشاییردیم؟
چکیب گئتسه‌یدیم می؟
یوخ!
نه یانلیش بیر زاماندا یاشاییردیم،
نه ده چکیب گئده‌جک بیر یئر وار ایدی.
هر یئر عئینی‌‌یدی،
قالدیم.
سورَکلی چاغیران و فرق قویمایان تورپاق،
نئجه ده اولسا، منی ده چاغیراجاقدی...

ناغیل، دونیانین بیتدیگی یئرده باشلار.
بیلیرم، اسکی زامانلاردا دئییلیک آرتیق.
و ناغیللار، بئله آنلادیلماز.

بیلیرم!
من هئچ ناغیل یازمازدیم،
دونیا سیستمینین هامیمیزا آنلاتدیغی ناغیل،
پیس اولماز بو قدر..

بیلیرم!
بیر «قاریشقا تورکوسو»ندن داها یاواش اولاجاق سسیم.

بیلیرم!
اینسانلارین بیر-بیرلرینه اولان یادلیغی بؤیویه‌جک،
دونیا کیچیلدیکجه.

بیلیرم!
تلفون‌لار اولدوقجا،
اینسانلار بیر-بیرینی گؤرمه‌یه‌جک.
بیلیرم!
بیر-بیریمیزی هئچ گؤرمه‌دن اؤله‌جه‌ییک.

هر شئی اوچون تک شئی دیله‌ییرم:
آللاهین گول‌لری یاخامیزی بوراخماسین!...

#مولانا_ادریس_زنگین
سس: ابراهیم صدری
* هسته‌ای (Nüvə)
#شعر_اوجاغی
@SheirOcagi