▫️بیلیرم،
داریخیرسان منه، آنجاق آختارمیرسان منی.
سئویرسن، آنجاق بونو دیله گتیرمیرسن.
سوکوتون اؤلدورور منی...

#غادة_السمان
#شعر_اوجاغی
@SheirOcagi

▫️سندن سونرا،
شهر، خاطیره‌مده بیر یارا کیمی گؤیریر.
بو یارادان ساغالماق ایسته‌میرم،
منیم‌ خسته‌لیییم، درمانیم‌دیر....

#غادة_السمان
#شعر_اوجاغی
@SheirOcagi

▫️من بیر عرب قادینام،
«جاهلیّت» چؤللرینین آلتیندا دیری-دیری قویولانمیشدیم‌.
آی کوره‌سینه آیاق باسیلان عصرده،
من هله ده،
منه ایرث چاتان آلچاقلیق قومساللیق‌لاریندا،
دیری-دیری قویولانیرام.

عشق آختارماغا قالخمیرام من.
الیمی الینه وئرمک اوچون،
بیر قادین آختاریرام؛
منیم کیمی یالنیز و دردلی بیر قادین...
بیز ایکیمیز ده، یالنیز دوغولوروق تیکانلیقلاردا.
و قبیله‌نین اوشاقلارینی دونیایا گتیریریک؛
همن اوشاقلار کی،
یاخیندا بیزی آشاغیلاماغی اؤیره‌ده‌جکلر اونلارا...

#غادة_السمان
#شعر_اوجاغی
@SheirOcagi

▫️سن سس‌سیز قالسان دا،
منیم اوره‌ییم ائشیدیر سنی...

#غادة_السمان
#شعر_اوجاغی
@SheirOcagi

▫️نه سن گونشسن،
نه من گونش اطرافیندا دولانان گزه‌گن.
بس نییه اوره‌ییم،
سندن باشقا، هئچ بیر یؤنه اوز چئویرمیر؟...

#غادة_السمان
#شعر_اوجاغی
@SheitOcagi

▫️سنی یاخشی خاطیرلاییرام،
یئر اوزونده هئچ بیر قادین، ایلک یاراسینی اونوتماز...

#غادة_السمان
#شعر_اوجاغی
@SheirOcagi

▫️ائی وحشی و آخماق اورک!
به سن نه زامان،
«عشق» آدلاندیریلمیش بو عجیبه باش‌گیجل‌لندیریجی خسته‌لیکدن
ال چکه‌جکسن؟!...

#غادة_السمان
#شعر_اوجاغی
@SheirOcagi

▫️سن، بوز قصرینده کرالیچه‌ن اولماغیمی ایسته‌دین.
من آمّا،
اؤز آزادلیق چؤللریمده،
بیر دله‌گئی اولماغی،
ترجیح ائتدیم...

#غادة_السمان
#شعر_اوجاغی
@SheirOcagi

▫️یادداش‌لا درد، بیرلیکده‌دیرلر.
یادداشی ازمه‌دن،
دردی اؤلدورمک اولماز...

#غادة_السمان
#شعر_اوجاغی
@SheirOcagi

▫️سئودیگیم هئچ بیر شئی، منیم دئییل:
دنیز منیم دئییل،
پاییز منیم دئییل،
سئوگی‌ن منیم دئییل،
بیر تک یارالاریم منیم‌دیر...

#غادة‌_السمان
#شعر_اوجاغی
@SheirOcagi

▫️اسکی دونیامی دانیرام،
یئنی دونیامی سئومیرم،
بس سیغیناجاق یئریم هارا اولاجاق-
گؤزلرین آلین یازیم اولماسا؟!...

#غادة‌_السمان
#شعر_اوجاغی
@SheirOcagi

▫️ائله کی کپنک آزادجا اوچماغی دادیر،
ائله کی قانادلارینی سرخوشلوقلا یئلده چالا بیله‌جه‌یینی آنلاییر،
داها کیمسه اونو قوزایا قایتارا بیلمز،
داها کیمسه اونو، قورد اولدوغو زامانین داها اوستون اولدوغونا ایناندیرا بیلمز...

#غادة_السمان
#شعر_اوجاغی
@SheirOcagi

▫️سئویرم سنی،
چونکی سن‌له،
«سئوینج» دئییلن یئنی، غریبه بیر اولایی تانیدیم.

سندن اؤنجه،
سئودیگیم هر کیمسه،
منیم اوچون قفس، قامچی، اووسار،
قانادلاریم اوچون قایچی،
و ایچیمده‌کی دربه‌در ماهنی‌لار اوچون بیر آغیزلیق حاضیرلامیشدی...

#غادة‌_السمان
#شعر_اوجاغی
@SheirOcagi

▫️سفر ائدن یئلکَن‌لرین رؤیاسینی گؤرمک ایسته‌میردیم،
موسافیر اولماق ایسته‌ییردیم.

قاناد رؤیاسینی گؤرمک ایسته‌میردیم،
اوچماق ایسته‌ییردیم،
ایلدیریم و فیرتینالار ایچینده اولسا بئله.

یاشاماق رؤیاسیندا یاشاماق ایسته‌میردیم.
من یاشاماق ایسته‌ییردیم.

#غادة‌_السمان
#شعر_اوجاغی
@SheirOcagi

▫️یئر اوزونده، ایلک یاراسینی اونوتموش اولان بیر قادین یوخدور.

#غادة_السمان
#شعر_اوجاغی
@SheirOcagi

▫️بیلیرسن سنین اصل سورونون نه‌دیر؟
سن، نه گلیرسن، نه گئدیرسن،
نه سنی اونوتماغیما ایذن وئریرسن،
نه ده ایسته‌دیگیم کیمی منیم اولورسان.

#غادة_السمان
#شعر_اوجاغی
@SheirOcagi

▫️داها چوخ بارماق ایسته‌ییرم،
هامیسی‌یلا سنی گؤسته‌ریب
«بو، منیم سئوگیلیم‌دیر» دئیه
باغیرماق اوچون.

#غادة_السمان
#شعر_اوجاغی
@SheirOcagi

▫️ائی دنیز فنری کیمی اوزاق!
ائی کؤکسومده بیر خال کیمی یاخین!
ائی اوشاقلیق خاطیره‌سی کیمی اوزاق!
ائی نفَسلر و دوشونجه‌لریم قدر یاخین!
سئویرم سنی.

#غادة_السمان
#شعر_اوجاغی
@SheirOcagi

▫️گئجه‌مدن گئت،
یارامدان چیخ،
قوی یاتیم!

#غادة‌_السمان
#شعر_اوجاغی
@SheirOcagi

▫️من سنله‌یم،
سن منله‌سن،
آما بیرلیکده دئییلیک.
آیریلیق بودور.

#غادة‌_السمان
#شعر_اوجاغی
@SheirOcagi